Brahmavaivarta Purāṇa, Śrīkṛṣṇajanma Khaṇḍa

योगनिद्रोक्तकवचम्

Yoganidra Kavacham (Brahmavaivarta Purana) — The armour Yoganidrā gave to Brahmā, told by Nārāyaṇa to Nārada

A protective hymn (Kavach) in which the forms of Hari and Kṛṣṇa are asked to guard the face, eyes, ears, chest, hands and feet, and then the ten directions, and water, land, sky and sleep. Nārāyaṇa tells Nārada that Yoganidrā gave it to Brahmā when he was afraid. He says it is worn on the neck or right arm in a golden amulet, and names Śaṅkara, Kālī and Sanatkumāra among those who won by it.

Verse 17

योगनिद्रोवाच — योगनिद्रा ने कहा Yoganidrā said

दूरीभूतं कुरु भयं भयं किं ते हरौ स्थिते ।
स्थितायां मयि च ब्रह्मन्सुखी तिष्ठ जगत्पते ॥ १७ ॥

dūrībhūtaṃ kuru bhayaṃ bhayaṃ kiṃ te harau sthite
sthitāyāṃ mayi ca brahmansukhī tiṣṭha jagatpate

Meaning open with adhikāra · अर्थ अधिकार से

कवचम्The armour

Verse 18

श्रीहरिः पातु ते वक्त्रं मस्तकं मधुसूदनः ।
श्रीकृष्णश्चक्षुषी पातु नासिकां राधिकापतिः ॥ १८ ॥

śrīhariḥ pātu te vaktraṃ mastakaṃ madhusūdanaḥ
śrīkṛṣṇaścakṣuṣī pātu nāsikāṃ rādhikāpatiḥ

Meaning open with adhikāra · अर्थ अधिकार से

Verse 19

कर्णयुग्मं च कण्ठं च कपालं पातु माधवः ।
कपोलं पातु गोविन्दः केशांश्च केशवः स्वयम् ॥ १९ ॥

karṇayugmaṃ ca kaṇṭhaṃ ca kapālaṃ pātu mādhavaḥ
kapolaṃ pātu govindaḥ keśāṃśca keśavaḥ svayam

Meaning open with adhikāra · अर्थ अधिकार से

Verse 20

अधरोष्ठं हृषीकेशो दंतपंक्तिं गदाग्रजः ।
रासेश्वरश्च रसनां तालुकं वामनो विभुः ॥ २० ॥

adharoṣṭhaṃ hṛṣīkeśo daṃtapaṃktiṃ gadāgrajaḥ
rāseśvaraśca rasanāṃ tālukaṃ vāmano vibhuḥ

Meaning open with adhikāra · अर्थ अधिकार से

Verse 21

वक्षः पातु मुकुन्दश्च जठरं पातु दैत्यहा ।
जनार्दनः पातु नाभिं पातु विष्णुश्च मेहनम् ॥ २१ ॥

vakṣaḥ pātu mukundaśca jaṭharaṃ pātu daityahā
janārdanaḥ pātu nābhiṃ pātu viṣṇuśca mehanam

Meaning open with adhikāra · अर्थ अधिकार से

Verse 22

नितंबयुग्मं गुह्यं च पातु ते पुरुषोत्तमः ।
जानुयुग्मं जानकीशः पातु ते सर्वदा विभुः ॥ २२ ॥

nitaṃbayugmaṃ guhyaṃ ca pātu te puruṣottamaḥ
jānuyugmaṃ jānakīśaḥ pātu te sarvadā vibhuḥ

Meaning open with adhikāra · अर्थ अधिकार से

Verse 23

हस्तयुग्मं नृसिंहश्च पातु सर्वत्र संकटे ।
पादयुग्मं वराहश्च पातु ते कमलोद्भवः ॥ २३ ॥

hastayugmaṃ nṛsiṃhaśca pātu sarvatra saṃkaṭe
pādayugmaṃ varāhaśca pātu te kamalodbhavaḥ

Meaning open with adhikāra · अर्थ अधिकार से

Verse 24

ऊर्ध्वं नारायणः पातु ह्यधस्तात्कमलापतिः ।
पूर्वस्यां पातु गोपालः पातु वह्नौ दशास्यहा ॥ २४ ॥

ūrdhvaṃ nārāyaṇaḥ pātu hyadhastātkamalāpatiḥ
pūrvasyāṃ pātu gopālaḥ pātu vahnau daśāsyahā

Meaning open with adhikāra · अर्थ अधिकार से

Verse 25

वनमाली पातु याम्यां वैकुंठः पातु नैर्ऋतौ ।
वारुण्यां वासुदेवश्च सतो रक्षाकरः स्वयम् ॥ २५ ॥

vanamālī pātu yāmyāṃ vaikuṃṭhaḥ pātu nairṛtau
vāruṇyāṃ vāsudevaśca sato rakṣākaraḥ svayam

Meaning open with adhikāra · अर्थ अधिकार से

Verse 26

पातु ते संततमजो वायव्यां विष्टरश्रवाः ।
उत्तरे च सदा पातु तेजसा जलजासनः ॥ २६ ॥

pātu te saṃtatamajo vāyavyāṃ viṣṭaraśravāḥ
uttare ca sadā pātu tejasā jalajāsanaḥ

Meaning open with adhikāra · अर्थ अधिकार से

Verse 27

ऐशान्यामीश्वरः पातु पातु सर्वत्र शत्रुजित् ।
जले स्थले चांतरिक्षे निद्रायां पातु राघवः ॥ २७ ॥

aiśānyāmīśvaraḥ pātu pātu sarvatra śatrujit
jale sthale cāṃtarikṣe nidrāyāṃ pātu rāghavaḥ

Meaning open with adhikāra · अर्थ अधिकार से

प्रभावः फलं चIts power and its fruit

Verse 28

इत्येवं कथितं ब्रह्मन्कवचं परमाद्भुतम् ।
कृष्णेन कृपया दत्तं स्मृतेनैव पुरा मया ॥ २८ ॥

ityevaṃ kathitaṃ brahmankavacaṃ paramādbhutam
kṛṣṇena kṛpayā dattaṃ smṛtenaiva purā mayā

Meaning open with adhikāra · अर्थ अधिकार से

Verse 29

शुंभेन सह संग्रामे निर्लक्ष्ये घोरदारुणे ।
गगने स्थितया सद्यः प्राप्तिमात्रेण सो जितः ॥ २९ ॥

śuṃbhena saha saṃgrāme nirlakṣye ghoradāruṇe
gagane sthitayā sadyaḥ prāptimātreṇa so jitaḥ

Meaning open with adhikāra · अर्थ अधिकार से

Verse 30

कवचस्य प्रभावेण धरण्यां पतितो मृतः ।
पूर्वं वर्षशतं खे च कृत्वा युद्धं भयावहम् ॥ ३० ॥

kavacasya prabhāveṇa dharaṇyāṃ patito mṛtaḥ
pūrvaṃ varṣaśataṃ khe ca kṛtvā yuddhaṃ bhayāvaham

Meaning open with adhikāra · अर्थ अधिकार से

Verse 31

मृते शुंभे च गोविन्दः कृपालुर्गगनस्थितः ।
मालां च कवचं दत्त्वा गोलोकं स जगाम ह ॥ ३१ ॥

mṛte śuṃbhe ca govindaḥ kṛpālurgaganasthitaḥ
mālāṃ ca kavacaṃ dattvā golokaṃ sa jagāma ha

Meaning open with adhikāra · अर्थ अधिकार से

Verse 32

कल्पांतरस्य वृत्तांतं कृपया कथितं मुने ।
अभ्यंतरभयं नास्ति कवचस्य प्रभावतः ॥ ३२ ॥

kalpāṃtarasya vṛttāṃtaṃ kṛpayā kathitaṃ mune
abhyaṃtarabhayaṃ nāsti kavacasya prabhāvataḥ

Meaning open with adhikāra · अर्थ अधिकार से

Verse 33

कोटिशः कोटिशो नष्टा मया दृष्टाश्च वेधसः ।
अहं च हरिणा सार्धं कल्पेकल्पे स्थिरा सदा ॥ ३३ ॥

koṭiśaḥ koṭiśo naṣṭā mayā dṛṣṭāśca vedhasaḥ
ahaṃ ca hariṇā sārdhaṃ kalpekalpe sthirā sadā

Meaning open with adhikāra · अर्थ अधिकार से

Verse 34

इत्युक्त्वा कवचं दत्त्वा सांतर्धानं चकार ह ।
निःशंको नाभिकमले तस्थौ स कमलोद्भवः ॥ ३४ ॥

ityuktvā kavacaṃ dattvā sāṃtardhānaṃ cakāra ha
niḥśaṃko nābhikamale tasthau sa kamalodbhavaḥ

Meaning open with adhikāra · अर्थ अधिकार से

Verse 35

सुवर्णगुटिकायां च कृत्वेदं कवचं परम् ।
कण्ठे वा दक्षिणे बाहौ बध्नीयाद्यः सुधीः सदा ॥ ३५ ॥

suvarṇaguṭikāyāṃ ca kṛtvedaṃ kavacaṃ param
kaṇṭhe vā dakṣiṇe bāhau badhnīyādyaḥ sudhīḥ sadā

Meaning open with adhikāra · अर्थ अधिकार से

Verse 36

विषाग्निजलशत्रुभ्यो भयं तस्य न जायते ।
जले स्थले चांतरिक्षे निद्रायां रक्षतीश्वरः ॥ ३६ ॥

viṣāgnijalaśatrubhyo bhayaṃ tasya na jāyate
jale sthale cāṃtarikṣe nidrāyāṃ rakṣatīśvaraḥ

Meaning open with adhikāra · अर्थ अधिकार से

Verse 37

संग्रामे वज्रपाते च विपत्तौ प्राणसंकटे ।
कवचस्मरणादेव सद्यो निःशंकतां व्रजेत् ॥ ३७ ॥

saṃgrāme vajrapāte ca vipattau prāṇasaṃkaṭe
kavacasmaraṇādeva sadyo niḥśaṃkatāṃ vrajet

Meaning open with adhikāra · अर्थ अधिकार से

Verse 38

बद्ध्वेदं कवचं कण्ठे शंकरस्त्रिपुरं पुरा ।
जघान लीलामात्रेण दुरंतमसुरेश्वरम् ॥ ३८ ॥

baddhvedaṃ kavacaṃ kaṇṭhe śaṃkarastripuraṃ purā
jaghāna līlāmātreṇa duraṃtamasureśvaram

Meaning open with adhikāra · अर्थ अधिकार से

Verse 39

बद्ध्वेदं कवचं काली रक्तबीजं चखाद सा ।
सहस्रशीर्षा धृत्वेदं विश्वं धत्ते तिलं यथा ॥ ३९ ॥

baddhvedaṃ kavacaṃ kālī raktabījaṃ cakhāda sā
sahasraśīrṣā dhṛtvedaṃ viśvaṃ dhatte tilaṃ yathā

Meaning open with adhikāra · अर्थ अधिकार से

Verse 40

आवां सनत्कुमारश्च धर्मसाक्षी च कर्मणाम् ।
कवचस्य प्रभावेण सर्वत्र जयिनो वयम् ॥ ४० ॥

āvāṃ sanatkumāraśca dharmasākṣī ca karmaṇām
kavacasya prabhāveṇa sarvatra jayino vayam

Meaning open with adhikāra · अर्थ अधिकार से

Verse 41

तस्य नन्दशिशोः कण्ठे चकार कवचं द्विजः ।
आत्मनः कवचं कण्ठे दधार च स्वयं हरिः ॥ ४१ ॥

tasya nandaśiśoḥ kaṇṭhe cakāra kavacaṃ dvijaḥ
ātmanaḥ kavacaṃ kaṇṭhe dadhāra ca svayaṃ hariḥ

Meaning open with adhikāra · अर्थ अधिकार से

Verse 42

प्रभावः कथितः सर्वः कवचस्य हरेस्तथा ।
अनन्तस्याच्युतस्यैव प्रभावमतुलं मुने ॥ ४२ ॥

prabhāvaḥ kathitaḥ sarvaḥ kavacasya harestathā
anantasyācyutasyaiva prabhāvamatulaṃ mune

Meaning open with adhikāra · अर्थ अधिकार से

इति श्रीब्रह्मवैवर्ते महापुराणे श्रीकृष्णजन्मखण्डे नारायणनारदसंवादे योगनिद्रोक्तकवचन्यासो नाम द्वादशोऽध्यायः ॥ १२ ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras