श्रीरामचरितमानस

२2 ▶ सुनें करेहु सदा संकर पद पूजा। नारिधरमु पति देउ न दूजा ॥ बचन कहत भरे लोचन बारी। बहुरि लाइ उर लीन्हि कुमारी ॥

karehu sadā saṃkara pada pūjā nāridharamu pati deu na dūjā | bacana kahata bhare locana bārī bahuri lāi ura līnhi kumārī ||

३3 ▶ सुनें कत बिधि सृजीं नारि जग माहीं। पराधीन सपनेहुँ सुखु नाहीं ॥ भै अति प्रेम बिकल महतारी। धीरजु कीन्ह कुसमय बिचारी ॥

kata bidhi sṛjīṃ nāri jaga māhīṃ parādhīna sapanehum̐ sukhu nāhīṃ | bhai ati prema bikala mahatārī dhīraju kīnha kusamaya bicārī ||

४4 ▶ सुनें पुनि पुनि मिलति परति गहि चरना। परम प्रेम कछु जाइ न बरना ॥ सब नारिन्ह मिलि भेटि भवानी। जाइ जननि उर पुनि लपटानी ॥

puni puni milati parati gahi caranā parama prema kachu jāi na baranā | saba nārinha mili bheṭi bhavānī jāi janani ura puni lapaṭānī ||

छंद १छंद 1 ▶ सुनें जननिहि बहुरि मिलि चली उचित असीस सब काहूँ दईं। फिरि फिरि बिलोकति मातु तन तब सखीं लै सिव पहिं गई ॥ जाचक सकल संतोषि संकरु उमा सहित भवन चले। सब अमर हरषे सुमन बरषि निसान नभ बाजे भले ॥

jananihi bahuri mili calī ucita asīsa saba kāhūm̐ daīṃ | phiri phiri bilokati mātu tana taba sakhīṃ lai siva pahiṃ gaī | jācaka sakala saṃtoṣi saṃkaru umā sahita bhavana cale | saba amara haraṣe sumana baraṣi nisāna nabha bāje bhale ||

दोहा १०२दोहा 102 ▶ सुनें चले संग हिमवंतु तब पहुँचावन अति हेतु। बिबिध भाँति परितोषु करि बिदा कीन्ह बृषकेतु ॥ १०२ ॥

cale saṃga himavaṃtu taba pahum̐cāvana ati hetu | bibidha bhām̐ti paritoṣu kari bidā kīnha bṛṣaketu ||