श्रीरामचरितमानस

२2 ▶ सुनें सो सुनि तिय रिस गयउ सुखाई। देखहु काम प्रताप बड़ाई ॥ सूल कुलिस असि अँगवनिहारे। ते रतिनाथ सुमन सर मारे ॥

so suni tiya risa gayau sukhāī dekhahu kāma pratāpa baṛāī | sūla kulisa asi am̐gavanihāre te ratinātha sumana sara māre ||

३3 ▶ सुनें सभय नरेसु प्रिया पहिं गयऊ। देखि दसा दुखु दारुन भयऊ ॥ भूमि सयन पटु मोट पुराना। दिए डारि तन भूषण नाना ॥

sabhaya naresu priyā pahiṃ gayaū dekhi dasā dukhu dāruna bhayaū | bhūmi sayana paṭu moṭa purānā die ḍāri tana bhūṣaṇa nānā ||

४4 ▶ सुनें कुमतिहि कसि कुबेषता फाबी। अन अहिवातु सूच जनु भाबी ॥ जाइ निकट नृपु कह मृदु बानी। प्रानप्रिया केहि हेतु रिसानी ॥

kumatihi kasi kubeṣatā phābī ana ahivātu sūca janu bhābī | jāi nikaṭa nṛpu kaha mṛdu bānī prānapriyā kehi hetu risānī ||

छंद १छंद 1 ▶ सुनें केहि हेतु रानि रिसानि परसत पानि पतिहि नेवारई। मानहुँ सरोष भुअंग भामिनि बिषम भाँति निहारई ॥ दोउ बासना रसना दसन बर मरम ठाहरु देखई। तुलसी नृपति भवतब्यता बस काम कौतुक लेखई ॥

kehi hetu rāni risāni parasata pāni patihi nevāraī | mānahum̐ saroṣa bhuaṃga bhāmini biṣama bhām̐ti nihāraī | dou bāsanā rasanā dasana bara marama ṭhāharu dekhaī | tulasī nṛpati bhavatabyatā basa kāma kautuka lekhaī ||

सोरठा २५सोरठा 25 ▶ सुनें बार बार कह राउ सुमुखि सुलोचिनि पिकबचनि। कारन मोहि सुनाउ गजगामिनि निज कोप कर ॥ २५ ॥

bāra bāra kaha rāu sumukhi sulocini pikabacani | kārana mohi sunāu gajagāmini nija kopa kara ||