Īśvara to the Goddess · Mahāmṛtyuñjaya Kalpa

महामृत्युञ्जयकवचम् (त्र्यम्बकं मे शिरः पातु)

Mahamrityunjaya Kavacham (Tryambakam me shirah) — The kavaca that sets the words of the Tryambaka mantra on the body

A hymn of protection (Kavach) for the lord who conquers death. The Goddess asks for it; Īśvara says that even Mārkaṇḍeya became long-lived by wearing it, and that its deity is Mṛtyuñjaya, the husband of Parvati. Then, one after another, the words of the Tryambaka mantra and the names of Shiva are placed on the head, the forehead, the heart and the limbs, and on the directions, sleep, meals and travel. The last verses speak of what the kavaca gives, and of how it is to be kept.

Verse 1

श्रीदेव्युवाच — देवी ने कहा The Goddess said

भगवन् सर्वधर्मज्ञ सृष्टिस्थितिलयात्मक ।
मृत्युञ्जयस्य देवस्य कवचं मे प्रकाशय ॥ १ ॥

bhagavan sarvadharmajña sṛṣṭisthitilayātmaka
mṛtyuñjayasya devasya kavacaṃ me prakāśaya

Meaning open with adhikāra · अर्थ अधिकार से

Verse 2

श्रीईश्वर उवाच — ईश्वर ने कहा Īśvara said

शृणु देवि प्रवक्ष्यामि कवचं सर्वसिद्धिदम् ।
मार्कण्डेयोऽपि यद्धृत्वा चिरञ्जीवी व्यजायत ॥ २ ॥

śṛṇu devi pravakṣyāmi kavacaṃ sarvasiddhidam
mārkaṇḍeyo'pi yaddhṛtvā cirañjīvī vyajāyata

Meaning open with adhikāra · अर्थ अधिकार से

Verse 3

तथैव सर्वदिक्पाला अमरत्वमवाप्नुयुः ।
कवचस्य ऋषिर्ब्रह्मा छन्दोऽनुष्टुबुदाहृतम् ॥ ३ ॥

tathaiva sarvadikpālā amaratvamavāpnuyuḥ
kavacasya ṛṣirbrahmā chando'nuṣṭubudāhṛtam

Meaning open with adhikāra · अर्थ अधिकार से

Verse 4

मृत्युञ्जयः समुद्दिष्टो देवता पार्वतीपतिः ।
देहारोग्यबलायुष्ट्वे विनियोगः प्रकीर्तितः ॥ ४ ॥

mṛtyuñjayaḥ samuddiṣṭo devatā pārvatīpatiḥ
dehārogyabalāyuṣṭve viniyogaḥ prakīrtitaḥ

Meaning open with adhikāra · अर्थ अधिकार से

Verse 5

ॐ त्र्यम्बकं मे शिरः पातु ललाटं मे यजामहे ।
सुगन्धिं पातु हृदयं जठरं पुष्टिवर्धनम् ॥ ५ ॥

oṃ tryambakaṃ me śiraḥ pātu lalāṭaṃ me yajāmahe
sugandhiṃ pātu hṛdayaṃ jaṭharaṃ puṣṭivardhanam

Meaning open with adhikāra · अर्थ अधिकार से

Verse 6

नाभिमुर्वारुकमिव पातु मां पार्वतीपतिः ।
बन्धनादूरुयुग्मं मे पातु वामाङ्गशासनः ॥ ६ ॥

nābhimurvārukamiva pātu māṃ pārvatīpatiḥ
bandhanādūruyugmaṃ me pātu vāmāṅgaśāsanaḥ

Meaning open with adhikāra · अर्थ अधिकार से

Verse 7

मृत्योर्जानुयुगं पातु दक्षयज्ञविनाशनः ।
जङ्घायुग्मं च मुक्षीय पातु मां चन्द्रशेखरः ॥ ७ ॥

mṛtyorjānuyugaṃ pātu dakṣayajñavināśanaḥ
jaṅghāyugmaṃ ca mukṣīya pātu māṃ candraśekharaḥ

Meaning open with adhikāra · अर्थ अधिकार से

Verse 8

मामृताच्च पदद्वन्द्वं पातु सर्वेश्वरो हरः ।
अंसौ मे श्रीशिवः पातु नीलकण्ठश्च पार्श्वयोः ॥ ८ ॥

māmṛtācca padadvandvaṃ pātu sarveśvaro haraḥ
aṃsau me śrīśivaḥ pātu nīlakaṇṭhaśca pārśvayoḥ

Meaning open with adhikāra · अर्थ अधिकार से

Verse 9

ऊर्ध्वमेव सदा पातु सोमसूर्याग्निलोचनः ।
अधः पातु सदा शम्भुः सर्वापद्विनिवारणः ॥ ९ ॥

ūrdhvameva sadā pātu somasūryāgnilocanaḥ
adhaḥ pātu sadā śambhuḥ sarvāpadvinivāraṇaḥ

Meaning open with adhikāra · अर्थ अधिकार से

Verse 10

वारुण्यामर्धनारीशो वायव्यां पातु शङ्करः ।
कपर्दी पातु कौबेर्यामैशान्यामीश्वरोऽवतु ॥ १० ॥

vāruṇyāmardhanārīśo vāyavyāṃ pātu śaṅkaraḥ
kapardī pātu kauberyāmaiśānyāmīśvaro'vatu

Meaning open with adhikāra · अर्थ अधिकार से

Verse 11

ईशानः सलिले पायादघोरः पातु कानने ।
अन्तरिक्षे वामदेवः पायात्तत्पुरुषो भुवि ॥ ११ ॥

īśānaḥ salile pāyādaghoraḥ pātu kānane
antarikṣe vāmadevaḥ pāyāttatpuruṣo bhuvi

Meaning open with adhikāra · अर्थ अधिकार से

Verse 12

श्रीकण्ठः शयने पातु भोजने नीललोहितः ।
गमने त्र्यम्बकः पातु सर्वकार्येषु भूपतिः ॥ १२ ॥

śrīkaṇṭhaḥ śayane pātu bhojane nīlalohitaḥ
gamane tryambakaḥ pātu sarvakāryeṣu bhūpatiḥ

Meaning open with adhikāra · अर्थ अधिकार से

Verse 13

सर्वत्र सर्वदेहं मे सदा मृत्युञ्जयोऽवतु ।
इति ते कथितं दिव्यं कवचं सर्वकामदम् ॥ १३ ॥

sarvatra sarvadehaṃ me sadā mṛtyuñjayo'vatu
iti te kathitaṃ divyaṃ kavacaṃ sarvakāmadam

Meaning open with adhikāra · अर्थ अधिकार से

Verse 14

सर्वरक्षाकरं सर्वग्रहपीडानिवारणम् ।
दुःस्वप्ननाशनं पुण्यमायुरारोग्यदायकम् ॥ १४ ॥

sarvarakṣākaraṃ sarvagrahapīḍānivāraṇam
duḥsvapnanāśanaṃ puṇyamāyurārogyadāyakam

Meaning open with adhikāra · अर्थ अधिकार से

Verse 15

त्रिसन्ध्यं यः पठेदेतन्मृत्युस्तस्य न विद्यते ।
लिखितं भूर्जपत्रे तु य इदं मे व्यधारयेत् ॥ १५ ॥

trisandhyaṃ yaḥ paṭhedetanmṛtyustasya na vidyate
likhitaṃ bhūrjapatre tu ya idaṃ me vyadhārayet

Meaning open with adhikāra · अर्थ अधिकार से

Verse 16

तं दृष्ट्वैव पलायन्ते भूतप्रेतपिशाचकाः ।
डाकिन्यश्चैव योगिन्यः सिद्धगन्धर्वराक्षसाः ॥ १६ ॥

taṃ dṛṣṭvaiva palāyante bhūtapretapiśācakāḥ
ḍākinyaścaiva yoginyaḥ siddhagandharvarākṣasāḥ

Meaning open with adhikāra · अर्थ अधिकार से

Verse 17

बालग्रहादिदोषा हि नश्यन्ति तस्य दर्शनात् ।
उपग्रहाश्चैव मारीभयं चौराभिचारिणः ॥ १७ ॥

bālagrahādidoṣā hi naśyanti tasya darśanāt
upagrahāścaiva mārībhayaṃ caurābhicāriṇaḥ

Meaning open with adhikāra · अर्थ अधिकार से

Verse 18

इदं कवचमायुष्यं कथितं तव सुन्दरि ।
न दातव्यं प्रयत्नेन न प्रकाश्यं कदाचन ॥ १८ ॥

idaṃ kavacamāyuṣyaṃ kathitaṃ tava sundari
na dātavyaṃ prayatnena na prakāśyaṃ kadācana

Meaning open with adhikāra · अर्थ अधिकार से

इति महामृत्युञ्जयकवचं सम्पूर्णम् ॥

Terms on this page

Viniyoga विनियोग A standard formula recited before a mantra, naming its sage, meter, presiding deities, and the reciter's specific intent.
Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Mahamrityunjay Mantra महामृत्युंजय मंत्र The "great death-conquering" mantra to Shiva, recited for healing and protection from untimely death.
Akala Mrityu अकाल मृत्यु An untimely or unnatural death — for which Narayana Bali is performed to assist the deceased's transition and relieve the resulting ancestral affliction.
Anushtubh अनुष्टुभ् The most widely used meter in stutis, chanted in rhythmic units of eight syllables — the predominant meter of Shri Durga Saptashati; distorting it, even for emotional effect, corrupts the meaning and the fruit of recitation.
Parvati पार्वती The daughter of the mountain and consort of Shiva; the questioner to whom much of tantra is expounded.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras