शिव चालीसा

जय गणेश गिरिजा सुवन मंगल मूल सुजान ।
कहत अयोध्यादास तुम देहु अभय वरदान ॥

jaya gaṇeśa girijā suvana maṃgala mūla sujāna
kahata ayodhyādāsa tuma dehu abhaya varadāna

जय गिरिजा पति दीन दयाला ।
सदा करत सन्तन प्रतिपाला ॥ १ ॥

jaya girijā pati dīna dayālā
sadā karata santana pratipālā

भाल चन्द्रमा सोहत नीके ।
कानन कुण्डल नागफनी के ॥ २ ॥

bhāla candramā sohata nīke
kānana kuṇḍala nāgaphanī ke

अंग गौर शिर गंग बहाये ।
मुण्डमाल तन क्षार लगाए ॥ ३ ॥

aṃga gaura śira gaṃga bahāye
muṇḍamāla tana kṣāra lagāe

वस्त्र खाल बाघम्बर सोहे ।
छवि को देखि नाग मन मोहे ॥ ४ ॥

vastra khāla bāghambara sohe
chavi ko dekhi nāga mana mohe

मैना मातु की हवे दुलारी ।
बाम अंग सोहत छवि न्यारी ॥ ५ ॥

mainā mātu kī have dulārī
bāma aṃga sohata chavi nyārī

कर त्रिशूल सोहत छवि भारी ।
करत सदा शत्रुन क्षयकारी ॥ ६ ॥

kara triśūla sohata chavi bhārī
karata sadā śatruna kṣayakārī

नन्दि गणेश सोहै तहँ कैसे ।
सागर मध्य कमल हैं जैसे ॥ ७ ॥

nandi gaṇeśa sohai taham̐ kaise
sāgara madhya kamala haiṃ jaise

कार्तिक श्याम और गणराऊ ।
या छवि को कहि जात न काऊ ॥ ८ ॥

kārtika śyāma aura gaṇarāū
yā chavi ko kahi jāta na kāū

देवन जबहीं जाय पुकारा ।
तब ही दुख प्रभु आप निवारा ॥ ९ ॥

devana jabahīṃ jāya pukārā
taba hī dukha prabhu āpa nivārā

किया उपद्रव तारक भारी ।
देवन सब मिलि तुमहिं जुहारी ॥ १० ॥

kiyā upadrava tāraka bhārī
devana saba mili tumahiṃ juhārī

तुरत षडानन आप पठायउ ।
लवनिमेष महँ मारि गिरायउ ॥ ११ ॥

turata ṣaḍānana āpa paṭhāyau
lavanimeṣa maham̐ māri girāyau

आप जलंधर असुर संहारा ।
सुयश तुम्हार विदित संसारा ॥ १२ ॥

āpa jalaṃdhara asura saṃhārā
suyaśa tumhāra vidita saṃsārā

त्रिपुरासुर सन युद्ध मचाई ।
सबहिं कृपा कर लीन बचाई ॥ १३ ॥

tripurāsura sana yuddha macāī
sabahiṃ kṛpā kara līna bacāī

किया तपहिं भागीरथ भारी ।
पुरब प्रतिज्ञा तासु पुरारी ॥ १४ ॥

kiyā tapahiṃ bhāgīratha bhārī
puraba pratijñā tāsu purārī

दानिन महँ तुम सम कोउ नाहीं ।
सेवक स्तुति करत सदाहीं ॥ १५ ॥

dānina maham̐ tuma sama kou nāhīṃ
sevaka stuti karata sadāhīṃ

वेद माहि महिमा तुम गाई ।
अकथ अनादि भेद नहिं पाई ॥ १६ ॥

veda māhi mahimā tuma gāī
akatha anādi bheda nahiṃ pāī

प्रकटी उदधि मंथन में ज्वाला ।
जरत सुरासुर भए विहाला ॥ १७ ॥

prakaṭī udadhi maṃthana meṃ jvālā
jarata surāsura bhae vihālā

कीन्ही दया तहं करी सहाई ।
नीलकण्ठ तब नाम कहाई ॥ १८ ॥

kīnhī dayā tahaṃ karī sahāī
nīlakaṇṭha taba nāma kahāī

पूजन रामचन्द्र जब कीन्हा ।
जीत के लंक विभीषण दीन्हा ॥ १९ ॥

pūjana rāmacandra jaba kīnhā
jīta ke laṃka vibhīṣaṇa dīnhā

सहस कमल में हो रहे धारी ।
कीन्ह परीक्षा तबहिं पुरारी ॥ २० ॥

sahasa kamala meṃ ho rahe dhārī
kīnha parīkṣā tabahiṃ purārī

एक कमल प्रभु राखेउ जोई ।
कमल नयन पूजन चहं सोई ॥ २१ ॥

eka kamala prabhu rākheu joī
kamala nayana pūjana cahaṃ soī

कठिन भक्ति देखी प्रभु शंकर ।
भए प्रसन्न दिए इच्छित वर ॥ २२ ॥

kaṭhina bhakti dekhī prabhu śaṃkara
bhae prasanna die icchita vara

जय जय जय अनन्त अविनाशी ।
करत कृपा सब के घटवासी ॥ २३ ॥

jaya jaya jaya ananta avināśī
karata kṛpā saba ke ghaṭavāsī

दुष्ट सकल नित मोहि सतावै ।
भ्रमत रहौं मोहि चैन न आवै ॥ २४ ॥

duṣṭa sakala nita mohi satāvai
bhramata rahauṃ mohi caina na āvai

त्राहि त्राहि मैं नाथ पुकारो ।
येहि अवसर मोहि आन उबारो ॥ २५ ॥

trāhi trāhi maiṃ nātha pukāro
yehi avasara mohi āna ubāro

लै त्रिशूल शत्रुन को मारो ।
संकट ते मोहि आन उबारो ॥ २६ ॥

lai triśūla śatruna ko māro
saṃkaṭa te mohi āna ubāro

मात-पिता भ्राता सब होई ।
संकट में पूछत नहिं कोई ॥ २७ ॥

māta-pitā bhrātā saba hoī
saṃkaṭa meṃ pūchata nahiṃ koī

स्वामी एक है आस तुम्हारी ।
आय हरहु मम संकट भारी ॥ २८ ॥

svāmī eka hai āsa tumhārī
āya harahu mama saṃkaṭa bhārī

धन निर्धन को देत सदा हीं ।
जो कोई जांचे सो फल पाहीं ॥ २९ ॥

dhana nirdhana ko deta sadā hīṃ
jo koī jāṃce so phala pāhīṃ

अस्तुति केहि विधि करैं तुम्हारी ।
क्षमहु नाथ अब चूक हमारी ॥ ३० ॥

astuti kehi vidhi karaiṃ tumhārī
kṣamahu nātha aba cūka hamārī

शंकर हो संकट के नाशन ।
मंगल कारण विघ्न विनाशन ॥ ३१ ॥

śaṃkara ho saṃkaṭa ke nāśana
maṃgala kāraṇa vighna vināśana

योगी यति मुनि ध्यान लगावैं ।
शारद नारद शीश नवावैं ॥ ३२ ॥

yogī yati muni dhyāna lagāvaiṃ
śārada nārada śīśa navāvaiṃ

नमो नमो जय नमः शिवाय ।
सुर ब्रह्मादिक पार न पाय ॥ ३३ ॥

namo namo jaya namaḥ śivāya
sura brahmādika pāra na pāya

जो यह पाठ करे मन लाई ।
ता पर होत है शम्भु सहाई ॥ ३४ ॥

jo yaha pāṭha kare mana lāī
tā para hota hai śambhu sahāī

ॠनियां जो कोई हो अधिकारी ।
पाठ करे सो पावन हारी ॥ ३५ ॥

ṝniyāṃ jo koī ho adhikārī
pāṭha kare so pāvana hārī

पुत्र हीन कर इच्छा जोई ।
निश्चय शिव प्रसाद तेहि होई ॥ ३६ ॥

putra hīna kara icchā joī
niścaya śiva prasāda tehi hoī

पण्डित त्रयोदशी को लावे ।
ध्यान पूर्वक होम करावे ॥ ३७ ॥

paṇḍita trayodaśī ko lāve
dhyāna pūrvaka homa karāve

त्रयोदशी व्रत करै हमेशा ।
ताके तन नहीं रहै कलेशा ॥ ३८ ॥

trayodaśī vrata karai hameśā
tāke tana nahīṃ rahai kaleśā

धूप दीप नैवेद्य चढ़ावे ।
शंकर सम्मुख पाठ सुनावे ॥ ३९ ॥

dhūpa dīpa naivedya caṛhāve
śaṃkara sammukha pāṭha sunāve

जन्म जन्म के पाप नसावे ।
अन्त धाम शिवपुर में पावे ॥ ४० ॥

janma janma ke pāpa nasāve
anta dhāma śivapura meṃ pāve

कहैं अयोध्यादास आस तुम्हारी ।
जानि सकल दुःख हरहु हमारी ॥ ४१ ॥

kahaiṃ ayodhyādāsa āsa tumhārī
jāni sakala duḥkha harahu hamārī

नित्त नेम कर प्रातः ही पाठ करौं चालीसा ।
तुम मेरी मनोकामना पूर्ण करो जगदीश ॥

nitta nema kara prātaḥ hī pāṭha karauṃ cālīsā
tuma merī manokāmanā pūrṇa karo jagadīśa

मगसर छठि हेमन्त ॠतु संवत चौसठ जान ।
अस्तुति चालीसा शिवहि पूर्ण कीन कल्याण ॥

magasara chaṭhi hemanta ṝtu saṃvata causaṭha jāna
astuti cālīsā śivahi pūrṇa kīna kalyāṇa