Appaṇācārya · traditional, Madhva (Mantrālaya)

राघवेन्द्रकवचम्

Raghavendra Kavacham (Appannacharya) — The armour of Rāghavendra Tīrtha of Mantrālaya, set to guard the body, the directions and the hours

A Kavach of the Guru Rāghavendra Tīrtha, the ascetic of Mantrālaya who taught in the line of Madhva. After the seer, deity and a meditation on him in saffron robes with staff and water-pot, each part of the body is placed in his keeping by naming something he is known for: his victory in debate, the books he wrote, the wonders told of him. The directions, the hours and the states of waking, dream and sleep follow. The last verses say what reciting the hymn gives, and how it is to be read near his Vṛndāvana.

Verse 1

कवचं राघवेन्द्रस्य यतीन्द्रस्य महात्मनः ।
वक्ष्यामि गुरुवर्यस्य वाञ्छितार्थप्रदायकम् ॥ १ ॥

kavacaṃ rāghavendrasya yatīndrasya mahātmanaḥ
vakṣyāmi guruvaryasya vāñchitārthapradāyakam

Meaning open with adhikāra · अर्थ अधिकार से

Verse 2

ऋषिरस्याप्पणाचार्यः छन्दोऽनुष्टुप् प्रकीर्तितम् ।
देवता श्रीराघवेन्द्रगुरुरिष्टार्थसिद्धये ॥ २ ॥

ṛṣirasyāppaṇācāryaḥ chando'nuṣṭup prakīrtitam
devatā śrīrāghavendragururiṣṭārthasiddhaye

Meaning open with adhikāra · अर्थ अधिकार से

Verse 3

अष्टोत्तरशतं जप्यं भक्तियुक्तेन चेतसा ।
उद्यत्प्रद्योतनद्योतभर्मकूर्मासने स्थितम् ॥ ३ ॥

aṣṭottaraśataṃ japyaṃ bhaktiyuktena cetasā
udyatpradyotanadyotabharmakūrmāsane sthitam

Meaning open with adhikāra · अर्थ अधिकार से

Verse 4

एद्यखद्योतनद्योतप्रतापं राममानसम् ।
धृतकाषायवसनं तुलसीहारवक्षसम् ॥ ४ ॥

edyakhadyotanadyotapratāpaṃ rāmamānasam
dhṛtakāṣāyavasanaṃ tulasīhāravakṣasam

Meaning open with adhikāra · अर्थ अधिकार से

एद्यखद्योतनद्योतप्रतापं uncertain

Verse 5

दोर्दण्डविलसद्दण्डकमण्डलुविराजितम् ।
अभयज्ञानमुद्राक्षमालाशीलकराम्बुजम् ॥ ५ ॥

dordaṇḍavilasaddaṇḍakamaṇḍaluvirājitam
abhayajñānamudrākṣamālāśīlakarāmbujam

Meaning open with adhikāra · अर्थ अधिकार से

Verse 6

योगीन्द्रवन्द्यपादाब्जं राघवेन्द्रगुरुं भजे ।
शिरो रक्षतु मे नित्यं राघवेन्द्रोऽखिलेष्टदः ॥ ६ ॥

yogīndravandyapādābjaṃ rāghavendraguruṃ bhaje
śiro rakṣatu me nityaṃ rāghavendro'khileṣṭadaḥ

Meaning open with adhikāra · अर्थ अधिकार से

Verse 7

पापाद्रिपाटने वज्रः केशान् रक्षतु मे सदा ।
क्षमासुरगणाधीशो मुखं रक्षतु मे गुरुः ॥ ७ ॥

pāpādripāṭane vajraḥ keśān rakṣatu me sadā
kṣamāsuragaṇādhīśo mukhaṃ rakṣatu me guruḥ

Meaning open with adhikāra · अर्थ अधिकार से

Verse 8

हरिसेवालब्धसर्वसम्पत्भालं ममावतु ।
देवस्वभावोऽवतु मे दृशौ तत्त्वप्रदर्शकः ॥ ८ ॥

harisevālabdhasarvasampatbhālaṃ mamāvatu
devasvabhāvo'vatu me dṛśau tattvapradarśakaḥ

Meaning open with adhikāra · अर्थ अधिकार से

Verse 9

इष्टप्रदाने कल्पद्रुः श्रोत्रे श्रुत्यर्थबोधकः ।
भव्यस्वरूपो मे नासां जिह्वां मेऽवतु भव्यकृत् ॥ ९ ॥

iṣṭapradāne kalpadruḥ śrotre śrutyarthabodhakaḥ
bhavyasvarūpo me nāsāṃ jihvāṃ me'vatu bhavyakṛt

Meaning open with adhikāra · अर्थ अधिकार से

Verse 10

आस्यं रक्षतु मे दुःखतूलसङ्घाग्निचर्यकः ।
सुखधैर्यादिसुगुणो भ्रुवौ मम सदाऽवतु ॥ १० ॥

āsyaṃ rakṣatu me duḥkhatūlasaṅghāgnicaryakaḥ
sukhadhairyādisuguṇo bhruvau mama sadā'vatu

Meaning open with adhikāra · अर्थ अधिकार से

Verse 11

ओष्ठौ रक्षतु मे सर्वग्रहनिग्रहशक्तिमान् ।
उपप्लवोदधेस्सेतुर्दन्तान् रक्षतु मे सदा ॥ ११ ॥

oṣṭhau rakṣatu me sarvagrahanigrahaśaktimān
upaplavodadhesseturdantān rakṣatu me sadā

Meaning open with adhikāra · अर्थ अधिकार से

Verse 12

निरस्तदोषो मे पातु कपोलौ सर्वपालकः ।
निरवद्यमहावेषः कण्ठं मेऽवतु सर्वदा ॥ १२ ॥

nirastadoṣo me pātu kapolau sarvapālakaḥ
niravadyamahāveṣaḥ kaṇṭhaṃ me'vatu sarvadā

Meaning open with adhikāra · अर्थ अधिकार से

Verse 13

कर्णमूले तु प्रत्यर्थिमूकत्वाकरवाङ् मम ।
बहुवादिजयी पातु हस्तौ सत्तत्त्ववादकृत् ॥ १३ ॥

karṇamūle tu pratyarthimūkatvākaravāṅ mama
bahuvādijayī pātu hastau sattattvavādakṛt

Meaning open with adhikāra · अर्थ अधिकार से

Verse 14

करौ रक्षतु मे विद्वत्परिज्ञेयविशेषवान् ।
वाग्वैखरीभव्यशेषजयी वक्षस्थलं मम ॥ १४ ॥

karau rakṣatu me vidvatparijñeyaviśeṣavān
vāgvaikharībhavyaśeṣajayī vakṣasthalaṃ mama

Meaning open with adhikāra · अर्थ अधिकार से

Verse 15

सतीसन्तानसम्पत्तिभक्तिज्ञानादिवृद्धिकृत् ।
स्तनौ रक्षतु मे नित्यं शरीरावद्यहानिकृत् ॥ १५ ॥

satīsantānasampattibhaktijñānādivṛddhikṛt
stanau rakṣatu me nityaṃ śarīrāvadyahānikṛt

Meaning open with adhikāra · अर्थ अधिकार से

Verse 16

पुण्यवर्धनपादाब्जाभिषेकजलसञ्चयः ।
नाभिं रक्षतु मे पार्श्वौ द्युनदीतुल्यसद्गुणः ॥ १६ ॥

puṇyavardhanapādābjābhiṣekajalasañcayaḥ
nābhiṃ rakṣatu me pārśvau dyunadītulyasadguṇaḥ

Meaning open with adhikāra · अर्थ अधिकार से

Verse 17

पृष्ठं रक्षतु मे नित्यं तापत्रयविनाशकृत् ।
कटिं मे रक्षतु सदा वन्ध्यासत्पुत्रदायकः ॥ १७ ॥

pṛṣṭhaṃ rakṣatu me nityaṃ tāpatrayavināśakṛt
kaṭiṃ me rakṣatu sadā vandhyāsatputradāyakaḥ

Meaning open with adhikāra · अर्थ अधिकार से

Verse 18

जघनं मेऽवतु सदा व्यङ्गस्वङ्गसमृद्धिकृत् ।
गुह्यं रक्षतु मे पापग्रहारिष्टविनाशकृत् ॥ १८ ॥

jaghanaṃ me'vatu sadā vyaṅgasvaṅgasamṛddhikṛt
guhyaṃ rakṣatu me pāpagrahāriṣṭavināśakṛt

Meaning open with adhikāra · अर्थ अधिकार से

Verse 19

भक्ताघविध्वंसकरनिजमूर्तिप्रदर्शकः ।
मूर्तिमान्पातु मे रोमं राघवेन्द्रो जगद्गुरुः ॥ १९ ॥

bhaktāghavidhvaṃsakaranijamūrtipradarśakaḥ
mūrtimānpātu me romaṃ rāghavendro jagadguruḥ

Meaning open with adhikāra · अर्थ अधिकार से

Verse 20

सर्वतन्त्रस्वतन्त्रोऽसौ जानुनी मे सदाऽवतु ।
जङ्घे रक्षतु मे नित्यं श्रीमध्वमतवर्धनः ॥ २० ॥

sarvatantrasvatantro'sau jānunī me sadā'vatu
jaṅghe rakṣatu me nityaṃ śrīmadhvamatavardhanaḥ

Meaning open with adhikāra · अर्थ अधिकार से

Verse 21

विजयीन्द्रकराब्जोत्थसुधीन्द्रवरपुत्रकः ।
गुल्फौ श्रीराघवेन्द्रो मे यतिराट् सर्वदाऽवतु ॥ २१ ॥

vijayīndrakarābjotthasudhīndravaraputrakaḥ
gulphau śrīrāghavendro me yatirāṭ sarvadā'vatu

Meaning open with adhikāra · अर्थ अधिकार से

Verse 22

पादौ रक्षतु मे सर्वभयहारी कृपानिधिः ।
ज्ञानभक्तिसुपुत्रायुर्यशः श्रीपुण्यवर्धनः ॥ २२ ॥

pādau rakṣatu me sarvabhayahārī kṛpānidhiḥ
jñānabhaktisuputrāyuryaśaḥ śrīpuṇyavardhanaḥ

Meaning open with adhikāra · अर्थ अधिकार से

Verse 23

करपादाङ्गुलीः सर्वा ममावतु जगद्गुरुः ।
प्रतिवादिजयस्वान्तभेदचिह्नादरो गुरुः ॥ २३ ॥

karapādāṅgulīḥ sarvā mamāvatu jagadguruḥ
prativādijayasvāntabhedacihnādaro guruḥ

Meaning open with adhikāra · अर्थ अधिकार से

Verse 24

नखानवतु मे सर्वान् सर्वशास्त्रविशारदः ।
अपरोक्षीकृतश्रीशः प्राच्यां दिशि सदाऽवतु ॥ २४ ॥

nakhānavatu me sarvān sarvaśāstraviśāradaḥ
aparokṣīkṛtaśrīśaḥ prācyāṃ diśi sadā'vatu

Meaning open with adhikāra · अर्थ अधिकार से

Verse 25

स दक्षिणे चावतु मां समुपेक्षितभावजः ।
अपेक्षितप्रदाता च प्रतीच्यामवतु प्रभुः ॥ २५ ॥

sa dakṣiṇe cāvatu māṃ samupekṣitabhāvajaḥ
apekṣitapradātā ca pratīcyāmavatu prabhuḥ

Meaning open with adhikāra · अर्थ अधिकार से

Verse 26

दयादाक्षिण्यवैराग्यवाक्पाटवमुखाङ्कितः ।
सदोदीच्यामवतु मां शापानुग्रहशक्तिमान् ॥ २६ ॥

dayādākṣiṇyavairāgyavākpāṭavamukhāṅkitaḥ
sadodīcyāmavatu māṃ śāpānugrahaśaktimān

Meaning open with adhikāra · अर्थ अधिकार से

Verse 27

निखिलेन्द्रियदोषघ्नो महानुग्रहकृद्गुरुः ।
अधश्चोर्ध्वं चावतु मामष्टाक्षरमनूदितम् ॥ २७ ॥

nikhilendriyadoṣaghno mahānugrahakṛdguruḥ
adhaścordhvaṃ cāvatu māmaṣṭākṣaramanūditam

Meaning open with adhikāra · अर्थ अधिकार से

Verse 28

आत्माऽऽत्मीयाघराशिघ्नो मां रक्षतु विदिक्षु च ।
चतुर्णां च पुमर्थानां दाता प्रातः सदाऽवतु ॥ २८ ॥

ātmā''tmīyāgharāśighno māṃ rakṣatu vidikṣu ca
caturṇāṃ ca pumarthānāṃ dātā prātaḥ sadā'vatu

Meaning open with adhikāra · अर्थ अधिकार से

Verse 29

सङ्ग्रामेऽवतु मां नित्यं तत्त्ववित्सर्वसौख्यकृत् ।
मध्याह्नेऽगम्यमहिमा मां रक्षतु महायशाः ॥ २९ ॥

saṅgrāme'vatu māṃ nityaṃ tattvavitsarvasaukhyakṛt
madhyāhne'gamyamahimā māṃ rakṣatu mahāyaśāḥ

Meaning open with adhikāra · अर्थ अधिकार से

Verse 30

मृतपोतप्राणदाता सायाह्ने मां सदाऽवतु ।
वेदिस्थपुरुषोज्जीवी निशीथे पातु मां गुरुः ॥ ३० ॥

mṛtapotaprāṇadātā sāyāhne māṃ sadā'vatu
vedisthapuruṣojjīvī niśīthe pātu māṃ guruḥ

Meaning open with adhikāra · अर्थ अधिकार से

Verse 31

वह्निस्थमालिकोद्धर्ता वह्नितापात्सदाऽवतु ।
समग्रटीकाव्याख्याता गुरुर्मे विषयेऽवतु ॥ ३१ ॥

vahnisthamālikoddhartā vahnitāpātsadā'vatu
samagraṭīkāvyākhyātā gururme viṣaye'vatu

Meaning open with adhikāra · अर्थ अधिकार से

Verse 32

कान्तारेऽवतु मां नित्यं भाट्ट सङ्ग्रहकृद्गुरुः ।
सुधापरिमळोद्धर्ता स्वच्छन्दस्तु सदाऽवतु ॥ ३२ ॥

kāntāre'vatu māṃ nityaṃ bhāṭṭa saṅgrahakṛdguruḥ
sudhāparimaḷoddhartā svacchandastu sadā'vatu

Meaning open with adhikāra · अर्थ अधिकार से

Verse 33

राजचोरविषव्याधियादोवन्यमृगादिभिः ।
अपस्मारापहर्ता नः शास्त्रवित्सर्वदाऽवतु ॥ ३३ ॥

rājacoraviṣavyādhiyādovanyamṛgādibhiḥ
apasmārāpahartā naḥ śāstravitsarvadā'vatu

Meaning open with adhikāra · अर्थ अधिकार से

Verse 34

गतौ सर्वत्र मां पातूपनिषदर्थकृद्गुरुः ।
ऋग्व्याख्यानकृदाचार्यः स्थितौ रक्षतु मां सदा ॥ ३४ ॥

gatau sarvatra māṃ pātūpaniṣadarthakṛdguruḥ
ṛgvyākhyānakṛdācāryaḥ sthitau rakṣatu māṃ sadā

Meaning open with adhikāra · अर्थ अधिकार से

Verse 35

मन्त्रालयनिवासी मां जाग्रत्काले सदाऽवतु ।
न्यायमुक्तावलीकर्ता स्वप्ने रक्षतु मां सदा ॥ ३५ ॥

mantrālayanivāsī māṃ jāgratkāle sadā'vatu
nyāyamuktāvalīkartā svapne rakṣatu māṃ sadā

Meaning open with adhikāra · अर्थ अधिकार से

Verse 36

मां पातु चन्द्रिकाव्याख्याकर्ता सुप्तौ हि तत्त्वकृत् ।
सुतन्त्रदीपिकाकर्ता मुक्तौ रक्षतु मां गुरुः ॥ ३६ ॥

māṃ pātu candrikāvyākhyākartā suptau hi tattvakṛt
sutantradīpikākartā muktau rakṣatu māṃ guruḥ

Meaning open with adhikāra · अर्थ अधिकार से

Verse 37

गीतार्थसङ्ग्रहकरस्सदा रक्षतु मां गुरुः ।
श्रीमध्वमतदुग्धाब्धिचन्द्रोऽवतु सदाऽनघः ॥ ३७ ॥

gītārthasaṅgrahakarassadā rakṣatu māṃ guruḥ
śrīmadhvamatadugdhābdhicandro'vatu sadā'naghaḥ

Meaning open with adhikāra · अर्थ अधिकार से

Verse 38

इति श्रीराघवेन्द्रस्य कवचं पापनाशनम् ।
सर्वव्याधिहरं सद्यः पावनं पुण्यवर्धनम् ॥ ३८ ॥

iti śrīrāghavendrasya kavacaṃ pāpanāśanam
sarvavyādhiharaṃ sadyaḥ pāvanaṃ puṇyavardhanam

Meaning open with adhikāra · अर्थ अधिकार से

Verse 39

य इदं पठते नित्यं नियमेन समाहितः ।
अदृष्टिः पूर्णदृष्टिः स्यादेडमूकोऽपि वाक्पतिः ॥ ३९ ॥

ya idaṃ paṭhate nityaṃ niyamena samāhitaḥ
adṛṣṭiḥ pūrṇadṛṣṭiḥ syādeḍamūko'pi vākpatiḥ

Meaning open with adhikāra · अर्थ अधिकार से

Verse 40

पूर्णायुः पूर्णसम्पत्तिभक्तिज्ञानाभिवृद्धिकृत् ।
पीत्वा वारि नरो येन कवचेनाभिमन्त्रितम् ॥ ४० ॥

pūrṇāyuḥ pūrṇasampattibhaktijñānābhivṛddhikṛt
pītvā vāri naro yena kavacenābhimantritam

Meaning open with adhikāra · अर्थ अधिकार से

Verse 41

जहाति कुक्षिगान् रोगान् गुरुवर्यप्रसादतः ।
प्रदक्षिणनमस्कारान् गुरोर्वृन्दावनस्य यः ॥ ४१ ॥

jahāti kukṣigān rogān guruvaryaprasādataḥ
pradakṣiṇanamaskārān gurorvṛndāvanasya yaḥ

Meaning open with adhikāra · अर्थ अधिकार से

Verse 42

करोति परया भक्त्या तदेतत्कवचं पठन् ।
पङ्गुः कूणिश्च पौगण्डः पूर्णाङ्गो जायते ध्रुवम् ॥ ४२ ॥

karoti parayā bhaktyā tadetatkavacaṃ paṭhan
paṅguḥ kūṇiśca paugaṇḍaḥ pūrṇāṅgo jāyate dhruvam

Meaning open with adhikāra · अर्थ अधिकार से

Verse 43

शेषाश्च कुष्ठपूर्वाश्च नश्यन्त्यामयराशयः ।
अष्टाक्षरेण मन्त्रेण स्तोत्रेण कवचेन च ॥ ४३ ॥

śeṣāśca kuṣṭhapūrvāśca naśyantyāmayarāśayaḥ
aṣṭākṣareṇa mantreṇa stotreṇa kavacena ca

Meaning open with adhikāra · अर्थ अधिकार से

Verse 44

वृन्दावने सन्निहितमभिषिच्य यथाविधि ।
यन्त्रे मन्त्राक्षराण्यष्टौ विलिख्यात्र प्रतिष्ठितम् ॥ ४४ ॥

vṛndāvane sannihitamabhiṣicya yathāvidhi
yantre mantrākṣarāṇyaṣṭau vilikhyātra pratiṣṭhitam

Meaning open with adhikāra · अर्थ अधिकार से

Verse 45

षोडशैरुपचारैश्च सम्पूज्य त्रिजगद्गुरुम् ।
अष्टोत्तरशताख्याभिरर्चयेत्कुसुमादिभिः ॥ ४५ ॥

ṣoḍaśairupacāraiśca sampūjya trijagadgurum
aṣṭottaraśatākhyābhirarcayetkusumādibhiḥ

Meaning open with adhikāra · अर्थ अधिकार से

Verse 46

फलैश्च विविधैरेव गुरोरर्चां प्रकुर्वतः ।
नामश्रवणमात्रेण गुरुवर्यप्रसादतः ॥ ४६ ॥

phalaiśca vividhaireva gurorarcāṃ prakurvataḥ
nāmaśravaṇamātreṇa guruvaryaprasādataḥ

Meaning open with adhikāra · अर्थ अधिकार से

Verse 47

भूतप्रेतपिशाचाद्याः विद्रवन्ति दिशो दश ।
पठेदेतत्त्रिकं नित्यं गुरोर्वृन्दावनान्तिके ॥ ४७ ॥

bhūtapretapiśācādyāḥ vidravanti diśo daśa
paṭhedetattrikaṃ nityaṃ gurorvṛndāvanāntike

Meaning open with adhikāra · अर्थ अधिकार से

Verse 48

दीपं संयोज्य विद्यावान् सभासु विजयी भवेत् ।
राजचोरमहाव्याघ्रसर्पनक्रादिपीडनात् ॥ ४८ ॥

dīpaṃ saṃyojya vidyāvān sabhāsu vijayī bhavet
rājacoramahāvyāghrasarpanakrādipīḍanāt

Meaning open with adhikāra · अर्थ अधिकार से

Verse 49

कवचस्य प्रभावेण भयं तस्य न जायते ।
सोमसूर्योपरागादिकाले वृन्दावनान्तिके ॥ ४९ ॥

kavacasya prabhāveṇa bhayaṃ tasya na jāyate
somasūryoparāgādikāle vṛndāvanāntike

Meaning open with adhikāra · अर्थ अधिकार से

Verse 50

कवचादित्रिकं पुण्यमप्पणाचार्यदर्शितम् ।
जपेद्यः स धनं पुत्रान् भार्यां च सुमनोरमाम् ॥ ५० ॥

kavacāditrikaṃ puṇyamappaṇācāryadarśitam
japedyaḥ sa dhanaṃ putrān bhāryāṃ ca sumanoramām

Meaning open with adhikāra · अर्थ अधिकार से

Verse 51

ज्ञानं भक्तिं च वैराग्यं भुक्तिं मुक्तिं च शाश्वतीम् ।
संप्राप्य मोदते नित्यं गुरुवर्यप्रसादतः ॥ ५१ ॥

jñānaṃ bhaktiṃ ca vairāgyaṃ bhuktiṃ muktiṃ ca śāśvatīm
saṃprāpya modate nityaṃ guruvaryaprasādataḥ

Meaning open with adhikāra · अर्थ अधिकार से

इति श्रीमदप्पणाचार्यविरचितं श्रीराघवेन्द्रकवचं सम्पूर्णम् ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Guru गुरु A spiritual teacher who guides a disciple's practice and initiation.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras