Rudrayāmala · Mahāvidyā Pītāmbarā

श्रीपीताम्बराबगलामुखीकवचम्

Bagalamukhi Pitambara Kavacham (Rudrayamala) — The armour of Pītāmbarā Bagalāmukhī, asked by Pārvatī and told by Śiva

A hymn of protection (Kavach) of Baglamukhi in her yellow-robed form, Pitambara. Pārvatī asks for an armour for devotees troubled by slanderers; Śiva first gives a meditation verse, then calls on one goddess after another to guard the eight directions, above and below, and the head, eyes, ears, throat, arms, heart, belly and legs of the reciter.

ध्यानम्Meditation

Verse dh1

मध्येसुधाब्धि मणिमण्डपरत्नवेद्यां
सिंहासनोपरि गतां परिपीतवर्णाम् ।
पीताम्बराभरणमाल्यविभूषिताङ्गीं
देवीं भजामि धृतमुद्गरवैरिजिह्वाम् ॥१॥

madhyesudhābdhi maṇimaṇḍaparatnavedyāṃ
siṃhāsanopari gatāṃ paripītavarṇām
pītāmbarābharaṇamālyavibhūṣitāṅgīṃ
devīṃ bhajāmi dhṛtamudgaravairijihvām

Meaning open with adhikāra · अर्थ अधिकार से

Verse dh2

जिह्वाग्रमादाय करेण देवीं
वामेन शत्रून् परिपीडयन्तीम् ।
गदाभिघातेन च दक्षिणेन
पीताम्बराढ्यां द्विभुजां नमामि ॥२॥

jihvāgramādāya kareṇa devīṃ
vāmena śatrūn paripīḍayantīm
gadābhighātena ca dakṣiṇena
pītāmbarāḍhyāṃ dvibhujāṃ namāmi

Meaning open with adhikāra · अर्थ अधिकार से

पीठिकाThe opening

Verse 1

हिमवत्तनया गौरी कैलासेऽथ शिलोच्चये ।
अपृच्छद् गिरिशं देवी साधकानुग्रहेच्छया ॥१॥

himavattanayā gaurī kailāse'tha śiloccaye
apṛcchad giriśaṃ devī sādhakānugrahecchayā

Meaning open with adhikāra · अर्थ अधिकार से

Verse 2

श्रीपार्वत्युवाच — पार्वती ने कहा Pārvatī said

देवदेव महादेव भक्तानुग्रहकारक ।
शृणु विज्ञाप्यते यत्तु श्रुत्वा सर्वं निवेदय ॥२॥

devadeva mahādeva bhaktānugrahakāraka
śṛṇu vijñāpyate yattu śrutvā sarvaṃ nivedaya

Meaning open with adhikāra · अर्थ अधिकार से

Verse 3

विशुद्धाः कौलिका लोके ये मत्कर्मपरायणाः ।
तेषां निन्दाकरा लोके बहवः किल दुर्जनाः ॥३॥

viśuddhāḥ kaulikā loke ye matkarmaparāyaṇāḥ
teṣāṃ nindākarā loke bahavaḥ kila durjanāḥ

Meaning open with adhikāra · अर्थ अधिकार से

Verse 4

मनोबाधां विदधते मुहुः कटुभिरुक्तिभिः ।
तेषामाशु विनाशाय त्वया देव प्रकाशितः ॥४॥

manobādhāṃ vidadhate muhuḥ kaṭubhiruktibhiḥ
teṣāmāśu vināśāya tvayā deva prakāśitaḥ

Meaning open with adhikāra · अर्थ अधिकार से

Verse 5

यो मन्त्रो बगलामुख्याः सर्वकामसमृद्धिदः ।
कवचं तस्य मन्त्रस्य प्रकाशय दयानिधे ॥५॥

yo mantro bagalāmukhyāḥ sarvakāmasamṛddhidaḥ
kavacaṃ tasya mantrasya prakāśaya dayānidhe

Meaning open with adhikāra · अर्थ अधिकार से

Verse 6

यस्य स्मरणमात्रेण पशूनां निग्रहो भवेत् ।
आत्मानं सततं रक्षेद् व्याघ्राग्निरिपुराजतः ॥६॥

yasya smaraṇamātreṇa paśūnāṃ nigraho bhavet
ātmānaṃ satataṃ rakṣed vyāghrāgniripurājataḥ

Meaning open with adhikāra · अर्थ अधिकार से

Verse 7

श्रुत्वाऽथ पार्वतीवाक्यं ज्ञात्वा तस्या मनोगतम् ।
विहस्य तां परिष्वज्य साधु साध्वित्यपूजयत् ॥७॥

śrutvā'tha pārvatīvākyaṃ jñātvā tasyā manogatam
vihasya tāṃ pariṣvajya sādhu sādhvityapūjayat

Meaning open with adhikāra · अर्थ अधिकार से

Verse 8

श्रीशङ्कर उवाच — शङ्कर ने कहा Śaṅkara said

तदाह कवचं देव्यै कृपया करुणानिधिः ।
शृणु त्वं बगलामुख्याः कवचं सर्वकामदम् ॥८॥

tadāha kavacaṃ devyai kṛpayā karuṇānidhiḥ
śṛṇu tvaṃ bagalāmukhyāḥ kavacaṃ sarvakāmadam

Meaning open with adhikāra · अर्थ अधिकार से

Verse 9

यस्य स्मरणमात्रेण बगलामुखी प्रसीदति ।
सर्वसिद्धिप्रदा प्राच्यां पातु मां बगलामुखी ॥९॥

yasya smaraṇamātreṇa bagalāmukhī prasīdati
sarvasiddhipradā prācyāṃ pātu māṃ bagalāmukhī

Meaning open with adhikāra · अर्थ अधिकार से

Verse 10

पीताम्बरा तु चाग्नेय्यां याम्यां महिषमर्दिनी ।
नैरृत्यां चण्डिका पातु भक्तानुग्रहकारिणी ॥१०॥

pītāmbarā tu cāgneyyāṃ yāmyāṃ mahiṣamardinī
nairṛtyāṃ caṇḍikā pātu bhaktānugrahakāriṇī

Meaning open with adhikāra · अर्थ अधिकार से

Verse 11

पातु नित्यं महादेवी प्रतीच्यां शूकरानना ।
वायव्ये पातु मां काली कौबेर्यां त्रिपुराऽवतु ॥११॥

pātu nityaṃ mahādevī pratīcyāṃ śūkarānanā
vāyavye pātu māṃ kālī kauberyāṃ tripurā'vatu

Meaning open with adhikāra · अर्थ अधिकार से

Verse 12

ईशान्यां भैरवी पातु पातु नित्यं सुरप्रिया ।
ऊर्ध्वं वागीश्वरी पातु मध्ये मां ललिताऽवतु ॥१२॥

īśānyāṃ bhairavī pātu pātu nityaṃ surapriyā
ūrdhvaṃ vāgīśvarī pātu madhye māṃ lalitā'vatu

Meaning open with adhikāra · अर्थ अधिकार से

Verse 13

अधस्तादपि मां पातु वाराही चक्रधारिणी ।
मस्तकं पातु मे नित्यं श्रीदेवी बगलामुखी ॥१३॥

adhastādapi māṃ pātu vārāhī cakradhāriṇī
mastakaṃ pātu me nityaṃ śrīdevī bagalāmukhī

Meaning open with adhikāra · अर्थ अधिकार से

Verse 14

भालं पीताम्बरा पातु नेत्रे त्रिपुरभैरवी ।
श्रवणौ विजया पातु नासिकायुगलं जया ॥१४॥

bhālaṃ pītāmbarā pātu netre tripurabhairavī
śravaṇau vijayā pātu nāsikāyugalaṃ jayā

Meaning open with adhikāra · अर्थ अधिकार से

Verse 15

शारदा वचनं पातु जिह्वां पातु सुरेश्वरी ।
कण्ठं रक्षतु रुद्राणी स्कन्धौ मे विन्ध्यवासिनी ॥१५॥

śāradā vacanaṃ pātu jihvāṃ pātu sureśvarī
kaṇṭhaṃ rakṣatu rudrāṇī skandhau me vindhyavāsinī

Meaning open with adhikāra · अर्थ अधिकार से

Verse 16

सुन्दरी पातु बाहू मे जया पातु करौ सदा ।
भवानी हृदयं पातु मध्यं मे भुवनेश्वरी ॥१६॥

sundarī pātu bāhū me jayā pātu karau sadā
bhavānī hṛdayaṃ pātu madhyaṃ me bhuvaneśvarī

Meaning open with adhikāra · अर्थ अधिकार से

Verse 17

नाभिं पातु महामाया कटिं कमललोचना ।
ऊरू मे पातु मातङ्गी जानुनी चापराजिता ॥१७॥

nābhiṃ pātu mahāmāyā kaṭiṃ kamalalocanā
ūrū me pātu mātaṅgī jānunī cāparājitā

Meaning open with adhikāra · अर्थ अधिकार से

Verse 18

जङ्घे कपालिनी पातु चरणौ चञ्चलेक्षणा ।
सर्वतः पातु मां तारा योगिनी पातु चाग्रतः ॥१८॥

jaṅghe kapālinī pātu caraṇau cañcalekṣaṇā
sarvataḥ pātu māṃ tārā yoginī pātu cāgrataḥ

Meaning open with adhikāra · अर्थ अधिकार से

Verse 19

पृष्ठं मे पातु कौमारी दक्षपार्श्वे शिवाऽवतु ।
रुद्राणी वामपार्श्वे तु पातु मां सर्वदेष्टदा ॥१९॥

pṛṣṭhaṃ me pātu kaumārī dakṣapārśve śivā'vatu
rudrāṇī vāmapārśve tu pātu māṃ sarvadeṣṭadā

Meaning open with adhikāra · अर्थ अधिकार से

फलश्रुतिःThe fruit of reciting

Verse 20

स्तुता सर्वेषु देवेषु रक्तबीजविनाशिनी ।
इत्येतत् कवचं दिव्यं धर्मकामार्थसाधनम् ॥२०॥

stutā sarveṣu deveṣu raktabījavināśinī
ityetat kavacaṃ divyaṃ dharmakāmārthasādhanam

Meaning open with adhikāra · अर्थ अधिकार से

Verse 21

गोपनीयं प्रयत्नेन कस्यचिन्न प्रकाशयेत् ।
यः सकृच्छृणुयादेतत् कवचं मन्मुखोदितम् ॥२१॥

gopanīyaṃ prayatnena kasyacinna prakāśayet
yaḥ sakṛcchṛṇuyādetat kavacaṃ manmukhoditam

Meaning open with adhikāra · अर्थ अधिकार से

Verse 22

स सर्वान् लभते कामान् मूर्खो विद्यामवाप्नुयात् ।
तस्याशु शत्रवो यान्ति यमस्य भवने शिवे ॥२२॥

sa sarvān labhate kāmān mūrkho vidyāmavāpnuyāt
tasyāśu śatravo yānti yamasya bhavane śive

Meaning open with adhikāra · अर्थ अधिकार से

इति श्रीरुद्रयामले महातन्त्रे श्रीमहाविद्यापीताम्बराबगलामुखीकवचं समाप्तम् ।

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Baglamukhi बगलामुखी A fierce Mahavidya invoked for stambhana (paralyzing/silencing an opponent) — her rites are counted among the most potent and binding in Tantra.
Pitambara पीताम्बरा "The Yellow-Robed One" — an epithet of Bhagavati Baglamukhi.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras