श्रीरामचरितमानस

२2 ▶ सुनें नाहिन रामु राज के भूखे। धरम धुरीन बिषय रस रूखे ॥ गुर गृह बसहुँ रामु तजि गेहू। नृप सन अस बरु दूसर लेहू ॥

nāhina rāmu rāja ke bhūkhe dharama dhurīna biṣaya rasa rūkhe | gura gṛha basahum̐ rāmu taji gehū nṛpa sana asa baru dūsara lehū ||

३3 ▶ सुनें जौं नहिं लगिहहु कहें हमारे। नहिं लागिहि कछु हाथ तुम्हारे ॥ जौं परिहास कीन्हि कछु होई। तौ कहि प्रगट जनावहु सोई ॥

jauṃ nahiṃ lagihahu kaheṃ hamāre nahiṃ lāgihi kachu hātha tumhāre | jauṃ parihāsa kīnhi kachu hoī tau kahi pragaṭa janāvahu soī ||

४4 ▶ सुनें राम सरिस सुत कानन जोगू। काह कहिहि सुनि तुम्ह कहुँ लोगू ॥ उठहु बेगि सोइ करहु उपाई। जेहि बिधि सोकु कलंकु नसाई ॥

rāma sarisa suta kānana jogū kāha kahihi suni tumha kahum̐ logū | uṭhahu begi soi karahu upāī jehi bidhi soku kalaṃku nasāī ||

छंद १छंद 1 ▶ सुनें जेहि भाँति सोकु कलंकु जाइ उपाय करि कुल पालही। हठि फेरु रामहि जात बन जनि बात दूसरि चालही ॥ जिमि भानु बिनु दिनु प्रान बिनु तनु चंद बिनु जिमि जामिनी। तिमि अवध तुलसीदास प्रभु बिनु समुझि धौं जियँ भामिनी ॥

jehi bhām̐ti soku kalaṃku jāi upāya kari kula pālahī | haṭhi pheru rāmahi jāta bana jani bāta dūsari cālahī | jimi bhānu binu dinu prāna binu tanu caṃda binu jimi jāminī | timi avadha tulasīdāsa prabhu binu samujhi dhauṃ jiyam̐ bhāminī ||

सोरठा ५०सोरठा 50 ▶ सुनें सखिन्ह सिखावनु दीन्ह सुनत मधुर परिनाम हित। तेइँ कछु कान न कीन्ह कुटिल प्रबोधी कूबरी ॥ ५० ॥

sakhinha sikhāvanu dīnha sunata madhura parināma hita | teim̐ kachu kāna na kīnha kuṭila prabodhī kūbarī ||