श्रीराधासहस्रनामस्तोत्रम्

श्रीपार्वत्युवाच — पार्वती ने कहा Pārvatī said

देवदेव जगन्नाथ भक्तानुग्रहकारक ।
यद्यस्ति मयि कारुण्यं मयि यद्यस्ति ते दया ॥ १॥

devadeva jagannātha bhaktānugrahakāraka
yadyasti mayi kāruṇyaṃ mayi yadyasti te dayā

यद्यत् त्वया निगदितं तत्सर्वं मे श्रुतं प्रभो ।
गुह्याद् गुह्यतरं यत्तु यत्ते मनसि काशते ॥ २॥

yadyat tvayā nigaditaṃ tatsarvaṃ me śrutaṃ prabho
guhyād guhyataraṃ yattu yatte manasi kāśate

त्वया न गदितं यत्तु यस्मै कस्मै कदचन ।
तस्मात् कथय देवेश सहस्रं नाम चोत्तमम् ॥ ३॥

tvayā na gaditaṃ yattu yasmai kasmai kadacana
tasmāt kathaya deveśa sahasraṃ nāma cottamam

श्रीराधाया महदेव्या गोप्या भक्तिप्रसाधनम् ।
ब्रह्माण्डकर्त्री हर्त्री सा कथं गोपीत्वमागता ॥ ४॥

śrīrādhāyā mahadevyā gopyā bhaktiprasādhanam
brahmāṇḍakartrī hartrī sā kathaṃ gopītvamāgatā

श्रीमहादेव उवाच — महादेव ने कहा Mahādeva said

शृणु देवि विचित्रार्थां कथां पापहरां शुभाम् ।
नास्ति जन्मानि कर्माणि तस्या नूनं महेश्वरि ॥ ५॥

śṛṇu devi vicitrārthāṃ kathāṃ pāpaharāṃ śubhām
nāsti janmāni karmāṇi tasyā nūnaṃ maheśvari

यदा हरिश्चरित्राणि कुरुते कार्यगोरवात् ।
तदा विधते रूपाणि हरिसान्निध्यसाधिनी ॥ ६॥

yadā hariścaritrāṇi kurute kāryagoravāt
tadā vidhate rūpāṇi harisānnidhyasādhinī

तस्या गोपीत्वभावस्यकारणं गदितं पुरा ।
इदानीं शृणु देवेशि नाम्नां चैव सहस्रकम् ॥ ७॥

tasyā gopītvabhāvasyakāraṇaṃ gaditaṃ purā
idānīṃ śṛṇu deveśi nāmnāṃ caiva sahasrakam

यन्मया कथितं नैव तन्त्रेष्वपि कदाचन ।
तव स्नेहात्प्रवक्ष्यामि भक्त्या धार्यं मुमुक्षुभिः ॥ ८॥

yanmayā kathitaṃ naiva tantreṣvapi kadācana
tava snehātpravakṣyāmi bhaktyā dhāryaṃ mumukṣubhiḥ

मम प्राणसमा विद्या भव्यते मे त्वहर्निशम् ।
शृणुष्व गिरिजे नित्यं पठस्व च यथामति ॥ ९॥

mama prāṇasamā vidyā bhavyate me tvaharniśam
śṛṇuṣva girije nityaṃ paṭhasva ca yathāmati

यस्याः प्रसादात् कृष्णस्तु गोलोकेशः परः प्रभुः ।
अस्या नामसहस्रस्य ऋषिर्नारद एव च ।
देवी राधा परा प्रोक्ता चतुर्वर्गप्रसाधिनी ॥ १०॥

yasyāḥ prasādāt kṛṣṇastu golokeśaḥ paraḥ prabhuḥ
asyā nāmasahasrasya ṛṣirnārada eva ca
devī rādhā parā proktā caturvargaprasādhinī

श्रीराधा राधिका कृष्णवल्लभा कृष्णसम्युता ।
वृन्दावनेश्वरी कृष्णप्रिया मदनमोहिनी ॥ ११॥

śrīrādhā rādhikā kṛṣṇavallabhā kṛṣṇasamyutā
vṛndāvaneśvarī kṛṣṇapriyā madanamohinī

श्रीमती कृष्णकान्ता च कृष्णानन्दप्रदायिनी ।
यशस्विनी यशोगम्या यशोदानन्दवल्लभा ॥ १२॥

śrīmatī kṛṣṇakāntā ca kṛṣṇānandapradāyinī
yaśasvinī yaśogamyā yaśodānandavallabhā

दामोदरप्रिया गोपी गोपानन्दकरी तथा ।
कृष्णाङ्गवासिनी हृद्या हरिकान्ता हरिप्रिया ॥ १३॥

dāmodarapriyā gopī gopānandakarī tathā
kṛṣṇāṅgavāsinī hṛdyā harikāntā haripriyā

प्रधानगोपिका गोपकन्या त्रैलोक्यसुन्दरी ।
वृन्दावनविहारिणी विकशितमुखाम्बुजा ॥ १४॥

pradhānagopikā gopakanyā trailokyasundarī
vṛndāvanavihāriṇī vikaśitamukhāmbujā

गोकुलानन्दकर्त्री च गोकुलानन्ददायिनी ।
गतिप्रदा गीतगम्या गमनागमनप्रिया ॥ १५॥

gokulānandakartrī ca gokulānandadāyinī
gatipradā gītagamyā gamanāgamanapriyā

विष्णुप्रिया विष्णुकान्ता विष्णोरङ्गनिवासिनी ।
यशोदानन्दपत्नी च यशोदानन्दगेहिनी ॥ १६॥

viṣṇupriyā viṣṇukāntā viṣṇoraṅganivāsinī
yaśodānandapatnī ca yaśodānandagehinī

कामारिकान्ता कामेशी कामलालसविग्रहा ।
जयप्रदा जया जीवा जीवानन्दप्रदायिनी ॥ १७॥

kāmārikāntā kāmeśī kāmalālasavigrahā
jayapradā jayā jīvā jīvānandapradāyinī

नन्दनन्दनपत्नी च वृषभानुसुता शिवा ।
गणाध्यक्षा गवाध्यक्षा गवां गतिरनुत्तमा ॥ १८॥

nandanandanapatnī ca vṛṣabhānusutā śivā
gaṇādhyakṣā gavādhyakṣā gavāṃ gatiranuttamā

काञ्चनाभा हेमगात्रा काञ्चनाङ्गदधारिणी ।
अशोका शोकरहिता विशोका शोकनाशिनी ॥ १९॥

kāñcanābhā hemagātrā kāñcanāṅgadadhāriṇī
aśokā śokarahitā viśokā śokanāśinī

गायत्री वेदमाता च वेदातीत विदुत्तमा ।
नीतिशास्त्रप्रिया नीतिगतिर्मतिरभीष्टदा ॥ २०॥

gāyatrī vedamātā ca vedātīta viduttamā
nītiśāstrapriyā nītigatirmatirabhīṣṭadā

वेदप्रिया वेदगर्भा वेदमार्गप्रवर्धिनी ।
वेदगम्या वेदपरा विचित्रकनकोज्ज्वला ॥ २१॥

vedapriyā vedagarbhā vedamārgapravardhinī
vedagamyā vedaparā vicitrakanakojjvalā

तथोज्ज्वलप्रदा नित्या तथैवोज्ज्वलगात्रिका ।
नन्दप्रिया नन्दसुतारध्याऽऽनन्दप्रदा शुभा ॥ २२॥

tathojjvalapradā nityā tathaivojjvalagātrikā
nandapriyā nandasutāradhyā''nandapradā śubhā

शुभाङ्गी विमलाङ्गी च विलसिन्यपराजिता ।
जननी जन्मशून्या च जन्ममृत्युजरापहा ॥ २३॥

śubhāṅgī vimalāṅgī ca vilasinyaparājitā
jananī janmaśūnyā ca janmamṛtyujarāpahā

गतिर्गतिमतां धात्री धात्र्यानन्दप्रदायिनी ।
जगन्नाथप्रिया शैलवासिनी हेमसुन्दरी ॥ २४॥

gatirgatimatāṃ dhātrī dhātryānandapradāyinī
jagannāthapriyā śailavāsinī hemasundarī

किशोरी कमला पद्मा पद्महस्ता पयोददा ।
पयस्विनी पयोदात्री पवित्री सर्वमङ्गला ॥ २५॥

kiśorī kamalā padmā padmahastā payodadā
payasvinī payodātrī pavitrī sarvamaṅgalā

महाजीवप्रदा कृष्णकान्ता कमलसुन्दरी ।
विचित्रवासिनी चित्रवासिनी चित्ररूपिणी ॥ २६॥

mahājīvapradā kṛṣṇakāntā kamalasundarī
vicitravāsinī citravāsinī citrarūpiṇī

निर्गुणा सुकुलीना च निष्कुलीना निराकुला ।
गोकुलान्तरगेहा च योगानन्दकरी तथा ॥ २७॥

nirguṇā sukulīnā ca niṣkulīnā nirākulā
gokulāntaragehā ca yogānandakarī tathā

वेणुवाद्या वेणुरतिः वेणुवाद्यपरायणा ।
गोपालस्यप्रिया सौम्यरूपा सौम्यकुलोद्वहा ॥ २८॥

veṇuvādyā veṇuratiḥ veṇuvādyaparāyaṇā
gopālasyapriyā saumyarūpā saumyakulodvahā

मोहामोहा विमोहा च गतिनिष्ठा गतिप्रदा ।
गीर्वाणवन्द्या गिर्वाणा गिर्वाणगणसेविता ॥ २९॥

mohāmohā vimohā ca gatiniṣṭhā gatipradā
gīrvāṇavandyā girvāṇā girvāṇagaṇasevitā

ललिता च विशोका च विशाखा चित्रमालिनी ।
जितेन्द्रिया शुद्धसत्त्वा कुलीना कुलदीपिका ॥ ३०॥

lalitā ca viśokā ca viśākhā citramālinī
jitendriyā śuddhasattvā kulīnā kuladīpikā

दीपप्रिया दीपदात्री विमला विमलोदका ।
कान्तारवासिनी कृष्णा कृष्णचन्द्रप्रिया मतिः ॥ ३१॥

dīpapriyā dīpadātrī vimalā vimalodakā
kāntāravāsinī kṛṣṇā kṛṣṇacandrapriyā matiḥ

अनुत्तरा दुःखहन्त्री दुःखकर्त्री कुलोद्वहा ।
मतिर्लक्ष्मीर्धृतिर्लज्जा कान्तिः पुष्टिः स्मृतिः क्षमा ॥ ३२॥

anuttarā duḥkhahantrī duḥkhakartrī kulodvahā
matirlakṣmīrdhṛtirlajjā kāntiḥ puṣṭiḥ smṛtiḥ kṣamā

क्षीरोदशायिनी देवी देवारिकुलमर्दिनी ।
वैष्णवी च महालक्ष्मीः कुलपूज्या कुलप्रिया ॥ ३३॥

kṣīrodaśāyinī devī devārikulamardinī
vaiṣṇavī ca mahālakṣmīḥ kulapūjyā kulapriyā

संहर्त्री सर्वदैत्यानां सावित्री वेदगामिनी ।
वेदातीता निरालम्बा निरालम्बगणप्रिया ॥ ३४॥

saṃhartrī sarvadaityānāṃ sāvitrī vedagāminī
vedātītā nirālambā nirālambagaṇapriyā

निरालम्बजनैः पूज्या निरालोका निराश्रया ।
एकाङ्गी सर्वगा सेव्या ब्रह्मपत्नी सरस्वती ॥ ३५॥

nirālambajanaiḥ pūjyā nirālokā nirāśrayā
ekāṅgī sarvagā sevyā brahmapatnī sarasvatī

रासप्रिया रासगम्या रासाधिष्ठातृदेवता ।
रसिका रसिकानन्दा स्वयम् रासेश्वरी परा ॥ ३६॥

rāsapriyā rāsagamyā rāsādhiṣṭhātṛdevatā
rasikā rasikānandā svayam rāseśvarī parā

रासमण्डलमध्यस्था रासमण्डलशोभिता ।
रासमण्डलसेव्या च रासक्रीडा मनोहरा ॥ ३७॥

rāsamaṇḍalamadhyasthā rāsamaṇḍalaśobhitā
rāsamaṇḍalasevyā ca rāsakrīḍā manoharā

पुण्डरीकाक्षनिलया पुण्डरीकाक्षगेहिनी ।
पुण्डरीकाक्षसेव्या च पुण्डरीकाक्षवल्लभा ॥ ३८॥

puṇḍarīkākṣanilayā puṇḍarīkākṣagehinī
puṇḍarīkākṣasevyā ca puṇḍarīkākṣavallabhā

सर्वजीवेश्वरी सर्वजीववन्द्या परात्परा ।
प्रकृतिः शम्भुकान्ता च सदाशिवमनोहरा ॥ ३९॥

sarvajīveśvarī sarvajīvavandyā parātparā
prakṛtiḥ śambhukāntā ca sadāśivamanoharā

क्षुत्पिपासा दया निद्रा भ्रान्तिः श्रान्तिः क्षमाकुला ।
वधूरूपा गोपपत्नी भारती सिद्धयोगीनी ॥ ४०॥

kṣutpipāsā dayā nidrā bhrāntiḥ śrāntiḥ kṣamākulā
vadhūrūpā gopapatnī bhāratī siddhayogīnī

सत्यरूपा नित्यरूपा नित्याङ्गी नित्यगेहिनी ।
स्थानदात्री तथा धात्री महालक्ष्मीः स्वयम्प्रभा ॥ ४१॥

satyarūpā nityarūpā nityāṅgī nityagehinī
sthānadātrī tathā dhātrī mahālakṣmīḥ svayamprabhā

सिन्धुकन्याऽऽस्थानदात्री द्वारकावासिनी तथा ।
बुद्धिः स्थितिः स्थानरूपा सर्वकारणकारणा ॥ ४२॥

sindhukanyā''sthānadātrī dvārakāvāsinī tathā
buddhiḥ sthitiḥ sthānarūpā sarvakāraṇakāraṇā

भक्तप्रिया भक्तगम्या भक्तानन्दप्रदायिनी ।
भक्तकल्पद्रुमातीता तथातीतगुणा तथा ॥ ४३॥

bhaktapriyā bhaktagamyā bhaktānandapradāyinī
bhaktakalpadrumātītā tathātītaguṇā tathā

मनोऽधिष्ठातृदेवी च कृष्णप्रेमपरायणा ।
निरामया सौम्यदात्री तथा मदनमोहिनी ॥ ४४॥

mano'dhiṣṭhātṛdevī ca kṛṣṇapremaparāyaṇā
nirāmayā saumyadātrī tathā madanamohinī

एकानंशा शिवा क्षेमा दुर्गा दुर्गतिनाशिनी ।
ईश्वरी सर्ववन्द्या च गोपनीया शुभङ्करी ॥ ४५॥

ekānaṃśā śivā kṣemā durgā durgatināśinī
īśvarī sarvavandyā ca gopanīyā śubhaṅkarī

पालिनीसर्वभूतानां तथा कामाङ्गहारिणी ।
सद्योमुक्तिप्रदा देवी वेदसारा परात्परा ॥ ४६॥

pālinīsarvabhūtānāṃ tathā kāmāṅgahāriṇī
sadyomuktipradā devī vedasārā parātparā

हिमालयसुता सर्वा पार्वती गिरिजा सती ।
दक्षकन्या देवमाता मन्दलज्जा हरेस्तनुः ॥ ४७॥

himālayasutā sarvā pārvatī girijā satī
dakṣakanyā devamātā mandalajjā harestanuḥ

वृन्दारण्यप्रिया वृन्दा वृन्दावनविलासिनी ।
विलासिनी वैष्णवी च ब्रह्मलोकप्रतिष्ठिता ॥ ४८॥

vṛndāraṇyapriyā vṛndā vṛndāvanavilāsinī
vilāsinī vaiṣṇavī ca brahmalokapratiṣṭhitā

रुक्मिणी रेवती सत्यभामा जाम्बवती तथा ।
सुलक्ष्मणा मित्रविन्दा कालिन्दी जह्नुकन्यका ॥ ४९॥

rukmiṇī revatī satyabhāmā jāmbavatī tathā
sulakṣmaṇā mitravindā kālindī jahnukanyakā

परिपूर्णा पूर्णतरा तथा हैमवती गतिः ।
अपूर्वा ब्रह्मरूपा च ब्रह्माण्डपरिपालिनी ॥ ५०॥

paripūrṇā pūrṇatarā tathā haimavatī gatiḥ
apūrvā brahmarūpā ca brahmāṇḍaparipālinī

ब्रह्माण्डभाण्डमद्यस्था ब्रह्माण्डभाण्डरूपिणी ।
अण्डरूपाण्डमध्यस्था तथाण्डपरिपालिनी ॥ ५१॥

brahmāṇḍabhāṇḍamadyasthā brahmāṇḍabhāṇḍarūpiṇī
aṇḍarūpāṇḍamadhyasthā tathāṇḍaparipālinī

मद्यस्था uncertain

अण्डबाह्याण्डसंहर्त्री शिवब्रह्महरिप्रिया ।
महाविष्णुप्रिया कल्पवृक्षरूपा निरन्तरा ॥ ५२॥

aṇḍabāhyāṇḍasaṃhartrī śivabrahmaharipriyā
mahāviṣṇupriyā kalpavṛkṣarūpā nirantarā

सारभूता स्थिरा गौरी गौराङ्गी शशिशेखरा ।
श्वेतचम्पकवर्णाभा शशिकोटिसमप्रभा ॥ ५३॥

sārabhūtā sthirā gaurī gaurāṅgī śaśiśekharā
śvetacampakavarṇābhā śaśikoṭisamaprabhā

मालती माल्यभूषाढ्या मालतीमाल्यधारिणी ।
कृष्णस्तुता कृष्णकान्ता वृन्दावनविलासिनी ॥ ५४॥

mālatī mālyabhūṣāḍhyā mālatīmālyadhāriṇī
kṛṣṇastutā kṛṣṇakāntā vṛndāvanavilāsinī

तुलस्यधिष्ठातृदेवी संसारार्णवपारदा ।
सारदाऽऽहारदाम्भोदा यशोदा गोपनन्दिनी ॥ ५५॥

tulasyadhiṣṭhātṛdevī saṃsārārṇavapāradā
sāradā''hāradāmbhodā yaśodā gopanandinī

अतीतगमना गौरी परानुग्रहकारिणी ।
करुणार्णवसम्पूर्णा करुणार्णवधारिणी ॥ ५६॥

atītagamanā gaurī parānugrahakāriṇī
karuṇārṇavasampūrṇā karuṇārṇavadhāriṇī

माधवी माधवमनोहारिणी श्यामवल्लभा ।
अन्धकारभयध्वस्ता मङ्गल्या मङ्गलप्रदा ॥ ५७॥

mādhavī mādhavamanohāriṇī śyāmavallabhā
andhakārabhayadhvastā maṅgalyā maṅgalapradā

श्रीगर्भा श्रीप्रदा श्रीशा श्रीनिवासाच्युतप्रिया ।
श्रीरूपा श्रीहरा श्रीदा श्रीकामा श्रीस्वरूपिणी ॥ ५८॥

śrīgarbhā śrīpradā śrīśā śrīnivāsācyutapriyā
śrīrūpā śrīharā śrīdā śrīkāmā śrīsvarūpiṇī

श्रीदामानन्ददात्री च श्रीदामेश्वरवल्लभा ।
श्रीनितम्बा श्रीगणेशा श्रीस्वरूपाश्रिता श्रुतिः ॥ ५९॥

śrīdāmānandadātrī ca śrīdāmeśvaravallabhā
śrīnitambā śrīgaṇeśā śrīsvarūpāśritā śrutiḥ

श्रीक्रियारूपिणी श्रीला श्रीकृष्णभजनान्विता ।
श्रीराधा श्रीमती श्रेष्ठा श्रेष्ठरूपा श्रुतिप्रिया ॥ ६०॥

śrīkriyārūpiṇī śrīlā śrīkṛṣṇabhajanānvitā
śrīrādhā śrīmatī śreṣṭhā śreṣṭharūpā śrutipriyā

योगेशी योगमाता च योगातिता युगप्रिया ।
योगप्रिया योगगम्या योगिनीगणवन्दिता ॥ ६१॥

yogeśī yogamātā ca yogātitā yugapriyā
yogapriyā yogagamyā yoginīgaṇavanditā

जवाकुसुमसङ्कासा दाडिमीकुसुमोपमा ।
नीलाम्बरधरा धीरा धैर्यरूपधरा धृतिः ॥ ६२॥

javākusumasaṅkāsā dāḍimīkusumopamā
nīlāmbaradharā dhīrā dhairyarūpadharā dhṛtiḥ

रत्नसिंहासनस्था च रत्नकुण्डलभूषिता ।
रत्नालङ्कारसम्युक्ता रत्नमालाधरा परा ॥ ६३॥

ratnasiṃhāsanasthā ca ratnakuṇḍalabhūṣitā
ratnālaṅkārasamyuktā ratnamālādharā parā

रत्नेन्द्रसारहाराढ्या रत्नमालाविभूषिता ।
इन्द्रनीलमणिन्यस्तपादपद्मशुभा शुचिः ॥ ६४॥

ratnendrasārahārāḍhyā ratnamālāvibhūṣitā
indranīlamaṇinyastapādapadmaśubhā śuciḥ

कार्त्तिकी पौर्णमासी च अमावस्या भयापहा ।
गोविन्दराजगृहिनी गोविन्दगणपूजिता ॥ ६५॥

kārttikī paurṇamāsī ca amāvasyā bhayāpahā
govindarājagṛhinī govindagaṇapūjitā

वैकुण्ठनाथगृहिणी वैकुण्ठपरमालया ।
वैकुण्ठदेवदेवाढ्या तथा वैकुण्ठसुन्दरी ॥ ६६॥

vaikuṇṭhanāthagṛhiṇī vaikuṇṭhaparamālayā
vaikuṇṭhadevadevāḍhyā tathā vaikuṇṭhasundarī

महालसा वेदवती सीता साध्वी पतिव्रता ।
अन्नपूर्णा सदानन्दरूपा कैवल्यसुन्दरी ॥ ६७॥

mahālasā vedavatī sītā sādhvī pativratā
annapūrṇā sadānandarūpā kaivalyasundarī

कैवल्यदायिनी श्रेष्ठा गोपीनाथमनोहरा ।
गोपीनाथेश्वरी चण्डी नायिकानयनान्विता ॥ ६८॥

kaivalyadāyinī śreṣṭhā gopīnāthamanoharā
gopīnātheśvarī caṇḍī nāyikānayanānvitā

नायिका नायकप्रीता नायकानन्दरूपिणी ।
शेषा शेषवती शेषरूपिणी जगदम्बिका ॥ ६९॥

nāyikā nāyakaprītā nāyakānandarūpiṇī
śeṣā śeṣavatī śeṣarūpiṇī jagadambikā

गोपालपालिका माया जायाऽऽनन्दप्रदा तथा ।
कुमारी यौवनानन्दा युवती गोपसुन्दरी ॥ ७०॥

gopālapālikā māyā jāyā''nandapradā tathā
kumārī yauvanānandā yuvatī gopasundarī

गोपमाता जानकी च जनकानन्दकारिणी ।
कैलासवासिनी रम्भा वैराग्याकुलदीपिका ॥ ७१॥

gopamātā jānakī ca janakānandakāriṇī
kailāsavāsinī rambhā vairāgyākuladīpikā

कमलाकान्तगृहिनी कमला कमलालया ।
त्रैलोक्यमाता जगतामधिष्ठात्री प्रियाम्बिका ॥ ७२॥

kamalākāntagṛhinī kamalā kamalālayā
trailokyamātā jagatāmadhiṣṭhātrī priyāmbikā

हरकान्ता हररता हरानन्दप्रदायिनी ।
हरपत्नी हरप्रीता हरतोषणतत्परा ॥ ७३॥

harakāntā hararatā harānandapradāyinī
harapatnī haraprītā haratoṣaṇatatparā

हरेश्वरी रामरता रामा रामेश्वरी रमा ।
श्यामला चित्रलेखा च तथा भुवनमोहिनी ॥ ७४॥

hareśvarī rāmaratā rāmā rāmeśvarī ramā
śyāmalā citralekhā ca tathā bhuvanamohinī

सुगोपी गोपवनिता गोपराज्यप्रदा शुभा ।
अङ्गावपूर्णा माहेयी मत्स्यराजसुता सती ॥ ७५॥

sugopī gopavanitā goparājyapradā śubhā
aṅgāvapūrṇā māheyī matsyarājasutā satī

कौमारी नारसिंही च वाराही नवदुर्गिका ।
चञ्चला चञ्चलामोदा नारी भुवनसुन्दरी ॥ ७६॥

kaumārī nārasiṃhī ca vārāhī navadurgikā
cañcalā cañcalāmodā nārī bhuvanasundarī

दक्षयज्ञहरा दाक्षी दक्षकन्या सुलोचना ।
रतिरूपा रतिप्रीता रतिश्रेष्ठा रतिप्रदा ॥ ७७॥

dakṣayajñaharā dākṣī dakṣakanyā sulocanā
ratirūpā ratiprītā ratiśreṣṭhā ratipradā

रतिर्लक्ष्मणगेहस्था विरजा भुवनेश्वरी ।
शङ्कास्पदा हरेर्जाया जामातृकुलवन्दिता ॥ ७८॥

ratirlakṣmaṇagehasthā virajā bhuvaneśvarī
śaṅkāspadā harerjāyā jāmātṛkulavanditā

शङ्कास्पदा uncertain

बकुला बकुलामोदधारिणी यमुना जया ।
विजया जयपत्नी च यमलार्जुनभञ्जिनी ॥ ७९॥

bakulā bakulāmodadhāriṇī yamunā jayā
vijayā jayapatnī ca yamalārjunabhañjinī

वक्रेश्वरी वक्ररूपा वक्रवीक्षणवीक्षिता ।
अपराजिता जगन्नाथा जगन्नाथेश्वरी यतिः ॥ ८०॥

vakreśvarī vakrarūpā vakravīkṣaṇavīkṣitā
aparājitā jagannāthā jagannātheśvarī yatiḥ

खेचरी खेचरसुता खेचरत्वप्रदायिनी ।
विष्णुवक्षःस्थलस्था च विष्णुभावनतत्परा ॥ ८१॥

khecarī khecarasutā khecaratvapradāyinī
viṣṇuvakṣaḥsthalasthā ca viṣṇubhāvanatatparā

चन्द्रकोटिसुगात्री च चन्द्राननमनोहरी ।
सेवासेव्या शिवा क्षेमा तथा क्षेमकारी वधूः ॥ ८२॥

candrakoṭisugātrī ca candrānanamanoharī
sevāsevyā śivā kṣemā tathā kṣemakārī vadhūḥ

यादवेन्द्रवधूः सेव्या शिवभक्ता शिवान्विता ।
केवला निष्फला सूक्ष्मा महाभीमाऽभयप्रदा ॥ ८३॥

yādavendravadhūḥ sevyā śivabhaktā śivānvitā
kevalā niṣphalā sūkṣmā mahābhīmā'bhayapradā

जीमूतरूपा जैमूती जितामित्रप्रमोदिनी ।
गोपालवनिता नन्दा कुलजेन्द्रनिवासिनी ॥ ८४॥

jīmūtarūpā jaimūtī jitāmitrapramodinī
gopālavanitā nandā kulajendranivāsinī

जयन्ती यमुनाङ्गी च यमुनातोषकारिणी ।
कलिकल्मषभङ्गा च कलिकल्मषनाशिनी ॥ ८५॥

jayantī yamunāṅgī ca yamunātoṣakāriṇī
kalikalmaṣabhaṅgā ca kalikalmaṣanāśinī

कलिकल्मषरूपा च नित्यानन्दकरी कृपा ।
कृपावती कुलवती कैलासाचलवासिनी ॥ ८६॥

kalikalmaṣarūpā ca nityānandakarī kṛpā
kṛpāvatī kulavatī kailāsācalavāsinī

वामदेवी वामभागा गोविन्दप्रियकारिणी ।
नरेन्द्रकन्या योगेशी योगिनी योगरूपिणी ॥ ८७॥

vāmadevī vāmabhāgā govindapriyakāriṇī
narendrakanyā yogeśī yoginī yogarūpiṇī

योगसिद्धा सिद्धरूपा सिद्धक्षेत्रनिवासिनी ।
क्षेत्राधिष्ठातृरूपा च क्षेत्रातीता कुलप्रदा ॥ ८८॥

yogasiddhā siddharūpā siddhakṣetranivāsinī
kṣetrādhiṣṭhātṛrūpā ca kṣetrātītā kulapradā

केशवानन्ददात्री च केशवानन्ददायिनी ।
केशवा केशवप्रीता केशवी केशवप्रिया ॥ ८९॥

keśavānandadātrī ca keśavānandadāyinī
keśavā keśavaprītā keśavī keśavapriyā

रासक्रीडाकरी रासवासिनी राससुन्दरी ।
गोकुलान्वितदेहा च गोकुलत्वप्रदायिनी ॥ ९०॥

rāsakrīḍākarī rāsavāsinī rāsasundarī
gokulānvitadehā ca gokulatvapradāyinī

लवङ्गनाम्नी नारङ्गी नारङ्गकुलमण्डना ।
एलालवङ्गकर्पूरमुखवासमुखान्विता ॥ ९१॥

lavaṅganāmnī nāraṅgī nāraṅgakulamaṇḍanā
elālavaṅgakarpūramukhavāsamukhānvitā

मुख्या मुख्यप्रदा मुख्यरूपा मुख्यनिवासिनी ।
नारायणी कृपातीता करुणामयकारिणी ॥ ९२॥

mukhyā mukhyapradā mukhyarūpā mukhyanivāsinī
nārāyaṇī kṛpātītā karuṇāmayakāriṇī

कारुण्या करुणा कर्णा गोकर्णा नागकर्णिका ।
सर्पिणी कौलिनी क्षेत्रवासिनी जगदन्वया ॥ ९३॥

kāruṇyā karuṇā karṇā gokarṇā nāgakarṇikā
sarpiṇī kaulinī kṣetravāsinī jagadanvayā

जटिला कुटिला नीला नीलाम्बरधरा शुभा ।
नीलाम्बरविधात्री च नीलकण्ठप्रिया तथा ॥ ९४॥

jaṭilā kuṭilā nīlā nīlāmbaradharā śubhā
nīlāmbaravidhātrī ca nīlakaṇṭhapriyā tathā

भगिनी भागिनी भोग्या कृष्णभोग्या भगेश्वरी ।
बलेश्वरी बलाराध्या कान्ता कान्तनितम्बिनी ॥ ९५॥

bhaginī bhāginī bhogyā kṛṣṇabhogyā bhageśvarī
baleśvarī balārādhyā kāntā kāntanitambinī

नितम्बिनी रूपवती युवती कृष्णपीवरी ।
विभावरी वेत्रवती सङ्कटा कुटिलालका ॥ ९६॥

nitambinī rūpavatī yuvatī kṛṣṇapīvarī
vibhāvarī vetravatī saṅkaṭā kuṭilālakā

नारायणप्रिया शैला सृक्कणीपरिमोहिता ।
दृक्पातमोहिता प्रातराशिनी नवनीतिका ॥ ९७॥

nārāyaṇapriyā śailā sṛkkaṇīparimohitā
dṛkpātamohitā prātarāśinī navanītikā

नवीना नवनारी च नारङ्गफलशोभिता ।
हैमी हेममुखी चन्द्रमुखी शशिसुशोभना ॥ ९८॥

navīnā navanārī ca nāraṅgaphalaśobhitā
haimī hemamukhī candramukhī śaśisuśobhanā

अर्धचन्द्रधरा चन्द्रवल्लभा रोहिणी तमिः ।
तिमिङ्ग्लकुलामोदमत्स्यरूपाङ्गहारिणी ॥ ९९॥

ardhacandradharā candravallabhā rohiṇī tamiḥ
timiṅglakulāmodamatsyarūpāṅgahāriṇī

कारिणी सर्वभूतानां कार्यातीता किशोरिणी ।
किशोरवल्लभा केशकारिका कामकारिका ॥ १००॥

kāriṇī sarvabhūtānāṃ kāryātītā kiśoriṇī
kiśoravallabhā keśakārikā kāmakārikā

कामेश्वरी कामकला कालिन्दीकूलदीपिका ।
कलिन्दतनयातीरवासिनी तीरगेहिनी ॥ १०१॥

kāmeśvarī kāmakalā kālindīkūladīpikā
kalindatanayātīravāsinī tīragehinī

कादम्बरीपानपरा कुसुमामोदधारिणी ।
कुमुदा कुमुदानन्दा कृष्णेशी कामवल्लभा ॥ १०२॥

kādambarīpānaparā kusumāmodadhāriṇī
kumudā kumudānandā kṛṣṇeśī kāmavallabhā

तर्काली वैजयन्ती च निम्बदाडिमरूपिणी ।
बिल्ववृक्षप्रिया कृष्णाम्बरा बिल्वोपमस्तनी ॥ १०३॥

tarkālī vaijayantī ca nimbadāḍimarūpiṇī
bilvavṛkṣapriyā kṛṣṇāmbarā bilvopamastanī

बिल्वात्मिका बिल्ववपुर्बिल्ववृक्षनिवासिनी ।
तुलसीतोषिका तैतिलानन्दपरितोषिका ॥ १०४॥

bilvātmikā bilvavapurbilvavṛkṣanivāsinī
tulasītoṣikā taitilānandaparitoṣikā

तैतिल uncertain

गजमुक्ता महामुक्ता महामुक्तिफलप्रदा ।
अनङ्गमोहिनी शक्तिरूपा शक्तिस्वरूपिणी ॥ १०५॥

gajamuktā mahāmuktā mahāmuktiphalapradā
anaṅgamohinī śaktirūpā śaktisvarūpiṇī

पञ्चशक्तिस्वरूपा च शैशवानन्दकारिणी ।
गजेन्द्रगामिनी श्यामलताऽनङ्गलता तथा ॥ १०६॥

pañcaśaktisvarūpā ca śaiśavānandakāriṇī
gajendragāminī śyāmalatā'naṅgalatā tathā

योषिच्छक्तिस्वरूपा च योषिदानन्दकारिणी ।
प्रेमप्रिया प्रेमरूपा प्रेमानन्दतरङ्गिणी ॥ १०७॥

yoṣicchaktisvarūpā ca yoṣidānandakāriṇī
premapriyā premarūpā premānandataraṅgiṇī

प्रेमहारा प्रेमदात्री प्रेमशक्तिमयी तथा ।
कृष्णप्रेमवती धन्या कृष्णप्रेमतरङ्गिणी ॥ १०८॥

premahārā premadātrī premaśaktimayī tathā
kṛṣṇapremavatī dhanyā kṛṣṇapremataraṅgiṇī

प्रेमभक्तिप्रदा प्रेमा प्रेमानन्दतरङ्गिणी ।
प्रेमक्रीडापरीताङ्गी प्रेमभक्तितरङ्गिणी ॥ १०९॥

premabhaktipradā premā premānandataraṅgiṇī
premakrīḍāparītāṅgī premabhaktitaraṅgiṇī

प्रेमार्थदायिनी सर्वश्वेता नित्यतरङ्गिणी ।
हावभावान्विता रौद्रा रुद्रानन्दप्रकाशिनी ॥ ११०॥

premārthadāyinī sarvaśvetā nityataraṅgiṇī
hāvabhāvānvitā raudrā rudrānandaprakāśinī

कपिला शृङ्खला केशपाशसम्बन्धिनी घटी ।
कुटीरवासिनी धूम्रा धूम्रकेशा जलोदरी ॥ १११॥

kapilā śṛṅkhalā keśapāśasambandhinī ghaṭī
kuṭīravāsinī dhūmrā dhūmrakeśā jalodarī

ब्रह्माण्डगोचरा ब्रह्मरूपिणी भवभाविनी ।
संसारनाशिनी शैवा शैवलानन्ददायिनी ॥ ११२॥

brahmāṇḍagocarā brahmarūpiṇī bhavabhāvinī
saṃsāranāśinī śaivā śaivalānandadāyinī

शिशिरा हेमरागाढ्या मेघरूपातिसुन्दरी ।
मनोरमा वेगवती वेगाढ्या वेदवादिनी ॥ ११३॥

śiśirā hemarāgāḍhyā megharūpātisundarī
manoramā vegavatī vegāḍhyā vedavādinī

दयान्विता दयाधारा दयारूपा सुसेविनी ।
किशोरसङ्गसंसर्गा गौरचन्द्रानना कला ॥ ११४॥

dayānvitā dayādhārā dayārūpā susevinī
kiśorasaṅgasaṃsargā gauracandrānanā kalā

कलाधिनाथवदना कलानाथाधिरोहिणी ।
विरागकुशला हेमपिङ्गला हेममण्डना ॥ ११५॥

kalādhināthavadanā kalānāthādhirohiṇī
virāgakuśalā hemapiṅgalā hemamaṇḍanā

भाण्डीरतालवनगा कैवर्ती पीवरी शुकी ।
शुकदेवगुणातीता शुकदेवप्रिया सखी ॥ ११६॥

bhāṇḍīratālavanagā kaivartī pīvarī śukī
śukadevaguṇātītā śukadevapriyā sakhī

विकलोत्कर्षिणी कोषा कौषेयाम्बरधारिणी ।
कोषावरी कोषरूपा जगदुत्पत्तिकारिका ॥ ११७॥

vikalotkarṣiṇī koṣā kauṣeyāmbaradhāriṇī
koṣāvarī koṣarūpā jagadutpattikārikā

सृष्टिस्थितिकरी संहारिणी संहारकारिणी ।
केशशैवलधात्री च चन्द्रगात्री सुकोमला ॥ ११८॥

sṛṣṭisthitikarī saṃhāriṇī saṃhārakāriṇī
keśaśaivaladhātrī ca candragātrī sukomalā

पद्माङ्गरागसंरागा विन्ध्याद्रिपरिवासिणी ।
विन्ध्यालया श्यामसखी सखी संसाररागिणी ॥ ११९॥

padmāṅgarāgasaṃrāgā vindhyādriparivāsiṇī
vindhyālayā śyāmasakhī sakhī saṃsārarāgiṇī

भूता भविष्या भव्या च भव्यगात्रा भवातिगा ।
भवनाशान्तकारिण्याकाशरूपा सुवेशिनी ॥ १२०॥

bhūtā bhaviṣyā bhavyā ca bhavyagātrā bhavātigā
bhavanāśāntakāriṇyākāśarūpā suveśinī

रतिरङ्गपरित्यागा रतिवेगा रतिप्रदा ।
तेजस्विनी तेजोरूप कैवल्यपथदा शुभा ॥ १२१॥

ratiraṅgaparityāgā rativegā ratipradā
tejasvinī tejorūpa kaivalyapathadā śubhā

भक्तिहेतुर्मुक्तिहेतुलङ्घिनी लङ्घनक्षमा ।
विशालनेत्रा वैसाली विशालकुलसम्भवा ॥ १२२॥

bhaktiheturmuktihetulaṅghinī laṅghanakṣamā
viśālanetrā vaisālī viśālakulasambhavā

विशालगृहवासा च विशालबदरीरतिः ।
भक्त्यतीता भक्तगतिर्भक्तिका शिवभक्तिदा ॥ १२३॥

viśālagṛhavāsā ca viśālabadarīratiḥ
bhaktyatītā bhaktagatirbhaktikā śivabhaktidā

शिवशक्तिस्वरूपा च शिवार्धाङ्गविहारिणी ।
शिरीषकुसुमामोदा शिरीषकुसुमोज्ज्वला ॥ १२४॥

śivaśaktisvarūpā ca śivārdhāṅgavihāriṇī
śirīṣakusumāmodā śirīṣakusumojjvalā

शिरीषमृद्धी शैरीषी शिरीषकुसुमाकृतिः ।
वामाङ्गहारिणी विष्णोः शिवभक्तिसुखान्विता ॥ १२५॥

śirīṣamṛddhī śairīṣī śirīṣakusumākṛtiḥ
vāmāṅgahāriṇī viṣṇoḥ śivabhaktisukhānvitā

मृद्धी uncertain

विजिता विजितामोदा गणगा गणतोषिता ।
हयास्या हेरम्बसुता गणमाता सुखेश्वरी ॥ १२६॥

vijitā vijitāmodā gaṇagā gaṇatoṣitā
hayāsyā herambasutā gaṇamātā sukheśvarī

दुःखहन्त्री दुःखहरा सेवितेप्सितसर्वदा ।
सर्वज्ञत्वविधात्री च कुलक्षेत्रनिवासिनी ॥ १२७॥

duḥkhahantrī duḥkhaharā sevitepsitasarvadā
sarvajñatvavidhātrī ca kulakṣetranivāsinī

लवङ्गा पाण्डवसखी सखीमध्यनिवासिनी ।
ग्राम्यगीता गया गम्या गमनातीतनिर्भरा ॥ १२८॥

lavaṅgā pāṇḍavasakhī sakhīmadhyanivāsinī
grāmyagītā gayā gamyā gamanātītanirbharā

सर्वाङ्गसुन्दरी गङ्गा गङ्गाजलमयी तथा ।
गङ्गेरिता पूतगात्रा पवित्रकुलदीपिका ॥ १२९॥

sarvāṅgasundarī gaṅgā gaṅgājalamayī tathā
gaṅgeritā pūtagātrā pavitrakuladīpikā

पवित्रगुणशीलाढ्या पवित्रानन्ददायिनी ।
पवित्रगुणशीलाढ्या पवित्रकुलदीपिनी ॥ १३०॥

pavitraguṇaśīlāḍhyā pavitrānandadāyinī
pavitraguṇaśīlāḍhyā pavitrakuladīpinī