Rudrayāmala Uttaratantra

परनाथकवचम्

Paranatha Kavacham (Rudrayamala) — The armour of Paranātha, told by Bhairavī to Bhairava

A Kavach in which the Lord Paranātha, a form of Shiva, is set around the reciter under many names. The guards are placed along the inner lotuses where the Kundalini rises, then on the face and the limbs, and the later verses call them to guard against fear, on journeys and in the rites of the tantras. The last verses give its fruit and say how it is written and worn.

संवादःThe asking

Verse 1

श्री-आनन्दभैरव उवाच — आनन्दभैरव बोले Ānandabhairava spoke

वरानने वरारोहे सर्वज्ञाननिदानदे ।
आनन्दहृदयोल्लासे परमानन्दवर्धिनि ॥ १ ॥

varānane varārohe sarvajñānanidānade
ānandahṛdayollāse paramānandavardhini

Meaning open with adhikāra · अर्थ अधिकार से

Verse 2

कथितं कवचं पुण्यं रहस्यं चातिदुर्लभम् ।
न चोक्तं ज्ञानगम्यं तु महाजालनिसेवितम् ॥ २ ॥

kathitaṃ kavacaṃ puṇyaṃ rahasyaṃ cātidurlabham
na coktaṃ jñānagamyaṃ tu mahājālanisevitam

Meaning open with adhikāra · अर्थ अधिकार से

text uncertain

Verse 3

परनाथस्य कवचं सार्वज्ञज्ञानसिद्धिदम् ।
इदानीं वद मे यत्नादानन्दकुलभैरवी ॥ ३ ॥

paranāthasya kavacaṃ sārvajñajñānasiddhidam
idānīṃ vada me yatnādānandakulabhairavī

Meaning open with adhikāra · अर्थ अधिकार से

Verse 4

श्री-आनन्दभैरवी उवाच — आनन्दभैरवी बोलीं Ānandabhairavī spoke

श्रूयतां योगिनीनाथ योगविद्यापते प्रभो ।
परनाथस्य कवचं ज्ञानगम्यं पुरातनम् ॥ ४ ॥

śrūyatāṃ yoginīnātha yogavidyāpate prabho
paranāthasya kavacaṃ jñānagamyaṃ purātanam

Meaning open with adhikāra · अर्थ अधिकार से

Verse 5

अतिगोप्यं योगसारं सर्वतन्त्रेषु दुर्लभम् ।
इदानीं नाथ यत्नेन कथयामि परं पदम् ॥ ५ ॥

atigopyaṃ yogasāraṃ sarvatantreṣu durlabham
idānīṃ nātha yatnena kathayāmi paraṃ padam

Meaning open with adhikāra · अर्थ अधिकार से

कवचम्The armour

Verse 6

ॐकारं वेदबीजं मे सदा पातु शिरोधनम् । हसौः महाप्रेतराजः कपालं पातु सर्वदा ॥ ६ ॥

oṃkāraṃ vedabījaṃ me sadā pātu śirodhanam hasauḥ mahāpretarājaḥ kapālaṃ pātu sarvadā

Meaning open with adhikāra · अर्थ अधिकार से

text uncertain

Verse 7

हाकिनीशः सहायाख्यः कामकेशगुणानि मे ।
वाराणसीपुरः पातु भ्रूमध्यपरदेवता ॥ ७ ॥

hākinīśaḥ sahāyākhyaḥ kāmakeśaguṇāni me
vārāṇasīpuraḥ pātu bhrūmadhyaparadevatā

Meaning open with adhikāra · अर्थ अधिकार से

text uncertain

Verse 8

षं रं शं वं सदा पातु हं क्षं पातु भ्रुवोर्दलम् ।
बाणलिङ्गं सदा पातु भ्रूपद्मयुवती मम ॥ ८ ॥

ṣaṃ raṃ śaṃ vaṃ sadā pātu haṃ kṣaṃ pātu bhruvordalam
bāṇaliṅgaṃ sadā pātu bhrūpadmayuvatī mama

Meaning open with adhikāra · अर्थ अधिकार से

text uncertain

Verse 9

कालानलः सदा पातु द्विदलस्थं परात्परम् ।
भ्रूगह्वरं सदानन्दं पातु त्रिपुरभैरवः ॥ ९ ॥

kālānalaḥ sadā pātu dvidalasthaṃ parātparam
bhrūgahvaraṃ sadānandaṃ pātu tripurabhairavaḥ

Meaning open with adhikāra · अर्थ अधिकार से

Verse 10

अनाथलिङ्गः सर्वेशः पातु मे लोचनत्रयम् ।
अभयो मङ्गलः पातु ध्रुवाख्ये लोलजिह्विकाम् ॥ १० ॥

anāthaliṅgaḥ sarveśaḥ pātu me locanatrayam
abhayo maṅgalaḥ pātu dhruvākhye lolajihvikām

Meaning open with adhikāra · अर्थ अधिकार से

text uncertain

Verse 11

पञ्चाननः सदा पातु वदनं कामसुन्दरः ।
उन्मत्तभैरवेन्द्रोऽथ गण्डयुग्मं सदावतु ॥ ११ ॥

pañcānanaḥ sadā pātu vadanaṃ kāmasundaraḥ
unmattabhairavendro'tha gaṇḍayugmaṃ sadāvatu

Meaning open with adhikāra · अर्थ अधिकार से

Verse 12

हिरण्याख्यः सदा पातु दन्ताग्राणि श्मशानगः ।
महादेवः सदा पातु महाकाशः श्रुती मम ॥ १२ ॥

hiraṇyākhyaḥ sadā pātu dantāgrāṇi śmaśānagaḥ
mahādevaḥ sadā pātu mahākāśaḥ śrutī mama

Meaning open with adhikāra · अर्थ अधिकार से

Verse 13

विकटाख्यो मञ्जुघोषः सदा पातु हनुस्थलम् ।
प्रणवात्मा सदा पातु कण्ठं मे नीलकण्ठभृत् ॥ १३ ॥

vikaṭākhyo mañjughoṣaḥ sadā pātu hanusthalam
praṇavātmā sadā pātu kaṇṭhaṃ me nīlakaṇṭhabhṛt

Meaning open with adhikāra · अर्थ अधिकार से

Verse 14

अपराजितः शुक्लवर्णः सदा पातु महामला ।
गलदेशं महाकाशं त्रिपुरा परमेश्वरी ॥ १४ ॥

aparājitaḥ śuklavarṇaḥ sadā pātu mahāmalā
galadeśaṃ mahākāśaṃ tripurā parameśvarī

Meaning open with adhikāra · अर्थ अधिकार से

text uncertain

Verse 15

मृत्युञ्जयश्च घोराख्यो विशुद्धं सर्वदाऽवतु ।
स्वरानीश्वरसंयुक्तान् योगीशः सर्वदाऽवतु ॥ १५ ॥

mṛtyuñjayaśca ghorākhyo viśuddhaṃ sarvadā'vatu
svarānīśvarasaṃyuktān yogīśaḥ sarvadā'vatu

Meaning open with adhikāra · अर्थ अधिकार से

Verse 16

वामदेवः सदा पातु हृदयं परमेश्वरः ।
ईश्वरः सर्वदा पातु परदेवः सदाशिवः ॥ १६ ॥

vāmadevaḥ sadā pātu hṛdayaṃ parameśvaraḥ
īśvaraḥ sarvadā pātu paradevaḥ sadāśivaḥ

Meaning open with adhikāra · अर्थ अधिकार से

Verse 17

अट्टहासः सदा पातु योगिनीकोटिभिः सह ।
अकालचक्रः सर्वज्ञश्चावधूतेश्वरो भुजौ ॥ १७ ॥

aṭṭahāsaḥ sadā pātu yoginīkoṭibhiḥ saha
akālacakraḥ sarvajñaścāvadhūteśvaro bhujau

Meaning open with adhikāra · अर्थ अधिकार से

Verse 18

महाकालः सदा पातु भेरुण्डापतिरीश्वरः ।
पार्श्वदेशं सदा पातु काकिनीपरवल्लभः ॥ १८ ॥

mahākālaḥ sadā pātu bheruṇḍāpatirīśvaraḥ
pārśvadeśaṃ sadā pātu kākinīparavallabhaḥ

Meaning open with adhikāra · अर्थ अधिकार से

Verse 19

अच्युतेशः सदा पातु कुक्षियुग्मं सदा मम ।
अथर्वेशः सदानन्दः पातु पृष्ठं सुरेश्वरः ॥ १९ ॥

acyuteśaḥ sadā pātu kukṣiyugmaṃ sadā mama
atharveśaḥ sadānandaḥ pātu pṛṣṭhaṃ sureśvaraḥ

Meaning open with adhikāra · अर्थ अधिकार से

Verse 20

तपिनीपतिरीशानो वीरभद्रो यतीश्वरः ।
नाभिमण्डलमापातु ममोदरमुमापतिः ॥ २० ॥

tapinīpatirīśāno vīrabhadro yatīśvaraḥ
nābhimaṇḍalamāpātu mamodaramumāpatiḥ

Meaning open with adhikāra · अर्थ अधिकार से

Verse 21

घर्घरः पातु सततं रुद्रं राकिणिवल्लभम् ।
जटाजूटधरः पातु रुद्राणीं रौद्रदेवताम् ॥ २१ ॥

ghargharaḥ pātu satataṃ rudraṃ rākiṇivallabham
jaṭājūṭadharaḥ pātu rudrāṇīṃ raudradevatām

Meaning open with adhikāra · अर्थ अधिकार से

Verse 22

नितम्बं पातु योगेन्द्रः प्रभाद्यो मे कटिस्थलम् ।
स्वाधिष्ठानं सदा पातु षड्दलान्तः प्रकाशकः ॥ २२ ॥

nitambaṃ pātu yogendraḥ prabhādyo me kaṭisthalam
svādhiṣṭhānaṃ sadā pātu ṣaḍdalāntaḥ prakāśakaḥ

Meaning open with adhikāra · अर्थ अधिकार से

Verse 23

अभयः सर्वदा पातु भर्गः पातु चतुर्दलम् ।
तरुणीशः सदा पातु कुण्डलीं डाकिनीपदम् ॥ २३ ॥

abhayaḥ sarvadā pātu bhargaḥ pātu caturdalam
taruṇīśaḥ sadā pātu kuṇḍalīṃ ḍākinīpadam

Meaning open with adhikāra · अर्थ अधिकार से

Verse 24

गुदरन्ध्रं सदा पातु पार्वतीप्रियवल्लभः ।
यज्ञनाथः सदा पातु ऊरुयुग्मं स्वमन्त्रवित् ॥ २४ ॥

gudarandhraṃ sadā pātu pārvatīpriyavallabhaḥ
yajñanāthaḥ sadā pātu ūruyugmaṃ svamantravit

Meaning open with adhikāra · अर्थ अधिकार से

Verse 25

जङ्घायुगं सदा पातु धर्मलक्ष्मीश्वरः प्रभुः ।
महाकालः पातु पादतलयुग्मं महीश्वरः ॥ २५ ॥

jaṅghāyugaṃ sadā pātu dharmalakṣmīśvaraḥ prabhuḥ
mahākālaḥ pātu pādatalayugmaṃ mahīśvaraḥ

Meaning open with adhikāra · अर्थ अधिकार से

Verse 26

सर्वाङ्गं वरदः पातु वटुकः श्रीसदाशिवः ।
महारुद्रः श्रीपतीशः सदा उग्रः प्रपातु माम् ॥ २६ ॥

sarvāṅgaṃ varadaḥ pātu vaṭukaḥ śrīsadāśivaḥ
mahārudraḥ śrīpatīśaḥ sadā ugraḥ prapātu mām

Meaning open with adhikāra · अर्थ अधिकार से

Verse 27

रणे द्यूते विवादे च शून्यागारे महाभये ।
पाताले पर्वतेऽरण्ये पातु वाग्वादिनीश्वरः ॥ २७ ॥

raṇe dyūte vivāde ca śūnyāgāre mahābhaye
pātāle parvate'raṇye pātu vāgvādinīśvaraḥ

Meaning open with adhikāra · अर्थ अधिकार से

Verse 28

घण्टेश्वरः शङ्खनादो मुरारीशः प्रपातु माम् ।
परमानन्ददः पातु हितार्थी पथि पातु माम् ॥ २८ ॥

ghaṇṭeśvaraḥ śaṅkhanādo murārīśaḥ prapātu mām
paramānandadaḥ pātu hitārthī pathi pātu mām

Meaning open with adhikāra · अर्थ अधिकार से

Verse 29

महाविद्यापतिः पातु प्रेतराजः प्रपातु माम् ।
पुत्रं मित्रं कलत्रं मे बन्धुं स्वजनमेव च ॥ २९ ॥

mahāvidyāpatiḥ pātu pretarājaḥ prapātu mām
putraṃ mitraṃ kalatraṃ me bandhuṃ svajanameva ca

Meaning open with adhikāra · अर्थ अधिकार से

Verse 30

सर्वाधारः सदा पातु लिङ्गरूपी महेश्वरः ।
परमात्मा सदा पातु गुह्यदेशस्थदेवताम् ॥ ३० ॥

sarvādhāraḥ sadā pātu liṅgarūpī maheśvaraḥ
paramātmā sadā pātu guhyadeśasthadevatām

Meaning open with adhikāra · अर्थ अधिकार से

Verse 31

परिवारान्वितः पातु महाचन्द्रः सदाऽवतु ।
मारणोच्चाटने स्तम्भे विद्वेषे पातु मोहनः ॥ ३१ ॥

parivārānvitaḥ pātu mahācandraḥ sadā'vatu
māraṇoccāṭane stambhe vidveṣe pātu mohanaḥ

Meaning open with adhikāra · अर्थ अधिकार से

Verse 32

मोहने द्रावणे स्थैर्ये वश्ये शान्तौ सदाशिवः ।
परनाथो गुरुः पातु पारिजातवनाश्रयः ॥ ३२ ॥

mohane drāvaṇe sthairye vaśye śāntau sadāśivaḥ
paranātho guruḥ pātu pārijātavanāśrayaḥ

Meaning open with adhikāra · अर्थ अधिकार से

Verse 33

सर्वभुक् कालरुद्रो मे सर्वत्र परिपातु माम् ।
इत्येतत् कथितं सर्वसिद्धिदं कवचं शुभम् ॥ ३३ ॥

sarvabhuk kālarudro me sarvatra paripātu mām
ityetat kathitaṃ sarvasiddhidaṃ kavacaṃ śubham

Meaning open with adhikāra · अर्थ अधिकार से

फलश्रुतिःThe fruit

Verse 34

परनाथस्य देवस्य सार्वज्ञज्ञानसिद्धिदम् ।
कवचं दुर्लभं लोके सर्वतन्त्रेषु गोपितम् ॥ ३४ ॥

paranāthasya devasya sārvajñajñānasiddhidam
kavacaṃ durlabhaṃ loke sarvatantreṣu gopitam

Meaning open with adhikāra · अर्थ अधिकार से

Verse 35

यामले देवदेवेश प्रकाशितमहर्निशम् ।
यः पठेदेकवारं तु स रुद्रो नात्र संशयः ॥ ३५ ॥

yāmale devadeveśa prakāśitamaharniśam
yaḥ paṭhedekavāraṃ tu sa rudro nātra saṃśayaḥ

Meaning open with adhikāra · अर्थ अधिकार से

Verse 36

कीर्तिश्रीकान्तिमेधायुर्बृंहितो भवति ध्रुवम् ।
अस्य स्मरणमात्रेण राजत्वं योगिनां पतिः ॥ ३६ ॥

kīrtiśrīkāntimedhāyurbṛṃhito bhavati dhruvam
asya smaraṇamātreṇa rājatvaṃ yogināṃ patiḥ

Meaning open with adhikāra · अर्थ अधिकार से

Verse 37

भवेत् कामक्रोधजेता मृत्युजेता महाकविः ।
तस्यासाध्यं त्रिभुवने न किञ्चिदपि वर्तते ॥ ३७ ॥

bhavet kāmakrodhajetā mṛtyujetā mahākaviḥ
tasyāsādhyaṃ tribhuvane na kiñcidapi vartate

Meaning open with adhikāra · अर्थ अधिकार से

Verse 38

यः कण्ठे मस्तके वापि धारयेत् कवचं शुभम् ।
रक्तेन चन्दनेनापि कुङ्कुमेनापि वा लिखेत् ॥ ३८ ॥

yaḥ kaṇṭhe mastake vāpi dhārayet kavacaṃ śubham
raktena candanenāpi kuṅkumenāpi vā likhet

Meaning open with adhikāra · अर्थ अधिकार से

Verse 39

स भवेद् वीरपुत्रश्च महापातककोटिहा ।
अनायासेन देवेश योगसिद्धिमवाप्नुयात् ॥ ३९ ॥

sa bhaved vīraputraśca mahāpātakakoṭihā
anāyāsena deveśa yogasiddhimavāpnuyāt

Meaning open with adhikāra · अर्थ अधिकार से

Verse 40

शतमष्टोत्तरं जप्त्वा पुरश्चर्याफलं लभेत् ॥ ४० ॥

śatamaṣṭottaraṃ japtvā puraścaryāphalaṃ labhet

Meaning open with adhikāra · अर्थ अधिकार से

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणे षट्चक्रप्रकाशे भैरवीभैरवसंवादे परशिवकवचपाठो नाम पञ्चाशीतितमः पटलः ॥

Terms on this page

Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Kundalini कुण्डलिनी The dormant serpent-power said to lie coiled at the base of the spine, which fully awakens in a practitioner who has mastered a deity's protective mantra at moments of grave danger.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras