Brahmāṇḍa Purāṇa · Madhya Bhāga, adhyāya 33

त्रैलोक्यविजयकवचम्

Trailokyavijaya Kavacham (Brahmanda Purana) — The Kṛṣṇa armour that wins the three worlds, told by Vasiṣṭha to Sagara

A Kavach of Krishna that the sage Vasiṣṭha tells King Sagara in the Brahmāṇḍa Purāṇa. He first gives its seer, metre and deity, then the armour itself: each part of the body, from the head to the nails and the knees, is placed under a short Kṛṣṇa mantra, and the eight directions, above and below, water, land and sky, dream and waking, are put in the care of his many names. The fruit of wearing it follows, and the warning that it must not be handed over even in danger.

त्रैलोक्यविजयकवचम्The Trailokyavijaya kavaca

Verse 1

सगर उवाच — सगर ने कहा Sagara said

श्रुतं सर्वं मुनिश्रेष्ठ कीर्त्यमानं त्वया विभो ।
कवचं वद सर्वत्र त्रैलोक्यविजयप्रदम् ॥ १ ॥

śrutaṃ sarvaṃ muniśreṣṭha kīrtyamānaṃ tvayā vibho
kavacaṃ vada sarvatra trailokyavijayapradam

Meaning open with adhikāra · अर्थ अधिकार से

Verse 2

वसिष्ठ उवाच — वसिष्ठ ने कहा Vasiṣṭha said

शृणु वत्स प्रवक्ष्यामि कवचं परमाद्भुतम् ।
मंत्रं च सिद्धिदं शश्वत्साधकानां सुखावहम् ॥ २ ॥

śṛṇu vatsa pravakṣyāmi kavacaṃ paramādbhutam
maṃtraṃ ca siddhidaṃ śaśvatsādhakānāṃ sukhāvaham

Meaning open with adhikāra · अर्थ अधिकार से

Verse 3

गोपीजनपदस्यात वल्लभाय समुच्चरेत् ।
स्वाहांतोऽयं महामंत्रो दशार्णो भुक्तिमुक्तिदः ॥ ३ ॥

gopījanapadasyāta vallabhāya samuccaret
svāhāṃto'yaṃ mahāmaṃtro daśārṇo bhuktimuktidaḥ

Meaning open with adhikāra · अर्थ अधिकार से

Verse 4

सदाशिवस्त्वस्य ऋषिः पंक्तिश्छंद उदाहृतम् ।
देवता कृष्ण उदितो विनियोगोऽखिलाप्तये ॥ ४ ॥

sadāśivastvasya ṛṣiḥ paṃktiśchaṃda udāhṛtam
devatā kṛṣṇa udito viniyogo'khilāptaye

Meaning open with adhikāra · अर्थ अधिकार से

Verse 5

त्रैलोक्यविजयस्याथ कवचस्य प्रजापतिः ।
ऋषिश्छंदश्च जगती देवो राजेश्वरः स्वयम् ॥ ५ ॥

trailokyavijayasyātha kavacasya prajāpatiḥ
ṛṣiśchaṃdaśca jagatī devo rājeśvaraḥ svayam

Meaning open with adhikāra · अर्थ अधिकार से

Verse 6

त्रैलोक्यविजयप्राप्तौ विनियोगः प्रकीर्तितः ।
प्रणवो मे शिरः पातु श्रीकृष्णाय नमः सदा ॥ ६ ॥

trailokyavijayaprāptau viniyogaḥ prakīrtitaḥ
praṇavo me śiraḥ pātu śrīkṛṣṇāya namaḥ sadā

Meaning open with adhikāra · अर्थ अधिकार से

Verse 7

पायात्कपालं कृष्णाय स्वाहेति सततं मम ।
कृष्णेति पातु नेत्रे मे कृष्णस्वाहेति तारकाम् ॥ ७ ॥

pāyātkapālaṃ kṛṣṇāya svāheti satataṃ mama
kṛṣṇeti pātu netre me kṛṣṇasvāheti tārakām

Meaning open with adhikāra · अर्थ अधिकार से

Verse 8

हरये नम इत्येष भ्रूलतां पातु मे सदा ।
ॐ गोविंदाय स्वाहेति नासिकां पातु संततम् ॥ ८ ॥

haraye nama ityeṣa bhrūlatāṃ pātu me sadā
oṃ goviṃdāya svāheti nāsikāṃ pātu saṃtatam

Meaning open with adhikāra · अर्थ अधिकार से

Verse 9

गोपालाय नमो गंडं पातु मे सततं मनुः ।
क्लीं कृष्णाय नमः कर्णौ पातु कल्पतरुर्मम ॥ ९ ॥

gopālāya namo gaṃḍaṃ pātu me satataṃ manuḥ
klīṃ kṛṣṇāya namaḥ karṇau pātu kalpatarurmama

Meaning open with adhikāra · अर्थ अधिकार से

Verse 10

श्रीं कृष्णाय नमः पातु नित्यं मेऽधरयुग्मकम् ।
ॐ गोपीशाय स्वाहेति दंतपंक्तिं ममावतु ॥ १० ॥

śrīṃ kṛṣṇāya namaḥ pātu nityaṃ me'dharayugmakam
oṃ gopīśāya svāheti daṃtapaṃktiṃ mamāvatu

Meaning open with adhikāra · अर्थ अधिकार से

Verse 11

श्रीकृष्णेति रदच्छिद्रं पातु मे त्र्यक्षरो मनुः ।
ॐ श्रीकृष्णाय स्वाहेति जिह्विकां पातु मे सदा ॥ ११ ॥

śrīkṛṣṇeti radacchidraṃ pātu me tryakṣaro manuḥ
oṃ śrīkṛṣṇāya svāheti jihvikāṃ pātu me sadā

Meaning open with adhikāra · अर्थ अधिकार से

Verse 12

रामेश्वराय स्वाहेति तालुकं पातु मे सदा ।
राधिकेशाय स्वाहेति कंठं मे पातु सर्वदा ॥ १२ ॥

rāmeśvarāya svāheti tālukaṃ pātu me sadā
rādhikeśāya svāheti kaṃṭhaṃ me pātu sarvadā

Meaning open with adhikāra · अर्थ अधिकार से

Verse 13

नमो गोपीगणेशाय ग्रीवां मे पातु सर्वदा ।
ॐ गोपेशाय स्वाहेति स्कंधौ पातु सदा मम ॥ १३ ॥

namo gopīgaṇeśāya grīvāṃ me pātu sarvadā
oṃ gopeśāya svāheti skaṃdhau pātu sadā mama

Meaning open with adhikāra · अर्थ अधिकार से

Verse 14

नमः किशोरवेषाय स्वाहा पृष्ठं ममावतु ।
उदरं पातु मे नित्यं मुकुंदाय नमो मनुः ॥ १४ ॥

namaḥ kiśoraveṣāya svāhā pṛṣṭhaṃ mamāvatu
udaraṃ pātu me nityaṃ mukuṃdāya namo manuḥ

Meaning open with adhikāra · अर्थ अधिकार से

Verse 15

ह्रीं श्रीं क्लीं कृष्णाय स्वाहा करौ पातु सदा मम ।
ॐ विष्णवे नमः स्वाहा बाहुयुग्मं ममावतु ॥ १५ ॥

hrīṃ śrīṃ klīṃ kṛṣṇāya svāhā karau pātu sadā mama
oṃ viṣṇave namaḥ svāhā bāhuyugmaṃ mamāvatu

Meaning open with adhikāra · अर्थ अधिकार से

ह्रीं uncertain

Verse 16

ॐ ह्रीं भगवते स्वाहा नखपंक्तिं ममावतु ।
नमो नारायणायेति नखरंध्रं ममावतु ॥ १६ ॥

oṃ hrīṃ bhagavate svāhā nakhapaṃktiṃ mamāvatu
namo nārāyaṇāyeti nakharaṃdhraṃ mamāvatu

Meaning open with adhikāra · अर्थ अधिकार से

Verse 17

ॐ ह्रीं श्रीं पद्मनाभाय नाभिं पातु सदा मम ।
ॐ सर्वेशाय स्वाहेति केशान्मम सदाऽवतु ॥ १७ ॥

oṃ hrīṃ śrīṃ padmanābhāya nābhiṃ pātu sadā mama
oṃ sarveśāya svāheti keśānmama sadā'vatu

Meaning open with adhikāra · अर्थ अधिकार से

Verse 18

नमः कृष्णाय स्वाहेति ब्रह्मरंध्रं सदाऽवतु ।
ॐ माधवाय स्वाहेति भालं मे सर्वदाऽवतु ॥ १८ ॥

namaḥ kṛṣṇāya svāheti brahmaraṃdhraṃ sadā'vatu
oṃ mādhavāya svāheti bhālaṃ me sarvadā'vatu

Meaning open with adhikāra · अर्थ अधिकार से

Verse 19

ॐ ह्रीं श्रीं रसिकेशाय कटिं मम सदाऽवतु ।
नमो गोपीजनेशाय ऊरू पातु सदा मम ॥ १९ ॥

oṃ hrīṃ śrīṃ rasikeśāya kaṭiṃ mama sadā'vatu
namo gopījaneśāya ūrū pātu sadā mama

Meaning open with adhikāra · अर्थ अधिकार से

Verse 20

ॐ नमो दैत्यनाशाय स्वाहेत्यवतु जानुनी ।
यशोदानंदनायेति नमोंतो जंघकेऽवतु ॥ २० ॥

oṃ namo daityanāśāya svāhetyavatu jānunī
yaśodānaṃdanāyeti namoṃto jaṃghake'vatu

Meaning open with adhikāra · अर्थ अधिकार से

Verse 21

रासारंभप्रियायेति स्वाहांतो ह्रीं ममावतु ।
वृंदाप्रियाय स्वाहेति सकलांगानि मेऽवतु ॥ २१ ॥

rāsāraṃbhapriyāyeti svāhāṃto hrīṃ mamāvatu
vṛṃdāpriyāya svāheti sakalāṃgāni me'vatu

Meaning open with adhikāra · अर्थ अधिकार से

ह्रीं uncertain

Verse 22

परिपूर्णमनाः कृष्णः प्राच्यां मां सर्वदावतु ।
स्वयं गोलोकनाथो मामाग्नेय्यां दिशि रक्षतु ॥ २२ ॥

paripūrṇamanāḥ kṛṣṇaḥ prācyāṃ māṃ sarvadāvatu
svayaṃ golokanātho māmāgneyyāṃ diśi rakṣatu

Meaning open with adhikāra · अर्थ अधिकार से

Verse 23

पूर्णब्रह्मस्वरूपश्च दक्षिणे मां सदावतु ।
नैर्ऋत्यां पातु मां कृष्णः पश्चिमे पातु मां हरिः ॥ २३ ॥

pūrṇabrahmasvarūpaśca dakṣiṇe māṃ sadāvatu
nairṛtyāṃ pātu māṃ kṛṣṇaḥ paścime pātu māṃ hariḥ

Meaning open with adhikāra · अर्थ अधिकार से

Verse 24

गोविंदः पातु वायव्यामुत्तरे रसिकेश्वरः ।
ऐशान्यां मे सदा पातु वृंदावनविहारकृत् ॥ २४ ॥

goviṃdaḥ pātu vāyavyāmuttare rasikeśvaraḥ
aiśānyāṃ me sadā pātu vṛṃdāvanavihārakṛt

Meaning open with adhikāra · अर्थ अधिकार से

Verse 25

वृंदाप्राणेश्वरः शश्वत्पातु मामूर्ध्वदेशतः ।
सदैव मामधः पातु बलिध्वंसी महाबलः ॥ २५ ॥

vṛṃdāprāṇeśvaraḥ śaśvatpātu māmūrdhvadeśataḥ
sadaiva māmadhaḥ pātu balidhvaṃsī mahābalaḥ

Meaning open with adhikāra · अर्थ अधिकार से

Verse 26

जले स्थले चांतरिक्षे नृसिंहः पातु मां सदा ।
स्वप्ने जागरणे चैव पातु मां माधवः स्वयम् ॥ २६ ॥

jale sthale cāṃtarikṣe nṛsiṃhaḥ pātu māṃ sadā
svapne jāgaraṇe caiva pātu māṃ mādhavaḥ svayam

Meaning open with adhikāra · अर्थ अधिकार से

Verse 27

सर्वांतरात्मा निर्लिप्तः पातु मां सर्वतो विभुः ।
इति ते कथितं भूप सर्वाघौघविनाशनम् ॥ २७ ॥

sarvāṃtarātmā nirliptaḥ pātu māṃ sarvato vibhuḥ
iti te kathitaṃ bhūpa sarvāghaughavināśanam

Meaning open with adhikāra · अर्थ अधिकार से

Verse 28

त्रैलोक्यविजयं नाम कवचं परमेशितुः ।
मया श्रुतं शिवमुखात्प्रवक्तव्यं न कस्यचित् ॥ २८ ॥

trailokyavijayaṃ nāma kavacaṃ parameśituḥ
mayā śrutaṃ śivamukhātpravaktavyaṃ na kasyacit

Meaning open with adhikāra · अर्थ अधिकार से

फलश्रुतिःThe fruit

Verse 29

गुरुमभ्यर्च्य विधिवत्कवचं धारयेत्तु यः ।
कंठे वा दक्षिणे बाहौ सोऽपि विष्णुर्न संशयः ॥ २९ ॥

gurumabhyarcya vidhivatkavacaṃ dhārayettu yaḥ
kaṃṭhe vā dakṣiṇe bāhau so'pi viṣṇurna saṃśayaḥ

Meaning open with adhikāra · अर्थ अधिकार से

Verse 30

स साधकोऽवसद्यत्र तत्र वाणीरमे स्थिते ।
यदि स्यात्सिद्धकवचो जीवन्मुक्तो न संशयः ॥ ३० ॥

sa sādhako'vasadyatra tatra vāṇīrame sthite
yadi syātsiddhakavaco jīvanmukto na saṃśayaḥ

Meaning open with adhikāra · अर्थ अधिकार से

Verse 31

निश्चितं कोटिवर्षाणां पूजायाः फलमाप्नुयात् ।
राजसूयसहस्राणि वाजपेयशतानि च ॥ ३१ ॥

niścitaṃ koṭivarṣāṇāṃ pūjāyāḥ phalamāpnuyāt
rājasūyasahasrāṇi vājapeyaśatāni ca

Meaning open with adhikāra · अर्थ अधिकार से

Verse 32

महादानानि यान्येव भुवश्चापि प्रदक्षिणा ।
त्रैलोक्यविजयस्यास्य कलां नार्हंति षोडशीम् ॥ ३२ ॥

mahādānāni yānyeva bhuvaścāpi pradakṣiṇā
trailokyavijayasyāsya kalāṃ nārhaṃti ṣoḍaśīm

Meaning open with adhikāra · अर्थ अधिकार से

Verse 33

व्रतोपवासनियमाः स्वाध्यायाध्ययने तथा ।
स्नानं च सर्वतीर्थेषु नास्यार्हंति कलामपि ॥ ३३ ॥

vratopavāsaniyamāḥ svādhyāyādhyayane tathā
snānaṃ ca sarvatīrtheṣu nāsyārhaṃti kalāmapi

Meaning open with adhikāra · अर्थ अधिकार से

Verse 34

सिद्धत्वममरत्वं च दासत्वं श्रीहरेरपि ।
यदि स्यात्सिद्धकवचः सर्वं प्राप्नोति निश्चितम् ॥ ३४ ॥

siddhatvamamaratvaṃ ca dāsatvaṃ śrīharerapi
yadi syātsiddhakavacaḥ sarvaṃ prāpnoti niścitam

Meaning open with adhikāra · अर्थ अधिकार से

Verse 35

स भवेत्सिद्धकवचो दशलक्षं जपेत्तु यः ।
यो भवेत्सिद्धकवचो विजयी स भवेद्ध्रुवम् ॥ ३५ ॥

sa bhavetsiddhakavaco daśalakṣaṃ japettu yaḥ
yo bhavetsiddhakavaco vijayī sa bhaveddhruvam

Meaning open with adhikāra · अर्थ अधिकार से

Verse 36

राज्यं देयं शिरो देयं प्राणा देयाश्च भूपते ।
एतत्तु कवचं वत्स न देयं संकटेऽपि च ॥ ३६ ॥

rājyaṃ deyaṃ śiro deyaṃ prāṇā deyāśca bhūpate
etattu kavacaṃ vatsa na deyaṃ saṃkaṭe'pi ca

Meaning open with adhikāra · अर्थ अधिकार से

Verse 37

मया प्रकाशितं यत्ते चैतेषां त्राणकारणात् ।
ममाज्ञाकरणाच्चैव तद्विद्धि कुलभास्कर ।
इदं धृत्वा तु कवचं चक्रवर्ती भवान्भव ॥ ३७ ॥

mayā prakāśitaṃ yatte caiteṣāṃ trāṇakāraṇāt
mamājñākaraṇāccaiva tadviddhi kulabhāskara
idaṃ dhṛtvā tu kavacaṃ cakravartī bhavānbhava

Meaning open with adhikāra · अर्थ अधिकार से

इति श्रीब्रह्माण्डे महापुराणे मध्यमभागे त्रयस्त्रिंशत्तमाध्यायान्तर्गतं वसिष्ठमुनिप्रोक्तं त्रैलोक्यविजयकवचस्तोत्रं समाप्तम् ।

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras