Rudrayāmala Tantra · as given in the Devīrahasya Tantra, paṭala 33

वज्रपञ्जराख्यसूर्यकवचम्

Surya Kavacham (Devirahasya Tantra) — The Sun's Thunderbolt-Cage armour, with the Sanskrit letters inside it

A Kavach is armour made of words. In this one the Sun is asked to guard the body with the letters of the alphabet themselves: each group of vowels or consonants, with a seed-syllable (Beejakshar) of the Sun, is set over the head, the brow, the eyes, the ears, the cheeks and on down to the feet. After the body come the eight quarters, the hours of the day and night, and the dangers of battle, the king's court and illness. Bhairava closes by telling how to write it on birch bark and wear it, and what the armour gives.

वज्रपञ्जराख्यसूर्यकवचम्The Thunderbolt-Cage armour of the Sun

Verse 1

श्रीभैरव उवाच — श्रीभैरव ने कहा Śrī Bhairava said

यो देवदेवो भगवान् भास्करो महसां निधिः ।
गायत्रीनायको भास्वान् सवितेति प्रगीयते ॥ १ ॥

yo devadevo bhagavān bhāskaro mahasāṃ nidhiḥ
gāyatrīnāyako bhāsvān saviteti pragīyate

Meaning open with adhikāra · अर्थ अधिकार से

Verse 2

तस्याहं कवचं दिव्यं वज्रपञ्जरकाभिधम् ।
सर्वमन्त्रमयं गुह्यं मूलविद्यारहस्यकम् ॥ २ ॥

tasyāhaṃ kavacaṃ divyaṃ vajrapañjarakābhidham
sarvamantramayaṃ guhyaṃ mūlavidyārahasyakam

Meaning open with adhikāra · अर्थ अधिकार से

Verse 3

सर्वपापापहं देवि दुःखदारिद्र्यनाशनम् ।
महाकुष्ठहरं पुण्यं सर्वरोगनिबर्हणम् ॥ ३ ॥

sarvapāpāpahaṃ devi duḥkhadāridryanāśanam
mahākuṣṭhaharaṃ puṇyaṃ sarvaroganibarhaṇam

Meaning open with adhikāra · अर्थ अधिकार से

Verse 4

सर्वशत्रुसमूहघ्नं संग्रामे विजयप्रदम् ।
सर्वतेजोमयं सर्वदेवदानवपूजितम् ॥ ४ ॥

sarvaśatrusamūhaghnaṃ saṃgrāme vijayapradam
sarvatejomayaṃ sarvadevadānavapūjitam

Meaning open with adhikāra · अर्थ अधिकार से

Verse 5

रणे राजभये घोरे सर्वोपद्रवनाशनम् ।
मातृकावेष्टितं वर्म भैरवाननिर्गतम् ॥ ५ ॥

raṇe rājabhaye ghore sarvopadravanāśanam
mātṛkāveṣṭitaṃ varma bhairavānanirgatam

Meaning open with adhikāra · अर्थ अधिकार से

Verse 6

ग्रहपीडाहरं देवि सर्वसङ्कटनाशनम् ।
धारणादस्य देवेशि ब्रह्मा लोकपितामहः ॥ ६ ॥

grahapīḍāharaṃ devi sarvasaṅkaṭanāśanam
dhāraṇādasya deveśi brahmā lokapitāmahaḥ

Meaning open with adhikāra · अर्थ अधिकार से

Verse 7

विष्णुर्नारायणो देवि रणे दैत्याञ्जयिष्यति ।
शङ्करः सर्वलोकेशो वासवोऽपि दिवस्पतिः ॥ ७ ॥

viṣṇurnārāyaṇo devi raṇe daityāñjayiṣyati
śaṅkaraḥ sarvalokeśo vāsavo'pi divaspatiḥ

Meaning open with adhikāra · अर्थ अधिकार से

Verse 8

ओषधीशः शशी देवि शिवोऽहं भैरवेश्वरः ।
मन्त्रात्मकं परं वर्म सवितुः सारमुत्तमम् ॥ ८ ॥

oṣadhīśaḥ śaśī devi śivo'haṃ bhairaveśvaraḥ
mantrātmakaṃ paraṃ varma savituḥ sāramuttamam

Meaning open with adhikāra · अर्थ अधिकार से

Verse 9

यो धारयेद् भुजे मूर्ध्नि रविवारे महेश्वरि ।
स राजवल्लभो लोके तेजस्वी वैरिमर्दनः ॥ ९ ॥

yo dhārayed bhuje mūrdhni ravivāre maheśvari
sa rājavallabho loke tejasvī vairimardanaḥ

Meaning open with adhikāra · अर्थ अधिकार से

Verse 10

बहुनोक्तेन किं देवि कवचस्यास्य धारणात् ।
इह लक्ष्मीधनारोग्य-वृद्धिर्भवति नान्यथा ॥ १० ॥

bahunoktena kiṃ devi kavacasyāsya dhāraṇāt
iha lakṣmīdhanārogya-vṛddhirbhavati nānyathā

Meaning open with adhikāra · अर्थ अधिकार से

Verse 11

परत्र परमा मुक्तिर्देवानामपि दुर्लभा ।
कवचस्यास्य देवेशि मूलविद्यामयस्य च ॥ ११ ॥

paratra paramā muktirdevānāmapi durlabhā
kavacasyāsya deveśi mūlavidyāmayasya ca

Meaning open with adhikāra · अर्थ अधिकार से

Verse 12

वज्रपञ्जरकाख्यस्य मुनिर्ब्रह्मा समीरितः ।
गायत्र्यं छन्द इत्युक्तं देवता सविता स्मृतः ॥ १२ ॥

vajrapañjarakākhyasya munirbrahmā samīritaḥ
gāyatryaṃ chanda ityuktaṃ devatā savitā smṛtaḥ

Meaning open with adhikāra · अर्थ अधिकार से

Verse 13

माया बीजं शरत् शक्तिर्नमः कीलकमीश्वरि ।
सर्वार्थसाधने देवि विनियोगः प्रकीर्तितः ॥ १३ ॥

māyā bījaṃ śarat śaktirnamaḥ kīlakamīśvari
sarvārthasādhane devi viniyogaḥ prakīrtitaḥ

Meaning open with adhikāra · अर्थ अधिकार से

शरत् uncertain

कवचम्The kavaca

Verse 14

ॐअंआंइंईं शिरः पातु श्रीं सूर्यो मन्त्रविग्रहः ।
उंऊंऋंॠं ललाटं मे ह्रां रविः पातु चिन्मयः ॥ १४ ॥

oṃaṃāṃiṃīṃ śiraḥ pātu śrīṃ sūryo mantravigrahaḥ
uṃūṃṛṃṝṃ lalāṭaṃ me hrāṃ raviḥ pātu cinmayaḥ

Meaning open with adhikāra · अर्थ अधिकार से

Verse 15

ऌंॡंएंऐं पातु नेत्रे ह्रीं ममारुणसारथिः ।
ओंऔंअंअः श्रुती पातु सः सर्वजगदीश्वरः ॥ १५ ॥

ḷṃḹṃeṃaiṃ pātu netre hrīṃ mamāruṇasārathiḥ
oṃauṃaṃaḥ śrutī pātu saḥ sarvajagadīśvaraḥ

Meaning open with adhikāra · अर्थ अधिकार से

Verse 16

कंखंगंघं पातु गण्डौ सूं सूरः सुरपूजितः ।
चंछंजंझं च नासां मे पातु र्यां अर्यमा प्रभुः ॥ १६ ॥

kaṃkhaṃgaṃghaṃ pātu gaṇḍau sūṃ sūraḥ surapūjitaḥ
caṃchaṃjaṃjhaṃ ca nāsāṃ me pātu ryāṃ aryamā prabhuḥ

Meaning open with adhikāra · अर्थ अधिकार से

Verse 17

टंठंडंढं मुखं पायाद् यं योगीश्वरपूजितः ।
तंथंदंधं गलं पातु नं नारायणवल्लभः ॥ १७ ॥

ṭaṃṭhaṃḍaṃḍhaṃ mukhaṃ pāyād yaṃ yogīśvarapūjitaḥ
taṃthaṃdaṃdhaṃ galaṃ pātu naṃ nārāyaṇavallabhaḥ

Meaning open with adhikāra · अर्थ अधिकार से

Verse 18

पंफंबंभं मम स्कन्धौ पातु मं महसां निधिः ।
यंरंलंवं भुजौ पातु मूलं सकलनायकः ॥ १८ ॥

paṃphaṃbaṃbhaṃ mama skandhau pātu maṃ mahasāṃ nidhiḥ
yaṃraṃlaṃvaṃ bhujau pātu mūlaṃ sakalanāyakaḥ

Meaning open with adhikāra · अर्थ अधिकार से

Verse 19

शंषंसंहं पातु वक्षो मूलमन्त्रमयो ध्रुवः ।
ळंक्षः कुक्षिं सदा पातु ग्रहनाथो दिनेश्वरः ॥ १९ ॥

śaṃṣaṃsaṃhaṃ pātu vakṣo mūlamantramayo dhruvaḥ
ḷaṃkṣaḥ kukṣiṃ sadā pātu grahanātho dineśvaraḥ

Meaning open with adhikāra · अर्थ अधिकार से

Verse 20

ङंञंणंनंमं मे पातु पृष्ठं दिवसनायकः ।
अंआंइंईं उंऊंऋंॠं नाभिं पातु तमोपहः ॥ २० ॥

ṅaṃñaṃṇaṃnaṃmaṃ me pātu pṛṣṭhaṃ divasanāyakaḥ
aṃāṃiṃīṃ uṃūṃṛṃṝṃ nābhiṃ pātu tamopahaḥ

Meaning open with adhikāra · अर्थ अधिकार से

Verse 21

ऌंॡंएंऐं ओंऔंअंअः लिङ्गं मेऽव्याद् ग्रहेश्वरः ।
कंखंगंघंचं छंजंझं कटिं भानुर्ममावतु ॥ २१ ॥

ḷṃḹṃeṃaiṃ oṃauṃaṃaḥ liṅgaṃ me'vyād graheśvaraḥ
kaṃkhaṃgaṃghaṃcaṃ chaṃjaṃjhaṃ kaṭiṃ bhānurmamāvatu

Meaning open with adhikāra · अर्थ अधिकार से

Verse 22

टंठंडंढं तंथंदंधं जानू भास्वान् ममावतु ।
पंफंबंभं यंरंलंवं जङ्घे मेऽव्याद् विभाकरः ॥ २२ ॥

ṭaṃṭhaṃḍaṃḍhaṃ taṃthaṃdaṃdhaṃ jānū bhāsvān mamāvatu
paṃphaṃbaṃbhaṃ yaṃraṃlaṃvaṃ jaṅghe me'vyād vibhākaraḥ

Meaning open with adhikāra · अर्थ अधिकार से

Verse 23

शंषंसंहंळंक्षः पातु मूलं पादौ त्रयीतनुः ।
ङंञंणंनंमं मे पातु सविता सकलं वपुः ॥ २३ ॥

śaṃṣaṃsaṃhaṃḷaṃkṣaḥ pātu mūlaṃ pādau trayītanuḥ
ṅaṃñaṃṇaṃnaṃmaṃ me pātu savitā sakalaṃ vapuḥ

Meaning open with adhikāra · अर्थ अधिकार से

Verse 24

सोमः पूर्वे च मां पातु भौमोऽग्नौ मां सदावतु ।
बुधो मां दक्षिणे पातु नैर्ऋत्यां गुरुरेव माम् ॥ २४ ॥

somaḥ pūrve ca māṃ pātu bhaumo'gnau māṃ sadāvatu
budho māṃ dakṣiṇe pātu nairṛtyāṃ gurureva mām

Meaning open with adhikāra · अर्थ अधिकार से

Verse 25

पश्चिमे मां सितः पातु वायव्यां मां शनैश्चरः ।
उत्तरे मां तमः पायादैशान्यां मां शिखी तथा ॥ २५ ॥

paścime māṃ sitaḥ pātu vāyavyāṃ māṃ śanaiścaraḥ
uttare māṃ tamaḥ pāyādaiśānyāṃ māṃ śikhī tathā

Meaning open with adhikāra · अर्थ अधिकार से

शिखी uncertain

Verse 26

ऊर्ध्वं मां पातु मिहिरो मामधस्ताज्जगत्पतिः ।
प्रभाते भास्करः पातु मध्याह्ने मां दिनेश्वरः ॥ २६ ॥

ūrdhvaṃ māṃ pātu mihiro māmadhastājjagatpatiḥ
prabhāte bhāskaraḥ pātu madhyāhne māṃ dineśvaraḥ

Meaning open with adhikāra · अर्थ अधिकार से

Verse 27

सायं वेदप्रियः पातु निशीथे विस्फुरापतिः ।
सर्वत्र सर्वदा सूर्यः पातु मां चक्रनायकः ॥ २७ ॥

sāyaṃ vedapriyaḥ pātu niśīthe visphurāpatiḥ
sarvatra sarvadā sūryaḥ pātu māṃ cakranāyakaḥ

Meaning open with adhikāra · अर्थ अधिकार से

Verse 28

रणे राजकुले द्यूते विवादे शत्रुसङ्कटे ।
सङ्ग्रामे च ज्वरे रोगे पातु मां सविता प्रभुः ॥ २८ ॥

raṇe rājakule dyūte vivāde śatrusaṅkaṭe
saṅgrāme ca jvare roge pātu māṃ savitā prabhuḥ

Meaning open with adhikāra · अर्थ अधिकार से

Verse 29

ॐॐॐ उत ॐउऊहसमयः सूर्योऽवतान्मां भयाद् ।
ह्रांह्रींह्रूं ह्रहहा हसौः हसहसौः हंसोऽवतात् सर्वतः ।
सःसःसः ससा नृपाद्वनचराच्चौराद्रणात् सङ्कटात् ।
पायान्मां कुलनायकोऽपि सविता ॐह्रींहसौः सर्वदा ॥ २९ ॥

oṃoṃoṃ uta oṃuūhasamayaḥ sūryo'vatānmāṃ bhayād
hrāṃhrīṃhrūṃ hrahahā hasauḥ hasahasauḥ haṃso'vatāt sarvataḥ
saḥsaḥsaḥ sasā nṛpādvanacarāccaurādraṇāt saṅkaṭāt
pāyānmāṃ kulanāyako'pi savitā oṃhrīṃhasauḥ sarvadā

Meaning open with adhikāra · अर्थ अधिकार से

ससा uncertain

Verse 30

द्रांद्रींद्रूं दर्धनं तथा च तरणिर्भामैर्भयाद् भास्करो
रांरींरूं रुरुरूं रविर्ज्वरभयात् कुष्ठाच्च शूलामयात् ।
अंअंआं विविवीं महामयभयं मां पातु मार्तण्डको
मूलव्याप्ततनुः सदावतु परं हंसः सहस्रांशुमान् ॥ ३० ॥

drāṃdrīṃdrūṃ dardhanaṃ tathā ca taraṇirbhāmairbhayād bhāskaro
rāṃrīṃrūṃ rururūṃ ravirjvarabhayāt kuṣṭhācca śūlāmayāt
aṃaṃāṃ vivivīṃ mahāmayabhayaṃ māṃ pātu mārtaṇḍako
mūlavyāptatanuḥ sadāvatu paraṃ haṃsaḥ sahasrāṃśumān

Meaning open with adhikāra · अर्थ अधिकार से

दर्धनं uncertain

फलश्रुतिःThe fruit

Verse 31

इति श्रीकवचं दिव्यं वज्रपञ्जरकाभिधम्
सर्वदेवरहस्यं च मातृकामन्त्रवेष्टितम् ॥ ३१ ॥

iti śrīkavacaṃ divyaṃ vajrapañjarakābhidham
sarvadevarahasyaṃ ca mātṛkāmantraveṣṭitam

Meaning open with adhikāra · अर्थ अधिकार से

Verse 32

महारोगभयघ्नं च पापघ्नं मन्मुखोदितम् ।
गुह्यं यशस्करं पुण्यं सर्वश्रेयस्करं शिवे ॥ ३२ ॥

mahārogabhayaghnaṃ ca pāpaghnaṃ manmukhoditam
guhyaṃ yaśaskaraṃ puṇyaṃ sarvaśreyaskaraṃ śive

Meaning open with adhikāra · अर्थ अधिकार से

Verse 33

लिखित्वा रविवारे तु तिष्ये वा जन्मभे प्रिये ।
अष्टगन्धेन दिव्येन सुधाक्षीरेण पार्वति ॥ ३३ ॥

likhitvā ravivāre tu tiṣye vā janmabhe priye
aṣṭagandhena divyena sudhākṣīreṇa pārvati

Meaning open with adhikāra · अर्थ अधिकार से

ours: सुधाक्षीरेण; variant सुधाभीरेण

Verse 34

अर्कक्षीरेण पुण्येन भूर्जत्वचि महेश्वरि ।
कनकीकाष्ठलेखन्या कवचं भास्करोदये ॥ ३४ ॥

arkakṣīreṇa puṇyena bhūrjatvaci maheśvari
kanakīkāṣṭhalekhanyā kavacaṃ bhāskarodaye

Meaning open with adhikāra · अर्थ अधिकार से

Verse 35

श्वेतसूत्रेण रक्तेन श्यामेनावेष्टयेद् गुटीम् ।
सौवर्णेनाथ संवेष्ट्य धारयेन्मूर्ध्नि वा भुजे ॥ ३५ ॥

śvetasūtreṇa raktena śyāmenāveṣṭayed guṭīm
sauvarṇenātha saṃveṣṭya dhārayenmūrdhni vā bhuje

Meaning open with adhikāra · अर्थ अधिकार से

Verse 36

रणे रिपून् जयेद् देवि वादे सदसि जेष्यति ।
राजमान्यो भवेन्नित्यं सर्वतेजोमयो भवेत् ॥ ३६ ॥

raṇe ripūn jayed devi vāde sadasi jeṣyati
rājamānyo bhavennityaṃ sarvatejomayo bhavet

Meaning open with adhikāra · अर्थ अधिकार से

रिपून् uncertain

Verse 37

कण्ठस्था पुत्रदा देवि कुक्षिस्था रोगनाशिनी ।
शिरःस्था गुटिका दिव्या राजलोकवशङ्करी ॥ ३७ ॥

kaṇṭhasthā putradā devi kukṣisthā roganāśinī
śiraḥsthā guṭikā divyā rājalokavaśaṅkarī

Meaning open with adhikāra · अर्थ अधिकार से

Verse 38

भुजस्था धनदा नित्यं तेजोबुद्धिविवर्धिनी ।
वन्ध्या वा काकवन्ध्या वा मृतवत्सा च याङ्गना ॥ ३८ ॥

bhujasthā dhanadā nityaṃ tejobuddhivivardhinī
vandhyā vā kākavandhyā vā mṛtavatsā ca yāṅganā

Meaning open with adhikāra · अर्थ अधिकार से

Verse 39

कण्ठे सा धारयेन्नित्यं बहुपुत्रा प्रजायते ।
यस्य देहे भवेन्नित्यं गुटिकैषा महेश्वरि ॥ ३९ ॥

kaṇṭhe sā dhārayennityaṃ bahuputrā prajāyate
yasya dehe bhavennityaṃ guṭikaiṣā maheśvari

Meaning open with adhikāra · अर्थ अधिकार से

Verse 40

महास्त्राखीन्द्रमुक्तानि ब्रह्मास्त्रादीनि पार्वति ।
तद्देहं प्राप्य व्यर्थानि भविष्यन्ति न संशयः ॥ ४० ॥

mahāstrākhīndramuktāni brahmāstrādīni pārvati
taddehaṃ prāpya vyarthāni bhaviṣyanti na saṃśayaḥ

Meaning open with adhikāra · अर्थ अधिकार से

महास्त्राखीन्द्रमुक्तानि uncertain

Verse 41

त्रिकालं यः पठेन्नित्यं कवचं वज्रपञ्जरम् ।
तस्य सद्यो महादेवि सविता वरदो भवेत् ॥ ४१ ॥

trikālaṃ yaḥ paṭhennityaṃ kavacaṃ vajrapañjaram
tasya sadyo mahādevi savitā varado bhavet

Meaning open with adhikāra · अर्थ अधिकार से

Verse 42

अज्ञात्वा कवचं देवि पूजयेद् यस्त्रयीतनुम् ।
तस्य पूजार्जितं पुण्यं जन्मकोटिषु निष्फलम् ॥ ४२ ॥

ajñātvā kavacaṃ devi pūjayed yastrayītanum
tasya pūjārjitaṃ puṇyaṃ janmakoṭiṣu niṣphalam

Meaning open with adhikāra · अर्थ अधिकार से

Verse 43

शतावर्तं पठेद्वर्मं सप्तम्यां रविवासरे ।
महाकुष्ठार्दितो देवि मुच्यते नात्र संशयः ॥ ४३ ॥

śatāvartaṃ paṭhedvarmaṃ saptamyāṃ ravivāsare
mahākuṣṭhārdito devi mucyate nātra saṃśayaḥ

Meaning open with adhikāra · अर्थ अधिकार से

Verse 44

नीरोगो यः पठेद्वर्मं दरिद्रो वज्रपञ्जरम् ।
लक्ष्मीवाञ्जायते देवि सद्यः सूर्यप्रसादतः ॥ ४४ ॥

nīrogo yaḥ paṭhedvarmaṃ daridro vajrapañjaram
lakṣmīvāñjāyate devi sadyaḥ sūryaprasādataḥ

Meaning open with adhikāra · अर्थ अधिकार से

Verse 45

भक्त्या यः प्रपठेद् देवि कवचं प्रत्यहं प्रिये ।
इह लोके श्रियं भुक्त्वा देहान्ते मुक्तिमाप्नुयात् ॥ ४५ ॥

bhaktyā yaḥ prapaṭhed devi kavacaṃ pratyahaṃ priye
iha loke śriyaṃ bhuktvā dehānte muktimāpnuyāt

Meaning open with adhikāra · अर्थ अधिकार से

इति श्रीरुद्रयामले तन्त्रे श्रीदेवीरहस्ये वज्रपञ्जराख्यसूर्यकवचनिरूपणं त्रयस्त्रिंशः पटलः ॥ ३३ ॥

Terms on this page

Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Beejakshar बीजाक्षर The seed syllable within a mantra, the part that carries its power.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras