Rudrayāmala Tantra · as given in the Devīrahasya

शारिकाकवचम्

Sharika Kavacham (Rudrayamala) — The armour of the goddess Śārikā, called "bewildering of the three worlds"

A Kavach of the goddess Śārikā, one of the great mother-forms of the Tantras. Bhairava says it is made of the root mantra and that it is hard to find in the three worlds. A dhyāna verse comes first. Then the seed-syllables (Bija Mantra) and the letters of the alphabet are set on the body, each joined to a goddess; the directions, the hours of the day and night and the guardians follow, and at last all that one owns. The closing verses tell what the reading gives and say that it is to be kept hidden and given only to one who is initiated; the Yogini are named as those who punish its misuse.

Verse 1

श्रीभैरव उवाच — श्रीभैरव बोले Śrī Bhairava said

अधुना शृणु देवेशि शारिकाकवचं परम् ।
त्रैलोक्यमोहनं नाम मूलमन्त्रमयं परम् ॥ १ ॥

adhunā śṛṇu deveśi śārikākavacaṃ param
trailokyamohanaṃ nāma mūlamantramayaṃ param

Meaning open with adhikāra · अर्थ अधिकार से

Verse 2-3

यस्य श्रवणमात्रेण सर्वमन्त्रफलं लभेत् ।
सर्वापत्तारणं दिव्यं सर्वसिद्धिप्रदं कलौ ॥ २ ॥
सर्वस्वं मे रहस्यं मे परमं परमाद्भुतम् ।
धारणादस्य देवेशि विष्णुना स जलोद्भवः ॥ ३ ॥

yasya śravaṇamātreṇa sarvamantraphalaṃ labhet
sarvāpattāraṇaṃ divyaṃ sarvasiddhipradaṃ kalau
sarvasvaṃ me rahasyaṃ me paramaṃ paramādbhutam
dhāraṇādasya deveśi viṣṇunā sa jalodbhavaḥ

Meaning open with adhikāra · अर्थ अधिकार से

Verse 4-5

दानवेन्द्रो हतः शीघ्रमन्धकारो यथेन्दुना ।
मयापि त्रिपुराध्यक्षो दानवो जिष्णुना बलः ॥ ४ ॥
जम्भो वृत्रासुरो देवि प्रभावादस्य वर्मणः ।
कवचस्यास्य देवेशि ऋषिर्भैरव ईरितः ॥ ५ ॥

dānavendro hataḥ śīghramandhakāro yathendunā
mayāpi tripurādhyakṣo dānavo jiṣṇunā balaḥ
jambho vṛtrāsuro devi prabhāvādasya varmaṇaḥ
kavacasyāsya deveśi ṛṣirbhairava īritaḥ

Meaning open with adhikāra · अर्थ अधिकार से

Verse 6

त्रिष्टुप् छन्दो देवता च त्रैलोक्यमोहनेश्वरी ।
शारिका शर्म बीजं च मा शक्तिः कीलकं गजः ।
त्रैलोक्यमोहविद्यार्थे विनियोगः प्रकीर्तितः ॥ ६ ॥

triṣṭup chando devatā ca trailokyamohaneśvarī
śārikā śarma bījaṃ ca mā śaktiḥ kīlakaṃ gajaḥ
trailokyamohavidyārthe viniyogaḥ prakīrtitaḥ

Meaning open with adhikāra · अर्थ अधिकार से

ध्यानम्Dhyāna

Verse dh1

श्रीशङ्खचक्रमुसलाम्बुजयुग्महस्तां
नागेन्द्रहारवलयां सितकण्ठमाल्याम् ।
सिन्दूरकुङ्कुमसहस्रमरीचिदीप्तिं
श्रीशारिकां त्रिनयनां हृदये स्मरामि ॥

śrīśaṅkhacakramusalāmbujayugmahastāṃ
nāgendrahāravalayāṃ sitakaṇṭhamālyām
sindūrakuṅkumasahasramarīcidīptiṃ
śrīśārikāṃ trinayanāṃ hṛdaye smarāmi

Meaning open with adhikāra · अर्थ अधिकार से

कवचम्The armour

Verse 7

ॐ मे दुर्गा शिरः पायादेकाक्षरविभूषणा ।
ॐ ह्रीं चण्डी ललाटं मे जगदुल्लासरूपिणी ॥ ७ ॥

oṃ me durgā śiraḥ pāyādekākṣaravibhūṣaṇā
oṃ hrīṃ caṇḍī lalāṭaṃ me jagadullāsarūpiṇī

Meaning open with adhikāra · अर्थ अधिकार से

Verse 8-9

ॐ ह्रीं श्रीं त्र्यक्षरा पातु भ्रुवौ मे भगमालिनी ।
ॐ ह्रीं श्रीं हूं च नेत्रेऽव्यात् सर्वमङ्गलमङ्गला ॥ ८ ॥
ॐ ह्रीं श्रीं हूं फ्रां अव्यान्मे श्रुती शङ्करवल्लभा ।
ॐ ह्रीं श्रीं हूं फ्रां आं पातु नासां नारायणेश्वरी ॥ ९ ॥

oṃ hrīṃ śrīṃ tryakṣarā pātu bhruvau me bhagamālinī
oṃ hrīṃ śrīṃ hūṃ ca netre'vyāt sarvamaṅgalamaṅgalā
oṃ hrīṃ śrīṃ hūṃ phrāṃ avyānme śrutī śaṅkaravallabhā
oṃ hrīṃ śrīṃ hūṃ phrāṃ āṃ pātu nāsāṃ nārāyaṇeśvarī

Meaning open with adhikāra · अर्थ अधिकार से

Verse 10-11

ॐ ह्रीं श्रीं हूं फ्रां आं शां मे पातु वक्त्रं सरस्वती ।
अंआंइंईं रदान् पातु मातृकाशेखरेश्वरी ॥ १० ॥
उंऊंऋंॠं लृंॡंएंऐं पायादोष्ठौ भवप्रिया ।
ओंऔंअंअः गलं पातु नीलकण्ठासनेश्वरी ॥ ११ ॥

oṃ hrīṃ śrīṃ hūṃ phrāṃ āṃ śāṃ me pātu vaktraṃ sarasvatī
aṃāṃiṃīṃ radān pātu mātṛkāśekhareśvarī
uṃūṃṛṃṝṃ lṛṃḹṃeṃaiṃ pāyādoṣṭhau bhavapriyā
oṃauṃaṃaḥ galaṃ pātu nīlakaṇṭhāsaneśvarī

Meaning open with adhikāra · अर्थ अधिकार से

Verse 12-13

कंखंगंघंङं मे पातु स्कन्धौ स्कन्दसमर्चिता ।
चंछंजंझंञं मे पायाद् वक्षो वामप्रियाम्बिका ॥ १२ ॥
टंठंडंढंणं मे पातु पार्श्वौ पर्वतनन्दिनी ।
तंथंदंधंनं मे पातु कुक्षिं कुलाकुलेश्वरी ॥ १३ ॥

kaṃkhaṃgaṃghaṃṅaṃ me pātu skandhau skandasamarcitā
caṃchaṃjaṃjhaṃñaṃ me pāyād vakṣo vāmapriyāmbikā
ṭaṃṭhaṃḍaṃḍhaṃṇaṃ me pātu pārśvau parvatanandinī
taṃthaṃdaṃdhaṃnaṃ me pātu kukṣiṃ kulākuleśvarī

Meaning open with adhikāra · अर्थ अधिकार से

Verse 14-15

पंफंबंभंमं मे पातु नाभिं नारदसेविता ।
यंरंलंवं गुदं पातु गुह्यकेश्वरपूजिता ॥ १४ ॥
शंषंसंहं कटिं पातु देवी कात्यायनी सदा ।
ळंक्षः ऊरू सदा पातु सर्वसारस्वतप्रदा ॥ १५ ॥

paṃphaṃbaṃbhaṃmaṃ me pātu nābhiṃ nāradasevitā
yaṃraṃlaṃvaṃ gudaṃ pātu guhyakeśvarapūjitā
śaṃṣaṃsaṃhaṃ kaṭiṃ pātu devī kātyāyanī sadā
ḷaṃkṣaḥ ūrū sadā pātu sarvasārasvatapradā

Meaning open with adhikāra · अर्थ अधिकार से

Verse 16-17

ॐ शां जानू शिवा पातु ॐ श्रां जङ्घेऽवतादुमा ।
ॐ फ्रां पादौ सदा पातु राजमातङ्गिनी मम ॥ १६ ॥
ॐ हूं पादादिमूर्धान्तं वपुर्मे पातु कुब्जिका ।
ॐ श्रीं मूर्धादिपादान्तं वपुर्मे पातु शारदा ॥ १७ ॥

oṃ śāṃ jānū śivā pātu oṃ śrāṃ jaṅghe'vatādumā
oṃ phrāṃ pādau sadā pātu rājamātaṅginī mama
oṃ hūṃ pādādimūrdhāntaṃ vapurme pātu kubjikā
oṃ śrīṃ mūrdhādipādāntaṃ vapurme pātu śāradā

Meaning open with adhikāra · अर्थ अधिकार से

Verse 18-19

ॐ ह्रीं सप्ताक्षरी पातु शारिका सकलं वपुः ।
पूर्वे मां पातु ब्रह्माणी वह्नौ मे वैष्णवी सदा ॥ १८ ॥
दक्षिणेऽवतु मां चण्डी नैर्ऋते माऽपराजिता ।
पश्चिमेऽवतु कौमारी वायव्ये शाम्भवी च माम् ॥ १९ ॥

oṃ hrīṃ saptākṣarī pātu śārikā sakalaṃ vapuḥ
pūrve māṃ pātu brahmāṇī vahnau me vaiṣṇavī sadā
dakṣiṇe'vatu māṃ caṇḍī nairṛte mā'parājitā
paścime'vatu kaumārī vāyavye śāmbhavī ca mām

Meaning open with adhikāra · अर्थ अधिकार से

Verse 20-21

वाराही चोत्तरे पायादीशाने नारसिंहिका ।
प्रभाते मामुमा पातु मध्ये कामाऽवताच्च माम् ॥ २० ॥
चार्वङ्गी मां दिनान्तेऽव्यान्निशादौ टङ्कधारिणी ।
निशीथेऽव्यादुग्रतारा निशान्ते पार्वती च माम् ॥ २१ ॥

vārāhī cottare pāyādīśāne nārasiṃhikā
prabhāte māmumā pātu madhye kāmā'vatācca mām
cārvaṅgī māṃ dinānte'vyānniśādau ṭaṅkadhāriṇī
niśīthe'vyādugratārā niśānte pārvatī ca mām

Meaning open with adhikāra · अर्थ अधिकार से

Verse 22-23

सर्वत्र यक्षिणी पातु शिवा मां पातु सर्वदा ।
असिताङ्गः क्षितेः पातु रुरुर्मां पातु पाथसः ॥ २२ ॥
चण्डो मां पातु मरुतः क्रोधोऽव्यान्मां हुताशनात् ।
उन्मत्तः सोमतः पातु कपाली सूर्यतोऽवतु ॥ २३ ॥

sarvatra yakṣiṇī pātu śivā māṃ pātu sarvadā
asitāṅgaḥ kṣiteḥ pātu rururmāṃ pātu pāthasaḥ
caṇḍo māṃ pātu marutaḥ krodho'vyānmāṃ hutāśanāt
unmattaḥ somataḥ pātu kapālī sūryato'vatu

Meaning open with adhikāra · अर्थ अधिकार से

Verse 24-25

भीषणो यज्ञविघ्नात् संहारः शून्यमण्डलात् ।
रणे मां कालिका पातु द्यूते त्रिपुरसुन्दरी ॥ २४ ॥
दुर्गावतु विवादे मां श्रीचक्रं सर्वदावतु ।
सर्वत्र सर्वदा देवी पातु मां शारिका परा ॥ २५ ॥

bhīṣaṇo yajñavighnāt saṃhāraḥ śūnyamaṇḍalāt
raṇe māṃ kālikā pātu dyūte tripurasundarī
durgāvatu vivāde māṃ śrīcakraṃ sarvadāvatu
sarvatra sarvadā devī pātu māṃ śārikā parā

Meaning open with adhikāra · अर्थ अधिकार से

Verse 26-27

धनं पुत्रं सुतान् दारान् गृहं यद्वस्तु मामकम् ।
तत्तन्मम शिवः पातु वामदेवश्चिदीश्वरः ॥ २६ ॥
इत्येतत् कवचं दिव्यं त्रिषु लोकेषु दुर्लभम् ।
त्रैलोक्यमोहनं नाम शारिकाया रहस्यकम् ॥ २७ ॥

dhanaṃ putraṃ sutān dārān gṛhaṃ yadvastu māmakam
tattanmama śivaḥ pātu vāmadevaścidīśvaraḥ
ityetat kavacaṃ divyaṃ triṣu lokeṣu durlabham
trailokyamohanaṃ nāma śārikāyā rahasyakam

Meaning open with adhikāra · अर्थ अधिकार से

फलश्रुतिःFruit of reading

Verse 28-29

विनामुना न सिद्धिः स्यात् कवचेन्द्रेण पार्वति ।
कोटिलक्षप्रजप्तस्य मन्त्रस्यास्य महेश्वरि ॥ २८ ॥
तस्मात् पठेच्छिवे वर्म मनुगर्भमनुत्तमम् ।
सर्वोत्पातप्रशमनं बलबुद्धिप्रवर्धनम् ॥ २९ ॥

vināmunā na siddhiḥ syāt kavacendreṇa pārvati
koṭilakṣaprajaptasya mantrasyāsya maheśvari
tasmāt paṭhecchive varma manugarbhamanuttamam
sarvotpātapraśamanaṃ balabuddhipravardhanam

Meaning open with adhikāra · अर्थ अधिकार से

Verse 30-31

परमानन्ददं लोके परमैश्वर्यकारणम् ।
यः पठेत् पाठयेद्वापि शृणोति श्रावयेदपि ॥ ३० ॥
स एव भैरवाध्यक्षस्त्रैलोक्यविजयी विभुः ।
रवौ भूर्जे लिखेद्वर्म स्वयम्भूकुसुमस्रजा ॥ ३१ ॥

paramānandadaṃ loke paramaiśvaryakāraṇam
yaḥ paṭhet pāṭhayedvāpi śṛṇoti śrāvayedapi
sa eva bhairavādhyakṣastrailokyavijayī vibhuḥ
ravau bhūrje likhedvarma svayambhūkusumasrajā

Meaning open with adhikāra · अर्थ अधिकार से

Verse 32-33

कुसुमेनाष्टगन्धेन स्तन्येन निजरेतसा ।
धारयेन्मूर्ध्नि वा बाहौ प्राप्नुयात् परमां गतिम् ॥ ३२ ॥
धनकामी लभेद्वित्तं पुत्रकामी लभेत् प्रजाम् ।
रणे रिपून्नरो हत्वा कल्याणी गृहमाविशेत् ॥ ३३ ॥

kusumenāṣṭagandhena stanyena nijaretasā
dhārayenmūrdhni vā bāhau prāpnuyāt paramāṃ gatim
dhanakāmī labhedvittaṃ putrakāmī labhet prajām
raṇe ripūnnaro hatvā kalyāṇī gṛhamāviśet

Meaning open with adhikāra · अर्थ अधिकार से

Verse 34-35

धृत्वा वक्षसि देवेशि वाग्मित्वं जायते क्षणात् ।
वन्ध्या च काकवन्ध्या च मृतवत्सा लभेत् सुतान् ॥ ३४ ॥
मार्कण्डेयायुषो देवि साक्षाद्वैश्रवणोपमान् ।
किंकिं न लभते मर्त्यः पठन् कवचमुत्तमम् ॥ ३५ ॥

dhṛtvā vakṣasi deveśi vāgmitvaṃ jāyate kṣaṇāt
vandhyā ca kākavandhyā ca mṛtavatsā labhet sutān
mārkaṇḍeyāyuṣo devi sākṣādvaiśravaṇopamān
kiṃkiṃ na labhate martyaḥ paṭhan kavacamuttamam

Meaning open with adhikāra · अर्थ अधिकार से

Verse 36-37

यः पठेदर्धरात्रे तु श्मशाने मुक्तकुन्तलः ।
पीत्वा शीधुं स देवेशि देवीदर्शनमाप्नुयात् ॥ ३६ ॥
स्तम्भयेद्भास्करं वायुं मोहयेत् त्रिजगद् ध्रुवम् ।
बहु किं कथ्यतां तस्य कवचस्यास्य धारणात् ॥ ३७ ॥

yaḥ paṭhedardharātre tu śmaśāne muktakuntalaḥ
pītvā śīdhuṃ sa deveśi devīdarśanamāpnuyāt
stambhayedbhāskaraṃ vāyuṃ mohayet trijagad dhruvam
bahu kiṃ kathyatāṃ tasya kavacasyāsya dhāraṇāt

Meaning open with adhikāra · अर्थ अधिकार से

Verse 38-39

पठनाच्छ्रवणाद् वापि स भवेद् भैरवोपमः ।
इतीदं कवचं देवि त्रैलोक्यवशकारणम् ॥ ३८ ॥
त्रैलोक्यमोहनं नाम गोपनीयं सुरेश्वरि ।
यस्य कस्य न दातव्यं विना शिष्येण पार्वति ॥ ३९ ॥

paṭhanācchravaṇād vāpi sa bhaved bhairavopamaḥ
itīdaṃ kavacaṃ devi trailokyavaśakāraṇam
trailokyamohanaṃ nāma gopanīyaṃ sureśvari
yasya kasya na dātavyaṃ vinā śiṣyeṇa pārvati

Meaning open with adhikāra · अर्थ अधिकार से

Verse 40-41

दीक्षिताय कुलीनाय दत्त्वा मोक्षमवाप्नुयात् ।
विना दानं न गृह्णीयान्न दद्याद् दक्षिणां विना ॥ ४० ॥
दत्त्वा गृहीत्वाप्युभयोः सिद्धिहानिर्भवेद् ध्रुवम् ।
अन्यथा यस्तु गृह्णीयाद् दद्याद्वा कवचेश्वरम् ॥ ४१ ॥

dīkṣitāya kulīnāya dattvā mokṣamavāpnuyāt
vinā dānaṃ na gṛhṇīyānna dadyād dakṣiṇāṃ vinā
dattvā gṛhītvāpyubhayoḥ siddhihānirbhaved dhruvam
anyathā yastu gṛhṇīyād dadyādvā kavaceśvaram

Meaning open with adhikāra · अर्थ अधिकार से

Verse 42-43

पुत्रान् दारान् सुतांश्चैव तस्य योगिन्यो भक्षयन्ति हि ।
अज्ञात्वा कवचं देवि पूजयेच्छ्रीशिलां शिवे ॥ ४२ ॥
स भवेच्छिवहा सत्यं सर्वोपद्रवसङ्कुलः ।
धृत्वा यः कवचं देवि पूजयेच्छ्रीशिलां शिवे ॥ ४३ ॥

putrān dārān sutāṃścaiva tasya yoginyo bhakṣayanti hi
ajñātvā kavacaṃ devi pūjayecchrīśilāṃ śive
sa bhavecchivahā satyaṃ sarvopadravasaṅkulaḥ
dhṛtvā yaḥ kavacaṃ devi pūjayecchrīśilāṃ śive

Meaning open with adhikāra · अर्थ अधिकार से

तस्य uncertain

Verse 44-45

स एव परमां सिद्धिं लभते नात्र संशयः ।
इतीदं कवचं देवि सारं सर्वस्वमुत्तमम् ॥ ४४ ॥
रहस्यं शारिकारत्नं गोपनीयं स्वयोनिवत् ।
सर्वकामप्रदं दिव्यं त्रैलोक्यमोहनाभिधम् ॥ ४५ ॥

sa eva paramāṃ siddhiṃ labhate nātra saṃśayaḥ
itīdaṃ kavacaṃ devi sāraṃ sarvasvamuttamam
rahasyaṃ śārikāratnaṃ gopanīyaṃ svayonivat
sarvakāmapradaṃ divyaṃ trailokyamohanābhidham

Meaning open with adhikāra · अर्थ अधिकार से

इति श्रीरुद्रयामले तन्त्रे शारिकाकवचं समाप्तम् ।

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Yogini योगिनी A class of female Tantric deities/attendants, often grouped in a set of sixty-four (Chausath Yogini).

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras