Bhāgavata Purāṇa 6.8 · Nārāyaṇa-varma

नारायणकवचम्

Narayana Kavacham (Bhagavata Purana) — The armour made of Nārāyaṇa, taught to Indra

A Kavach of Nārāyaṇa. After the rule for purifying oneself and placing the syllables on the body, the hymn calls on the Lord's forms in turn: the Fish in water, Vāmana on land, Narasimha in forts and battle, and the rest. The discus (Sudarshana Chakra), mace, conch and sword are asked to scatter every fear, and the closing verses tell what it did for Indra and for one who wore it.

नारायणवर्मकथनम्The Nārāyaṇa armour

Verse 1

राजोवाच — राजा ने कहा The king said

यया गुप्तः सहस्राक्षः सवाहान् रिपुसैनिकान् ।
क्रीडन्निव विनिर्जित्य त्रिलोक्या बुभुजे श्रियम् ॥ १ ॥

yayā guptaḥ sahasrākṣaḥ savāhān ripusainikān
krīḍanniva vinirjitya trilokyā bubhuje śriyam

Meaning open with adhikāra · अर्थ अधिकार से

Verse 2

भगवंस्तन्ममाख्याहि वर्म नारायणात्मकम् ।
यथाऽऽततायिनः शत्रून् येन गुप्तोऽजयन्मृधे ॥ २ ॥

bhagavaṃstanmamākhyāhi varma nārāyaṇātmakam
yathā''tatāyinaḥ śatrūn yena gupto'jayanmṛdhe

Meaning open with adhikāra · अर्थ अधिकार से

Verse 3

श्रीशुक उवाच — शुक ने कहा Śuka said

वृतः पुरोहितस्त्वाष्ट्रो महेन्द्रायानुपृच्छते ।
नारायणाख्यं वर्माह तदिहैकमनाः शृणु ॥ ३ ॥

vṛtaḥ purohitastvāṣṭro mahendrāyānupṛcchate
nārāyaṇākhyaṃ varmāha tadihaikamanāḥ śṛṇu

Meaning open with adhikāra · अर्थ अधिकार से

Verse 4

विश्वरूप उवाच — विश्वरूप ने कहा Viśvarūpa said

धौताङ्घ्रिपाणिराचम्य सपवित्र उदङ्मुखः ।
कृतस्वाङ्गकरन्यासो मन्त्राभ्यां वाग्यतः शुचिः ॥ ४ ॥

dhautāṅghripāṇirācamya sapavitra udaṅmukhaḥ
kṛtasvāṅgakaranyāso mantrābhyāṃ vāgyataḥ śuciḥ

Meaning open with adhikāra · अर्थ अधिकार से

Verse 5

नारायणमयं वर्म सन्नह्येद् भय आगते ।
पादयोर्जानुनोरूर्वोरुदरे हृद्यथोरसि ॥ ५ ॥

nārāyaṇamayaṃ varma sannahyed bhaya āgate
pādayorjānunorūrvorudare hṛdyathorasi

Meaning open with adhikāra · अर्थ अधिकार से

Verse 6

मुखे शिरस्यानुपूर्व्यादोङ्कारादीनि विन्यसेत् ।
ॐ नमो नारायणायेति विपर्ययमथापि वा ॥ ६ ॥

mukhe śirasyānupūrvyādoṅkārādīni vinyaset
oṃ namo nārāyaṇāyeti viparyayamathāpi vā

Meaning open with adhikāra · अर्थ अधिकार से

Verse 7

करन्यासं ततः कुर्याद् द्वादशाक्षरविद्यया ।
प्रणवादियकारान्तमङ्गुल्यङ्गुष्ठपर्वसु ॥ ७ ॥

karanyāsaṃ tataḥ kuryād dvādaśākṣaravidyayā
praṇavādiyakārāntamaṅgulyaṅguṣṭhaparvasu

Meaning open with adhikāra · अर्थ अधिकार से

Verse 8

न्यसेद्धृदय ओङ्कारं विकारमनु मूर्धनि ।
षकारं तु भ्रुवोर्मध्ये णकारं शिखया दिशेत् ॥ ८ ॥

nyaseddhṛdaya oṅkāraṃ vikāramanu mūrdhani
ṣakāraṃ tu bhruvormadhye ṇakāraṃ śikhayā diśet

Meaning open with adhikāra · अर्थ अधिकार से

Verse 9

वेकारं नेत्रयोर्युञ्ज्यान्नकारं सर्वसन्धिषु ।
मकारमस्त्रमुद्दिश्य मन्त्रमूर्तिर्भवेद् बुधः ॥ ९ ॥

vekāraṃ netrayoryuñjyānnakāraṃ sarvasandhiṣu
makāramastramuddiśya mantramūrtirbhaved budhaḥ

Meaning open with adhikāra · अर्थ अधिकार से

Verse 10

सविसर्गं फडन्तं तत् सर्वदिक्षु विनिर्दिशेत् ।
ॐ विष्णवे नम इति ॥ १० ॥

savisargaṃ phaḍantaṃ tat sarvadikṣu vinirdiśet
oṃ viṣṇave nama iti

Meaning open with adhikāra · अर्थ अधिकार से

Verse 11

आत्मानं परमं ध्यायेद् ध्येयं षट्शक्तिभिर्युतम् ।
विद्यातेजस्तपोमूर्तिमिमं मन्त्रमुदाहरेत् ॥ ११ ॥

ātmānaṃ paramaṃ dhyāyed dhyeyaṃ ṣaṭśaktibhiryutam
vidyātejastapomūrtimimaṃ mantramudāharet

Meaning open with adhikāra · अर्थ अधिकार से

कवचम्The armour

Verse 12

ॐ हरिर्विदध्यान्मम सर्वरक्षां न्यस्ताङ्घ्रिपद्मः पतगेन्द्रपृष्ठे ।
दरारिचर्मासिगदेषुचापपाशान् दधानोऽष्टगुणोऽष्टबाहुः ॥ १२ ॥

oṃ harirvidadhyānmama sarvarakṣāṃ nyastāṅghripadmaḥ patagendrapṛṣṭhe
darāricarmāsigadeṣucāpapāśān dadhāno'ṣṭaguṇo'ṣṭabāhuḥ

Meaning open with adhikāra · अर्थ अधिकार से

Verse 13

जलेषु मां रक्षतु मत्स्यमूर्तिर्यादोगणेभ्यो वरुणस्य पाशात् ।
स्थलेषु मायावटुवामनोऽव्यात् त्रिविक्रमः खेऽवतु विश्वरूपः ॥ १३ ॥

jaleṣu māṃ rakṣatu matsyamūrtiryādogaṇebhyo varuṇasya pāśāt
sthaleṣu māyāvaṭuvāmano'vyāt trivikramaḥ khe'vatu viśvarūpaḥ

Meaning open with adhikāra · अर्थ अधिकार से

Verse 14

दुर्गेष्वटव्याजिमुखादिषु प्रभुः पायान्नृसिंहोऽसुरयूथपारिः ।
विमुञ्चतो यस्य महाट्टहासं दिशो विनेदुर्न्यपतंश्च गर्भाः ॥ १४ ॥

durgeṣvaṭavyājimukhādiṣu prabhuḥ pāyānnṛsiṃho'surayūthapāriḥ
vimuñcato yasya mahāṭṭahāsaṃ diśo vinedurnyapataṃśca garbhāḥ

Meaning open with adhikāra · अर्थ अधिकार से

Verse 15

रक्षत्वसौ माध्वनि यज्ञकल्पः स्वदंष्ट्रयोन्नीतधरो वराहः ।
रामोऽद्रिकूटेष्वथ विप्रवासे सलक्ष्मणोऽव्याद् भरताग्रजोऽस्मान् ॥ १५ ॥

rakṣatvasau mādhvani yajñakalpaḥ svadaṃṣṭrayonnītadharo varāhaḥ
rāmo'drikūṭeṣvatha vipravāse salakṣmaṇo'vyād bharatāgrajo'smān

Meaning open with adhikāra · अर्थ अधिकार से

Verse 16

मामुग्रधर्मादखिलात् प्रमादान्नारायणः पातु नरश्च हासात् ।
दत्तस्त्वयोगादथ योगनाथः पायाद् गुणेशः कपिलः कर्मबन्धात् ॥ १६ ॥

māmugradharmādakhilāt pramādānnārāyaṇaḥ pātu naraśca hāsāt
dattastvayogādatha yoganāthaḥ pāyād guṇeśaḥ kapilaḥ karmabandhāt

Meaning open with adhikāra · अर्थ अधिकार से

Verse 17

सनत्कुमारोऽवतु कामदेवाद्धयशीर्षा मां पथि देवहेलनात् ।
देवर्षिवर्यः पुरुषार्चनान्तरात् कूर्मो हरिर्मां निरयादशेषात् ॥ १७ ॥

sanatkumāro'vatu kāmadevāddhayaśīrṣā māṃ pathi devahelanāt
devarṣivaryaḥ puruṣārcanāntarāt kūrmo harirmāṃ nirayādaśeṣāt

Meaning open with adhikāra · अर्थ अधिकार से

Verse 18

धन्वन्तरिर्भगवान् पात्वपथ्याद् द्वन्द्वाद् भयादृषभो निर्जितात्मा ।
यज्ञश्च लोकादवताज्जनान्ताद् बलो गणात् क्रोधवशादहीन्द्रः ॥ १८ ॥

dhanvantarirbhagavān pātvapathyād dvandvād bhayādṛṣabho nirjitātmā
yajñaśca lokādavatājjanāntād balo gaṇāt krodhavaśādahīndraḥ

Meaning open with adhikāra · अर्थ अधिकार से

Verse 19

द्वैपायनो भगवानप्रबोधाद् बुद्धस्तु पाखण्डगणात् प्रमादात् ।
कल्किः कलेः कालमलात् प्रपातु धर्मावनायोरुकृतावतारः ॥ १९ ॥

dvaipāyano bhagavānaprabodhād buddhastu pākhaṇḍagaṇāt pramādāt
kalkiḥ kaleḥ kālamalāt prapātu dharmāvanāyorukṛtāvatāraḥ

Meaning open with adhikāra · अर्थ अधिकार से

Verse 20

मां केशवो गदया प्रातरव्याद् गोविन्द आसङ्गवमात्तवेणुः ।
नारायणः प्राह्ण उदात्तशक्तिर्मध्यन्दिने विष्णुररीन्द्रपाणिः ॥ २० ॥

māṃ keśavo gadayā prātaravyād govinda āsaṅgavamāttaveṇuḥ
nārāyaṇaḥ prāhṇa udāttaśaktirmadhyandine viṣṇurarīndrapāṇiḥ

Meaning open with adhikāra · अर्थ अधिकार से

Verse 21

देवोऽपराह्णे मधुहोग्रधन्वा सायं त्रिधामावतु माधवो माम् ।
दोषे हृषीकेश उतार्धरात्रे निशीथ एकोऽवतु पद्मनाभः ॥ २१ ॥

devo'parāhṇe madhuhogradhanvā sāyaṃ tridhāmāvatu mādhavo mām
doṣe hṛṣīkeśa utārdharātre niśītha eko'vatu padmanābhaḥ

Meaning open with adhikāra · अर्थ अधिकार से

Verse 22

श्रीवत्सधामापररात्र ईशः प्रत्यूष ईशोऽसिधरो जनार्दनः ।
दामोदरोऽव्यादनुसन्ध्यं प्रभाते विश्वेश्वरो भगवान् कालमूर्तिः ॥ २२ ॥

śrīvatsadhāmāpararātra īśaḥ pratyūṣa īśo'sidharo janārdanaḥ
dāmodaro'vyādanusandhyaṃ prabhāte viśveśvaro bhagavān kālamūrtiḥ

Meaning open with adhikāra · अर्थ अधिकार से

Verse 23

चक्रं युगान्तानलतिग्मनेमि भ्रमत् समन्ताद् भगवत्प्रयुक्तम् ।
दन्दग्धि दन्दग्ध्यरिसैन्यमाशु कक्षं यथा वातसखो हुताशः ॥ २३ ॥

cakraṃ yugāntānalatigmanemi bhramat samantād bhagavatprayuktam
dandagdhi dandagdhyarisainyamāśu kakṣaṃ yathā vātasakho hutāśaḥ

Meaning open with adhikāra · अर्थ अधिकार से

Verse 24

गदेऽशनिस्पर्शनविस्फुलिङ्गे निष्पिण्ढि निष्पिण्ढ्यजितप्रियासि ।
कूष्माण्डवैनायकयक्षरक्षोभूतग्रहांश्चूर्णय चूर्णयारीन् ॥ २४ ॥

gade'śanisparśanavisphuliṅge niṣpiṇḍhi niṣpiṇḍhyajitapriyāsi
kūṣmāṇḍavaināyakayakṣarakṣobhūtagrahāṃścūrṇaya cūrṇayārīn

Meaning open with adhikāra · अर्थ अधिकार से

Verse 25

त्वं यातुधानप्रमथप्रेतमातृपिशाचविप्रग्रहघोरदृष्टीन् ।
दरेन्द्र विद्रावय कृष्णपूरितो भीमस्वनोऽरेर्हृदयानि कम्पयन् ॥ २५ ॥

tvaṃ yātudhānapramathapretamātṛpiśācavipragrahaghoradṛṣṭīn
darendra vidrāvaya kṛṣṇapūrito bhīmasvano'rerhṛdayāni kampayan

Meaning open with adhikāra · अर्थ अधिकार से

Verse 26

त्वं तिग्मधारासिवरारिसैन्यमीशप्रयुक्तो मम छिन्धि छिन्धि ।
चक्षूंषि चर्मञ्छतचन्द्र छादय द्विषामघोनां हर पापचक्षुषाम् ॥ २६ ॥

tvaṃ tigmadhārāsivarārisainyamīśaprayukto mama chindhi chindhi
cakṣūṃṣi carmañchatacandra chādaya dviṣāmaghonāṃ hara pāpacakṣuṣām

Meaning open with adhikāra · अर्थ अधिकार से

Verse 27

यन्नो भयं ग्रहेभ्योऽभूत् केतुभ्यो नृभ्य एव च ।
सरीसृपेभ्यो दंष्ट्रिभ्यो भूतेभ्योंऽहोभ्य एव वा ॥ २७ ॥

yanno bhayaṃ grahebhyo'bhūt ketubhyo nṛbhya eva ca
sarīsṛpebhyo daṃṣṭribhyo bhūtebhyoṃ'hobhya eva vā

Meaning open with adhikāra · अर्थ अधिकार से

Verse 28

सर्वाण्येतानि भगवन्नामरूपास्त्रकीर्तनात् ।
प्रयान्तु सङ्क्षयं सद्यो ये नः श्रेयःप्रतीपकाः ॥ २८ ॥

sarvāṇyetāni bhagavannāmarūpāstrakīrtanāt
prayāntu saṅkṣayaṃ sadyo ye naḥ śreyaḥpratīpakāḥ

Meaning open with adhikāra · अर्थ अधिकार से

Verse 29

गरुडो भगवान् स्तोत्रस्तोभश्छन्दोमयः प्रभुः ।
रक्षत्वशेषकृच्छ्रेभ्यो विष्वक्सेनः स्वनामभिः ॥ २९ ॥

garuḍo bhagavān stotrastobhaśchandomayaḥ prabhuḥ
rakṣatvaśeṣakṛcchrebhyo viṣvaksenaḥ svanāmabhiḥ

Meaning open with adhikāra · अर्थ अधिकार से

Verse 30

सर्वापद्भ्यो हरेर्नामरूपयानायुधानि नः ।
बुद्धीन्द्रियमनःप्राणान् पान्तु पार्षदभूषणाः ॥ ३० ॥

sarvāpadbhyo harernāmarūpayānāyudhāni naḥ
buddhīndriyamanaḥprāṇān pāntu pārṣadabhūṣaṇāḥ

Meaning open with adhikāra · अर्थ अधिकार से

Verse 31

यथा हि भगवानेव वस्तुतः सदसच्च यत् ।
सत्येनानेन नः सर्वे यान्तु नाशमुपद्रवाः ॥ ३१ ॥

yathā hi bhagavāneva vastutaḥ sadasacca yat
satyenānena naḥ sarve yāntu nāśamupadravāḥ

Meaning open with adhikāra · अर्थ अधिकार से

Verse 32

यथैकात्म्यानुभावानां विकल्परहितः स्वयम् ।
भूषणायुधलिङ्गाख्या धत्ते शक्तीः स्वमायया ॥ ३२ ॥

yathaikātmyānubhāvānāṃ vikalparahitaḥ svayam
bhūṣaṇāyudhaliṅgākhyā dhatte śaktīḥ svamāyayā

Meaning open with adhikāra · अर्थ अधिकार से

Verse 33

तेनैव सत्यमानेन सर्वज्ञो भगवान् हरिः ।
पातु सर्वैः स्वरूपैर्नः सदा सर्वत्र सर्वगः ॥ ३३ ॥

tenaiva satyamānena sarvajño bhagavān hariḥ
pātu sarvaiḥ svarūpairnaḥ sadā sarvatra sarvagaḥ

Meaning open with adhikāra · अर्थ अधिकार से

Verse 34

विदिक्षु दिक्षूर्ध्वमधः समन्तादन्तर्बहिर्भगवान् नारसिंहः ।
प्रहापयँल्लोकभयं स्वनेन स्वतेजसा ग्रस्तसमस्ततेजाः ॥ ३४ ॥

vidikṣu dikṣūrdhvamadhaḥ samantādantarbahirbhagavān nārasiṃhaḥ
prahāpaya~llokabhayaṃ svanena svatejasā grastasamastatejāḥ

Meaning open with adhikāra · अर्थ अधिकार से

Verse 35

मघवन्निदमाख्यातं वर्म नारायणात्मकम् ।
विजेष्यस्यञ्जसा येन दंशितोऽसुरयूथपान् ॥ ३५ ॥

maghavannidamākhyātaṃ varma nārāyaṇātmakam
vijeṣyasyañjasā yena daṃśito'surayūthapān

Meaning open with adhikāra · अर्थ अधिकार से

Verse 36

एतद् धारयमाणस्तु यं यं पश्यति चक्षुषा ।
पदा वा संस्पृशेत् सद्यः साध्वसात् स विमुच्यते ॥ ३६ ॥

etad dhārayamāṇastu yaṃ yaṃ paśyati cakṣuṣā
padā vā saṃspṛśet sadyaḥ sādhvasāt sa vimucyate

Meaning open with adhikāra · अर्थ अधिकार से

Verse 37

न कुतश्चिद् भयं तस्य विद्यां धारयतो भवेत् ।
राजदस्युग्रहादिभ्यो व्याघ्रादिभ्यश्च कर्हिचित् ॥ ३७ ॥

na kutaścid bhayaṃ tasya vidyāṃ dhārayato bhavet
rājadasyugrahādibhyo vyāghrādibhyaśca karhicit

Meaning open with adhikāra · अर्थ अधिकार से

Verse 38

इमां विद्यां पुरा कश्चित् कौशिको धारयन् द्विजः ।
योगधारणया स्वाङ्गं जहौ स मरुधन्वनि ॥ ३८ ॥

imāṃ vidyāṃ purā kaścit kauśiko dhārayan dvijaḥ
yogadhāraṇayā svāṅgaṃ jahau sa marudhanvani

Meaning open with adhikāra · अर्थ अधिकार से

Verse 39

तस्योपरि विमानेन गन्धर्वपतिरेकदा ।
ययौ चित्ररथः स्त्रीभिर्वृतो यत्र द्विजक्षयः ॥ ३९ ॥

tasyopari vimānena gandharvapatirekadā
yayau citrarathaḥ strībhirvṛto yatra dvijakṣayaḥ

Meaning open with adhikāra · अर्थ अधिकार से

Verse 40

गगनान्न्यपतत् सद्यः सविमानो ह्यवाक्शिराः ।
स वालखिल्यवचनादस्थीन्यादाय विस्मितः ।
प्रास्य प्राचीसरस्वत्यां स्नात्वा धाम स्वमन्वगात् ॥ ४० ॥

gaganānnyapatat sadyaḥ savimāno hyavākśirāḥ
sa vālakhilyavacanādasthīnyādāya vismitaḥ
prāsya prācīsarasvatyāṃ snātvā dhāma svamanvagāt

Meaning open with adhikāra · अर्थ अधिकार से

Verse 41

श्रीशुक उवाच — शुक ने कहा Śuka said

य इदं शृणुयात् काले यो धारयति चादृतः ।
तं नमस्यन्ति भूतानि मुच्यते सर्वतो भयात् ॥ ४१ ॥

ya idaṃ śṛṇuyāt kāle yo dhārayati cādṛtaḥ
taṃ namasyanti bhūtāni mucyate sarvato bhayāt

Meaning open with adhikāra · अर्थ अधिकार से

Verse 42

एतां विद्यामधिगतो विश्वरूपाच्छतक्रतुः ।
त्रैलोक्यलक्ष्मीं बुभुजे विनिर्जित्य मृधेऽसुरान् ॥ ४२ ॥

etāṃ vidyāmadhigato viśvarūpācchatakratuḥ
trailokyalakṣmīṃ bubhuje vinirjitya mṛdhe'surān

Meaning open with adhikāra · अर्थ अधिकार से

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Narasimha नरसिंह Vishnu's man-lion form avatar.
Indra इंद्र The king of the Devas and lord of rain and thunder.
Sudarshana Chakra सुदर्शन चक्र Lord Vishnu/Narayana's discus weapon, invoked in scripture as the protector of devotees who observe vows like Ekadashi with strict devotion.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras