श्रीउग्रताराकवचम्

ईश्वर उवाच — ईश्वर ने कहा Īśvara said

कोटितंत्रेषु गोप्या हि विद्यातिभयमोचिनी ।
दिव्यं हि कवचं तस्याः शृणुष्व सर्वकामदम् ॥ १ ॥

koṭitaṃtreṣu gopyā hi vidyātibhayamocinī
divyaṃ hi kavacaṃ tasyāḥ śṛṇuṣva sarvakāmadam

प्रणवो मे शिरः पातु ब्रह्मरूपा महेश्वरी ।
ललाटे पातु ह्रींकारो बीजरूपा महेश्वरी ॥ २ ॥

praṇavo me śiraḥ pātu brahmarūpā maheśvarī
lalāṭe pātu hrīṃkāro bījarūpā maheśvarī

ख्रींकारो वदने नित्यं लज्जारूपा महेश्वरी ।
हूँकारः पातु हृदये भवानीरूपशक्तिधृक् ॥ ३ ॥

khrīṃkāro vadane nityaṃ lajjārūpā maheśvarī
hūm̐kāraḥ pātu hṛdaye bhavānīrūpaśaktidhṛk

फट्कारः पातु सर्वांगे सर्वसिद्धिफलप्रदा ।
खर्वा मां पातु देवेशी गंडयुग्मे भयापहा ॥ ४ ॥

phaṭkāraḥ pātu sarvāṃge sarvasiddhiphalapradā
kharvā māṃ pātu deveśī gaṃḍayugme bhayāpahā

निम्नोदरी सदा स्कंधयुग्मे पातु महेश्वरी ।
व्याघ्रचर्मावृता कट्यां पातु देवी शिवप्रिया ॥ ५ ॥

nimnodarī sadā skaṃdhayugme pātu maheśvarī
vyāghracarmāvṛtā kaṭyāṃ pātu devī śivapriyā

Meaning open with adhikāra · अर्थ अधिकार से

पीनोन्नतस्तनी पातु पार्श्वयुग्मे महेश्वरी ।
रक्तवर्तुलनेत्रा च कटिदेशे सदाऽवतु ॥ ६ ॥

pīnonnatastanī pātu pārśvayugme maheśvarī
raktavartulanetrā ca kaṭideśe sadā'vatu

Meaning open with adhikāra · अर्थ अधिकार से

ललज्जिह्वा सदा पातु नाभौ मां भुवनेश्वरी ।
करालास्या सदा पातु लिंगे देवी हरप्रिया ॥ ७ ॥

lalajjihvā sadā pātu nābhau māṃ bhuvaneśvarī
karālāsyā sadā pātu liṃge devī harapriyā

Meaning open with adhikāra · अर्थ अधिकार से

पिंगोग्रजटा पातु जंघायां विघ्ननाशिनी ।
प्रेतखर्परभृद्देवी जानुयुगे महेश्वरी ॥ ८ ॥

piṃgograjaṭā pātu jaṃghāyāṃ vighnanāśinī
pretakharparabhṛddevī jānuyuge maheśvarī

Meaning open with adhikāra · अर्थ अधिकार से

नीलवर्णा सदा पातु जानुनी सर्वदा मम ।
नागकुंडलधर्त्री च पातु पादयुगे ततः ॥ ९ ॥

nīlavarṇā sadā pātu jānunī sarvadā mama
nāgakuṃḍaladhartrī ca pātu pādayuge tataḥ

Meaning open with adhikāra · अर्थ अधिकार से

नागहारधरा देवी सर्वांगं पातु सर्वदा ।
नागकंकणधरा देवी पातु प्रांतरदेशतः ॥ १० ॥

nāgahāradharā devī sarvāṃgaṃ pātu sarvadā
nāgakaṃkaṇadharā devī pātu prāṃtaradeśataḥ

Meaning open with adhikāra · अर्थ अधिकार से

चतुर्भुजा सदा पातु गमने शत्रुनाशिनी ।
खड्गहस्ता महादेवी श्रवणे पातु सर्वदा ॥ ११ ॥

caturbhujā sadā pātu gamane śatrunāśinī
khaḍgahastā mahādevī śravaṇe pātu sarvadā

Meaning open with adhikāra · अर्थ अधिकार से

नीलांबरधरा देवी पातु मां विघ्ननाशिनी ।
कर्त्रिहस्ता सदा पातु विवादे शत्रुमध्यतः ॥ १२ ॥

nīlāṃbaradharā devī pātu māṃ vighnanāśinī
kartrihastā sadā pātu vivāde śatrumadhyataḥ

Meaning open with adhikāra · अर्थ अधिकार से

ब्रह्मरूपधरा देवी संग्रामे पातु सर्वदा ।
नागकंकणधर्त्री च भोजने पातु सर्वदा ॥ १३ ॥

brahmarūpadharā devī saṃgrāme pātu sarvadā
nāgakaṃkaṇadhartrī ca bhojane pātu sarvadā

Meaning open with adhikāra · अर्थ अधिकार से

शवकर्णा महादेवी शयने पातु सर्वदा ।
वीरासनधरा देवी निद्रायां पातु सर्वदा ॥ १४ ॥

śavakarṇā mahādevī śayane pātu sarvadā
vīrāsanadharā devī nidrāyāṃ pātu sarvadā

Meaning open with adhikāra · अर्थ अधिकार से

शवकर्णा uncertain

धनुर्वाणधरा देवी पातु मां विघ्नसंकुले ।
नागांचितकटी पातु देवी मां सर्वकर्मसु ॥ १५ ॥

dhanurvāṇadharā devī pātu māṃ vighnasaṃkule
nāgāṃcitakaṭī pātu devī māṃ sarvakarmasu

Meaning open with adhikāra · अर्थ अधिकार से

छिन्नमुंडधरा देवी कानने पातु सर्वदा ।
चितामध्यस्थिता देवी मारणे पातु सर्वदा ॥ १६ ॥

chinnamuṃḍadharā devī kānane pātu sarvadā
citāmadhyasthitā devī māraṇe pātu sarvadā

Meaning open with adhikāra · अर्थ अधिकार से

द्वीपिचर्मधरा देवी पुत्रदारधनादिषु ।
अलंकारान्विता देवी पातु मां हरवल्लभा ॥ १७ ॥

dvīpicarmadharā devī putradāradhanādiṣu
alaṃkārānvitā devī pātu māṃ haravallabhā

Meaning open with adhikāra · अर्थ अधिकार से

रक्ष रक्ष नदीकुंजे हूंहूंफट्सुसमन्विते ।
बीजरूपा महादेवी पर्वते पातु सर्वदा ॥ १८ ॥

rakṣa rakṣa nadīkuṃje hūṃhūṃphaṭsusamanvite
bījarūpā mahādevī parvate pātu sarvadā

Meaning open with adhikāra · अर्थ अधिकार से

मणिभृद्वज्रिणी देवी महाप्रतिसरे तथा ।
रक्ष रक्ष सदा हूं हूं ॐ ह्रीं स्वाहा महेश्वरी ॥ १९ ॥

maṇibhṛdvajriṇī devī mahāpratisare tathā
rakṣa rakṣa sadā hūṃ hūṃ oṃ hrīṃ svāhā maheśvarī

Meaning open with adhikāra · अर्थ अधिकार से

पुष्पकेतुरजोऽहेति काननं पातु सर्वदा ।
ॐ ह्रीं वज्रपुष्पं हुं फट् प्रांतरे सर्वकामदा ॥ २० ॥

puṣpaketurajo'heti kānanaṃ pātu sarvadā
oṃ hrīṃ vajrapuṣpaṃ huṃ phaṭ prāṃtare sarvakāmadā

Meaning open with adhikāra · अर्थ अधिकार से

पुष्पकेतुरजोऽहेति uncertain

ॐ पुष्पे पुष्पे महापुष्पे पातु पुत्रान्महेश्वरी ।
हूं स्वाहा शक्तिसंयुक्ता दारान् रक्षतु सर्वदा ॥ २१ ॥

oṃ puṣpe puṣpe mahāpuṣpe pātu putrānmaheśvarī
hūṃ svāhā śaktisaṃyuktā dārān rakṣatu sarvadā

Meaning open with adhikāra · अर्थ अधिकार से

ॐ आं हूं स्वाहा महेशानी पातु द्यूते हरप्रिया ।
ॐ ह्रीं सर्वविघ्नोत्सारिणी देवी विघ्नान्मां सदाऽवतु ॥ २२ ॥

oṃ āṃ hūṃ svāhā maheśānī pātu dyūte harapriyā
oṃ hrīṃ sarvavighnotsāriṇī devī vighnānmāṃ sadā'vatu

Meaning open with adhikāra · अर्थ अधिकार से

ॐ पवित्रवज्रभूमे हुंफट्स्वाहासमन्विता ।
पूरिका पातु मां देवी सर्वविघ्नविनाशिनी ॥ २३ ॥

oṃ pavitravajrabhūme huṃphaṭsvāhāsamanvitā
pūrikā pātu māṃ devī sarvavighnavināśinī

Meaning open with adhikāra · अर्थ अधिकार से

पूरिका uncertain

ॐ आः सुरेखे वज्ररेखे हुंफट्स्वाहासमन्विता ।
पाताले पातु सा देवी लाकिनी नामसंज्ञिका ॥ २४ ॥

oṃ āḥ surekhe vajrarekhe huṃphaṭsvāhāsamanvitā
pātāle pātu sā devī lākinī nāmasaṃjñikā

Meaning open with adhikāra · अर्थ अधिकार से

लाकिनी uncertain

ह्रींकारी पातु मां पूर्वे शक्तिरूपा महेश्वरी ।
श्रींकारी पातु देवेशी वधूरूपा महेश्वरी ॥ २५ ॥

hrīṃkārī pātu māṃ pūrve śaktirūpā maheśvarī
śrīṃkārī pātu deveśī vadhūrūpā maheśvarī

Meaning open with adhikāra · अर्थ अधिकार से

हूंस्वरूपा महादेवी पातु मां क्रोधरूपिणी ।
फट्स्वरूपा महामाया उत्तरे पातु सर्वदा ॥ २६ ॥

hūṃsvarūpā mahādevī pātu māṃ krodharūpiṇī
phaṭsvarūpā mahāmāyā uttare pātu sarvadā

Meaning open with adhikāra · अर्थ अधिकार से

पश्चिमे पातु मां देवी फट्स्वरूपा हरप्रिया ।
मध्ये मां पातु देवेशी हूंस्वरूपा नगात्मजा ॥ २७ ॥

paścime pātu māṃ devī phaṭsvarūpā harapriyā
madhye māṃ pātu deveśī hūṃsvarūpā nagātmajā

Meaning open with adhikāra · अर्थ अधिकार से

नीलवर्णा सदा पातु सर्वतो वाग्भवा सदा ।
भवानी पातु भवने सर्वैश्वर्यप्रदायिनी ॥ २८ ॥

nīlavarṇā sadā pātu sarvato vāgbhavā sadā
bhavānī pātu bhavane sarvaiśvaryapradāyinī

Meaning open with adhikāra · अर्थ अधिकार से

विद्यादानरता देवी वक्त्रे नीलसरस्वती ।
शास्त्रे वादे च संग्रामे जले च विषमे गिरौ ॥ २९ ॥

vidyādānaratā devī vaktre nīlasarasvatī
śāstre vāde ca saṃgrāme jale ca viṣame girau

Meaning open with adhikāra · अर्थ अधिकार से

भीमरूपा सदा पातु श्मशाने भयनाशिनी ।
भूतप्रेतालये घोरे दुर्गमा श्रीघनाऽवतु ॥ ३० ॥

bhīmarūpā sadā pātu śmaśāne bhayanāśinī
bhūtapretālaye ghore durgamā śrīghanā'vatu

Meaning open with adhikāra · अर्थ अधिकार से

पातु नित्यं महेशानी सर्वत्र शिवदूतिका ।
कवचस्य च माहात्म्यं नाहं वर्षशतैरपि ॥ ३१ ॥

pātu nityaṃ maheśānī sarvatra śivadūtikā
kavacasya ca māhātmyaṃ nāhaṃ varṣaśatairapi

Meaning open with adhikāra · अर्थ अधिकार से

शक्नोमि गदितुं देवि भवेत्तस्य फलं च यत् ।
पुत्रदारेषु बंधूनां सर्वदेशे च सर्वदा ॥ ३२ ॥

śaknomi gadituṃ devi bhavettasya phalaṃ ca yat
putradāreṣu baṃdhūnāṃ sarvadeśe ca sarvadā

Meaning open with adhikāra · अर्थ अधिकार से

न विद्यते भयं तस्य नृपपूज्यो भवेत्स सः ।
शुचिर्भूत्वाशुचिर्वापि कवचं सर्वकामदम् ॥ ३३ ॥

na vidyate bhayaṃ tasya nṛpapūjyo bhavetsa saḥ
śucirbhūtvāśucirvāpi kavacaṃ sarvakāmadam

Meaning open with adhikāra · अर्थ अधिकार से

प्रपठन् वा स्मरन्मर्त्यो दुःखशोकविवर्जितः ।
सर्वशास्त्रे महेशानि कविराड्भवति ध्रुवम् ॥ ३४ ॥

prapaṭhan vā smaranmartyo duḥkhaśokavivarjitaḥ
sarvaśāstre maheśāni kavirāḍbhavati dhruvam

Meaning open with adhikāra · अर्थ अधिकार से

सर्ववागीश्वरो मर्त्यो लोकवश्यो धनेश्वरः ।
रणे द्यूते विवादे च जयस्तत्र भवेद्ध्रुवम् ॥ ३५ ॥

sarvavāgīśvaro martyo lokavaśyo dhaneśvaraḥ
raṇe dyūte vivāde ca jayastatra bhaveddhruvam

Meaning open with adhikāra · अर्थ अधिकार से

पुत्रपौत्रान्वितो मर्त्यो विलासी सर्वयोषिताम् ।
शत्रवो दासतां यांति सर्वेषां वल्लभः सदा ॥ ३६ ॥

putrapautrānvito martyo vilāsī sarvayoṣitām
śatravo dāsatāṃ yāṃti sarveṣāṃ vallabhaḥ sadā

Meaning open with adhikāra · अर्थ अधिकार से

गर्वी खर्वी भवत्येव वादी स्खलति दर्शनात् ।
मृत्युश्च वश्यतां याति दासास्तस्यावनीभुजः ॥ ३७ ॥

garvī kharvī bhavatyeva vādī skhalati darśanāt
mṛtyuśca vaśyatāṃ yāti dāsāstasyāvanībhujaḥ

Meaning open with adhikāra · अर्थ अधिकार से

प्रसंगात्कथितं सर्वं कवचं सर्वकामदम् ।
प्रपठन्वा स्मरन्मर्त्यः शापानुग्रहणे क्षमः ॥ ३८ ॥

prasaṃgātkathitaṃ sarvaṃ kavacaṃ sarvakāmadam
prapaṭhanvā smaranmartyaḥ śāpānugrahaṇe kṣamaḥ

Meaning open with adhikāra · अर्थ अधिकार से

आनंदवृंदसिंधूनामधिपः कविराड्भवेत् ।
सर्ववागीश्वरो मर्त्यो लोकवश्यः सदा सुखी ॥ ३९ ॥

ānaṃdavṛṃdasiṃdhūnāmadhipaḥ kavirāḍbhavet
sarvavāgīśvaro martyo lokavaśyaḥ sadā sukhī

Meaning open with adhikāra · अर्थ अधिकार से

गुरोः प्रसादमासाद्य विद्यां प्राप्य सुगोपिताम् ।
तत्रापि कवचं देवि दुर्लभं भुवनत्रये ॥ ४० ॥

guroḥ prasādamāsādya vidyāṃ prāpya sugopitām
tatrāpi kavacaṃ devi durlabhaṃ bhuvanatraye

Meaning open with adhikāra · अर्थ अधिकार से

गुरुर्देवो हरः साक्षात्तत्पत्नी तु हरप्रिया ।
अभेदेन भजेद्यस्तु तस्य सिद्धिर्दृतस्ततः ॥ ४१ ॥

gururdevo haraḥ sākṣāttatpatnī tu harapriyā
abhedena bhajedyastu tasya siddhirdṛtastataḥ

Meaning open with adhikāra · अर्थ अधिकार से

मंत्राचारा महेशानि कथिताः पूर्ववत्प्रिये ।
नाभौ ज्योतिस्तथा रक्तं हृदयोपरि चिंतयेत् ॥ ४२ ॥

maṃtrācārā maheśāni kathitāḥ pūrvavatpriye
nābhau jyotistathā raktaṃ hṛdayopari ciṃtayet

Meaning open with adhikāra · अर्थ अधिकार से

ऐश्वर्यं सुकवित्वं च महावागीश्वरो नृपः ।
नित्यं तस्य महेशानि महिलासंगमं चरेत् ॥ ४३ ॥

aiśvaryaṃ sukavitvaṃ ca mahāvāgīśvaro nṛpaḥ
nityaṃ tasya maheśāni mahilāsaṃgamaṃ caret

Meaning open with adhikāra · अर्थ अधिकार से

महिलासंगमं चरेत् uncertain

पंचाचाररतो मर्त्यः सिद्धो भवति नान्यथा ।
शक्तियुक्तो भवेन्मर्त्यः सिद्धो भवति नान्यथा ॥ ४४ ॥

paṃcācārarato martyaḥ siddho bhavati nānyathā
śaktiyukto bhavenmartyaḥ siddho bhavati nānyathā

Meaning open with adhikāra · अर्थ अधिकार से

पंचाचाररतो uncertain

ब्रह्मा विष्णुश्च रुद्रश्च ये देवासुरमानुषाः ।
तं दृष्ट्वा साधकं देवि लज्जायुक्ता भवंति ते ॥ ४५ ॥

brahmā viṣṇuśca rudraśca ye devāsuramānuṣāḥ
taṃ dṛṣṭvā sādhakaṃ devi lajjāyuktā bhavaṃti te

Meaning open with adhikāra · अर्थ अधिकार से

स्वर्गे मर्त्ये च पाताले ये देवाः सिद्धिदायकाः ।
प्रशंसंति सदा देवि तं दृष्ट्वा साधकोत्तमम् ॥ ४६ ॥

svarge martye ca pātāle ye devāḥ siddhidāyakāḥ
praśaṃsaṃti sadā devi taṃ dṛṣṭvā sādhakottamam

Meaning open with adhikāra · अर्थ अधिकार से

विद्यात्मकाश्च ये देवाः स्वर्गे मर्त्ये रसातले ।
प्रशंसंति सदा सर्वे तं दृष्ट्वा साधकोत्तमम् ॥ ४७ ॥

vidyātmakāśca ye devāḥ svarge martye rasātale
praśaṃsaṃti sadā sarve taṃ dṛṣṭvā sādhakottamam

Meaning open with adhikāra · अर्थ अधिकार से

इति ते कथितं देवि मया सम्यक्प्रकीर्तितम् ।
भुक्तिमुक्तिकरं साक्षात्कल्पवृक्षस्वरूपकम् ॥ ४८ ॥

iti te kathitaṃ devi mayā samyakprakīrtitam
bhuktimuktikaraṃ sākṣātkalpavṛkṣasvarūpakam

Meaning open with adhikāra · अर्थ अधिकार से

आसाद्य गुरुं प्रसाद्य इदं कल्पद्रुमालंबनं
मोहेनापि मदेन वापि रहितो जाड्येन वा युज्यते ।
सिद्धोऽसौ भुवि सर्वदुःखविपदां पारं प्रयात्यंतके
मित्रं तस्य नृपाश्च देवि विपदो नश्यंति तस्याशु च ॥ ४९ ॥

āsādya guruṃ prasādya idaṃ kalpadrumālaṃbanaṃ
mohenāpi madena vāpi rahito jāḍyena vā yujyate
siddho'sau bhuvi sarvaduḥkhavipadāṃ pāraṃ prayātyaṃtake
mitraṃ tasya nṛpāśca devi vipado naśyaṃti tasyāśu ca

Meaning open with adhikāra · अर्थ अधिकार से

आसाद्य गुरुं...तस्याशु च uncertain

तद्रत्नं प्राप्य शक्राणि ब्रह्माद्यानि वै भुवि ।
तस्य गेहे स्थिरा लक्ष्मीर्वाणी वक्त्रे वसेद्ध्रुवम् ॥ ५० ॥

tadratnaṃ prāpya śakrāṇi brahmādyāni vai bhuvi
tasya gehe sthirā lakṣmīrvāṇī vaktre vaseddhruvam

Meaning open with adhikāra · अर्थ अधिकार से

इदं कवचमज्ञात्वा तारां यो भजते नरः ।
अल्पायुर्निर्द्धनो मूर्खो भवत्येव न संशयः ॥ ५१ ॥

idaṃ kavacamajñātvā tārāṃ yo bhajate naraḥ
alpāyurnirddhano mūrkho bhavatyeva na saṃśayaḥ

Meaning open with adhikāra · अर्थ अधिकार से

लिखित्वा धारयेद्यस्तु कंठे वा मस्तके भुजे ।
सर्वार्थसिद्धिः स्यादेतज्ज्ञात्वा यन्मनसि वर्तते ॥ ५२ ॥

likhitvā dhārayedyastu kaṃṭhe vā mastake bhuje
sarvārthasiddhiḥ syādetajjñātvā yanmanasi vartate

Meaning open with adhikāra · अर्थ अधिकार से

line doubtful

गोरोचनाकुंकुमेन रक्तचंदनकेन वा ।
यावकैर्वा महेशानि लिखेन्मंत्रं समाहितः ॥ ५३ ॥

gorocanākuṃkumena raktacaṃdanakena vā
yāvakairvā maheśāni likhenmaṃtraṃ samāhitaḥ

Meaning open with adhikāra · अर्थ अधिकार से

अष्टम्यां मंगलदिने चतुर्दश्यामथापि वा ।
संध्यायां देवदेवेशि लिखेन्मंत्रं समाहितः ॥ ५४ ॥

aṣṭamyāṃ maṃgaladine caturdaśyāmathāpi vā
saṃdhyāyāṃ devadeveśi likhenmaṃtraṃ samāhitaḥ

Meaning open with adhikāra · अर्थ अधिकार से

मघायां श्रवणे वापि रेवत्यां वा विशेषतः ।
सिंहराशौ गते चंद्रे कर्कटस्थे दिवाकरे ॥ ५५ ॥

maghāyāṃ śravaṇe vāpi revatyāṃ vā viśeṣataḥ
siṃharāśau gate caṃdre karkaṭasthe divākare

Meaning open with adhikāra · अर्थ अधिकार से

मीनराशौ गुरौ याते वृश्चिकस्थे शनैश्चरे ।
लिखित्वा धारयेद्यस्तु उत्तराभिमुखो भवेत् ॥ ५६ ॥

mīnarāśau gurau yāte vṛścikasthe śanaiścare
likhitvā dhārayedyastu uttarābhimukho bhavet

श्मशाने प्रांतरे वापि शून्यागारे विशेषतः ।
निशायां वा लिखेन्मंत्रं तस्य सिद्धिरचंचला ॥ ५७ ॥

śmaśāne prāṃtare vāpi śūnyāgāre viśeṣataḥ
niśāyāṃ vā likhenmaṃtraṃ tasya siddhiracaṃcalā

भूर्जपत्रे लिखेन्मंत्रं गुरुणा च महेश्वरि ।
ध्यानधारणयोगेन धारयेद्यस्तु भक्तितः ॥ ५८ ॥

bhūrjapatre likhenmaṃtraṃ guruṇā ca maheśvari
dhyānadhāraṇayogena dhārayedyastu bhaktitaḥ

अचिरात्तस्य सिद्धिः स्यान्नात्र कार्या विचारणा ॥ ५९ ॥

acirāttasya siddhiḥ syānnātra kāryā vicāraṇā