श्रीरामचरितमानस

२2 तब हनुमंत नगर महुँ आए। सुनि निसिचरी निसाचर धाए ॥ बहु प्रकार तिन्ह पूजा कीन्ही। जनकसुता देखाइ पुनि दीन्ही ॥

taba hanumaṃta nagara mahum̐ āe suni nisicarī nisācara dhāe | bahu prakāra tinha pūjā kīnhī janakasutā dekhāi puni dīnhī ||

३3 दूरहि ते प्रनाम कपि कीन्हा। रघुपति दूत जानकीं चीन्हा ॥ कहहु तात प्रभु कृपानिकेता। कुसल अनुज कपि सेन समेता ॥

dūrahi te pranāma kapi kīnhā raghupati dūta jānakīṃ cīnhā | kahahu tāta prabhu kṛpāniketā kusala anuja kapi sena sametā ||

४4 सब बिधि कुसल कोसलाधीसा। मातु समर जीत्यो दससीसा ॥ अबिचल राजु बिभीषन पायो। सुनि कपि बचन हरष उर छायो ॥

saba bidhi kusala kosalādhīsā mātu samara jītyo dasasīsā | abicala rāju bibhīṣana pāyo suni kapi bacana haraṣa ura chāyo ||

छंद १छंद 1 अति हरष मन तन पुलक लोचन सजल कह पुनि पुनि रमा। का देउँ तोहि त्रेलोक महुँ कपि किमपि नहिं बानी समा ॥ सुनु मातु मैं पायो अखिल जग राजु आजु न संसयं। रन जीति रिपुदल बंधु जुत पस्यामि राममनामयं ॥

ati haraṣa mana tana pulaka locana sajala kaha puni puni ramā | kā deum̐ tohi treloka mahum̐ kapi kimapi nahiṃ bānī samā | sunu mātu maiṃ pāyo akhila jaga rāju āju na saṃsayaṃ | rana jīti ripudala baṃdhu juta pasyāmi rāmamanāmayaṃ ||

दोहा १०७दोहा 107 सुनु सुत सदगुन सकल तव हृदयँ बसहुँ हनुमंत। सानुकूल कोसलपति रहहुँ समेत अनंत ॥ १०७ ॥

sunu suta sadaguna sakala tava hṛdayam̐ basahum̐ hanumaṃta | sānukūla kosalapati rahahum̐ sameta anaṃta ||