Nārada (Bṛhannāradīya) Purāṇa · Pūrva Bhāga, adhyāya 77

कार्तवीर्यकवचम्

Kartavirya Kavacham (Narada Purana) — The armour of Kārtavīrya Arjuna, the thousand-armed king, as Sanatkumāra tells it to Nārada

A Kavach of Kārtavīrya Arjuna, the thousand-armed king of Māhiṣmatī, as the sage Sanatkumāra tells it to Nārada in the Nārada Purāṇa. It opens with a picture of the king on his blazing chariot, then calls on his limb-forms, his powers and his attendants to guard each direction and each part of the body. Thieves, enemies, spirits, fevers, snakes, beasts and every calamity are named and sent away. A hundred and eight names follow, then the fruit of the hymn and the ways it is used. The king is said to be born of a part of Viṣṇu's discus, and the hymn is said to come from Dattatreya.

Verse 1

नारद उवाच — नारद ने कहा Nārada said

साधु साधु महाप्राज्ञ सर्वतन्त्रविशारद ।
त्वया मह्यं समाख्यातं विधानं तन्त्रगोपितम् ॥ १ ॥

sādhu sādhu mahāprājña sarvatantraviśārada
tvayā mahyaṃ samākhyātaṃ vidhānaṃ tantragopitam

Meaning open with adhikāra · अर्थ अधिकार से

Verse 2

अधुना तु महाभाग कार्तवीर्यहनूमतोः ।
कवचे श्रोतुमिच्छामि तद्वदस्व कृपानिधे ॥ २ ॥

adhunā tu mahābhāga kārtavīryahanūmatoḥ
kavace śrotumicchāmi tadvadasva kṛpānidhe

Meaning open with adhikāra · अर्थ अधिकार से

Verse 3

सनत्कुमार उवाच — सनत्कुमार ने कहा Sanatkumāra said

शृणु विप्रेन्द्र वक्ष्यामि कवचं परमाद्भुतम् ।
कार्तवीर्यस्य येनासौ प्रसन्नः कार्यसिद्धिकृत् ॥ ३ ॥

śṛṇu viprendra vakṣyāmi kavacaṃ paramādbhutam
kārtavīryasya yenāsau prasannaḥ kāryasiddhikṛt

Meaning open with adhikāra · अर्थ अधिकार से

ध्यानम्The meditation

Verse 4

सहस्रादित्यसंकाशे नानारत्नसमुज्ज्वले ।
भास्वद्ध्वजपताकाढ्ये तुरगायुतभूषिते ॥ ४ ॥

sahasrādityasaṃkāśe nānāratnasamujjvale
bhāsvaddhvajapatākāḍhye turagāyutabhūṣite

Meaning open with adhikāra · अर्थ अधिकार से

Verse 5

महासंवर्तकाम्भोधिभीमरावविराविणि ।
समुद्धृतमहाछत्त्रवितानितवियत्पथे ॥ ५ ॥

mahāsaṃvartakāmbhodhibhīmarāvavirāviṇi
samuddhṛtamahāchattravitānitaviyatpathe

Meaning open with adhikāra · अर्थ अधिकार से

Verse 6

महारथवरे दीप्तनानायुधविराजिते ।
सुस्थितं विपुलोदारं सहस्रभुजमण्डितम् ॥ ६ ॥

mahārathavare dīptanānāyudhavirājite
susthitaṃ vipulodāraṃ sahasrabhujamaṇḍitam

Meaning open with adhikāra · अर्थ अधिकार से

Verse 7

वामैरुद्दण्डकोदण्डान्दधानमपरैः शरान् ।
किरीटहारमुकुटकेयूरवलयाङ्गदैः ॥ ७ ॥

vāmairuddaṇḍakodaṇḍāndadhānamaparaiḥ śarān
kirīṭahāramukuṭakeyūravalayāṅgadaiḥ

Meaning open with adhikāra · अर्थ अधिकार से

Verse 8

मुद्रिकोदरबन्धाद्यैर्मौञ्जीनूपुरकादिभिः ।
भूषितं विविधाकल्पैर्भास्वरैः सुमहाधनैः ॥ ८ ॥

mudrikodarabandhādyairmauñjīnūpurakādibhiḥ
bhūṣitaṃ vividhākalpairbhāsvaraiḥ sumahādhanaiḥ

Meaning open with adhikāra · अर्थ अधिकार से

Verse 9

आबद्धकवचं वीरं सुप्रसन्नाननाम्बुजम् ।
धनुर्ज्यासिंहनादेन कम्पयन्तं जगत्त्रयम् ॥ ९ ॥

ābaddhakavacaṃ vīraṃ suprasannānanāmbujam
dhanurjyāsiṃhanādena kampayantaṃ jagattrayam

Meaning open with adhikāra · अर्थ अधिकार से

Verse 10

सर्वशत्रुक्षयकरं सर्वव्याधिविनाशनम् ।
सर्वसंपत्प्रदातारं विजयश्रीनिषेवितम् ॥ १० ॥

sarvaśatrukṣayakaraṃ sarvavyādhivināśanam
sarvasaṃpatpradātāraṃ vijayaśrīniṣevitam

Meaning open with adhikāra · अर्थ अधिकार से

Verse 11

सर्वसौभाग्यदं भद्रं भक्ताभयविधायिनम् ।
दिव्यमाल्यानुलेपाढ्यं सर्वलक्षणसंयुतम् ॥ ११ ॥

sarvasaubhāgyadaṃ bhadraṃ bhaktābhayavidhāyinam
divyamālyānulepāḍhyaṃ sarvalakṣaṇasaṃyutam

Meaning open with adhikāra · अर्थ अधिकार से

Verse 12

रथनागाश्वपादातवृन्दमध्यगमीश्वरम् ।
वरदं चक्रवर्तिनं सर्वलोकैकपालकम् ॥ १२ ॥

rathanāgāśvapādātavṛndamadhyagamīśvaram
varadaṃ cakravartinaṃ sarvalokaikapālakam

Meaning open with adhikāra · अर्थ अधिकार से

Verse 13

समानोदितसाहस्रदिवाकरसमद्युतिम् ।
महायोगभवैश्वर्यकीर्त्याक्रान्तजगत्त्रयम् ॥ १३ ॥

samānoditasāhasradivākarasamadyutim
mahāyogabhavaiśvaryakīrtyākrāntajagattrayam

Meaning open with adhikāra · अर्थ अधिकार से

Verse 14

श्रीमच्चक्रं हरेरंशादवतीर्णं महीतले ।
सम्यगात्मादिभेदेन ध्यात्वा रक्षामुदीरयेत् ॥ १४ ॥

śrīmaccakraṃ hareraṃśādavatīrṇaṃ mahītale
samyagātmādibhedena dhyātvā rakṣāmudīrayet

Meaning open with adhikāra · अर्थ अधिकार से

कवचम्The armour

Verse 15

अस्याङ्गमूर्तयः पञ्च पान्तु मां स्फटिकोज्ज्वलाः ।
अग्नीशासुरवायव्यकोणेषु हृदयादिकाः ॥ १५ ॥

asyāṅgamūrtayaḥ pañca pāntu māṃ sphaṭikojjvalāḥ
agnīśāsuravāyavyakoṇeṣu hṛdayādikāḥ

Meaning open with adhikāra · अर्थ अधिकार से

Verse 16

सर्वतो ऽस्त्रज्वलद्रूपा दरचर्मासिपाणयः ।
अव्याहतबलैश्वर्यशक्तिसामर्थ्यविग्रहाः ॥ १६ ॥

sarvato 'strajvaladrūpā daracarmāsipāṇayaḥ
avyāhatabalaiśvaryaśaktisāmarthyavigrahāḥ

Meaning open with adhikāra · अर्थ अधिकार से

Verse 17

क्षेमङ्करीशक्तियुतश्चौरवर्गविभञ्जनः ।
प्राचीं दिशं रक्षतु मे बाणबाणासनायुधः ॥ १७ ॥

kṣemaṅkarīśaktiyutaścauravargavibhañjanaḥ
prācīṃ diśaṃ rakṣatu me bāṇabāṇāsanāyudhaḥ

Meaning open with adhikāra · अर्थ अधिकार से

Verse 18

श्रीकरीशक्तिसहितो मारीभयविनाशकः ।
शरचापधरः श्रीमान् दिशं मे पातु दक्षिणाम् ॥ १८ ॥

śrīkarīśaktisahito mārībhayavināśakaḥ
śaracāpadharaḥ śrīmān diśaṃ me pātu dakṣiṇām

Meaning open with adhikāra · अर्थ अधिकार से

Verse 19

महावश्यकरीयुक्तः सर्वशत्रुविनाशकृत् ।
महेषुचापधृक्पातु मम प्राचेतसीं दिशम् ॥ १९ ॥

mahāvaśyakarīyuktaḥ sarvaśatruvināśakṛt
maheṣucāpadhṛkpātu mama prācetasīṃ diśam

Meaning open with adhikāra · अर्थ अधिकार से

Verse 20

यशःकर्या समायुक्तो दैत्यसंघविनाशनः ।
परिरक्षतु मे सम्यग्विदिशं चैत्रभानवीम् ॥ २० ॥

yaśaḥkaryā samāyukto daityasaṃghavināśanaḥ
parirakṣatu me samyagvidiśaṃ caitrabhānavīm

Meaning open with adhikāra · अर्थ अधिकार से

Verse 21

विद्याकरीसमायुक्तः सुमहद्दुःखनाशनः ।
पातु मे नैरृतीं चापपाणिर्विदिशमीश्वरः ॥ २१ ॥

vidyākarīsamāyuktaḥ sumahadduḥkhanāśanaḥ
pātu me nairṛtīṃ cāpapāṇirvidiśamīśvaraḥ

Meaning open with adhikāra · अर्थ अधिकार से

Verse 22

धनकर्या समायुक्तो महादुरितनाशनः ।
इष्वासनेषुधृक्पातु विदिशं मम वायवीम् ॥ २२ ॥

dhanakaryā samāyukto mahāduritanāśanaḥ
iṣvāsaneṣudhṛkpātu vidiśaṃ mama vāyavīm

Meaning open with adhikāra · अर्थ अधिकार से

Verse 23

आयुःकर्या युतः श्रीमान्महाभयविनाशनः ।
चापेषुधारी शैवीं मे विदिशं परिरक्षतु ॥ २३ ॥

āyuḥkaryā yutaḥ śrīmānmahābhayavināśanaḥ
cāpeṣudhārī śaivīṃ me vidiśaṃ parirakṣatu

Meaning open with adhikāra · अर्थ अधिकार से

Verse 24

विजयश्रीयुतः साक्षात्सहस्रारधरो विभुः ।
दिशमूर्ध्वामवतु मे सर्वदुष्टभयङ्करः ॥ २४ ॥

vijayaśrīyutaḥ sākṣātsahasrāradharo vibhuḥ
diśamūrdhvāmavatu me sarvaduṣṭabhayaṅkaraḥ

Meaning open with adhikāra · अर्थ अधिकार से

Verse 25

शङ्खभृत्सुमहाशक्तिसंयुतो ऽप्यधरां दिशम् ।
परिरक्षतु मे दुःखध्वान्तसम्भेदभास्करः ॥ २५ ॥

śaṅkhabhṛtsumahāśaktisaṃyuto 'pyadharāṃ diśam
parirakṣatu me duḥkhadhvāntasambhedabhāskaraḥ

Meaning open with adhikāra · अर्थ अधिकार से

Verse 26

महायोगसमायुक्तः सर्वदिक्चक्रमण्डलः ।
महायोगीश्वरः पातु सर्वतो मम पद्मभृत् ॥ २६ ॥

mahāyogasamāyuktaḥ sarvadikcakramaṇḍalaḥ
mahāyogīśvaraḥ pātu sarvato mama padmabhṛt

Meaning open with adhikāra · अर्थ अधिकार से

Verse 27

एतास्तु मूर्तयो रक्ता रक्तमाल्यांशुकावृताः ।
प्रधानदेवतारूपाः पृथग्रथवरे स्थिताः ॥ २७ ॥

etāstu mūrtayo raktā raktamālyāṃśukāvṛtāḥ
pradhānadevatārūpāḥ pṛthagrathavare sthitāḥ

Meaning open with adhikāra · अर्थ अधिकार से

Verse 28

शक्तयः पद्महस्ताश्च नीलेन्दीवरसन्निभाः ।
शुक्लमाल्यानुवसनाः सुलिप्ततिलकोज्ज्वलाः ॥ २८ ॥

śaktayaḥ padmahastāśca nīlendīvarasannibhāḥ
śuklamālyānuvasanāḥ suliptatilakojjvalāḥ

Meaning open with adhikāra · अर्थ अधिकार से

Verse 29

तत्पार्षदेश्वराः स्वस्ववाहनायुधभूषणाः ।
स्वस्वदिक्षु स्थिताः पान्तु मामिन्द्राद्या महाबलाः ॥ २९ ॥

tatpārṣadeśvarāḥ svasvavāhanāyudhabhūṣaṇāḥ
svasvadikṣu sthitāḥ pāntu māmindrādyā mahābalāḥ

Meaning open with adhikāra · अर्थ अधिकार से

Verse 30

एतास्तस्य समाख्याताः सर्वावरणदेवताः ।
सर्वतो मां सदा पान्तु सर्वशक्तिसमन्विताः ॥ ३० ॥

etāstasya samākhyātāḥ sarvāvaraṇadevatāḥ
sarvato māṃ sadā pāntu sarvaśaktisamanvitāḥ

Meaning open with adhikāra · अर्थ अधिकार से

Verse 31

हृदये चोदरे नाभौ जठरे गुह्यमण्डले ।
तेजोरूपाः स्थिताः पान्तु वाञ्छासुरवनद्रुमाः ॥ ३१ ॥

hṛdaye codare nābhau jaṭhare guhyamaṇḍale
tejorūpāḥ sthitāḥ pāntu vāñchāsuravanadrumāḥ

Meaning open with adhikāra · अर्थ अधिकार से

वाञ्छासुरवनद्रुमाः uncertain

Verse 32

दिशं चान्ये महावर्णा मन्त्ररूपा महोज्ज्वलाः ।
व्यापकत्वेन पान्त्वस्मानापादतलमस्तकम् ॥ ३२ ॥

diśaṃ cānye mahāvarṇā mantrarūpā mahojjvalāḥ
vyāpakatvena pāntvasmānāpādatalamastakam

Meaning open with adhikāra · अर्थ अधिकार से

Verse 33

कार्तवीर्यः शिरः पातु ललाटं हैहयेश्वरः ।
सुमुखो मे मुखं पातु कर्णौ व्याप्तजगत्त्रयः ॥ ३३ ॥

kārtavīryaḥ śiraḥ pātu lalāṭaṃ haihayeśvaraḥ
sumukho me mukhaṃ pātu karṇau vyāptajagattrayaḥ

Meaning open with adhikāra · अर्थ अधिकार से

Verse 34

सुकुमारो हनुं पातु भ्रूयुगं मे धनुर्धरः ।
नयनं पुण्डरीकाक्षो नासिकां मे गुणाकरः ॥ ३४ ॥

sukumāro hanuṃ pātu bhrūyugaṃ me dhanurdharaḥ
nayanaṃ puṇḍarīkākṣo nāsikāṃ me guṇākaraḥ

Meaning open with adhikāra · अर्थ अधिकार से

Verse 35

अधरोष्ठौ सदा पातु ब्रह्मज्ञेयो द्विजान्कविः ।
सर्वशास्त्रकलाधारी जिह्वां चिबुकमव्ययः ॥ ३५ ॥

adharoṣṭhau sadā pātu brahmajñeyo dvijānkaviḥ
sarvaśāstrakalādhārī jihvāṃ cibukamavyayaḥ

Meaning open with adhikāra · अर्थ अधिकार से

Verse 36

दत्तात्रेयप्रियः कण्ठं स्कन्धौ राजकुलेश्वरः ।
भुजौ दशास्यदर्पघ्नो हृदयं मे महाबलः ॥ ३६ ॥

dattātreyapriyaḥ kaṇṭhaṃ skandhau rājakuleśvaraḥ
bhujau daśāsyadarpaghno hṛdayaṃ me mahābalaḥ

Meaning open with adhikāra · अर्थ अधिकार से

Verse 37

कुक्षिं रक्षतु मे विद्वान् वक्षः परपुरञ्जयः ।
करौ सर्वार्थदः पातु कराग्राणि जगत्प्रियः ॥ ३७ ॥

kukṣiṃ rakṣatu me vidvān vakṣaḥ parapurañjayaḥ
karau sarvārthadaḥ pātu karāgrāṇi jagatpriyaḥ

Meaning open with adhikāra · अर्थ अधिकार से

Verse 38

रेवाम्बुलीलासंहृष्टो जठरं परिरक्षतु ।
वीरशूरस्तु मे नाभिं पार्श्वौ मे सर्वदुष्टहा ॥ ३८ ॥

revāmbulīlāsaṃhṛṣṭo jaṭharaṃ parirakṣatu
vīraśūrastu me nābhiṃ pārśvau me sarvaduṣṭahā

Meaning open with adhikāra · अर्थ अधिकार से

रेवाम्बुलीलासंहृष्टो uncertain

Verse 39

सहस्रभुजभृत्पृष्ठं सप्तद्वीपाधिपः कटिम् ।
ऊरू माहिष्मतीनाथो जानुनी वल्लभो भुवः ॥ ३९ ॥

sahasrabhujabhṛtpṛṣṭhaṃ saptadvīpādhipaḥ kaṭim
ūrū māhiṣmatīnātho jānunī vallabho bhuvaḥ

Meaning open with adhikāra · अर्थ अधिकार से

Verse 40

जङ्घे वीराधिपः पातु पातु पादौ मनोजवः ।
पातु सर्वायुधधरः सर्वाङ्गं सर्वमर्मसु ॥ ४० ॥

jaṅghe vīrādhipaḥ pātu pātu pādau manojavaḥ
pātu sarvāyudhadharaḥ sarvāṅgaṃ sarvamarmasu

Meaning open with adhikāra · अर्थ अधिकार से

Verse 41

सर्वदुष्टान्तकः पातु धात्वष्टककलेवरम् ।
प्राणादिदशजीवेशान्सर्वशिष्टेष्टदो ऽवतु ॥ ४१ ॥

sarvaduṣṭāntakaḥ pātu dhātvaṣṭakakalevaram
prāṇādidaśajīveśānsarvaśiṣṭeṣṭado 'vatu

Meaning open with adhikāra · अर्थ अधिकार से

Verse 42

वशीकृतेन्द्रियग्रामः पातु सर्वेन्द्रियाणि मे ।
अनुक्तमपि यत्स्थानं शरीरान्तर्बहिश्च यत् ॥ ४२ ॥

vaśīkṛtendriyagrāmaḥ pātu sarvendriyāṇi me
anuktamapi yatsthānaṃ śarīrāntarbahiśca yat

Meaning open with adhikāra · अर्थ अधिकार से

Verse 43

तत्सर्वं पातु मे सर्वलोकनाथेश्वरेश्वरः ।
वज्रात्सारतरं चेदं शरीरं कवचावृतम् ॥ ४३ ॥

tatsarvaṃ pātu me sarvalokanātheśvareśvaraḥ
vajrātsārataraṃ cedaṃ śarīraṃ kavacāvṛtam

Meaning open with adhikāra · अर्थ अधिकार से

Verse 44

बाधाशतविनिर्मुक्तमस्तु मे भयवर्जितम् ।
बद्ध्वेदं कवचं दिव्यमभेद्यं हैहयेशितुः ॥ ४४ ॥

bādhāśatavinirmuktamastu me bhayavarjitam
baddhvedaṃ kavacaṃ divyamabhedyaṃ haihayeśituḥ

Meaning open with adhikāra · अर्थ अधिकार से

Verse 45

विचरामि दिवा रात्रौ निर्भयेनान्तरात्मना ।
राजमार्गे महादुर्गे मार्गे चौरादिसंकुले ॥ ४५ ॥

vicarāmi divā rātrau nirbhayenāntarātmanā
rājamārge mahādurge mārge caurādisaṃkule

Meaning open with adhikāra · अर्थ अधिकार से

Verse 46

विषमे विपिने घोरे दावाग्नौ गिरिकन्दरे ।
संग्रामे शस्त्रसंघाते सिंहव्याघ्रनिषेविते ॥ ४६ ॥

viṣame vipine ghore dāvāgnau girikandare
saṃgrāme śastrasaṃghāte siṃhavyāghraniṣevite

Meaning open with adhikāra · अर्थ अधिकार से

Verse 47

गह्वरे सर्वसंकीर्णे संध्याकाले नृपालये ।
विवादे विपुलावर्ते समुद्रे च नदीतटे ॥ ४७ ॥

gahvare sarvasaṃkīrṇe saṃdhyākāle nṛpālaye
vivāde vipulāvarte samudre ca nadītaṭe

Meaning open with adhikāra · अर्थ अधिकार से

Verse 48

परिपन्थिजनाकीर्णे देशे दस्युगणावृते ।
सर्वस्वहरणे प्राप्ते प्राप्ते प्राणस्य संकटे ॥ ४८ ॥

paripanthijanākīrṇe deśe dasyugaṇāvṛte
sarvasvaharaṇe prāpte prāpte prāṇasya saṃkaṭe

Meaning open with adhikāra · अर्थ अधिकार से

Verse 49

नानारोगज्वरावेशे पिशाचप्रेतयातने ।
मारीदुःस्वप्नपीडासु क्लिष्टे विश्वासघातके ॥ ४९ ॥

nānārogajvarāveśe piśācapretayātane
mārīduḥsvapnapīḍāsu kliṣṭe viśvāsaghātake

Meaning open with adhikāra · अर्थ अधिकार से

Verse 50

शारीरे च महादुःखे मानसे च महाज्वरे ।
आधिव्याधिभये विघ्नज्वालोपद्रवके ऽपि च ॥ ५० ॥

śārīre ca mahāduḥkhe mānase ca mahājvare
ādhivyādhibhaye vighnajvālopadravake 'pi ca

Meaning open with adhikāra · अर्थ अधिकार से

Verse 51

न भवतु भयं किञ्चित्कवचेनावृतस्य मे ।
आगन्तुकामानखिलानस्मद्वसुविलुम्पकान् ॥ ५१ ॥

na bhavatu bhayaṃ kiñcitkavacenāvṛtasya me
āgantukāmānakhilānasmadvasuvilumpakān

Meaning open with adhikāra · अर्थ अधिकार से

Verse 52

निवारयतु दोर्दण्डसहस्रेण महारथः ।
स्वकरोद्धृतसाहस्रपाशबद्धान्सुदुर्जयान् ॥ ५२ ॥

nivārayatu dordaṇḍasahasreṇa mahārathaḥ
svakaroddhṛtasāhasrapāśabaddhānsudurjayān

Meaning open with adhikāra · अर्थ अधिकार से

Verse 53

संरुद्धगतिसामर्थ्यान्करोतु कृतवीर्यजः ।
सृणिसाहस्रनिर्भिन्नान्सहस्रशरखण्डितान् ॥ ५३ ॥

saṃruddhagatisāmarthyānkarotu kṛtavīryajaḥ
sṛṇisāhasranirbhinnānsahasraśarakhaṇḍitān

Meaning open with adhikāra · अर्थ अधिकार से

Verse 54

राजचूडामणिः क्षिप्रं करोत्वस्मद्विरोधकान् ।
खड्गसाहस्रदलितान्सहस्रमुशलार्दितान् ॥ ५४ ॥

rājacūḍāmaṇiḥ kṣipraṃ karotvasmadvirodhakān
khaḍgasāhasradalitānsahasramuśalārditān

Meaning open with adhikāra · अर्थ अधिकार से

Verse 55

चौरादिदुष्टसत्त्वौघान्करोतु कमलेक्षणः ।
स्वशङ्खनादसंत्रस्तान्सहस्रारसहस्रभृत् ॥ ५५ ॥

caurādiduṣṭasattvaughānkarotu kamalekṣaṇaḥ
svaśaṅkhanādasaṃtrastānsahasrārasahasrabhṛt

Meaning open with adhikāra · अर्थ अधिकार से

Verse 56

अवतारो हरेः साक्षात्पालयत्वखिलं मम ।
कार्तवीर्य महावीर्य सर्वदुष्टविनाशन ॥ ५६ ॥

avatāro hareḥ sākṣātpālayatvakhilaṃ mama
kārtavīrya mahāvīrya sarvaduṣṭavināśana

Meaning open with adhikāra · अर्थ अधिकार से

Verse 57

सर्वत्र सर्वदा दुष्टचौरान्नाशय नाशय ।
किं त्वं स्वपिषि दुष्टघ्न किं तिष्ठसि चिरायसि ॥ ५७ ॥

sarvatra sarvadā duṣṭacaurānnāśaya nāśaya
kiṃ tvaṃ svapiṣi duṣṭaghna kiṃ tiṣṭhasi cirāyasi

Meaning open with adhikāra · अर्थ अधिकार से

Verse 58

उत्तिष्ठ पाहि नः सर्वभयेभ्यः स्वसुतानिव ।
ये चौरा वसुहर्तारो विद्विषो ये च हिंसकाः ॥ ५८ ॥

uttiṣṭha pāhi naḥ sarvabhayebhyaḥ svasutāniva
ye caurā vasuhartāro vidviṣo ye ca hiṃsakāḥ

Meaning open with adhikāra · अर्थ अधिकार से

Verse 59

साधुभीतिकरा दुष्टाश्छद्मका ये दुराशयाः ।
दुर्हृदो दुष्टभूपाला दुष्टामात्याश्च पापकाः ॥ ५९ ॥

sādhubhītikarā duṣṭāśchadmakā ye durāśayāḥ
durhṛdo duṣṭabhūpālā duṣṭāmātyāśca pāpakāḥ

Meaning open with adhikāra · अर्थ अधिकार से

Verse 60

ये च कार्यविलोप्तारो ये खलाः परिपन्थिनः ।
सर्वस्वहारिणो ये च पञ्च मायाविनो ऽपरे ॥ ६० ॥

ye ca kāryaviloptāro ye khalāḥ paripanthinaḥ
sarvasvahāriṇo ye ca pañca māyāvino 'pare

Meaning open with adhikāra · अर्थ अधिकार से

पञ्च uncertain

Verse 61

महाक्लेशकरा म्लेच्छा दस्यवो वृषलाश्च ये ।
ये ऽग्निदा गरदातारो वञ्चकाः शस्त्रपाणयः ॥ ६१ ॥

mahākleśakarā mlecchā dasyavo vṛṣalāśca ye
ye 'gnidā garadātāro vañcakāḥ śastrapāṇayaḥ

Meaning open with adhikāra · अर्थ अधिकार से

Verse 62

ये पापा दुष्टकर्माणो दुःखदा दुष्टबुद्धयः ।
व्याजकाः कुपथासक्ता ये च नानाभयप्रदाः ॥ ६२ ॥

ye pāpā duṣṭakarmāṇo duḥkhadā duṣṭabuddhayaḥ
vyājakāḥ kupathāsaktā ye ca nānābhayapradāḥ

Meaning open with adhikāra · अर्थ अधिकार से

Verse 63

छिद्रान्वेषरता नित्यं ये ऽस्मान्बाधितुमुद्यताः ।
ते सर्वे कार्तवीर्यस्य महाशङ्खरवाहताः ॥ ६३ ॥

chidrānveṣaratā nityaṃ ye 'smānbādhitumudyatāḥ
te sarve kārtavīryasya mahāśaṅkharavāhatāḥ

Meaning open with adhikāra · अर्थ अधिकार से

Verse 64

सहसा विलयं यान्तु दूरादेव विमोहिताः ।
ये दानवा महादैत्या ये यक्षा ये च राक्षसाः ॥ ६४ ॥

sahasā vilayaṃ yāntu dūrādeva vimohitāḥ
ye dānavā mahādaityā ye yakṣā ye ca rākṣasāḥ

Meaning open with adhikāra · अर्थ अधिकार से

Verse 65

पिशाचा ये महासत्त्वा ये भूतब्रह्मराक्षसाः ।
अपस्मारग्रहा ये च ये ग्रहाः पिशिताशनाः ॥ ६५ ॥

piśācā ye mahāsattvā ye bhūtabrahmarākṣasāḥ
apasmāragrahā ye ca ye grahāḥ piśitāśanāḥ

Meaning open with adhikāra · अर्थ अधिकार से

Verse 66

महालोहितभोक्तारो वेताला ये च गुह्यकाः ।
गन्धर्वाप्सरसः सिद्धा ये च देवादियोनयः ॥ ६६ ॥

mahālohitabhoktāro vetālā ye ca guhyakāḥ
gandharvāpsarasaḥ siddhā ye ca devādiyonayaḥ

Meaning open with adhikāra · अर्थ अधिकार से

Verse 67

डाकिन्यो द्रुणसाः प्रेताः क्षेत्रपाला विनायकाः ।
महाव्याघ्रमहामेघा महातुरगरूपकाः ॥ ६७ ॥

ḍākinyo druṇasāḥ pretāḥ kṣetrapālā vināyakāḥ
mahāvyāghramahāmeghā mahāturagarūpakāḥ

Meaning open with adhikāra · अर्थ अधिकार से

द्रुणसाः uncertain

Verse 68

महागजा महासिंहा महामहिषयोनयः ।
ऋक्षवाराहशुनकवानरोलूकमूर्तयः ॥ ६८ ॥

mahāgajā mahāsiṃhā mahāmahiṣayonayaḥ
ṛkṣavārāhaśunakavānarolūkamūrtayaḥ

Meaning open with adhikāra · अर्थ अधिकार से

Verse 69

महोष्ट्रखरमार्जारसर्पगोवृषमस्तकाः ।
नानारूपा महासत्त्वा नानाक्लेशसहस्रदाः ॥ ६९ ॥

mahoṣṭrakharamārjārasarpagovṛṣamastakāḥ
nānārūpā mahāsattvā nānākleśasahasradāḥ

Meaning open with adhikāra · अर्थ अधिकार से

Verse 70

नानारोगकराः क्षुद्रा महावीर्या महाबलाः ।
वातिकाः पैत्तिका घोरा श्लैष्मिकाः सान्निपातिकाः ॥ ७० ॥

nānārogakarāḥ kṣudrā mahāvīryā mahābalāḥ
vātikāḥ paittikā ghorā ślaiṣmikāḥ sānnipātikāḥ

Meaning open with adhikāra · अर्थ अधिकार से

Verse 71

माहेश्वरा वैष्णवाश्च वैरिञ्च्याश्च महाग्रहाः ।
स्कान्दा वैनायकाः क्रूरा ये च प्रमथगुह्यकाः ॥ ७१ ॥

māheśvarā vaiṣṇavāśca vairiñcyāśca mahāgrahāḥ
skāndā vaināyakāḥ krūrā ye ca pramathaguhyakāḥ

Meaning open with adhikāra · अर्थ अधिकार से

Verse 72

महाशत्रुग्रहा रौद्रा महामारीमसूरिकाः ।
ऐकाहिका द्व्याहिकाश्च त्र्याहिकाश्च महाज्वराः ॥ ७२ ॥

mahāśatrugrahā raudrā mahāmārīmasūrikāḥ
aikāhikā dvyāhikāśca tryāhikāśca mahājvarāḥ

Meaning open with adhikāra · अर्थ अधिकार से

Verse 73

चातुर्थिकाः पाक्षिकाश्च मास्याः षाण्मासिकाश्च ये ।
सांवत्सरा दुर्निवार्या ज्वराः परमदारुणाः ॥ ७३ ॥

cāturthikāḥ pākṣikāśca māsyāḥ ṣāṇmāsikāśca ye
sāṃvatsarā durnivāryā jvarāḥ paramadāruṇāḥ

Meaning open with adhikāra · अर्थ अधिकार से

Verse 74

स्वाप्निका ये महोत्पाता ये च दुःस्वाप्निका ग्रहाः ।
कूष्माण्डा जृम्भिका भौमा द्रोणाः सान्निध्यवञ्चकाः ॥ ७४ ॥

svāpnikā ye mahotpātā ye ca duḥsvāpnikā grahāḥ
kūṣmāṇḍā jṛmbhikā bhaumā droṇāḥ sānnidhyavañcakāḥ

Meaning open with adhikāra · अर्थ अधिकार से

Verse 75

भ्रमिकाः प्राणहर्तारो ये च बालग्रहादयः ।
मनोबुद्धीन्द्रियहराः स्फोटकाश्च महाग्रहाः ॥ ७५ ॥

bhramikāḥ prāṇahartāro ye ca bālagrahādayaḥ
manobuddhīndriyaharāḥ sphoṭakāśca mahāgrahāḥ

Meaning open with adhikāra · अर्थ अधिकार से

Verse 76

महाशना बलिभुजो महाकुणपभोजनाः ।
दिवाचरा रात्रिचरा ये च संध्यासु दारुणाः ॥ ७६ ॥

mahāśanā balibhujo mahākuṇapabhojanāḥ
divācarā rātricarā ye ca saṃdhyāsu dāruṇāḥ

Meaning open with adhikāra · अर्थ अधिकार से

Verse 77

प्रमत्ता वाप्रमत्ता वै ये मां बाधितुमुद्यताः ।
ते सर्वे कार्तवीर्यस्य धनुर्मुक्तशराहताः ॥ ७७ ॥

pramattā vāpramattā vai ye māṃ bādhitumudyatāḥ
te sarve kārtavīryasya dhanurmuktaśarāhatāḥ

Meaning open with adhikāra · अर्थ अधिकार से

Verse 78

सहस्रधा प्रणश्यन्तु भग्नसत्त्वबलोद्यमाः ।
ये सर्पा ये महानागा महागिरिबिलेशयाः ॥ ७८ ॥

sahasradhā praṇaśyantu bhagnasattvabalodyamāḥ
ye sarpā ye mahānāgā mahāgiribileśayāḥ

Meaning open with adhikāra · अर्थ अधिकार से

Verse 79

कालव्याला महादंष्ट्रा महाजगरसंज्ञकाः ।
अनन्तशूलिकाद्याश्च दंष्ट्राविषमहाभयाः ॥ ७९ ॥

kālavyālā mahādaṃṣṭrā mahājagarasaṃjñakāḥ
anantaśūlikādyāśca daṃṣṭrāviṣamahābhayāḥ

Meaning open with adhikāra · अर्थ अधिकार से

Verse 80

अनेकशतशीर्षाश्च खण्डपुच्छाश्च दारुणाः ।
महाविषजलौकाश्च वृश्चिका रक्तपुच्छकाः ॥ ८० ॥

anekaśataśīrṣāśca khaṇḍapucchāśca dāruṇāḥ
mahāviṣajalaukāśca vṛścikā raktapucchakāḥ

Meaning open with adhikāra · अर्थ अधिकार से

Verse 81

आशीविषाः कालकूटा महाहालाहलाह्वयाः ।
जलसर्पा जलव्याला जलग्राहाश्च कच्छपाः ॥ ८१ ॥

āśīviṣāḥ kālakūṭā mahāhālāhalāhvayāḥ
jalasarpā jalavyālā jalagrāhāśca kacchapāḥ

Meaning open with adhikāra · अर्थ अधिकार से

Verse 82

मत्स्यका विषपुच्छाश्च ये चान्ये जलवासिनः ।
जलजाः स्थलजाश्चैव कृत्रिमाश्च महाविषाः ॥ ८२ ॥

matsyakā viṣapucchāśca ye cānye jalavāsinaḥ
jalajāḥ sthalajāścaiva kṛtrimāśca mahāviṣāḥ

Meaning open with adhikāra · अर्थ अधिकार से

Verse 83

गुप्तरूपा गुप्तविषा मूषिका गृहगोधिकाः ।
नानाविषाश्च ये घोरा महोपविषसंज्ञकाः ॥ ८३ ॥

guptarūpā guptaviṣā mūṣikā gṛhagodhikāḥ
nānāviṣāśca ye ghorā mahopaviṣasaṃjñakāḥ

Meaning open with adhikāra · अर्थ अधिकार से

Verse 84

ये ऽस्मान्बाधितुमिच्छन्ति शरीरप्राणनाशकाः ।
ते सर्वे कार्तवीर्यस्य खड्गसाहस्रदारिताः ॥ ८४ ॥

ye 'smānbādhitumicchanti śarīraprāṇanāśakāḥ
te sarve kārtavīryasya khaḍgasāhasradāritāḥ

Meaning open with adhikāra · अर्थ अधिकार से

Verse 85

दूरादेव विनश्यन्तु प्रणष्टेन्द्रियसाहसाः ।
मनुष्याः पशव ऋक्षवानरा वनगोचराः ॥ ८५ ॥

dūrādeva vinaśyantu praṇaṣṭendriyasāhasāḥ
manuṣyāḥ paśava ṛkṣavānarā vanagocarāḥ

Meaning open with adhikāra · अर्थ अधिकार से

Verse 86

सिंहव्याघ्रवराहाश्च महिषा ये महामृगाः ।
गजास्तुरङ्गा गवया रासभाः शरभा वृकाः ॥ ८६ ॥

siṃhavyāghravarāhāśca mahiṣā ye mahāmṛgāḥ
gajāsturaṅgā gavayā rāsabhāḥ śarabhā vṛkāḥ

Meaning open with adhikāra · अर्थ अधिकार से

Verse 87

शुनका द्वीपिनः शुभ्रा मार्जारा बिललोलुपाः ।
शृगालाः शशकाः श्येना गरुत्मन्तो विहङ्गमाः ॥ ८७ ॥

śunakā dvīpinaḥ śubhrā mārjārā bilalolupāḥ
śṛgālāḥ śaśakāḥ śyenā garutmanto vihaṅgamāḥ

Meaning open with adhikāra · अर्थ अधिकार से

Verse 88

भेरुण्डा वायसा गृध्रा हंसाद्याः पक्षिजातयः ।
उद्भिज्जाश्चाण्डजाश्चैव स्वेदजाश्च जरायुजाः ॥ ८८ ॥

bheruṇḍā vāyasā gṛdhrā haṃsādyāḥ pakṣijātayaḥ
udbhijjāścāṇḍajāścaiva svedajāśca jarāyujāḥ

Meaning open with adhikāra · अर्थ अधिकार से

Verse 89

नानाभेदकुले जाता नानाभेदाः पृथग्विधाः ।
ये ऽस्मान्बाधितुमिच्छन्ति संध्यासु च दिवा निशि ॥ ८९ ॥

nānābhedakule jātā nānābhedāḥ pṛthagvidhāḥ
ye 'smānbādhitumicchanti saṃdhyāsu ca divā niśi

Meaning open with adhikāra · अर्थ अधिकार से

Verse 90

ते सर्वे कार्तवीर्यस्य गदासाहस्रदारिताः ।
दूरादेव विनश्यन्तु विनष्टगतिपौरुषाः ॥ ९० ॥

te sarve kārtavīryasya gadāsāhasradāritāḥ
dūrādeva vinaśyantu vinaṣṭagatipauruṣāḥ

Meaning open with adhikāra · अर्थ अधिकार से

Verse 91

ये चाक्षेमप्रदातारः कूटमायाविनश्च ये ।
मारणोत्सादनोन्मूलद्वेषमोहनकारकाः ॥ ९१ ॥

ye cākṣemapradātāraḥ kūṭamāyāvinaśca ye
māraṇotsādanonmūladveṣamohanakārakāḥ

Meaning open with adhikāra · अर्थ अधिकार से

Verse 92

विश्वासघातका दुष्टा ये च स्वामिद्रुहो नराः ।
ये चाततायिनो दुष्टा ये पापा गोप्यहारिणः ॥ ९२ ॥

viśvāsaghātakā duṣṭā ye ca svāmidruho narāḥ
ye cātatāyino duṣṭā ye pāpā gopyahāriṇaḥ

Meaning open with adhikāra · अर्थ अधिकार से

Verse 93

दाहोपघातगरलशस्त्रपातातिदुःखदाः ।
क्षेत्रवित्तादिहरणबन्धनादिभयप्रदाः ॥ ९३ ॥

dāhopaghātagaralaśastrapātātiduḥkhadāḥ
kṣetravittādiharaṇabandhanādibhayapradāḥ

Meaning open with adhikāra · अर्थ अधिकार से

Verse 94

ईतयो विविधाकारा ये चान्ये दुष्टजातयः ।
पीडाकरा ये सततं छिद्रमिच्छन्ति बाधितुम् ॥ ९४ ॥

ītayo vividhākārā ye cānye duṣṭajātayaḥ
pīḍākarā ye satataṃ chidramicchanti bādhitum

Meaning open with adhikāra · अर्थ अधिकार से

Verse 95

ते सर्वे कार्तवीर्यस्य चक्रसाहस्रदारिताः ।
दूरादेव क्षयं यान्तु विनष्टबलसाहसाः ॥ ९५ ॥

te sarve kārtavīryasya cakrasāhasradāritāḥ
dūrādeva kṣayaṃ yāntu vinaṣṭabalasāhasāḥ

Meaning open with adhikāra · अर्थ अधिकार से

Verse 96

ये मेघा ये महावर्षा ये वाता याश्च विद्युतः ।
ये महाशनयो दीप्ता ये निर्घाताश्च दारुणाः ॥ ९६ ॥

ye meghā ye mahāvarṣā ye vātā yāśca vidyutaḥ
ye mahāśanayo dīptā ye nirghātāśca dāruṇāḥ

Meaning open with adhikāra · अर्थ अधिकार से

Verse 97

उल्कापाताश्च ये घोरा ये महेन्द्रायुधादयः ।
सूर्येन्दुकुजसौम्याश्च गुरुकाव्यशनैश्चराः ॥ ९७ ॥

ulkāpātāśca ye ghorā ye mahendrāyudhādayaḥ
sūryendukujasaumyāśca gurukāvyaśanaiścarāḥ

Meaning open with adhikāra · अर्थ अधिकार से

Verse 98

राहुश्च केतवो घोरा नक्षत्रा राशयस्तथा ।
तिथयः संक्रमा मासा हायना युगनायकाः ॥ ९८ ॥

rāhuśca ketavo ghorā nakṣatrā rāśayastathā
tithayaḥ saṃkramā māsā hāyanā yuganāyakāḥ

Meaning open with adhikāra · अर्थ अधिकार से

Verse 99

मन्वन्तराधिपाः सिद्धा ऋषयो योगसिद्धयः ।
निधयो ऋग्यजुःसामाथर्वाणश्चैव वह्नयः ॥ ९९ ॥

manvantarādhipāḥ siddhā ṛṣayo yogasiddhayaḥ
nidhayo ṛgyajuḥsāmātharvāṇaścaiva vahnayaḥ

Meaning open with adhikāra · अर्थ अधिकार से

Verse 100

ऋतवो लोकपालाश्च पितरो देवसंहतिः ।
विद्याश्चैव चतुःषष्टिभेदा या भुवनत्रये ॥ १०० ॥

ṛtavo lokapālāśca pitaro devasaṃhatiḥ
vidyāścaiva catuḥṣaṣṭibhedā yā bhuvanatraye

Meaning open with adhikāra · अर्थ अधिकार से

Verse 101

ये त्वत्र कीर्तिताः सर्वे ये चान्ये नानुकीर्तिताः ।
ते सन्तु नः सदा सौम्याः सर्वकालसुखावहाः ॥ १०१ ॥

ye tvatra kīrtitāḥ sarve ye cānye nānukīrtitāḥ
te santu naḥ sadā saumyāḥ sarvakālasukhāvahāḥ

Meaning open with adhikāra · अर्थ अधिकार से

Verse 102

आज्ञया कार्तवीर्यस्य योगीन्द्रस्यामितद्युतेः ।
कार्तवीर्यार्जुनो धन्वी राजेन्द्रो हैहयेश्वरः ॥ १०२ ॥

ājñayā kārtavīryasya yogīndrasyāmitadyuteḥ
kārtavīryārjuno dhanvī rājendro haihayeśvaraḥ

Meaning open with adhikāra · अर्थ अधिकार से

Verse 103

दशास्यदर्पहा रेवालीलादृप्तः सुदुर्जयः ।
दुःखहा चौरदमनो राजराजेश्वरः प्रभुः ॥ १०३ ॥

daśāsyadarpahā revālīlādṛptaḥ sudurjayaḥ
duḥkhahā cauradamano rājarājeśvaraḥ prabhuḥ

Meaning open with adhikāra · अर्थ अधिकार से

Verse 104

सर्वज्ञः सर्वदः श्रीमान् सर्वशिष्टेष्टदः कृती ।
राजचूडामणिर्योगी सप्तद्वीपाधिनायकः ॥ १०४ ॥

sarvajñaḥ sarvadaḥ śrīmān sarvaśiṣṭeṣṭadaḥ kṛtī
rājacūḍāmaṇiryogī saptadvīpādhināyakaḥ

Meaning open with adhikāra · अर्थ अधिकार से

Verse 105

विजयी विश्वजिद्वाग्मी महागतिरलोलुपः ।
यज्वा विप्रप्रियो विद्वान् ब्रह्मज्ञेयः सनातनः ॥ १०५ ॥

vijayī viśvajidvāgmī mahāgatiralolupaḥ
yajvā viprapriyo vidvān brahmajñeyaḥ sanātanaḥ

Meaning open with adhikāra · अर्थ अधिकार से

Verse 106

माहिष्मतीपतिर्योधा महाकीर्तिर्महाभुजः ।
सुकुमारो महावीरो मारीघ्नो मदिरेक्षणः ॥ १०६ ॥

māhiṣmatīpatiryodhā mahākīrtirmahābhujaḥ
sukumāro mahāvīro mārīghno madirekṣaṇaḥ

Meaning open with adhikāra · अर्थ अधिकार से

Verse 107

शत्रुघ्नः शाश्वतः शूरः शङ्खभृद्योगिवल्लभः ।
महाभागवतो धीमान्महाभयविनाशनः ॥ १०७ ॥

śatrughnaḥ śāśvataḥ śūraḥ śaṅkhabhṛdyogivallabhaḥ
mahābhāgavato dhīmānmahābhayavināśanaḥ

Meaning open with adhikāra · अर्थ अधिकार से

Verse 108

असाध्यविग्रहो दिव्यो भावो व्याप्तजगत्त्रयः ।
जितेन्द्रियो जितारातिः स्वच्छन्दो ऽनन्तविक्रमः ॥ १०८ ॥

asādhyavigraho divyo bhāvo vyāptajagattrayaḥ
jitendriyo jitārātiḥ svacchando 'nantavikramaḥ

Meaning open with adhikāra · अर्थ अधिकार से

असाध्यविग्रहो uncertain

Verse 109

चक्रभृत्परचक्रघ्नः संग्रामविधिपूजितः ।
सर्वशास्त्रकलाधारी विरजा लोकवन्दितः ॥ १०९ ॥

cakrabhṛtparacakraghnaḥ saṃgrāmavidhipūjitaḥ
sarvaśāstrakalādhārī virajā lokavanditaḥ

Meaning open with adhikāra · अर्थ अधिकार से

Verse 110

वीरो विमलसत्त्वाढ्यो महाबलपराक्रमः ।
विजयश्रीमहामान्यो जितारिर्मन्त्रनायकः ॥ ११० ॥

vīro vimalasattvāḍhyo mahābalaparākramaḥ
vijayaśrīmahāmānyo jitārirmantranāyakaḥ

Meaning open with adhikāra · अर्थ अधिकार से

Verse 111

खड्गभृत्कामदः कान्तः कालघ्नः कमलेक्षणः ।
भद्रवादप्रियो वैद्यो विबुधो वरदो वशी ॥ १११ ॥

khaḍgabhṛtkāmadaḥ kāntaḥ kālaghnaḥ kamalekṣaṇaḥ
bhadravādapriyo vaidyo vibudho varado vaśī

Meaning open with adhikāra · अर्थ अधिकार से

Verse 112

महाधनो निधिपतिर्महायोगी गुरुप्रियः ।
योगाढ्यः सर्वरोगघ्नो राजिताखिलभूतलः ॥ ११२ ॥

mahādhano nidhipatirmahāyogī gurupriyaḥ
yogāḍhyaḥ sarvarogaghno rājitākhilabhūtalaḥ

Meaning open with adhikāra · अर्थ अधिकार से

Verse 113

दिव्यास्त्रभृदमेयात्मा सर्वगोप्ता महोज्ज्वलः ।
सर्वायुधधरो ऽभीष्टप्रदः परपुरञ्जयः ॥ ११३ ॥

divyāstrabhṛdameyātmā sarvagoptā mahojjvalaḥ
sarvāyudhadharo 'bhīṣṭapradaḥ parapurañjayaḥ

Meaning open with adhikāra · अर्थ अधिकार से

Verse 114

योगसिद्धो महाकायो महावृन्दशताधिपः ।
सर्वज्ञाननिधिः सर्वसिद्धिदानकृतोद्यमः ॥ ११४ ॥

yogasiddho mahākāyo mahāvṛndaśatādhipaḥ
sarvajñānanidhiḥ sarvasiddhidānakṛtodyamaḥ

Meaning open with adhikāra · अर्थ अधिकार से

Verse 115

इत्यष्टशतनामोक्त्या मूर्तयो दश दिक्पथि ।
सम्यग्दशदिशो व्याप्य पालयन्तु च मां सदा ॥ ११५ ॥

ityaṣṭaśatanāmoktyā mūrtayo daśa dikpathi
samyagdaśadiśo vyāpya pālayantu ca māṃ sadā

Meaning open with adhikāra · अर्थ अधिकार से

Verse 116

स्वस्थाः सर्वेन्द्रियाः सन्तु शान्तिरस्तु सदा मम ।
शेषाद्या मूर्तयो ऽष्टौ च विक्रमेणैव भास्वराः ॥ ११६ ॥

svasthāḥ sarvendriyāḥ santu śāntirastu sadā mama
śeṣādyā mūrtayo 'ṣṭau ca vikrameṇaiva bhāsvarāḥ

Meaning open with adhikāra · अर्थ अधिकार से

Verse 117

अग्निनिरृतिवाय्वीशकोणगाः पान्तु मां सदा ।
मम सौख्यमसंबाधमारोग्यमपराजयः ॥ ११७ ॥

agninirṛtivāyvīśakoṇagāḥ pāntu māṃ sadā
mama saukhyamasaṃbādhamārogyamaparājayaḥ

Meaning open with adhikāra · अर्थ अधिकार से

Verse 118

दुःखहानिरविघ्नश्च प्रजावृद्धिः सुखोदयः ।
वाञ्छाप्तिरतिकल्याणमवैषम्यमनामयम् ॥ ११८ ॥

duḥkhahāniravighnaśca prajāvṛddhiḥ sukhodayaḥ
vāñchāptiratikalyāṇamavaiṣamyamanāmayam

Meaning open with adhikāra · अर्थ अधिकार से

Verse 119

अनालस्यमभीष्टं स्यान्मृत्युहानिर्बलोन्नतिः ।
भयहानिर्यशः कान्तिर्विद्या ऋद्धिर्महाश्रियः ॥ ११९ ॥

anālasyamabhīṣṭaṃ syānmṛtyuhānirbalonnatiḥ
bhayahāniryaśaḥ kāntirvidyā ṛddhirmahāśriyaḥ

Meaning open with adhikāra · अर्थ अधिकार से

Verse 120

अनष्टद्रव्यता चैव नष्टस्य पुनरागमः ।
दीर्घायुष्यं मनोहर्षः सौकुमार्यमभीप्सितम् ॥ १२० ॥

anaṣṭadravyatā caiva naṣṭasya punarāgamaḥ
dīrghāyuṣyaṃ manoharṣaḥ saukumāryamabhīpsitam

Meaning open with adhikāra · अर्थ अधिकार से

Verse 121

अप्रधृष्यतमत्वं च महासामर्थ्यमेव च ।
सन्तु मे कार्तवीर्यस्य हैहयेन्द्रस्य कीर्तनात् ॥ १२१ ॥

apradhṛṣyatamatvaṃ ca mahāsāmarthyameva ca
santu me kārtavīryasya haihayendrasya kīrtanāt

Meaning open with adhikāra · अर्थ अधिकार से

फलश्रुतिःThe fruit

Verse 122

य इदं कार्तवीर्यस्य कवचं पुण्यवर्धनम् ।
सर्वपापप्रशमनं सर्वोपद्रवनाशनम् ॥ १२२ ॥

ya idaṃ kārtavīryasya kavacaṃ puṇyavardhanam
sarvapāpapraśamanaṃ sarvopadravanāśanam

Meaning open with adhikāra · अर्थ अधिकार से

Verse 123

सर्वशान्तिकरं गुह्यं समस्तभयनाशनम् ।
विजयार्थप्रदं नॄणां सर्वसंपत्प्रदं शुभम् ॥ १२३ ॥

sarvaśāntikaraṃ guhyaṃ samastabhayanāśanam
vijayārthapradaṃ nṝṇāṃ sarvasaṃpatpradaṃ śubham

Meaning open with adhikāra · अर्थ अधिकार से

Verse 124

शृणुयाद्वा पठेद्वापि सर्वकामानवाप्नुयात् ।
चौरैर्हृतं यदा पश्येत्पश्वादिधनमात्मनः ॥ १२४ ॥

śṛṇuyādvā paṭhedvāpi sarvakāmānavāpnuyāt
caurairhṛtaṃ yadā paśyetpaśvādidhanamātmanaḥ

Meaning open with adhikāra · अर्थ अधिकार से

Verse 125

सप्तवारं तदा जप्येन्निशि पश्चिमदिङ्मुखः ।
सप्तरात्रेण लभते नष्टद्रव्यं न संशयः ॥ १२५ ॥

saptavāraṃ tadā japyenniśi paścimadiṅmukhaḥ
saptarātreṇa labhate naṣṭadravyaṃ na saṃśayaḥ

Meaning open with adhikāra · अर्थ अधिकार से

Verse 126

सप्तविंशतिधा जप्त्वा प्राचीदिग्वदनः पुमान् ।
देवासुरनिभं चापि परचक्रं निवारयेत् ॥ १२६ ॥

saptaviṃśatidhā japtvā prācīdigvadanaḥ pumān
devāsuranibhaṃ cāpi paracakraṃ nivārayet

Meaning open with adhikāra · अर्थ अधिकार से

Verse 127

विवादे कलहे घोरे पञ्चधा यः पठेदिदम् ।
विजयो जायते तस्य न कदाचित्पराजयः ॥ १२७ ॥

vivāde kalahe ghore pañcadhā yaḥ paṭhedidam
vijayo jāyate tasya na kadācitparājayaḥ

Meaning open with adhikāra · अर्थ अधिकार से

Verse 128

सर्वरोगप्रपीडासु त्रेधा वा पञ्चधा पठेत् ।
स रोगमृत्युवेतालभूतप्रेतैर्न बाध्यते ॥ १२८ ॥

sarvarogaprapīḍāsu tredhā vā pañcadhā paṭhet
sa rogamṛtyuvetālabhūtapretairna bādhyate

Meaning open with adhikāra · अर्थ अधिकार से

Verse 129

सम्यग्द्वादशधा रात्रौ प्रजपेद्बन्धमुक्तये ।
त्रिदिनान्निगडाद्बद्धो मुच्यते नात्र संशयः ॥ १२९ ॥

samyagdvādaśadhā rātrau prajapedbandhamuktaye
tridinānnigaḍādbaddho mucyate nātra saṃśayaḥ

Meaning open with adhikāra · अर्थ अधिकार से

Verse 130

अनेनैव विधानेन सर्वसाधनकर्मणि ।
असाध्यमपि सप्ताहात्साधयेन्मन्त्रवित्तमः ॥ १३० ॥

anenaiva vidhānena sarvasādhanakarmaṇi
asādhyamapi saptāhātsādhayenmantravittamaḥ

Meaning open with adhikāra · अर्थ अधिकार से

Verse 131

यात्राकाले पठित्वेदं मार्गे गच्छति यः पुमान् ।
न दुष्टचौरव्याघ्राद्यैर्भयं स्यात्परिपन्थिभिः ॥ १३१ ॥

yātrākāle paṭhitvedaṃ mārge gacchati yaḥ pumān
na duṣṭacauravyāghrādyairbhayaṃ syātparipanthibhiḥ

Meaning open with adhikāra · अर्थ अधिकार से

Verse 132

जपन्नासेचनं कुर्वञ्जलेनाञ्जलिना तनौ ।
न चासौ विषकृत्यादिरोगस्फोटैः प्रबाध्यते ॥ १३२ ॥

japannāsecanaṃ kurvañjalenāñjalinā tanau
na cāsau viṣakṛtyādirogasphoṭaiḥ prabādhyate

Meaning open with adhikāra · अर्थ अधिकार से

Verse 133

कार्तवीर्यः खलद्वेषी कृतवीर्यसुतो बली ।
सहस्रबाहुः शत्रुघ्नो रक्तवासा धनुर्धरः ॥ १३३ ॥

kārtavīryaḥ khaladveṣī kṛtavīryasuto balī
sahasrabāhuḥ śatrughno raktavāsā dhanurdharaḥ

Meaning open with adhikāra · अर्थ अधिकार से

Verse 134

रक्तगन्धो रक्तमाल्यो राजा स्मर्तुरभीष्टदः ।
द्वादशैतानि नामानि कार्तवीर्यस्य यः पठेत् ॥ १३४ ॥

raktagandho raktamālyo rājā smarturabhīṣṭadaḥ
dvādaśaitāni nāmāni kārtavīryasya yaḥ paṭhet

Meaning open with adhikāra · अर्थ अधिकार से

Verse 135

संपदस्तस्य जायन्ते जनास्तस्य वशे सदा ।
यः सेवते सदा विप्र श्रीमच्चक्रावतारकम् ॥ १३५ ॥

saṃpadastasya jāyante janāstasya vaśe sadā
yaḥ sevate sadā vipra śrīmaccakrāvatārakam

Meaning open with adhikāra · अर्थ अधिकार से

Verse 136

तस्य रक्षां सदा कुर्याच्चक्रं विष्णोर्महात्मनः ।
मयैतत्कवचं विप्र दत्तात्रेयान्मुनीश्वरात् ॥ १३६ ॥

tasya rakṣāṃ sadā kuryāccakraṃ viṣṇormahātmanaḥ
mayaitatkavacaṃ vipra dattātreyānmunīśvarāt

Meaning open with adhikāra · अर्थ अधिकार से

Verse 137

श्रुतं तुभ्यं निगदितं धारयस्वाखिलेष्टदम् ॥ १३७ ॥

śrutaṃ tubhyaṃ nigaditaṃ dhārayasvākhileṣṭadam

Meaning open with adhikāra · अर्थ अधिकार से

इति श्रीबृहन्नारदीयपुराणे पूर्वभागे बृहदुपाख्याने तृतीयपादे कार्तवीर्यकवचकथनं नाम सप्तसप्ततितमोऽध्यायः ।

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Dattatreya दत्तात्रेय The combined avatar of Brahma, Vishnu, and Shiva, worshipped as a guru deity, especially within the Nath and Tantric traditions.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras