Rudrayāmala · Himavat Khaṇḍa

दत्तात्रेयवज्रकवचम्

Dattatreya Vajra Kavacham (Rudrayamala) — The thunderbolt armour of Dattātreya, told by Śiva to Pārvatī

A Kavach of Dattatreya from the Rudrayāmala. Vyāsa tells the sages how Shiva once showed Parvati a hunter in the Vindhya forest who feared neither tiger nor harm, and how the sage Dalādana called Dattātreya to mind and was given the armour. After a dhyāna of the sky-clad yogi, the armour calls on his forms to guard the head, the face, the chest, the six wheels along the spine, the limbs and the eight directions. The last verses say what a thousand, ten thousand or a hundred thousand recitations bring, and where and how it is to be recited.

Verse o1

ऋषय ऊचुः — ऋषि बोले The sages said

कथं सङ्कल्पसिद्धिः स्याद्वेदव्यास कलौ युगे ।
धर्मार्थकाममोक्षाणां साधनं किमुदाहृतम् ॥ १ ॥

kathaṃ saṅkalpasiddhiḥ syādvedavyāsa kalau yuge
dharmārthakāmamokṣāṇāṃ sādhanaṃ kimudāhṛtam

Meaning open with adhikāra · अर्थ अधिकार से

Verse o2

व्यास उवाच — व्यास बोले Vyāsa said

शृण्वन्तु ऋषयः सर्वे शीघ्रं सङ्कल्पसाधनम् ।
सकृदुच्चारमात्रेण भोगमोक्षप्रदायकम् ॥ २ ॥

śṛṇvantu ṛṣayaḥ sarve śīghraṃ saṅkalpasādhanam
sakṛduccāramātreṇa bhogamokṣapradāyakam

Meaning open with adhikāra · अर्थ अधिकार से

Verse o3

गौरीशृङ्गे हिमवतः कल्पवृक्षोपशोभितम् ।
दीप्ते दिव्यमहारत्नहेममण्डपमध्यगम् ॥ ३ ॥

gaurīśṛṅge himavataḥ kalpavṛkṣopaśobhitam
dīpte divyamahāratnahemamaṇḍapamadhyagam

Meaning open with adhikāra · अर्थ अधिकार से

Verse o4

रत्नसिंहासनासीनं प्रसन्नं परमेश्वरम् ।
मन्दस्मितमुखाम्भोजं शङ्करं प्राह पार्वती ॥ ४ ॥

ratnasiṃhāsanāsīnaṃ prasannaṃ parameśvaram
mandasmitamukhāmbhojaṃ śaṅkaraṃ prāha pārvatī

Meaning open with adhikāra · अर्थ अधिकार से

Verse o5

श्रीदेव्युवाच — देवी बोलीं The Goddess said

देवदेव महादेव लोकशङ्कर शङ्कर ।
मन्त्रजालानि सर्वाणि यन्त्रजालानि कृत्स्नशः ॥ ५ ॥

devadeva mahādeva lokaśaṅkara śaṅkara
mantrajālāni sarvāṇi yantrajālāni kṛtsnaśaḥ

Meaning open with adhikāra · अर्थ अधिकार से

Verse o6

तन्त्रजालान्यनेकानि मया त्वत्तः श्रुतानि वै ।
इदानीं द्रष्टुमिच्छामि विशेषेण महीतलम् ॥ ६ ॥

tantrajālānyanekāni mayā tvattaḥ śrutāni vai
idānīṃ draṣṭumicchāmi viśeṣeṇa mahītalam

Meaning open with adhikāra · अर्थ अधिकार से

Verse o7

इत्युदीरितमाकर्ण्य पार्वत्या परमेश्वरः ।
करेणामृज्य सन्तोषात्पार्वतीं प्रत्यभाषत ॥ ७ ॥

ityudīritamākarṇya pārvatyā parameśvaraḥ
kareṇāmṛjya santoṣātpārvatīṃ pratyabhāṣata

Meaning open with adhikāra · अर्थ अधिकार से

Verse o8

मयेदानीं त्वया सार्धं वृषमारुह्य गम्यते ।
इत्युक्त्वा वृषमारुह्य पार्वत्या सह शङ्करः ॥ ८ ॥

mayedānīṃ tvayā sārdhaṃ vṛṣamāruhya gamyate
ityuktvā vṛṣamāruhya pārvatyā saha śaṅkaraḥ

Meaning open with adhikāra · अर्थ अधिकार से

Verse o9

ययौ भूमण्डलं द्रष्टुं गौर्याश्चित्राणि दर्शयन् ।
क्वचिद्विन्ध्याचलप्रान्ते महारण्ये सुदुर्गमे ॥ ९ ॥

yayau bhūmaṇḍalaṃ draṣṭuṃ gauryāścitrāṇi darśayan
kvacidvindhyācalaprānte mahāraṇye sudurgame

Meaning open with adhikāra · अर्थ अधिकार से

Verse o10

तत्र व्याहर्तुमायान्तं भिल्लं परशुधारिणम् ।
वध्यमानं महाव्याघ्रं नखदंष्ट्राभिरावृतम् ॥ १० ॥

tatra vyāhartumāyāntaṃ bhillaṃ paraśudhāriṇam
vadhyamānaṃ mahāvyāghraṃ nakhadaṃṣṭrābhirāvṛtam

Meaning open with adhikāra · अर्थ अधिकार से

Verse o11

अतीव चित्रचारित्र्यं वज्रकायसमायुतम् ।
अप्रयत्नमनायासमखिलं सुखमास्थितम् ॥ ११ ॥

atīva citracāritryaṃ vajrakāyasamāyutam
aprayatnamanāyāsamakhilaṃ sukhamāsthitam

Meaning open with adhikāra · अर्थ अधिकार से

Verse o12

पलायन्तं मृगं पश्चाद्व्याघ्रो भीत्या पलायितः ।
एतदाश्चर्यमालोक्य पार्वती प्राह शङ्करम् ॥ १२ ॥

palāyantaṃ mṛgaṃ paścādvyāghro bhītyā palāyitaḥ
etadāścaryamālokya pārvatī prāha śaṅkaram

Meaning open with adhikāra · अर्थ अधिकार से

Verse o13

श्रीपार्वत्युवाच — पार्वती बोलीं Pārvatī said

किमाश्चर्यं किमाश्चर्यमग्रे शम्भो निरीक्ष्यताम् ।
इत्युक्तः स ततः शम्भुर्दृष्ट्वा प्राह पुराणवित् ॥ १३ ॥

kimāścaryaṃ kimāścaryamagre śambho nirīkṣyatām
ityuktaḥ sa tataḥ śambhurdṛṣṭvā prāha purāṇavit

Meaning open with adhikāra · अर्थ अधिकार से

Verse o14

श्रीशङ्कर उवाच — शंकर बोले Śaṅkara said

गौरि वक्ष्यामि ते चित्रमवाङ्मानसगोचरम् ।
अदृष्टपूर्वमस्माभिर्नास्ति किञ्चिन्न कुत्रचित् ॥ १४ ॥

gauri vakṣyāmi te citramavāṅmānasagocaram
adṛṣṭapūrvamasmābhirnāsti kiñcinna kutracit

Meaning open with adhikāra · अर्थ अधिकार से

Verse o15

मया सम्यक् समासेन वक्ष्यते शृणु पार्वति ।
अयं दूरश्रवा नाम भिल्लः परमधार्मिकः ॥ १५ ॥

mayā samyak samāsena vakṣyate śṛṇu pārvati
ayaṃ dūraśravā nāma bhillaḥ paramadhārmikaḥ

Meaning open with adhikāra · अर्थ अधिकार से

Verse o16

समित्कुशप्रसूनानि कन्दमूलफलादिकम् ।
प्रत्यहं विपिनं गत्वा समादाय प्रयासतः ॥ १६ ॥

samitkuśaprasūnāni kandamūlaphalādikam
pratyahaṃ vipinaṃ gatvā samādāya prayāsataḥ

Meaning open with adhikāra · अर्थ अधिकार से

Verse o17

प्रिये पूर्वं मुनीन्द्रेभ्यः प्रयच्छति न वाञ्छति ।
तेऽपि तस्मिन्नपि दयां कुर्वते सर्वमौनिनः ॥ १७ ॥

priye pūrvaṃ munīndrebhyaḥ prayacchati na vāñchati
te'pi tasminnapi dayāṃ kurvate sarvamauninaḥ

Meaning open with adhikāra · अर्थ अधिकार से

Verse o18

दलादनो महायोगी वसन्नेव निजाश्रमे ।
कदाचिदस्मरत् सिद्धं दत्तात्रेयं दिगम्बरम् ॥ १८ ॥

dalādano mahāyogī vasanneva nijāśrame
kadācidasmarat siddhaṃ dattātreyaṃ digambaram

Meaning open with adhikāra · अर्थ अधिकार से

Verse o19

दत्तात्रेयः स्मर्तृगामी चेतिहासं परीक्षितुम् ।
तत्क्षणात्सोऽपि योगीन्द्रो दत्तात्रेयः समुत्थितः ॥ १९ ॥

dattātreyaḥ smartṛgāmī cetihāsaṃ parīkṣitum
tatkṣaṇātso'pi yogīndro dattātreyaḥ samutthitaḥ

Meaning open with adhikāra · अर्थ अधिकार से

Verse o20

तं दृष्ट्वाऽऽश्चर्यतोषाभ्यां दलादनमहामुनिः ।
सम्पूज्याग्रे निषीदन्तं दत्तात्रेयमुवाच तम् ॥ २० ॥

taṃ dṛṣṭvā''ścaryatoṣābhyāṃ dalādanamahāmuniḥ
sampūjyāgre niṣīdantaṃ dattātreyamuvāca tam

Meaning open with adhikāra · अर्थ अधिकार से

Verse o21

मयोपहूतः सम्प्राप्तो दत्तात्रेय महामुने ।
स्मर्तृगामी त्वमित्येतत् किंवदन्तीं परीक्षितुम् ॥ २१ ॥

mayopahūtaḥ samprāpto dattātreya mahāmune
smartṛgāmī tvamityetat kiṃvadantīṃ parīkṣitum

Meaning open with adhikāra · अर्थ अधिकार से

Verse o22

मयाद्य संस्मृतोऽसि त्वमपराधं क्षमस्व मे ।
दत्तात्रेयो मुनिं प्राह मम प्रकृतिरीदृशी ॥ २२ ॥

mayādya saṃsmṛto'si tvamaparādhaṃ kṣamasva me
dattātreyo muniṃ prāha mama prakṛtirīdṛśī

Meaning open with adhikāra · अर्थ अधिकार से

Verse o23

अभक्त्या वा सुभक्त्या वा यः स्मरेन्मामनन्यधीः ।
तदानीं तमुपागत्य ददामि तदभीप्सितम् ॥ २३ ॥

abhaktyā vā subhaktyā vā yaḥ smarenmāmananyadhīḥ
tadānīṃ tamupāgatya dadāmi tadabhīpsitam

Meaning open with adhikāra · अर्थ अधिकार से

Verse o24

दत्तात्रेयो मुनिं प्राह दलादनमुनीश्वरम् ।
यदिष्टं तद्वृणीष्व त्वं यत् प्राप्तोऽहं त्वया स्मृतः ॥ २४ ॥

dattātreyo muniṃ prāha dalādanamunīśvaram
yadiṣṭaṃ tadvṛṇīṣva tvaṃ yat prāpto'haṃ tvayā smṛtaḥ

Meaning open with adhikāra · अर्थ अधिकार से

Verse o25

दत्तात्रेयं मुनिः प्राह मया किमपि नोच्यते ।
त्वच्चित्ते यत्स्थितं तन्मे प्रयच्छ मुनिपुङ्गव ॥ २५ ॥

dattātreyaṃ muniḥ prāha mayā kimapi nocyate
tvaccitte yatsthitaṃ tanme prayaccha munipuṅgava

Meaning open with adhikāra · अर्थ अधिकार से

Verse o26

श्रीदत्तात्रेय उवाच — दत्तात्रेय बोले Dattātreya said

ममास्ति वज्रकवचं गृहाणेत्यवदन्मुनिम् ।
तथेत्यङ्गीकृतवते दलादनमुनये मुनिः ॥ २६ ॥

mamāsti vajrakavacaṃ gṛhāṇetyavadanmunim
tathetyaṅgīkṛtavate dalādanamunaye muniḥ

Meaning open with adhikāra · अर्थ अधिकार से

Verse o27

स्ववज्रकवचं प्राह ऋषिच्छन्दःपुरःसरम् ।
न्यासं ध्यानं फलं तत्र प्रयोजनमशेषतः ॥ २७ ॥

svavajrakavacaṃ prāha ṛṣicchandaḥpuraḥsaram
nyāsaṃ dhyānaṃ phalaṃ tatra prayojanamaśeṣataḥ

Meaning open with adhikāra · अर्थ अधिकार से

ध्यानम्Dhyāna

Verse dh1

जगदङ्कुरकन्दाय सच्चिदानन्दमूर्तये ।
दत्तात्रेयाय योगीन्द्रचन्द्राय परमात्मने ॥ १ ॥

jagadaṅkurakandāya saccidānandamūrtaye
dattātreyāya yogīndracandrāya paramātmane

Meaning open with adhikāra · अर्थ अधिकार से

Verse dh2

कदा योगी कदा भोगी कदा नग्नः पिशाचवत् ।
दत्तात्रेयो हरिः साक्षाद्भुक्तिमुक्तिप्रदायकः ॥ २ ॥

kadā yogī kadā bhogī kadā nagnaḥ piśācavat
dattātreyo hariḥ sākṣādbhuktimuktipradāyakaḥ

Meaning open with adhikāra · अर्थ अधिकार से

Verse dh3

वाराणसीपुरस्नायी कोल्हापुरजपादरः ।
माहुरीपुरभिक्षाशी सह्यशायी दिगम्बरः ॥ ३ ॥

vārāṇasīpurasnāyī kolhāpurajapādaraḥ
māhurīpurabhikṣāśī sahyaśāyī digambaraḥ

Meaning open with adhikāra · अर्थ अधिकार से

Verse dh4

इन्द्रनीलसमाकारश्चन्द्रकान्तिसमद्युतिः ।
वैडूर्यसदृशस्फूर्तिश्चलत्किञ्चिज्जटाधरः ॥ ४ ॥

indranīlasamākāraścandrakāntisamadyutiḥ
vaiḍūryasadṛśasphūrtiścalatkiñcijjaṭādharaḥ

Meaning open with adhikāra · अर्थ अधिकार से

Verse dh5

स्निग्धधावल्ययुक्ताक्षोऽत्यन्तनीलकनीनिकः ।
भ्रूवक्षःश्मश्रुनीलाङ्कः शशाङ्कसदृशाननः ॥ ५ ॥

snigdhadhāvalyayuktākṣo'tyantanīlakanīnikaḥ
bhrūvakṣaḥśmaśrunīlāṅkaḥ śaśāṅkasadṛśānanaḥ

Meaning open with adhikāra · अर्थ अधिकार से

Verse dh6

हासनिर्जितनीहारः कण्ठनिर्जितकम्बुकः ।
मांसलांसो दीर्घबाहुः पाणिनिर्जितपल्लवः ॥ ६ ॥

hāsanirjitanīhāraḥ kaṇṭhanirjitakambukaḥ
māṃsalāṃso dīrghabāhuḥ pāṇinirjitapallavaḥ

Meaning open with adhikāra · अर्थ अधिकार से

Verse dh7

विशालपीनवक्षाश्च ताम्रपाणिर्दलोदरः ।
पृथुलश्रोणिललितो विशालजघनस्थलः ॥ ७ ॥

viśālapīnavakṣāśca tāmrapāṇirdalodaraḥ
pṛthulaśroṇilalito viśālajaghanasthalaḥ

Meaning open with adhikāra · अर्थ अधिकार से

Verse dh8

रम्भास्तम्भोपमानोरुर्जानुपूर्वैकजङ्घकः ।
गूढगुल्फः कूर्मपृष्ठोलसत्पादोपरिस्थलः ॥ ८ ॥

rambhāstambhopamānorurjānupūrvaikajaṅghakaḥ
gūḍhagulphaḥ kūrmapṛṣṭholasatpādoparisthalaḥ

Meaning open with adhikāra · अर्थ अधिकार से

Verse dh9

रक्तारविन्दसदृशरमणीयपदाधरः ।
चर्माम्बरधरो योगी स्मर्तृगामी क्षणे क्षणे ॥ ९ ॥

raktāravindasadṛśaramaṇīyapadādharaḥ
carmāmbaradharo yogī smartṛgāmī kṣaṇe kṣaṇe

Meaning open with adhikāra · अर्थ अधिकार से

Verse dh10

ज्ञानोपदेशनिरतो विपद्धरणदीक्षितः ।
सिद्धासनसमासीन ऋजुकायो हसन्मुखः ॥ १० ॥

jñānopadeśanirato vipaddharaṇadīkṣitaḥ
siddhāsanasamāsīna ṛjukāyo hasanmukhaḥ

Meaning open with adhikāra · अर्थ अधिकार से

Verse dh11

वामहस्तेन वरदो दक्षिणेनाभयङ्करः ।
बालोन्मत्तपिशाचीभिः क्वचिद्युक्तः परीक्षितः ॥ ११ ॥

vāmahastena varado dakṣiṇenābhayaṅkaraḥ
bālonmattapiśācībhiḥ kvacidyuktaḥ parīkṣitaḥ

Meaning open with adhikāra · अर्थ अधिकार से

Verse dh12

त्यागी भोगी महायोगी नित्यानन्दो निरञ्जनः ।
सर्वरूपी सर्वदाता सर्वगः सर्वकामदः ॥ १२ ॥

tyāgī bhogī mahāyogī nityānando nirañjanaḥ
sarvarūpī sarvadātā sarvagaḥ sarvakāmadaḥ

Meaning open with adhikāra · अर्थ अधिकार से

Verse dh13

भस्मोद्धूलितसर्वाङ्गो महापातकनाशनः ।
भुक्तिप्रदो मुक्तिदाता जीवन्मुक्तो न संशयः ॥ १३ ॥

bhasmoddhūlitasarvāṅgo mahāpātakanāśanaḥ
bhuktiprado muktidātā jīvanmukto na saṃśayaḥ

Meaning open with adhikāra · अर्थ अधिकार से

Verse dh14

एवं ध्यात्वाऽनन्यचित्तो मद्वज्रकवचं पठेत् ।
मामेव पश्यन्सर्वत्र स मया सह सञ्चरेत् ॥ १४ ॥

evaṃ dhyātvā'nanyacitto madvajrakavacaṃ paṭhet
māmeva paśyansarvatra sa mayā saha sañcaret

Meaning open with adhikāra · अर्थ अधिकार से

Verse dh15

दिगम्बरं भस्मसुगन्धलेपनं चक्रं त्रिशूलं डमरुं गदायुधम् ।
पद्मासनं योगिमुनीन्द्रवन्दितं दत्तेति नामस्मरणेन नित्यम् ॥ १५ ॥

digambaraṃ bhasmasugandhalepanaṃ cakraṃ triśūlaṃ ḍamaruṃ gadāyudham
padmāsanaṃ yogimunīndravanditaṃ datteti nāmasmaraṇena nityam

Meaning open with adhikāra · अर्थ अधिकार से

कवचम्The kavaca

Verse k1

ॐ दत्तात्रेयः शिरः पातु सहस्राब्जेषु संस्थितः ।
भालं पात्वानसूयेयश्चन्द्रमण्डलमध्यगः ॥ १ ॥

oṃ dattātreyaḥ śiraḥ pātu sahasrābjeṣu saṃsthitaḥ
bhālaṃ pātvānasūyeyaścandramaṇḍalamadhyagaḥ

Meaning open with adhikāra · अर्थ अधिकार से

Verse k2

कूर्चं मनोमयः पातु हं क्षं द्विदलपद्मभूः ।
ज्योतिरूपोऽक्षिणी पातु पातु शब्दात्मकः श्रुती ॥ २ ॥

kūrcaṃ manomayaḥ pātu haṃ kṣaṃ dvidalapadmabhūḥ
jyotirūpo'kṣiṇī pātu pātu śabdātmakaḥ śrutī

Meaning open with adhikāra · अर्थ अधिकार से

Verse k3

नासिकां पातु गन्धात्मा मुखं पातु रसात्मकः ।
जिह्वां वेदात्मकः पातु दन्तोष्ठौ पातु धार्मिकः ॥ ३ ॥

nāsikāṃ pātu gandhātmā mukhaṃ pātu rasātmakaḥ
jihvāṃ vedātmakaḥ pātu dantoṣṭhau pātu dhārmikaḥ

Meaning open with adhikāra · अर्थ अधिकार से

Verse k4

कपोलावत्रिभूः पातु पात्वशेषं ममात्मवित् ।
स्वरात्मा षोडशाराब्जस्थितः स्वात्माऽवताद्गलम् ॥ ४ ॥

kapolāvatribhūḥ pātu pātvaśeṣaṃ mamātmavit
svarātmā ṣoḍaśārābjasthitaḥ svātmā'vatādgalam

Meaning open with adhikāra · अर्थ अधिकार से

Verse k5

स्कन्धौ चन्द्रानुजः पातु भुजौ पातु कृतादिभूः ।
जत्रुणी शत्रुजित् पातु पातु वक्षःस्थलं हरिः ॥ ५ ॥

skandhau candrānujaḥ pātu bhujau pātu kṛtādibhūḥ
jatruṇī śatrujit pātu pātu vakṣaḥsthalaṃ hariḥ

Meaning open with adhikāra · अर्थ अधिकार से

Verse k6

कादिठान्तद्वादशारपद्मगो मरुदात्मकः ।
योगीश्वरेश्वरः पातु हृदयं हृदयस्थितः ॥ ६ ॥

kādiṭhāntadvādaśārapadmago marudātmakaḥ
yogīśvareśvaraḥ pātu hṛdayaṃ hṛdayasthitaḥ

Meaning open with adhikāra · अर्थ अधिकार से

Verse k7

पार्श्वे हरिः पार्श्ववर्ती पातु पार्श्वस्थितः स्मृतः ।
हठयोगादियोगज्ञः कुक्षिं पातु कृपानिधिः ॥ ७ ॥

pārśve hariḥ pārśvavartī pātu pārśvasthitaḥ smṛtaḥ
haṭhayogādiyogajñaḥ kukṣiṃ pātu kṛpānidhiḥ

Meaning open with adhikāra · अर्थ अधिकार से

Verse k8

डकारादिफकारान्तदशारसरसीरुहे ।
नाभिस्थले वर्तमानो नाभिं वह्न्यात्मकोऽवतु ॥ ८ ॥

ḍakārādiphakārāntadaśārasarasīruhe
nābhisthale vartamāno nābhiṃ vahnyātmako'vatu

Meaning open with adhikāra · अर्थ अधिकार से

Verse k9

वह्नितत्त्वमयो योगी रक्षतान्मणिपूरकम् ।
कटिं कटिस्थब्रह्माण्डवासुदेवात्मकोऽवतु ॥ ९ ॥

vahnitattvamayo yogī rakṣatānmaṇipūrakam
kaṭiṃ kaṭisthabrahmāṇḍavāsudevātmako'vatu

Meaning open with adhikāra · अर्थ अधिकार से

Verse k10

बकारादिलकारान्तषट्पत्राम्बुजबोधकः ।
जलतत्त्वमयो योगी स्वाधिष्ठानं ममावतु ॥ १० ॥

bakārādilakārāntaṣaṭpatrāmbujabodhakaḥ
jalatattvamayo yogī svādhiṣṭhānaṃ mamāvatu

Meaning open with adhikāra · अर्थ अधिकार से

Verse k11

सिद्धासनसमासीन ऊरू सिद्धेश्वरोऽवतु ।
वादिसान्तचतुष्पत्रसरोरुहनिबोधकः ॥ ११ ॥

siddhāsanasamāsīna ūrū siddheśvaro'vatu
vādisāntacatuṣpatrasaroruhanibodhakaḥ

Meaning open with adhikāra · अर्थ अधिकार से

Verse k12

मूलाधारं महीरूपो रक्षताद्वीर्यनिग्रही ।
पृष्ठं च सर्वतः पातु जानुन्यस्तकराम्बुजः ॥ १२ ॥

mūlādhāraṃ mahīrūpo rakṣatādvīryanigrahī
pṛṣṭhaṃ ca sarvataḥ pātu jānunyastakarāmbujaḥ

Meaning open with adhikāra · अर्थ अधिकार से

Verse k13

जङ्घे पात्ववधूतेन्द्रः पात्वङ्घ्री तीर्थपावनः ।
सर्वाङ्गं पातु सर्वात्मा रोमाण्यवतु केशवः ॥ १३ ॥

jaṅghe pātvavadhūtendraḥ pātvaṅghrī tīrthapāvanaḥ
sarvāṅgaṃ pātu sarvātmā romāṇyavatu keśavaḥ

Meaning open with adhikāra · अर्थ अधिकार से

Verse k14

चर्म चर्माम्बरः पातु रक्तं भक्तिप्रियोऽवतु ।
मांसं मांसकरः पातु मज्जां मज्जात्मकोऽवतु ॥ १४ ॥

carma carmāmbaraḥ pātu raktaṃ bhaktipriyo'vatu
māṃsaṃ māṃsakaraḥ pātu majjāṃ majjātmako'vatu

Meaning open with adhikāra · अर्थ अधिकार से

Verse k15

अस्थीनि स्थिरधीः पायान्मेधां वेधाः प्रपालयेत् ।
शुक्रं सुखकरः पातु चित्तं पातु दृढाकृतिः ॥ १५ ॥

asthīni sthiradhīḥ pāyānmedhāṃ vedhāḥ prapālayet
śukraṃ sukhakaraḥ pātu cittaṃ pātu dṛḍhākṛtiḥ

Meaning open with adhikāra · अर्थ अधिकार से

Verse k16

मनोबुद्धिमहङ्कारं हृषीकेशात्मकोऽवतु ।
कर्मेन्द्रियाणि पात्वीशः पातु ज्ञानेन्द्रियाण्यजः ॥ १६ ॥

manobuddhimahaṅkāraṃ hṛṣīkeśātmako'vatu
karmendriyāṇi pātvīśaḥ pātu jñānendriyāṇyajaḥ

Meaning open with adhikāra · अर्थ अधिकार से

Verse k17

बन्धून् बन्धूत्तमः पायाच्छत्रुभ्यः पातु शत्रुजित् ।
गृहारामधनक्षेत्रपुत्रादीञ्छङ्करोऽवतु ॥ १७ ॥

bandhūn bandhūttamaḥ pāyācchatrubhyaḥ pātu śatrujit
gṛhārāmadhanakṣetraputrādīñchaṅkaro'vatu

Meaning open with adhikāra · अर्थ अधिकार से

Verse k18

भार्यां प्रकृतिवित् पातु पश्वादीन्पातु शार्ङ्गभृत् ।
प्राणान्पातु प्रधानज्ञो भक्ष्यादीन्पातु भास्करः ॥ १८ ॥

bhāryāṃ prakṛtivit pātu paśvādīnpātu śārṅgabhṛt
prāṇānpātu pradhānajño bhakṣyādīnpātu bhāskaraḥ

Meaning open with adhikāra · अर्थ अधिकार से

Verse k19

सुखं चन्द्रात्मकः पातु दुःखात् पातु पुरान्तकः ।
पशून्पशुपतिः पातु भूतिं भूतेश्वरो मम ॥ १९ ॥

sukhaṃ candrātmakaḥ pātu duḥkhāt pātu purāntakaḥ
paśūnpaśupatiḥ pātu bhūtiṃ bhūteśvaro mama

Meaning open with adhikāra · अर्थ अधिकार से

Verse k20

प्राच्यां विषहरः पातु पात्वाग्नेय्यां मखात्मकः ।
याम्यां धर्मात्मकः पातु नैरृत्यां सर्ववैरिहृत् ॥ २० ॥

prācyāṃ viṣaharaḥ pātu pātvāgneyyāṃ makhātmakaḥ
yāmyāṃ dharmātmakaḥ pātu nairṛtyāṃ sarvavairihṛt

Meaning open with adhikāra · अर्थ अधिकार से

Verse k21

वराहः पातु वारुण्यां वायव्यां प्राणदोऽवतु ।
कौबेर्यां धनदः पातु पात्वैशान्यां महागुरुः ॥ २१ ॥

varāhaḥ pātu vāruṇyāṃ vāyavyāṃ prāṇado'vatu
kauberyāṃ dhanadaḥ pātu pātvaiśānyāṃ mahāguruḥ

Meaning open with adhikāra · अर्थ अधिकार से

Verse k22

ऊर्ध्वं पातु महासिद्धः पात्वधस्ताज्जटाधरः ।
रक्षाहीनं तु यत्स्थानं रक्षत्वादिमुनीश्वरः ॥ २२ ॥

ūrdhvaṃ pātu mahāsiddhaḥ pātvadhastājjaṭādharaḥ
rakṣāhīnaṃ tu yatsthānaṃ rakṣatvādimunīśvaraḥ

Meaning open with adhikāra · अर्थ अधिकार से

फलश्रुतिःPhalaśruti

Verse ph23

एतन्मे वज्रकवचं यः पठेच्छृणुयादपि ।
वज्रकायश्चिरञ्जीवी दत्तात्रेयोऽहमब्रुवम् ॥ २३ ॥

etanme vajrakavacaṃ yaḥ paṭhecchṛṇuyādapi
vajrakāyaścirañjīvī dattātreyo'hamabruvam

Meaning open with adhikāra · अर्थ अधिकार से

Verse ph24

त्यागी भोगी महायोगी सुखदुःखविवर्जितः ।
सर्वत्रसिद्धसङ्कल्पो जीवन्मुक्तोऽद्य वर्तते ॥ २४ ॥

tyāgī bhogī mahāyogī sukhaduḥkhavivarjitaḥ
sarvatrasiddhasaṅkalpo jīvanmukto'dya vartate

Meaning open with adhikāra · अर्थ अधिकार से

Verse ph25

इत्युक्त्वान्तर्दधे योगी दत्तात्रेयो दिगम्बरः ।
दलादनोऽपि तज्जप्त्वा जीवन्मुक्तः स वर्तते ॥ २५ ॥

ityuktvāntardadhe yogī dattātreyo digambaraḥ
dalādano'pi tajjaptvā jīvanmuktaḥ sa vartate

Meaning open with adhikāra · अर्थ अधिकार से

Verse ph26

भिल्लो दूरश्रवा नाम तदानीं श्रुतवानिदम् ।
सकृच्छ्रवणमात्रेण वज्राङ्गोऽभवदप्यसौ ॥ २६ ॥

bhillo dūraśravā nāma tadānīṃ śrutavānidam
sakṛcchravaṇamātreṇa vajrāṅgo'bhavadapyasau

Meaning open with adhikāra · अर्थ अधिकार से

Verse ph27

इत्येतद्वज्रकवचं दत्तात्रेयस्य योगिनः ।
श्रुत्वाशेषं शम्भुमुखात् पुनरप्याह पार्वती ॥ २७ ॥

ityetadvajrakavacaṃ dattātreyasya yoginaḥ
śrutvāśeṣaṃ śambhumukhāt punarapyāha pārvatī

Meaning open with adhikāra · अर्थ अधिकार से

Verse ph28

पार्वत्युवाच — पार्वती बोलीं Pārvatī said

एतत्कवचमाहात्म्यं वद विस्तरतो मम ।
कुत्र केन कदा जाप्यं किं यज्जाप्यं कथं कथम् ॥ २८ ॥

etatkavacamāhātmyaṃ vada vistarato mama
kutra kena kadā jāpyaṃ kiṃ yajjāpyaṃ kathaṃ katham

Meaning open with adhikāra · अर्थ अधिकार से

Verse ph29

श्रीशिव उवाच — शिव बोले Śiva said

उवाच शम्भुस्तत्सर्वं पार्वत्या विनयोदितम् ।
शृणु पार्वति वक्ष्यामि समाहितमनाविलम् ॥ २९ ॥

uvāca śambhustatsarvaṃ pārvatyā vinayoditam
śṛṇu pārvati vakṣyāmi samāhitamanāvilam

Meaning open with adhikāra · अर्थ अधिकार से

Verse ph30

धर्मार्थकाममोक्षाणामिदमेव परायणम् ।
हस्त्यश्वरथपादातिसर्वैश्वर्यप्रदायकम् ॥ ३० ॥

dharmārthakāmamokṣāṇāmidameva parāyaṇam
hastyaśvarathapādātisarvaiśvaryapradāyakam

Meaning open with adhikāra · अर्थ अधिकार से

Verse ph31

पुत्रमित्रकलत्रादिसर्वसन्तोषसाधनम् ।
वेदशास्त्रादिविद्यानां निधानं परमं हि तत् ॥ ३१ ॥

putramitrakalatrādisarvasantoṣasādhanam
vedaśāstrādividyānāṃ nidhānaṃ paramaṃ hi tat

Meaning open with adhikāra · अर्थ अधिकार से

Verse ph32

सङ्गीतशास्त्रसाहित्यसत्कवित्वविधायकम् ।
बुद्धिविद्यास्मृतिप्रज्ञामतिप्रौढिप्रदायकम् ॥ ३२ ॥

saṅgītaśāstrasāhityasatkavitvavidhāyakam
buddhividyāsmṛtiprajñāmatiprauḍhipradāyakam

Meaning open with adhikāra · अर्थ अधिकार से

Verse ph33

सर्वसन्तोषकरणं सर्वदुःखनिवारणम् ।
शत्रुसंहारकं शीघ्रं यशःकीर्तिविवर्धनम् ॥ ३३ ॥

sarvasantoṣakaraṇaṃ sarvaduḥkhanivāraṇam
śatrusaṃhārakaṃ śīghraṃ yaśaḥkīrtivivardhanam

Meaning open with adhikāra · अर्थ अधिकार से

Verse ph34

अष्टसंख्या महारोगाः सन्निपातास्त्रयोदश ।
षण्णवत्यक्षिरोगाश्च विंशतिर्मेहरोगकाः ॥ ३४ ॥

aṣṭasaṃkhyā mahārogāḥ sannipātāstrayodaśa
ṣaṇṇavatyakṣirogāśca viṃśatirmeharogakāḥ

Meaning open with adhikāra · अर्थ अधिकार से

Verse ph35

अष्टादश तु कुष्ठानि गुल्मान्यष्टविधान्यपि ।
अशीतिर्वातरोगाश्च चत्वारिंशत्तु पैत्तिकाः ॥ ३५ ॥

aṣṭādaśa tu kuṣṭhāni gulmānyaṣṭavidhānyapi
aśītirvātarogāśca catvāriṃśattu paittikāḥ

Meaning open with adhikāra · अर्थ अधिकार से

Verse ph36

विंशतिश्लेष्मरोगाश्च क्षयचातुर्थिकादयः ।
मन्त्रयन्त्रकुयोगाद्याः कल्पतन्त्रादिनिर्मिताः ॥ ३६ ॥

viṃśatiśleṣmarogāśca kṣayacāturthikādayaḥ
mantrayantrakuyogādyāḥ kalpatantrādinirmitāḥ

Meaning open with adhikāra · अर्थ अधिकार से

Verse ph37

ब्रह्मराक्षसवेतालकूष्माण्डादिग्रहोद्भवाः ।
सङ्गजाः देशकालस्थास्तापत्रयसमुत्थिताः ॥ ३७ ॥

brahmarākṣasavetālakūṣmāṇḍādigrahodbhavāḥ
saṅgajāḥ deśakālasthāstāpatrayasamutthitāḥ

Meaning open with adhikāra · अर्थ अधिकार से

Verse ph38

नवग्रहसमुद्भूता महापातकसम्भवाः ।
सर्वे रोगाः प्रणश्यन्ति सहस्रावर्तनाद्ध्रुवम् ॥ ३८ ॥

navagrahasamudbhūtā mahāpātakasambhavāḥ
sarve rogāḥ praṇaśyanti sahasrāvartanāddhruvam

Meaning open with adhikāra · अर्थ अधिकार से

Verse ph39

अयुतावृत्तिमात्रेण वन्ध्या पुत्रवती भवेत् ।
अयुतद्वितयावृत्त्या ह्यपमृत्युजयो भवेत् ॥ ३९ ॥

ayutāvṛttimātreṇa vandhyā putravatī bhavet
ayutadvitayāvṛttyā hyapamṛtyujayo bhavet

Meaning open with adhikāra · अर्थ अधिकार से

Verse ph40

अयुतत्रितयाच्चैव खेचरत्वं प्रजायते ।
सहस्रादयुतादर्वाक् सर्वकार्याणि साधयेत् ॥ ४० ॥

ayutatritayāccaiva khecaratvaṃ prajāyate
sahasrādayutādarvāk sarvakāryāṇi sādhayet

Meaning open with adhikāra · अर्थ अधिकार से

Verse ph41

लक्षावृत्त्या कार्यसिद्धिर्भवत्येव न संशयः ॥ ४१ ॥

lakṣāvṛttyā kāryasiddhirbhavatyeva na saṃśayaḥ

Meaning open with adhikāra · अर्थ अधिकार से

Verse ph42

विषवृक्षस्य मूलेषु तिष्ठन् वै दक्षिणामुखः ।
कुरुते मासमात्रेण वैरिणं विकलेन्द्रियम् ॥ ४२ ॥

viṣavṛkṣasya mūleṣu tiṣṭhan vai dakṣiṇāmukhaḥ
kurute māsamātreṇa vairiṇaṃ vikalendriyam

Meaning open with adhikāra · अर्थ अधिकार से

Verse ph43

औदुम्बरतरोर्मूले वृद्धिकामेन जाप्यते ।
श्रीवृक्षमूले श्रीकामी तिन्तिणी शान्तिकर्मणि ॥ ४३ ॥

audumbaratarormūle vṛddhikāmena jāpyate
śrīvṛkṣamūle śrīkāmī tintiṇī śāntikarmaṇi

Meaning open with adhikāra · अर्थ अधिकार से

Verse ph44

ओजस्कामोऽश्वत्थमूले स्त्रीकामैः सहकारके ।
ज्ञानार्थी तुलसीमूले गर्भगेहे सुतार्थिभिः ॥ ४४ ॥

ojaskāmo'śvatthamūle strīkāmaiḥ sahakārake
jñānārthī tulasīmūle garbhagehe sutārthibhiḥ

Meaning open with adhikāra · अर्थ अधिकार से

Verse ph45

धनार्थिभिस्तु सुक्षेत्रे पशुकामैस्तु गोष्ठके ।
देवालये सर्वकामैस्तत्काले सर्वदर्शितम् ॥ ४५ ॥

dhanārthibhistu sukṣetre paśukāmaistu goṣṭhake
devālaye sarvakāmaistatkāle sarvadarśitam

Meaning open with adhikāra · अर्थ अधिकार से

Verse ph46

नाभिमात्रजले स्थित्वा भानुमालोक्य यो जपेत् ।
युद्धे वा शास्त्रवादे वा सहस्रेण जयो भवेत् ॥ ४६ ॥

nābhimātrajale sthitvā bhānumālokya yo japet
yuddhe vā śāstravāde vā sahasreṇa jayo bhavet

Meaning open with adhikāra · अर्थ अधिकार से

Verse ph47

कण्ठमात्रे जले स्थित्वा यो रात्रौ कवचं पठेत् ।
ज्वरापस्मारकुष्ठादितापज्वरनिवारणम् ॥ ४७ ॥

kaṇṭhamātre jale sthitvā yo rātrau kavacaṃ paṭhet
jvarāpasmārakuṣṭhāditāpajvaranivāraṇam

Meaning open with adhikāra · अर्थ अधिकार से

Verse ph48

यत्र यत्स्यात्स्थिरं यद्यत्प्रसन्नं तन्निवर्तते ।
तेन तत्र हि जप्तव्यं ततः सिद्धिर्भवेद्ध्रुवम् ॥ ४८ ॥

yatra yatsyātsthiraṃ yadyatprasannaṃ tannivartate
tena tatra hi japtavyaṃ tataḥ siddhirbhaveddhruvam

Meaning open with adhikāra · अर्थ अधिकार से

Verse ph49

इत्युक्तवान् शिवो गौर्यै रहस्यं परमं शुभम् ।
यः पठेत् वज्रकवचं दत्तात्रेयसमो भवेत् ॥ ४९ ॥

ityuktavān śivo gauryai rahasyaṃ paramaṃ śubham
yaḥ paṭhet vajrakavacaṃ dattātreyasamo bhavet

Meaning open with adhikāra · अर्थ अधिकार से

Verse ph50

एवं शिवेन कथितं हिमवत्सुतायै
प्रोक्तं दलादमुनयेऽत्रिसुतेन पूर्वम् ।
यः कोऽपि वज्रकवचं पठतीह लोके
दत्तोपमश्चरति योगिवरश्चिरायुः ॥ ५० ॥

evaṃ śivena kathitaṃ himavatsutāyai
proktaṃ dalādamunaye'trisutena pūrvam
yaḥ ko'pi vajrakavacaṃ paṭhatīha loke
dattopamaścarati yogivaraścirāyuḥ

Meaning open with adhikāra · अर्थ अधिकार से

इति श्रीरुद्रयामले हिमवत्खण्डे मन्त्रशास्त्रे उपासनाखण्डे शिवविजयसिद्धान्ते उमामहेश्वरसंवादे श्रीदत्तात्रेयवज्रकवचस्तोत्रं सम्पूर्णम् ॥

Terms on this page

Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Dattatreya दत्तात्रेय The combined avatar of Brahma, Vishnu, and Shiva, worshipped as a guru deity, especially within the Nath and Tantric traditions.
Parvati पार्वती The daughter of the mountain and consort of Shiva; the questioner to whom much of tantra is expounded.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras