Rudrayāmala · Uttara Tantra

सदाशिवशाकिनीकवचम्

Sadashiva Shakini Kavacham (Rudrayamala) — The armour of Sadāśiva and Śākinī, told by Bhairavī to Bhairava

A hymn of protection (Kavach) in which Shakini and Sadashiva are set around the reciter, lotus by lotus and part by part, with the powers of the wheels named one after another. It ends with the fruit of reading it and of wearing it on the arm.

अथ सदाशिवशाकिनीकवचम्The Sadāśiva–Śākinī kavaca

Verse 1

श्री-आनन्दभैरव उवाच — आनन्दभैरव बोले Ānandabhairava spoke

कथितं शाकिनीसारं सदाशिवफलोदयम् ।
श्रुतं परमकल्याणं भेदभाषाक्रमोदयम् ॥ १ ॥

kathitaṃ śākinīsāraṃ sadāśivaphalodayam
śrutaṃ paramakalyāṇaṃ bhedabhāṣākramodayam

Meaning open with adhikāra · अर्थ अधिकार से

text uncertain

Verse 2

इदानीं श्रोतुमिच्छामि कवचं सारदुर्लभम् ।
यस्य विज्ञानमात्रेण भवेत् साक्षात् सदाशिवः ॥ २ ॥

idānīṃ śrotumicchāmi kavacaṃ sāradurlabham
yasya vijñānamātreṇa bhavet sākṣāt sadāśivaḥ

Meaning open with adhikāra · अर्थ अधिकार से

Verse 3

वद कान्ते शब्दमयि यदि स्नेहोऽस्ति मां प्रति ।
आनन्दभैरवं नत्वा सोवाचानन्दभैरवी ॥ ३ ॥

vada kānte śabdamayi yadi sneho'sti māṃ prati
ānandabhairavaṃ natvā sovācānandabhairavī

Meaning open with adhikāra · अर्थ अधिकार से

Verse 4

श्री-आनन्दभैरवी उवाच — आनन्दभैरवी बोलीं Ānandabhairavī spoke

गुरोः परमकल्याणं कवचं कथये तव ।
सदाशिवस्य शाकिन्या भैरवानन्दविग्रहः ॥ ४ ॥

guroḥ paramakalyāṇaṃ kavacaṃ kathaye tava
sadāśivasya śākinyā bhairavānandavigrahaḥ

Meaning open with adhikāra · अर्थ अधिकार से

Verse 5

शृणुष्व कामदं नामाद्भुतं कवचमङ्गलम् ।
त्रैलोक्यसारभूतं च सर्वज्ञानविवर्धनम् ॥ ५ ॥

śṛṇuṣva kāmadaṃ nāmādbhutaṃ kavacamaṅgalam
trailokyasārabhūtaṃ ca sarvajñānavivardhanam

Meaning open with adhikāra · अर्थ अधिकार से

Verse 6

सर्वमन्त्रौघनिकरं ज्ञानमात्रेण सिद्ध्यति ।
सर्वगूढप्रियानन्दं सामरस्यं कुलान्तरम् ॥ ६ ॥

sarvamantraughanikaraṃ jñānamātreṇa siddhyati
sarvagūḍhapriyānandaṃ sāmarasyaṃ kulāntaram

Meaning open with adhikāra · अर्थ अधिकार से

text uncertain

Verse 7

प्रचण्डचण्डिकातुल्यं सर्वनिर्णयसाक्षिणम् ।
सर्वबुद्धिकरानन्दं कुलयोगिमनोगतम् ॥ ७ ॥

pracaṇḍacaṇḍikātulyaṃ sarvanirṇayasākṣiṇam
sarvabuddhikarānandaṃ kulayogimanogatam

Meaning open with adhikāra · अर्थ अधिकार से

text uncertain

Verse 8

रामसेव्यं शिवं शम्भुसेवितं विषनाशनम् ।
अप्रकाश्यं महायोगं धनारोग्यविवर्धनम् ॥ ८ ॥

rāmasevyaṃ śivaṃ śambhusevitaṃ viṣanāśanam
aprakāśyaṃ mahāyogaṃ dhanārogyavivardhanam

Meaning open with adhikāra · अर्थ अधिकार से

Verse 9

सर्वसौभाग्यजननं सर्वानन्दकरं परम् ।
सर्वतन्त्रदुर्लभं यत् कथितं रुद्रयामले ॥ ९ ॥

sarvasaubhāgyajananaṃ sarvānandakaraṃ param
sarvatantradurlabhaṃ yat kathitaṃ rudrayāmale

Meaning open with adhikāra · अर्थ अधिकार से

कवचम्The armour

Verse 10

ॐ प्रभावा सदा पातु महाकाशाधिशाकिनी ।
त्रिगुणा चण्डिका पातु क्रोधदंष्ट्रा करालिनी ॥ १० ॥

oṃ prabhāvā sadā pātu mahākāśādhiśākinī
triguṇā caṇḍikā pātu krodhadaṃṣṭrā karālinī

Meaning open with adhikāra · अर्थ अधिकार से

text uncertain

Verse 11

अनन्तानन्तमहिमा महास्त्रदलपङ्कजम् ।
पूर्वाह्णं पातु सततं गायत्री सविता मम ॥ ११ ॥

anantānantamahimā mahāstradalapaṅkajam
pūrvāhṇaṃ pātu satataṃ gāyatrī savitā mama

Meaning open with adhikāra · अर्थ अधिकार से

text uncertain

Verse 12

आकाशवाहिनी देवी शिरोमङ्गलमद्भुतम् ।
सर्वदा पातु मे गुह्यं लिङ्गं चक्रं सुधामयम् ॥ १२ ॥

ākāśavāhinī devī śiromaṅgalamadbhutam
sarvadā pātu me guhyaṃ liṅgaṃ cakraṃ sudhāmayam

Meaning open with adhikāra · अर्थ अधिकार से

text uncertain

Verse 13

महामण्डलमध्यस्था पातु मे भालमण्डलम् ।
सहस्रशतकोटीन्दुयोगिनीगणमण्डलम् ॥ १३ ॥

mahāmaṇḍalamadhyasthā pātu me bhālamaṇḍalam
sahasraśatakoṭīnduyoginīgaṇamaṇḍalam

Meaning open with adhikāra · अर्थ अधिकार से

Verse 14

महाचक्रेश्वरी पातु महाचक्रेश्वरो मम ।
मुखाब्जं चण्डिका देवी दन्तावलिमनन्तकः ॥ १४ ॥

mahācakreśvarī pātu mahācakreśvaro mama
mukhābjaṃ caṇḍikā devī dantāvalimanantakaḥ

Meaning open with adhikāra · अर्थ अधिकार से

Verse 15

जिह्वाग्रं तालुमूलस्था तालुमूलं मनोजवः ।
तीक्ष्णदंष्ट्रा दन्तमध्यं कण्ठाग्रं चिबुकं शिवः ॥ १५ ॥

jihvāgraṃ tālumūlasthā tālumūlaṃ manojavaḥ
tīkṣṇadaṃṣṭrā dantamadhyaṃ kaṇṭhāgraṃ cibukaṃ śivaḥ

Meaning open with adhikāra · अर्थ अधिकार से

text uncertain

Verse 16

सदा पातु षोडशारं शाकिनी श्रीसदाशिवः ।
कण्ठमध्यस्थितं पातु महामोहविनाशिनी ॥ १६ ॥

sadā pātu ṣoḍaśāraṃ śākinī śrīsadāśivaḥ
kaṇṭhamadhyasthitaṃ pātu mahāmohavināśinī

Meaning open with adhikāra · अर्थ अधिकार से

Verse 17

प्रेतराजः सदा पातु महादेवी स्वपङ्कजम् ।
विद्यादेवी महाशक्तिः कूटस्थानं सदाशिवः ॥ १७ ॥

pretarājaḥ sadā pātu mahādevī svapaṅkajam
vidyādevī mahāśaktiḥ kūṭasthānaṃ sadāśivaḥ

Meaning open with adhikāra · अर्थ अधिकार से

text uncertain

Verse 18

महाकाशावलग्नी मे धूम्रां भोजञ्च धूर्जटी ।
कौमुदी पटलाङ्गो मे वर्णषोडशसंज्ञकम् ॥ १८ ॥

mahākāśāvalagnī me dhūmrāṃ bhojañca dhūrjaṭī
kaumudī paṭalāṅgo me varṇaṣoḍaśasaṃjñakam

Meaning open with adhikāra · अर्थ अधिकार से

text uncertain

Verse 19

अकारादिकान्तवर्णान् श्रीदेवी परिपातु मे ।
हेमचित्ररथस्था मे चित्रिणी पातु मे मधु ॥ १९ ॥

akārādikāntavarṇān śrīdevī paripātu me
hemacitrarathasthā me citriṇī pātu me madhu

Meaning open with adhikāra · अर्थ अधिकार से

text uncertain

Verse 20

अपर्णा या विशुद्धं मे षोडशीषोडशाक्ष्यकम् ।
पञ्चदुर्गा सहदेवः प्रत्येकं पातु मे दलम् ॥ २० ॥

aparṇā yā viśuddhaṃ me ṣoḍaśīṣoḍaśākṣyakam
pañcadurgā sahadevaḥ pratyekaṃ pātu me dalam

Meaning open with adhikāra · अर्थ अधिकार से

text uncertain

Verse 21

दीपमासहल्कीं मे प्रवरा पातु मे बला ।
व्यापिनी चानवच्छिन्ना पातु मे दलमण्डलम् ॥ २१ ॥

dīpamāsahalkīṃ me pravarā pātu me balā
vyāpinī cānavacchinnā pātu me dalamaṇḍalam

Meaning open with adhikāra · अर्थ अधिकार से

text uncertain

Verse 22

अकालतारिणी दुर्गा शुक्रं चक्रं सदावतु ।
शाकिनीशो महामाया परिवारान्वितोऽवतु ॥ २२ ॥

akālatāriṇī durgā śukraṃ cakraṃ sadāvatu
śākinīśo mahāmāyā parivārānvito'vatu

Meaning open with adhikāra · अर्थ अधिकार से

text uncertain

Verse 23

पञ्चरश्मिर्मृणालकण्ठो मधुपूरं स्वपीठकम् ।
सदा पातु कण्ठपङ्केरुहाश्रयस्वरानपि ॥ २३ ॥

pañcaraśmirmṛṇālakaṇṭho madhupūraṃ svapīṭhakam
sadā pātu kaṇṭhapaṅkeruhāśrayasvarānapi

Meaning open with adhikāra · अर्थ अधिकार से

text uncertain

Verse 24

कण्ठस्वर्गः सदा पातु कन्दर्पेशो मनोगतिः ।
शाकिनी शाकविभवा शाकेशी शाकसम्भवा ॥ २४ ॥

kaṇṭhasvargaḥ sadā pātu kandarpeśo manogatiḥ
śākinī śākavibhavā śākeśī śākasambhavā

Meaning open with adhikāra · अर्थ अधिकार से

text uncertain

Verse 25

शाकम्भरीश्वरा पातु सुमना दलषोडशम् ।
सदाशिवः सदा पातु परिवारगणैः सह ॥ २५ ॥

śākambharīśvarā pātu sumanā dalaṣoḍaśam
sadāśivaḥ sadā pātu parivāragaṇaiḥ saha

Meaning open with adhikāra · अर्थ अधिकार से

Verse 26

हृदयं शाकिनी देवी शिरःस्थानं सदावतु ।
काकिनीसहितं पातु द्वादशारं कुलेश्वरी ॥ २६ ॥

hṛdayaṃ śākinī devī śiraḥsthānaṃ sadāvatu
kākinīsahitaṃ pātu dvādaśāraṃ kuleśvarī

Meaning open with adhikāra · अर्थ अधिकार से

Verse 27

दलद्वादशकं पातु कामनाथः सदाशिवः ।
अभेदरूपिणी पातु कादिठान्ताक्षरं मम ॥ २७ ॥

daladvādaśakaṃ pātu kāmanāthaḥ sadāśivaḥ
abhedarūpiṇī pātu kādiṭhāntākṣaraṃ mama

Meaning open with adhikāra · अर्थ अधिकार से

Verse 28

वाणी मे हृदयग्रन्थिर्देशं तु कपिलेश्वरः ।
पायान्मेघं च सूर्यास्या विमाया हृत्सु कर्णिकाम् ॥ २८ ॥

vāṇī me hṛdayagranthirdeśaṃ tu kapileśvaraḥ
pāyānmeghaṃ ca sūryāsyā vimāyā hṛtsu karṇikām

Meaning open with adhikāra · अर्थ अधिकार से

text uncertain

Verse 29

तालहस्ता महावाणी पातु मे हृदयान्तरम् ।
शोषिणी मोहिनी वह्निः पातु मे हृदयाम्बुजम् ॥ २९ ॥

tālahastā mahāvāṇī pātu me hṛdayāntaram
śoṣiṇī mohinī vahniḥ pātu me hṛdayāmbujam

Meaning open with adhikāra · अर्थ अधिकार से

text uncertain

Verse 30

पिलापिप्पलादेशो रतिर्मे हृदयेप्सितम् ।
योगिनीकुलदन्तश्च पातु मे हृत्स्वरानपि ॥ ३० ॥

pilāpippalādeśo ratirme hṛdayepsitam
yoginīkuladantaśca pātu me hṛtsvarānapi

Meaning open with adhikāra · अर्थ अधिकार से

text uncertain

Verse 31

केकरेशो गूढसंज्ञा वज्रधारी हृदम्बुजम् ।
एकलिङ्गी सदा पातु हृदयान्तः शिवं मम ॥ ३१ ॥

kekareśo gūḍhasaṃjñā vajradhārī hṛdambujam
ekaliṅgī sadā pātu hṛdayāntaḥ śivaṃ mama

Meaning open with adhikāra · अर्थ अधिकार से

text uncertain

Verse 32

तदधो मण्डलं पातु भेदाभेदविवर्जिता ।
अकाललक्षणः पातु पाशिनी नाभिमण्डलम् ॥ ३२ ॥

tadadho maṇḍalaṃ pātu bhedābhedavivarjitā
akālalakṣaṇaḥ pātu pāśinī nābhimaṇḍalam

Meaning open with adhikāra · अर्थ अधिकार से

text uncertain

Verse 33

कालकूटस्वरूपो मे नाभिपद्मं प्रपातु मे ।
चन्द्रचूडा विधुमुखा शाकिनी मे दशाम्बुजम् ॥ ३३ ॥

kālakūṭasvarūpo me nābhipadmaṃ prapātu me
candracūḍā vidhumukhā śākinī me daśāmbujam

Meaning open with adhikāra · अर्थ अधिकार से

text uncertain

Verse 34

त्रिवृत्ताकारमुद्रा मे पातु रुद्रश्च लाकिनीम् ।
त्रिखण्डारोहणः पातु डादिफान्ताक्षरानपि ॥ ३४ ॥

trivṛttākāramudrā me pātu rudraśca lākinīm
trikhaṇḍārohaṇaḥ pātu ḍādiphāntākṣarānapi

Meaning open with adhikāra · अर्थ अधिकार से

text uncertain

Verse 35

कालिका कपिला कृष्णा घनमाला कपालिनी ।
ललिता तारिणी सर्वा महामाया दशच्छदम् ॥ ३५ ॥

kālikā kapilā kṛṣṇā ghanamālā kapālinī
lalitā tāriṇī sarvā mahāmāyā daśacchadam

Meaning open with adhikāra · अर्थ अधिकार से

text uncertain

Verse 36

परिपातु कामदुर्गा लाकिनी पातु मे सदा ।
सदाशिवः पातु नित्यं मणिपूरं कुलस्थलम् ॥ ३६ ॥

paripātu kāmadurgā lākinī pātu me sadā
sadāśivaḥ pātu nityaṃ maṇipūraṃ kulasthalam

Meaning open with adhikāra · अर्थ अधिकार से

Verse 37

जाड्यनाशकरी दुर्गा मुण्डमालाविभूषिता ।
मां पातु सप्तरोधात्मा केशवेशी महापदम् ॥ ३७ ॥

jāḍyanāśakarī durgā muṇḍamālāvibhūṣitā
māṃ pātu saptarodhātmā keśaveśī mahāpadam

Meaning open with adhikāra · अर्थ अधिकार से

text uncertain

Verse 38

अभया चण्डिका कृष्णा कालिका कुलपण्डिता ।
वज्रवर्णा धारणाख्या धरा धात्री क्षमा रमा ॥ ३८ ॥

abhayā caṇḍikā kṛṣṇā kālikā kulapaṇḍitā
vajravarṇā dhāraṇākhyā dharā dhātrī kṣamā ramā

Meaning open with adhikāra · अर्थ अधिकार से

Verse 39

वासुकी वसुधा वाच्या सर्वाणी सर्वमङ्गला ।
पार्वती सर्वशक्तिस्था पार्वणे परिपातु माम् ॥ ३९ ॥

vāsukī vasudhā vācyā sarvāṇī sarvamaṅgalā
pārvatī sarvaśaktisthā pārvaṇe paripātu mām

Meaning open with adhikāra · अर्थ अधिकार से

text uncertain

Verse 40

रणे राजकुले द्यूते वादे मानापमानके ।
गेहेऽरण्ये प्रान्तरे च जले चानलमध्यके ॥ ४० ॥

raṇe rājakule dyūte vāde mānāpamānake
gehe'raṇye prāntare ca jale cānalamadhyake

Meaning open with adhikāra · अर्थ अधिकार से

Verse 41

सर्वाणी सर्वदा पातु महातन्त्रार्थभूषिता ।
विजया पद्मिनी जाया जानकी कमलावती ॥ ४१ ॥

sarvāṇī sarvadā pātu mahātantrārthabhūṣitā
vijayā padminī jāyā jānakī kamalāvatī

Meaning open with adhikāra · अर्थ अधिकार से

Verse 42

एताः पान्तु दिग्विदिक्षु महापातकनाशनाः ।
अन्तरं पातु लिङ्गस्था लिङ्गमूलाम्बुजं मम ॥ ४२ ॥

etāḥ pāntu digvidikṣu mahāpātakanāśanāḥ
antaraṃ pātu liṅgasthā liṅgamūlāmbujaṃ mama

Meaning open with adhikāra · अर्थ अधिकार से

Verse 43

कर्णिकां पातु सततं काञ्चीपीठस्थिता शिवा ।
अतिवेगान्विता पातु वह्निमण्डलमेव मे ॥ ४३ ॥

karṇikāṃ pātu satataṃ kāñcīpīṭhasthitā śivā
ativegānvitā pātu vahnimaṇḍalameva me

Meaning open with adhikāra · अर्थ अधिकार से

Verse 44

राक्षसीशा सदा पातु जम्बुद्वीपनिवासिनी ।
जाह्नवी भास्करा मौना मलयस्था मलाङ्गजा ॥ ४४ ॥

rākṣasīśā sadā pātu jambudvīpanivāsinī
jāhnavī bhāskarā maunā malayasthā malāṅgajā

Meaning open with adhikāra · अर्थ अधिकार से

text uncertain

Verse 45

मतितक्षा पापहन्त्री परिपातु विभाकरी ।
लयस्थानं सदा पातु कुञ्जरेश्वरसंस्थिता ॥ ४५ ॥

matitakṣā pāpahantrī paripātu vibhākarī
layasthānaṃ sadā pātu kuñjareśvarasaṃsthitā

Meaning open with adhikāra · अर्थ अधिकार से

text uncertain

Verse 46

विशत्यर्णमहाविद्या लम्बमाना कुलस्थली ।
मन्दिरे पातु मां नित्यं वित्तसंहारकारिणी ॥ ४६ ॥

viśatyarṇamahāvidyā lambamānā kulasthalī
mandire pātu māṃ nityaṃ vittasaṃhārakāriṇī

Meaning open with adhikāra · अर्थ अधिकार से

text uncertain

Verse 47

अनन्तशयना पातु वटमूलनिवासिनी ।
प्रलये मां काली पातु वटपत्रनिवासिनी ॥ ४७ ॥

anantaśayanā pātu vaṭamūlanivāsinī
pralaye māṃ kālī pātu vaṭapatranivāsinī

Meaning open with adhikāra · अर्थ अधिकार से

Verse 48

केवलाख्या सदा पातु महाकूर्चस्वरूपिणी ।
आयुरारोग्यदात्री मे धनं राज्यं सदावतु ॥ ४८ ॥

kevalākhyā sadā pātu mahākūrcasvarūpiṇī
āyurārogyadātrī me dhanaṃ rājyaṃ sadāvatu

Meaning open with adhikāra · अर्थ अधिकार से

text uncertain

Verse 49

कामरूपं गृहं पीठं परिपातु महाबला ।
बलाका घोरदंष्ट्रा मे उदरं पातु सर्वदा ॥ ४९ ॥

kāmarūpaṃ gṛhaṃ pīṭhaṃ paripātu mahābalā
balākā ghoradaṃṣṭrā me udaraṃ pātu sarvadā

Meaning open with adhikāra · अर्थ अधिकार से

Verse 50

सर्वरोगहरा पातु मुण्डमालाविभूषिता ।
आनन्दो नन्दनाथो मे हृदूर्ध्वाब्जं सदावतु ॥ ५० ॥

sarvarogaharā pātu muṇḍamālāvibhūṣitā
ānando nandanātho me hṛdūrdhvābjaṃ sadāvatu

Meaning open with adhikāra · अर्थ अधिकार से

Verse 51

षट्पद्मं सर्वदा पातु नानारूपविहारिणी ।
अकलङ्का निराधारा नित्यपुष्टा निरिन्द्रिया ॥ ५१ ॥

ṣaṭpadmaṃ sarvadā pātu nānārūpavihāriṇī
akalaṅkā nirādhārā nityapuṣṭā nirindriyā

Meaning open with adhikāra · अर्थ अधिकार से

Verse 52

षोडशोर्ध्वं महापद्मं द्विदलं पातु सर्वदा ।
दिग्विदिक्षु सदा पातु शाकिन्याद्यष्टशक्तयः ॥ ५२ ॥

ṣoḍaśordhvaṃ mahāpadmaṃ dvidalaṃ pātu sarvadā
digvidikṣu sadā pātu śākinyādyaṣṭaśaktayaḥ

Meaning open with adhikāra · अर्थ अधिकार से

Verse 53

अतिगुप्तस्थलं पातु पापनाशकरी परा ।
क्षालनाख्या लिङ्गगुह्ये पातु मे पावनं प्रभा ॥ ५३ ॥

atiguptasthalaṃ pātu pāpanāśakarī parā
kṣālanākhyā liṅgaguhye pātu me pāvanaṃ prabhā

Meaning open with adhikāra · अर्थ अधिकार से

text uncertain

Verse 54

विप्रचित्ता कोटराक्षी लिपिभूता सरस्वती ।
चतुर्दलं सदा पातु विभूतिः कामया सह ॥ ५४ ॥

vipracittā koṭarākṣī lipibhūtā sarasvatī
caturdalaṃ sadā pātu vibhūtiḥ kāmayā saha

Meaning open with adhikāra · अर्थ अधिकार से

text uncertain

Verse 55

पान्तु विद्याः सदैताश्च रिपुपक्षविनाशनाः ।
कटिदेशं सदा पातु चामुण्डा शूलधारिणी ॥ ५५ ॥

pāntu vidyāḥ sadaitāśca ripupakṣavināśanāḥ
kaṭideśaṃ sadā pātu cāmuṇḍā śūladhāriṇī

Meaning open with adhikāra · अर्थ अधिकार से

Verse 56

त्रिनेत्रा सर्वदा पातु भूर्भुवःस्वःस्वरूपिणी ।
वसन्तादिकलाः पान्तु पामरोग्रप्रतापिनी ॥ ५६ ॥

trinetrā sarvadā pātu bhūrbhuvaḥsvaḥsvarūpiṇī
vasantādikalāḥ pāntu pāmarograpratāpinī

Meaning open with adhikāra · अर्थ अधिकार से

text uncertain

Verse 57

षड्भुजा सर्वदा पातु वेदहस्ता प्रपातु माम् ।
अतिविद्या सर्वविद्या चण्डविद्या प्रपातु माम् ॥ ५७ ॥

ṣaḍbhujā sarvadā pātu vedahastā prapātu mām
atividyā sarvavidyā caṇḍavidyā prapātu mām

Meaning open with adhikāra · अर्थ अधिकार से

Verse 58

वारुणी मदिरा पातु सर्वाङ्गं शाकिनी मम ।
गृहोदरी सदा पातु सर्वाङ्गं वज्रधारिणी ॥ ५८ ॥

vāruṇī madirā pātu sarvāṅgaṃ śākinī mama
gṛhodarī sadā pātu sarvāṅgaṃ vajradhāriṇī

Meaning open with adhikāra · अर्थ अधिकार से

text uncertain

Verse 59

उल्कामुखी सदा पातु भृगुवंशसमुद्भवा ।
अकालतारिणी दुर्गा ललिता धर्मधारिणी ॥ ५९ ॥

ulkāmukhī sadā pātu bhṛguvaṃśasamudbhavā
akālatāriṇī durgā lalitā dharmadhāriṇī

Meaning open with adhikāra · अर्थ अधिकार से

text uncertain

Verse 60

विशत्यर्णा महाविद्या सर्वत्र सर्वदावतु ।
हसकलहरी विद्या परिपातु सदाशिवा ॥ ६० ॥

viśatyarṇā mahāvidyā sarvatra sarvadāvatu
hasakalaharī vidyā paripātu sadāśivā

Meaning open with adhikāra · अर्थ अधिकार से

text uncertain

Verse 61

सहस्रवदना वाणी परिपातु जलोदरी ।
जलरूपा सदा पातु महोज्वलकलेवरा ॥ ६१ ॥

sahasravadanā vāṇī paripātu jalodarī
jalarūpā sadā pātu mahojvalakalevarā

Meaning open with adhikāra · अर्थ अधिकार से

Verse 62

षोडशी सकलहरी सर्वाणी पातु पार्वती ।
महामत्ता सदा पातु कामनाथप्रपूरका ॥ ६२ ॥

ṣoḍaśī sakalaharī sarvāṇī pātu pārvatī
mahāmattā sadā pātu kāmanāthaprapūrakā

Meaning open with adhikāra · अर्थ अधिकार से

text uncertain

Verse 63

वामदेवी सदा पातु सर्वाङ्गे देहदेवता ।
कामपीठस्थिता दुर्गा परिवारगणावृता ॥ ६३ ॥

vāmadevī sadā pātu sarvāṅge dehadevatā
kāmapīṭhasthitā durgā parivāragaṇāvṛtā

Meaning open with adhikāra · अर्थ अधिकार से

Verse 64

सदाशिवः सदा पातु सामवेदस्वरूपगा ।
श्मशानवासिनी देवी महाकालसमन्विता ॥ ६४ ॥

sadāśivaḥ sadā pātu sāmavedasvarūpagā
śmaśānavāsinī devī mahākālasamanvitā

Meaning open with adhikāra · अर्थ अधिकार से

Verse 65

आर्या देवी सदा पातु माता पातु महाकला ।
सर्वत्र कपिला पातु महाभगवतीश्वरी ॥ ६५ ॥

āryā devī sadā pātu mātā pātu mahākalā
sarvatra kapilā pātu mahābhagavatīśvarī

Meaning open with adhikāra · अर्थ अधिकार से

फलश्रुतिःThe fruit of reciting it

Verse 66

इति ते कथितं नाथ महाविद्याफलप्रदम् ।
कवचं दुर्लभं लोके तव स्नेहात् प्रकाशितम् ॥ ६६ ॥

iti te kathitaṃ nātha mahāvidyāphalapradam
kavacaṃ durlabhaṃ loke tava snehāt prakāśitam

Meaning open with adhikāra · अर्थ अधिकार से

Verse 67

अतिगुह्यतरं ज्ञानं कवचं सर्वसिद्धिदम् ।
अमलोदारचित्तः सन् पूजयित्वा सदाशिवम् ॥ ६७ ॥

atiguhyataraṃ jñānaṃ kavacaṃ sarvasiddhidam
amalodāracittaḥ san pūjayitvā sadāśivam

Meaning open with adhikāra · अर्थ अधिकार से

Verse 68

तथा श्रीशाकिनीदेव्याः पूजनं सुमहत्फलम् ।
राज्यदं धनदं वाञ्छासिद्धिदं धर्मसिद्धिदम् ॥ ६८ ॥

tathā śrīśākinīdevyāḥ pūjanaṃ sumahatphalam
rājyadaṃ dhanadaṃ vāñchāsiddhidaṃ dharmasiddhidam

Meaning open with adhikāra · अर्थ अधिकार से

Verse 69

वाचां सिद्धिः करे प्राप्य अष्टसिद्धिः करे भवेत् ।
काकिनीदर्शनं प्राप्य शाकिनीदर्शनं भवेत् ॥ ६९ ॥

vācāṃ siddhiḥ kare prāpya aṣṭasiddhiḥ kare bhavet
kākinīdarśanaṃ prāpya śākinīdarśanaṃ bhavet

Meaning open with adhikāra · अर्थ अधिकार से

Verse 70

मन्त्रसिद्धिं तन्त्रसिद्धिं क्रियासिद्धिं लभेद् ध्रुवम् ।
आकाशगामिनी सिद्धिः करे तस्य विराजते ॥ ७० ॥

mantrasiddhiṃ tantrasiddhiṃ kriyāsiddhiṃ labhed dhruvam
ākāśagāminī siddhiḥ kare tasya virājate

Meaning open with adhikāra · अर्थ अधिकार से

Verse 71

पुरुषो दक्षिणे बाहौ योषिद्वामभुजे तथा ।
धृत्वा कवचराजं तु राजत्वं लभते ध्रुवम् ॥ ७१ ॥

puruṣo dakṣiṇe bāhau yoṣidvāmabhuje tathā
dhṛtvā kavacarājaṃ tu rājatvaṃ labhate dhruvam

Meaning open with adhikāra · अर्थ अधिकार से

Verse 72

महापातककोटीश्च हत्वा राजत्वमालभेत् ।
वने वृक्षतले ऽश्वत्थमूले स्थित्वा पठेद् यदि ॥ ७२ ॥

mahāpātakakoṭīśca hatvā rājatvamālabhet
vane vṛkṣatale 'śvatthamūle sthitvā paṭhed yadi

Meaning open with adhikāra · अर्थ अधिकार से

text uncertain

Verse 73

त्रिसन्ध्यं दशधा जप्त्वा शतधा वा सहस्रधा ।
स भवेत् कल्पवृक्षेशो भूमीशो नात्र संशयः ॥ ७३ ॥

trisandhyaṃ daśadhā japtvā śatadhā vā sahasradhā
sa bhavet kalpavṛkṣeśo bhūmīśo nātra saṃśayaḥ

Meaning open with adhikāra · अर्थ अधिकार से

Verse 74

कोटिवर्षसहस्राणि चिरजीवी स योगिराट् ।
महासिद्धो भवेद् धीमान् महापातकनाशकृत् ॥ ७४ ॥

koṭivarṣasahasrāṇi cirajīvī sa yogirāṭ
mahāsiddho bhaved dhīmān mahāpātakanāśakṛt

Meaning open with adhikāra · अर्थ अधिकार से

Verse 75

मासार्धेन भवेद् योग्यो विप्रो गुणसमन्वितः ।
वर्षेणैकेन क्षत्रियश्च वैश्यो वर्षं चतुष्टये ॥ ७५ ॥

māsārdhena bhaved yogyo vipro guṇasamanvitaḥ
varṣeṇaikena kṣatriyaśca vaiśyo varṣaṃ catuṣṭaye

Meaning open with adhikāra · अर्थ अधिकार से

text uncertain

Verse 76

शूद्रो द्वादशवर्षेण योगी भवति पाठतः ।
एवं महाफलं नित्यं कवचं यः पठेत् सुधीः ॥ ७६ ॥

śūdro dvādaśavarṣeṇa yogī bhavati pāṭhataḥ
evaṃ mahāphalaṃ nityaṃ kavacaṃ yaḥ paṭhet sudhīḥ

Meaning open with adhikāra · अर्थ अधिकार से

Verse 77

भोगमोक्षौ करे तस्य किमन्यैर्बहुभाषितैः ॥ ७७ ॥

bhogamokṣau kare tasya kimanyairbahubhāṣitaiḥ

Meaning open with adhikāra · अर्थ अधिकार से

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणे षट्चक्रप्रकाशे भैरवभैरवीसंवादे सदाशिवशाकिनीकवचफलादेशो नाम सप्ततितमः पटलः ॥

Terms on this page

Mahavidyas महाविद्या One of ten tantric wisdom-goddess forms of the Devi; Kalika is traditionally counted foremost among them.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Shakini शाकिनी A class of fierce Tantric female spirit-beings, often invoked or guarded against in advanced practice.
Bhairavi भैरवी Lord Bhairava's consort — the recipient of one of two paired lemon sacrifices offered alongside Him in the Mahabhairava application ritual.
Sadashiva सदाशिव The supreme, eternal form of Lord Shiva, credited in the Vishwasara Tantra as the personal composer of the Durga Ashtottara Shatanam Stotra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras