Brahmāṇḍa Purāṇa · Tulasī-māhātmya

तुलसीकवचम्

Tulasi Kavacham (Brahmanda Purana) — The armour of Tulasī

A Kavach is armour made of words. Here the armour is the Tulasī plant herself, called as a goddess to guard the head, the face, the shoulders and the feet. The second half tells who should chant it, in a Tulasī grove or facing the rising sun, and for what: a child, learning, a kingdom, peace of mind, and above all devotion to Viṣṇu.

कवचम्The armour

Verse 1

तुलसी श्रीमहादेवि नमः पङ्कजधारिणि ।
शिरो मे तुलसी पातु भालं पातु यशस्विनी ॥ १ ॥

tulasī śrīmahādevi namaḥ paṅkajadhāriṇi
śiro me tulasī pātu bhālaṃ pātu yaśasvinī

Meaning open with adhikāra · अर्थ अधिकार से

Verse 2

दृशौ मे पद्मनयना श्रीसखी श्रवणे मम ।
घ्राणं पातु सुगन्धा मे मुखं च सुमुखी मम ॥ २ ॥

dṛśau me padmanayanā śrīsakhī śravaṇe mama
ghrāṇaṃ pātu sugandhā me mukhaṃ ca sumukhī mama

Meaning open with adhikāra · अर्थ अधिकार से

Verse 3

जिह्वां मे पातु शुभदा कण्ठं विद्यामयी मम ।
स्कन्धौ कह्लारिणी पातु हृदयं विष्णुवल्लभा ॥ ३ ॥

jihvāṃ me pātu śubhadā kaṇṭhaṃ vidyāmayī mama
skandhau kahlāriṇī pātu hṛdayaṃ viṣṇuvallabhā

Meaning open with adhikāra · अर्थ अधिकार से

Verse 4

पुण्यदा मे पातु मध्यं नाभिं सौभाग्यदायिनी ।
कटिं कुण्डलिनी पातु ऊरू नारदवन्दिता ॥ ४ ॥

puṇyadā me pātu madhyaṃ nābhiṃ saubhāgyadāyinī
kaṭiṃ kuṇḍalinī pātu ūrū nāradavanditā

Meaning open with adhikāra · अर्थ अधिकार से

Verse 5

जननी जानुनी पातु जङ्घे सकलवन्दिता ।
नारायणप्रिया पादौ सर्वाङ्गं सर्वरक्षिणी ॥ ५ ॥

jananī jānunī pātu jaṅghe sakalavanditā
nārāyaṇapriyā pādau sarvāṅgaṃ sarvarakṣiṇī

Meaning open with adhikāra · अर्थ अधिकार से

Verse 6

सङ्कटे विषमे दुर्गे भये वादे महाहवे ।
नित्यं हि सन्ध्ययोः पातु तुलसी सर्वतः सदा ॥ ६ ॥

saṅkaṭe viṣame durge bhaye vāde mahāhave
nityaṃ hi sandhyayoḥ pātu tulasī sarvataḥ sadā

Meaning open with adhikāra · अर्थ अधिकार से

फलश्रुतिःThe fruit

Verse 7

इतीदं परमं गुह्यं तुलस्याः कवचामृतम् ।
मर्त्यानाममृतार्थाय भीतानामभयाय च ॥ ७ ॥

itīdaṃ paramaṃ guhyaṃ tulasyāḥ kavacāmṛtam
martyānāmamṛtārthāya bhītānāmabhayāya ca

Meaning open with adhikāra · अर्थ अधिकार से

Verse 8

मोक्षाय च मुमुक्षूणां ध्यायिनां ध्यानयोगकृत् ।
वशाय वश्यकामानां विद्यायै वेदवादिनाम् ॥ ८ ॥

mokṣāya ca mumukṣūṇāṃ dhyāyināṃ dhyānayogakṛt
vaśāya vaśyakāmānāṃ vidyāyai vedavādinām

Meaning open with adhikāra · अर्थ अधिकार से

Verse 9

द्रविणाय दरिद्राणां पापिनां पापशान्तये ॥ ९ ॥

draviṇāya daridrāṇāṃ pāpināṃ pāpaśāntaye

Meaning open with adhikāra · अर्थ अधिकार से

Verse 10

अन्नाय क्षुधितानां च स्वर्गाय स्वर्गमिच्छताम् ।
पशव्यं पशुकामानां पुत्रदं पुत्रकाङ्क्षिणाम् ॥ १० ॥

annāya kṣudhitānāṃ ca svargāya svargamicchatām
paśavyaṃ paśukāmānāṃ putradaṃ putrakāṅkṣiṇām

Meaning open with adhikāra · अर्थ अधिकार से

Verse 11

राज्याय भ्रष्टराज्यानामशान्तानां च शान्तये ।
भक्त्यर्थं विष्णुभक्तानां विष्णौ सर्वान्तरात्मनि ॥ ११ ॥

rājyāya bhraṣṭarājyānāmaśāntānāṃ ca śāntaye
bhaktyarthaṃ viṣṇubhaktānāṃ viṣṇau sarvāntarātmani

Meaning open with adhikāra · अर्थ अधिकार से

Verse 12

जाप्यं त्रिवर्गसिद्ध्यर्थं गृहस्थेन विशेषतः ।
उद्यन्तं चण्डकिरणमुपस्थाय कृताञ्जलिः ॥ १२ ॥

jāpyaṃ trivargasiddhyarthaṃ gṛhasthena viśeṣataḥ
udyantaṃ caṇḍakiraṇamupasthāya kṛtāñjaliḥ

Meaning open with adhikāra · अर्थ अधिकार से

Verse 13

तुलसीकानने तिष्ठन्नासीनो वा जपेदिदम् ।
सर्वान्कामानवाप्नोति तथैव मम सन्निधिम् ॥ १३ ॥

tulasīkānane tiṣṭhannāsīno vā japedidam
sarvānkāmānavāpnoti tathaiva mama sannidhim

Meaning open with adhikāra · अर्थ अधिकार से

Verse 14

मम प्रियकरं नित्यं हरिभक्तिविवर्धनम् ।
या स्यान्मृतप्रजा नारी तस्या अङ्गं प्रमार्जयेत् ॥ १४ ॥

mama priyakaraṃ nityaṃ haribhaktivivardhanam
yā syānmṛtaprajā nārī tasyā aṅgaṃ pramārjayet

Meaning open with adhikāra · अर्थ अधिकार से

Verse 15

सा पुत्रं लभते दीर्घजीविनं चाप्यरोगिणम् ।
वन्ध्याया मार्जयेदङ्गं कुशैर्मन्त्रेण साधकः ॥ १५ ॥

sā putraṃ labhate dīrghajīvinaṃ cāpyarogiṇam
vandhyāyā mārjayedaṅgaṃ kuśairmantreṇa sādhakaḥ

Meaning open with adhikāra · अर्थ अधिकार से

Verse 16

साऽपि संवत्सरादेव गर्भं धत्ते मनोहरम् ।
अश्वत्थे राजवश्यार्थी जपेदग्नेः सुरूपभाक् ॥ १६ ॥

sā’pi saṃvatsarādeva garbhaṃ dhatte manoharam
aśvatthe rājavaśyārthī japedagneḥ surūpabhāk

Meaning open with adhikāra · अर्थ अधिकार से

Verse 17

पलाशमूले विद्यार्थी तेजोऽर्थ्यभिमुखो रवेः ।
कन्यार्थी चण्डिकागेहे शत्रुहत्यै गृहे मम ॥ १७ ॥

palāśamūle vidyārthī tejo’rthyabhimukho raveḥ
kanyārthī caṇḍikāgehe śatruhatyai gṛhe mama

Meaning open with adhikāra · अर्थ अधिकार से

Verse 18

श्रीकामो विष्णुगेहे च उद्याने स्त्रीवशा भवेत् ।
किमत्र बहुनोक्तेन शृणु सैन्येश तत्त्वतः ॥ १८ ॥

śrīkāmo viṣṇugehe ca udyāne strīvaśā bhavet
kimatra bahunoktena śṛṇu sainyeśa tattvataḥ

Meaning open with adhikāra · अर्थ अधिकार से

Verse 19

यं यं काममभिध्यायेत्तं तं प्राप्नोत्यसंशयम् ।
मम गेहगतस्त्वं तु तारकस्य वधेच्छया ॥ १९ ॥

yaṃ yaṃ kāmamabhidhyāyettaṃ taṃ prāpnotyasaṃśayam
mama gehagatastvaṃ tu tārakasya vadhecchayā

Meaning open with adhikāra · अर्थ अधिकार से

Verse 20

जपन् स्तोत्रं च कवचं तुलसीगतमानसः ।
मण्डलात्तारकं हन्ता भविष्यसि न संशयः ॥ २० ॥

japan stotraṃ ca kavacaṃ tulasīgatamānasaḥ
maṇḍalāttārakaṃ hantā bhaviṣyasi na saṃśayaḥ

Meaning open with adhikāra · अर्थ अधिकार से

इति श्रीब्रह्माण्डपुराणे तुलसीमाहात्म्ये तुलसीकवचं सम्पूर्णम् ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras