Atharvaṇa Rahasya

श्रीसप्तमुखीहनुमत्कवचम्

Saptamukhi Hanuman Kavacham (Atharvana Rahasya) — The armour of the seven-faced Hanumān, spoken by Brahmā

A Kavach of Hanuman in his seven-faced form: monkey, man-lion, Garuḍa, boar, horse, cow and man. Brahmā speaks it. After a meditation on the seven faces, each part of the body from the crest of hair to the feet is given to one of his sevenfold names to guard. Seven mantras, one for each face, follow, and the last verses say what reciting it brings.

ध्यानम्Meditation

Verse dh1

वन्दे वानरसिंहसर्परिपुवाराहाश्वगोमानुषैर्युक्तं सप्तमुखैः करैर्द्रुमगिरिं चक्रं गदां खेटकम् ।
खट्वाङ्गं हलमङ्कुशं फणिसुधाकुम्भौ शराब्जाभयान् शूलं सप्तशिखं दधानममरैः सेव्यं कपिं कामदम् ॥

vande vānarasiṃhasarparipuvārāhāśvagomānuṣairyuktaṃ saptamukhaiḥ karairdrumagiriṃ cakraṃ gadāṃ kheṭakam
khaṭvāṅgaṃ halamaṅkuśaṃ phaṇisudhākumbhau śarābjābhayān śūlaṃ saptaśikhaṃ dadhānamamaraiḥ sevyaṃ kapiṃ kāmadam

Meaning open with adhikāra · अर्थ अधिकार से

Verse 1

ब्रह्मोवाच — ब्रह्मा ने कहा Brahmā said

सप्तशीर्ष्णः प्रवक्ष्यामि कवचं सर्वसिद्धिदम् ।
जप्त्वा हनुमतो नित्यं सर्वपापैः प्रमुच्यते ॥ १ ॥

saptaśīrṣṇaḥ pravakṣyāmi kavacaṃ sarvasiddhidam
japtvā hanumato nityaṃ sarvapāpaiḥ pramucyate

Meaning open with adhikāra · अर्थ अधिकार से

अथ कवचम्The armour

Verse 2

सप्तस्वर्गपतिः पायाच्छिखां मे मारुतात्मजः ।
सप्तमूर्धा शिरोऽव्यान्मे सप्तार्चिर्भालदेशकम् ॥ २ ॥

saptasvargapatiḥ pāyācchikhāṃ me mārutātmajaḥ
saptamūrdhā śiro'vyānme saptārcirbhāladeśakam

Meaning open with adhikāra · अर्थ अधिकार से

Verse 3

त्रिःसप्तनेत्रो नेत्रेऽव्यात्सप्तस्वरगतिः श्रुती ।
नासां सप्तपदार्थोऽव्यान्मुखं सप्तमुखोऽवतु ॥ ३ ॥

triḥsaptanetro netre'vyātsaptasvaragatiḥ śrutī
nāsāṃ saptapadārtho'vyānmukhaṃ saptamukho'vatu

Meaning open with adhikāra · अर्थ अधिकार से

Verse 4

सप्तजिह्वस्तु रसनां रदान्सप्तहयोऽवतु ।
सप्तच्छन्दो हरिः पातु कण्ठं बाहू गिरिस्थितः ॥ ४ ॥

saptajihvastu rasanāṃ radānsaptahayo'vatu
saptacchando hariḥ pātu kaṇṭhaṃ bāhū giristhitaḥ

Meaning open with adhikāra · अर्थ अधिकार से

Verse 5

करौ चतुर्दशकरो भूधरोऽव्यान्ममाङ्गुलीः ।
सप्तर्षिध्यातो हृदयमुदरं कुक्षिसागरः ॥ ५ ॥

karau caturdaśakaro bhūdharo'vyānmamāṅgulīḥ
saptarṣidhyāto hṛdayamudaraṃ kukṣisāgaraḥ

Meaning open with adhikāra · अर्थ अधिकार से

Verse 6

सप्तद्वीपपतिश्चित्तं सप्तव्याहृतिरूपवान् ।
कटिं मे सप्तसंस्थार्थदायकः सक्थिनी मम ॥ ६ ॥

saptadvīpapatiścittaṃ saptavyāhṛtirūpavān
kaṭiṃ me saptasaṃsthārthadāyakaḥ sakthinī mama

Meaning open with adhikāra · अर्थ अधिकार से

Verse 7

सप्तग्रहस्वरूपी मे जानुनी जङ्घयोस्तथा ।
सप्तधान्यप्रियः पादौ सप्तपातालधारकः ॥ ७ ॥

saptagrahasvarūpī me jānunī jaṅghayostathā
saptadhānyapriyaḥ pādau saptapātāladhārakaḥ

Meaning open with adhikāra · अर्थ अधिकार से

Verse 8

पशून्धनं च धान्यं च लक्ष्मीं लक्ष्मीप्रदोऽवतु ।
दारान् पुत्रांश्च कन्याश्च कुटुम्बं विश्वपालकः ॥ ८ ॥

paśūndhanaṃ ca dhānyaṃ ca lakṣmīṃ lakṣmīprado'vatu
dārān putrāṃśca kanyāśca kuṭumbaṃ viśvapālakaḥ

Meaning open with adhikāra · अर्थ अधिकार से

Verse 9

अनुक्तस्थानमपि मे पायाद्वायुसुतः सदा ।
चौरेभ्यो व्यालदंष्ट्रिभ्यः शृङ्गिभ्यो भूतराक्षसात् ॥ ९ ॥

anuktasthānamapi me pāyādvāyusutaḥ sadā
caurebhyo vyāladaṃṣṭribhyaḥ śṛṅgibhyo bhūtarākṣasāt

Meaning open with adhikāra · अर्थ अधिकार से

Verse 10

दैत्येभ्योऽप्यथ यक्षेभ्यो ब्रह्मराक्षसजाद्भयात् ।
दंष्ट्राकरालवदनो हनुमान् मां सदाऽवतु ॥ १० ॥

daityebhyo'pyatha yakṣebhyo brahmarākṣasajādbhayāt
daṃṣṭrākarālavadano hanumān māṃ sadā'vatu

Meaning open with adhikāra · अर्थ अधिकार से

Verse 11

परशस्त्रमन्त्रतन्त्रयन्त्राग्निजलविद्युतः ।
रुद्रांशः शत्रुसङ्ग्रामात्सर्वावस्थासु सर्वभृत् ॥ ११ ॥

paraśastramantratantrayantrāgnijalavidyutaḥ
rudrāṃśaḥ śatrusaṅgrāmātsarvāvasthāsu sarvabhṛt

Meaning open with adhikāra · अर्थ अधिकार से

मन्त्राःThe seven face-mantras

Verse 12

ॐ नमो भगवते सप्तवदनाय आद्यकपिमुखाय वीरहनुमते
सर्वशत्रुसंहारणाय ठं ठं ठं ठं ठं ठं ठं ॐ नमः स्वाहा ॥ १२ ॥

oṃ namo bhagavate saptavadanāya ādyakapimukhāya vīrahanumate
sarvaśatrusaṃhāraṇāya ṭhaṃ ṭhaṃ ṭhaṃ ṭhaṃ ṭhaṃ ṭhaṃ ṭhaṃ oṃ namaḥ svāhā

Meaning open with adhikāra · अर्थ अधिकार से

Verse 13

ॐ नमो भगवते सप्तवदनाय द्वितीयनारसिंहास्याय अत्युग्रतेजोवपुषे
भीषणाय भयनाशनाय हं हं हं हं हं हं हं ॐ नमः स्वाहा ॥ १३ ॥

oṃ namo bhagavate saptavadanāya dvitīyanārasiṃhāsyāya atyugratejovapuṣe
bhīṣaṇāya bhayanāśanāya haṃ haṃ haṃ haṃ haṃ haṃ haṃ oṃ namaḥ svāhā

Meaning open with adhikāra · अर्थ अधिकार से

Verse 14

ॐ नमो भगवते सप्तवदनाय तृतीयगरुडवक्त्राय वज्रदंष्ट्राय
महाबलाय सर्वरोगविनाशाय मं मं मं मं मं मं मं ॐ नमः स्वाहा ॥ १४ ॥

oṃ namo bhagavate saptavadanāya tṛtīyagaruḍavaktrāya vajradaṃṣṭrāya
mahābalāya sarvarogavināśāya maṃ maṃ maṃ maṃ maṃ maṃ maṃ oṃ namaḥ svāhā

Meaning open with adhikāra · अर्थ अधिकार से

Verse 15

ॐ नमो भगवते सप्तवदनाय चतुर्थक्रोडतुण्डाय सौमित्रिरक्षकाय
पुत्राद्यभिवृद्धिकराय लं लं लं लं लं लं लं ॐ नमः स्वाहा ॥ १५ ॥

oṃ namo bhagavate saptavadanāya caturthakroḍatuṇḍāya saumitrirakṣakāya
putrādyabhivṛddhikarāya laṃ laṃ laṃ laṃ laṃ laṃ laṃ oṃ namaḥ svāhā

Meaning open with adhikāra · अर्थ अधिकार से

Verse 16

ॐ नमो भगवते सप्तवदनाय पञ्चमाश्ववदनाय रुद्रमूर्तये सर्ववशीकरणाय सर्वनिगमस्वरूपाय रुं रुं रुं रुं रुं रुं रुं ॐ नमः स्वाहा ॥ १६ ॥

oṃ namo bhagavate saptavadanāya pañcamāśvavadanāya rudramūrtaye sarvavaśīkaraṇāya sarvanigamasvarūpāya ruṃ ruṃ ruṃ ruṃ ruṃ ruṃ ruṃ oṃ namaḥ svāhā

Meaning open with adhikāra · अर्थ अधिकार से

Verse 17

ॐ नमो भगवते सप्तवदनाय षष्ठगोमुखाय सूर्यस्वरूपाय
सर्वरोगहराय मुक्तिदात्रे ॐ ॐ ॐ ॐ ॐ ॐ ॐ ॐ नमः स्वाहा ॥ १७ ॥

oṃ namo bhagavate saptavadanāya ṣaṣṭhagomukhāya sūryasvarūpāya
sarvarogaharāya muktidātre oṃ oṃ oṃ oṃ oṃ oṃ oṃ oṃ namaḥ svāhā

Meaning open with adhikāra · अर्थ अधिकार से

Verse 18

ॐ नमो भगवते सप्तवदनाय सप्तममानुषमुखाय
रुद्रावताराय अञ्जनासुताय सकलदिग्यशोविस्तारकाय वज्रदेहाय
सुग्रीवसाह्यकराय उदधिलङ्घनाय सीताशुद्धिकराय लङ्कादहनाय
अनेकराक्षसान्तकाय रामानन्ददायकाय अनेकपर्वतोत्पाटकाय
सेतुबन्धकाय कपिसैन्यनायकाय रावणान्तकाय ब्रह्मचर्याश्रमिणे
कौपीनब्रह्मसूत्रधारकाय रामहृदयाय सर्वदुष्टग्रहनिवारणाय
शाकिनीडाकिनीवेतालब्रह्मराक्षसभैरवग्रहयक्षग्रहपिशाचग्रहब्रह्मग्रहक्षत्रियग्रहवैश्यग्रहशूद्रग्रहान्त्यजग्रहम्लेच्छग्रहसर्पग्रहोच्चाटकाय
मम सर्व कार्यसाधकाय सर्वशत्रुसंहारकाय
सिंहव्याघ्रादिदुष्टसत्वाकर्षकायैकाहिकादिविविधज्वरच्छेदकाय
परयन्त्रमन्त्रतन्त्रनाशकाय सर्वव्याधिनिकृन्तकाय
सर्पादिसर्वस्थावरजङ्गमविषस्तम्भनकराय
सर्वराजभयचोरभयाऽग्निभयप्रशमनायाऽऽध्यात्मिकाऽऽधिदैविकाधिभौतिकतापत्रयनिवारणाय सर्वविद्यासर्वसम्पत्सर्वपुरुषार्थदायकायाऽसाध्यकार्यसाधकाय सर्ववरप्रदाय सर्वाऽभीष्टकराय
ॐ ह्रां ह्रीं ह्रूं ह्रैं ह्रौं ह्रः ॐ नमः स्वाहा ॥ १८ ॥

oṃ namo bhagavate saptavadanāya saptamamānuṣamukhāya
rudrāvatārāya añjanāsutāya sakaladigyaśovistārakāya vajradehāya
sugrīvasāhyakarāya udadhilaṅghanāya sītāśuddhikarāya laṅkādahanāya
anekarākṣasāntakāya rāmānandadāyakāya anekaparvatotpāṭakāya
setubandhakāya kapisainyanāyakāya rāvaṇāntakāya brahmacaryāśramiṇe
kaupīnabrahmasūtradhārakāya rāmahṛdayāya sarvaduṣṭagrahanivāraṇāya
śākinīḍākinīvetālabrahmarākṣasabhairavagrahayakṣagrahapiśācagrahabrahmagrahakṣatriyagrahavaiśyagrahaśūdragrahāntyajagrahamlecchagrahasarpagrahoccāṭakāya
mama sarva kāryasādhakāya sarvaśatrusaṃhārakāya
siṃhavyāghrādiduṣṭasatvākarṣakāyaikāhikādivividhajvaracchedakāya
parayantramantratantranāśakāya sarvavyādhinikṛntakāya
sarpādisarvasthāvarajaṅgamaviṣastambhanakarāya
sarvarājabhayacorabhayā'gnibhayapraśamanāyā''dhyātmikā''dhidaivikādhibhautikatāpatrayanivāraṇāya sarvavidyāsarvasampatsarvapuruṣārthadāyakāyā'sādhyakāryasādhakāya sarvavarapradāya sarvā'bhīṣṭakarāya
oṃ hrāṃ hrīṃ hrūṃ hraiṃ hrauṃ hraḥ oṃ namaḥ svāhā

Meaning open with adhikāra · अर्थ अधिकार से

फलश्रुतिःThe fruit of reciting it

Verse 19

य इदं कवचं नित्यं सप्तास्यस्य हनुमतः ।
त्रिसन्ध्यं जपते नित्यं सर्वशत्रुविनाशनम् ॥ १९ ॥

ya idaṃ kavacaṃ nityaṃ saptāsyasya hanumataḥ
trisandhyaṃ japate nityaṃ sarvaśatruvināśanam

Meaning open with adhikāra · अर्थ अधिकार से

Verse 20

पुत्रपौत्रप्रदं सर्वं सम्पद्राज्यप्रदं परम् ।
सर्वरोगहरं चाऽऽयुःकीर्त्तिदं पुण्यवर्धनम् ॥ २० ॥

putrapautrapradaṃ sarvaṃ sampadrājyapradaṃ param
sarvarogaharaṃ cā''yuḥkīrttidaṃ puṇyavardhanam

Meaning open with adhikāra · अर्थ अधिकार से

Verse 21

राजानं स वशं नीत्वा त्रैलोक्यविजयी भवेत् ।
इदं हि परमं गोप्यं देयं भक्तियुताय च ॥ २१ ॥

rājānaṃ sa vaśaṃ nītvā trailokyavijayī bhavet
idaṃ hi paramaṃ gopyaṃ deyaṃ bhaktiyutāya ca

Meaning open with adhikāra · अर्थ अधिकार से

Verse 22

न देयं भक्तिहीनाय दत्वा स निरयं व्रजेत् ॥ २२ ॥

na deyaṃ bhaktihīnāya datvā sa nirayaṃ vrajet

Meaning open with adhikāra · अर्थ अधिकार से

Verse 23

नामानि सर्वाण्यपवर्गदानि रूपाणि विश्वानि च यस्य सन्ति ।
कर्माणि देवैरपि दुर्घटानि तं मारुतिं सप्तमुखं प्रपद्ये ॥ २३ ॥

nāmāni sarvāṇyapavargadāni rūpāṇi viśvāni ca yasya santi
karmāṇi devairapi durghaṭāni taṃ mārutiṃ saptamukhaṃ prapadye

Meaning open with adhikāra · अर्थ अधिकार से

इति श्रीअथर्वणरहस्ये सप्तमुखीहनुमत्कवचं सम्पूर्णम् ॥

Terms on this page

Hanuman हनुमान The monkey-god devotee of Rama, widely worshipped for strength, courage, and protection from black magic and negative influences.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras