Kumāratantra · paṭala 48

सुब्रह्मण्यकवचम्

Subrahmanya Kavacham (Kumaratantra) — The kavaca of Skanda, one name for each part of the body

A hymn of protection (Kavach) to Subrahmaṇya, the son of Śiva, who is also called Skanda and Guha. After the opening verses and the dhyāna, he is set around the reciter front and back, then from the head down to the feet, and last over the hours and places where harm is feared.

Verse 1

सुब्रह्मण्यस्य कवचं वक्ष्येऽहं शृणु कौशिक ।
सर्वपापप्रशमनं सर्वोपद्रवनाशनम् ॥ १ ॥

subrahmaṇyasya kavacaṃ vakṣye'haṃ śṛṇu kauśika
sarvapāpapraśamanaṃ sarvopadravanāśanam

Meaning open with adhikāra · अर्थ अधिकार से

Verse 2

ब्रह्मानुष्टुप्छन्दः सुब्रह्मण्यस्य देवता ।
षान्तदीर्घेण कल्पेन षडङ्गन्यासकल्पना ॥ २ ॥

brahmānuṣṭupchandaḥ subrahmaṇyasya devatā
ṣāntadīrgheṇa kalpena ṣaḍaṅganyāsakalpanā

Meaning open with adhikāra · अर्थ अधिकार से

ध्यानम्Dhyāna

Verse 3

सिन्दूरारुणमिन्दुकान्ति वदनं केयूरहारादिभिः
दिव्यैराभरणैर्विभूषिततनुः स्वर्गस्य सौख्यप्रदम् ।
अम्भोजाभयशक्तिकुक्कुटधरं रक्ताङ्गरागोज्ज्वलं
सुब्रह्मण्यमुपास्महे प्रणमतां भीतिप्रणाशोद्यतम् ॥ ३ ॥

sindūrāruṇamindukānti vadanaṃ keyūrahārādibhiḥ
divyairābharaṇairvibhūṣitatanuḥ svargasya saukhyapradam
ambhojābhayaśaktikukkuṭadharaṃ raktāṅgarāgojjvalaṃ
subrahmaṇyamupāsmahe praṇamatāṃ bhītipraṇāśodyatam

Meaning open with adhikāra · अर्थ अधिकार से

Verse 4

सुब्रह्मण्योऽग्रतः पातु सेनानीः पातु पृष्ठतः ।
गुहो मां दक्षिणे पातु भूपतिः पातु वामतः ॥ ४ ॥

subrahmaṇyo'grataḥ pātu senānīḥ pātu pṛṣṭhataḥ
guho māṃ dakṣiṇe pātu bhūpatiḥ pātu vāmataḥ

Meaning open with adhikāra · अर्थ अधिकार से

Verse 5

शिरः पातु महासेनः स्कन्दो रक्षेल्ललाटकम् ।
नेत्रयोर्द्वादशाक्षश्च श्रोत्रं रक्षतु विश्वभूः ॥ ५ ॥

śiraḥ pātu mahāsenaḥ skando rakṣellalāṭakam
netrayordvādaśākṣaśca śrotraṃ rakṣatu viśvabhūḥ

Meaning open with adhikāra · अर्थ अधिकार से

Verse 6

मुखं मे षण्मुखः पातु नासिकां मकरात्मजः ।
ओष्ठं वल्लीपतिः पातु जिह्वां पातु षडक्षरः ॥ ६ ॥

mukhaṃ me ṣaṇmukhaḥ pātu nāsikāṃ makarātmajaḥ
oṣṭhaṃ vallīpatiḥ pātu jihvāṃ pātu ṣaḍakṣaraḥ

Meaning open with adhikāra · अर्थ अधिकार से

Verse 7

देवसेनापतिर्दन्तान् चिबुकं बहुलासुतः ।
कण्ठं तारकजित्पातु बाहुं द्वादशबाहुमान् ॥ ७ ॥

devasenāpatirdantān cibukaṃ bahulāsutaḥ
kaṇṭhaṃ tārakajitpātu bāhuṃ dvādaśabāhumān

Meaning open with adhikāra · अर्थ अधिकार से

Verse 8

हस्तौ शक्तिधरः पातु वक्षः पातु शरोद्भवः ।
हृदयं ब्रह्मभूः पातु कुक्षिं पात्वम्बिकासुतः ॥ ८ ॥

hastau śaktidharaḥ pātu vakṣaḥ pātu śarodbhavaḥ
hṛdayaṃ brahmabhūḥ pātu kukṣiṃ pātvambikāsutaḥ

Meaning open with adhikāra · अर्थ अधिकार से

Verse 9

नाभिं शम्भुसुतः पातु कटिं पातु हरात्मजः ।
ऊरुं पातु गजारूढो जानू द्वे जाह्नवीसुतः ॥ ९ ॥

nābhiṃ śambhusutaḥ pātu kaṭiṃ pātu harātmajaḥ
ūruṃ pātu gajārūḍho jānū dve jāhnavīsutaḥ

Meaning open with adhikāra · अर्थ अधिकार से

Verse 10

जङ्घे विशाखो मे पातु पादयोः शिखिवाहनः ।
सर्वाण्यङ्गानि भूतेशः सप्तधातूंश्च षण्मुखः ॥ १० ॥

jaṅghe viśākho me pātu pādayoḥ śikhivāhanaḥ
sarvāṇyaṅgāni bhūteśaḥ saptadhātūṃśca ṣaṇmukhaḥ

Meaning open with adhikāra · अर्थ अधिकार से

Verse 11

सन्ध्याकाले निशीथिन्यां मध्याह्ने दुस्तरे जले ।
दुर्गमे च महारण्ये राजद्वारे सहायके ॥ ११ ॥

sandhyākāle niśīthinyāṃ madhyāhne dustare jale
durgame ca mahāraṇye rājadvāre sahāyake

Meaning open with adhikāra · अर्थ अधिकार से

Verse 12

तुमुले रणमध्ये च सर्पदुष्टमृगादिषु ।
चोरादिसाध्वसेऽभेद्ये ज्वरादिव्याधिपीडिते ॥ १२ ॥

tumule raṇamadhye ca sarpaduṣṭamṛgādiṣu
corādisādhvase'bhedye jvarādivyādhipīḍite

Meaning open with adhikāra · अर्थ अधिकार से

Verse 13

दुष्टग्रहादिभीतौ च दुर्निमित्तादिभीषणे ।
अस्त्रशस्त्रनिघातेषु त्रातु मां क्रौञ्चरन्ध्रकृत् ॥ १३ ॥

duṣṭagrahādibhītau ca durnimittādibhīṣaṇe
astraśastranighāteṣu trātu māṃ krauñcarandhrakṛt

Meaning open with adhikāra · अर्थ अधिकार से

Verse 14

सुब्रह्मण्यस्य कवचमिष्टसिद्धिफलं भवेत् ।
तस्य तापत्रयं नास्ति सत्यं सत्यं वदाम्यहम् ॥ १४ ॥

subrahmaṇyasya kavacamiṣṭasiddhiphalaṃ bhavet
tasya tāpatrayaṃ nāsti satyaṃ satyaṃ vadāmyaham

Meaning open with adhikāra · अर्थ अधिकार से

Verse 15

धर्मार्थी लभते धर्मानर्थार्थी चार्थमाप्नुयात् ।
कामार्थी लभते कामान् मोक्षार्थी मोक्षमाप्नुयात् ॥ १५ ॥

dharmārthī labhate dharmānarthārthī cārthamāpnuyāt
kāmārthī labhate kāmān mokṣārthī mokṣamāpnuyāt

Meaning open with adhikāra · अर्थ अधिकार से

Verse 16

यत्र यत्र जपेत् तत्र तत्र सन्निहितो गुहः ।
पूजाप्रतिष्ठाकाले च जपकाले पठेदिदम् ॥ १६ ॥

yatra yatra japet tatra tatra sannihito guhaḥ
pūjāpratiṣṭhākāle ca japakāle paṭhedidam

Meaning open with adhikāra · अर्थ अधिकार से

Verse 17

तेषामेव फलावाप्त्यै महापातकनाशनम् ।
यः पठेच्छृणुयाद्भक्त्या नित्यं देवस्य सन्निधौ ।
सर्वान् कामानिह प्राप्य सोऽन्ते स्कन्दपुरं व्रजेत् ॥ १७ ॥

teṣāmeva phalāvāptyai mahāpātakanāśanam
yaḥ paṭhecchṛṇuyādbhaktyā nityaṃ devasya sannidhau
sarvān kāmāniha prāpya so'nte skandapuraṃ vrajet

Meaning open with adhikāra · अर्थ अधिकार से

इति श्रीकुमारतन्त्रे सुब्रह्मण्यकवचविधिर्नाम अष्टचत्वारिंशत्पटलः ।

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Kartikeya कार्तिकेय Shiva and Parvati's son, the chief of the divine army.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras