Brahmavaivarta Purāṇa · Gaṇapati Khaṇḍa, adhyāya 31

त्रैलोक्यविजयकवचम्

Trailokyavijaya Kavacham (Brahmavaivarta Purana) — The Kṛṣṇa armour that wins the three worlds, as Śiva gave it to Paraśurāma

A Kavach of Krishna that Nārāyaṇa tells Nārada in the Brahmavaivarta Purāṇa, as the armour Śiva gave Paraśurāma beside the jewel mountain. Śiva first says who has won power by wearing it, and gives its seer, metre and deity. Then comes the armour itself: each part of the body is placed under a short Kṛṣṇa mantra, and the directions, above and below, water, land and sky, dream and waking, are put in the care of his many names. The fruit of wearing it follows, and the warning that it must not be handed over even in danger.

Verse 1

नारद उवाच — नारद ने कहा Nārada said

भगवञ्छ्रोतुमिच्छामि किं मन्त्रं भगवान्हरः ।
कृपयादात्परशुरामाय स्तोत्रं च वर्म च ॥ १ ॥

bhagavañchrotumicchāmi kiṃ mantraṃ bhagavānharaḥ
kṛpayādātparaśurāmāya stotraṃ ca varma ca

Meaning open with adhikāra · अर्थ अधिकार से

Verse 2

को वाऽस्य मन्त्रस्याराध्यः किं फलं कवचस्य च ।
स्तवनस्य फलं किं वा तद्भवान्वक्तुमर्हति ॥ २ ॥

ko vā'sya mantrasyārādhyaḥ kiṃ phalaṃ kavacasya ca
stavanasya phalaṃ kiṃ vā tadbhavānvaktumarhati

Meaning open with adhikāra · अर्थ अधिकार से

Verse 3

नारायण उवाच — नारायण ने कहा Nārāyaṇa said

मन्त्राराध्यो हि भगवान्परिपूर्णतमः स्वयम् ।
गोलोकनाथः श्रीकृष्णो गोपगोपीश्वरः प्रभुः ॥ ३ ॥

mantrārādhyo hi bhagavānparipūrṇatamaḥ svayam
golokanāthaḥ śrīkṛṣṇo gopagopīśvaraḥ prabhuḥ

Meaning open with adhikāra · अर्थ अधिकार से

Verse 4

त्रैलोक्यविजयं नाम कवचं परमाद्भुतम् ।
स्तवराजं महापुण्यं भूतियोगसमुद्भवम् ॥ ४ ॥

trailokyavijayaṃ nāma kavacaṃ paramādbhutam
stavarājaṃ mahāpuṇyaṃ bhūtiyogasamudbhavam

Meaning open with adhikāra · अर्थ अधिकार से

Verse 5

मन्त्रकल्पतरुं नाम सर्वकामफलप्रदम् ।
ददौ परशुरामाय रत्नपर्वतसन्निधौ ॥ ५ ॥

mantrakalpataruṃ nāma sarvakāmaphalapradam
dadau paraśurāmāya ratnaparvatasannidhau

Meaning open with adhikāra · अर्थ अधिकार से

Verse 6

स्वयंप्रभानदीतीरे पारिजातवनान्तरे ।
आश्रमे लोकदेवस्य माधवस्य च सन्निधौ ॥ ६ ॥

svayaṃprabhānadītīre pārijātavanāntare
āśrame lokadevasya mādhavasya ca sannidhau

Meaning open with adhikāra · अर्थ अधिकार से

Verse 7

महादेव उवाच — महादेव ने कहा Mahādeva said

वत्सागच्छ महाभाग भृगुवंशसमुद्भव ।
पुत्राधिकोऽसि प्रेम्णा मे कवचग्रहणं कुरु ॥ ७ ॥

vatsāgaccha mahābhāga bhṛguvaṃśasamudbhava
putrādhiko'si premṇā me kavacagrahaṇaṃ kuru

Meaning open with adhikāra · अर्थ अधिकार से

Verse 8

शृणु राम प्रवक्ष्यामि ब्रह्माण्डे परमाद्भुतम् ।
त्रैलोक्यविजयं नाम श्रीकृष्णस्य जयावहम् ॥ ८ ॥

śṛṇu rāma pravakṣyāmi brahmāṇḍe paramādbhutam
trailokyavijayaṃ nāma śrīkṛṣṇasya jayāvaham

Meaning open with adhikāra · अर्थ अधिकार से

Verse 9

श्रीकृष्णेन पुरा दत्तं गोलोके राधिकाश्रमे ।
रासमण्डलमध्ये च मह्यं वृन्दावने वने ॥ ९ ॥

śrīkṛṣṇena purā dattaṃ goloke rādhikāśrame
rāsamaṇḍalamadhye ca mahyaṃ vṛndāvane vane

Meaning open with adhikāra · अर्थ अधिकार से

Verse 10

अतिगुह्यतरं तत्त्वं सर्वमन्त्रौघविग्रहम् ।
पुण्यात्पुण्यतरं चैव परं स्नेहाद्वदामि ते ॥ १० ॥

atiguhyataraṃ tattvaṃ sarvamantraughavigraham
puṇyātpuṇyataraṃ caiva paraṃ snehādvadāmi te

Meaning open with adhikāra · अर्थ अधिकार से

Verse 11

यद्धृत्वा पठनाद्देवी मूलप्रकृतिरीश्वरी ।
शुम्भं निशुम्भं महिषं रक्तबीजं जघान ह ॥ ११ ॥

yaddhṛtvā paṭhanāddevī mūlaprakṛtirīśvarī
śumbhaṃ niśumbhaṃ mahiṣaṃ raktabījaṃ jaghāna ha

Meaning open with adhikāra · अर्थ अधिकार से

Verse 12

यद्धृत्वाहं च जगतां संहर्ता सर्वतत्त्ववित् ।
अवध्यं त्रिपुरं पूर्वं दुरन्तमपि लीलया ॥ १२ ॥

yaddhṛtvāhaṃ ca jagatāṃ saṃhartā sarvatattvavit
avadhyaṃ tripuraṃ pūrvaṃ durantamapi līlayā

Meaning open with adhikāra · अर्थ अधिकार से

Verse 13

यद्धृत्वा पठनाद्ब्रह्मा ससृजे सृष्टिमुत्तमाम् ।
यद्धृत्वा भगवाञ्छेषो बिभर्ति विश्वमेव च ॥ १३ ॥

yaddhṛtvā paṭhanādbrahmā sasṛje sṛṣṭimuttamām
yaddhṛtvā bhagavāñcheṣo bibharti viśvameva ca

Meaning open with adhikāra · अर्थ अधिकार से

Verse 14

यद्धृत्वा कूर्मराजश्च शेषं धत्ते हि लीलया ।
यद्धृत्वा भगवान्वायुर्विश्वाधारो विभुः स्वयम् ॥ १४ ॥

yaddhṛtvā kūrmarājaśca śeṣaṃ dhatte hi līlayā
yaddhṛtvā bhagavānvāyurviśvādhāro vibhuḥ svayam

Meaning open with adhikāra · अर्थ अधिकार से

Verse 15

यद्धृत्वा वरुणः सिद्धः कुबेरश्च धनेश्वरः ।
यद्धृत्वा पठनादिन्द्रो देवानामधिपः स्वयम् ॥ १५ ॥

yaddhṛtvā varuṇaḥ siddhaḥ kuberaśca dhaneśvaraḥ
yaddhṛtvā paṭhanādindro devānāmadhipaḥ svayam

Meaning open with adhikāra · अर्थ अधिकार से

Verse 16

यद्धृत्वा भाति भुवने तेजोराशिः स्वयं रविः ।
यद्धृत्वा पठनाच्चन्द्रो महाबलपराक्रमः ॥ १६ ॥

yaddhṛtvā bhāti bhuvane tejorāśiḥ svayaṃ raviḥ
yaddhṛtvā paṭhanāccandro mahābalaparākramaḥ

Meaning open with adhikāra · अर्थ अधिकार से

Verse 17

अगस्त्यः सागरान्सप्त यद्धृत्वा पठनात्पपौ ।
चकार तेजसा जीर्णं दैत्यं वातापिसंज्ञकम् ॥ १७ ॥

agastyaḥ sāgarānsapta yaddhṛtvā paṭhanātpapau
cakāra tejasā jīrṇaṃ daityaṃ vātāpisaṃjñakam

Meaning open with adhikāra · अर्थ अधिकार से

Verse 18

यद्धृत्वा पठनाद्देवी सर्वाधारा वसुन्धरा ।
यद्धृत्वा पठनात्पूता गङ्गा भुवनपावनी ॥ १८ ॥

yaddhṛtvā paṭhanāddevī sarvādhārā vasundharā
yaddhṛtvā paṭhanātpūtā gaṅgā bhuvanapāvanī

Meaning open with adhikāra · अर्थ अधिकार से

Verse 19

यद्धृत्वा जगतां साक्षी धर्मो धर्मभृतां वरः ।
सर्वविद्याधिदेवी सा यच्च धृत्वा सरस्वती ॥ १९ ॥

yaddhṛtvā jagatāṃ sākṣī dharmo dharmabhṛtāṃ varaḥ
sarvavidyādhidevī sā yacca dhṛtvā sarasvatī

Meaning open with adhikāra · अर्थ अधिकार से

Verse 20

यद्धृत्वा जगतां लक्ष्मीरन्नदात्री परात्परा ।
यद्धृत्वा पठनाद्वेदान्सावित्री सा सुषाव च ॥ २० ॥

yaddhṛtvā jagatāṃ lakṣmīrannadātrī parātparā
yaddhṛtvā paṭhanādvedānsāvitrī sā suṣāva ca

Meaning open with adhikāra · अर्थ अधिकार से

Verse 21

वेदाश्च धर्मवक्तारो यद्धृत्वा पठनाद्भृगो ।
यद्धृत्वा पठनाच्छुद्धस्तेजस्वी हव्यवाहनः ।
सनत्कुमारो भगवान्यद्धृत्वा ज्ञानिनां वरः ॥ २१ ॥

vedāśca dharmavaktāro yaddhṛtvā paṭhanādbhṛgo
yaddhṛtvā paṭhanācchuddhastejasvī havyavāhanaḥ
sanatkumāro bhagavānyaddhṛtvā jñānināṃ varaḥ

Meaning open with adhikāra · अर्थ अधिकार से

Verse 22

दातव्यं कृष्णभक्ताय साधवे च महात्मने ।
शठाय परशिष्याय दत्त्वा मृत्युमवाप्नुयात् ॥ २२ ॥

dātavyaṃ kṛṣṇabhaktāya sādhave ca mahātmane
śaṭhāya paraśiṣyāya dattvā mṛtyumavāpnuyāt

Meaning open with adhikāra · अर्थ अधिकार से

Verse 23

त्रैलोक्यविजयस्यास्य कवचस्य प्रजापतिः ।
ऋषिश्छन्दश्च गायत्री देवो रासेश्वरः स्वयम् ॥ २३ ॥

trailokyavijayasyāsya kavacasya prajāpatiḥ
ṛṣiśchandaśca gāyatrī devo rāseśvaraḥ svayam

Meaning open with adhikāra · अर्थ अधिकार से

Verse 24

त्रैलोक्यविजयप्राप्तौ विनियोगः प्रकीर्तितः ।
परात्परं च कवचं त्रिषु लोकेषु दुर्लभम् ॥ २४ ॥

trailokyavijayaprāptau viniyogaḥ prakīrtitaḥ
parātparaṃ ca kavacaṃ triṣu lokeṣu durlabham

Meaning open with adhikāra · अर्थ अधिकार से

कवचम्The armour

Verse 25

प्रणवो मे शिरः पातु श्रीकृष्णाय नमः सदा ।
पायात्कपालं कृष्णाय स्वाहा पञ्चाक्षरः स्मृतः ॥ २५ ॥

praṇavo me śiraḥ pātu śrīkṛṣṇāya namaḥ sadā
pāyātkapālaṃ kṛṣṇāya svāhā pañcākṣaraḥ smṛtaḥ

Meaning open with adhikāra · अर्थ अधिकार से

Verse 26

कृष्णेति पातु नेत्रे च कृष्ण स्वाहेति तारकम् ।
हरये नम इत्येवं भ्रूलतां पातु मे सदा ॥ २६ ॥

kṛṣṇeti pātu netre ca kṛṣṇa svāheti tārakam
haraye nama ityevaṃ bhrūlatāṃ pātu me sadā

Meaning open with adhikāra · अर्थ अधिकार से

Verse 27

ॐ गोविंदाय स्वाहेति नासिकां पातु सन्ततम् ।
गोपालाय नमो गण्डौ पातु मे सर्वतः सदा ॥ २७ ॥

oṃ goviṃdāya svāheti nāsikāṃ pātu santatam
gopālāya namo gaṇḍau pātu me sarvataḥ sadā

Meaning open with adhikāra · अर्थ अधिकार से

Verse 28

ॐ नमो गोपाङ्गनेशाय कर्णौ पातु सदा मम ।
ॐ कृष्णाय नमः शश्वत्पातु मेऽधरयुग्मकम् ॥ २८ ॥

oṃ namo gopāṅganeśāya karṇau pātu sadā mama
oṃ kṛṣṇāya namaḥ śaśvatpātu me'dharayugmakam

Meaning open with adhikāra · अर्थ अधिकार से

Verse 29

ॐ गोविन्दाय स्वाहेति दन्तौघं मे सदावतु ।
पातु कृष्णाय दन्ताधो दन्तोर्ध्वं क्लीं सदावतु ॥ २९ ॥

oṃ govindāya svāheti dantaughaṃ me sadāvatu
pātu kṛṣṇāya dantādho dantordhvaṃ klīṃ sadāvatu

Meaning open with adhikāra · अर्थ अधिकार से

Verse 30

ॐ श्रीकृष्णाय स्वाहेति जिह्विकां पातु मे सदा ।
रासेश्वराय स्वाहेति तालुकं पातु मे सदा ॥ ३० ॥

oṃ śrīkṛṣṇāya svāheti jihvikāṃ pātu me sadā
rāseśvarāya svāheti tālukaṃ pātu me sadā

Meaning open with adhikāra · अर्थ अधिकार से

Verse 31

राधिकेशाय स्वाहेति कण्ठं पातु सदा मम ।
नमो गोपाङ्गनेशाय वक्षः पातु सदा मम ॥ ३१ ॥

rādhikeśāya svāheti kaṇṭhaṃ pātu sadā mama
namo gopāṅganeśāya vakṣaḥ pātu sadā mama

Meaning open with adhikāra · अर्थ अधिकार से

Verse 32

ॐ गोपेशाय स्वाहेति स्कन्धं पातु सदा मम ।
नमः किशोरवेषाय स्वाहा पृष्ठं सदावतु ॥ ३२ ॥

oṃ gopeśāya svāheti skandhaṃ pātu sadā mama
namaḥ kiśoraveṣāya svāhā pṛṣṭhaṃ sadāvatu

Meaning open with adhikāra · अर्थ अधिकार से

Verse 33

उदरं पातु मे नित्यं मुकुन्दाय नमः सदा ।
ॐ ह्रीं क्लीं कृष्णाय स्वाहेति करौ पातु सदा मम ॥ ३३ ॥

udaraṃ pātu me nityaṃ mukundāya namaḥ sadā
oṃ hrīṃ klīṃ kṛṣṇāya svāheti karau pātu sadā mama

Meaning open with adhikāra · अर्थ अधिकार से

Verse 34

ॐ विष्णवे नमो बाहुयुग्मं पातु सदा मम ।
ॐ ह्रीं भगवते स्वाहा नखरं पातु मे सदा ॥ ३४ ॥

oṃ viṣṇave namo bāhuyugmaṃ pātu sadā mama
oṃ hrīṃ bhagavate svāhā nakharaṃ pātu me sadā

Meaning open with adhikāra · अर्थ अधिकार से

Verse 35

ॐ नमो नारायणायेति नखरन्ध्रं सदावतु ।
ॐ ह्रीं ह्रीं पद्मनाभाय नाभिं पातु सदा मम ॥ ३५ ॥

oṃ namo nārāyaṇāyeti nakharandhraṃ sadāvatu
oṃ hrīṃ hrīṃ padmanābhāya nābhiṃ pātu sadā mama

Meaning open with adhikāra · अर्थ अधिकार से

Verse 36

ॐ सर्वेशाय स्वाहेति कङ्कालं पातु मे सदा ।
ॐ गोपीरमणाय स्वाहा नितम्बं पातु मे सदा ॥ ३६ ॥

oṃ sarveśāya svāheti kaṅkālaṃ pātu me sadā
oṃ gopīramaṇāya svāhā nitambaṃ pātu me sadā

Meaning open with adhikāra · अर्थ अधिकार से

Verse 37

ॐ गोपीरमणनाथाय पादौ पातु सदा मम ।
ॐ ह्रीं क्लीं रसिकेशाय स्वाहा सर्वं सदावतु ॥ ३७ ॥

oṃ gopīramaṇanāthāya pādau pātu sadā mama
oṃ hrīṃ klīṃ rasikeśāya svāhā sarvaṃ sadāvatu

Meaning open with adhikāra · अर्थ अधिकार से

Verse 38

ॐ केशवाय स्वाहेति मम केशान्सदावतु ।
नमः कृष्णाय स्वाहेति ब्रह्मरन्ध्रं सदावतु ॥ ३८ ॥

oṃ keśavāya svāheti mama keśānsadāvatu
namaḥ kṛṣṇāya svāheti brahmarandhraṃ sadāvatu

Meaning open with adhikāra · अर्थ अधिकार से

Verse 39

ॐ माधवाय स्वाहेति मे लोमानि सदावतु ।
ॐ ह्रीं श्रीं रसिकेशाय स्वाहा सर्वं सदावतु ॥ ३९ ॥

oṃ mādhavāya svāheti me lomāni sadāvatu
oṃ hrīṃ śrīṃ rasikeśāya svāhā sarvaṃ sadāvatu

Meaning open with adhikāra · अर्थ अधिकार से

Verse 40

परिपूर्णतमः कृष्णः प्राच्यां मां सर्वदावतु ।
स्वयं गोलोकनाथो मामाग्नेय्यां दिशि रक्षतु ॥ ४० ॥

paripūrṇatamaḥ kṛṣṇaḥ prācyāṃ māṃ sarvadāvatu
svayaṃ golokanātho māmāgneyyāṃ diśi rakṣatu

Meaning open with adhikāra · अर्थ अधिकार से

Verse 41

पूर्णब्रह्मस्वरूपश्च दक्षिणे मां सदावतु ।
नैर्ऋत्यां पातु मां कृष्णः पश्चिमे पातु मां हरिः ॥ ४१ ॥

pūrṇabrahmasvarūpaśca dakṣiṇe māṃ sadāvatu
nairṛtyāṃ pātu māṃ kṛṣṇaḥ paścime pātu māṃ hariḥ

Meaning open with adhikāra · अर्थ अधिकार से

Verse 42

गोविन्दः पातु मां शश्वद्वायव्यां दिशि नित्यशः ।
उत्तरे मां सदा पातु रसिकानां शिरोमणिः ॥ ४२ ॥

govindaḥ pātu māṃ śaśvadvāyavyāṃ diśi nityaśaḥ
uttare māṃ sadā pātu rasikānāṃ śiromaṇiḥ

Meaning open with adhikāra · अर्थ अधिकार से

Verse 43

ऐशान्यां मां सदा पातु वृन्दावनविहारकृत् ।
वृन्दावतीप्राणनाथः पातु मामूर्ध्वदेशतः ॥ ४३ ॥

aiśānyāṃ māṃ sadā pātu vṛndāvanavihārakṛt
vṛndāvatīprāṇanāthaḥ pātu māmūrdhvadeśataḥ

Meaning open with adhikāra · अर्थ अधिकार से

Verse 44

सदैव माधवः पातु बलिहारी महाबलः ।
जले स्थले चान्तरिक्षे नृसिंहः पातु मां सदा ॥ ४४ ॥

sadaiva mādhavaḥ pātu balihārī mahābalaḥ
jale sthale cāntarikṣe nṛsiṃhaḥ pātu māṃ sadā

Meaning open with adhikāra · अर्थ अधिकार से

Verse 45

स्वप्ने जागरणे शश्वत्पातु मां माधवः सदा ।
सर्वान्तरात्मा निर्लिप्तः पातु मां सर्वतो विभुः ॥ ४५ ॥

svapne jāgaraṇe śaśvatpātu māṃ mādhavaḥ sadā
sarvāntarātmā nirliptaḥ pātu māṃ sarvato vibhuḥ

Meaning open with adhikāra · अर्थ अधिकार से

फलश्रुतिःThe fruit

Verse 46

इति ते कथितं वत्स सर्वमन्त्रौघविग्रहम् ।
त्रैलोक्यविजयं नाम कवचं परमाद्भुतम् ॥ ४६ ॥

iti te kathitaṃ vatsa sarvamantraughavigraham
trailokyavijayaṃ nāma kavacaṃ paramādbhutam

Meaning open with adhikāra · अर्थ अधिकार से

Verse 47

मया श्रुतं कृष्णवक्त्रात्प्रवक्तव्यं न कस्यचित् ।
गुरुमभ्यर्च्य विधिवत्कवचं धारयेत्तु यः ॥ ४७ ॥

mayā śrutaṃ kṛṣṇavaktrātpravaktavyaṃ na kasyacit
gurumabhyarcya vidhivatkavacaṃ dhārayettu yaḥ

Meaning open with adhikāra · अर्थ अधिकार से

Verse 48

कण्ठे वा दक्षिणे बाहौ सोऽपि विष्णुर्न संशयः ।
स च भक्तो वसेद्यत्र लक्ष्मीर्वाणी वसेत्ततः ॥ ४८ ॥

kaṇṭhe vā dakṣiṇe bāhau so'pi viṣṇurna saṃśayaḥ
sa ca bhakto vasedyatra lakṣmīrvāṇī vasettataḥ

Meaning open with adhikāra · अर्थ अधिकार से

Verse 49

यदि स्यात्सिद्धकवचो जीवन्मुक्तो भवेत्तु सः ।
निश्चितं कोटिवर्षाणां पूजायाः फलमाप्नुयात् ॥ ४९ ॥

yadi syātsiddhakavaco jīvanmukto bhavettu saḥ
niścitaṃ koṭivarṣāṇāṃ pūjāyāḥ phalamāpnuyāt

Meaning open with adhikāra · अर्थ अधिकार से

Verse 50

राजसूयसहस्राणि वाजपेयशतानि च ।
अश्वमेधायुतान्येव नरमेधायुतानि च ॥ ५० ॥

rājasūyasahasrāṇi vājapeyaśatāni ca
aśvamedhāyutānyeva naramedhāyutāni ca

Meaning open with adhikāra · अर्थ अधिकार से

Verse 51

महादानानि यान्येव प्रादक्षिण्यं भुवस्तथा ।
त्रैलोक्यविजयस्यास्य कलां नार्हन्ति षोडशीम् ॥ ५१ ॥

mahādānāni yānyeva prādakṣiṇyaṃ bhuvastathā
trailokyavijayasyāsya kalāṃ nārhanti ṣoḍaśīm

Meaning open with adhikāra · अर्थ अधिकार से

Verse 52

व्रतोपवासनियमस्वाध्यायाध्ययनं तपः ।
स्नानं च सर्वतीर्थेषु नास्यार्हन्ति कलामपि ॥ ५२ ॥

vratopavāsaniyamasvādhyāyādhyayanaṃ tapaḥ
snānaṃ ca sarvatīrtheṣu nāsyārhanti kalāmapi

Meaning open with adhikāra · अर्थ अधिकार से

Verse 53

सिद्धत्वममरत्वं च दासत्वं श्रीहरेरपि ।
यदि स्यात्सिद्धकवचः सर्वं प्राप्नोति निश्चितम् ॥ ५३ ॥

siddhatvamamaratvaṃ ca dāsatvaṃ śrīharerapi
yadi syātsiddhakavacaḥ sarvaṃ prāpnoti niścitam

Meaning open with adhikāra · अर्थ अधिकार से

Verse 54

स भवेत्सिद्धकवचो दशलक्षं जपेत्तु यः ।
यो भवेत्सिद्धकवचः सर्वज्ञः स भवेद्ध्रुवम् ॥ ५४ ॥

sa bhavetsiddhakavaco daśalakṣaṃ japettu yaḥ
yo bhavetsiddhakavacaḥ sarvajñaḥ sa bhaveddhruvam

Meaning open with adhikāra · अर्थ अधिकार से

Verse 55

इदं कवचमज्ञात्वा भजेत्कृष्णं सुमन्दधीः ।
कोटिकल्पं प्रजप्तोऽपि न मन्त्रः सिद्धिदायकः ॥ ५५ ॥

idaṃ kavacamajñātvā bhajetkṛṣṇaṃ sumandadhīḥ
koṭikalpaṃ prajapto'pi na mantraḥ siddhidāyakaḥ

Meaning open with adhikāra · अर्थ अधिकार से

Verse 56

गृहीत्वा कवचं वत्स महीं निःक्षत्रियां कुरु ।
त्रिस्सप्तकृत्वो निश्शंकः सदानन्दो हि लीलया ॥ ५६ ॥

gṛhītvā kavacaṃ vatsa mahīṃ niḥkṣatriyāṃ kuru
trissaptakṛtvo niśśaṃkaḥ sadānando hi līlayā

Meaning open with adhikāra · अर्थ अधिकार से

Verse 57

राज्यं देयं शिरो देयं प्राणा देयाश्च पुत्रक ।
एवंभूतं च कवचं न देयं प्राणसंकटे ॥ ५७ ॥

rājyaṃ deyaṃ śiro deyaṃ prāṇā deyāśca putraka
evaṃbhūtaṃ ca kavacaṃ na deyaṃ prāṇasaṃkaṭe

Meaning open with adhikāra · अर्थ अधिकार से

इति श्रीब्रह्मवैवर्ते महापुराणे तृतीये गणपतिखण्डे नारदनारायणसंवादे परशुरामाय श्रीकृष्णकवचप्रदानं नाम एकत्रिंशत्तमोऽध्यायः ।

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras