Kālikā Purāṇa · adhyāya 75

त्रिपुराकवचम्

Tripura Kavacham (Kalika Purana) — The armour of Tripurabhairavī, told by Śiva

A Kavach of Tripurabhairavī, one of the ten Mahāvidyās, taken from the Kalika Purana. Śiva first says that the greatness of this armour cannot be told even by Brahmā, Keśava or Ananta, then names its seer, metre and goddess. The verses place the seed-syllables (Bija Mantra) and the many forms of the goddess over the head, heart, navel, senses and the directions, and end with her praise and the fruit of reading and wearing the armour.

शिवप्रोक्तं त्रिपुराकवचम्The Tripurā kavaca, told by Śiva

Verse 50

कवचं त्रिपुरायास्तु शृणु वेतालभैरव ।
यज्ज्ञात्वा मन्त्रवित् सम्यक् फलमाप्नोति पूजने ॥ ५० ॥

kavacaṃ tripurāyāstu śṛṇu vetālabhairava
yajjñātvā mantravit samyak phalamāpnoti pūjane

Meaning open with adhikāra · अर्थ अधिकार से

Verse 51

उपचाराः पुरा प्रोक्ता येन एवात्र पूजने ।
प्रतिपत्तिस्तु सैवात्र कीर्तिता नित्यपूजने ॥ ५१ ॥

upacārāḥ purā proktā yena evātra pūjane
pratipattistu saivātra kīrtitā nityapūjane

Meaning open with adhikāra · अर्थ अधिकार से

Verse 52

कवचस्य च माहात्म्यमहं ब्रह्मा न केशवः ।
वक्तुं क्षमस्त्वनन्तोऽपि बहुजिह्वः कदाचन ॥ ५२ ॥

kavacasya ca māhātmyamahaṃ brahmā na keśavaḥ
vaktuṃ kṣamastvananto'pi bahujihvaḥ kadācana

Meaning open with adhikāra · अर्थ अधिकार से

Verse 53

क्रव्याद् भयं न लभते तथा तोयपरिप्लवे ।
कवचस्मरणादेव सर्वकल्याणमाप्नुयात् ॥ ५३ ॥

kravyād bhayaṃ na labhate tathā toyapariplave
kavacasmaraṇādeva sarvakalyāṇamāpnuyāt

Meaning open with adhikāra · अर्थ अधिकार से

अथ कवचम्The kavaca

Verse 54

ॐ त्रिपुराकवचस्यास्य ऋषिर्दक्षिण उच्यते ।
छन्दश्चित्राह्वयं प्रोक्तं देवी त्रिपुरभैरवी ।
धर्मार्थकाममोक्षाणां विनियोगस्तु साधने ॥ ५४ ॥

oṃ tripurākavacasyāsya ṛṣirdakṣiṇa ucyate
chandaścitrāhvayaṃ proktaṃ devī tripurabhairavī
dharmārthakāmamokṣāṇāṃ viniyogastu sādhane

Meaning open with adhikāra · अर्थ अधिकार से

Printed in three lines.

Verse 55

यथाद्यात्रिपुराख्याया बीजानि क्रमतः सुत ।
नामतो वाग्भवादीनि कीर्तितानि मया पुरा ॥ ५५ ॥

yathādyātripurākhyāyā bījāni kramataḥ suta
nāmato vāgbhavādīni kīrtitāni mayā purā

Meaning open with adhikāra · अर्थ अधिकार से

Verse 56

तथा त्रिपुरभैरव्या बीजानामपि नामतः ।
वाग्भवः कामराजश्च तथा त्रैलोक्यमोहनः ॥ ५६ ॥

tathā tripurabhairavyā bījānāmapi nāmataḥ
vāgbhavaḥ kāmarājaśca tathā trailokyamohanaḥ

Meaning open with adhikāra · अर्थ अधिकार से

Verse 57

अवतु सकलशीर्षं वाग्भवे वाचमुग्रां
निखिलरचितकामान् कामराजोऽवतान्मे ।
सकलकरणवर्गमीश्वरः पातु नित्यं
तनुगतबहुतेजो वर्धयन् बुद्धिहेतोः ॥ ५७ ॥

avatu sakalaśīrṣaṃ vāgbhave vācamugrāṃ
nikhilaracitakāmān kāmarājo'vatānme
sakalakaraṇavargamīśvaraḥ pātu nityaṃ
tanugatabahutejo vardhayan buddhihetoḥ

Meaning open with adhikāra · अर्थ अधिकार से

Printed in four lines.

Verse 58

कूटैस्तु पञ्चभिरिदं गदितं हि यन्त्रं
मन्त्रे ततोऽनु सततं मम तेज उग्रम् ।
तेजोमयं महति नित्यपरायणस्थं
तन्त्रो हृदि प्रविततां तनुतां सुबुद्धिम् ॥ ५८ ॥

kūṭaistu pañcabhiridaṃ gaditaṃ hi yantraṃ
mantre tato'nu satataṃ mama teja ugram
tejomayaṃ mahati nityaparāyaṇasthaṃ
tantro hṛdi pravitatāṃ tanutāṃ subuddhim

Meaning open with adhikāra · अर्थ अधिकार से

Printed in four lines; the text is hard and the rendering follows the printed words as they stand.

Verse 59

आधारे वाग्भवः पातु कामराजस्तथा हृदि ।
भ्रुवोर्मध्ये च शीर्षे च पातु त्रैलोक्यमोहनः ॥ ५९ ॥

ādhāre vāgbhavaḥ pātu kāmarājastathā hṛdi
bhruvormadhye ca śīrṣe ca pātu trailokyamohanaḥ

Meaning open with adhikāra · अर्थ अधिकार से

Verse 60

विततकुलकलाज्ञा कामिनी भैरवी या
त्रिपुरपुरदहाख्या सर्वलोकस्य माता ।
वितरतु मम नित्यं नाभिपद्मे सकुक्षौ
गणपतिवनिता मां रोगहानिं सुखं च ॥ ६० ॥

vitatakulakalājñā kāminī bhairavī yā
tripurapuradahākhyā sarvalokasya mātā
vitaratu mama nityaṃ nābhipadme sakukṣau
gaṇapativanitā māṃ rogahāniṃ sukhaṃ ca

Meaning open with adhikāra · अर्थ अधिकार से

Printed in four lines.

Verse 61

योगैर्जगन्ति परिमोहयतीव नित्यं
जागर्ति या त्रिपुरभैरवभामिनीति ।
सायं च भावकलिता मम पञ्चभागे
नासाक्षिकर्णरसनात्वचि पातु नित्यम् ॥ ६१ ॥

yogairjaganti parimohayatīva nityaṃ
jāgarti yā tripurabhairavabhāminīti
sāyaṃ ca bhāvakalitā mama pañcabhāge
nāsākṣikarṇarasanātvaci pātu nityam

Meaning open with adhikāra · अर्थ अधिकार से

Printed in four lines.

Verse 62

आद्या तु त्रिपुरेयं या मध्या या कामदायिनी ।
त्रिधा तु ह्यवतां नित्यं देवी त्रिपुरभैरवी ॥ ६२ ॥

ādyā tu tripureyaṃ yā madhyā yā kāmadāyinī
tridhā tu hyavatāṃ nityaṃ devī tripurabhairavī

Meaning open with adhikāra · अर्थ अधिकार से

Verse 63

उदयदिशि सदा मां पातु बाला तु माता
यमदिशि मम मध्याभद्रमुग्रं विदध्यात् ।
वरुणपवनकाष्ठामध्यतो भैरवी मा-
मवतु सकलरक्षां कुर्वती सुन्दरी मे ॥ ६३ ॥

udayadiśi sadā māṃ pātu bālā tu mātā
yamadiśi mama madhyābhadramugraṃ vidadhyāt
varuṇapavanakāṣṭhāmadhyato bhairavī mā
mavatu sakalarakṣāṃ kurvatī sundarī me

Meaning open with adhikāra · अर्थ अधिकार से

Printed in four lines.

Verse 64

महामाया महायोनिर्विश्वयोनिः सदैवतु ।
सा पातु त्रिपुरा नित्यं सुन्दरी भैरवी च माम् ॥ ६४ ॥

mahāmāyā mahāyonirviśvayoniḥ sadaivatu
sā pātu tripurā nityaṃ sundarī bhairavī ca mām

Meaning open with adhikāra · अर्थ अधिकार से

Verse 65

ललाटे सुभगा देवी पूर्वस्यां दिशि कामदा ।
नित्यं तिष्ठतु रक्षन्ती सदा त्रिपुरसुन्दरी ॥ ६५ ॥

lalāṭe subhagā devī pūrvasyāṃ diśi kāmadā
nityaṃ tiṣṭhatu rakṣantī sadā tripurasundarī

Meaning open with adhikāra · अर्थ अधिकार से

Verse 66

भ्रुवोर्मध्ये तथाग्नेय्यां दिशि मां त्रिपुरा च या ।
वर्धयन्ती भगणान् पातु त्रिपुरभैरवी ॥ ६६ ॥

bhruvormadhye tathāgneyyāṃ diśi māṃ tripurā ca yā
vardhayantī bhagaṇān pātu tripurabhairavī

Meaning open with adhikāra · अर्थ अधिकार से

Verse 67

वदने दक्षिणस्यां च दिशि मां भगसर्पिणी ।
त्रिपुरा यमदूतादीन् वारयन्ती सदाऽवतु ॥ ६७ ॥

vadane dakṣiṇasyāṃ ca diśi māṃ bhagasarpiṇī
tripurā yamadūtādīn vārayantī sadā'vatu

Meaning open with adhikāra · अर्थ अधिकार से

Verse 68

कर्णयोः पश्चिमायां च दिशि मां भगमालिनी ।
अयोनिजा जगद्योनिर्बाला मां त्रिपुरावतु ॥ ६८ ॥

karṇayoḥ paścimāyāṃ ca diśi māṃ bhagamālinī
ayonijā jagadyonirbālā māṃ tripurāvatu

Meaning open with adhikāra · अर्थ अधिकार से

Verse 69

अनङ्गकुसुमाकण्ठे प्रतीच्यां दिशि सुन्दरी ।
त्रिपुरभैरवी माता नित्यं पातु महेश्वरी ॥ ६९ ॥

anaṅgakusumākaṇṭhe pratīcyāṃ diśi sundarī
tripurabhairavī mātā nityaṃ pātu maheśvarī

Meaning open with adhikāra · अर्थ अधिकार से

Verse 70

हृदि मारुतकाष्ठायां देवी चानङ्गमेखला ।
नाभावुदीच्यां दिशि मां मातङ्गी त्रिपुरापरा ॥ ७० ॥

hṛdi mārutakāṣṭhāyāṃ devī cānaṅgamekhalā
nābhāvudīcyāṃ diśi māṃ mātaṅgī tripurāparā

Meaning open with adhikāra · अर्थ अधिकार से

Verse 71

अनङ्गमदना देवी पातु त्रिपुरभैरवी ।
ऐशान्यां दिशि लिङ्गे च मदविभ्रममन्थरा ॥ ७१ ॥

anaṅgamadanā devī pātu tripurabhairavī
aiśānyāṃ diśi liṅge ca madavibhramamantharā

Meaning open with adhikāra · अर्थ अधिकार से

Verse 72

वाग्वादिनी रक्षतु मां सदा त्रिपुरभैरवी ।
गुदमेढ्रान्तरे पातु रतिस्त्रिपुरभैरवी ॥ ७२ ॥

vāgvādinī rakṣatu māṃ sadā tripurabhairavī
gudameḍhrāntare pātu ratistripurabhairavī

Meaning open with adhikāra · अर्थ अधिकार से

Verse 73

हृदयाभ्यन्तरे प्रीतिः पातु त्रिपुरभैरवी ।
भ्रूनासयोर्मध्यदेशे नित्यं पातु मनोभवः ॥ ७३ ॥

hṛdayābhyantare prītiḥ pātu tripurabhairavī
bhrūnāsayormadhyadeśe nityaṃ pātu manobhavaḥ

Meaning open with adhikāra · अर्थ अधिकार से

Verse 74

द्रावणी मां ग्रहात् पातु वाणी मां दुर्गमूर्धनि ।
क्षोभणो मां सदा पातु क्रव्याद्भ्योऽनिष्टभीतितः ॥ ७४ ॥

drāvaṇī māṃ grahāt pātu vāṇī māṃ durgamūrdhani
kṣobhaṇo māṃ sadā pātu kravyādbhyo'niṣṭabhītitaḥ

Meaning open with adhikāra · अर्थ अधिकार से

Verse 75

वशीकरणवाणी मामग्नितः पातु राजतः ।
आकर्षणाह्वया वाणी मां पातु शस्त्रघाततः ॥ ७५ ॥

vaśīkaraṇavāṇī māmagnitaḥ pātu rājataḥ
ākarṣaṇāhvayā vāṇī māṃ pātu śastraghātataḥ

Meaning open with adhikāra · अर्थ अधिकार से

Verse 76

मोहनः सर्वभूतेभ्यः पिशाचेभ्यो जलात्तथा ।
नित्यं पातु महाबाणस्तन्वानः काममुत्तमम् ॥ ७६ ॥

mohanaḥ sarvabhūtebhyaḥ piśācebhyo jalāttathā
nityaṃ pātu mahābāṇastanvānaḥ kāmamuttamam

Meaning open with adhikāra · अर्थ अधिकार से

Verse 77

माला मां शास्त्रबोधाय शास्त्रवादे सदाऽवतु ।
पुस्तकं पातु मनसि सङ्कल्पं वर्धयन् मम ॥ ७७ ॥

mālā māṃ śāstrabodhāya śāstravāde sadā'vatu
pustakaṃ pātu manasi saṅkalpaṃ vardhayan mama

Meaning open with adhikāra · अर्थ अधिकार से

Verse 78

वरः पातु सदा धाम्नि धामतेजो विवर्धयन् ।
अभयं ह्यभयं धत्तां सर्वेभ्यो भूतिभावनम् ॥ ७८ ॥

varaḥ pātu sadā dhāmni dhāmatejo vivardhayan
abhayaṃ hyabhayaṃ dhattāṃ sarvebhyo bhūtibhāvanam

Meaning open with adhikāra · अर्थ अधिकार से

Verse 79

ऊर्ध्वाधोभावभूतस्थिततरकरणै रक्तकीर्णा सुचक्रा
कालाग्निप्रख्यरोचिः सकलसुरगणैरर्चिता मुण्डमाला ।
ज्ञानध्यानैकतानप्रबलबलकरं तत्त्वभूतप्रतिष्ठ
पातादूर्ध्वं तथाधः सकलभयभृतो भोगभीरोस्तु विद्या ॥ ७९ ॥

ūrdhvādhobhāvabhūtasthitatarakaraṇai raktakīrṇā sucakrā
kālāgniprakhyarociḥ sakalasuragaṇairarcitā muṇḍamālā
jñānadhyānaikatānaprabalabalakaraṃ tattvabhūtapratiṣṭha
pātādūrdhvaṃ tathādhaḥ sakalabhayabhṛto bhogabhīrostu vidyā

Meaning open with adhikāra · अर्थ अधिकार से

Printed in four lines; the words are hard and the rendering is by the sense of the words as printed.

Verse 80

हः पातु हृदि मां नित्यं सः शीर्षे पातु नित्यशः ।
रः पातु गुह्यदेशे मां सौः पातु कण्ठपार्श्वयोः ॥ ८० ॥

haḥ pātu hṛdi māṃ nityaṃ saḥ śīrṣe pātu nityaśaḥ
raḥ pātu guhyadeśe māṃ sauḥ pātu kaṇṭhapārśvayoḥ

Meaning open with adhikāra · अर्थ अधिकार से

Verse 81

रकारो मम नाडीषु शिरः सौः पातु सर्वदा ।
शक्रः पातु सदाकाशे ब्रह्मा रक्षतु सर्वतः ॥ ८१ ॥

rakāro mama nāḍīṣu śiraḥ sauḥ pātu sarvadā
śakraḥ pātu sadākāśe brahmā rakṣatu sarvataḥ

Meaning open with adhikāra · अर्थ अधिकार से

Verse 82

विद्या विद्याभाविनी कामरूपा
स्थूला मायया यादिमाया ।
ब्रह्मेन्द्राद्यैरर्चिता भूतिदात्री
रक्षां कुर्यात् सर्वतो भैरवी माम् ॥ ८२ ॥

vidyā vidyābhāvinī kāmarūpā
sthūlā māyayā yādimāyā
brahmendrādyairarcitā bhūtidātrī
rakṣāṃ kuryāt sarvato bhairavī mām

Meaning open with adhikāra · अर्थ अधिकार से

Printed in four lines; स्थूला मायया यादिमाया is as printed.

Verse 83

आद्या मध्या भाविनी नीतियुक्ता
सम्यग्ज्ञानज्ञेयरूपापरा या ।
आदावन्ते मध्यभागे च तारा
पायाद् देवी त्रैपुरी भैरवी या ॥ ८३ ॥

ādyā madhyā bhāvinī nītiyuktā
samyagjñānajñeyarūpāparā yā
ādāvante madhyabhāge ca tārā
pāyād devī traipurī bhairavī yā

Meaning open with adhikāra · अर्थ अधिकार से

Printed in four lines.

Verse 84

यन्मन्त्रभागतन्त्राणां यन्त्राणामपि केशवः ।
ब्रह्मा रुद्रश्च जानाति तत्त्वं नान्यो नमोऽस्तु तान् ॥ ८४ ॥

yanmantrabhāgatantrāṇāṃ yantrāṇāmapi keśavaḥ
brahmā rudraśca jānāti tattvaṃ nānyo namo'stu tān

Meaning open with adhikāra · अर्थ अधिकार से

Verse 85

त्वं ब्रह्माणि भवानि विश्वभवितुर्लक्ष्मीरतिर्योगिनी
त्वं वाग्मी सुभगा भवायुतयुगं मन्त्राक्षरं निष्कलम् ।
वर्णास्ते निखिला स्तनावचलितस्त्वं कामिनीकामदा
त्वं देवि त्रिपुरे कवित्वममलं सौभाग्यमुच्चैः कुरु ॥ ८५ ॥

tvaṃ brahmāṇi bhavāni viśvabhaviturlakṣmīratiryoginī
tvaṃ vāgmī subhagā bhavāyutayugaṃ mantrākṣaraṃ niṣkalam
varṇāste nikhilā stanāvacalitastvaṃ kāminīkāmadā
tvaṃ devi tripure kavitvamamalaṃ saubhāgyamuccaiḥ kuru

Meaning open with adhikāra · अर्थ अधिकार से

Printed in four lines; भवायुतयुगम् is as printed.

Verse 86

इदं तु कवचं देव्या यो जानाति स मन्त्रवित् ।
नाधयो व्याधयस्तस्य न भयं च सदा क्वचित् ॥ ८६ ॥

idaṃ tu kavacaṃ devyā yo jānāti sa mantravit
nādhayo vyādhayastasya na bhayaṃ ca sadā kvacit

Meaning open with adhikāra · अर्थ अधिकार से

Verse 87

इति ते परमं गुह्यमाख्यातं कवचं परम् ।
तद्भजस्व महाभाग ततः सिद्धिमवाप्स्यसि ॥ ८७ ॥

iti te paramaṃ guhyamākhyātaṃ kavacaṃ param
tadbhajasva mahābhāga tataḥ siddhimavāpsyasi

Meaning open with adhikāra · अर्थ अधिकार से

Verse 88

इदं पवित्रं परमं पुण्यं कीर्तिविवर्धनम् ।
त्रिपुरायास्त्रिमूर्तेस्तु कवचं मयकोदितम् ॥ ८८ ॥

idaṃ pavitraṃ paramaṃ puṇyaṃ kīrtivivardhanam
tripurāyāstrimūrtestu kavacaṃ mayakoditam

Meaning open with adhikāra · अर्थ अधिकार से

मयकोदितम् is the printed form.

Verse 89

यः पठेत् प्रातरुत्थाय स प्राप्नोति मनोगतम् ।
लिखितं कवचं यस्तु कण्ठे गृह्णाति मन्त्रवित् ॥ ८९ ॥

yaḥ paṭhet prātarutthāya sa prāpnoti manogatam
likhitaṃ kavacaṃ yastu kaṇṭhe gṛhṇāti mantravit

Meaning open with adhikāra · अर्थ अधिकार से

Verse 90

न तस्य गात्रं कृन्तन्ति रणे शस्त्राणि भैरव ।
सङ्ग्रामे शास्त्रवादे च विजयस्तस्य जायते ॥ ९० ॥

na tasya gātraṃ kṛntanti raṇe śastrāṇi bhairava
saṅgrāme śāstravāde ca vijayastasya jāyate

Meaning open with adhikāra · अर्थ अधिकार से

Verse 91

इदं कवचमज्ञात्वा यो जपेत् त्रिपुरां नरः ।
स शस्त्रघातमाप्नोति भैरवीं सुन्दरीमपि ॥ ९१ ॥

idaṃ kavacamajñātvā yo japet tripurāṃ naraḥ
sa śastraghātamāpnoti bhairavīṃ sundarīmapi

Meaning open with adhikāra · अर्थ अधिकार से

Verse 92

बीजमुच्चारयेत् स्वस्थो गतवाग् दोषनिश्चितः ।
संयोगबोधः प्रत्येकभेदश्रवणगोचरः ।
यथैव जायते सम्यग्यज्ञादिदोषवर्जितः ॥ ९२ ॥

bījamuccārayet svastho gatavāg doṣaniścitaḥ
saṃyogabodhaḥ pratyekabhedaśravaṇagocaraḥ
yathaiva jāyate samyagyajñādidoṣavarjitaḥ

Meaning open with adhikāra · अर्थ अधिकार से

Printed in three lines.

इति कालिकापुराणे पञ्चसप्ततितमाध्यायान्तर्गतं शिवप्रोक्तं त्रिपुराकवचं सम्पूर्णम् ॥

Terms on this page

Mahavidyas महाविद्या One of ten tantric wisdom-goddess forms of the Devi; Kalika is traditionally counted foremost among them.
Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Bhairavi भैरवी Lord Bhairava's consort — the recipient of one of two paired lemon sacrifices offered alongside Him in the Mahabhairava application ritual.
Kalika Purana कालिका पुराण An Upapurana centered on Goddess Kalika, describing sacrificial rites, the animal species eligible for authorized sacrifice, and Vishnu's Mahasimha form supporting the Goddess.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras