Brahmavaivarta Purāṇa, Gaṇapati Khaṇḍa

महालक्ष्मीस्तवकवचम्

Mahalakshmi Stava Kavacham (Brahmavaivarta Purana) — The armour, meditation and hymn of Mahālakṣmī that Hari gave to Indra

A hymn of protection (Kavach) of Lakshmi that comes with its own meditation and praise. Nārāyaṇa tells Nārada how Hari, pleased with Indra's austerity at Puṣkara, granted him Lakṣmī and then gave him the armour Brahmā once wore. It names her in many forms to guard the head, eyes, nose, back, chest, feet and every limb, with seed-syllables (Bija Mantra) in some lines. It ends with what the armour gives and the rule for wearing it, then a sixteen-syllable mantra, a meditation on her as white as a champak flower, and a hymn that calls on her as the mother of the worlds.

अथ महालक्ष्मीस्तवकवचम्The armour, meditation and hymn of Mahālakṣmī

Verse 1

नारद उवाच — नारद ने कहा Nārada said

आविर्भूय हरिस्तस्मै किं स्तोत्रं कवचं ददौ ।
महालक्ष्म्याश्च लक्ष्मीशस्तन्मे ब्रूहि तपोधन ॥ १ ॥

āvirbhūya haristasmai kiṃ stotraṃ kavacaṃ dadau
mahālakṣmyāśca lakṣmīśastanme brūhi tapodhana

Meaning open with adhikāra · अर्थ अधिकार से

Verse 2

नारायण उवाच — नारायण ने कहा Nārāyaṇa said

पुष्करे च तपस्तप्त्वा विरराम सुरेश्वरः ।
आविर्बभूव तत्रैव क्लिष्टं दृष्ट्वा हरिः स्वयम् ॥ २ ॥

puṣkare ca tapastaptvā virarāma sureśvaraḥ
āvirbabhūva tatraiva kliṣṭaṃ dṛṣṭvā hariḥ svayam

Meaning open with adhikāra · अर्थ अधिकार से

Verse 3

तमुवाच हृषीकेशो वरं वृणु यथेप्सितम् ।
स च वव्रे वरं लक्ष्मीमीशस्तस्मै ददौ मुदा ॥ ३ ॥

tamuvāca hṛṣīkeśo varaṃ vṛṇu yathepsitam
sa ca vavre varaṃ lakṣmīmīśastasmai dadau mudā

Meaning open with adhikāra · अर्थ अधिकार से

Verse 4

वरं दत्त्वा हृषीकेशः प्रवक्तुमुपचक्रमे ।
हितं सत्यं च सारं च परिणामसुखावहम् ॥ ४ ॥

varaṃ dattvā hṛṣīkeśaḥ pravaktumupacakrame
hitaṃ satyaṃ ca sāraṃ ca pariṇāmasukhāvaham

Meaning open with adhikāra · अर्थ अधिकार से

Verse 5

श्रीमधुसूदन उवाच — श्री मधुसूदन ने कहा Śrī Madhusūdana said

गृहाण कवचं शक्र सर्वदुःखविनाशनम् ।
परमैश्वर्यजनकं सर्वशत्रुविमर्दनम् ॥ ५ ॥

gṛhāṇa kavacaṃ śakra sarvaduḥkhavināśanam
paramaiśvaryajanakaṃ sarvaśatruvimardanam

Meaning open with adhikāra · अर्थ अधिकार से

Verse 6

ब्रह्मणे च पुरा दत्तं विष्टपे च जलप्लुते ।
यद्धृत्वा जगतां श्रेष्ठः सर्वैश्वर्ययुतो विधिः ॥ ६ ॥

brahmaṇe ca purā dattaṃ viṣṭape ca jalaplute
yaddhṛtvā jagatāṃ śreṣṭhaḥ sarvaiśvaryayuto vidhiḥ

Meaning open with adhikāra · अर्थ अधिकार से

Verse 7

बभूवुर्मनवः सर्वे सर्वैश्वर्ययुता यतः ।
सर्वैश्वर्यप्रदस्यास्य कवचस्य ऋषिर्विधिः ॥ ७ ॥

babhūvurmanavaḥ sarve sarvaiśvaryayutā yataḥ
sarvaiśvaryapradasyāsya kavacasya ṛṣirvidhiḥ

Meaning open with adhikāra · अर्थ अधिकार से

Verse 8

पङ्क्तिश्छन्दश्च सा देवी स्वयं पद्मालया वरा ।
सिद्धैश्वर्यसुखेष्वेव विनियोगः प्रकीर्तितः ।
यद्धृत्वा कवचं लोकः सर्वत्र विजयी भवेत् ॥ ८ ॥

paṅktiśchandaśca sā devī svayaṃ padmālayā varā
siddhaiśvaryasukheṣveva viniyogaḥ prakīrtitaḥ
yaddhṛtvā kavacaṃ lokaḥ sarvatra vijayī bhavet

Meaning open with adhikāra · अर्थ अधिकार से

Verse 9

मस्तकं पातु मे पद्मा कण्ठं पातु हरिप्रिया ।
नासिकां पातु मे लक्ष्मीः कमला पातु लोचने ॥ ९ ॥

mastakaṃ pātu me padmā kaṇṭhaṃ pātu haripriyā
nāsikāṃ pātu me lakṣmīḥ kamalā pātu locane

Meaning open with adhikāra · अर्थ अधिकार से

Verse 10

केशान्केशवकान्ता च कपालं कमलालया ।
जगत्प्रसूर्गण्डयुग्मं स्कन्धं सम्पत्प्रदा सदा ॥ १० ॥

keśānkeśavakāntā ca kapālaṃ kamalālayā
jagatprasūrgaṇḍayugmaṃ skandhaṃ sampatpradā sadā

Meaning open with adhikāra · अर्थ अधिकार से

Verse 11

ॐ श्रीं कमलवासिन्यै स्वाहा पृष्ठं सदावतु ।
ॐ ह्रीं श्रीं पद्मालयायै स्वाहा वक्षः सदावतु ।
पातु श्रीर्मम कङ्कालं बाहुयुग्मं च ते नमः ॥ ११ ॥

oṃ śrīṃ kamalavāsinyai svāhā pṛṣṭhaṃ sadāvatu
oṃ hrīṃ śrīṃ padmālayāyai svāhā vakṣaḥ sadāvatu
pātu śrīrmama kaṅkālaṃ bāhuyugmaṃ ca te namaḥ

Meaning open with adhikāra · अर्थ अधिकार से

Verse 12

ॐ ह्रीं श्रीं लक्ष्म्यै नमः पादौ पातु मे संततं चिरम् ।
ॐ ह्रीं श्रीं नमः पद्मायै स्वाहा पातु नितम्बकम् ॥ १२ ॥

oṃ hrīṃ śrīṃ lakṣmyai namaḥ pādau pātu me saṃtataṃ ciram
oṃ hrīṃ śrīṃ namaḥ padmāyai svāhā pātu nitambakam

Meaning open with adhikāra · अर्थ अधिकार से

Verse 13

ॐ श्रीं महालक्ष्म्यै स्वाहा सर्वाङ्गं पातु मे सदा ।
ॐ ह्रीं श्रीं क्लीं महालक्ष्म्यै स्वाहा मां पातु सर्वतः ॥ १३ ॥

oṃ śrīṃ mahālakṣmyai svāhā sarvāṅgaṃ pātu me sadā
oṃ hrīṃ śrīṃ klīṃ mahālakṣmyai svāhā māṃ pātu sarvataḥ

Meaning open with adhikāra · अर्थ अधिकार से

Verse 14

इति ते कथितं वत्स सर्वसम्पत्करं परम् ।
सर्वैश्वर्यप्रदं नाम कवचं परमाद्भुतम् ॥ १४ ॥

iti te kathitaṃ vatsa sarvasampatkaraṃ param
sarvaiśvaryapradaṃ nāma kavacaṃ paramādbhutam

Meaning open with adhikāra · अर्थ अधिकार से

Verse 15

गुरुमभ्यर्च्य विधिवत्कवचं धारयेत्तु यः ।
कण्ठे वा दक्षिणे बाहौ स सर्वविजयी भवेत् ॥ १५ ॥

gurumabhyarcya vidhivatkavacaṃ dhārayettu yaḥ
kaṇṭhe vā dakṣiṇe bāhau sa sarvavijayī bhavet

Meaning open with adhikāra · अर्थ अधिकार से

Verse 16

महालक्ष्मीर्गृहं तस्य न जहाति कदाचन ।
तस्य च्छायेव सततं सा च जन्मनि जन्मनि ॥ १६ ॥

mahālakṣmīrgṛhaṃ tasya na jahāti kadācana
tasya cchāyeva satataṃ sā ca janmani janmani

Meaning open with adhikāra · अर्थ अधिकार से

Verse 17

इदं कवचमज्ञात्वा भजेल्लक्ष्मीं स मन्दधीः ।
शतलक्षप्रजापेऽपि न मन्त्रः सिद्धिदायकः ॥ १७ ॥

idaṃ kavacamajñātvā bhajellakṣmīṃ sa mandadhīḥ
śatalakṣaprajāpe'pi na mantraḥ siddhidāyakaḥ

Meaning open with adhikāra · अर्थ अधिकार से

Verse 18

नारायण उवाच — नारायण ने कहा Nārāyaṇa said

दत्त्वा तस्मै च कवचं मन्त्रं वै षोडशाक्षरम् ।
सन्तुष्टश्च जगन्नाथो जगतां हितकारणम् ॥ १८ ॥

dattvā tasmai ca kavacaṃ mantraṃ vai ṣoḍaśākṣaram
santuṣṭaśca jagannātho jagatāṃ hitakāraṇam

Meaning open with adhikāra · अर्थ अधिकार से

Verse 19

ॐ ह्रीं श्रीं क्लीं नमो महालक्ष्म्यै स्वाहा ।
ददौ तस्मै च कृपया चेन्द्राय च महामुने ॥ १९ ॥

oṃ hrīṃ śrīṃ klīṃ namo mahālakṣmyai svāhā
dadau tasmai ca kṛpayā cendrāya ca mahāmune

Meaning open with adhikāra · अर्थ अधिकार से

Verse 20

ध्यानञ्च सामवेदोक्तं गोपनीयं सुदुर्लभम् ।
सिद्धैर्मुनीन्द्रैर्दुष्प्राप्यं ध्रुवं सिद्धिप्रदं शुभम् ॥ २० ॥

dhyānañca sāmavedoktaṃ gopanīyaṃ sudurlabham
siddhairmunīndrairduṣprāpyaṃ dhruvaṃ siddhipradaṃ śubham

Meaning open with adhikāra · अर्थ अधिकार से

Verse 21

श्वेतचम्पकवर्णाभां शतचन्द्रसमप्रभाम् ।
वह्निशुद्धांशुकाधानां रत्नभूषणभूषिताम् ॥ २१ ॥

śvetacampakavarṇābhāṃ śatacandrasamaprabhām
vahniśuddhāṃśukādhānāṃ ratnabhūṣaṇabhūṣitām

Meaning open with adhikāra · अर्थ अधिकार से

Verse 22

ईषद्धास्यप्रसन्नास्यां भक्तानुग्रहकारिकाम् ।
कस्तूरीबिन्दुमध्यस्थं सिन्दूरं भूषणं तथा ।
अमूल्यरत्नरचितकुण्डलोज्ज्वलभूषणम् ।
बिम्रती कबरीभारं मालतीमाल्यशोभितम् ।
सहस्रदलपद्मस्थां स्वस्थां च सुमनोहराम् ॥ २२ ॥

īṣaddhāsyaprasannāsyāṃ bhaktānugrahakārikām
kastūrībindumadhyasthaṃ sindūraṃ bhūṣaṇaṃ tathā
amūlyaratnaracitakuṇḍalojjvalabhūṣaṇam
bimratī kabarībhāraṃ mālatīmālyaśobhitam
sahasradalapadmasthāṃ svasthāṃ ca sumanoharām

Meaning open with adhikāra · अर्थ अधिकार से

line doubtful

Verse 23

शान्ताञ्च श्रीहरेः कान्तां तां भजेज्जगतां प्रसूम् ॥ २३ ॥

śāntāñca śrīhareḥ kāntāṃ tāṃ bhajejjagatāṃ prasūm

Meaning open with adhikāra · अर्थ अधिकार से

Verse 24

ध्यानेनानेन देवेन्द्रो ध्यात्वा लक्ष्मीं मनोहराम् ।
भक्त्या संपूज्य तस्यै च चोपचारांस्तु षोडश ॥ २४ ॥

dhyānenānena devendro dhyātvā lakṣmīṃ manoharām
bhaktyā saṃpūjya tasyai ca copacārāṃstu ṣoḍaśa

Meaning open with adhikāra · अर्थ अधिकार से

Verse 25

स्तुत्वाऽनेन स्तवेनैव वक्ष्यमाणेन वासव ।
नत्वा वरं गृहीत्वा च लभिष्यसि च निर्वृतिम् ॥ २५ ॥

stutvā'nena stavenaiva vakṣyamāṇena vāsava
natvā varaṃ gṛhītvā ca labhiṣyasi ca nirvṛtim

Meaning open with adhikāra · अर्थ अधिकार से

Verse 26

स्तवनं शृणु देवेन्द्र महालक्ष्म्याः सुखप्रदम् ।
कथयामि सुगोप्यञ्च त्रिषु लोकेषु दुर्लभम् ॥ २६ ॥

stavanaṃ śṛṇu devendra mahālakṣmyāḥ sukhapradam
kathayāmi sugopyañca triṣu lokeṣu durlabham

Meaning open with adhikāra · अर्थ अधिकार से

Verse 27

नारायण उवाच — नारायण ने कहा Nārāyaṇa said

देवि त्वां स्तोतुमिच्छामि न क्षमाः स्तोतुमीश्वराः ।
बुद्धेरगोचरां सूक्ष्मां तेजोरूपां सनातनीम् ।
अनिवार्यगुणाढ्यां च को वा निर्वक्तुमीश्वरः ॥ २७ ॥

devi tvāṃ stotumicchāmi na kṣamāḥ stotumīśvarāḥ
buddheragocarāṃ sūkṣmāṃ tejorūpāṃ sanātanīm
anivāryaguṇāḍhyāṃ ca ko vā nirvaktumīśvaraḥ

Meaning open with adhikāra · अर्थ अधिकार से

Verse 28

स्वेच्छामयीं निराकारां भक्तानुग्रहविग्रहाम् ।
स्तौमि वाङ्मनसापारां किं वाऽहं जगदम्बिके ॥ २८ ॥

svecchāmayīṃ nirākārāṃ bhaktānugrahavigrahām
staumi vāṅmanasāpārāṃ kiṃ vā'haṃ jagadambike

Meaning open with adhikāra · अर्थ अधिकार से

Verse 29

परां चतुर्णां वेदानां पारबीजं भवार्णवे ।
सर्वसस्याधिदेवीं च सर्वासामपि सम्पदाम् ॥ २९ ॥

parāṃ caturṇāṃ vedānāṃ pārabījaṃ bhavārṇave
sarvasasyādhidevīṃ ca sarvāsāmapi sampadām

Meaning open with adhikāra · अर्थ अधिकार से

Verse 30

योगिनां चैव योगानां ज्ञानानां ज्ञानिनां तथा ।
वेदानां वै वेदविदां जननीं वर्णयामि किम् ॥ ३० ॥

yogināṃ caiva yogānāṃ jñānānāṃ jñānināṃ tathā
vedānāṃ vai vedavidāṃ jananīṃ varṇayāmi kim

Meaning open with adhikāra · अर्थ अधिकार से

Verse 31

यया विना जगत्सर्वमबीजं निष्फलं ध्रुवम् ।
यथा स्तनंधयानां च विना मात्रा सुखं भवेत् ॥ ३१ ॥

yayā vinā jagatsarvamabījaṃ niṣphalaṃ dhruvam
yathā stanaṃdhayānāṃ ca vinā mātrā sukhaṃ bhavet

Meaning open with adhikāra · अर्थ अधिकार से

Verse 32

प्रसीद जगतां माता रक्षास्मानतिकातरान् ।
वयं त्वच्चरणाम्भोजे प्रपन्नाः शरणं गताः ॥ ३२ ॥

prasīda jagatāṃ mātā rakṣāsmānatikātarān
vayaṃ tvaccaraṇāmbhoje prapannāḥ śaraṇaṃ gatāḥ

Meaning open with adhikāra · अर्थ अधिकार से

Verse 33

नमः शक्तिस्वरूपायै जगन्मात्रे नमो नमः ।
ज्ञानदायै बुद्धिदायै सर्वदायै नमो नमः ॥ ३३ ॥

namaḥ śaktisvarūpāyai jaganmātre namo namaḥ
jñānadāyai buddhidāyai sarvadāyai namo namaḥ

Meaning open with adhikāra · अर्थ अधिकार से

Verse 34

हरिभक्तिप्रदायिन्यै मुक्तिदायै नमो नमः ।
सर्वज्ञायै सर्वदायै महालक्ष्म्यै नमो नमः ॥ ३४ ॥

haribhaktipradāyinyai muktidāyai namo namaḥ
sarvajñāyai sarvadāyai mahālakṣmyai namo namaḥ

Meaning open with adhikāra · अर्थ अधिकार से

Verse 35

कुपुत्राः कुत्रचित्सन्ति न कुत्रापि कुमातरः ।
कुत्र माता पुत्रदोषं तं विहाय च गच्छति ॥ ३५ ॥

kuputrāḥ kutracitsanti na kutrāpi kumātaraḥ
kutra mātā putradoṣaṃ taṃ vihāya ca gacchati

Meaning open with adhikāra · अर्थ अधिकार से

Verse 36

स्तनन्धयेभ्य इव मे हे मातर्देहि दर्शनम् ।
कृपां कुरु कृपासिन्धो त्वमस्मान्भक्तवत्सले ॥ ३६ ॥

stanandhayebhya iva me he mātardehi darśanam
kṛpāṃ kuru kṛpāsindho tvamasmānbhaktavatsale

Meaning open with adhikāra · अर्थ अधिकार से

Verse 37

इत्येवं कथितं वत्स पद्मायाश्च शुभावहम् ।
सुखदं मोक्षदं सारं शुभदं सम्पदः प्रदम् ॥ ३७ ॥

ityevaṃ kathitaṃ vatsa padmāyāśca śubhāvaham
sukhadaṃ mokṣadaṃ sāraṃ śubhadaṃ sampadaḥ pradam

Meaning open with adhikāra · अर्थ अधिकार से

Verse 38

इदं स्तोत्रं महापुण्यं पूजाकाले च यः पठेत् ।
महालक्ष्मीर्गृहं तस्य न जहाति कदाचन ॥ ३८ ॥

idaṃ stotraṃ mahāpuṇyaṃ pūjākāle ca yaḥ paṭhet
mahālakṣmīrgṛhaṃ tasya na jahāti kadācana

Meaning open with adhikāra · अर्थ अधिकार से

Verse 39

इत्युक्त्वा श्रीहरिस्तं च तत्रैवान्तरधीयत ।
देवो जगाम क्षीरोदं सुरैः सार्धं तदाज्ञया ॥ ३९ ॥

ityuktvā śrīharistaṃ ca tatraivāntaradhīyata
devo jagāma kṣīrodaṃ suraiḥ sārdhaṃ tadājñayā

Meaning open with adhikāra · अर्थ अधिकार से

इति श्रीब्रह्मवैवर्तमहापुराणे गणपतिखण्डे नारदनारायणसंवादे लक्ष्मीस्तवकवचपूजाकथनं नाम द्वाविंशोऽध्यायः ॥ २२ ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Lakshmi लक्ष्मी The Goddess of wealth and prosperity; for home worship a seated form is preferred, since a standing posture is understood to symbolize the instability of wealth.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras