श्रीरामचरितमानस

१1 तेहि बधब हम निज पानि। फिरे मरन मन महुँ ठानि ॥ आयुध अनेक प्रकार। सनमुख ते करहिं प्रहार ॥

tehi badhaba hama nija pāni phire marana mana mahum̐ ṭhāni | āyudha aneka prakāra sanamukha te karahiṃ prahāra ||

२2 रिपु परम कोपे जानि। प्रभु धनुष सर संधानि ॥ छाँड़े बिपुल नाराच। लगे कटन बिकट पिसाच ॥

ripu parama kope jāni prabhu dhanuṣa sara saṃdhāni | chām̐ṛe bipula nārāca lage kaṭana bikaṭa pisāca ||

३3 उर सीस भुज कर चरन। जहँ तहँ लगे महि परन ॥ चिक्करत लागत बान। धर परत कुधर समान ॥

ura sīsa bhuja kara carana jaham̐ taham̐ lage mahi parana | cikkarata lāgata bāna dhara parata kudhara samāna ||

४4 भट कटत तन सत खंड। पुनि उठत करि पाषंड ॥ नभ उड़त बहु भुज मुंड। बिनु मौलि धावत रुंड ॥

bhaṭa kaṭata tana sata khaṃḍa puni uṭhata kari pāṣaṃḍa | nabha uṛata bahu bhuja muṃḍa binu mauli dhāvata ruṃḍa ||

५5 खग कंक काक सृगाल। कटकटहिं कठिन कराल ॥

khaga kaṃka kāka sṛgāla kaṭakaṭahiṃ kaṭhina karāla ||

छंद २छंद 2 कटकटहिं जंबुक भूत प्रेत पिसाच खर्पर संचहीं। बेताल बीर कपाल ताल बजाइ जोगिनि नंचहीं ॥ रघुबीर बान प्रचंड खंडहिं भटन्ह के उर भुज सिरा। जहँ तहँ परहिं उठि लरहिं धर धरु धरु करहिं भयंकर गिरा ॥

kaṭakaṭahiṃ jaṃbuka bhūta preta pisāca kharpara saṃcahīṃ | betāla bīra kapāla tāla bajāi jogini naṃcahīṃ | raghubīra bāna pracaṃḍa khaṃḍahiṃ bhaṭanha ke ura bhuja sirā | jaham̐ taham̐ parahiṃ uṭhi larahiṃ dhara dharu dharu karahiṃ bhayaṃkara girā ||

६6 अंतावरीं गहि उड़त गीध पिसाच कर गहि धावहीं ॥ संग्राम पुर बासी मनहुँ बहु बाल गुड़ी उड़ावहीं ॥

aṃtāvarīṃ gahi uṛata gīdha pisāca kara gahi dhāvahīṃ | saṃgrāma pura bāsī manahum̐ bahu bāla guṛī uṛāvahīṃ ||

७7 मारे पछारे उर बिदारे बिपुल भट कहँरत परे। अवलोकि निज दल बिकल भट तिसिरादि खर दूषन फिरे ॥

māre pachāre ura bidāre bipula bhaṭa kaham̐rata pare | avaloki nija dala bikala bhaṭa tisirādi khara dūṣana phire ||

८8 सर सक्ति तोमर परसु सूल कृपान एकहि बारहीं। करि कोप श्रीरघुबीर पर अगनित निसाचर डारहीं ॥

sara sakti tomara parasu sūla kṛpāna ekahi bārahīṃ | kari kopa śrīraghubīra para aganita nisācara ḍārahīṃ ||

९9 प्रभु निमिष महुँ रिपु सर निवारि पचारि डारे सायका। दस दस बिसिख उर माझ मारे सकल निसिचर नायका ॥

prabhu nimiṣa mahum̐ ripu sara nivāri pacāri ḍāre sāyakā | dasa dasa bisikha ura mājha māre sakala nisicara nāyakā ||

१०10 महि परत उठि भट भिरत मरत न करत माया अति घनी। सुर डरत चौदह सहस प्रेत बिलोकि एक अवध धनी ॥

mahi parata uṭhi bhaṭa bhirata marata na karata māyā ati ghanī | sura ḍarata caudaha sahasa preta biloki eka avadha dhanī ||

११11 सुर मुनि सभय प्रभु देखि मायानाथ अति कौतुक कर्यो। देखहि परसपर राम करि संग्राम रिपुदल लरि मर्यो ॥

sura muni sabhaya prabhu dekhi māyānātha ati kautuka kar yo | dekhahi parasapara rāma kari saṃgrāma ripudala lari mar yo ||

दोहा २०(क)दोहा 20(क) राम राम कहि तनु तजहिं पावहिं पद निर्बान। करि उपाय रिपु मारे छन महुँ कृपानिधान ॥ २०(क) ॥

rāma rāma kahi tanu tajahiṃ pāvahiṃ pada nirbāna | kari upāya ripu māre chana mahum̐ kṛpānidhāna ||

दोहा २०(ख)दोहा 20(ख) हरषित बरषहिं सुमन सुर बाजहिं गगन निसान। अस्तुति करि करि सब चले सोभित बिबिध बिमान ॥ २०(ख) ॥

haraṣita baraṣahiṃ sumana sura bājahiṃ gagana nisāna | astuti kari kari saba cale sobhita bibidha bimāna ||