Garuḍa Purāṇa, Pūrvakhaṇḍa

वैष्णवकवचम्

Vaishnava Kavacham (Garuda Purana) — The armour of Viṣṇu that removes every disease

A hymn of protection (Kavach) of Viṣṇu, said to have once guarded Śambhu. The wearer bows to Viṣṇu and asks each of his forms to guard him: Viṣṇu in front, Krishna behind, Hari the head, Janārdana the heart, the four Vyūhas the senses, the discus, mace, plough, bow and conch each a limb. Then come the avatāras, a moment of fear and refuge, the dangers in which the hymn is to be recited, and a mantra that guards all four directions.

Verse 1

हरिरुवाच — हरि ने कहा Hari said

सर्वव्याधिहरं वक्ष्ये वैष्णवं कवचं शुभम् ।
येन रक्षा कृता शम्भोर्नात्र कार्य्या विचारणा ॥ १ ॥

sarvavyādhiharaṃ vakṣye vaiṣṇavaṃ kavacaṃ śubham
yena rakṣā kṛtā śambhornātra kāryyā vicāraṇā

Meaning open with adhikāra · अर्थ अधिकार से

Verse 2

प्रणम्य देवमीशानमजं नित्यमनामयम् ।
देवं सर्वेश्वरं विष्णुं सर्वव्यापिनमव्ययम् ॥ २ ॥

praṇamya devamīśānamajaṃ nityamanāmayam
devaṃ sarveśvaraṃ viṣṇuṃ sarvavyāpinamavyayam

Meaning open with adhikāra · अर्थ अधिकार से

Verse 3

बध्नाम्यहं प्रतीकारं नमस्कृत्य जनार्दनम् ।
अमोघाप्रतिमं सर्वं सर्वदुःखनिवारणम् ॥ ३ ॥

badhnāmyahaṃ pratīkāraṃ namaskṛtya janārdanam
amoghāpratimaṃ sarvaṃ sarvaduḥkhanivāraṇam

Meaning open with adhikāra · अर्थ अधिकार से

Verse 4

विष्णुर्मामग्रतः पातु कृष्णो रक्षतु पृष्ठतः ।
हरिर्मे रक्षतु शिरो हृदयञ्च जनार्दनः ॥ ४ ॥

viṣṇurmāmagrataḥ pātu kṛṣṇo rakṣatu pṛṣṭhataḥ
harirme rakṣatu śiro hṛdayañca janārdanaḥ

Meaning open with adhikāra · अर्थ अधिकार से

Verse 5

मनो मम हृषीकेशो जिह्वां रक्षतु केशवः ।
पातु नेत्रे वासुदेवः श्रोत्रे सङ्कर्षणो विभुः ॥ ५ ॥

mano mama hṛṣīkeśo jihvāṃ rakṣatu keśavaḥ
pātu netre vāsudevaḥ śrotre saṅkarṣaṇo vibhuḥ

Meaning open with adhikāra · अर्थ अधिकार से

Verse 6

प्रद्युम्नः पातु मे घ्राणमनिरुद्धस्तु चर्म च ।
वनमाली गलस्यान्तं श्रीवत्सो रक्षतामधः ॥ ६ ॥

pradyumnaḥ pātu me ghrāṇamaniruddhastu carma ca
vanamālī galasyāntaṃ śrīvatso rakṣatāmadhaḥ

Meaning open with adhikāra · अर्थ अधिकार से

Verse 7

पार्श्वं रक्षतु मे चक्रं वामं दैत्यनिवारणम् ।
दक्षिणन्तु गदादेवी सर्वासुरनिवारिणी ॥ ७ ॥

pārśvaṃ rakṣatu me cakraṃ vāmaṃ daityanivāraṇam
dakṣiṇantu gadādevī sarvāsuranivāriṇī

Meaning open with adhikāra · अर्थ अधिकार से

Verse 8

उदरं मुषलं पातु पृष्ठं मे पातु लाङ्गलम् ।
ऊर्द्ध्वं रक्षतु मे शार्ङ्गं जङ्घे रक्षतु नन्दकः ॥ ८ ॥

udaraṃ muṣalaṃ pātu pṛṣṭhaṃ me pātu lāṅgalam
ūrddhvaṃ rakṣatu me śārṅgaṃ jaṅghe rakṣatu nandakaḥ

Meaning open with adhikāra · अर्थ अधिकार से

Verse 9

पार्ष्णी रक्षतु शङ्खश्च पद्मं मे चरणावुभौ ।
सर्वकार्य्यार्थसिद्ध्यर्थं पातु मां गरुडः सदा ॥ ९ ॥

pārṣṇī rakṣatu śaṅkhaśca padmaṃ me caraṇāvubhau
sarvakāryyārthasiddhyarthaṃ pātu māṃ garuḍaḥ sadā

Meaning open with adhikāra · अर्थ अधिकार से

Verse 10

वराहो रक्षतु जले विषमेषु च वामनः ।
अटव्यां नारसिंहश्च सर्वतः पातु केशवः ॥ १० ॥

varāho rakṣatu jale viṣameṣu ca vāmanaḥ
aṭavyāṃ nārasiṃhaśca sarvataḥ pātu keśavaḥ

Meaning open with adhikāra · अर्थ अधिकार से

Verse 11

हिरण्यगर्भो भगवान् हिरण्यं मे प्रयच्छतु ।
सांख्याचार्य्यस्तु कपिलो धातुसाम्यं करोतु मे ॥ ११ ॥

hiraṇyagarbho bhagavān hiraṇyaṃ me prayacchatu
sāṃkhyācāryyastu kapilo dhātusāmyaṃ karotu me

Meaning open with adhikāra · अर्थ अधिकार से

Verse 12

श्वेतद्वीपनिवासी च श्वेतद्वीपं नयत्वजः ।
सर्वान् शत्रून् सूदयतु मधुकैटभसूदनः ॥ १२ ॥

śvetadvīpanivāsī ca śvetadvīpaṃ nayatvajaḥ
sarvān śatrūn sūdayatu madhukaiṭabhasūdanaḥ

Meaning open with adhikāra · अर्थ अधिकार से

Verse 13

विष्णुः सदा चाकर्षतु किल्बिषं मम विग्रहात् ।
हंसो मत्स्यस्तथा कूर्मः पातु मां सर्वतो दिशम् ॥ १३ ॥

viṣṇuḥ sadā cākarṣatu kilbiṣaṃ mama vigrahāt
haṃso matsyastathā kūrmaḥ pātu māṃ sarvato diśam

Meaning open with adhikāra · अर्थ अधिकार से

Verse 14

त्रिविक्रमस्तु मे देवः सर्वान् पापान् निगृह्णतु ।
तथा नारायणो देवो बुद्धिं पालयतां मम ॥ १४ ॥

trivikramastu me devaḥ sarvān pāpān nigṛhṇatu
tathā nārāyaṇo devo buddhiṃ pālayatāṃ mama

Meaning open with adhikāra · अर्थ अधिकार से

Verse 15

शेषो मे निर्मलं ज्ञानं करोत्वज्ञाननाशनम् ।
वडवामुखो नाशयतु कल्मषं यत् कृतं मया ॥ १५ ॥

śeṣo me nirmalaṃ jñānaṃ karotvajñānanāśanam
vaḍavāmukho nāśayatu kalmaṣaṃ yat kṛtaṃ mayā

Meaning open with adhikāra · अर्थ अधिकार से

Verse 16

पद्भ्यां ददातु परमो सुखं मूर्ध्नि मम प्रभुः ।
दत्तात्रेयः कलयतु सपुत्रपशुबान्धवम् ॥ १६ ॥

padbhyāṃ dadātu paramo sukhaṃ mūrdhni mama prabhuḥ
dattātreyaḥ kalayatu saputrapaśubāndhavam

Meaning open with adhikāra · अर्थ अधिकार से

Verse 17

सर्वानरीन् नाशयतु रामः परशुना मम ।
रक्षोघ्नस्तु दाशरथिः पातु नित्यं महाभुजः ॥ १७ ॥

sarvānarīn nāśayatu rāmaḥ paraśunā mama
rakṣoghnastu dāśarathiḥ pātu nityaṃ mahābhujaḥ

Meaning open with adhikāra · अर्थ अधिकार से

Verse 18

शत्रून् हलेन मे हन्यात् रामो यादवनन्दनः ।
प्रलम्बकेशिचाणूरपूतनाकंसनाशनः ।
कृष्णस्य यो बालभावः स मे कामान् प्रयच्छतु ॥ १८ ॥

śatrūn halena me hanyāt rāmo yādavanandanaḥ
pralambakeśicāṇūrapūtanākaṃsanāśanaḥ
kṛṣṇasya yo bālabhāvaḥ sa me kāmān prayacchatu

Meaning open with adhikāra · अर्थ अधिकार से

Verse 19

अन्धकारतमोघोरं पुरुषं कृष्णपिङ्गलम् ।
पश्यामि भयसन्त्रस्तः पाशहस्तमिवान्तकम् ॥ १९ ॥

andhakāratamoghoraṃ puruṣaṃ kṛṣṇapiṅgalam
paśyāmi bhayasantrastaḥ pāśahastamivāntakam

Meaning open with adhikāra · अर्थ अधिकार से

Verse 20

ततोऽहं पुण्डरीकाक्षमच्युतं शरणं गतः ।
धन्योऽहं निर्भयो नित्यं यस्य मे भगवान् हरिः ॥ २० ॥

tato'haṃ puṇḍarīkākṣamacyutaṃ śaraṇaṃ gataḥ
dhanyo'haṃ nirbhayo nityaṃ yasya me bhagavān hariḥ

Meaning open with adhikāra · अर्थ अधिकार से

Verse 21

ध्यात्वा नारायणं देवं सर्वोपद्रवनाशनम् ।
वैष्णवं कवचं बद्ध्वा विचरामि महीतले ॥ २१ ॥

dhyātvā nārāyaṇaṃ devaṃ sarvopadravanāśanam
vaiṣṇavaṃ kavacaṃ baddhvā vicarāmi mahītale

Meaning open with adhikāra · अर्थ अधिकार से

Verse 22

अप्रधृष्योऽस्मि भूतानां सर्वदेवमयो ह्यहम् ।
स्मरणाद्देवदेवस्य विष्णोरमिततेजसः ॥ २२ ॥

apradhṛṣyo'smi bhūtānāṃ sarvadevamayo hyaham
smaraṇāddevadevasya viṣṇoramitatejasaḥ

Meaning open with adhikāra · अर्थ अधिकार से

Verse 23

सिद्धिर्भवतु मे नित्यं यथा मन्त्रमुदाहृतम् ।
यो मां पश्यति चक्षुर्भ्यां यञ्च पश्यामि चक्षुषा ।
सर्वेषां पापदुष्टानां विष्णुर्बध्नाति चक्षुषी ॥ २३ ॥

siddhirbhavatu me nityaṃ yathā mantramudāhṛtam
yo māṃ paśyati cakṣurbhyāṃ yañca paśyāmi cakṣuṣā
sarveṣāṃ pāpaduṣṭānāṃ viṣṇurbadhnāti cakṣuṣī

Meaning open with adhikāra · अर्थ अधिकार से

Verse 24

वासुदेवस्य यच्चक्रं तस्य चक्रस्य ये त्वराः ।
ते हि छिन्दन्तु पापान् मे मम हिंसन्तु हिंसकान् ॥ २४ ॥

vāsudevasya yaccakraṃ tasya cakrasya ye tvarāḥ
te hi chindantu pāpān me mama hiṃsantu hiṃsakān

Meaning open with adhikāra · अर्थ अधिकार से

Verse 25

राक्षसेषु पिशाचेषु कान्तारेष्वटवीषु च ।
विवादे राजमार्गेषु द्यूतेषु कलहेषु च ॥ २५ ॥

rākṣaseṣu piśāceṣu kāntāreṣvaṭavīṣu ca
vivāde rājamārgeṣu dyūteṣu kalaheṣu ca

Meaning open with adhikāra · अर्थ अधिकार से

Verse 26

नदीसन्तारणे घोरे संप्राप्ते प्राणसंशये ।
अग्निचौरनिपातेषु सर्वग्रहनिवारणे ॥ २६ ॥

nadīsantāraṇe ghore saṃprāpte prāṇasaṃśaye
agnicauranipāteṣu sarvagrahanivāraṇe

Meaning open with adhikāra · अर्थ अधिकार से

Verse 27

विद्युत्सर्पविषोद्वेगे रोगे च विघ्नसङ्कटे ।
जप्यमेतज्जपेन्नित्यं शरीरे भयमागते ॥ २७ ॥

vidyutsarpaviṣodvege roge ca vighnasaṅkaṭe
japyametajjapennityaṃ śarīre bhayamāgate

Meaning open with adhikāra · अर्थ अधिकार से

Verse 28

अयं भगवतो मन्त्रो मन्त्राणां परमो महान् ।
विख्यातं कवचं गुह्यं सर्वपापप्रणाशनम् ।
स्वमायाकृतनिर्माणकल्पान्तगहनं महत् ॥ २८ ॥

ayaṃ bhagavato mantro mantrāṇāṃ paramo mahān
vikhyātaṃ kavacaṃ guhyaṃ sarvapāpapraṇāśanam
svamāyākṛtanirmāṇakalpāntagahanaṃ mahat

Meaning open with adhikāra · अर्थ अधिकार से

Verse 29

ओं अनाद्यन्त ! जगद्बीज ! पद्मनाभ ! नमोऽस्तु ते ।
ओं कालाय स्वाहा । ओं कालपुरुषाय स्वाहा । ओं कृष्णाय स्वाहा । ओं कृष्णरूपाय स्वाहा । ओं चण्डाय स्वाहा । ओं चण्डरूपाय स्वाहा । ओं प्रचण्डाय स्वाहा । ओं प्रचण्डरूपाय स्वाहा । ओं सर्वाय स्वाहा । ओं सर्वरूपाय स्वाहा ।
ओं नमो भुवनेशाय त्रिलोकधात्रे इह विटि सिविटि सिविटि स्वाहा ।
ओं नमः अयोखेतये ये ये संज्ञायापात्र दैत्यदानवयक्षराक्षसभूतपिशाचकुष्माण्डान्तापस्मारकच्छर्दनदुर्द्धराणामेकाहिकद्वितीयतृतीयचातुर्थकमौहूर्त्तिकदिनज्वररात्रिज्वरसन्ध्याज्वरसर्वज्वरादीनां लूताकीटकण्टकपूतनाभुजङ्गस्थावरजङ्गमविषादीनामिदं शरीरं मम पथ्यं तुम्बुरु स्फुट स्फुट प्रकोट लफट विकटदंष्ट्र पूर्वतो रक्षतु ।
ओं है है है है दिनकरसहस्रकालसमाहतो जय पश्चिमतो रक्ष ।
ओं निवि निर्वि प्रदीप्तज्वलनज्वालाकार महाकपिल उत्तरतो रक्ष ।
ओं विलि विलि मिलि मिलि गरुडि गरुडि गौरीगान्धारीविषमोहविषमविषमां मोहयतु स्वाहा दक्षिणतो रक्ष मां पश्य सर्वभूतभयोपद्रवेभ्यो रक्ष रक्ष जय जय विजय तेन हीयते रिपुवासाहं कृतवायतो भयरुदयवोभयो अभयं दिशतु च्युतः ।
तदुदरमखिलं विशन्तु युगपरिवर्त्तसहस्रसंख्येयोऽस्तमलमिव प्रविशन्ति रश्मयः ।
वासुदेवसङ्कर्षणप्रद्युम्नाश्चानिरुद्धकः ।
सर्वज्वरान् मम घ्नन्तु विष्णुर्नारायणो हरिः ॥ २९ ॥

oṃ anādyanta jagadbīja padmanābha namo'stu te
oṃ kālāya svāhā oṃ kālapuruṣāya svāhā oṃ kṛṣṇāya svāhā oṃ kṛṣṇarūpāya svāhā oṃ caṇḍāya svāhā oṃ caṇḍarūpāya svāhā oṃ pracaṇḍāya svāhā oṃ pracaṇḍarūpāya svāhā oṃ sarvāya svāhā oṃ sarvarūpāya svāhā
oṃ namo bhuvaneśāya trilokadhātre iha viṭi siviṭi siviṭi svāhā
oṃ namaḥ ayokhetaye ye ye saṃjñāyāpātra daityadānavayakṣarākṣasabhūtapiśācakuṣmāṇḍāntāpasmārakacchardanadurddharāṇāmekāhikadvitīyatṛtīyacāturthakamauhūrttikadinajvararātrijvarasandhyājvarasarvajvarādīnāṃ lūtākīṭakaṇṭakapūtanābhujaṅgasthāvarajaṅgamaviṣādīnāmidaṃ śarīraṃ mama pathyaṃ tumburu sphuṭa sphuṭa prakoṭa laphaṭa vikaṭadaṃṣṭra pūrvato rakṣatu
oṃ hai hai hai hai dinakarasahasrakālasamāhato jaya paścimato rakṣa
oṃ nivi nirvi pradīptajvalanajvālākāra mahākapila uttarato rakṣa
oṃ vili vili mili mili garuḍi garuḍi gaurīgāndhārīviṣamohaviṣamaviṣamāṃ mohayatu svāhā dakṣiṇato rakṣa māṃ paśya sarvabhūtabhayopadravebhyo rakṣa rakṣa jaya jaya vijaya tena hīyate ripuvāsāhaṃ kṛtavāyato bhayarudayavobhayo abhayaṃ diśatu cyutaḥ
tadudaramakhilaṃ viśantu yugaparivarttasahasrasaṃkhyeyo'stamalamiva praviśanti raśmayaḥ
vāsudevasaṅkarṣaṇapradyumnāścāniruddhakaḥ
sarvajvarān mama ghnantu viṣṇurnārāyaṇo hariḥ

Meaning open with adhikāra · अर्थ अधिकार से

several syllables of the mantra prose uncertain (संज्ञायापात्र, तुम्बुरु, रिपुवासाहं कृतवायतो भयरुदयवोभयो)

इति श्रीगारुडे महापुराणे पूर्वखण्डे प्रथमांशाख्ये आचारकाण्डे वैष्णवकवचकथनं नाम चतुर्नवत्युत्तरशततमोऽध्यायः ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.
Dattatreya दत्तात्रेय The combined avatar of Brahma, Vishnu, and Shiva, worshipped as a guru deity, especially within the Nath and Tantric traditions.
Sudarshana Chakra सुदर्शन चक्र Lord Vishnu/Narayana's discus weapon, invoked in scripture as the protector of devotees who observe vows like Ekadashi with strict devotion.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras