Gandharva Tantra, fourth paṭala

राजराजेश्वरीकवचम्

Rajarajeshvari Kavacham (Gandharva Tantra) — The armour of Mahātripurasundarī called Trailokyamohana, told by Śiva

A long Kavach of Rājarājeśvarī, the great Tripurasundarī, called Trailokyamohana, "the enchanter of the three worlds". Pārvatī asks and Śiva answers that it is told nowhere else. The seed-syllables (Bija Mantra) and the attendant powers of the goddess are set one after another on the head, face, arms, chest and feet; then come the eight perfections, the nitya goddesses, the powers that draw or still, and the Yoginis of the quarters. The later verses say to whom the armour may not be given, how it is recited, and how it is written on birch bark and worn in a capsule.

चतुर्थः पटलः — त्रैलोक्यमोहनकवचविधानम्The fourth chapter: the armour called Trailokyamohana

Verse 1

पार्वत्युवाच — पार्वती बोलीं Pārvatī said

देवदेव महादेव लोकानां हितकारक ।
यत् सूचितं पुरा नाथ किमर्थं न प्रकाशितम् ॥ १ ॥

devadeva mahādeva lokānāṃ hitakāraka
yat sūcitaṃ purā nātha kimarthaṃ na prakāśitam

Meaning open with adhikāra · अर्थ अधिकार से

Verse 2

राजराजेश्वरीदेव्यास्त्रिपुरायाः शुभावहम् ।
कवचं यदि मे प्रीतः कथयस्व वृषध्वज ॥ २ ॥

rājarājeśvarīdevyāstripurāyāḥ śubhāvaham
kavacaṃ yadi me prītaḥ kathayasva vṛṣadhvaja

Meaning open with adhikāra · अर्थ अधिकार से

Verse 3

ईश्वर उवाच — ईश्वर (शिव) बोले Īśvara (Śiva) said

लक्षवारसहस्राणि वारितासि पुनः पुनः ।
स्त्रीस्वभावान्महादेवि पुनस्त्वं परिपृच्छसि ॥ ३ ॥

lakṣavārasahasrāṇi vāritāsi punaḥ punaḥ
strīsvabhāvānmahādevi punastvaṃ paripṛcchasi

Meaning open with adhikāra · अर्थ अधिकार से

Verse 4

अत्यन्तं दुर्लभं गुह्यं कवचं सर्वकामदम् ।
तथापि कथयाम्यद्य तव प्रीत्या वरानने ॥ ४ ॥

atyantaṃ durlabhaṃ guhyaṃ kavacaṃ sarvakāmadam
tathāpi kathayāmyadya tava prītyā varānane

Meaning open with adhikāra · अर्थ अधिकार से

Verse 5

त्रैलोक्यमोहनं नाम त्रिषु लोकेषु दुर्लभम् ।
सर्वसौभाग्यजननं भोगमोक्षफलप्रदम् ॥ ५ ॥

trailokyamohanaṃ nāma triṣu lokeṣu durlabham
sarvasaubhāgyajananaṃ bhogamokṣaphalapradam

Meaning open with adhikāra · अर्थ अधिकार से

Verse 6

यत् कृत्वा दानवान् विष्णुर्निजघान सुदारुणान् ।
लोकान् वितनुते ब्रह्मा संहर्ताऽहं यतः प्रिये ॥ ६ ॥

yat kṛtvā dānavān viṣṇurnijaghāna sudāruṇān
lokān vitanute brahmā saṃhartā'haṃ yataḥ priye

Meaning open with adhikāra · अर्थ अधिकार से

Verse 7

धनाधिपः कुबेरोऽपि यतः सर्वे दिगीश्वराः ।
नैतत् परतरं गुह्यं प्रतिजानीहि पार्वति ॥ ७ ॥

dhanādhipaḥ kubero'pi yataḥ sarve digīśvarāḥ
naitat parataraṃ guhyaṃ pratijānīhi pārvati

Meaning open with adhikāra · अर्थ अधिकार से

Verse 8

वेदशास्त्रपुराणेषु सारमेतद् वरानने ।
पुत्रदारादिसहितं शिरो देयं कथञ्चन ॥ ८ ॥

vedaśāstrapurāṇeṣu sārametad varānane
putradārādisahitaṃ śiro deyaṃ kathañcana

Meaning open with adhikāra · अर्थ अधिकार से

Verse 9

न देयं कवचं गुह्यं प्राणैः कण्ठगतैरपि ।
शृणु सर्वाङ्गसुभगे दिव्यं कवचमुत्तमम् ॥ ९ ॥

na deyaṃ kavacaṃ guhyaṃ prāṇaiḥ kaṇṭhagatairapi
śṛṇu sarvāṅgasubhage divyaṃ kavacamuttamam

Meaning open with adhikāra · अर्थ अधिकार से

Verse 10

राजराजेश्वरीदेव्याः कवचस्य ऋषिः शिवः ।
छन्दो विराड् देवता च महात्रिपुरसुन्दरी ॥ १० ॥

rājarājeśvarīdevyāḥ kavacasya ṛṣiḥ śivaḥ
chando virāḍ devatā ca mahātripurasundarī

Meaning open with adhikāra · अर्थ अधिकार से

Verse 11

हंसः शक्तिः पराबीजं रमाबीजं च कीलकम् ।
धर्मार्थकाममोक्षेषु विनियोगः प्रकीर्तितः ॥ ११ ॥

haṃsaḥ śaktiḥ parābījaṃ ramābījaṃ ca kīlakam
dharmārthakāmamokṣeṣu viniyogaḥ prakīrtitaḥ

Meaning open with adhikāra · अर्थ अधिकार से

कवचम्The armour

Verse 12

त्रिपुरा त्रिविधा पातु मम सर्वार्थसिद्धये ।
ऐं क्लीं सौः वदने बाला पातु सर्वार्थसिद्धिदा ॥ १२ ॥

tripurā trividhā pātu mama sarvārthasiddhaye
aiṃ klīṃ sauḥ vadane bālā pātu sarvārthasiddhidā

Meaning open with adhikāra · अर्थ अधिकार से

Verse 13

कण्ठं पातु महादेवी श्रीमत्त्रिपुरभैरवी ।
हृदयेऽव्यान्महेशानी महात्रिपुरसुन्दरी ॥ १३ ॥

kaṇṭhaṃ pātu mahādevī śrīmattripurabhairavī
hṛdaye'vyānmaheśānī mahātripurasundarī

Meaning open with adhikāra · अर्थ अधिकार से

Verse 14

राजराजेश्वरी विद्या षोडशी या महोदया ।
ब्रह्मरन्ध्रे सदा पातु कमला परमेश्वरी ॥ १४ ॥

rājarājeśvarī vidyā ṣoḍaśī yā mahodayā
brahmarandhre sadā pātu kamalā parameśvarī

Meaning open with adhikāra · अर्थ अधिकार से

Verse 15

गिरिराजसुता देवी पातु नित्यं च शीर्षके ।
कामबीजं ललाटेऽव्याद् वाग्बीजं कण्ठदेशके ॥ १५ ॥

girirājasutā devī pātu nityaṃ ca śīrṣake
kāmabījaṃ lalāṭe'vyād vāgbījaṃ kaṇṭhadeśake

Meaning open with adhikāra · अर्थ अधिकार से

Verse 16

सौः पातु तथा पार्श्वे प्रणवो बाहुमूलके ।
शम्भुप्रिया सदा पातु बाहुदक्षिणसव्ययोः ॥ १६ ॥

sauḥ pātu tathā pārśve praṇavo bāhumūlake
śambhupriyā sadā pātu bāhudakṣiṇasavyayoḥ

Meaning open with adhikāra · अर्थ अधिकार से

Verse 17

विष्णुप्रिया सदा पातु मणिबन्धद्वये तथा ।
पार्वतीशः करे पातु नेत्रे नक्षत्रवल्लभः ॥ १७ ॥

viṣṇupriyā sadā pātu maṇibandhadvaye tathā
pārvatīśaḥ kare pātu netre nakṣatravallabhaḥ

Meaning open with adhikāra · अर्थ अधिकार से

Verse 18

श्रोत्रे रतिप्रियः पातु घ्राणे शक्रः सदाऽवतु ।
पृष्ठदेशे सदा पातु पार्वती परमेश्वरी ॥ १८ ॥

śrotre ratipriyaḥ pātu ghrāṇe śakraḥ sadā'vatu
pṛṣṭhadeśe sadā pātu pārvatī parameśvarī

Meaning open with adhikāra · अर्थ अधिकार से

Verse 19

ह्रसौः श्वासे च निःश्वासे पातां परमसिद्धिदौ ।
कामः कामे सदा पातु पिनाकी लिङ्गगोचरे ॥ १९ ॥

hrasauḥ śvāse ca niḥśvāse pātāṃ paramasiddhidau
kāmaḥ kāme sadā pātu pinākī liṅgagocare

Meaning open with adhikāra · अर्थ अधिकार से

Verse 20

पृथ्वी सर्वांशके पातु हृल्लेखा हृदयेऽवतु ।
स्तनौ भृगुप्रिया पातु कुक्षौ च स पुरान्तकः ॥ २० ॥

pṛthvī sarvāṃśake pātu hṛllekhā hṛdaye'vatu
stanau bhṛgupriyā pātu kukṣau ca sa purāntakaḥ

Meaning open with adhikāra · अर्थ अधिकार से

Verse 21

नेत्रे वज्रधरः पातु माया वै जठरेऽवतु ।
पदद्वन्द्वे च सौः पातु ऐं जिह्वानिलयेऽवतु ॥ २१ ॥

netre vajradharaḥ pātu māyā vai jaṭhare'vatu
padadvandve ca sauḥ pātu aiṃ jihvānilaye'vatu

Meaning open with adhikāra · अर्थ अधिकार से

Verse 22

क्लीङ्कारः सर्वदा पातु दन्तौष्ठयोर्वरानने ।
शीर्षादिपादपर्यन्तं सर्वाङ्गं भुवनेश्वरी ॥ २२ ॥

klīṅkāraḥ sarvadā pātu dantauṣṭhayorvarānane
śīrṣādipādaparyantaṃ sarvāṅgaṃ bhuvaneśvarī

Meaning open with adhikāra · अर्थ अधिकार से

Verse 23

रक्षाहीनं च यत् स्थानं वर्जितं कवचेन तु ।
तत् सर्वं परमेशानि पातु नित्यं हरिप्रिया ॥ २३ ॥

rakṣāhīnaṃ ca yat sthānaṃ varjitaṃ kavacena tu
tat sarvaṃ parameśāni pātu nityaṃ haripriyā

Meaning open with adhikāra · अर्थ अधिकार से

Verse 24

आधारे वाग्भवः पातु कामराजो हृदि प्रिये ।
शक्तिकूटं तथा पातु भ्रुवोर्मध्ये च पार्वति ॥ २४ ॥

ādhāre vāgbhavaḥ pātu kāmarājo hṛdi priye
śaktikūṭaṃ tathā pātu bhruvormadhye ca pārvati

Meaning open with adhikāra · अर्थ अधिकार से

Verse 25

शीर्षे कूटत्रयं पातु ललाटे सर्वमन्त्रकः ।
अष्टाविंशतिवर्णेयं मुखवृत्ते सदाऽवतु ॥ २५ ॥

śīrṣe kūṭatrayaṃ pātu lalāṭe sarvamantrakaḥ
aṣṭāviṃśativarṇeyaṃ mukhavṛtte sadā'vatu

Meaning open with adhikāra · अर्थ अधिकार से

Verse 26

षोडशीयं महाविद्या ब्रह्मविद्यैव केवला ।
भोगमोक्षप्रदा देवी केवलात्मस्वरूपिणी ॥ २६ ॥

ṣoḍaśīyaṃ mahāvidyā brahmavidyaiva kevalā
bhogamokṣapradā devī kevalātmasvarūpiṇī

Meaning open with adhikāra · अर्थ अधिकार से

Verse 27

कामेश्वरी ललाटेऽव्यान्मुखेषु भगमालिनी ।
दक्षनेत्रे सदा पातु नित्यक्लिन्ना महोदया ॥ २७ ॥

kāmeśvarī lalāṭe'vyānmukheṣu bhagamālinī
dakṣanetre sadā pātu nityaklinnā mahodayā

Meaning open with adhikāra · अर्थ अधिकार से

Verse 28

भेरुण्डा वामनेत्रेऽव्यात् कर्णे वै वह्निवासिनी ।
महाविद्येश्वरी पातु वामकर्णप्रदेशके ॥ २८ ॥

bheruṇḍā vāmanetre'vyāt karṇe vai vahnivāsinī
mahāvidyeśvarī pātu vāmakarṇapradeśake

Meaning open with adhikāra · अर्थ अधिकार से

Verse 29

दक्षनासापुटे पातु शिवदूती महेश्वरी ।
वामनासापुटे पातु त्वरिता सर्वसिद्धिदा ॥ २९ ॥

dakṣanāsāpuṭe pātu śivadūtī maheśvarī
vāmanāsāpuṭe pātu tvaritā sarvasiddhidā

Meaning open with adhikāra · अर्थ अधिकार से

Verse 30

दक्षगण्डे सदा पातु नित्यं मां कुलसुन्दरी ।
त्रैलोक्यविमला पातु वामगण्डप्रदेशके ॥ ३० ॥

dakṣagaṇḍe sadā pātu nityaṃ māṃ kulasundarī
trailokyavimalā pātu vāmagaṇḍapradeśake

Meaning open with adhikāra · अर्थ अधिकार से

Verse 31

ओष्ठे नीलपताकाऽव्यादधरे विजयाऽवतु ।
ऊर्ध्वदन्ते सदा पातु देवी मां सर्वमङ्गला ॥ ३१ ॥

oṣṭhe nīlapatākā'vyādadhare vijayā'vatu
ūrdhvadante sadā pātu devī māṃ sarvamaṅgalā

Meaning open with adhikāra · अर्थ अधिकार से

Verse 32

अधोदन्तप्रदेशेऽव्यान्नित्यं ज्वालांशुमालिनी ।
विचित्रा सर्वदा पातु नित्यं मूर्धनि पार्वति ॥ ३२ ॥

adhodantapradeśe'vyānnityaṃ jvālāṃśumālinī
vicitrā sarvadā pātu nityaṃ mūrdhani pārvati

Meaning open with adhikāra · अर्थ अधिकार से

Verse 33

आसां प्रधानभूता या महात्रिपुरसुन्दरी ।
षोडशी सा सदा पातु मुखे वै परमेश्वरी ॥ ३३ ॥

āsāṃ pradhānabhūtā yā mahātripurasundarī
ṣoḍaśī sā sadā pātu mukhe vai parameśvarī

Meaning open with adhikāra · अर्थ अधिकार से

Verse 34

पृष्ठदेशे सदा पान्तु गुरवस्त्रिविधाश्च ते ।
पादयोः सर्वदा पातु त्रिपुरा परमेश्वरी ॥ ३४ ॥

pṛṣṭhadeśe sadā pāntu guravastrividhāśca te
pādayoḥ sarvadā pātu tripurā parameśvarī

Meaning open with adhikāra · अर्थ अधिकार से

Verse 35

जानुदेशे सदा पातु देवी मां त्रिपुरेश्वरी ।
ऊरुद्वये सदा पातु देवी त्रिपुरसुन्दरी ॥ ३५ ॥

jānudeśe sadā pātu devī māṃ tripureśvarī
ūrudvaye sadā pātu devī tripurasundarī

Meaning open with adhikāra · अर्थ अधिकार से

Verse 36

त्रिपुरवासिनी देवी कटिदेशे सदाऽवतु ।
त्रिपुराश्रीश्च मां नित्यं गुह्यदेशे सदाऽवतु ॥ ३६ ॥

tripuravāsinī devī kaṭideśe sadā'vatu
tripurāśrīśca māṃ nityaṃ guhyadeśe sadā'vatu

Meaning open with adhikāra · अर्थ अधिकार से

Verse 37

मूलाधारे सदा पातु देवी त्रिपुरमालिनी ।
नाभौ त्रिपुरसिद्धाऽव्यात् त्रिपुरा च सदा हृदि ॥ ३७ ॥

mūlādhāre sadā pātu devī tripuramālinī
nābhau tripurasiddhā'vyāt tripurā ca sadā hṛdi

Meaning open with adhikāra · अर्थ अधिकार से

Verse 38

ब्रह्मरन्ध्रे सदा पातु महात्रिपुरसुन्दरी ।
आसां तु मन्त्रबीजानि प्रोक्तस्थानेषु विन्यसेत् ॥ ३८ ॥

brahmarandhre sadā pātu mahātripurasundarī
āsāṃ tu mantrabījāni proktasthāneṣu vinyaset

Meaning open with adhikāra · अर्थ अधिकार से

Verse 39

पाषण्डगणमध्ये तु बुद्धो मां परिरक्षतु ।
ब्रह्माऽव्याद् ब्रह्मसंघाते शिवो मां योगसिद्धये ॥ ३९ ॥

pāṣaṇḍagaṇamadhye tu buddho māṃ parirakṣatu
brahmā'vyād brahmasaṃghāte śivo māṃ yogasiddhaye

Meaning open with adhikāra · अर्थ अधिकार से

ब्रह्मसंघाते uncertain

Verse 40

ज्ञाने मां भास्करः पातु मोक्षे नारायणः प्रभुः ।
या शक्तिः सर्वभूतानां विद्याऽविद्येति गीयते ॥ ४० ॥

jñāne māṃ bhāskaraḥ pātu mokṣe nārāyaṇaḥ prabhuḥ
yā śaktiḥ sarvabhūtānāṃ vidyā'vidyeti gīyate

Meaning open with adhikāra · अर्थ अधिकार से

Verse 41

सा शक्तिः सर्वदा पातु स्त्रीपुत्रधनसम्पदि ।
अणिमा पश्चिमे पातु लघिमा चोत्तरेऽवतु ॥ ४१ ॥

sā śaktiḥ sarvadā pātu strīputradhanasampadi
aṇimā paścime pātu laghimā cottare'vatu

Meaning open with adhikāra · अर्थ अधिकार से

Verse 42

पूर्वतः पातु महिमा ईशित्वा दक्षिणेऽवतु ।
वशित्वा वायुनिलये ईशे प्राकाम्यसिद्धिदा ॥ ४२ ॥

pūrvataḥ pātu mahimā īśitvā dakṣiṇe'vatu
vaśitvā vāyunilaye īśe prākāmyasiddhidā

Meaning open with adhikāra · अर्थ अधिकार से

Verse 43

भुक्तिसिद्धिस्तथाग्नेये पात्विच्छासिद्धी राक्षसे ।
अधः पातु प्राप्तिसिद्धिर्मोक्ष सिद्धिस्तथोर्ध्वके ॥ ४३ ॥

bhuktisiddhistathāgneye pātvicchāsiddhī rākṣase
adhaḥ pātu prāptisiddhirmokṣa siddhistathordhvake

Meaning open with adhikāra · अर्थ अधिकार से

Verse 44

ब्रह्माणी सन्ध्ययोः पातु माहेश्वरी दिवाऽवतु ।
मध्याह्ने पातु कौमारी रात्रौ च शत्रुवल्लभा ॥ ४४ ॥

brahmāṇī sandhyayoḥ pātu māheśvarī divā'vatu
madhyāhne pātu kaumārī rātrau ca śatruvallabhā

Meaning open with adhikāra · अर्थ अधिकार से

Verse 45

ब्राह्मे मुहूर्तके पातु वैष्णवी सर्वसिद्धिदा ।
निशीथे पातु वाराही चामुण्डा शत्रुविग्रहे ॥ ४५ ॥

brāhme muhūrtake pātu vaiṣṇavī sarvasiddhidā
niśīthe pātu vārāhī cāmuṇḍā śatruvigrahe

Meaning open with adhikāra · अर्थ अधिकार से

Verse 46

महोत्साहे महालक्ष्मीः पातु नित्य महेश्वरी ।
शीर्षे सङ्क्षोभणी पातु तारिणी हृदयेऽवतु ॥ ४६ ॥

mahotsāhe mahālakṣmīḥ pātu nitya maheśvarī
śīrṣe saṅkṣobhaṇī pātu tāriṇī hṛdaye'vatu

Meaning open with adhikāra · अर्थ अधिकार से

Verse 47

आकर्षणी शिखायां तु कवचे पातु वश्यदा ।
उन्मादिनी तथा नेत्रे सर्वगात्रे महाङ्कुशा ॥ ४७ ॥

ākarṣaṇī śikhāyāṃ tu kavace pātu vaśyadā
unmādinī tathā netre sarvagātre mahāṅkuśā

Meaning open with adhikāra · अर्थ अधिकार से

Verse 48

त्रिखण्डा भुजयोः पातु बीजे बीजस्वरूपिणी ।
खेचरी पादयोः पातु योनिमुद्रा च सर्वतः ॥ ४८ ॥

trikhaṇḍā bhujayoḥ pātu bīje bījasvarūpiṇī
khecarī pādayoḥ pātu yonimudrā ca sarvataḥ

Meaning open with adhikāra · अर्थ अधिकार से

Verse 49

कामाकर्षणरूपाऽव्यात् सदाऽऽकर्षणकर्मणि ।
बुद्ध्याकर्षणरूपाऽव्यात् परबुद्धिविकर्षणे ॥ ४९ ॥

kāmākarṣaṇarūpā'vyāt sadā''karṣaṇakarmaṇi
buddhyākarṣaṇarūpā'vyāt parabuddhivikarṣaṇe

Meaning open with adhikāra · अर्थ अधिकार से

Verse 50

अहङ्कारे सदा पातु अहङ्कारविकर्षणी ।
शब्दाकर्षणरूपाऽव्याच्छब्दाकर्षणकर्मणि ॥ ५० ॥

ahaṅkāre sadā pātu ahaṅkāravikarṣaṇī
śabdākarṣaṇarūpā'vyācchabdākarṣaṇakarmaṇi

Meaning open with adhikāra · अर्थ अधिकार से

Verse 51

स्पर्शाकर्षणरूपा मां पातु स्पर्शनकर्मणि ।
रूपाकर्षणरूपाऽव्यात् पररूपविकर्षणे ॥ ५१ ॥

sparśākarṣaṇarūpā māṃ pātu sparśanakarmaṇi
rūpākarṣaṇarūpā'vyāt pararūpavikarṣaṇe

Meaning open with adhikāra · अर्थ अधिकार से

Verse 52

रसाकर्षणरूपाऽव्याद् रसे वै परमेश्वरी ।
गन्धाकर्षणरूपा मां पातु गन्धे च सर्वदा ॥ ५२ ॥

rasākarṣaṇarūpā'vyād rase vai parameśvarī
gandhākarṣaṇarūpā māṃ pātu gandhe ca sarvadā

Meaning open with adhikāra · अर्थ अधिकार से

Verse 53

चित्ताकर्षणरूपा मां पायादाकृष्टिकर्मणि ।
धैर्याकर्षणरूपा तु पातु धैर्यविधौ सदा ॥ ५३ ॥

cittākarṣaṇarūpā māṃ pāyādākṛṣṭikarmaṇi
dhairyākarṣaṇarūpā tu pātu dhairyavidhau sadā

Meaning open with adhikāra · अर्थ अधिकार से

Verse 54

स्मृत्याऽऽकर्षणरूपाऽव्याज्ज्ञानाकर्षणकर्मणि ।
नामाकर्षणरूपाऽव्यान्नामव्याहरणे सदा ॥ ५४ ॥

smṛtyā''karṣaṇarūpā'vyājjñānākarṣaṇakarmaṇi
nāmākarṣaṇarūpā'vyānnāmavyāharaṇe sadā

Meaning open with adhikāra · अर्थ अधिकार से

Verse 55

बीजाकर्षणरूपा मां सर्वबीजप्ररोपणे ।
परजीवाकर्षणे पातु आत्माकर्षणरूपिणी ॥ ५५ ॥

bījākarṣaṇarūpā māṃ sarvabījapraropaṇe
parajīvākarṣaṇe pātu ātmākarṣaṇarūpiṇī

Meaning open with adhikāra · अर्थ अधिकार से

Verse 56

अमृताकर्षणी पातु अमृतीकरणी सदा ।
शरीराकर्षणी पातु सदा शरीररक्षणे ॥ ५६ ॥

amṛtākarṣaṇī pātu amṛtīkaraṇī sadā
śarīrākarṣaṇī pātu sadā śarīrarakṣaṇe

Meaning open with adhikāra · अर्थ अधिकार से

Verse 57

अनङ्गकुसुमा पातु पुरतः सर्वकर्मणि ।
अनङ्गमेखला पातु पृष्ठतः परमेश्वरी ॥ ५७ ॥

anaṅgakusumā pātu purataḥ sarvakarmaṇi
anaṅgamekhalā pātu pṛṣṭhataḥ parameśvarī

Meaning open with adhikāra · अर्थ अधिकार से

Verse 58

अनङ्गमदना पातु वामतो मे महेश्वरी ।
दक्षिणे सर्वदा पातु अनङ्गमदनातुरा ॥ ५८ ॥

anaṅgamadanā pātu vāmato me maheśvarī
dakṣiṇe sarvadā pātu anaṅgamadanāturā

Meaning open with adhikāra · अर्थ अधिकार से

Verse 59

नित्यं चाऽनङ्गरेखाऽव्यादूर्ध्वं मम सदा प्रिये ।
अनङ्गवेगिनी पातु अधो परमेश्वरी ॥ ५९ ॥

nityaṃ cā'naṅgarekhā'vyādūrdhvaṃ mama sadā priye
anaṅgaveginī pātu adho parameśvarī

Meaning open with adhikāra · अर्थ अधिकार से

Verse 60

तथाऽनङ्गाङ्कुशा नित्यं पातु मां दिक्षु सर्वदा ।
अनङ्गमालिनी पातु विदिक्षु मम सर्वदा ॥ ६० ॥

tathā'naṅgāṅkuśā nityaṃ pātu māṃ dikṣu sarvadā
anaṅgamālinī pātu vidikṣu mama sarvadā

Meaning open with adhikāra · अर्थ अधिकार से

Verse 61

सर्वसङ्क्षोभणी चोर्ध्वे पातु मां जगदीश्वरी ।
सर्वविद्राविणी चाधो दिक्षु सर्वविकर्षिणी ॥ ६१ ॥

sarvasaṅkṣobhaṇī cordhve pātu māṃ jagadīśvarī
sarvavidrāviṇī cādho dikṣu sarvavikarṣiṇī

Meaning open with adhikāra · अर्थ अधिकार से

Verse 62

सर्वाह्लादकरी शक्तिर्विदिक्षु परिरक्षतु ।
सर्वसम्मोहिनी पातु समन्तात् परमेश्वरी ॥ ६२ ॥

sarvāhlādakarī śaktirvidikṣu parirakṣatu
sarvasammohinī pātu samantāt parameśvarī

Meaning open with adhikāra · अर्थ अधिकार से

Verse 63

अन्तर्बहिश्च मां पातु सर्वस्तम्भनकर्मणि ।
तथैव पातु मां नित्यमाकाशे सर्वजृम्भणी ॥ ६३ ॥

antarbahiśca māṃ pātu sarvastambhanakarmaṇi
tathaiva pātu māṃ nityamākāśe sarvajṛmbhaṇī

Meaning open with adhikāra · अर्थ अधिकार से

Verse 64

पाताले चैव मां पातु सर्ववश्यकरी तथा ।
देवलोके सदा पातु सर्वरञ्जनकारिणी ॥ ६४ ॥

pātāle caiva māṃ pātu sarvavaśyakarī tathā
devaloke sadā pātu sarvarañjanakāriṇī

Meaning open with adhikāra · अर्थ अधिकार से

Verse 65

सर्वोन्मादनशक्तिर्मां भूतले परिरक्षतु ।
सर्वार्थसाधनी शक्तिः पायाद् भूतगणालये ॥ ६५ ॥

sarvonmādanaśaktirmāṃ bhūtale parirakṣatu
sarvārthasādhanī śaktiḥ pāyād bhūtagaṇālaye

Meaning open with adhikāra · अर्थ अधिकार से

Verse 66

सिद्धानामालये पातु सर्वसम्पत्तिपूरणी ।
राक्षसानां च यक्षाणां सर्वमन्त्रमयी गृहे ॥ ६६ ॥

siddhānāmālaye pātu sarvasampattipūraṇī
rākṣasānāṃ ca yakṣāṇāṃ sarvamantramayī gṛhe

Meaning open with adhikāra · अर्थ अधिकार से

Verse 67

असुराणां निवासे तु सर्वद्वन्द्वक्षयङ्करी ।
सर्वसिद्धिप्रदा देवी पातु राजगृहे सदा ॥ ६७ ॥

asurāṇāṃ nivāse tu sarvadvandvakṣayaṅkarī
sarvasiddhipradā devī pātu rājagṛhe sadā

Meaning open with adhikāra · अर्थ अधिकार से

Verse 68

सर्वसम्पत्प्रदा पातु स्वगृहे सर्वसम्पदि ।
सर्वप्रियङ्करी पातु सर्वलोकेषु सर्वदा ॥ ६८ ॥

sarvasampatpradā pātu svagṛhe sarvasampadi
sarvapriyaṅkarī pātu sarvalokeṣu sarvadā

Meaning open with adhikāra · अर्थ अधिकार से

Verse 69

सर्वमङ्गलकार्येऽव्यात् सर्वमङ्गलकारिणी ।
सर्वकामप्रदा देवि सर्वकार्येषु सर्वदा ॥ ६९ ॥

sarvamaṅgalakārye'vyāt sarvamaṅgalakāriṇī
sarvakāmapradā devi sarvakāryeṣu sarvadā

Meaning open with adhikāra · अर्थ अधिकार से

Verse 70

ऐश्वर्ये सर्वदा पातु सर्वैश्वर्यप्रदायिनी ।
सर्वमृत्युप्रशमनी पायान्नित्यं यमालये ॥ ७० ॥

aiśvarye sarvadā pātu sarvaiśvaryapradāyinī
sarvamṛtyupraśamanī pāyānnityaṃ yamālaye

Meaning open with adhikāra · अर्थ अधिकार से

Verse 71

सर्वारम्भे सदा पातु सर्वविघ्नविनाशिनी ।
देहसौन्दर्यकाले तु पातु सर्वाङ्गसुन्दरी ॥ ७१ ॥

sarvārambhe sadā pātu sarvavighnavināśinī
dehasaundaryakāle tu pātu sarvāṅgasundarī

Meaning open with adhikāra · अर्थ अधिकार से

Verse 72

सर्वसौभाग्यकाले तु सर्वसौभाग्यदायिनी ।
सर्वज्ञा च गृहे पातु सर्वशक्तिमयी रणे ॥ ७२ ॥

sarvasaubhāgyakāle tu sarvasaubhāgyadāyinī
sarvajñā ca gṛhe pātu sarvaśaktimayī raṇe

Meaning open with adhikāra · अर्थ अधिकार से

Verse 73

सर्वैश्वर्यप्रदा मार्गे सर्वज्ञानमयी जले ।
सर्वव्याधिषु सर्वत्र सर्वव्याधिविनाशिनी ॥ ७३ ॥

sarvaiśvaryapradā mārge sarvajñānamayī jale
sarvavyādhiṣu sarvatra sarvavyādhivināśinī

Meaning open with adhikāra · अर्थ अधिकार से

Verse 74

पर्वते पातु प्रबला सर्वाधारस्वरूपिणी ।
सर्वपापहरा पातु सर्वकर्मसु सर्वदा ॥ ७४ ॥

parvate pātu prabalā sarvādhārasvarūpiṇī
sarvapāpaharā pātu sarvakarmasu sarvadā

Meaning open with adhikāra · अर्थ अधिकार से

Verse 75

सर्वानन्दकरी देवी नानासुकृतगोचरे ।
सर्ववैरिभये पातु सर्वरक्षास्वरूपिणी ॥ ७५ ॥

sarvānandakarī devī nānāsukṛtagocare
sarvavairibhaye pātu sarvarakṣāsvarūpiṇī

Meaning open with adhikāra · अर्थ अधिकार से

Verse 76

सर्वसङ्कल्पकार्येषु सर्वेप्सितफलप्रदा ।
वशिनी वश्यकार्येषु कामेशी स्तम्भनेऽवतु ॥ ७६ ॥

sarvasaṅkalpakāryeṣu sarvepsitaphalapradā
vaśinī vaśyakāryeṣu kāmeśī stambhane'vatu

Meaning open with adhikāra · अर्थ अधिकार से

Verse 77

मोहने मोहिनी पातु विमलोच्चाटनेऽवतु ।
अरुणा पातु मां वादे जयिनी जल्पकर्मणि ॥ ७७ ॥

mohane mohinī pātu vimaloccāṭane'vatu
aruṇā pātu māṃ vāde jayinī jalpakarmaṇi

Meaning open with adhikāra · अर्थ अधिकार से

Verse 78

सर्वेश्वरी काम्यकार्ये कौलिनी भेदकर्मणि ।
जृम्भणे सर्वदा पान्तु शराः पञ्च महेश्वरि ॥ ७८ ॥

sarveśvarī kāmyakārye kaulinī bhedakarmaṇi
jṛmbhaṇe sarvadā pāntu śarāḥ pañca maheśvari

Meaning open with adhikāra · अर्थ अधिकार से

Verse 79

धनुर्मोहविधौ पातु पाशस्तु पश्यकर्मणि ।
महातेजोमयः पातु स्तम्भने मां तथाऽङकुशः ॥ ७९ ॥

dhanurmohavidhau pātu pāśastu paśyakarmaṇi
mahātejomayaḥ pātu stambhane māṃ tathā'ṅakuśaḥ

Meaning open with adhikāra · अर्थ अधिकार से

Verse 80

सर्वज्ञा हृदये पातु नित्यकृत्या च शीर्षके ।
अनादिबोधिका पातु नित्यं शिखाप्रदेशके ॥ ८० ॥

sarvajñā hṛdaye pātu nityakṛtyā ca śīrṣake
anādibodhikā pātu nityaṃ śikhāpradeśake

Meaning open with adhikāra · अर्थ अधिकार से

Verse 81

कवचे मां स्वतन्त्राऽव्यान्नेत्रे नित्यमलुप्तिका ।
अचिन्त्यशक्तिरस्त्रेषु पायात् परमसिद्धिदा ॥ ८१ ॥

kavace māṃ svatantrā'vyānnetre nityamaluptikā
acintyaśaktirastreṣu pāyāt paramasiddhidā

Meaning open with adhikāra · अर्थ अधिकार से

Verse 82

कामेश्वरी रतौ पातु युद्धे वज्रेश्वरी तथा ।
नित्यं पातु महेशानि श्रीकामे भगमालिनी ॥ ८२ ॥

kāmeśvarī ratau pātu yuddhe vajreśvarī tathā
nityaṃ pātu maheśāni śrīkāme bhagamālinī

Meaning open with adhikāra · अर्थ अधिकार से

Verse 83

रसे रूपे च गन्धे च शब्दे स्पर्शे च पातु माम् ।
सर्वानन्दमयी देवी महात्रिपुरसुन्दरी ॥ ८३ ॥

rase rūpe ca gandhe ca śabde sparśe ca pātu mām
sarvānandamayī devī mahātripurasundarī

Meaning open with adhikāra · अर्थ अधिकार से

Verse 84

ईशाने वटुकः पातु आग्नेय्यां योगिनीगणः ।
त्वगसृङ्मासमेदोऽस्थिमज्जाशुक्राणि पान्तु नः ॥ ८४ ॥

īśāne vaṭukaḥ pātu āgneyyāṃ yoginīgaṇaḥ
tvagasṛṅmāsamedo'sthimajjāśukrāṇi pāntu naḥ

Meaning open with adhikāra · अर्थ अधिकार से

Verse 85

क्षेत्रेशो नैरृते पातु गणेशो वायुमन्दिरे ।
मातङ्गवनिता पातु शेषिका कुलसुन्दरी ॥ ८५ ॥

kṣetreśo nairṛte pātu gaṇeśo vāyumandire
mātaṅgavanitā pātu śeṣikā kulasundarī

Meaning open with adhikāra · अर्थ अधिकार से

फलश्रुतिःWhat it gives

Verse 86

शक्तिर्मां सर्वदा पातु मूलाधारनिवासिनी ।
इतीदं कवचं देवि त्रिषु लोकेषु दुर्लभम् ॥ ८६ ॥

śaktirmāṃ sarvadā pātu mūlādhāranivāsinī
itīdaṃ kavacaṃ devi triṣu lokeṣu durlabham

Meaning open with adhikāra · अर्थ अधिकार से

Verse 87

यन्नोक्तं डामरे तन्त्रे यन्नोक्तं रुद्रयामले ।
सर्वतन्त्रेषु यन्नोक्तं गन्धर्वे प्रकटीकृतम् ॥ ८७ ॥

yannoktaṃ ḍāmare tantre yannoktaṃ rudrayāmale
sarvatantreṣu yannoktaṃ gandharve prakaṭīkṛtam

Meaning open with adhikāra · अर्थ अधिकार से

Verse 88

तव प्रीत्या महादेवि गोपनीयं प्रयत्नतः ।
तव नाम्नि स्मृते देवि सर्वयज्ञफलं लभेत् ॥ ८८ ॥

tava prītyā mahādevi gopanīyaṃ prayatnataḥ
tava nāmni smṛte devi sarvayajñaphalaṃ labhet

Meaning open with adhikāra · अर्थ अधिकार से

Verse 89

सर्वत्रैव जयप्राप्तिर्वाञ्छा सर्वत्र सिध्यति ।
नाम्नः शतगुणं स्तोत्रं व्याख्यानं चापि तच्छ्रुतम् ॥ ८९ ॥

sarvatraiva jayaprāptirvāñchā sarvatra sidhyati
nāmnaḥ śataguṇaṃ stotraṃ vyākhyānaṃ cāpi tacchrutam

Meaning open with adhikāra · अर्थ अधिकार से

Verse 90

तस्माच्छतगुणं ध्यानं ध्यानाच्छतगुणो मनुः ।
मन्त्राच्छतगुणं देवि कवचं ते मयोदितम् ॥ ९० ॥

tasmācchataguṇaṃ dhyānaṃ dhyānācchataguṇo manuḥ
mantrācchataguṇaṃ devi kavacaṃ te mayoditam

Meaning open with adhikāra · अर्थ अधिकार से

Verse 91

यस्मै कस्मै न दातव्यं सुगोप्यमतिदुर्लभम् ।
न देयं परशिष्याय कृपणाय सुरेश्वरि ॥ ९१ ॥

yasmai kasmai na dātavyaṃ sugopyamatidurlabham
na deyaṃ paraśiṣyāya kṛpaṇāya sureśvari

Meaning open with adhikāra · अर्थ अधिकार से

Verse 92

शिष्याय भक्तिहीनाय चुम्बकाय तथैव च ।
गुरुभक्तिविहीनाय परहिंसारताय च ॥ ९२ ॥

śiṣyāya bhaktihīnāya cumbakāya tathaiva ca
gurubhaktivihīnāya parahiṃsāratāya ca

Meaning open with adhikāra · अर्थ अधिकार से

Verse 93

निन्दकाय कुशीलाय दाम्भिकाय महेश्वरि ।
अभक्तेभ्योऽपि पुत्रेभ्यो दत्वा मृत्युमवाप्नुयात् ॥ ९३ ॥

nindakāya kuśīlāya dāmbhikāya maheśvari
abhaktebhyo'pi putrebhyo datvā mṛtyumavāpnuyāt

Meaning open with adhikāra · अर्थ अधिकार से

Verse 94

यो ददाति निषिद्धेभ्यः कवचं मन्मुखाच्च्युतम् ।
तस्य नश्यन्ति देवेशि विद्याऽऽयुः कीर्तिसञ्चयाः ॥ ९४ ॥

yo dadāti niṣiddhebhyaḥ kavacaṃ manmukhāccyutam
tasya naśyanti deveśi vidyā''yuḥ kīrtisañcayāḥ

Meaning open with adhikāra · अर्थ अधिकार से

Verse 95

तं हिंसन्ति च योगिन्यो मदीयशासनात् प्रिये ।
परे नरकमाप्नोति जन्मकोटिशतानि च ॥ ९५ ॥

taṃ hiṃsanti ca yoginyo madīyaśāsanāt priye
pare narakamāpnoti janmakoṭiśatāni ca

Meaning open with adhikāra · अर्थ अधिकार से

Verse 96

सर्वलक्षणयुक्ताय मन्त्रयन्त्ररताय च ।
शिष्याय शान्तचित्ताय गुरुभक्तिरताय च ॥ ९६ ॥

sarvalakṣaṇayuktāya mantrayantraratāya ca
śiṣyāya śāntacittāya gurubhaktiratāya ca

Meaning open with adhikāra · अर्थ अधिकार से

Verse 97

उदके लवणं लीनं यथा भवति पार्वति ।
मनो भवति वै लीनं पादयोः श्रीगुरोः प्रिये ॥ ९७ ॥

udake lavaṇaṃ līnaṃ yathā bhavati pārvati
mano bhavati vai līnaṃ pādayoḥ śrīguroḥ priye

Meaning open with adhikāra · अर्थ अधिकार से

Verse 98

देयं महद् गुह्यं कृपया चातिदुर्लभम् ।
गुरोः पादप्रसादेन श्रीविद्या यदि लभ्यते ॥ ९८ ॥

deyaṃ mahad guhyaṃ kṛpayā cātidurlabham
guroḥ pādaprasādena śrīvidyā yadi labhyate

Meaning open with adhikāra · अर्थ अधिकार से

Verse 99

तथैव कवचं देवि त्रिषु लोकेषु दुर्लभम् ।
स च देवो हरः साक्षात् तत्पत्नी परमेश्वरी ॥ ९९ ॥

tathaiva kavacaṃ devi triṣu lokeṣu durlabham
sa ca devo haraḥ sākṣāt tatpatnī parameśvarī

Meaning open with adhikāra · अर्थ अधिकार से

Verse 100

प्रमादादपि देवेशि श्रीगुरोर्नाम नाददेत् ।
यस्य भक्तिर्गुरौ नित्यं वर्तते देववत् प्रिये ॥ १०० ॥

pramādādapi deveśi śrīgurornāma nādadet
yasya bhaktirgurau nityaṃ vartate devavat priye

Meaning open with adhikāra · अर्थ अधिकार से

Verse 101

तस्य मन्त्रस्य यन्त्रस्य सिद्धिर्भवति नान्यथा ।
कवचस्य तथा सिद्धिर्गुटिकायाश्च सुन्दरि ॥ १०१ ॥

tasya mantrasya yantrasya siddhirbhavati nānyathā
kavacasya tathā siddhirguṭikāyāśca sundari

Meaning open with adhikāra · अर्थ अधिकार से

Verse 102

इदं कवचमज्ञात्वा यो जपेत् सुन्दरी पराम् ।
नवलक्षं प्रजप्त्वापि तस्य विद्या न सिद्ध्यति ॥ १०२ ॥

idaṃ kavacamajñātvā yo japet sundarī parām
navalakṣaṃ prajaptvāpi tasya vidyā na siddhyati

Meaning open with adhikāra · अर्थ अधिकार से

Verse 103

शुचिः समाहितो भूत्वा भक्तिश्रद्धासमन्वितः ।
सर्वभूतालये सुप्ते निशायामर्धरात्रके ॥ १०३ ॥

śuciḥ samāhito bhūtvā bhaktiśraddhāsamanvitaḥ
sarvabhūtālaye supte niśāyāmardharātrake

Meaning open with adhikāra · अर्थ अधिकार से

Verse 104

हेतुयुक्तो महेशानि निर्जने पशुवर्जिते ।
रक्तासनोपविष्टस्तु रक्ताभरणभूषितः ॥ १०४ ॥

hetuyukto maheśāni nirjane paśuvarjite
raktāsanopaviṣṭastu raktābharaṇabhūṣitaḥ

Meaning open with adhikāra · अर्थ अधिकार से

Verse 105

ताम्बूलपूरितमुखो धूपामोदसुगन्धितः ।
संस्थाप्य वामभागे तु शक्तिं स्वामिपरायणाम् ॥ १०५ ॥

tāmbūlapūritamukho dhūpāmodasugandhitaḥ
saṃsthāpya vāmabhāge tu śaktiṃ svāmiparāyaṇām

Meaning open with adhikāra · अर्थ अधिकार से

Verse 106

रक्तवस्त्रपरीधानां शिवमन्त्रधरां शुभाम् ।
या शक्तिः सा महादेवी हररूपस्तु साधकः ॥ १०६ ॥

raktavastraparīdhānāṃ śivamantradharāṃ śubhām
yā śaktiḥ sā mahādevī hararūpastu sādhakaḥ

Meaning open with adhikāra · अर्थ अधिकार से

Verse 107

अन्योन्यचिन्तनाद् देवि देवत्वमुपजायते ।
शक्तियुक्तो यजेद् देवीं श्रीचक्रे लक्षणान्विते ॥ १०७ ॥

anyonyacintanād devi devatvamupajāyate
śaktiyukto yajed devīṃ śrīcakre lakṣaṇānvite

Meaning open with adhikāra · अर्थ अधिकार से

Verse 108

पुष्पाञ्जलित्रयं देव्यै मूलमन्त्रेण दापयेत् ।
भोगैश्च मधुपर्काद्यैस्ताम्बूलाद्यैः सुवासितैः ॥ १०८ ॥

puṣpāñjalitrayaṃ devyai mūlamantreṇa dāpayet
bhogaiśca madhuparkādyaistāmbūlādyaiḥ suvāsitaiḥ

Meaning open with adhikāra · अर्थ अधिकार से

Verse 109

पूजयित्वा महादेवीं पूजाकोटिफलं लभेत् ।
पूर्वोक्तन्यासमेवास्मिन् समये च प्रविन्यसेत् ॥ १०९ ॥

pūjayitvā mahādevīṃ pūjākoṭiphalaṃ labhet
pūrvoktanyāsamevāsmin samaye ca pravinyaset

Meaning open with adhikāra · अर्थ अधिकार से

Verse 110

आत्मानं परमं ध्यायेद् दिव्यस्त्रीभिरलङ्कृतम् ।
दिव्यं मूर्ध्नि महच्छत्रं सहस्रदलनिर्मितम् ॥ ११० ॥

ātmānaṃ paramaṃ dhyāyed divyastrībhiralaṅkṛtam
divyaṃ mūrdhni mahacchatraṃ sahasradalanirmitam

Meaning open with adhikāra · अर्थ अधिकार से

Verse 111

सुधावर्षिमुखाम्भोजं सस्मितं दिव्यवर्चसम् ।
परमानन्दसन्दोहमुदितं परमाव्ययम् ॥ १११ ॥

sudhāvarṣimukhāmbhojaṃ sasmitaṃ divyavarcasam
paramānandasandohamuditaṃ paramāvyayam

Meaning open with adhikāra · अर्थ अधिकार से

Verse 112

दिव्यालङ्कारवस्त्राढ्यं दिव्यमाल्यानुलेपितम् ।
दिव्यासनसमासीनं दिव्यभोगविभोगिनम् ॥ ११२ ॥

divyālaṅkāravastrāḍhyaṃ divyamālyānulepitam
divyāsanasamāsīnaṃ divyabhogavibhoginam

Meaning open with adhikāra · अर्थ अधिकार से

Verse 113

सर्वगं सर्वभूतेशं सृष्टिस्थित्यन्तकारिणम् ।
निर्लेपं निर्मलं शान्तं सर्वव्यापिनमीश्वरम् ॥ ११३ ॥

sarvagaṃ sarvabhūteśaṃ sṛṣṭisthityantakāriṇam
nirlepaṃ nirmalaṃ śāntaṃ sarvavyāpinamīśvaram

Meaning open with adhikāra · अर्थ अधिकार से

Verse 114

ततो देवी हृदम्भोजे ध्यायेत् तद्गतमानसः ।
जपाकुसुमसङ्काशां बालार्ककिरणारुणाम् ॥ ११४ ॥

tato devī hṛdambhoje dhyāyet tadgatamānasaḥ
japākusumasaṅkāśāṃ bālārkakiraṇāruṇām

Meaning open with adhikāra · अर्थ अधिकार से

Verse 115

रक्तपद्मसमासीनां रक्ताभरणभूषिताम् ।
रक्तवस्त्रपरीधानां पूर्णचन्द्रनिभाननाम् ॥ ११५ ॥

raktapadmasamāsīnāṃ raktābharaṇabhūṣitām
raktavastraparīdhānāṃ pūrṇacandranibhānanām

Meaning open with adhikāra · अर्थ अधिकार से

Verse 116

सैवाहमित्यभेदेन द्वैतहीनं विचिन्तयेत् ।
अद्वैतानन्दभावेन साधकः परमात्मनः ॥ ११६ ॥

saivāhamityabhedena dvaitahīnaṃ vicintayet
advaitānandabhāvena sādhakaḥ paramātmanaḥ

Meaning open with adhikāra · अर्थ अधिकार से

Verse 117

छायया शोणया व्याप्तं जगदेतच्चराचरम् ।
भावनावशसम्पन्नो भावयेद् भावतः परम् ॥ ११७ ॥

chāyayā śoṇayā vyāptaṃ jagadetaccarācaram
bhāvanāvaśasampanno bhāvayed bhāvataḥ param

Meaning open with adhikāra · अर्थ अधिकार से

Verse 118

एवं चिन्तापरस्याऽऽशु सिद्धयोऽष्टौ भवन्ति हि ।
सम्प्राप्य विपुलान् भोगान् राज्यास्पदञ्च भूतले ॥ ११८ ॥

evaṃ cintāparasyā''śu siddhayo'ṣṭau bhavanti hi
samprāpya vipulān bhogān rājyāspadañca bhūtale

Meaning open with adhikāra · अर्थ अधिकार से

Verse 119

ऐन्द्र पदमवाप्याथ विहरेन्नन्दने वने ।
उर्वशीप्रमुखाभिश्च स्वेच्छया दिव्यभोगवान् ॥ ११९ ॥

aindra padamavāpyātha viharennandane vane
urvaśīpramukhābhiśca svecchayā divyabhogavān

Meaning open with adhikāra · अर्थ अधिकार से

Verse 120

तदाप्नोति परं स्थानं दुरापं त्रिदशैरपि ।
ततस्तु कवचं दिव्यं पठेदेकमनाः प्रिये ॥ १२० ॥

tadāpnoti paraṃ sthānaṃ durāpaṃ tridaśairapi
tatastu kavacaṃ divyaṃ paṭhedekamanāḥ priye

Meaning open with adhikāra · अर्थ अधिकार से

Verse 121

तस्य सर्वार्थसिद्धिः स्यान्नात्र कार्या विचारणा ।
इदं रहस्यं परमं परं स्वस्त्ययनं महत् ॥ १२१ ॥

tasya sarvārthasiddhiḥ syānnātra kāryā vicāraṇā
idaṃ rahasyaṃ paramaṃ paraṃ svastyayanaṃ mahat

Meaning open with adhikāra · अर्थ अधिकार से

Verse 122

सर्वेषामेव हिंस्राणां डाकिनीनां महेश्वरि ।
निशाचरगणानाञ्च वारणं नाशनं तथा ॥ १२२ ॥

sarveṣāmeva hiṃsrāṇāṃ ḍākinīnāṃ maheśvari
niśācaragaṇānāñca vāraṇaṃ nāśanaṃ tathā

Meaning open with adhikāra · अर्थ अधिकार से

Verse 123

आयुर्बलप्रदं नित्यं तुष्टिपुष्टिशुभावहम् ।
नारीणां मृतवत्सानां गुणवत्सुतदायकम् ॥ १२३ ॥

āyurbalapradaṃ nityaṃ tuṣṭipuṣṭiśubhāvaham
nārīṇāṃ mṛtavatsānāṃ guṇavatsutadāyakam

Meaning open with adhikāra · अर्थ अधिकार से

Verse 124

सूत्या सूतिगृहस्यापि बालग्रहनिवारणम् ।
विषदस्युग्रहाणाञ्च सदा शान्तिविवर्धनम् ॥ १२४ ॥

sūtyā sūtigṛhasyāpi bālagrahanivāraṇam
viṣadasyugrahāṇāñca sadā śāntivivardhanam

Meaning open with adhikāra · अर्थ अधिकार से

Verse 125

विषशस्त्राऽग्निरुद्राणां वारणं जयदं युधि ।
जले स्थले तथाऽऽकाशे सर्वोत्पातेषु सर्वदा ॥ १२५ ॥

viṣaśastrā'gnirudrāṇāṃ vāraṇaṃ jayadaṃ yudhi
jale sthale tathā''kāśe sarvotpāteṣu sarvadā

Meaning open with adhikāra · अर्थ अधिकार से

Verse 126

त्रैलोक्यवासिनामेव सर्वमङ्गलदायकम् ।
सकृद् यस्तु पठेद् देवि कवचं देवदुर्लभम् ॥ १२६ ॥

trailokyavāsināmeva sarvamaṅgaladāyakam
sakṛd yastu paṭhed devi kavacaṃ devadurlabham

Meaning open with adhikāra · अर्थ अधिकार से

Verse 127

हयमेधफलं तस्य भवत्येव संशयः ।
नित्यं यस्तु पठेद् देवि शृणुयाद् वा समाहितः ॥ १२७ ॥

hayamedhaphalaṃ tasya bhavatyeva saṃśayaḥ
nityaṃ yastu paṭhed devi śṛṇuyād vā samāhitaḥ

Meaning open with adhikāra · अर्थ अधिकार से

Verse 128

स सर्वान् लभते कामान् परे देवीपुरं व्रजेत् ।
सङ्ग्रामे च जयेच्छत्रून् मातङ्गानिव केशरी ॥ १२८ ॥

sa sarvān labhate kāmān pare devīpuraṃ vrajet
saṅgrāme ca jayecchatrūn mātaṅgāniva keśarī

Meaning open with adhikāra · अर्थ अधिकार से

Verse 129

दहेत् तृणं यथा वह्निस्तथा शत्रून् जयेत् सदा ।
नास्त्राणि तस्य शस्त्राणि शरीरे प्रभवन्ति च ॥ १२९ ॥

dahet tṛṇaṃ yathā vahnistathā śatrūn jayet sadā
nāstrāṇi tasya śastrāṇi śarīre prabhavanti ca

Meaning open with adhikāra · अर्थ अधिकार से

Verse 130

तद्गात्रं प्राप्य शस्त्राणि ब्रह्मास्त्रादीनि यानि च ।
माल्यानि कुसुमानीव सुखदानि भवन्ति हि ॥ १३० ॥

tadgātraṃ prāpya śastrāṇi brahmāstrādīni yāni ca
mālyāni kusumānīva sukhadāni bhavanti hi

Meaning open with adhikāra · अर्थ अधिकार से

Verse 131

पराः पराङ्मुखा यान्ति विना युद्धेन पार्वति ।
व्याधिस्तस्य कदाचित् तु दुःखं नास्ति कदाचन ॥ १३१ ॥

parāḥ parāṅmukhā yānti vinā yuddhena pārvati
vyādhistasya kadācit tu duḥkhaṃ nāsti kadācana

Meaning open with adhikāra · अर्थ अधिकार से

Verse 132

गतिस्तस्यैव सर्वत्र वायोस्तुल्या सदा भवेत् ।
दीर्घायुः कामभोगीशो धनधान्यसमृद्धिमान् ॥ १३२ ॥

gatistasyaiva sarvatra vāyostulyā sadā bhavet
dīrghāyuḥ kāmabhogīśo dhanadhānyasamṛddhimān

Meaning open with adhikāra · अर्थ अधिकार से

Verse 133

जितव्याधी रूपवान् स्याद् गुणवानभिजायते ।
चातुर्वर्ग्यं करे तस्य भवत्येव न संशयः ॥ १३३ ॥

jitavyādhī rūpavān syād guṇavānabhijāyate
cāturvargyaṃ kare tasya bhavatyeva na saṃśayaḥ

Meaning open with adhikāra · अर्थ अधिकार से

Verse 134

अन्यस्य वल्लभः सो वै पुत्रदारकुलान्वितः ।
इहलोके सुखं भुक्त्वा परे मुक्तो भविष्यति ॥ १३४ ॥

anyasya vallabhaḥ so vai putradārakulānvitaḥ
ihaloke sukhaṃ bhuktvā pare mukto bhaviṣyati

Meaning open with adhikāra · अर्थ अधिकार से

Verse 135

न तस्य दुर्गतिर्देवि कदाचिदपि जायते ।
दुर्ग्रहाः सुग्रहा यान्ति वशं गच्छन्ति मानवाः ॥ १३५ ॥

na tasya durgatirdevi kadācidapi jāyate
durgrahāḥ sugrahā yānti vaśaṃ gacchanti mānavāḥ

Meaning open with adhikāra · अर्थ अधिकार से

Verse 136

न तस्य विघ्नो भवति न शोको भुवि जायते ।
वेतालाश्च पिशाचाश्च राक्षसाश्च भयानकाः ॥ १३६ ॥

na tasya vighno bhavati na śoko bhuvi jāyate
vetālāśca piśācāśca rākṣasāśca bhayānakāḥ

Meaning open with adhikāra · अर्थ अधिकार से

Verse 137

ते सर्वे विलयं यान्ति कवचस्यास्य कीर्तनात् ।
तस्यैव शत्रवो देवि चिन्तामात्रप्रयोगतः ॥ १३७ ॥

te sarve vilayaṃ yānti kavacasyāsya kīrtanāt
tasyaiva śatravo devi cintāmātraprayogataḥ

Meaning open with adhikāra · अर्थ अधिकार से

Verse 138

विनश्यन्ति न सन्देहो योगिन्यो भक्षयन्ति तान् ।
शान्तिकादीनि कर्माणि मारणोच्चाटनानि च ॥ १३८ ॥

vinaśyanti na sandeho yoginyo bhakṣayanti tān
śāntikādīni karmāṇi māraṇoccāṭanāni ca

Meaning open with adhikāra · अर्थ अधिकार से

Verse 139

वचोमात्रेण देवेशि तस्य सिध्यन्ति भूतले ।
न पापैर्लिप्यते देवि महोग्रैस्तु सुदारुणैः ॥ १३९ ॥

vacomātreṇa deveśi tasya sidhyanti bhūtale
na pāpairlipyate devi mahograistu sudāruṇaiḥ

Meaning open with adhikāra · अर्थ अधिकार से

Verse 140

न कालस्य वशं गच्छेन्न जरा न च दुःखिता ।
तत्र देशे न दुर्भिक्षं न च मारी प्रवर्तते ॥ १४० ॥

na kālasya vaśaṃ gacchenna jarā na ca duḥkhitā
tatra deśe na durbhikṣaṃ na ca mārī pravartate

Meaning open with adhikāra · अर्थ अधिकार से

Verse 141

न रोगास्तत्र जायन्ते नोत्पाताः प्रभवन्ति च ।
विविधाश्चैव योगिन्यस्तस्य साधकसन्निधौ ॥ १४१ ॥

na rogāstatra jāyante notpātāḥ prabhavanti ca
vividhāścaiva yoginyastasya sādhakasannidhau

Meaning open with adhikāra · अर्थ अधिकार से

Verse 142

शान्ति चैव प्रयच्छन्ति रक्षन्ति पुत्रवत् सदा ।
सर्वदा च सुखप्राप्तिः सर्वतीर्थफलं लभेत् ॥ १४२ ॥

śānti caiva prayacchanti rakṣanti putravat sadā
sarvadā ca sukhaprāptiḥ sarvatīrthaphalaṃ labhet

Meaning open with adhikāra · अर्थ अधिकार से

Verse 143

नानेन सदृशः कश्चित् साधको भुवि जायते ।
सुरासुरमनुष्याणां तत्त्वरूपः सुखावहः ॥ १४३ ॥

nānena sadṛśaḥ kaścit sādhako bhuvi jāyate
surāsuramanuṣyāṇāṃ tattvarūpaḥ sukhāvahaḥ

Meaning open with adhikāra · अर्थ अधिकार से

Verse 144

येन विज्ञातमात्रेण स्मृतेनैव च सुन्दरि ।
अक्षयान् लभते कामान् मुक्तिस्थानं च गच्छति ॥ १४४ ॥

yena vijñātamātreṇa smṛtenaiva ca sundari
akṣayān labhate kāmān muktisthānaṃ ca gacchati

Meaning open with adhikāra · अर्थ अधिकार से

Verse 145

सर्वलक्षणहीनोऽपि स्मरणात् कलुषापहः ।
अहो कवचमाहात्म्य पठमानस्य नित्यशः ॥ १४५ ॥

sarvalakṣaṇahīno'pi smaraṇāt kaluṣāpahaḥ
aho kavacamāhātmya paṭhamānasya nityaśaḥ

Meaning open with adhikāra · अर्थ अधिकार से

Verse 146

विनापि योगचर्येण योगिनां समतां व्रजेत् ।
भूर्जत्वचि समालिख्य चक्रं तत्त्वविनिर्मितम् ॥ १४६ ॥

vināpi yogacaryeṇa yogināṃ samatāṃ vrajet
bhūrjatvaci samālikhya cakraṃ tattvavinirmitam

Meaning open with adhikāra · अर्थ अधिकार से

Verse 147

मध्ये त्रिकोणं संलिख्य साध्यसाधकयोर्लिपिम् ।
तदूर्ध्वे मूलमन्त्रञ्च मातृकार्णेन वेष्टयेत् ॥ १४७ ॥

madhye trikoṇaṃ saṃlikhya sādhyasādhakayorlipim
tadūrdhve mūlamantrañca mātṛkārṇena veṣṭayet

Meaning open with adhikāra · अर्थ अधिकार से

Verse 148

अगुरुद्रवमिश्रेण चन्दनेन सुगन्धिना ।
एतद् यन्त्रम् महादेवि सुरासुरसुदुर्लभम् ॥ १४८ ॥

agurudravamiśreṇa candanena sugandhinā
etad yantram mahādevi surāsurasudurlabham

Meaning open with adhikāra · अर्थ अधिकार से

Verse 149

रोचनाकुङ्कुमेनैव तद्बाह्ये कवचं लिखेत् ।
श्वेतसूत्रेण संवेष्ट्य लाक्षया परिवेष्टयेत् ॥ १४९ ॥

rocanākuṅkumenaiva tadbāhye kavacaṃ likhet
śvetasūtreṇa saṃveṣṭya lākṣayā pariveṣṭayet

Meaning open with adhikāra · अर्थ अधिकार से

Verse 150

पञ्चामृतैः पञ्चगव्यैः स्नापयित्वा शुभेऽहनि ।
सम्पूज्य देवीरूपां तां गुटिकां सर्वकामदाम् ॥ १५० ॥

pañcāmṛtaiḥ pañcagavyaiḥ snāpayitvā śubhe'hani
sampūjya devīrūpāṃ tāṃ guṭikāṃ sarvakāmadām

Meaning open with adhikāra · अर्थ अधिकार से

Verse 151

प्राणप्रतिष्ठामन्त्रेण प्राणांस्तत्र निवेशयेत् ।
चारुणा शाक्तकुम्भेन भूषितां योनिमुद्रया ॥ १५१ ॥

prāṇapratiṣṭhāmantreṇa prāṇāṃstatra niveśayet
cāruṇā śāktakumbhena bhūṣitāṃ yonimudrayā

Meaning open with adhikāra · अर्थ अधिकार से

Verse 152

अन्तर्योनिं ततो ध्यात्वा तत्र संस्थापयेद् बुधः ।
एषा तु गुटिका देवि कण्ठलग्ना धनप्रदा ॥ १५२ ॥

antaryoniṃ tato dhyātvā tatra saṃsthāpayed budhaḥ
eṣā tu guṭikā devi kaṇṭhalagnā dhanapradā

Meaning open with adhikāra · अर्थ अधिकार से

Verse 153

शीर्षे वश्यकरी देवि कट्यां स्तम्भनकारिणी ।
बद्धा वामभुजे चैव वैरिपक्षविनाशिनी ॥ १५३ ॥

śīrṣe vaśyakarī devi kaṭyāṃ stambhanakāriṇī
baddhā vāmabhuje caiva vairipakṣavināśinī

Meaning open with adhikāra · अर्थ अधिकार से

Verse 154

जठरे रोगशमनी पुत्रदा हृदिसंस्थिता ।
विद्याकरी ललाटस्था शिखायां तु यशःप्रदा ॥ १५४ ॥

jaṭhare rogaśamanī putradā hṛdisaṃsthitā
vidyākarī lalāṭasthā śikhāyāṃ tu yaśaḥpradā

Meaning open with adhikāra · अर्थ अधिकार से

Verse 155

दक्षिणे बाहुमूले वै यदि तिष्ठति सर्वदा ।
तदा सर्वार्थसिद्धिः स्याद् यद्यन्मनसि वर्तते ॥ १५५ ॥

dakṣiṇe bāhumūle vai yadi tiṣṭhati sarvadā
tadā sarvārthasiddhiḥ syād yadyanmanasi vartate

Meaning open with adhikāra · अर्थ अधिकार से

Verse 156

सत्यं सत्यं पुनः सत्यं सत्यं सत्यं पुनः पुनः ।
न शक्नोमि प्रभावं हि कथितुं कवचस्य वै ॥ १५६ ॥

satyaṃ satyaṃ punaḥ satyaṃ satyaṃ satyaṃ punaḥ punaḥ
na śaknomi prabhāvaṃ hi kathituṃ kavacasya vai

Meaning open with adhikāra · अर्थ अधिकार से

Verse 157

एतत्तु कवचेनैव पठनं साधनं प्रिये ।
कथितं मे तव स्नेहाद् गोपनीय सदा भुवि ॥ १५७ ॥

etattu kavacenaiva paṭhanaṃ sādhanaṃ priye
kathitaṃ me tava snehād gopanīya sadā bhuvi

Meaning open with adhikāra · अर्थ अधिकार से

इति श्रीराजराजेश्वरीकवचं सम्पूर्णम् । इति श्रीगन्धर्वतन्त्रे महात्रिपुरसुन्दरीत्रैलोक्यमोहनाख्यः चतुर्थः पटलः ॥ ४ ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Yantra यंत्र A geometric diagram encoding a deity's energy, kept at home or worn.
Yogini योगिनी A class of female Tantric deities/attendants, often grouped in a set of sixty-four (Chausath Yogini).

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras