श्रीरामकवचम्

ध्यात्वा नीलोत्पलश्यामं रामं राजीवलोचनम् ।
जानकीलक्ष्मणोपेतं जटामुकुटमण्डितम् ।
सासितूणधनुर्वाणपाणिं नक्तञ्चरान्तकम् ।
स्वलीलया जगत्त्रातुमाविर्भूतमजं विभुम् ॥१॥

dhyātvā nīlotpalaśyāmaṃ rāmaṃ rājīvalocanam
jānakīlakṣmaṇopetaṃ jaṭāmukuṭamaṇḍitam
sāsitūṇadhanurvāṇapāṇiṃ naktañcarāntakam
svalīlayā jagattrātumāvirbhūtamajaṃ vibhum

रामरक्षां पठेत्प्राज्ञः पापघ्नीं सर्वकामदाम् ॥२॥

rāmarakṣāṃ paṭhetprājñaḥ pāpaghnīṃ sarvakāmadām

ॐ शिरो मे राघवः पातु भालं दशरथात्मजः ।
कौशलेयो दृशौ पातु विश्वामित्रप्रियः श्रुती ॥४॥

oṃ śiro me rāghavaḥ pātu bhālaṃ daśarathātmajaḥ
kauśaleyo dṛśau pātu viśvāmitrapriyaḥ śrutī

घ्राणं पातु मखत्राता मुखं सौमित्रिवत्सलः ।
जिह्वां विद्यानिधिः पातु कण्ठं भरतवन्दितः ॥५॥

ghrāṇaṃ pātu makhatrātā mukhaṃ saumitrivatsalaḥ
jihvāṃ vidyānidhiḥ pātu kaṇṭhaṃ bharatavanditaḥ

स्कन्धौ दिव्यायुधः पातु भुजौ भग्नेशकार्मुकः ।
करौ सीतापतिः पातु हृदयं जामदग्न्यजित् ॥६॥

skandhau divyāyudhaḥ pātu bhujau bhagneśakārmukaḥ
karau sītāpatiḥ pātu hṛdayaṃ jāmadagnyajit

Meaning open with adhikāra · अर्थ अधिकार से

वक्षः पातु कबन्धारिः स्तनौ गीर्वाणवन्दितः ।
पार्श्वौ कुलपतिः पातु कुक्षिमिक्ष्वाकुनन्दनः ॥७॥

vakṣaḥ pātu kabandhāriḥ stanau gīrvāṇavanditaḥ
pārśvau kulapatiḥ pātu kukṣimikṣvākunandanaḥ

Meaning open with adhikāra · अर्थ अधिकार से

मध्यं पातु खरध्वंसी नाभिं जाम्बवदाश्रयः ।
गुह्यं जितेन्द्रियः पातु पृष्ठं पातु रघूत्तमः ॥८॥

madhyaṃ pātu kharadhvaṃsī nābhiṃ jāmbavadāśrayaḥ
guhyaṃ jitendriyaḥ pātu pṛṣṭhaṃ pātu raghūttamaḥ

Meaning open with adhikāra · अर्थ अधिकार से

सुग्रीवेशः कटीं पातु सक्थिनी हनूमत्प्रभुः ।
ऊरू रघूत्तमः पातु रक्षःकुलविनाशकृत् ॥९॥

sugrīveśaḥ kaṭīṃ pātu sakthinī hanūmatprabhuḥ
ūrū raghūttamaḥ pātu rakṣaḥkulavināśakṛt

Meaning open with adhikāra · अर्थ अधिकार से

जानुनी सेतुकृत्पातु जङ्घे दशमुखान्तकः ।
पादौ विभीषणश्रीदः पातु रामोऽखिलं वपुः ॥१०॥

jānunī setukṛtpātu jaṅghe daśamukhāntakaḥ
pādau vibhīṣaṇaśrīdaḥ pātu rāmo'khilaṃ vapuḥ

Meaning open with adhikāra · अर्थ अधिकार से

एतां रामबलोपेतां रक्षां यः सुकृती पठेत् ।
स चिरायुः सुखी पुत्री विजयी विनयी भवेत् ॥११॥

etāṃ rāmabalopetāṃ rakṣāṃ yaḥ sukṛtī paṭhet
sa cirāyuḥ sukhī putrī vijayī vinayī bhavet

Meaning open with adhikāra · अर्थ अधिकार से

पातालभूतलव्योमचारिणश्छद्मचारिणः ।
न द्रष्टुमपि शक्तास्ते रक्षितं रामनामभिः ॥१२॥

pātālabhūtalavyomacāriṇaśchadmacāriṇaḥ
na draṣṭumapi śaktāste rakṣitaṃ rāmanāmabhiḥ

Meaning open with adhikāra · अर्थ अधिकार से

रामेति रामभद्रेति रामचन्द्रेति वा स्मरन् ।
नरो न लिप्यते पापैर्भुक्तिं मुक्तिञ्च विन्दति ॥१३॥

rāmeti rāmabhadreti rāmacandreti vā smaran
naro na lipyate pāpairbhuktiṃ muktiñca vindati

Meaning open with adhikāra · अर्थ अधिकार से

जगज्जैत्रैकमन्त्रेण रामनाम्नाभिरक्षितम् ।
यः करे धारयेत्तस्य करस्थाः सर्वसिद्धयः ॥१४॥

jagajjaitraikamantreṇa rāmanāmnābhirakṣitam
yaḥ kare dhārayettasya karasthāḥ sarvasiddhayaḥ

Meaning open with adhikāra · अर्थ अधिकार से

भूर्जपत्रे त्विमां विद्यां गन्धचन्दनचर्चिताम् ।
कृत्वा वै धारयेद्यस्तु सोऽभीष्टं फलमाप्नुयात् ॥१५॥

bhūrjapatre tvimāṃ vidyāṃ gandhacandanacarcitām
kṛtvā vai dhārayedyastu so'bhīṣṭaṃ phalamāpnuyāt

Meaning open with adhikāra · अर्थ अधिकार से

काकबन्ध्या च या नारी मृतवत्सा च या भवेत् ।
बह्वपत्या जीववत्सा सा भवेन्नात्र संशयः ॥१६॥

kākabandhyā ca yā nārī mṛtavatsā ca yā bhavet
bahvapatyā jīvavatsā sā bhavennātra saṃśayaḥ

Meaning open with adhikāra · अर्थ अधिकार से

वज्रपञ्जरनामेदं यो रामकवचं पठेत् ।
अव्याहताज्ञः सर्वत्र लभते जयमङ्गलम् ॥१७॥

vajrapañjaranāmedaṃ yo rāmakavacaṃ paṭhet
avyāhatājñaḥ sarvatra labhate jayamaṅgalam

Meaning open with adhikāra · अर्थ अधिकार से

आदिष्टवान्यथा स्वप्ने रामरक्षामिमां हरिः ।
तथा लिखितवान् प्रातः प्रबुद्धो बुधकौशिकः ॥१८॥

ādiṣṭavānyathā svapne rāmarakṣāmimāṃ hariḥ
tathā likhitavān prātaḥ prabuddho budhakauśikaḥ

Meaning open with adhikāra · अर्थ अधिकार से

धन्विनौ बद्धनिस्त्रिंशौ काकपक्षधरौ शुभौ ।
वीरौ मां पथि रक्षेतां तावुभौ रामलक्ष्मणौ ॥१९॥

dhanvinau baddhanistriṃśau kākapakṣadharau śubhau
vīrau māṃ pathi rakṣetāṃ tāvubhau rāmalakṣmaṇau

Meaning open with adhikāra · अर्थ अधिकार से

तरुणौ रूपसम्पन्नौ सुकुमारौ महाबलौ ।
पुण्डरीकविशालाक्षौ चीरकृष्णाजिनाम्बरौ ॥२०॥

taruṇau rūpasampannau sukumārau mahābalau
puṇḍarīkaviśālākṣau cīrakṛṣṇājināmbarau

Meaning open with adhikāra · अर्थ अधिकार से

फलमूलाशिनौ दान्तौ तापसौ ब्रह्मचारिणौ ।
पुत्रौ दशरथस्यैतौ भ्रातरौ रामलक्ष्मणौ ॥२१॥

phalamūlāśinau dāntau tāpasau brahmacāriṇau
putrau daśarathasyaitau bhrātarau rāmalakṣmaṇau

Meaning open with adhikāra · अर्थ अधिकार से

शरण्यौ सर्वसत्त्वानां श्रेष्ठौ सर्वधनुष्मताम् ।
रक्षःकुलनिहन्तारौ त्रायेतां वो रघूत्तमौ ॥२२॥

śaraṇyau sarvasattvānāṃ śreṣṭhau sarvadhanuṣmatām
rakṣaḥkulanihantārau trāyetāṃ vo raghūttamau

Meaning open with adhikāra · अर्थ अधिकार से

आत्तसज्यधनुषाविषुस्पृशावक्षयाशुगनिषङ्गसङ्गिनौ ।
रक्षणाय मम रामलक्ष्मणावग्रतः पथि सदैव गच्छताम् ॥२३॥

āttasajyadhanuṣāviṣuspṛśāvakṣayāśuganiṣaṅgasaṅginau
rakṣaṇāya mama rāmalakṣmaṇāvagrataḥ pathi sadaiva gacchatām

Meaning open with adhikāra · अर्थ अधिकार से

सन्नद्धः कवची खड्गी चापबाणधरो युवा ।
यच्छन्मनोरथश्चास्मान् रामः पातु सलक्ष्मणः ॥२४॥

sannaddhaḥ kavacī khaḍgī cāpabāṇadharo yuvā
yacchanmanorathaścāsmān rāmaḥ pātu salakṣmaṇaḥ

Meaning open with adhikāra · अर्थ अधिकार से

अग्रतस्तु नृसिंहो मे पृष्ठतो गरुडध्वजः पार्श्वयोस्तु ।
धनुष्मन्तौ सशरौ रामलक्ष्मणौ ॥२५॥

agratastu nṛsiṃho me pṛṣṭhato garuḍadhvajaḥ pārśvayostu
dhanuṣmantau saśarau rāmalakṣmaṇau

Meaning open with adhikāra · अर्थ अधिकार से

रामो दाशरथिः शूरो लक्ष्मणानुचरो बली ।
काकुत्स्थः पुरुषः पूर्णः कौशलेयो रघूत्तमः ॥२६॥

rāmo dāśarathiḥ śūro lakṣmaṇānucaro balī
kākutsthaḥ puruṣaḥ pūrṇaḥ kauśaleyo raghūttamaḥ

Meaning open with adhikāra · अर्थ अधिकार से

वेदान्तवेद्यो यज्ञेशः पुराणः पुरुषोत्तमः ।
जानकीवल्लभः श्रीमानप्रमेयपराक्रमः ॥२७॥

vedāntavedyo yajñeśaḥ purāṇaḥ puruṣottamaḥ
jānakīvallabhaḥ śrīmānaprameyaparākramaḥ

दक्षिणे लक्ष्मणो धन्वी वामे च जानकी शुभा ।
पुरतो मारुतिर्यस्य तं नमामि रघूत्तमम् ॥२८॥

dakṣiṇe lakṣmaṇo dhanvī vāme ca jānakī śubhā
purato mārutiryasya taṃ namāmi raghūttamam

आपदामपहन्तारं दातारं सर्वसम्पदाम् ।
गुणाभिरामं श्रीरामं भूयो भूयो नमाम्यहम् ॥२९॥

āpadāmapahantāraṃ dātāraṃ sarvasampadām
guṇābhirāmaṃ śrīrāmaṃ bhūyo bhūyo namāmyaham

एतानि मम नामानि मद्भक्तो यः सदा पठेत् ।
अश्वमेधायुतं पुण्यं स प्राप्नोति न संशयः ॥३०॥

etāni mama nāmāni madbhakto yaḥ sadā paṭhet
aśvamedhāyutaṃ puṇyaṃ sa prāpnoti na saṃśayaḥ