Śiva stotra · traditionally ascribed to the Skanda Purāṇa

रुद्रकवचम्

Rudra Kavacham (Durvasa) — The armour of Rudra, composed by the sage Durvāsā

A Kavach is armour made of words. Here the sage Durvāsā walks down the body from the front and sides to the head, eyes, ears, throat and heart, and gives each place to a name of Shiva; then he turns to the road, the riverbank, the king's house and the lonely path, and asks for the same protection there. The close is a plain prayer: guard me from fever, from planets that trouble, from enemies.

ध्यानम्Dhyāna

Verse dh1

शान्तं पद्मासनस्थं शशिधरमुकुटं पञ्चवक्त्रं त्रिनेत्रं
शूलं वज्रं च खड्गं परशुमभयदं दक्षभागे महन्तम् ।
नागं पाशं च घण्टां प्रलय हुतवहं साङ्कुशं वामभागे
नानालङ्कारयुक्तं स्फटिकमणिनिभं पार्वतीशं नमामि ॥

śāntaṃ padmāsanasthaṃ śaśidharamukuṭaṃ pañcavaktraṃ trinetraṃ
śūlaṃ vajraṃ ca khaḍgaṃ paraśumabhayadaṃ dakṣabhāge mahantam
nāgaṃ pāśaṃ ca ghaṇṭāṃ pralaya hutavahaṃ sāṅkuśaṃ vāmabhāge
nānālaṅkārayuktaṃ sphaṭikamaṇinibhaṃ pārvatīśaṃ namāmi

Meaning open with adhikāra · अर्थ अधिकार से

Verse 1

दुर्वासा उवाच — दुर्वासा बोले Durvāsā said

प्रणम्य शिरसा देवं स्वयम्भुं परमेश्वरम् ।
एकं सर्वगतं देवं सर्वदेवमयं विभुम् ॥ १ ॥

praṇamya śirasā devaṃ svayambhuṃ parameśvaram
ekaṃ sarvagataṃ devaṃ sarvadevamayaṃ vibhum

Meaning open with adhikāra · अर्थ अधिकार से

Verse 2

रुद्रवर्मं प्रवक्ष्यामि अङ्गप्राणस्य रक्षये ।
अहोरात्रमयं देवं रक्षार्थं निर्मितं पुरा ॥ २ ॥

rudravarmaṃ pravakṣyāmi aṅgaprāṇasya rakṣaye
ahorātramayaṃ devaṃ rakṣārthaṃ nirmitaṃ purā

Meaning open with adhikāra · अर्थ अधिकार से

कवचम्The armour

Verse 3

रुद्रो मे चाग्रतः पातु पातु पार्श्वौ हरस्तथा ।
शिरो मे ईश्वरः पातु ललाटं नीललोहितः ॥ ३ ॥

rudro me cāgrataḥ pātu pātu pārśvau harastathā
śiro me īśvaraḥ pātu lalāṭaṃ nīlalohitaḥ

Meaning open with adhikāra · अर्थ अधिकार से

Verse 4

नेत्रयोस्त्र्यम्बकः पातु मुखं पातु महेश्वरः ।
कर्णयोः पातु मे शम्भुर्नासिकायां सदाशिवः ॥ ४ ॥

netrayostryambakaḥ pātu mukhaṃ pātu maheśvaraḥ
karṇayoḥ pātu me śambhurnāsikāyāṃ sadāśivaḥ

Meaning open with adhikāra · अर्थ अधिकार से

Verse 5

वागीशः पातु मे जिह्वामोष्ठौ पात्वम्बिकापतिः ।
श्रीकण्ठः पातु मे ग्रीवां बाहू चैव पिनाकधृत् ॥ ५ ॥

vāgīśaḥ pātu me jihvāmoṣṭhau pātvambikāpatiḥ
śrīkaṇṭhaḥ pātu me grīvāṃ bāhū caiva pinākadhṛt

Meaning open with adhikāra · अर्थ अधिकार से

Verse 6

हृदयं मे महादेव ईश्वरोऽव्यात् स्तनान्तरम् ।
नाभिं कटिं च वक्षश्च पातु शर्व उमापतिः ॥ ६ ॥

hṛdayaṃ me mahādeva īśvaro'vyāt stanāntaram
nābhiṃ kaṭiṃ ca vakṣaśca pātu śarva umāpatiḥ

Meaning open with adhikāra · अर्थ अधिकार से

Verse 7

बाहुमध्यान्तरं चैव सूक्ष्मरूपस्सदाशिवः ।
सर्वं रक्षतु मे शर्वो गात्राणि च यथा क्रमम् ॥ ७ ॥

bāhumadhyāntaraṃ caiva sūkṣmarūpassadāśivaḥ
sarvaṃ rakṣatu me śarvo gātrāṇi ca yathā kramam

Meaning open with adhikāra · अर्थ अधिकार से

Verse 8

वज्रं च शक्तिदं चैव पाशाङ्कुशधरं तथा ।
गण्डशूलधरान्नित्यं रक्षतु त्रिदशेश्वरः ॥ ८ ॥

vajraṃ ca śaktidaṃ caiva pāśāṅkuśadharaṃ tathā
gaṇḍaśūladharānnityaṃ rakṣatu tridaśeśvaraḥ

Meaning open with adhikāra · अर्थ अधिकार से

Verse 9

प्रस्थानेषु पदे चैव वृक्षमूले नदीतटे ।
सन्ध्यायां राजभवने विरूपाक्षस्तु पातु माम् ॥ ९ ॥

prasthāneṣu pade caiva vṛkṣamūle nadītaṭe
sandhyāyāṃ rājabhavane virūpākṣastu pātu mām

Meaning open with adhikāra · अर्थ अधिकार से

Verse 10

शीतोष्णादथ कालेषु तुहिनद्रुमकण्टके ।
निर्मनुष्ये समे मार्गे पाहि मां वृषभध्वज ॥ १० ॥

śītoṣṇādatha kāleṣu tuhinadrumakaṇṭake
nirmanuṣye same mārge pāhi māṃ vṛṣabhadhvaja

Meaning open with adhikāra · अर्थ अधिकार से

फलश्रुतिःPhalaśruti

Verse 11

इत्येतद्रुद्रकवचं पवित्रं पापनाशनम् ।
महादेवप्रसादेन दुर्वासोमुनिकल्पितम् ॥ ११ ॥

ityetadrudrakavacaṃ pavitraṃ pāpanāśanam
mahādevaprasādena durvāsomunikalpitam

Meaning open with adhikāra · अर्थ अधिकार से

Verse 12

ममाख्यातं समासेन न भयं तेन विद्यते ।
प्राप्नोति परमारोग्यं पुण्यमायुष्यवर्धनम् ॥ १२ ॥

mamākhyātaṃ samāsena na bhayaṃ tena vidyate
prāpnoti paramārogyaṃ puṇyamāyuṣyavardhanam

Meaning open with adhikāra · अर्थ अधिकार से

Verse 13

विद्यार्थी लभते विद्यां धनार्थी लभते धनम् ।
कन्यार्थी लभते कन्यां न भयं विन्दते क्वचित् ॥ १३ ॥

vidyārthī labhate vidyāṃ dhanārthī labhate dhanam
kanyārthī labhate kanyāṃ na bhayaṃ vindate kvacit

Meaning open with adhikāra · अर्थ अधिकार से

Verse 14

अपुत्रो लभते पुत्रं मोक्षार्थी मोक्षमाप्नुयात् ।
त्राहि त्राहि महादेव त्राहि त्राहि त्रयीमय ॥ १४ ॥

aputro labhate putraṃ mokṣārthī mokṣamāpnuyāt
trāhi trāhi mahādeva trāhi trāhi trayīmaya

Meaning open with adhikāra · अर्थ अधिकार से

Verse 15

त्राहि मां पार्वतीनाथ त्राहि मां त्रिपुरान्तक ।
पाशं खट्वाङ्गदिव्यास्त्रं त्रिशूलं रुद्रमेव च ॥ १५ ॥

trāhi māṃ pārvatīnātha trāhi māṃ tripurāntaka
pāśaṃ khaṭvāṅgadivyāstraṃ triśūlaṃ rudrameva ca

Meaning open with adhikāra · अर्थ अधिकार से

Verse 16

नमस्करोमि देवेश त्राहि मां जगदीश्वर ।
शत्रुमध्ये सभामध्ये ग्राममध्ये गृहान्तरे ॥ १६ ॥

namaskaromi deveśa trāhi māṃ jagadīśvara
śatrumadhye sabhāmadhye grāmamadhye gṛhāntare

Meaning open with adhikāra · अर्थ अधिकार से

Verse 17

गमनेऽगमने चैव त्राहि मां भक्तवत्सल ।
त्वं चित्तं त्वं मानसं च त्वं बुद्धिस्त्वं परायणम् ॥ १७ ॥

gamane'gamane caiva trāhi māṃ bhaktavatsala
tvaṃ cittaṃ tvaṃ mānasaṃ ca tvaṃ buddhistvaṃ parāyaṇam

Meaning open with adhikāra · अर्थ अधिकार से

Verse 18

कर्मणा मनसा चैव त्वं बुद्धिश्च यथा सदा ।
सर्वज्वरभयं छिन्धि सर्वज्वरभयं छिन्धि ॥ १८ ॥

karmaṇā manasā caiva tvaṃ buddhiśca yathā sadā
sarvajvarabhayaṃ chindhi sarvajvarabhayaṃ chindhi

Meaning open with adhikāra · अर्थ अधिकार से

Verse 19

सर्वग्रहभयं छिन्धि सर्वग्रहभयं छिन्धि ।
सर्वशत्रून्निवर्त्यापि सर्वव्याधिनिवारणम् ।
रुद्रलोकं सगच्छति रुद्रलोकं सगच्छत्योन्नम इति ॥ १९ ॥

sarvagrahabhayaṃ chindhi sarvagrahabhayaṃ chindhi
sarvaśatrūnnivartyāpi sarvavyādhinivāraṇam
rudralokaṃ sagacchati rudralokaṃ sagacchatyonnama iti

Meaning open with adhikāra · अर्थ अधिकार से

इति श्रीस्कन्दपुराणे दुर्वासः प्रोक्तं रुद्रकवचं सम्पूर्णम् ।

Terms on this page

Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras