Rudrayāmala Tantra, Daśavidyā-rahasya · as given in the Devīrahasya

राज्ञीकवचम्

Rajni Kavacham (Rudrayamala) — The armour of the Queen (Mahārājñī), told by Bhairava

A Kavach of the great Queen (Mahārājñī), one of the Daśavidyā forms. Bhairava says it is made of the root mantra. A dhyāna verse comes first, then the seed-syllables (Bija Mantra) and the goddess's powers are set on the head, face, throat, arms, chest, back and feet, then the nāgas, the hours of the day and night, the Bhairavas and the circles of the Yantra, and at last the whole body. The closing verses tell what the recitation brings and how the armour is written on birch bark and worn in a golden capsule.

Verse 1-2

श्रीभैरव उवाच — भैरव बोले Bhairava said

शृणु देवि प्रवक्ष्यामि राज्ञीकवचमुत्तमम् ।
त्रैलोक्यविजयं नाम दिव्यं भोगापवर्गदम् ॥ १ ॥
मूलमन्त्रमयं गुह्यमष्टसिद्धिप्रदायकम् ।
सर्वैश्वर्यप्रदं लोके सर्वागमविनिश्चितम् ॥ २ ॥

śṛṇu devi pravakṣyāmi rājñīkavacamuttamam
trailokyavijayaṃ nāma divyaṃ bhogāpavargadam
mūlamantramayaṃ guhyamaṣṭasiddhipradāyakam
sarvaiśvaryapradaṃ loke sarvāgamaviniścitam

Meaning open with adhikāra · अर्थ अधिकार से

Verse 3

पठनाद् धारणाद् देवि महापातकनाशनम् ।
महोत्पातप्रशमनं मूलविद्यामनोहरम् ॥ ३ ॥

paṭhanād dhāraṇād devi mahāpātakanāśanam
mahotpātapraśamanaṃ mūlavidyāmanoharam

Meaning open with adhikāra · अर्थ अधिकार से

Verse 4-6

विरूपाक्षः शिवो देवि विष्णुर्नारायणो बली ।
ब्रह्मा पितामहो लोके जिष्णुर्गीर्वाणनायकः ॥ ४ ॥
महोनिधिस्तथा सूर्यस्तारकाधिपतिः शशी ।
रत्नाकरश्च जलधिः शेषश्चानन्ततां गतः ॥ ५ ॥
श्रीराज्ञ्याः कवचस्यास्य पठनाद् धारणात् सदा ।
बहुनोक्तेन देवेशि कवचस्यास्य धारणात् ॥ ६ ॥

virūpākṣaḥ śivo devi viṣṇurnārāyaṇo balī
brahmā pitāmaho loke jiṣṇurgīrvāṇanāyakaḥ
mahonidhistathā sūryastārakādhipatiḥ śaśī
ratnākaraśca jaladhiḥ śeṣaścānantatāṃ gataḥ
śrīrājñyāḥ kavacasyāsya paṭhanād dhāraṇāt sadā
bahunoktena deveśi kavacasyāsya dhāraṇāt

Meaning open with adhikāra · अर्थ अधिकार से

Verse 7

मर्त्योऽप्यमरतां याति राज्ञीपदमवाप्नुयात् ।
ऋषिरस्य महादेवि ब्रह्मा छन्दः समीरितम् ॥ ७ ॥

martyo'pyamaratāṃ yāti rājñīpadamavāpnuyāt
ṛṣirasya mahādevi brahmā chandaḥ samīritam

Meaning open with adhikāra · अर्थ अधिकार से

Verse 8

गायत्री देवता राज्ञी माया बीजमुदाहृतम् ।
शरच्छक्तिः कीलकं च कामराजः सुरेश्वरि ॥ ८ ॥

gāyatrī devatā rājñī māyā bījamudāhṛtam
śaracchaktiḥ kīlakaṃ ca kāmarājaḥ sureśvari

Meaning open with adhikāra · अर्थ अधिकार से

Verse 9

भोगापवर्गसिद्ध्यर्थे विनियोग इति स्मृतः ।

bhogāpavargasiddhyarthe viniyoga iti smṛtaḥ

Meaning open with adhikāra · अर्थ अधिकार से

ध्यानम्Meditation

Verse dh1

उद्यद्दिवाकरसहस्ररुचिं त्रिनेत्रां
सिंहासनोपरिगतामुरगोपवीताम् ।
खड्गाम्बुजाढ्यकलशामृतपात्रहस्तां
राज्ञीं भजामि विकसद्वदनारविन्दाम् ॥ १ ॥

udyaddivākarasahasraruciṃ trinetrāṃ
siṃhāsanoparigatāmuragopavītām
khaḍgāmbujāḍhyakalaśāmṛtapātrahastāṃ
rājñīṃ bhajāmi vikasadvadanāravindām

Meaning open with adhikāra · अर्थ अधिकार से

Verse dh2

चतुर्भुजां चन्द्रकलार्धशेखरां
सिंहासनस्थां भुजगोपवीतिनीम् ।
पाशाङ्कुशाम्भोरुहखड्गधारिणीं
राज्ञीं भजे चेतसि राज्यदायिनीम् ॥ २ ॥

caturbhujāṃ candrakalārdhaśekharāṃ
siṃhāsanasthāṃ bhujagopavītinīm
pāśāṅkuśāmbhoruhakhaḍgadhāriṇīṃ
rājñīṃ bhaje cetasi rājyadāyinīm

Meaning open with adhikāra · अर्थ अधिकार से

कवचम्The armour

Verse 9-10

ॐ लक्ष्मीर्मे शिरः पातु ह्रीं ललाटं सरस्वती ।
श्रीं बाला पातु मां नेत्रे त्र्यश्रं पातु श्रुती मम ॥ ९ ॥
रां दुर्गा पातु मे नासां क्लीं मुखं पातु शारिका ।
सौः कण्ठं वैखरी पातु भं भुजौ पातु मे शिवा ॥ १० ॥

oṃ lakṣmīrme śiraḥ pātu hrīṃ lalāṭaṃ sarasvatī
śrīṃ bālā pātu māṃ netre tryaśraṃ pātu śrutī mama
rāṃ durgā pātu me nāsāṃ klīṃ mukhaṃ pātu śārikā
sauḥ kaṇṭhaṃ vaikharī pātu bhaṃ bhujau pātu me śivā

Meaning open with adhikāra · अर्थ अधिकार से

Verse 11

गं हस्तौ पातु मे काली वं वक्षस्त्रिपुरावतु ।
षडश्रं पातु मे मध्यं वृत्तं पार्श्वौ ममावतु ॥ ११ ॥

gaṃ hastau pātu me kālī vaṃ vakṣastripurāvatu
ṣaḍaśraṃ pātu me madhyaṃ vṛttaṃ pārśvau mamāvatu

Meaning open with adhikāra · अर्थ अधिकार से

Verse 12-13

त्यैं पृष्ठं पातु मे ब्राह्मी रां नाभिं पातु वैष्णवी ।
इयैं गुदं पातु रुद्राणी ह्रीं कटिं मेऽपराजिता ॥ १२ ॥
स्वां कौमारी पातु जानू हां जङ्घेऽवतु चण्डिका ।
स्वाहा गुल्फौ च वाराही ॐ पादौ नारसिंहिका ॥ १३ ॥

tyaiṃ pṛṣṭhaṃ pātu me brāhmī rāṃ nābhiṃ pātu vaiṣṇavī
iyaiṃ gudaṃ pātu rudrāṇī hrīṃ kaṭiṃ me'parājitā
svāṃ kaumārī pātu jānū hāṃ jaṅghe'vatu caṇḍikā
svāhā gulphau ca vārāhī oṃ pādau nārasiṃhikā

Meaning open with adhikāra · अर्थ अधिकार से

इयैं uncertain

Verse 14-15

विस्मारितं च यत् स्थानं यत् स्थानं नामवर्जितम् ।
तत् सर्वं पातु मे राज्ञी मूलविद्यामयी परा ॥ १४ ॥
वासुकिः पूर्वतः पातु नीलनागोऽनलेऽवतात् ।
तक्षको दक्षिणे पातु नैर्ऋते पद्मनागकः ॥ १५ ॥

vismāritaṃ ca yat sthānaṃ yat sthānaṃ nāmavarjitam
tat sarvaṃ pātu me rājñī mūlavidyāmayī parā
vāsukiḥ pūrvataḥ pātu nīlanāgo'nale'vatāt
takṣako dakṣiṇe pātu nairṛte padmanāgakaḥ

Meaning open with adhikāra · अर्थ अधिकार से

Verse 16-17

कार्कोटकः पश्चिमेऽव्याच्छङ्खपालस्तु वायुगे ।
कुलिकश्चोत्तरे पातु शेष ईशानमण्डले ॥ १६ ॥
ब्राह्मी ब्राह्ममुहूर्तेऽव्याद् दिनादौ वैष्णवी मम ।
रुद्राणी पातु मध्याह्ने सायं पात्वपराजिता ॥ १७ ॥

kārkoṭakaḥ paścime'vyācchaṅkhapālastu vāyuge
kulikaścottare pātu śeṣa īśānamaṇḍale
brāhmī brāhmamuhūrte'vyād dinādau vaiṣṇavī mama
rudrāṇī pātu madhyāhne sāyaṃ pātvaparājitā

Meaning open with adhikāra · अर्थ अधिकार से

Verse 18-19

निशादौ पातु कौमारी निशीथे चण्डिकावतु ।
निशान्ते पातु वाराही सर्वदा नारसिंहिका ॥ १८ ॥
असिताङ्गः क्षितेः पातु पयसो रुरुभैरवः ।
चण्डो मां पवनात् पातु क्रोधेशः पातु मानलात् ॥ १९ ॥

niśādau pātu kaumārī niśīthe caṇḍikāvatu
niśānte pātu vārāhī sarvadā nārasiṃhikā
asitāṅgaḥ kṣiteḥ pātu payaso rurubhairavaḥ
caṇḍo māṃ pavanāt pātu krodheśaḥ pātu mānalāt

Meaning open with adhikāra · अर्थ अधिकार से

Verse 20-21

उन्मत्तः सोमतः पातु भीषणः सूर्यतोऽवतु ।
याजकाच्च कपालीशो व्योम्नः संहारकोऽवतात् ॥ २० ॥
सदा समन्ततः पातु वपुर्वसुदलं मम ।
गुरवः पान्तु सर्वत्र दिगीशाः पान्तु सर्वतः ॥ २१ ॥

unmattaḥ somataḥ pātu bhīṣaṇaḥ sūryato'vatu
yājakācca kapālīśo vyomnaḥ saṃhārako'vatāt
sadā samantataḥ pātu vapurvasudalaṃ mama
guravaḥ pāntu sarvatra digīśāḥ pāntu sarvataḥ

Meaning open with adhikāra · अर्थ अधिकार से

याजकाच्च uncertain

Verse 22-23

वृत्तत्रयं पातु नित्यं धरागेहं सदावतु ।
श्रीचक्रं पातु भीतिभ्यो योगिन्यः पान्तु सर्वदा ॥ २२ ॥
ऊर्ध्वं चाधः सदा पातु देवो रामेश्वरः शिवः ।
सर्वत्र सर्वदा सत्यं वपुर्भूतेश्वरोऽवतात् ॥ २३ ॥

vṛttatrayaṃ pātu nityaṃ dharāgehaṃ sadāvatu
śrīcakraṃ pātu bhītibhyo yoginyaḥ pāntu sarvadā
ūrdhvaṃ cādhaḥ sadā pātu devo rāmeśvaraḥ śivaḥ
sarvatra sarvadā satyaṃ vapurbhūteśvaro'vatāt

Meaning open with adhikāra · अर्थ अधिकार से

Verse 24-25

पादादिमूर्धपर्यन्तं वपुः सर्वत्र मेऽवतु ।
शिरसः पादपर्यन्तं राज्ञी पञ्चदशाक्षरी ॥ २४ ॥
इतीदं कवचं राज्ञ्या मन्त्रगर्भं जयावहम् ।
त्रैलोक्यविजयं नाम दारिद्र्यभयनाशनम् ॥ २५ ॥

pādādimūrdhaparyantaṃ vapuḥ sarvatra me'vatu
śirasaḥ pādaparyantaṃ rājñī pañcadaśākṣarī
itīdaṃ kavacaṃ rājñyā mantragarbhaṃ jayāvaham
trailokyavijayaṃ nāma dāridryabhayanāśanam

Meaning open with adhikāra · अर्थ अधिकार से

Verse 26-27

सर्वरोगहरं साक्षात् सिद्धिदं पापनाशनम् ।
महाभयहरं देवि मूलविद्यामयं परम् ॥ २६ ॥
परमार्थप्रदं नित्यं भोगमोक्षैककारणम् ।
यः पठेत् कवचं देवि रणे राजभये क्षणात् ॥ २७ ॥

sarvarogaharaṃ sākṣāt siddhidaṃ pāpanāśanam
mahābhayaharaṃ devi mūlavidyāmayaṃ param
paramārthapradaṃ nityaṃ bhogamokṣaikakāraṇam
yaḥ paṭhet kavacaṃ devi raṇe rājabhaye kṣaṇāt

Meaning open with adhikāra · अर्थ अधिकार से

Verse 28-29

संग्रामेषु रिपूञ्जित्वा विजयी गृहमेष्यति ।
पठनात् कवचस्यास्य राजकोपः प्रशाम्यति ॥ २८ ॥
द्यूते धनं लभेद् द्यूती श्मशाने सिद्धिमाप्नुयात् ।
त्रिवारं यः पठेद्रात्रौ रेतःस्रावे महेश्वरि ॥ २९ ॥

saṃgrāmeṣu ripūñjitvā vijayī gṛhameṣyati
paṭhanāt kavacasyāsya rājakopaḥ praśāmyati
dyūte dhanaṃ labhed dyūtī śmaśāne siddhimāpnuyāt
trivāraṃ yaḥ paṭhedrātrau retaḥsrāve maheśvari

Meaning open with adhikāra · अर्थ अधिकार से

Verse 30-31

तस्य राज्ञी महाविद्या स्वप्नेऽभीष्टप्रदा भवेत् ।
स्वयम्भूकुसुमैः शुद्धै रेतसा चोभयाङ्कितैः ॥ ३० ॥
रसैर्भूर्जे लिखेद्वर्म रवौ प्रातर्महेश्वरि ।
चीनतन्तुभिरव्यक्तं लाक्षया वेष्टितं तथा ॥ ३१ ॥

tasya rājñī mahāvidyā svapne'bhīṣṭapradā bhavet
svayambhūkusumaiḥ śuddhai retasā cobhayāṅkitaiḥ
rasairbhūrje likhedvarma ravau prātarmaheśvari
cīnatantubhiravyaktaṃ lākṣayā veṣṭitaṃ tathā

Meaning open with adhikāra · अर्थ अधिकार से

Verse 32-33

सुवर्णगुटिकान्तःस्थं पूजयेद्यन्त्रराजवत् ।
गुटिकैषा महाविद्या राज्ञी मूर्तिरिवापरा ॥ ३२ ॥
मूलविद्यामयी देवि सर्वाभीष्टफलप्रदा ।
शिरःस्था धनदा देवि कण्ठस्था वाक्प्रदायिनी ॥ ३३ ॥

suvarṇaguṭikāntaḥsthaṃ pūjayedyantrarājavat
guṭikaiṣā mahāvidyā rājñī mūrtirivāparā
mūlavidyāmayī devi sarvābhīṣṭaphalapradā
śiraḥsthā dhanadā devi kaṇṭhasthā vākpradāyinī

Meaning open with adhikāra · अर्थ अधिकार से

Verse 34-35

वक्षःस्था पुत्रदा देवि कटिस्था भोगदायिनी ।
पृष्ठस्था बलदा नित्यं कुक्षिस्था रोगनाशिनी ॥ ३४ ॥
सर्वार्थसाधिनी लोके यथाभीष्टफलप्रदा ।
गुटिकेयं शुभा राज्ञ्या न देया यस्य कस्यचित् ॥ ३५ ॥

vakṣaḥsthā putradā devi kaṭisthā bhogadāyinī
pṛṣṭhasthā baladā nityaṃ kukṣisthā roganāśinī
sarvārthasādhinī loke yathābhīṣṭaphalapradā
guṭikeyaṃ śubhā rājñyā na deyā yasya kasyacit

Meaning open with adhikāra · अर्थ अधिकार से

Verse 36-37

इदं कवचमीशानि मूलविद्यामयं ध्रुवम् ।
सारस्वतप्रदं लक्ष्मीपुत्रपौत्रविवर्धनम् ॥ ३६ ॥
आयुष्करं पुष्टिकरं श्रीकरं च यशस्करम् ।
चतुष्षष्ट्यादितन्त्राणां सारमादाय वर्णितम् ॥ ३७ ॥

idaṃ kavacamīśāni mūlavidyāmayaṃ dhruvam
sārasvatapradaṃ lakṣmīputrapautravivardhanam
āyuṣkaraṃ puṣṭikaraṃ śrīkaraṃ ca yaśaskaram
catuṣṣaṣṭyāditantrāṇāṃ sāramādāya varṇitam

Meaning open with adhikāra · अर्थ अधिकार से

Verse 38-39

श्मशाने यः पठेत् सायं महाचीनक्रमेश्वरः ।
स साधको महादेवि राज्ञीपुत्रो भविष्यति ॥ ३८ ॥
इतीदं मम सर्वस्वं त्रैलोक्यविजयाभिधम् ।
कवचं मन्त्रगर्भं तु गोपनीयं स्वयोनिवत् ॥ ३९ ॥

śmaśāne yaḥ paṭhet sāyaṃ mahācīnakrameśvaraḥ
sa sādhako mahādevi rājñīputro bhaviṣyati
itīdaṃ mama sarvasvaṃ trailokyavijayābhidham
kavacaṃ mantragarbhaṃ tu gopanīyaṃ svayonivat

Meaning open with adhikāra · अर्थ अधिकार से

इति श्रीरुद्रयामले तन्त्रे दशविद्यारहस्ये श्रीराज्ञीकवचम् ।

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Yantra यंत्र A geometric diagram encoding a deity's energy, kept at home or worn.
Yogini योगिनी A class of female Tantric deities/attendants, often grouped in a set of sixty-four (Chausath Yogini).

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras