Bhṛgu Saṃhitā

सुदर्शनकवचम्

Sudarshana Kavacham (Bhrigu Samhita) — Fifteen verses guarding the body with the names of the discus

A short hymn of protection (Kavach) to the discus of Viṣṇu, Sudarshana Chakra. After a brief opening that names the sage, the deity and the metre, each part of the body is placed under one of the discus-lord's names: the head, forehead, eyes, ears, cheeks, face, tongue, neck, shoulders, arms, hands, heart, belly, hips, thighs, knees, shanks and feet. The last verses tell what reciting it brings, and how water or earth charged with it is used.

Verse 1

प्रसीद भगवन् ब्रह्मन् सर्वमन्त्रज्ञ नारद ।
सौदर्शनं तु कवचं पवित्रं ब्रूहि तत्त्वतः ॥ १ ॥

prasīda bhagavan brahman sarvamantrajña nārada
saudarśanaṃ tu kavacaṃ pavitraṃ brūhi tattvataḥ

Meaning open with adhikāra · अर्थ अधिकार से

Verse 2

नारद उवाच — नारद ने कहा Nārada said

शृणुष्वेह द्विजश्रेष्ठ पवित्रं परमाद्भुतम् ।
सौदर्शनं तु कवचं दृष्टाऽदृष्टार्थसाधकम् ॥ २ ॥

śṛṇuṣveha dvijaśreṣṭha pavitraṃ paramādbhutam
saudarśanaṃ tu kavacaṃ dṛṣṭā’dṛṣṭārthasādhakam

Meaning open with adhikāra · अर्थ अधिकार से

Verse 3

कवचस्यास्य ऋषिर्ब्रह्मा छन्दोऽनुष्टुप् तथा स्मृतम् ।
सुदर्शनमहाविष्णुर्देवता सम्प्रचक्षते ॥ ३ ॥

kavacasyāsya ṛṣirbrahmā chando’nuṣṭup tathā smṛtam
sudarśanamahāviṣṇurdevatā sampracakṣate

Meaning open with adhikāra · अर्थ अधिकार से

Verse 4

ह्रां बीजं शक्तिरत्रोक्ता ह्रीं क्रों कीलकमिष्यते ।
शिरः सुदर्शनः पातु ललाटं चक्रनायकः ॥ ४ ॥

hrāṃ bījaṃ śaktiratroktā hrīṃ kroṃ kīlakamiṣyate
śiraḥ sudarśanaḥ pātu lalāṭaṃ cakranāyakaḥ

Meaning open with adhikāra · अर्थ अधिकार से

Verse 5

घ्राणं पातु महादैत्यरिपुरव्याद्दृशौ मम ।
सहस्रारः शृतिं पातु कपोलं देववल्लभः ॥ ५ ॥

ghrāṇaṃ pātu mahādaityaripuravyāddṛśau mama
sahasrāraḥ śṛtiṃ pātu kapolaṃ devavallabhaḥ

Meaning open with adhikāra · अर्थ अधिकार से

Verse 6

विश्वात्मा पातु मे वक्त्रं जिह्वां विद्यामयो हरिः ।
कण्ठं पातु महाज्वालः स्कन्धौ दिव्यायुधेश्वरः ॥ ६ ॥

viśvātmā pātu me vaktraṃ jihvāṃ vidyāmayo hariḥ
kaṇṭhaṃ pātu mahājvālaḥ skandhau divyāyudheśvaraḥ

Meaning open with adhikāra · अर्थ अधिकार से

Verse 7

भुजौ मे पातु विजयी करौ कैटभनाशनः ।
षट्कोणसंस्थितः पातु हृदयं धाम मामकम् ॥ ७ ॥

bhujau me pātu vijayī karau kaiṭabhanāśanaḥ
ṣaṭkoṇasaṃsthitaḥ pātu hṛdayaṃ dhāma māmakam

Meaning open with adhikāra · अर्थ अधिकार से

Verse 8

मध्यं पातु महावीर्यः त्रिनेत्रो नाभिमण्डलम् ।
सर्वायुधमयः पातु कटिं श्रोणिं महाद्युतिः ॥ ८ ॥

madhyaṃ pātu mahāvīryaḥ trinetro nābhimaṇḍalam
sarvāyudhamayaḥ pātu kaṭiṃ śroṇiṃ mahādyutiḥ

Meaning open with adhikāra · अर्थ अधिकार से

Verse 9

सोमसूर्याग्निनयनः ऊरू पातु च मामकौ ।
गुह्यं पातु महामायो जानुनी तु जगत्पतिः ॥ ९ ॥

somasūryāgninayanaḥ ūrū pātu ca māmakau
guhyaṃ pātu mahāmāyo jānunī tu jagatpatiḥ

Meaning open with adhikāra · अर्थ अधिकार से

Verse 10

जङ्घे पातु ममाजस्रं अहिर्बुध्न्यः सुपूजितः ।
गुल्फौ पातु विशुद्धात्मा पादौ परपुरञ्जयः ॥ १० ॥

jaṅghe pātu mamājasraṃ ahirbudhnyaḥ supūjitaḥ
gulphau pātu viśuddhātmā pādau parapurañjayaḥ

Meaning open with adhikāra · अर्थ अधिकार से

Verse 11

सकलायुधसम्पूर्णो निखिलाङ्गं सुदर्शनः ।
य इदं कवचं दिव्यं परमानन्ददायिनम् ॥ ११ ॥

sakalāyudhasampūrṇo nikhilāṅgaṃ sudarśanaḥ
ya idaṃ kavacaṃ divyaṃ paramānandadāyinam

Meaning open with adhikāra · अर्थ अधिकार से

Verse 12

सौदर्शनमिदं यो वै सदा शुद्धः पठेन्नरः ।
तस्यार्थसिद्धिर्विपुला करस्था भवति ध्रुवम् ॥ १२ ॥

saudarśanamidaṃ yo vai sadā śuddhaḥ paṭhennaraḥ
tasyārthasiddhirvipulā karasthā bhavati dhruvam

Meaning open with adhikāra · अर्थ अधिकार से

Verse 13

कूष्माण्डचण्डभूताद्याः ये च दुष्टा ग्रहाः स्मृताः ।
पलायन्तेऽनिशं भीताः वर्मणोऽस्य प्रभावतः ॥ १३ ॥

kūṣmāṇḍacaṇḍabhūtādyāḥ ye ca duṣṭā grahāḥ smṛtāḥ
palāyante’niśaṃ bhītāḥ varmaṇo’sya prabhāvataḥ

Meaning open with adhikāra · अर्थ अधिकार से

Verse 14

कुष्टापस्मारगुल्माद्याः व्याधयः कर्महेतुकाः ।
नश्यन्त्येतन्मन्त्रिताम्बुपानात् सप्तदिनावधि ॥ १४ ॥

kuṣṭāpasmāragulmādyāḥ vyādhayaḥ karmahetukāḥ
naśyantyetanmantritāmbupānāt saptadināvadhi

Meaning open with adhikāra · अर्थ अधिकार से

Verse 15

अनेन मन्त्रितां मृत्स्नां तुलसीमूलसंस्थिताम् ।
ललाटे तिलकं कृत्वा मोहयेत् त्रिजगन्नरः ।
वर्मणोऽस्य प्रभावेन सर्वान्कामानवाप्नुयात् ॥ १५ ॥

anena mantritāṃ mṛtsnāṃ tulasīmūlasaṃsthitām
lalāṭe tilakaṃ kṛtvā mohayet trijagannaraḥ
varmaṇo’sya prabhāvena sarvānkāmānavāpnuyāt

Meaning open with adhikāra · अर्थ अधिकार से

line doubtful

॥ इति श्रीभृगुसंहिते श्रीसुदर्शनकवचम् ॥

Terms on this page

Narada नारद A celestial sage and recurring listener/questioner figure across Puranic literature.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.
Sudarshana Chakra सुदर्शन चक्र Lord Vishnu/Narayana's discus weapon, invoked in scripture as the protector of devotees who observe vows like Ekadashi with strict devotion.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras