Varāha kavaca · Śrīmuṣṇam

वराहकवचम्

Varaha Kavacham (Srimushnam) — The kavaca of the Boar of Śrīmuṣṇam, told by Śiva to Pārvatī

A hymn of protection (Kavach) to Varāha, the Boar who lifted up the earth, as it is told by Shiva to Parvati. It opens with the glory of the holy pool at Śrīmuṣṇam, then gives the way the kavaca is taken up and the dhyāna, then names the Boar's forms that guard each direction, each time of day, each place and each limb from the feet to the hair. It ends with what comes of reciting it.

Verse 1

श्रीसूत उवाच — सूत ने कहा Sūta said

श्रीरुद्रमुखनिर्णीतमुरारिगुणसत्कथा ।
सन्तुष्टा पार्वती प्राह शङ्करं लोकशङ्करम् ॥ १ ॥

śrīrudramukhanirṇītamurāriguṇasatkathā
santuṣṭā pārvatī prāha śaṅkaraṃ lokaśaṅkaram

Meaning open with adhikāra · अर्थ अधिकार से

Verse 2

श्रीपार्वत्युवाच — पार्वती ने कहा Pārvatī said

श्रीमुष्णेशस्य माहात्म्यं वराहस्य महात्मनः ।
श्रुत्वा तृप्तिर्न मे जाता मनः कौतूहलायते ।
श्रोतुं तद्देवमाहात्म्यं तस्माद्वर्णय मे पुनः ॥ २ ॥

śrīmuṣṇeśasya māhātmyaṃ varāhasya mahātmanaḥ
śrutvā tṛptirna me jātā manaḥ kautūhalāyate
śrotuṃ taddevamāhātmyaṃ tasmādvarṇaya me punaḥ

Meaning open with adhikāra · अर्थ अधिकार से

Verse 3

श्रीशङ्कर उवाच — शंकर ने कहा Śaṅkara said

शृणु देवि प्रवक्ष्यामि श्रीमुष्णेशस्य वैभवम् ।
यस्य श्रवणमात्रेण महापापैः प्रमुच्यते ।
सर्वेषामेव तीर्थानां तीर्थराजोऽभिधीयते ॥ ३ ॥

śṛṇu devi pravakṣyāmi śrīmuṣṇeśasya vaibhavam
yasya śravaṇamātreṇa mahāpāpaiḥ pramucyate
sarveṣāmeva tīrthānāṃ tīrtharājo'bhidhīyate

Meaning open with adhikāra · अर्थ अधिकार से

Verse 4

नित्यपुष्करिणी नाम्नी श्रीमुष्णे या च वर्तते ।
जाता श्रमापहा पुण्या वराहश्रमवारिणा ॥ ४ ॥

nityapuṣkariṇī nāmnī śrīmuṣṇe yā ca vartate
jātā śramāpahā puṇyā varāhaśramavāriṇā

Meaning open with adhikāra · अर्थ अधिकार से

Verse 5

विष्णोरङ्गुष्ठसंस्पर्शात् पुण्यदा खलु जाह्नवी ।
विष्णोः सर्वाङ्गसम्भूता नित्यपुष्करिणी शुभा ॥ ५ ॥

viṣṇoraṅguṣṭhasaṃsparśāt puṇyadā khalu jāhnavī
viṣṇoḥ sarvāṅgasambhūtā nityapuṣkariṇī śubhā

Meaning open with adhikāra · अर्थ अधिकार से

Verse 6

महानदीसहस्रेण नित्यदा सङ्गता शुभा ।
सकृत् स्नात्वा विमुक्ताघः सद्यो याति हरेः पदम् ॥ ६ ॥

mahānadīsahasreṇa nityadā saṅgatā śubhā
sakṛt snātvā vimuktāghaḥ sadyo yāti hareḥ padam

Meaning open with adhikāra · अर्थ अधिकार से

Verse 7

तस्या आग्नेयभागे तु अश्वत्थच्छाययोदके ।
स्नानं कृत्वा पिप्पलस्य कृत्वा चापि प्रदक्षिणम् ॥ ७ ॥

tasyā āgneyabhāge tu aśvatthacchāyayodake
snānaṃ kṛtvā pippalasya kṛtvā cāpi pradakṣiṇam

Meaning open with adhikāra · अर्थ अधिकार से

Verse 8

दृष्ट्वा श्वेतवराहं च मासमेकं नयेद्यदि ।
कालमृत्युं विनिर्जित्य श्रिया परमया युतः ॥ ८ ॥

dṛṣṭvā śvetavarāhaṃ ca māsamekaṃ nayedyadi
kālamṛtyuṃ vinirjitya śriyā paramayā yutaḥ

Meaning open with adhikāra · अर्थ अधिकार से

Verse 9

आधिव्याधिविनिर्मुक्तो ग्रहपीडाविवर्जितः ।
भुक्त्वा भोगाननेकांश्च मोक्षमन्ते व्रजेद् ध्रुवम् ॥ ९ ॥

ādhivyādhivinirmukto grahapīḍāvivarjitaḥ
bhuktvā bhogānanekāṃśca mokṣamante vrajed dhruvam

Meaning open with adhikāra · अर्थ अधिकार से

Verse 10

अश्वत्थमूलेऽर्कवारे नित्यपुष्करिणीतटे ।
वराहकवचं जप्त्वा शतवारं जितेन्द्रियः ॥ १० ॥

aśvatthamūle'rkavāre nityapuṣkariṇītaṭe
varāhakavacaṃ japtvā śatavāraṃ jitendriyaḥ

Meaning open with adhikāra · अर्थ अधिकार से

Verse 11

क्षयापस्मारकुष्ठाद्यैः महारोगैः प्रमुच्यते ।
वराहकवचं यस्तु प्रत्यहं पठते यदि ॥ ११ ॥

kṣayāpasmārakuṣṭhādyaiḥ mahārogaiḥ pramucyate
varāhakavacaṃ yastu pratyahaṃ paṭhate yadi

Meaning open with adhikāra · अर्थ अधिकार से

Verse 12

शत्रुपीडाविनिर्मुक्तो भूपतित्वमवाप्नुयात् ।
लिखित्वा धारयेद्यस्तु बाहुमूले गलेऽथ वा ॥ १२ ॥

śatrupīḍāvinirmukto bhūpatitvamavāpnuyāt
likhitvā dhārayedyastu bāhumūle gale'tha vā

Meaning open with adhikāra · अर्थ अधिकार से

Verse 13

भूतप्रेतपिशाचाद्याः यक्षगन्धर्वराक्षसाः ।
शत्रवो घोरकर्माणो ये चान्ये विषजन्तवः ।
नष्टदर्पा विनश्यन्ति विद्रवन्ति दिशो दश ॥ १३ ॥

bhūtapretapiśācādyāḥ yakṣagandharvarākṣasāḥ
śatravo ghorakarmāṇo ye cānye viṣajantavaḥ
naṣṭadarpā vinaśyanti vidravanti diśo daśa

Meaning open with adhikāra · अर्थ अधिकार से

Verse 14

श्रीपार्वत्युवाच — पार्वती ने कहा Pārvatī said

तद्ब्रूहि कवचं मह्यं येन गुप्तो जगत्त्रये ।
सञ्चरेद्देववन्मर्त्यः सर्वशत्रुविभीषणः ।
येनाप्नोति च साम्राज्यं तन्मे ब्रूहि सदाशिव ॥ १४ ॥

tadbrūhi kavacaṃ mahyaṃ yena gupto jagattraye
sañcareddevavanmartyaḥ sarvaśatruvibhīṣaṇaḥ
yenāpnoti ca sāmrājyaṃ tanme brūhi sadāśiva

Meaning open with adhikāra · अर्थ अधिकार से

Verse 15

श्रीशङ्कर उवाच — शंकर ने कहा Śaṅkara said

शृणु कल्याणि वक्ष्यामि वाराहकवचं शुभम् ।
येन गुप्तो लभेन्मर्त्यो विजयं सर्वसम्पदम् ॥ १५ ॥

śṛṇu kalyāṇi vakṣyāmi vārāhakavacaṃ śubham
yena gupto labhenmartyo vijayaṃ sarvasampadam

Meaning open with adhikāra · अर्थ अधिकार से

Verse 16

अङ्गरक्षाकरं पुण्यं महापातकनाशनम् ।
सर्वरोगप्रशमनं सर्वदुर्ग्रहनाशनम् ॥ १६ ॥

aṅgarakṣākaraṃ puṇyaṃ mahāpātakanāśanam
sarvarogapraśamanaṃ sarvadurgrahanāśanam

Meaning open with adhikāra · अर्थ अधिकार से

Verse 17

विषाभिचारकृत्यादिशत्रुपीडानिवारणम् ।
नोक्तं कस्यापि पूर्वं हि गोप्याद्गोप्यतरं यतः ॥ १७ ॥

viṣābhicārakṛtyādiśatrupīḍānivāraṇam
noktaṃ kasyāpi pūrvaṃ hi gopyādgopyataraṃ yataḥ

Meaning open with adhikāra · अर्थ अधिकार से

Verse 18

वराहेण पुरा प्रोक्तं मह्यं च परमेष्ठिने ।
युद्धेषु जयदं देवि शत्रुपीडानिवारणम् ॥ १८ ॥

varāheṇa purā proktaṃ mahyaṃ ca parameṣṭhine
yuddheṣu jayadaṃ devi śatrupīḍānivāraṇam

Meaning open with adhikāra · अर्थ अधिकार से

Verse 19

वराहकवचाद्गुप्तो नाऽशुभं लभते नरः ।
वराहकवचस्यास्य ऋषिर्ब्रह्मा प्रकीर्तितः ॥ १९ ॥

varāhakavacādgupto nā'śubhaṃ labhate naraḥ
varāhakavacasyāsya ṛṣirbrahmā prakīrtitaḥ

Meaning open with adhikāra · अर्थ अधिकार से

Verse 20

छन्दोऽनुष्टुप् तथा देवो वराहो भूपरिग्रहः ।
प्रक्षाल्य पादौ पाणी च सम्यगाचम्य वारिणा ॥ २० ॥

chando'nuṣṭup tathā devo varāho bhūparigrahaḥ
prakṣālya pādau pāṇī ca samyagācamya vāriṇā

Meaning open with adhikāra · अर्थ अधिकार से

Verse 21

कृतस्वाङ्गकरन्यासः सपवित्र उदङ्मुखः ।
ओं भूर्भुवः सुवरिति नमो भूपतयेऽपि च ॥ २१ ॥

kṛtasvāṅgakaranyāsaḥ sapavitra udaṅmukhaḥ
oṃ bhūrbhuvaḥ suvariti namo bhūpataye'pi ca

Meaning open with adhikāra · अर्थ अधिकार से

Verse 22

नमो भगवते पश्चात् वराहाय नमस्तथा ।
एवं षडङ्गं न्यासं च न्यसेदङ्गुलिषु क्रमात् ॥ २२ ॥

namo bhagavate paścāt varāhāya namastathā
evaṃ ṣaḍaṅgaṃ nyāsaṃ ca nyasedaṅguliṣu kramāt

Meaning open with adhikāra · अर्थ अधिकार से

Verse 23

नमः श्वेतवराहाय महाकोलाय भूपते ।
यज्ञाङ्गाय शुभाङ्गाय सर्वज्ञाय परात्मने ॥ २३ ॥

namaḥ śvetavarāhāya mahākolāya bhūpate
yajñāṅgāya śubhāṅgāya sarvajñāya parātmane

Meaning open with adhikāra · अर्थ अधिकार से

Verse 24

स्रवतुण्डाय धीराय परब्रह्मस्वरूपिणे ।
वक्रदंष्ट्राय नित्याय नमोऽन्तैर्नामभिः क्रमात् ॥ २४ ॥

sravatuṇḍāya dhīrāya parabrahmasvarūpiṇe
vakradaṃṣṭrāya nityāya namo'ntairnāmabhiḥ kramāt

Meaning open with adhikāra · अर्थ अधिकार से

Verse 25

अङ्गुलीषु न्यसेद्विद्वान् करपृष्ठतलेष्वपि ।
ध्यात्वा श्वेतवराहं च पश्चान्मन्त्रमुदीरयेत् ॥ २५ ॥

aṅgulīṣu nyasedvidvān karapṛṣṭhataleṣvapi
dhyātvā śvetavarāhaṃ ca paścānmantramudīrayet

Meaning open with adhikāra · अर्थ अधिकार से

ध्यानम्Dhyāna

Verse 26

ॐ श्वेतं वराहवपुषं क्षितिमुद्धरन्तं
शङ्खारिसर्ववरदाभययुक्तबाहुम् ।
ध्यायेन्निजैश्च तनुभिः सकलैरुपेतं
पूर्णं विभुं सकलवाञ्छितसिद्धयेऽजम् ॥ २६ ॥

oṃ śvetaṃ varāhavapuṣaṃ kṣitimuddharantaṃ
śaṅkhārisarvavaradābhayayuktabāhum
dhyāyennijaiśca tanubhiḥ sakalairupetaṃ
pūrṇaṃ vibhuṃ sakalavāñchitasiddhaye'jam

Meaning open with adhikāra · अर्थ अधिकार से

कवचम्The kavaca

Verse 27

वराहः पूर्वतः पातु दक्षिणे दण्डकान्तकः ।
हिरण्याक्षहरः पातु पश्चिमे गदया युतः ॥ २७ ॥

varāhaḥ pūrvataḥ pātu dakṣiṇe daṇḍakāntakaḥ
hiraṇyākṣaharaḥ pātu paścime gadayā yutaḥ

Meaning open with adhikāra · अर्थ अधिकार से

Verse 28

उत्तरे भूमिहृत् पातु अधस्ताद्वायुवाहनः ।
ऊर्ध्वं पातु हृषीकेशो दिग्विदिक्षु गदाधरः ॥ २८ ॥

uttare bhūmihṛt pātu adhastādvāyuvāhanaḥ
ūrdhvaṃ pātu hṛṣīkeśo digvidikṣu gadādharaḥ

Meaning open with adhikāra · अर्थ अधिकार से

Verse 29

प्रातः पातु प्रजानाथः कल्पकृत् सङ्गमेऽवतु ।
मध्याह्ने वज्रकेशस्तु सायाह्ने सर्वपूजितः ॥ २९ ॥

prātaḥ pātu prajānāthaḥ kalpakṛt saṅgame'vatu
madhyāhne vajrakeśastu sāyāhne sarvapūjitaḥ

Meaning open with adhikāra · अर्थ अधिकार से

Verse 30

प्रदोषे पातु पद्माक्षो रात्रौ राजीवलोचनः ।
निशीन्द्रगर्वहा पातु पातूषः परमेश्वरः ॥ ३० ॥

pradoṣe pātu padmākṣo rātrau rājīvalocanaḥ
niśīndragarvahā pātu pātūṣaḥ parameśvaraḥ

Meaning open with adhikāra · अर्थ अधिकार से

Verse 31

अटव्यामग्रजः पातु गमने गरुडासनः ।
स्थले पातु महातेजाः जले पात्ववनीपतिः ॥ ३१ ॥

aṭavyāmagrajaḥ pātu gamane garuḍāsanaḥ
sthale pātu mahātejāḥ jale pātvavanīpatiḥ

Meaning open with adhikāra · अर्थ अधिकार से

Verse 32

गृहे पातु गृहाध्यक्षः पद्मनाभः पुरोऽवतु ।
झिल्लिकावरदः पातु स्वग्रामे करुणाकरः ॥ ३२ ॥

gṛhe pātu gṛhādhyakṣaḥ padmanābhaḥ puro'vatu
jhillikāvaradaḥ pātu svagrāme karuṇākaraḥ

Meaning open with adhikāra · अर्थ अधिकार से

Verse 33

रणाग्रे दैत्यहा पातु विषमे पातु चक्रभृत् ।
रोगेषु वैद्यराजस्तु कोलो व्याधिषु रक्षतु ॥ ३३ ॥

raṇāgre daityahā pātu viṣame pātu cakrabhṛt
rogeṣu vaidyarājastu kolo vyādhiṣu rakṣatu

Meaning open with adhikāra · अर्थ अधिकार से

Verse 34

तापत्रयात् तपोमूर्तिः कर्मपाशाच्च विश्वकृत् ।
क्लेशकालेषु सर्वेषु पातु पद्मापतिर्विभुः ॥ ३४ ॥

tāpatrayāt tapomūrtiḥ karmapāśācca viśvakṛt
kleśakāleṣu sarveṣu pātu padmāpatirvibhuḥ

Meaning open with adhikāra · अर्थ अधिकार से

Verse 35

हिरण्यगर्भसंस्तुत्यः पादौ पातु निरन्तरम् ।
गुल्फौ गुणाकरः पातु जङ्घे पातु जनार्दनः ॥ ३५ ॥

hiraṇyagarbhasaṃstutyaḥ pādau pātu nirantaram
gulphau guṇākaraḥ pātu jaṅghe pātu janārdanaḥ

Meaning open with adhikāra · अर्थ अधिकार से

Verse 36

जानू च जयकृत् पातु पातूरू पुरुषोत्तमः ।
रक्ताक्षो जघने पातु कटिं विश्वम्भरोऽवतु ॥ ३६ ॥

jānū ca jayakṛt pātu pātūrū puruṣottamaḥ
raktākṣo jaghane pātu kaṭiṃ viśvambharo'vatu

Meaning open with adhikāra · अर्थ अधिकार से

Verse 37

पार्श्वे पातु सुराध्यक्षः पातु कुक्षिं परात्परः ।
नाभिं ब्रह्मपिता पातु हृदयं हृदयेश्वरः ॥ ३७ ॥

pārśve pātu surādhyakṣaḥ pātu kukṣiṃ parātparaḥ
nābhiṃ brahmapitā pātu hṛdayaṃ hṛdayeśvaraḥ

Meaning open with adhikāra · अर्थ अधिकार से

Verse 38

महादंष्ट्रः स्तनौ पातु कण्ठं पातु विमुक्तिदः ।
प्रभञ्जनपतिर्बाहू करौ कामपिताऽवतु ॥ ३८ ॥

mahādaṃṣṭraḥ stanau pātu kaṇṭhaṃ pātu vimuktidaḥ
prabhañjanapatirbāhū karau kāmapitā'vatu

Meaning open with adhikāra · अर्थ अधिकार से

Verse 39

हस्तौ हंसपतिः पातु पातु सर्वाङ्गुलीर्हरिः ।
सर्वाङ्गश्चिबुकं पातु पात्वोष्ठौ कालनेमिहा ॥ ३९ ॥

hastau haṃsapatiḥ pātu pātu sarvāṅgulīrhariḥ
sarvāṅgaścibukaṃ pātu pātvoṣṭhau kālanemihā

Meaning open with adhikāra · अर्थ अधिकार से

Verse 40

मुखं तु मधुहा पातु दन्तान् दामोदरोऽवतु ।
नासिकामव्ययः पातु नेत्रे सूर्येन्दुलोचनः ॥ ४० ॥

mukhaṃ tu madhuhā pātu dantān dāmodaro'vatu
nāsikāmavyayaḥ pātu netre sūryendulocanaḥ

Meaning open with adhikāra · अर्थ अधिकार से

Verse 41

फालं कर्मफलाध्यक्षः पातु कर्णौ महारथः ।
शेषशायी शिरः पातु केशान् पातु निरामयः ॥ ४१ ॥

phālaṃ karmaphalādhyakṣaḥ pātu karṇau mahārathaḥ
śeṣaśāyī śiraḥ pātu keśān pātu nirāmayaḥ

Meaning open with adhikāra · अर्थ अधिकार से

Verse 42

सर्वाङ्गं पातु सर्वेशः सदा पातु सतीश्वरः ।
इतीदं कवचं पुण्यं वराहस्य महात्मनः ॥ ४२ ॥

sarvāṅgaṃ pātu sarveśaḥ sadā pātu satīśvaraḥ
itīdaṃ kavacaṃ puṇyaṃ varāhasya mahātmanaḥ

Meaning open with adhikāra · अर्थ अधिकार से

Verse 43

यः पठेच्छृणुयाद्वापि तस्य मृत्युर्विनश्यति ।
तं नमस्यन्ति भूतानि भीताः साञ्जलिपाणयः ॥ ४३ ॥

yaḥ paṭhecchṛṇuyādvāpi tasya mṛtyurvinaśyati
taṃ namasyanti bhūtāni bhītāḥ sāñjalipāṇayaḥ

Meaning open with adhikāra · अर्थ अधिकार से

Verse 44

राजदस्युभयं नास्ति राज्यभ्रंशो न जायते ।
यन्नामस्मरणाद्भीताः भूतवेतालराक्षसाः ॥ ४४ ॥

rājadasyubhayaṃ nāsti rājyabhraṃśo na jāyate
yannāmasmaraṇādbhītāḥ bhūtavetālarākṣasāḥ

Meaning open with adhikāra · अर्थ अधिकार से

Verse 45

महारोगाश्च नश्यन्ति सत्यं सत्यं वदाम्यहम् ।
कण्ठे तु कवचं बद्ध्वा वन्ध्या पुत्रवती भवेत् ॥ ४५ ॥

mahārogāśca naśyanti satyaṃ satyaṃ vadāmyaham
kaṇṭhe tu kavacaṃ baddhvā vandhyā putravatī bhavet

Meaning open with adhikāra · अर्थ अधिकार से

Verse 46

शत्रुसैन्यक्षयप्राप्तिः दुःखप्रशमनं तथा ।
उत्पातदुर्निमित्तादिसूचितारिष्टनाशनम् ॥ ४६ ॥

śatrusainyakṣayaprāptiḥ duḥkhapraśamanaṃ tathā
utpātadurnimittādisūcitāriṣṭanāśanam

Meaning open with adhikāra · अर्थ अधिकार से

Verse 47

ब्रह्मविद्याप्रबोधं च लभते नात्र संशयः ।
धृत्वेदं कवचं पुण्यं मान्धाता परवीरहा ॥ ४७ ॥

brahmavidyāprabodhaṃ ca labhate nātra saṃśayaḥ
dhṛtvedaṃ kavacaṃ puṇyaṃ māndhātā paravīrahā

Meaning open with adhikāra · अर्थ अधिकार से

Verse 48

जित्वा तु शाम्बरीं मायां दैत्येन्द्रानवधीत् क्षणात् ।
कवचेनावृतो भूत्वा देवेन्द्रोऽपि सुरारिहा ॥ ४८ ॥

jitvā tu śāmbarīṃ māyāṃ daityendrānavadhīt kṣaṇāt
kavacenāvṛto bhūtvā devendro'pi surārihā

Meaning open with adhikāra · अर्थ अधिकार से

Verse 49

भूम्योपदिष्टकवचधारणान्नरकोऽपि च ।
सर्वावध्यो जयी भूत्वा महतीं कीर्तिमाप्तवान् ॥ ४९ ॥

bhūmyopadiṣṭakavacadhāraṇānnarako'pi ca
sarvāvadhyo jayī bhūtvā mahatīṃ kīrtimāptavān

Meaning open with adhikāra · अर्थ अधिकार से

Verse 50

अश्वत्थमूलेऽर्कवारे नित्यपुष्करिणीतटे ।
वराहकवचं जप्त्वा शतवारं पठेद्यदि ॥ ५० ॥

aśvatthamūle'rkavāre nityapuṣkariṇītaṭe
varāhakavacaṃ japtvā śatavāraṃ paṭhedyadi

Meaning open with adhikāra · अर्थ अधिकार से

Verse 51

अपूर्वराज्यसम्प्राप्तिं नष्टस्य पुनरागमम् ।
लभते नात्र सन्देहः सत्यमेतन्मयोदितम् ॥ ५१ ॥

apūrvarājyasamprāptiṃ naṣṭasya punarāgamam
labhate nātra sandehaḥ satyametanmayoditam

Meaning open with adhikāra · अर्थ अधिकार से

Verse 52

जप्त्वा वराहमन्त्रं तु लक्षमेकं निरन्तरम् ।
दशांशं तर्पणं होमं पायसेन घृतेन च ॥ ५२ ॥

japtvā varāhamantraṃ tu lakṣamekaṃ nirantaram
daśāṃśaṃ tarpaṇaṃ homaṃ pāyasena ghṛtena ca

Meaning open with adhikāra · अर्थ अधिकार से

Verse 53

कुर्वन् त्रिकालसन्ध्यासु कवचेनावृतो यदि ।
भूमण्डलाधिपत्यं च लभते नात्र संशयः ॥ ५३ ॥

kurvan trikālasandhyāsu kavacenāvṛto yadi
bhūmaṇḍalādhipatyaṃ ca labhate nātra saṃśayaḥ

Meaning open with adhikāra · अर्थ अधिकार से

Verse 54

इदमुक्तं मया देवि गोपनीयं दुरात्मनाम् ।
वराहकवचं पुण्यं संसारार्णवतारकम् ॥ ५४ ॥

idamuktaṃ mayā devi gopanīyaṃ durātmanām
varāhakavacaṃ puṇyaṃ saṃsārārṇavatārakam

Meaning open with adhikāra · अर्थ अधिकार से

Verse 55

महापातककोटिघ्नं भुक्तिमुक्तिफलप्रदम् ।
वाच्यं पुत्राय शिष्याय सद्वृत्ताय सुधीमते ॥ ५५ ॥

mahāpātakakoṭighnaṃ bhuktimuktiphalapradam
vācyaṃ putrāya śiṣyāya sadvṛttāya sudhīmate

Meaning open with adhikāra · अर्थ अधिकार से

Verse 56

श्रीसूत उवाच — सूत ने कहा Sūta said

इति पत्युर्वचः श्रुत्वा देवी सन्तुष्टमानसा ।
विनायकगुहौ पुत्रौ प्रपेदे द्वौ सुरार्चितौ
कवचस्य प्रभावेन लोकमाता च पार्वती । ॥ ५६ ॥

iti patyurvacaḥ śrutvā devī santuṣṭamānasā
vināyakaguhau putrau prapede dvau surārcitau
kavacasya prabhāvena lokamātā ca pārvatī

Meaning open with adhikāra · अर्थ अधिकार से

Verse 57

य इदं शृणुयान्नित्यं यो वा पठति नित्यशः ।
स मुक्तः सर्वपापेभ्यो विष्णुलोके महीयते ॥ ५७ ॥

ya idaṃ śṛṇuyānnityaṃ yo vā paṭhati nityaśaḥ
sa muktaḥ sarvapāpebhyo viṣṇuloke mahīyate

Meaning open with adhikāra · अर्थ अधिकार से

इति श्रीवराहकवचं सम्पूर्णम् ॥

Terms on this page

Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Parvati पार्वती The daughter of the mountain and consort of Shiva; the questioner to whom much of tantra is expounded.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras