Rudrayāmala Tantra · Uttaratantra, paṭala 63

अनाहतेश्वरसम्मोहनकवचम्

Anahateshvara Sammohana Kavacham (Rudrayamala Tantra) — An armour that guards the body, the six wheels and the ten directions

A hymn of protection (Kavach) from the Rudrayāmala, one of the great Yāmala tantras. The goddess asks for the armour of the lord of the Anahata wheel and tells it: its seer, metre, deity and pin come first, then forms of Śiva are named as guards of each part of the body and of the lotuses and channels along the spine, where Kundalini rises. Guardians of the directions, of planets and of many fears follow. The last verses tell what reading it gives and how it is to be read.

Verse 1

श्री-आनन्दभैरवी उवाच — आनन्दभैरवी बोलीं Ānandabhairavī spoke

कवचं शृणु चास्यैव लोकनाथ शिवापते ।
ईश्वरस्य परं ब्रह्म निर्वाणयोगदायकम् ॥ १ ॥

kavacaṃ śṛṇu cāsyaiva lokanātha śivāpate
īśvarasya paraṃ brahma nirvāṇayogadāyakam

Meaning open with adhikāra · अर्थ अधिकार से

Verse 2

कवचं दुर्लभं लोके नामसम्मोहनं परम् ।
कवचं ध्यानमात्रेण निर्वाणफलभाग्भवेत् ॥ २ ॥

kavacaṃ durlabhaṃ loke nāmasammohanaṃ param
kavacaṃ dhyānamātreṇa nirvāṇaphalabhāgbhavet

Meaning open with adhikāra · अर्थ अधिकार से

Verse 3

अस्य किं पुत्रमाहात्म्यं तथापि तद्वदाम्यहम् ।
केवलं ग्रन्थिभेदाय निजदेहानुरक्षणात् ॥ ३ ॥

asya kiṃ putramāhātmyaṃ tathāpi tadvadāmyaham
kevalaṃ granthibhedāya nijadehānurakṣaṇāt

Meaning open with adhikāra · अर्थ अधिकार से

text uncertain

Verse 4

सर्वेषामपि योगेन्द्र देवानां योगिनां तथा ।
भावादिसिद्धिलाभाय कायनिर्मलसिद्धये ॥ ४ ॥

sarveṣāmapi yogendra devānāṃ yogināṃ tathā
bhāvādisiddhilābhāya kāyanirmalasiddhaye

Meaning open with adhikāra · अर्थ अधिकार से

text uncertain

Verse 5

प्रकाशितं महाकाल तव स्नेहवशादपि ।
सर्वे मन्त्राः प्रसिद्ध्यन्ति सम्मोहकवचाश्रयाः ॥ ५ ॥

prakāśitaṃ mahākāla tava snehavaśādapi
sarve mantrāḥ prasiddhyanti sammohakavacāśrayāḥ

Meaning open with adhikāra · अर्थ अधिकार से

Verse 6

कवचस्य ऋषिर्ब्रह्मा छन्दोऽनुष्टुबुदाहृतम् ।
ईश्वरो देवता प्रोक्तस्तथा शक्तिश्च काकिनी ॥ ६ ॥

kavacasya ṛṣirbrahmā chando'nuṣṭubudāhṛtam
īśvaro devatā proktastathā śaktiśca kākinī

Meaning open with adhikāra · अर्थ अधिकार से

Verse 7

कीलकं क्रूं तथा ज्ञेयं ध्यानसाधनसिद्धये ।
हृदब्जभेदनार्थे तु विनियोगः प्रकीर्तितः ॥ ७ ॥

kīlakaṃ krūṃ tathā jñeyaṃ dhyānasādhanasiddhaye
hṛdabjabhedanārthe tu viniyogaḥ prakīrtitaḥ

Meaning open with adhikāra · अर्थ अधिकार से

Verse 8

प्रणवो मे पातु शीर्षं ललाटं च सदाशिवः ।
प्रासादो हृदयं पातु बाहुयुग्मं महेश्वरः ॥ ८ ॥

praṇavo me pātu śīrṣaṃ lalāṭaṃ ca sadāśivaḥ
prāsādo hṛdayaṃ pātu bāhuyugmaṃ maheśvaraḥ

Meaning open with adhikāra · अर्थ अधिकार से

Verse 9

पृष्ठं पातु महादेव उदरं कामनाशनः ।
पार्श्वौ पातु कामराजो बालः पृष्ठतलान्तरम् ॥ ९ ॥

pṛṣṭhaṃ pātu mahādeva udaraṃ kāmanāśanaḥ
pārśvau pātu kāmarājo bālaḥ pṛṣṭhatalāntaram

Meaning open with adhikāra · अर्थ अधिकार से

Verse 10

कुक्षिमूलं महावीरो ललितापतिरीश्वरः ।
मृत्युञ्जयो नीलकण्ठो लिङ्गदेशं सदावतु ॥ १० ॥

kukṣimūlaṃ mahāvīro lalitāpatirīśvaraḥ
mṛtyuñjayo nīlakaṇṭho liṅgadeśaṃ sadāvatu

Meaning open with adhikāra · अर्थ अधिकार से

Verse 11

लिङ्गाधो मुद्रिका पातु पादयुग्ममुमापतिः ।
अङ्गुष्ठं पातु सततं पार्वतीप्राणवल्लभः ॥ ११ ॥

liṅgādho mudrikā pātu pādayugmamumāpatiḥ
aṅguṣṭhaṃ pātu satataṃ pārvatīprāṇavallabhaḥ

Meaning open with adhikāra · अर्थ अधिकार से

Verse 12

गुल्फं पातु त्र्यम्बकश्च जानुनी युवतीपतिः ।
ऊरुमूलं सदा पातु मञ्जुघोषः सनातनः ॥ १२ ॥

gulphaṃ pātu tryambakaśca jānunī yuvatīpatiḥ
ūrumūlaṃ sadā pātu mañjughoṣaḥ sanātanaḥ

Meaning open with adhikāra · अर्थ अधिकार से

Verse 13

सिमनीदेशमापातु भैरवः क्रोधभैरवः ।
लिङ्गदेशोद्गमं पातु लिङ्गरूपी जगत्पतिः ॥ १३ ॥

simanīdeśamāpātu bhairavaḥ krodhabhairavaḥ
liṅgadeśodgamaṃ pātu liṅgarūpī jagatpatiḥ

Meaning open with adhikāra · अर्थ अधिकार से

text uncertain

Verse 14

हृदयाग्रं सदा पातु महेशः काकिनीश्वरः ।
ग्रीवां पातु वृषस्थश्च कण्ठदेशं दिगम्बरः ॥ १४ ॥

hṛdayāgraṃ sadā pātu maheśaḥ kākinīśvaraḥ
grīvāṃ pātu vṛṣasthaśca kaṇṭhadeśaṃ digambaraḥ

Meaning open with adhikāra · अर्थ अधिकार से

Verse 15

लम्बिकां पातु गणपो नासिकां भवनाशकः ।
भ्रूमध्यं पातु योगीन्द्रो महेशः पातु मस्तकम् ॥ १५ ॥

lambikāṃ pātu gaṇapo nāsikāṃ bhavanāśakaḥ
bhrūmadhyaṃ pātu yogīndro maheśaḥ pātu mastakam

Meaning open with adhikāra · अर्थ अधिकार से

Verse 16

मूर्ध्नि देशं मुनीन्द्रश्च द्वादशस्थो महेश्वरः ।
द्वादशाम्भोरुहं पातु काकिनीप्राणवल्लभः ॥ १६ ॥

mūrdhni deśaṃ munīndraśca dvādaśastho maheśvaraḥ
dvādaśāmbhoruhaṃ pātu kākinīprāṇavallabhaḥ

Meaning open with adhikāra · अर्थ अधिकार से

Verse 17

नाभिमूलाम्बुजं पातु महारुद्रो जगन्मयः ।
स्वाधिष्ठानाम्बुजं पातु सदा हरिहरात्मकः ॥ १७ ॥

nābhimūlāmbujaṃ pātu mahārudro jaganmayaḥ
svādhiṣṭhānāmbujaṃ pātu sadā hariharātmakaḥ

Meaning open with adhikāra · अर्थ अधिकार से

Verse 18

मूलपद्मं सदा पातु ब्रह्मेन्द्रो डाकिनीश्वरः ।
कुण्डलीं सर्वदा पातु डाकिनी योगिनीश्वरः ॥ १८ ॥

mūlapadmaṃ sadā pātu brahmendro ḍākinīśvaraḥ
kuṇḍalīṃ sarvadā pātu ḍākinī yoginīśvaraḥ

Meaning open with adhikāra · अर्थ अधिकार से

Verse 19

कुण्डली मातृका पातु वटुकेशः शिरोहरः ।
राकिणीविग्रहं पातु वामदेवो महेश्वरः ॥ १९ ॥

kuṇḍalī mātṛkā pātu vaṭukeśaḥ śiroharaḥ
rākiṇīvigrahaṃ pātu vāmadevo maheśvaraḥ

Meaning open with adhikāra · अर्थ अधिकार से

text uncertain

Verse 20

पञ्चाननः सदा पातु लाकिनीवज्रविग्रहम् ।
स्वस्थानं द्वादशारञ्च वीरः पातु सुकाकिनीम् ॥ २० ॥

pañcānanaḥ sadā pātu lākinīvajravigraham
svasthānaṃ dvādaśārañca vīraḥ pātu sukākinīm

Meaning open with adhikāra · अर्थ अधिकार से

text uncertain

Verse 21

वीरेन्द्रः कर्णिकां पातु द्वादशारं विषाशनः ।
षोडशारं सदा पातु क्रोधवीरः सदाशिवः ॥ २१ ॥

vīrendraḥ karṇikāṃ pātu dvādaśāraṃ viṣāśanaḥ
ṣoḍaśāraṃ sadā pātu krodhavīraḥ sadāśivaḥ

Meaning open with adhikāra · अर्थ अधिकार से

Verse 22

मां पातु वज्रनाथेशोऽरिभयात् क्रोधभैरवः ।
षट्चक्रं सर्वदा पातु लाकिनीश्रीसदाशिवः ॥ २२ ॥

māṃ pātu vajranātheśo'ribhayāt krodhabhairavaḥ
ṣaṭcakraṃ sarvadā pātu lākinīśrīsadāśivaḥ

Meaning open with adhikāra · अर्थ अधिकार से

Verse 23

षोडशाम्भोरुहान्तस्थं पातु धूम्राक्षपालकः ।
दिङ्नाथेशो महाकायो मां पातु परमेश्वरः ।
आकाशगङ्गाजटिलो द्विदलं पातु मे परम् ।
गङ्गाधरः सदा पातु हाकिनीं परमेश्वरः ॥ २३ ॥

ṣoḍaśāmbhoruhāntasthaṃ pātu dhūmrākṣapālakaḥ
diṅnātheśo mahākāyo māṃ pātu parameśvaraḥ
ākāśagaṅgājaṭilo dvidalaṃ pātu me param
gaṅgādharaḥ sadā pātu hākinīṃ parameśvaraḥ

Meaning open with adhikāra · अर्थ अधिकार से

text uncertain

Verse 24

हाकिनीपरशिवो मे भ्रूपद्मं परिरक्षतु ।
दण्डपाणीश्वरः पातु मनोरूपं द्विपत्रकम् ॥ २४ ॥

hākinīparaśivo me bhrūpadmaṃ parirakṣatu
daṇḍapāṇīśvaraḥ pātu manorūpaṃ dvipatrakam

Meaning open with adhikāra · अर्थ अधिकार से

Verse 25

साधुकेशः सदा पातु मनोन्मन्यादिवासिनम् ।
पिङ्गाक्षेशः सदा पातु भयभूमौ तनुं मम ॥ २५ ॥

sādhukeśaḥ sadā pātu manonmanyādivāsinam
piṅgākṣeśaḥ sadā pātu bhayabhūmau tanuṃ mama

Meaning open with adhikāra · अर्थ अधिकार से

Verse 26

उन्मनोस्थानकं पातु रोधिनीसहितं मम ।
सुधाघटः सदा पातु ममानन्दादिदेवताम् ॥ २६ ॥

unmanosthānakaṃ pātu rodhinīsahitaṃ mama
sudhāghaṭaḥ sadā pātu mamānandādidevatām

Meaning open with adhikāra · अर्थ अधिकार से

text uncertain

Verse 27

आनन्दभैरवः पातु गूढदेशाधिदेवताम् ।
मायामयोपहा पातु सुषुम्नाडिकाकलाम् ॥ २७ ॥

ānandabhairavaḥ pātu gūḍhadeśādhidevatām
māyāmayopahā pātu suṣumnāḍikākalām

Meaning open with adhikāra · अर्थ अधिकार से

text uncertain

Verse 28

इडाकलाधरं पातु कोटिसूर्यप्रभाकरः ।
पिङ्गलामिहिरं पातु चन्द्रशेखर ईश्वरः ॥ २८ ॥

iḍākalādharaṃ pātu koṭisūryaprabhākaraḥ
piṅgalāmihiraṃ pātu candraśekhara īśvaraḥ

Meaning open with adhikāra · अर्थ अधिकार से

text uncertain

Verse 29

कोटिकालानलस्थानं सुषुम्नायां सदावतु ।
सुधासमुद्रो मां पातु रत्नकोटिमणीश्वरः ॥ २९ ॥

koṭikālānalasthānaṃ suṣumnāyāṃ sadāvatu
sudhāsamudro māṃ pātu ratnakoṭimaṇīśvaraḥ

Meaning open with adhikāra · अर्थ अधिकार से

Verse 30

शिवनाथः सदा पातु कुण्डलीचक्रमेव मे ।
विष्णुचक्रं महादेवः कालरात्रः कुलान्वितम् ॥ ३० ॥

śivanāthaḥ sadā pātu kuṇḍalīcakrameva me
viṣṇucakraṃ mahādevaḥ kālarātraḥ kulānvitam

Meaning open with adhikāra · अर्थ अधिकार से

text uncertain

Verse 31

मृत्युजेता सदा पातु सहस्रारं सदा मम ।
सहस्रदलगं शम्भुं स्वयम्भूः पातु सर्वदा ॥ ३१ ॥

mṛtyujetā sadā pātu sahasrāraṃ sadā mama
sahasradalagaṃ śambhuṃ svayambhūḥ pātu sarvadā

Meaning open with adhikāra · अर्थ अधिकार से

Verse 32

सर्वरूपिणमीशानं पातु शर्वो हि सर्वदा ।
सर्वत्र सर्वदा पातु श्रीनीलकण्ठ ईश्वरः ॥ ३२ ॥

sarvarūpiṇamīśānaṃ pātu śarvo hi sarvadā
sarvatra sarvadā pātu śrīnīlakaṇṭha īśvaraḥ

Meaning open with adhikāra · अर्थ अधिकार से

Verse 33

सर्वबीजस्वरूपो मे बीजमालां सदावतु ।
मातृकां सर्वबीजेशो मातृकाणां शिवो मम ॥ ३३ ॥

sarvabījasvarūpo me bījamālāṃ sadāvatu
mātṛkāṃ sarvabījeśo mātṛkāṇāṃ śivo mama

Meaning open with adhikāra · अर्थ अधिकार से

text uncertain

Verse 34

अहङ्कारं हरः पातु करमालां सदा मम ।
जलेऽरण्ये महाभीतौ पर्वते शून्यमण्डपे ॥ ३४ ॥

ahaṅkāraṃ haraḥ pātu karamālāṃ sadā mama
jale'raṇye mahābhītau parvate śūnyamaṇḍape

Meaning open with adhikāra · अर्थ अधिकार से

text uncertain

Verse 35

व्याघ्रभल्लूकमहिषपश्वादिभयदूषिते ।
महारण्ये घोरयुद्धे गगने भूतलेऽतले ॥ ३५ ॥

vyāghrabhallūkamahiṣapaśvādibhayadūṣite
mahāraṇye ghorayuddhe gagane bhūtale'tale

Meaning open with adhikāra · अर्थ अधिकार से

Verse 36

अत्युत्कटे शस्त्रघाते शत्रुचौरादिभीतिषु ।
महासिंहभये क्रूरे मत्तहस्तिभये तथा ॥ ३६ ॥

atyutkaṭe śastraghāte śatrucaurādibhītiṣu
mahāsiṃhabhaye krūre mattahastibhaye tathā

Meaning open with adhikāra · अर्थ अधिकार से

Verse 37

ग्रहव्याधिमहाभीतौ सर्पभीतौ च सर्वदा ।
पिशाचभूतवेतालब्रह्मदैत्यभयादिषु ॥ ३७ ॥

grahavyādhimahābhītau sarpabhītau ca sarvadā
piśācabhūtavetālabrahmadaityabhayādiṣu

Meaning open with adhikāra · अर्थ अधिकार से

Verse 38

अपवादापवादेषु मिथ्यावादेषु सर्वदा ।
करालकालिकानाथः प्रचण्डः प्रखरः परः ॥ ३८ ॥

apavādāpavādeṣu mithyāvādeṣu sarvadā
karālakālikānāthaḥ pracaṇḍaḥ prakharaḥ paraḥ

Meaning open with adhikāra · अर्थ अधिकार से

text uncertain

Verse 39

उग्रः कपर्दी भीदंष्ट्री कालाच्छन्नकरः कविः ।
क्रोधाच्छन्नो महोन्मत्तो गारुडीशो महेषुभृत् ॥ ३९ ॥

ugraḥ kapardī bhīdaṃṣṭrī kālācchannakaraḥ kaviḥ
krodhācchanno mahonmatto gāruḍīśo maheṣubhṛt

Meaning open with adhikāra · अर्थ अधिकार से

text uncertain

Verse 40

पञ्चाननः पञ्चरश्मिः पावनः पावमानकः ।
शिखामात्रामहामुद्राधारकः क्रोधभूपतिः ॥ ४० ॥

pañcānanaḥ pañcaraśmiḥ pāvanaḥ pāvamānakaḥ
śikhāmātrāmahāmudrādhārakaḥ krodhabhūpatiḥ

Meaning open with adhikāra · अर्थ अधिकार से

text uncertain

Verse 41

द्रावकः पूरकः पुष्टः पोषकः पारिभाषिकः ।
एते पान्तु महारुद्रा द्वाविंशतिमहाभये ॥ ४१ ॥

drāvakaḥ pūrakaḥ puṣṭaḥ poṣakaḥ pāribhāṣikaḥ
ete pāntu mahārudrā dvāviṃśatimahābhaye

Meaning open with adhikāra · अर्थ अधिकार से

text uncertain

Verse 42

एते सर्वे शक्तियुक्ता मुण्डमालाविभूषिताः ।
अहङ्कारेश्वराः क्रुद्धा योगिनस्तत्त्वचिन्तकाः ॥ ४२ ॥

ete sarve śaktiyuktā muṇḍamālāvibhūṣitāḥ
ahaṅkāreśvarāḥ kruddhā yoginastattvacintakāḥ

Meaning open with adhikāra · अर्थ अधिकार से

Verse 43

चतुर्भुजा महावीराः खड्गखेटकधारकाः ।
कपालशङ्खमालाढ्या नानारत्नविभूषिताः ॥ ४३ ॥

caturbhujā mahāvīrāḥ khaḍgakheṭakadhārakāḥ
kapālaśaṅkhamālāḍhyā nānāratnavibhūṣitāḥ

Meaning open with adhikāra · अर्थ अधिकार से

Verse 44

किङ्किणीजालमालाढ्या हेमनूपुरराजिताः ।
नानालङ्कारशोभाढ्याश्चन्द्रचूडाविभूषिताः ॥ ४४ ॥

kiṅkiṇījālamālāḍhyā hemanūpurarājitāḥ
nānālaṅkāraśobhāḍhyāścandracūḍāvibhūṣitāḥ

Meaning open with adhikāra · अर्थ अधिकार से

Verse 45

सदानन्दयुताः श्रीदा मोक्षदा कर्मयोगिनाम् ।
सर्वदा भगवान् पातु ईश्वराः पान्तु नित्यशः ॥ ४५ ॥

sadānandayutāḥ śrīdā mokṣadā karmayoginām
sarvadā bhagavān pātu īśvarāḥ pāntu nityaśaḥ

Meaning open with adhikāra · अर्थ अधिकार से

Verse 46

ब्रह्मा पातु मूलपद्मं श्रीविष्णुः पातु षड्दलम् ।
रुद्रः पातु दशदलमीश्वरः पात्वनाहतम् ॥ ४६ ॥

brahmā pātu mūlapadmaṃ śrīviṣṇuḥ pātu ṣaḍdalam
rudraḥ pātu daśadalamīśvaraḥ pātvanāhatam

Meaning open with adhikāra · अर्थ अधिकार से

Verse 47

सदाशिवः पातु नित्यं षोडशारं सदा मम ।
परो द्विदलमापातु षट्शिवाः पान्तु नित्यशः ॥ ४७ ॥

sadāśivaḥ pātu nityaṃ ṣoḍaśāraṃ sadā mama
paro dvidalamāpātu ṣaṭśivāḥ pāntu nityaśaḥ

Meaning open with adhikāra · अर्थ अधिकार से

Verse 48

अपराः पान्तु सततं मम देहं कुलेश्वराः ।
पूर्णं ब्रह्म सदा पातु सर्वाङ्गं सर्वदेवताः ॥ ४८ ॥

aparāḥ pāntu satataṃ mama dehaṃ kuleśvarāḥ
pūrṇaṃ brahma sadā pātu sarvāṅgaṃ sarvadevatāḥ

Meaning open with adhikāra · अर्थ अधिकार से

Verse 49

कालरूपी सदा पातु मनोरूपी शिरो मम ।
आत्मलीनः सदा पातु ललाटं वेदवित्प्रभुः ॥ ४९ ॥

kālarūpī sadā pātu manorūpī śiro mama
ātmalīnaḥ sadā pātu lalāṭaṃ vedavitprabhuḥ

Meaning open with adhikāra · अर्थ अधिकार से

Verse 50

वाराणसीश्वरः पातु मम भ्रूमध्यपीठकम् ।
योगिनाथः सदा पातु मम दन्तावलिं दृढम् ॥ ५० ॥

vārāṇasīśvaraḥ pātu mama bhrūmadhyapīṭhakam
yogināthaḥ sadā pātu mama dantāvaliṃ dṛḍham

Meaning open with adhikāra · अर्थ अधिकार से

Verse 51

ओष्ठाधरौ सदा पातु झिल्टीशो भौतिकेश्वरः ।
नासापुटद्वयं पातु भारभूतीशोऽतिथीश्वरः ॥ ५१ ॥

oṣṭhādharau sadā pātu jhilṭīśo bhautikeśvaraḥ
nāsāpuṭadvayaṃ pātu bhārabhūtīśo'tithīśvaraḥ

Meaning open with adhikāra · अर्थ अधिकार से

text uncertain

Verse 52

गण्डयुग्मं सदा पातु स्थाणुकेशो हरेश्वरः ।
कर्णदेशं सदा पातु अमरोऽधीश्वरो मम ॥ ५२ ॥

gaṇḍayugmaṃ sadā pātu sthāṇukeśo hareśvaraḥ
karṇadeśaṃ sadā pātu amaro'dhīśvaro mama

Meaning open with adhikāra · अर्थ अधिकार से

Verse 53

महासेनेश्वरस्तुण्डं मम पातु निरन्तरम् ।
श्रीकण्ठादिमहारुद्राः स्वाङ्गग्रन्थिषु मातृकाः ॥ ५३ ॥

mahāseneśvarastuṇḍaṃ mama pātu nirantaram
śrīkaṇṭhādimahārudrāḥ svāṅgagranthiṣu mātṛkāḥ

Meaning open with adhikāra · अर्थ अधिकार से

Verse 54

मां पातु कालरुद्रश्च सर्वाङ्गं कालसंक्षयः ।
अकालतारकः पातु उदरं परिपूरकः ॥ ५४ ॥

māṃ pātu kālarudraśca sarvāṅgaṃ kālasaṃkṣayaḥ
akālatārakaḥ pātu udaraṃ paripūrakaḥ

Meaning open with adhikāra · अर्थ अधिकार से

text uncertain

Verse 55

अगस्त्यादिमुनिश्रेष्ठाः पान्तु योगिन ईश्वराः ।
श्रीनाथेश्वर ईशानः पातु मे सूक्ष्मनाडिकाः ॥ ५५ ॥

agastyādimuniśreṣṭhāḥ pāntu yogina īśvarāḥ
śrīnātheśvara īśānaḥ pātu me sūkṣmanāḍikāḥ

Meaning open with adhikāra · अर्थ अधिकार से

Verse 56

त्रिशूली पातु पूर्वस्यां दक्षिणे मृत्युनाशनः ।
पश्चिमे वारुणीमत्तो महाकालः सदावतु ॥ ५६ ॥

triśūlī pātu pūrvasyāṃ dakṣiṇe mṛtyunāśanaḥ
paścime vāruṇīmatto mahākālaḥ sadāvatu

Meaning open with adhikāra · अर्थ अधिकार से

Verse 57

उत्तरे चावधूतेशो भैरवः कालभैरवः ।
ईशाने पातु शान्तीशो वायव्यां योगिवल्लभः ॥ ५७ ॥

uttare cāvadhūteśo bhairavaḥ kālabhairavaḥ
īśāne pātu śāntīśo vāyavyāṃ yogivallabhaḥ

Meaning open with adhikāra · अर्थ अधिकार से

Verse 58

मरुत्कोणे दैत्यहन्ता पातु मां सततं शिवः ।
वह्निकोणे सदा पातु कालानलमुखाम्बुजः ॥ ५८ ॥

marutkoṇe daityahantā pātu māṃ satataṃ śivaḥ
vahnikoṇe sadā pātu kālānalamukhāmbujaḥ

Meaning open with adhikāra · अर्थ अधिकार से

Verse 59

ऊर्ध्वं ब्रह्मा सदा पातु अधोऽनन्तः सदावतु ।
सर्वदेवः सदा पातु सर्वदेहगतं सुखम् ॥ ५९ ॥

ūrdhvaṃ brahmā sadā pātu adho'nantaḥ sadāvatu
sarvadevaḥ sadā pātu sarvadehagataṃ sukham

Meaning open with adhikāra · अर्थ अधिकार से

Verse 60

इहार्हवल्लभः पातु कालाख्येशो गुणो मम ।
रविनाथः सदा पातु हृदयं मानसं मम ॥ ६० ॥

ihārhavallabhaḥ pātu kālākhyeśo guṇo mama
ravināthaḥ sadā pātu hṛdayaṃ mānasaṃ mama

Meaning open with adhikāra · अर्थ अधिकार से

text uncertain

Verse 61

चन्द्रेशः पातु सततं भ्रूमध्यं मम कामदः ।
वज्रदण्डधरः पातु रक्ताङ्गेशस्त्रिलोचनम् ॥ ६१ ॥

candreśaḥ pātu satataṃ bhrūmadhyaṃ mama kāmadaḥ
vajradaṇḍadharaḥ pātu raktāṅgeśastrilocanam

Meaning open with adhikāra · अर्थ अधिकार से

text uncertain

Verse 62

बुधश्यामसुन्दरेशः पातु मे हृदयस्थलम् ।
सुवर्णवर्णगुर्वीशो मम कण्ठं सदावतु ॥ ६२ ॥

budhaśyāmasundareśaḥ pātu me hṛdayasthalam
suvarṇavarṇagurvīśo mama kaṇṭhaṃ sadāvatu

Meaning open with adhikāra · अर्थ अधिकार से

text uncertain

Verse 63

सिन्दूरजलदच्छन्नाद्यर्कशुकेश्वरो गलम् ।
नाभिदेशं सदा पातु शनिश्यामेश ईश्वरः ॥ ६३ ॥

sindūrajaladacchannādyarkaśukeśvaro galam
nābhideśaṃ sadā pātu śaniśyāmeśa īśvaraḥ

Meaning open with adhikāra · अर्थ अधिकार से

text uncertain

Verse 64

राहुः पातु महावक्त्रः केवलं मुखमण्डलम् ।
केतुः पातु महाकायः सदा मे गुह्यदेशकम् ॥ ६४ ॥

rāhuḥ pātu mahāvaktraḥ kevalaṃ mukhamaṇḍalam
ketuḥ pātu mahākāyaḥ sadā me guhyadeśakam

Meaning open with adhikāra · अर्थ अधिकार से

Verse 65

इन्द्रादिदेवताः पान्तु परिवारगणैर्युताः ।
शिरोमण्डलदिग्रूपं पान्तु वैकुण्ठवासिनः ॥ ६५ ॥

indrādidevatāḥ pāntu parivāragaṇairyutāḥ
śiromaṇḍaladigrūpaṃ pāntu vaikuṇṭhavāsinaḥ

Meaning open with adhikāra · अर्थ अधिकार से

text uncertain

Verse 66

भैरवा भैरवीयुक्ताः सर्वदेहसमुद्भवाः ।
भीमदंष्ट्रा महाकाया मम पान्तु निरन्तरम् ॥ ६६ ॥

bhairavā bhairavīyuktāḥ sarvadehasamudbhavāḥ
bhīmadaṃṣṭrā mahākāyā mama pāntu nirantaram

Meaning open with adhikāra · अर्थ अधिकार से

Verse 67

यज्ञभुङ्नीलकण्ठो मे हृदयं पातु सर्वदा ।
उन्मत्तभैरवाः पान्तु ईश्वराः पान्तु सर्वदा ॥ ६७ ॥

yajñabhuṅnīlakaṇṭho me hṛdayaṃ pātu sarvadā
unmattabhairavāḥ pāntu īśvarāḥ pāntu sarvadā

Meaning open with adhikāra · अर्थ अधिकार से

Verse 68

क्रोधभूपतयः पान्तु श्रीमायामदनान्विताः ।
इत्येतत् कवचं तारं तारकब्रह्ममङ्गलम् ॥ ६८ ॥

krodhabhūpatayaḥ pāntu śrīmāyāmadanānvitāḥ
ityetat kavacaṃ tāraṃ tārakabrahmamaṅgalam

Meaning open with adhikāra · अर्थ अधिकार से

text uncertain

Verse 69

कथितं नाथ यत्नेन कुत्रापि न प्रकाशितम् ।
तव स्नेहवशादेव प्रसन्नहृदयान्विता ॥ ६९ ॥

kathitaṃ nātha yatnena kutrāpi na prakāśitam
tava snehavaśādeva prasannahṛdayānvitā

Meaning open with adhikāra · अर्थ अधिकार से

text uncertain

Verse 70

कृपां कुरु दयानाथ तवैव कवचाद्भुतम् ।
हिताय जगतां मोहविनाशायामृताय च ॥ ७० ॥

kṛpāṃ kuru dayānātha tavaiva kavacādbhutam
hitāya jagatāṃ mohavināśāyāmṛtāya ca

Meaning open with adhikāra · अर्थ अधिकार से

text uncertain

Verse 71

पठितव्यं साधकेन्द्रैर्योगीन्द्रैरुपवन्दितम् ।
दुर्लभं सर्वलोकेषु सुलभं तत्त्ववेदिभिः ॥ ७१ ॥

paṭhitavyaṃ sādhakendrairyogīndrairupavanditam
durlabhaṃ sarvalokeṣu sulabhaṃ tattvavedibhiḥ

Meaning open with adhikāra · अर्थ अधिकार से

Verse 72

असाध्यं साधयेदेव पठनात् कवचस्य च ।
धारणात् पूजनात् साक्षात् सर्वपीठफलं लभेत् ॥ ७२ ॥

asādhyaṃ sādhayedeva paṭhanāt kavacasya ca
dhāraṇāt pūjanāt sākṣāt sarvapīṭhaphalaṃ labhet

Meaning open with adhikāra · अर्थ अधिकार से

Verse 73

काकचञ्चुपुटं कृत्वा सप्तधा पञ्चधापि वा ।
कवचं प्रपठेद्विद्वान् गूढसिद्धिनिबन्धनात् ॥ ७३ ॥

kākacañcupuṭaṃ kṛtvā saptadhā pañcadhāpi vā
kavacaṃ prapaṭhedvidvān gūḍhasiddhinibandhanāt

Meaning open with adhikāra · अर्थ अधिकार से

text uncertain

Verse 74

काकिनीश्वरसंयोगं सुयोगं कवचान्वितम् ।
ईश्वराङ्गं विभाव्यैव कल्पवृक्षसमो भवेत् ॥ ७४ ॥

kākinīśvarasaṃyogaṃ suyogaṃ kavacānvitam
īśvarāṅgaṃ vibhāvyaiva kalpavṛkṣasamo bhavet

Meaning open with adhikāra · अर्थ अधिकार से

Verse 75

एतत्कवचपाठेन देवत्वं लभते ध्रुवम् ।
आरोग्यं परमं ज्ञानं मोहनं जगतां वशम् ॥ ७५ ॥

etatkavacapāṭhena devatvaṃ labhate dhruvam
ārogyaṃ paramaṃ jñānaṃ mohanaṃ jagatāṃ vaśam

Meaning open with adhikāra · अर्थ अधिकार से

Verse 76

स्तम्भयेत् परसैन्यानि पठेद्वारत्रयं यदि ।
शान्तिमाप्नोति शीघ्रं स षट्कर्मकरणक्षमः ॥ ७६ ॥

stambhayet parasainyāni paṭhedvāratrayaṃ yadi
śāntimāpnoti śīghraṃ sa ṣaṭkarmakaraṇakṣamaḥ

Meaning open with adhikāra · अर्थ अधिकार से

Verse 77

आकाङ्क्षारसलालित्यविषयाशाविवर्जितः ।
साधकः कामधेनुः स्यादिच्छादिसिद्धिभाग्भवेत् ॥ ७७ ॥

ākāṅkṣārasalālityaviṣayāśāvivarjitaḥ
sādhakaḥ kāmadhenuḥ syādicchādisiddhibhāgbhavet

Meaning open with adhikāra · अर्थ अधिकार से

text uncertain

Verse 78

सर्वत्र गतिशक्तिः स्यात् स्त्रीणां मन्मथरूपधृक् ।
अणिमालघिमाप्राप्तिगुणादिसिद्धिमाप्नुयात् ॥ ७८ ॥

sarvatra gatiśaktiḥ syāt strīṇāṃ manmatharūpadhṛk
aṇimālaghimāprāptiguṇādisiddhimāpnuyāt

Meaning open with adhikāra · अर्थ अधिकार से

Verse 79

योगिनीवल्लभो भूत्वा विचरेत् साधकाग्रणीः ।
यथा गुहो गणेशश्च तथा स मे हि पुत्रकः ॥ ७९ ॥

yoginīvallabho bhūtvā vicaret sādhakāgraṇīḥ
yathā guho gaṇeśaśca tathā sa me hi putrakaḥ

Meaning open with adhikāra · अर्थ अधिकार से

Verse 80

श्रीमान् कुलीनः सारज्ञः सर्वधर्मविवर्जितः ।
शनैः शनैर्मुदा याति षोडशारे यतीश्वरः ॥ ८० ॥

śrīmān kulīnaḥ sārajñaḥ sarvadharmavivarjitaḥ
śanaiḥ śanairmudā yāti ṣoḍaśāre yatīśvaraḥ

Meaning open with adhikāra · अर्थ अधिकार से

text uncertain

Verse 81

यत्र भाति शाकिनीशः सदाशिवगुरुः प्रभुः ।
क्रमेण परमं स्थानं प्राप्नोति मम योगतः ॥ ८१ ॥

yatra bhāti śākinīśaḥ sadāśivaguruḥ prabhuḥ
krameṇa paramaṃ sthānaṃ prāpnoti mama yogataḥ

Meaning open with adhikāra · अर्थ अधिकार से

Verse 82

मम योगं विना नाथ तव भक्तिः कथं भवेत् ।
एतत्सम्मोहनाख्यस्य कवचस्य प्रपाठतः ॥ ८२ ॥

mama yogaṃ vinā nātha tava bhaktiḥ kathaṃ bhavet
etatsammohanākhyasya kavacasya prapāṭhataḥ

Meaning open with adhikāra · अर्थ अधिकार से

Verse 83

वाणी वश्या स्थिरा लक्ष्मीः सर्वैश्वर्यसमन्वितः ।
त्यागिता लभ्यते पश्चान्निःसङ्गो विहरेत् शिवः ।
सदाशिवे मनो याति सिद्धमन्त्री मनोलयः ॥ ८३ ॥

vāṇī vaśyā sthirā lakṣmīḥ sarvaiśvaryasamanvitaḥ
tyāgitā labhyate paścānniḥsaṅgo viharet śivaḥ
sadāśive mano yāti siddhamantrī manolayaḥ

Meaning open with adhikāra · अर्थ अधिकार से

text uncertain

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणे षट्चक्रप्रकाशे भैरवभैरवीसंवादेऽनाहतेश्वरसम्मोहनाख्यकवचं नाम त्रिषष्टितमः पटलः ॥

Terms on this page

Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Kundalini कुण्डलिनी The dormant serpent-power said to lie coiled at the base of the spine, which fully awakens in a practitioner who has mastered a deity's protective mantra at moments of grave danger.
Anahata अनाहत The heart centre — if defiled, a worn kavach is held to stop working.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras