श्रीसीताकवचम्

या सीताऽवनिसंभवाऽथ मिथिलापालेन संवर्द्धिता पद्माक्षावनिभुक्सुताऽनलगता या मातुलिंगोद्भवा ॥
या रत्ने लयमागता जलनिधौ या वेदपारं गता लंकां सा मृगलोचना शशिमुखी मां पातु रामप्रिया ॥ १ ॥

yā sītā'vanisaṃbhavā'tha mithilāpālena saṃvarddhitā padmākṣāvanibhuksutā'nalagatā yā mātuliṃgodbhavā
yā ratne layamāgatā jalanidhau yā vedapāraṃ gatā laṃkāṃ sā mṛgalocanā śaśimukhī māṃ pātu rāmapriyā

ॐ सीतां कमलपत्राक्षीं विद्युत्पुंजसमप्रभाम् ॥
द्विभुजां सुकुमारांगीं पीतकौशेयवासिनीम् ॥ १ ॥

oṃ sītāṃ kamalapatrākṣīṃ vidyutpuṃjasamaprabhām
dvibhujāṃ sukumārāṃgīṃ pītakauśeyavāsinīm

सिंहासने रामचन्द्रवामभागस्थितां वराम् ॥
नानालंकारसंयुक्तां कुंडलद्वयधारिणीम् ॥ २ ॥

siṃhāsane rāmacandravāmabhāgasthitāṃ varām
nānālaṃkārasaṃyuktāṃ kuṃḍaladvayadhāriṇīm

चूडाकंकणकेयूररशनानूपुरान्विताम् ॥
सीमन्ते रविचन्द्राभ्यां निटिले तिलकेन च ॥ ३ ॥

cūḍākaṃkaṇakeyūraraśanānūpurānvitām
sīmante ravicandrābhyāṃ niṭile tilakena ca

नूपुराभरणेनापि घ्राणेऽतिशोभितां शुभाम् ॥
हरिद्रां कज्जलं दिव्यं कुंकुमं कुसुमानि च ॥ ४ ॥

nūpurābharaṇenāpi ghrāṇe'tiśobhitāṃ śubhām
haridrāṃ kajjalaṃ divyaṃ kuṃkumaṃ kusumāni ca

Meaning open with adhikāra · अर्थ अधिकार से

बिभ्रतीं सुरभिद्रव्यं सुगंधस्नेहमुत्तमम् ॥
स्मिताननां गौरवर्णां मंदारकुसुमं करे ॥ ५ ॥

bibhratīṃ surabhidravyaṃ sugaṃdhasnehamuttamam
smitānanāṃ gauravarṇāṃ maṃdārakusumaṃ kare

Meaning open with adhikāra · अर्थ अधिकार से

बिभ्रतीमपरे हस्ते मातुलिंगमनुत्तमम् ॥
रम्यहासां च बिंबोष्ठीं चन्द्रवाहनलोचनाम् ॥ ६ ॥

bibhratīmapare haste mātuliṃgamanuttamam
ramyahāsāṃ ca biṃboṣṭhīṃ candravāhanalocanām

Meaning open with adhikāra · अर्थ अधिकार से

कलानाथसमानास्यां कलकंठमनोरमाम् ॥
मातुलिंगोद्भवां देवीं पद्माक्षदुहितां शुभाम् ॥ ७ ॥

kalānāthasamānāsyāṃ kalakaṃṭhamanoramām
mātuliṃgodbhavāṃ devīṃ padmākṣaduhitāṃ śubhām

Meaning open with adhikāra · अर्थ अधिकार से

मैथिलीं रामदयितां दासीभिः परिवीजिताम् ॥
एवं ध्यात्वा जनकजां हेमकुंभपयोधराम् ॥ ८ ॥

maithilīṃ rāmadayitāṃ dāsībhiḥ parivījitām
evaṃ dhyātvā janakajāṃ hemakuṃbhapayodharām

Meaning open with adhikāra · अर्थ अधिकार से

श्रीसीता पूर्वतः पातु दक्षिणेऽवतु जानकी ॥
प्रतीच्यां पातु वैदेही पातूदीच्यां च मैथिली ॥ ९ ॥

śrīsītā pūrvataḥ pātu dakṣiṇe'vatu jānakī
pratīcyāṃ pātu vaidehī pātūdīcyāṃ ca maithilī

Meaning open with adhikāra · अर्थ अधिकार से

अधः पातु मातुलिंगी ऊर्ध्वं पद्माक्षजाऽवतु ॥
मध्येऽवनिसुता पातु सर्वतः पातु मां रमा ॥ १० ॥

adhaḥ pātu mātuliṃgī ūrdhvaṃ padmākṣajā'vatu
madhye'vanisutā pātu sarvataḥ pātu māṃ ramā

Meaning open with adhikāra · अर्थ अधिकार से

स्मितानना शिरः पातु पातु भालं नृपात्मजा ॥
पद्माऽवतु भ्रुवोर्मध्ये मृगाक्षी नयनेऽवतु ॥ ११ ॥

smitānanā śiraḥ pātu pātu bhālaṃ nṛpātmajā
padmā'vatu bhruvormadhye mṛgākṣī nayane'vatu

Meaning open with adhikāra · अर्थ अधिकार से

कपोले कर्णमूले च पातु श्रीरामवल्लभा ॥
नासाग्रं सात्त्विकी पातु पातु वक्त्रं तु राजसी ॥ १२ ॥

kapole karṇamūle ca pātu śrīrāmavallabhā
nāsāgraṃ sāttvikī pātu pātu vaktraṃ tu rājasī

Meaning open with adhikāra · अर्थ अधिकार से

तामसी पातु मद्वाणीं पातु जिह्वां पतिव्रता ॥
दंतान् पातु महामाया चिबुकं कनकप्रभा ॥ १३ ॥

tāmasī pātu madvāṇīṃ pātu jihvāṃ pativratā
daṃtān pātu mahāmāyā cibukaṃ kanakaprabhā

Meaning open with adhikāra · अर्थ अधिकार से

पातु कंठं सौम्यरूपा स्कंधौ पातु सुरार्चिता ॥
भुजौ पातु वरारोहा करौ कंकणमंडिता ॥ १४ ॥

pātu kaṃṭhaṃ saumyarūpā skaṃdhau pātu surārcitā
bhujau pātu varārohā karau kaṃkaṇamaṃḍitā

Meaning open with adhikāra · अर्थ अधिकार से

नखान् रक्तनखा पातु कुक्षौ पातु लघूदरा ॥
वक्षः पातु रामपत्नी पार्श्वे रावणमोहिनी ॥ १५ ॥

nakhān raktanakhā pātu kukṣau pātu laghūdarā
vakṣaḥ pātu rāmapatnī pārśve rāvaṇamohinī

Meaning open with adhikāra · अर्थ अधिकार से

पृष्ठदेशे वह्निगुप्ताऽवतु मां सर्वदैव हि ॥
दिव्यप्रदा पातु नाभिं कटिं राक्षसमोहिनी ॥ १६ ॥

pṛṣṭhadeśe vahniguptā'vatu māṃ sarvadaiva hi
divyapradā pātu nābhiṃ kaṭiṃ rākṣasamohinī

Meaning open with adhikāra · अर्थ अधिकार से

गुह्यं पातु रत्नगुप्ता लिंगं पातु हरिप्रिया ॥
ऊरू रक्षतु रंभोरूर्जानुनी प्रियभाषिणी ॥ १७ ॥

guhyaṃ pātu ratnaguptā liṃgaṃ pātu haripriyā
ūrū rakṣatu raṃbhorūrjānunī priyabhāṣiṇī

Meaning open with adhikāra · अर्थ अधिकार से

जंघे पातु सदा सुभ्रूर्गुल्फौ चामरवीजिता ॥
पादौ लवसुता पातु पात्वंगानि कुशांबिका ॥ १८ ॥

jaṃghe pātu sadā subhrūrgulphau cāmaravījitā
pādau lavasutā pātu pātvaṃgāni kuśāṃbikā

Meaning open with adhikāra · अर्थ अधिकार से

पादांगुलीः सदा पातु मम नूपुरनिःस्वना ॥
रोमाण्यवतु मे नित्यं पीतकौशेयवासिनी ॥ १९ ॥

pādāṃgulīḥ sadā pātu mama nūpuraniḥsvanā
romāṇyavatu me nityaṃ pītakauśeyavāsinī

Meaning open with adhikāra · अर्थ अधिकार से

रात्रौ पातु कालरूपा दिने दानैकतत्परा ॥
सर्वकालेषु मां पातु मूलकासुरघातिनी ॥ २० ॥

rātrau pātu kālarūpā dine dānaikatatparā
sarvakāleṣu māṃ pātu mūlakāsuraghātinī

Meaning open with adhikāra · अर्थ अधिकार से

एवं सुतीक्ष्ण सीतायाः कवचं ते मयेरितम् ॥
इदं प्रातः समुत्थाय स्नात्वा नित्यं पठेत्पुनः ॥ २१ ॥

evaṃ sutīkṣṇa sītāyāḥ kavacaṃ te mayeritam
idaṃ prātaḥ samutthāya snātvā nityaṃ paṭhetpunaḥ

Meaning open with adhikāra · अर्थ अधिकार से

जानकीं पूजयित्वा स सर्वान्कामानवाप्नुयात् ॥
धनार्थी प्राप्नुयाद्द्रव्यं पुत्रार्थी पुत्रमाप्नुयात् ॥ २२ ॥

jānakīṃ pūjayitvā sa sarvānkāmānavāpnuyāt
dhanārthī prāpnuyāddravyaṃ putrārthī putramāpnuyāt

Meaning open with adhikāra · अर्थ अधिकार से

स्त्रीकामार्थी शुभां नारीं सुखार्थी सौख्यमाप्नुयात् ॥
अष्टवारं जपनीयं सीतायाः कवचं सदा ॥ २३ ॥

strīkāmārthī śubhāṃ nārīṃ sukhārthī saukhyamāpnuyāt
aṣṭavāraṃ japanīyaṃ sītāyāḥ kavacaṃ sadā

अष्टभूसुरसीतायै नरैः प्रीत्यार्पयेत्सदा ॥
फलपुष्पादिकादीनि यानि तानि पृथक् पृथक् ॥ २४ ॥

aṣṭabhūsurasītāyai naraiḥ prītyārpayetsadā
phalapuṣpādikādīni yāni tāni pṛthak pṛthak

सीतायाः कवचं चेदं पुण्यं पातकनाशनम् ॥
ये पठंति नरा भक्त्या ते धन्या मानवा भुवि ॥ २५ ॥

sītāyāḥ kavacaṃ cedaṃ puṇyaṃ pātakanāśanam
ye paṭhaṃti narā bhaktyā te dhanyā mānavā bhuvi

ये पठंति रामकवचं सीतायाः कवचं विना ॥
तथा विना लक्ष्मणस्य कवचेन वृथा स्मृतम् ॥ २६ ॥

ye paṭhaṃti rāmakavacaṃ sītāyāḥ kavacaṃ vinā
tathā vinā lakṣmaṇasya kavacena vṛthā smṛtam