Bhairava Tantra

श्रीबटुकभैरवकवचम्

Vatuka Bhairava Kavacham (Bhairava Tantra) — The armour of Vaṭuka Bhairava, asked for by Śiva and given by the Goddess

A kavaca is a spoken armour: each verse names a power to stand guard over some part of the world around the reciter. This one belongs to Batuk Bhairava, the young form of Bhairava. It begins with the teacher in the thousand-petalled Sahasrara, then sends Bhairava's forms out to the eight directions, above and below, and over the reciter's sons, wife, army, cattle and land. A longer text adds how the armour is to be kept secret, written on birch bark and worn. See also Kavach.

महादेव–देवी संवादःThe question and the answer

Verse o1

महादेव उवाच — महादेव ने कहा Mahādeva said

प्रीयतां भैरवो देवो नमो वै भैरवाय च ।
देवेशि देहरक्षार्थं कारणं कथ्यतां ध्रुवम् ॥

prīyatāṃ bhairavo devo namo vai bhairavāya ca
deveśi deharakṣārthaṃ kāraṇaṃ kathyatāṃ dhruvam

Meaning open with adhikāra · अर्थ अधिकार से

Verse o2

म्रियन्ते साधका येन विना श्मशानभूमिषु ।
रणेषु चाति घोरेषु महामृत्युभयेषु च ।
शृङ्गीसलीलवज्रेषु ज्वरादिव्याधिवह्निषु ॥

mriyante sādhakā yena vinā śmaśānabhūmiṣu
raṇeṣu cāti ghoreṣu mahāmṛtyubhayeṣu ca
śṛṅgīsalīlavajreṣu jvarādivyādhivahniṣu

Meaning open with adhikāra · अर्थ अधिकार से

Verse o3

देव्युवाच — देवी ने कहा The Goddess said

कथयामि शृणु प्राज्ञ बटुककवचं शुभम् ।
गोपनीयं प्रयत्नेन मातृकाजारजो यथा ॥

kathayāmi śṛṇu prājña baṭukakavacaṃ śubham
gopanīyaṃ prayatnena mātṛkājārajo yathā

Meaning open with adhikāra · अर्थ अधिकार से

कवचम्The armour

Verse 1

ॐ सहस्रारे महाचक्रे कर्पूरधवले गुरुः ।
पातु मां बटुको देवो भैरवः सर्वकर्मसु ॥ १ ॥

oṃ sahasrāre mahācakre karpūradhavale guruḥ
pātu māṃ baṭuko devo bhairavaḥ sarvakarmasu

Meaning open with adhikāra · अर्थ अधिकार से

Verse 2

पूर्वस्यामसिताङ्गो मां दिशि रक्षतु सर्वदा ।
आग्नेय्यां च रुरुः पातु दक्षिणे चण्डभैरवः ॥ २ ॥

pūrvasyām asitāṅgo māṃ diśi rakṣatu sarvadā
āgneyyāṃ ca ruruḥ pātu dakṣiṇe caṇḍabhairavaḥ

Meaning open with adhikāra · अर्थ अधिकार से

Verse 3

नैरृत्यां क्रोधनः पातु उन्मत्तः पातु पश्चिमे ।
वायव्यां मां कपाली च नित्यं पायात्सुरेश्वरः ॥ ३ ॥

nairṛtyāṃ krodhanaḥ pātu unmattaḥ pātu paścime
vāyavyāṃ māṃ kapālī ca nityaṃ pāyāt sureśvaraḥ

Meaning open with adhikāra · अर्थ अधिकार से

Verse 4

भीषणो भैरवः पातु उत्तरस्यां तु सर्वदा ।
संहारभैरवः पायादीशान्यां च महेश्वरः ॥ ४ ॥

bhīṣaṇo bhairavaḥ pātu uttarasyāṃ tu sarvadā
saṃhārabhairavaḥ pāyād īśānyāṃ ca maheśvaraḥ

Meaning open with adhikāra · अर्थ अधिकार से

Verse 5

ऊर्ध्वं पातु विधाता च पाताले नन्दको विभुः ।
सद्योजातस्तु मां पायात्सर्वतो देवसेवितः ॥ ५ ॥

ūrdhvaṃ pātu vidhātā ca pātāle nandako vibhuḥ
sadyojātas tu māṃ pāyāt sarvato devasevitaḥ

Meaning open with adhikāra · अर्थ अधिकार से

Verse 6

वामदेवो वनान्ते च वनेऽघोरस्तथाऽवतु ।
जले तत्पुरुषः पातु स्थले ईशान एव च ॥ ६ ॥

vāmadevo vanānte ca vane'ghoras tathā'vatu
jale tatpuruṣaḥ pātu sthale īśāna eva ca

Meaning open with adhikāra · अर्थ अधिकार से

Verse 7

डाकिनीपुत्रकः पातु पुत्रान्मे सर्वतः प्रभुः ।
हाकिनीपुत्रकः पातु दारांस्तु लाकिनीसुतः ॥ ७ ॥

ḍākinīputrakaḥ pātu putrān me sarvataḥ prabhuḥ
hākinīputrakaḥ pātu dārāṃs tu lākinīsutaḥ

Meaning open with adhikāra · अर्थ अधिकार से

Verse 8

पातु शाकिनिकापुत्रः सैन्यं वै कालभैरवः ।
मालिनीपुत्रकः पातु पशूनश्वान् गजांस्तथा ॥ ८ ॥

pātu śākinikāputraḥ sainyaṃ vai kālabhairavaḥ
mālinīputrakaḥ pātu paśūn aśvān gajāṃs tathā

Meaning open with adhikāra · अर्थ अधिकार से

Verse 9

महाकालोऽवतु क्षेत्रं श्रियं मे सर्वतो गिरा ।
वाद्यं वाद्यप्रियः पातु भैरवो नित्यसम्पदा ॥ ९ ॥

mahākālo'vatu kṣetraṃ śriyaṃ me sarvato girā
vādyaṃ vādyapriyaḥ pātu bhairavo nityasampadā

Meaning open with adhikāra · अर्थ अधिकार से

फलश्रुतिःHow it is kept and worn

Verse ph1

एतत्कवचमीशान तव स्नेहात्प्रकाशितम् ।
नाख्येयं नरलोकेषु सारभूतं सुरप्रियम् ॥

etat kavacam īśāna tava snehāt prakāśitam
nākhyeyaṃ naralokeṣu sārabhūtaṃ surapriyam

Meaning open with adhikāra · अर्थ अधिकार से

Verse ph2

यस्मै कस्मै न दातव्यं कवचं सुरदुर्लभम् ।
न देयं परिशिष्येभ्यो कृपणेभ्यश्च शङ्कर ।
यो ददाति निषिद्धेभ्यः सर्वभ्रष्टो भवेत्किल ॥

yasmai kasmai na dātavyaṃ kavacaṃ suradurlabham
na deyaṃ pariśiṣyebhyo kṛpaṇebhyaś ca śaṅkara
yo dadāti niṣiddhebhyaḥ sarvabhraṣṭo bhavet kila

Meaning open with adhikāra · अर्थ अधिकार से

Verse ph3

अनेन कवचेनैव रक्षां कृत्वा विचक्षणः ।
विचरन्यत्र कुत्रापि न विघ्नैः परिभूयते ॥

anena kavacenaiva rakṣāṃ kṛtvā vicakṣaṇaḥ
vicaran yatra kutrāpi na vighnaiḥ paribhūyate

Meaning open with adhikāra · अर्थ अधिकार से

Verse ph4

मन्त्रेण रक्षते योगी कवचं रक्षकं यतः ।
तस्मात्सर्वप्रयत्नेन दुर्लभं पापचेतसाम् ॥

mantreṇa rakṣate yogī kavacaṃ rakṣakaṃ yataḥ
tasmāt sarvaprayatnena durlabhaṃ pāpacetasām

Meaning open with adhikāra · अर्थ अधिकार से

Verse ph5

भूर्जे रम्भात्वचि वापि लिखित्वा विधिवत्प्रभो ।
कुङ्कुमेनाष्टगन्धेन गोरोचनैश्च केसरैः ॥

bhūrje rambhātvaci vāpi likhitvā vidhivat prabho
kuṅkumenāṣṭagandhena gorocanaiś ca kesaraiḥ

Meaning open with adhikāra · अर्थ अधिकार से

Verse ph6

धारयेत्पाठयेद्वापि सम्पठेद्वापि नित्यशः ।
सम्प्राप्नोति फलं सर्वं नात्र कार्या विचारणा ॥

dhārayet pāṭhayed vāpi sampaṭhed vāpi nityaśaḥ
samprāpnoti phalaṃ sarvaṃ nātra kāryā vicāraṇā

Meaning open with adhikāra · अर्थ अधिकार से

Verse ph7

सततं पठ्यते यत्र तत्र भैरवसंस्थितिः ।
न शक्नोमि प्रभावं वै कवचस्यास्य वर्णितुम् ॥

satataṃ paṭhyate yatra tatra bhairavasaṃsthitiḥ
na śaknomi prabhāvaṃ vai kavacasyāsya varṇitum

Meaning open with adhikāra · अर्थ अधिकार से

Verse 10

नमो भैरवदेवाय सर्वभूताय वै नमः ।
नमस्त्रैलोक्यनाथाय नाथनाथाय वै नमः ॥ १० ॥

namo bhairavadevāya sarvabhūtāya vai namaḥ
namas trailokyanāthāya nāthanāthāya vai namaḥ

Meaning open with adhikāra · अर्थ अधिकार से

इति भैरवतन्त्रोक्तं बटुकभैरवकवचं सम्पूर्णम् ॥

Terms on this page

Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Batuk Bhairava बटुक भैरव The gentler, child-like form of Bhairava — worshipped at home via a picture, idol, or small silver Trishul.
Sahasrara सहस्रार The crown chakra, seat of supreme consciousness — beads carved from this region of a genuine skull activate its immense latent cosmic energy.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras