Brahmavaivarta Purāṇa, Gaṇapati Khaṇḍa

संसारमोहनगणेशकवचम्

Samsaramohana Ganesha Kavacham (Brahmavaivarta Purana) — The armour of Gaṇeśa that bewilders the world, told by Viṣṇu

A hymn of protection (Kavach) of Ganesha. It opens by naming its seer, metre and deity. Then mantras of Gaṇeśa, each with its seed-syllables, are set over the head, forehead, eyes, nose, lips, teeth, cheeks, ears, shoulders, back and chest, and his names guard the directions and the hours of sleep and waking. The last verses say that Kṛṣṇa gave this armour long ago in Goloka, that it must not be handed to just anyone, and that no mantra of Gaṇeśa bears fruit without it.

संसारमोहनकवचम्The kavaca called Saṃsāramohana

Verse 78

श्रीविष्णुरुवाच — श्रीविष्णु ने कहा Śrī Viṣṇu said

संसारमोहकस्यास्य कवचस्य प्रजापतिः ।
ऋषिश्छन्दश्च बृहती देवो लम्बोदरः स्वयम् ।
धर्मार्थकाममोक्षेषु विनियोगः प्रकीर्तितः ॥ ७८ ॥

saṃsāramohakasyāsya kavacasya prajāpatiḥ
ṛṣiśchandaśca bṛhatī devo lambodaraḥ svayam
dharmārthakāmamokṣeṣu viniyogaḥ prakīrtitaḥ

Meaning open with adhikāra · अर्थ अधिकार से

Verse 79

सर्वेषां कवचानां च सारभूतमिदं मुने ।
ॐ गं हुं श्रीगणेशाय स्वाहा मे पातु मस्तकम् ।
द्वात्रिंशदक्षरो मन्त्रो ललाटं मे सदावतु ॥ ७९ ॥

sarveṣāṃ kavacānāṃ ca sārabhūtamidaṃ mune
oṃ gaṃ huṃ śrīgaṇeśāya svāhā me pātu mastakam
dvātriṃśadakṣaro mantro lalāṭaṃ me sadāvatu

Meaning open with adhikāra · अर्थ अधिकार से

Verse 80

ॐ ह्रीं क्लीं श्रीं गमिति वै सततं पातु लोचनम् ।
तालुकं पातु विघ्नेशः सततं धरणीतले ॥ ८० ॥

oṃ hrīṃ klīṃ śrīṃ gamiti vai satataṃ pātu locanam
tālukaṃ pātu vighneśaḥ satataṃ dharaṇītale

Meaning open with adhikāra · अर्थ अधिकार से

Verse 81

ॐ ह्रीं श्रीं क्लीमिति परं सन्ततं पातु नासिकाम् ।
ओं गौं गं शूर्पकर्णाय स्वाहा पात्वधरं मम ।
दन्तांश्च तालुकां जिह्वां पातु मे षोडशाक्षरः ॥ ८१ ॥

oṃ hrīṃ śrīṃ klīmiti paraṃ santataṃ pātu nāsikām
oṃ gauṃ gaṃ śūrpakarṇāya svāhā pātvadharaṃ mama
dantāṃśca tālukāṃ jihvāṃ pātu me ṣoḍaśākṣaraḥ

Meaning open with adhikāra · अर्थ अधिकार से

Verse 82

ॐ लं श्रीं लम्बोदरायेति स्वाहा गण्डं सदावतु ।
ॐ क्लीं ह्रीं विघ्ननाशाय स्वाहा कर्णं सदावतु ॥ ८२ ॥

oṃ laṃ śrīṃ lambodarāyeti svāhā gaṇḍaṃ sadāvatu
oṃ klīṃ hrīṃ vighnanāśāya svāhā karṇaṃ sadāvatu

Meaning open with adhikāra · अर्थ अधिकार से

Verse 83

ॐ श्रीं गं गजाननायेति स्वाहा स्कन्धं सदावतु ।
ॐ ह्रीं विनायकायेति स्वाहा पृष्ठं सदावतु ॥ ८३ ॥

oṃ śrīṃ gaṃ gajānanāyeti svāhā skandhaṃ sadāvatu
oṃ hrīṃ vināyakāyeti svāhā pṛṣṭhaṃ sadāvatu

Meaning open with adhikāra · अर्थ अधिकार से

Verse 84

ॐ क्लीं ह्रीमिति कङ्कालं पातु वक्षःस्थलं परम् ।
करौ पादौ सदा पातु सर्वाङ्गं विघ्ननाशकृत् ॥ ८४ ॥

oṃ klīṃ hrīmiti kaṅkālaṃ pātu vakṣaḥsthalaṃ param
karau pādau sadā pātu sarvāṅgaṃ vighnanāśakṛt

Meaning open with adhikāra · अर्थ अधिकार से

Verse 85

प्राच्यां लम्बोदरः पातु चाग्नेय्यां विघ्ननायकः ।
दक्षिणे पातु विघ्नेशो नैर्ऋत्यां तु गजाननः ॥ ८५ ॥

prācyāṃ lambodaraḥ pātu cāgneyyāṃ vighnanāyakaḥ
dakṣiṇe pātu vighneśo nairṛtyāṃ tu gajānanaḥ

Meaning open with adhikāra · अर्थ अधिकार से

Verse 86

पश्चिमे पार्वतीपुत्रो वायव्यां शङ्करात्मजः ।
कृष्णस्यांशश्चोत्तरे च परिपूर्णतमस्य च ॥ ८६ ॥

paścime pārvatīputro vāyavyāṃ śaṅkarātmajaḥ
kṛṣṇasyāṃśaścottare ca paripūrṇatamasya ca

Meaning open with adhikāra · अर्थ अधिकार से

Verse 87

ऐशान्यामेकदन्तश्च हेरम्बः पातु चोर्ध्वतः ।
अधो गणाधिपः पातु सर्वपूज्यश्च सर्वतः ।
स्वप्ने जागरणे चैव पातु मां योगिनां गुरुः ॥ ८७ ॥

aiśānyāmekadantaśca herambaḥ pātu cordhvataḥ
adho gaṇādhipaḥ pātu sarvapūjyaśca sarvataḥ
svapne jāgaraṇe caiva pātu māṃ yogināṃ guruḥ

Meaning open with adhikāra · अर्थ अधिकार से

Verse 88

इति ते कथितं वत्स सर्वमन्त्रौघविग्रहम् ।
संसारमोहनं नाम कवचं परमाद्भुतम् ॥ ८८ ॥

iti te kathitaṃ vatsa sarvamantraughavigraham
saṃsāramohanaṃ nāma kavacaṃ paramādbhutam

Meaning open with adhikāra · अर्थ अधिकार से

Verse 89

श्रीकृष्णेन पुरा दत्तं गोलोके रासमण्डले ।
वृन्दावने विनीताय मह्यं दिनकरात्मज ॥ ८९ ॥

śrīkṛṣṇena purā dattaṃ goloke rāsamaṇḍale
vṛndāvane vinītāya mahyaṃ dinakarātmaja

Meaning open with adhikāra · अर्थ अधिकार से

Verse 90

मया दत्तं च तुभ्यं च यस्मै कस्मै न दास्यसि ।
परं वरं सर्वपूज्यं सर्वसङ्कटतारणम् ॥ ९० ॥

mayā dattaṃ ca tubhyaṃ ca yasmai kasmai na dāsyasi
paraṃ varaṃ sarvapūjyaṃ sarvasaṅkaṭatāraṇam

Meaning open with adhikāra · अर्थ अधिकार से

Verse 91

गुरुमभ्यर्च्य विधिवत्कवचं धारयेत्तु यः ।
कण्ठे वा दक्षिणे बाहौ सोऽपि विष्णुर्न संशयः ॥ ९१ ॥

gurumabhyarcya vidhivatkavacaṃ dhārayettu yaḥ
kaṇṭhe vā dakṣiṇe bāhau so'pi viṣṇurna saṃśayaḥ

Meaning open with adhikāra · अर्थ अधिकार से

Verse 92

अश्वमेधसहस्राणि वाजपेयशतानि च ।
ग्रहेन्द्र कवचस्यास्य कलां नार्हन्ति षोडशीम् ॥ ९२ ॥

aśvamedhasahasrāṇi vājapeyaśatāni ca
grahendra kavacasyāsya kalāṃ nārhanti ṣoḍaśīm

Meaning open with adhikāra · अर्थ अधिकार से

Verse 93

इदं कवचमज्ञात्वा यो भजेच्छङ्करात्मजम् ।
शतलक्षप्रजप्तोऽपि न मन्त्रः सिद्धिदायकः ॥ ९३ ॥

idaṃ kavacamajñātvā yo bhajecchaṅkarātmajam
śatalakṣaprajapto'pi na mantraḥ siddhidāyakaḥ

Meaning open with adhikāra · अर्थ अधिकार से

इति ब्रह्मवैवर्ते गणपतिखण्डे संसारमोहनं नाम गणेशकवचं सम्पूर्णम् ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Ganesha गणेश The elephant-headed deity of auspicious beginnings, son of Shiva and Parvati.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras