Verse 1
एवमाराध्य गौरीशं देवं मृत्युञ्जयेश्वरम्
मृतसञ्जीवनं नाम्ना कवचं प्रजपेत्सदा ॥ १ ॥
evamārādhya gaurīśaṃ devaṃ mṛtyuñjayeśvaram
mṛtasañjīvanaṃ nāmnā kavacaṃ prajapetsadā
Meaning open with adhikāra · अर्थ अधिकार से
A protective hymn (Kavach) of Śiva as Mṛtyuñjaya. It first asks him to guard the directions, each with a form of Śiva holding the sign of fearlessness, and then the body from the head to the feet, and a man's wife, children, life and mind. The closing verses give its fruit: a long life, victory, and freedom from illness, and a count of twenty-eight recitations before battle.
एवमाराध्य गौरीशं देवं मृत्युञ्जयेश्वरम्
मृतसञ्जीवनं नाम्ना कवचं प्रजपेत्सदा ॥ १ ॥
evamārādhya gaurīśaṃ devaṃ mṛtyuñjayeśvaram
mṛtasañjīvanaṃ nāmnā kavacaṃ prajapetsadā
Meaning open with adhikāra · अर्थ अधिकार से
सारात्सारतरं पुण्यं गुह्याद्गुह्यतरं शुभम्
महादेवस्य कवचं मृतसञ्जीवनाभिधम् ॥ २ ॥
sārātsārataraṃ puṇyaṃ guhyādguhyataraṃ śubham
mahādevasya kavacaṃ mṛtasañjīvanābhidham
Meaning open with adhikāra · अर्थ अधिकार से
समाहितमना भूत्वा शृणुष्व कवचं शुभम्
श्रुत्वैतद्दिव्यकवचं रहस्यं कुरु सर्वदा ॥ ३ ॥
samāhitamanā bhūtvā śṛṇuṣva kavacaṃ śubham
śrutvaitaddivyakavacaṃ rahasyaṃ kuru sarvadā
Meaning open with adhikāra · अर्थ अधिकार से
जराभयकरो यज्वा सर्वदेवनिषेवितः
मृत्युञ्जयो महादेवः प्राच्यां मां पातु सर्वदा ॥ ४ ॥
jarābhayakaro yajvā sarvadevaniṣevitaḥ
mṛtyuñjayo mahādevaḥ prācyāṃ māṃ pātu sarvadā
Meaning open with adhikāra · अर्थ अधिकार से
जराभयकरो uncertain
दधानः शक्तिमभयां त्रिमुखः षड्भुजः प्रभुः
सदाशिवोऽग्निरूपी मामाग्नेय्यां पातु सर्वदा ॥ ५ ॥
dadhānaḥ śaktimabhayāṃ trimukhaḥ ṣaḍbhujaḥ prabhuḥ
sadāśivo'gnirūpī māmāgneyyāṃ pātu sarvadā
Meaning open with adhikāra · अर्थ अधिकार से
अष्टादशभुजोपेतो दण्डाभयकरो विभुः
यमरूपी महादेवो दक्षिणस्यां सदाऽवतु ॥ ६ ॥
aṣṭādaśabhujopeto daṇḍābhayakaro vibhuḥ
yamarūpī mahādevo dakṣiṇasyāṃ sadā'vatu
Meaning open with adhikāra · अर्थ अधिकार से
खड्गाभयकरो धीरो रक्षोगणनिषेवितः
रक्षोरूपी महेशो मां नैरृत्यां सर्वदाऽवतु ॥ ७ ॥
khaḍgābhayakaro dhīro rakṣogaṇaniṣevitaḥ
rakṣorūpī maheśo māṃ nairṛtyāṃ sarvadā'vatu
Meaning open with adhikāra · अर्थ अधिकार से
पाशाभयभुजः सर्वरत्नाकरनिषेवितः
वरुणात्मा महादेवः पश्चिमे मां सदाऽवतु ॥ ८ ॥
pāśābhayabhujaḥ sarvaratnākaraniṣevitaḥ
varuṇātmā mahādevaḥ paścime māṃ sadā'vatu
Meaning open with adhikāra · अर्थ अधिकार से
गदाभयकरः प्राणनायकः सर्वदागतिः
वायव्यां मारुतात्मा मां शङ्करः पातु सर्वदा ॥ ९ ॥
gadābhayakaraḥ prāṇanāyakaḥ sarvadāgatiḥ
vāyavyāṃ mārutātmā māṃ śaṅkaraḥ pātu sarvadā
Meaning open with adhikāra · अर्थ अधिकार से
शङ्खाभयकरस्थो मां नायकः परमेश्वरः
सर्वात्मान्तरदिग्भागे पातु मां शङ्करः प्रभुः ॥ १० ॥
śaṅkhābhayakarastho māṃ nāyakaḥ parameśvaraḥ
sarvātmāntaradigbhāge pātu māṃ śaṅkaraḥ prabhuḥ
Meaning open with adhikāra · अर्थ अधिकार से
शूलाभयकरः सर्वविद्यानामधिनायकः
ईशानात्मा तथैशान्यां पातु मां परमेश्वरः ॥ ११ ॥
śūlābhayakaraḥ sarvavidyānāmadhināyakaḥ
īśānātmā tathaiśānyāṃ pātu māṃ parameśvaraḥ
Meaning open with adhikāra · अर्थ अधिकार से
ऊर्ध्वभागे ब्रह्मरूपी विश्वात्माऽधः सदाऽवतु
शिरो मे शङ्करः पातु ललाटं चन्द्रशेखरः ॥ १२ ॥
ūrdhvabhāge brahmarūpī viśvātmā'dhaḥ sadā'vatu
śiro me śaṅkaraḥ pātu lalāṭaṃ candraśekharaḥ
Meaning open with adhikāra · अर्थ अधिकार से
भ्रूमध्यं सर्वलोकेशस्त्रिनेत्रो लोचनेऽवतु
भ्रूयुग्मं गिरिशः पातु कर्णौ पातु महेश्वरः ॥ १३ ॥
bhrūmadhyaṃ sarvalokeśastrinetro locane'vatu
bhrūyugmaṃ giriśaḥ pātu karṇau pātu maheśvaraḥ
Meaning open with adhikāra · अर्थ अधिकार से
नासिकां मे महादेव ओष्ठौ पातु वृषध्वजः
जिह्वां मे दक्षिणामूर्तिर्दन्तान्मे गिरिशोऽवतु ॥ १४ ॥
nāsikāṃ me mahādeva oṣṭhau pātu vṛṣadhvajaḥ
jihvāṃ me dakṣiṇāmūrtirdantānme giriśo'vatu
Meaning open with adhikāra · अर्थ अधिकार से
मृत्युञ्जयो मुखं पातु कण्ठं मे नागभूषणः
पिनाकी मत्करौ पातु त्रिशूली हृदयं मम ॥ १५ ॥
mṛtyuñjayo mukhaṃ pātu kaṇṭhaṃ me nāgabhūṣaṇaḥ
pinākī matkarau pātu triśūlī hṛdayaṃ mama
Meaning open with adhikāra · अर्थ अधिकार से
पञ्चवक्त्रः स्तनौ पातु उदरं जगदीश्वरः
नाभिं पातु विरूपाक्षः पार्श्वौ मे पार्वतीपतिः ॥ १६ ॥
pañcavaktraḥ stanau pātu udaraṃ jagadīśvaraḥ
nābhiṃ pātu virūpākṣaḥ pārśvau me pārvatīpatiḥ
Meaning open with adhikāra · अर्थ अधिकार से
कटिद्वयं गिरिशो मे पृष्ठं मे प्रमथाधिपः
गुह्यं महेश्वरः पातु ममोरू पातु भैरवः ॥ १७ ॥
kaṭidvayaṃ giriśo me pṛṣṭhaṃ me pramathādhipaḥ
guhyaṃ maheśvaraḥ pātu mamorū pātu bhairavaḥ
Meaning open with adhikāra · अर्थ अधिकार से
जानुनी मे जगद्धर्ता जङ्घे मे जगदम्बिका
पादौ मे सततं पातु लोकवन्द्यः सदाशिवः ॥ १८ ॥
jānunī me jagaddhartā jaṅghe me jagadambikā
pādau me satataṃ pātu lokavandyaḥ sadāśivaḥ
Meaning open with adhikāra · अर्थ अधिकार से
गिरिशः पातु मे भार्यां भवः पातु सुतान्मम
मृत्युञ्जयो ममायुष्यं चित्तं मे गणनायकः ॥ १९ ॥
giriśaḥ pātu me bhāryāṃ bhavaḥ pātu sutānmama
mṛtyuñjayo mamāyuṣyaṃ cittaṃ me gaṇanāyakaḥ
Meaning open with adhikāra · अर्थ अधिकार से
सर्वाङ्गं मे सदा पातु कालकालः सदाशिवः
एतत्ते कवचं पुण्यं देवतानां च दुर्लभम् ॥ २० ॥
sarvāṅgaṃ me sadā pātu kālakālaḥ sadāśivaḥ
etatte kavacaṃ puṇyaṃ devatānāṃ ca durlabham
Meaning open with adhikāra · अर्थ अधिकार से
मृतसञ्जीवनं नाम्ना महादेवेन कीर्तितम्
सहस्रावर्तनं चास्य पुरश्चरणमीरितम् ॥ २१ ॥
mṛtasañjīvanaṃ nāmnā mahādevena kīrtitam
sahasrāvartanaṃ cāsya puraścaraṇamīritam
Meaning open with adhikāra · अर्थ अधिकार से
यः पठेच्छृणुयान्नित्यं श्रावयेत्सुसमाहितः
स कालमृत्युं निर्जित्य सदायुष्यं समश्नुते ॥ २२ ॥
yaḥ paṭhecchṛṇuyānnityaṃ śrāvayetsusamāhitaḥ
sa kālamṛtyuṃ nirjitya sadāyuṣyaṃ samaśnute
Meaning open with adhikāra · अर्थ अधिकार से
हस्तेन वा यदा स्पृष्ट्वा मृतं सञ्जीवयत्यसौ
आधयो व्याधयस्तस्य न भवन्ति कदाचन ॥ २३ ॥
hastena vā yadā spṛṣṭvā mṛtaṃ sañjīvayatyasau
ādhayo vyādhayastasya na bhavanti kadācana
Meaning open with adhikāra · अर्थ अधिकार से
कालमृत्युमपि प्राप्तमसौ जयति सर्वदा
अणिमादिगुणैश्वर्यं लभते मानवोत्तमः ॥ २४ ॥
kālamṛtyumapi prāptamasau jayati sarvadā
aṇimādiguṇaiśvaryaṃ labhate mānavottamaḥ
Meaning open with adhikāra · अर्थ अधिकार से
युद्धारम्भे पठित्वेदमष्टाविंशतिवारकम्
युद्धमध्ये स्थितः शत्रुः सद्यः सर्वैर्न दृश्यते ॥ २५ ॥
yuddhārambhe paṭhitvedamaṣṭāviṃśativārakam
yuddhamadhye sthitaḥ śatruḥ sadyaḥ sarvairna dṛśyate
Meaning open with adhikāra · अर्थ अधिकार से
न ब्रह्मादीनि चास्त्राणि क्षयं कुर्वन्ति तस्य वै
विजयं लभते देवयुद्धमध्येऽपि सर्वदा ॥ २६ ॥
na brahmādīni cāstrāṇi kṣayaṃ kurvanti tasya vai
vijayaṃ labhate devayuddhamadhye'pi sarvadā
Meaning open with adhikāra · अर्थ अधिकार से
प्रातरुत्थाय सततं यः पठेत्कवचं शुभम्
अक्षय्यं लभते सौख्यमिह लोके परत्र च ॥ २७ ॥
prātarutthāya satataṃ yaḥ paṭhetkavacaṃ śubham
akṣayyaṃ labhate saukhyamiha loke paratra ca
Meaning open with adhikāra · अर्थ अधिकार से
सर्वव्याधिविनिर्मुक्तः सर्वरोगविवर्जितः
अजरामरणो भूत्वा सदा षोडशवार्षिकः ॥ २८ ॥
sarvavyādhivinirmuktaḥ sarvarogavivarjitaḥ
ajarāmaraṇo bhūtvā sadā ṣoḍaśavārṣikaḥ
Meaning open with adhikāra · अर्थ अधिकार से
विचरत्यखिलाँल्लोकान्प्राप्य भोगांश्च दुर्लभान्
तस्मादिदं महागोप्यं कवचं समुदाहृतम्
मृतसञ्जीवनं नाम्ना देवतैरपि दुर्लभम् ॥ २९ ॥
vicaratyakhilāṃllokānprāpya bhogāṃśca durlabhān
tasmādidaṃ mahāgopyaṃ kavacaṃ samudāhṛtam
mṛtasañjīvanaṃ nāmnā devatairapi durlabham
Meaning open with adhikāra · अर्थ अधिकार से
Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.