Rudrayāmala Tantra · as given in the Devīrahasya Tantra

महागणपतिवज्रपञ्जरकवचम्

Mahaganapati Vajrapanjara Kavacham (Rudrayamala) — The Thunderbolt Cage armour of the great Gaṇapati, told by Bhairava

A hymn of protection (Kavach) of Ganesha. After a meditation on Vighnarāja, the guardian forms of the great Gaṇapati are named, one for each part of the body from the head to the feet. The eight Bhairavas guard the directions, the lotus, the disc, the rosary, the bowl, the jar and the axe guard the hours of the day and night, and a verse of seed-syllables asks protection in the king's court, in battle, at dice and in every fear. The last verses give the fruit of reciting it and tell the reader to keep it secret.

Verse 1

श्रीभैरव उवाच — श्रीभैरव बोले Śrī Bhairava spoke

महादेवि गणेशस्य वरदस्य महात्मनः ।
कवचं ते प्रवक्ष्यामि वज्रपञ्जराभिधम् ॥ १ ॥

mahādevi gaṇeśasya varadasya mahātmanaḥ
kavacaṃ te pravakṣyāmi vajrapañjarābhidham

Meaning open with adhikāra · अर्थ अधिकार से

ध्यानम्The meditation

Verse 2

विघ्नेशं विश्ववन्द्यं सुविपुलयशसं लोकरक्षाप्रदक्षं
साक्षात् सर्वापदासु प्रशमनसुमतिं पार्वतीप्राणसूनुम् ।
प्रायः सर्वासुरेन्द्रैः ससुरमुनिगणैः साधकैः पूज्यमानं
कारुण्येनान्तरायामितभयशमनं विघ्नराजं नमामि ॥ २ ॥

vighneśaṃ viśvavandyaṃ suvipulayaśasaṃ lokarakṣāpradakṣaṃ
sākṣāt sarvāpadāsu praśamanasumatiṃ pārvatīprāṇasūnum
prāyaḥ sarvāsurendraiḥ sasuramunigaṇaiḥ sādhakaiḥ pūjyamānaṃ
kāruṇyenāntarāyāmitabhayaśamanaṃ vighnarājaṃ namāmi

Meaning open with adhikāra · अर्थ अधिकार से

लोकरक्षाप्रदक्षं uncertain

कवचम्The armour

Verse 3

ॐश्रींह्रींगं शिरः पातु महागणपतिः प्रभुः ।
विनायको ललाटं मे विघ्नराजो भ्रुवौ मम ॥ ३ ॥

oṃśrīṃhrīṃgaṃ śiraḥ pātu mahāgaṇapatiḥ prabhuḥ
vināyako lalāṭaṃ me vighnarājo bhruvau mama

Meaning open with adhikāra · अर्थ अधिकार से

Verse 4

पातु नेत्रे गणाध्यक्षो नासिकां मे गजाननः ।
श्रुती मेऽवतु हेरम्बो गण्डौ मे मोदकाशनः ॥ ४ ॥

pātu netre gaṇādhyakṣo nāsikāṃ me gajānanaḥ
śrutī me'vatu herambo gaṇḍau me modakāśanaḥ

Meaning open with adhikāra · अर्थ अधिकार से

Verse 5

द्वैमातुरो मुखं पातु चाधरौ पात्वरिन्दमः ।
दन्तान् ममैकदन्तोऽव्याद् वक्रतुण्डोऽवताद् रसाम् ॥ ५ ॥

dvaimāturo mukhaṃ pātu cādharau pātvarindamaḥ
dantān mamaikadanto'vyād vakratuṇḍo'vatād rasām

Meaning open with adhikāra · अर्थ अधिकार से

Verse 6

गाङ्गेयो मे गलं पातु स्कन्धौ सिंहासनोऽवतु ।
विघ्नान्तको भुजौ पातु हस्तौ मूषकवाहनः ॥ ६ ॥

gāṅgeyo me galaṃ pātu skandhau siṃhāsano'vatu
vighnāntako bhujau pātu hastau mūṣakavāhanaḥ

Meaning open with adhikāra · अर्थ अधिकार से

Verse 7

ऊरू ममावतान्नित्यं देवस्त्रिपुरघातनः ।
हृदयं मे कुमारोऽव्याज्जयन्तः पार्श्वयुग्मकम् ॥ ७ ॥

ūrū mamāvatānnityaṃ devastripuraghātanaḥ
hṛdayaṃ me kumāro'vyājjayantaḥ pārśvayugmakam

Meaning open with adhikāra · अर्थ अधिकार से

ममावतान्नित्यं uncertain

Verse 8

प्रद्युम्नो मेऽवतात् पृष्ठं नाभिं शङ्करनन्दनः ।
कटिं नन्दिगणः पातु शिश्नं वीरेश्वरोऽवतु ॥ ८ ॥

pradyumno me'vatāt pṛṣṭhaṃ nābhiṃ śaṅkaranandanaḥ
kaṭiṃ nandigaṇaḥ pātu śiśnaṃ vīreśvaro'vatu

Meaning open with adhikāra · अर्थ अधिकार से

Verse 9

मेढ्रं मेऽवतु सौभाग्यो भृङ्गिरीटी च गुह्यकम् ।
विराटकोऽवतादूरू जानू मे पुष्पदन्तकः ॥ ९ ॥

meḍhraṃ me'vatu saubhāgyo bhṛṅgirīṭī ca guhyakam
virāṭako'vatādūrū jānū me puṣpadantakaḥ

Meaning open with adhikāra · अर्थ अधिकार से

Verse 10

जङ्घे मम विकर्तोऽव्याद् गुल्फावन्त्यगणोऽवतु ।
पादौ चित्तगणः पातु पादाधो लोहितोऽवतु ॥ १० ॥

jaṅghe mama vikarto'vyād gulphāvantyagaṇo'vatu
pādau cittagaṇaḥ pātu pādādho lohito'vatu

Meaning open with adhikāra · अर्थ अधिकार से

Verse 11

पादपृष्ठं सुन्दरोऽव्याद् नूपुराढ्यो वपुर्मम ।
विचारो जठरं पातु भूतानि चोग्ररूपकः ॥ ११ ॥

pādapṛṣṭhaṃ sundaro'vyād nūpurāḍhyo vapurmama
vicāro jaṭharaṃ pātu bhūtāni cograrūpakaḥ

Meaning open with adhikāra · अर्थ अधिकार से

Verse 12

शिरसः पादपर्यन्तं वपुः सुप्तगणोऽवतु ।
पादादिमूर्धपर्यन्तं वपुः पातु विनर्तकः ॥ १२ ॥

śirasaḥ pādaparyantaṃ vapuḥ suptagaṇo'vatu
pādādimūrdhaparyantaṃ vapuḥ pātu vinartakaḥ

Meaning open with adhikāra · अर्थ अधिकार से

Verse 13

विस्मारितं तु यत् स्थानं गणेशस्तत् सदावतु ।
पूर्वे मां ह्रीं करालोऽव्यादाग्नेये विकरालकः ॥ १३ ॥

vismāritaṃ tu yat sthānaṃ gaṇeśastat sadāvatu
pūrve māṃ hrīṃ karālo'vyādāgneye vikarālakaḥ

Meaning open with adhikāra · अर्थ अधिकार से

Verse 14

दक्षिणे पातु संहारो नैर्ऋते रुरुभैरवः ।
पश्चिमे मां महाकालो वायौ कालाग्निभैरवः ॥ १४ ॥

dakṣiṇe pātu saṃhāro nairṛte rurubhairavaḥ
paścime māṃ mahākālo vāyau kālāgnibhairavaḥ

Meaning open with adhikāra · अर्थ अधिकार से

Verse 15

उत्तरे मां सितास्योऽव्यादैशान्यामसितात्मकः ।
प्रभाते शतपत्रोऽव्यात् सहस्रारस्तु मध्यमे ॥ १५ ॥

uttare māṃ sitāsyo'vyādaiśānyāmasitātmakaḥ
prabhāte śatapatro'vyāt sahasrārastu madhyame

Meaning open with adhikāra · अर्थ अधिकार से

Verse 16

दन्तमाला दिनान्तेऽव्यान्निशि पात्रं सदावतु ।
कलशो मां निशीथेऽव्यान्निशान्ते परशुस्तथा ॥ १६ ॥

dantamālā dinānte'vyānniśi pātraṃ sadāvatu
kalaśo māṃ niśīthe'vyānniśānte paraśustathā

Meaning open with adhikāra · अर्थ अधिकार से

Verse 17

सर्वत्र सर्वदा पातु शङ्खयुग्मं च मद्वपुः ।
ॐॐ राजकुले हहौं रणभये ह्रींह्रीं कुद्यूतेऽवतात्
श्रींश्रीं शत्रुगृहे शशौं जलभये क्रींक्रीं वनान्तेऽवतु ।
ग्लौंग्लूंग्लैंग्लंग्लुं सत्त्वभीतिषु महाव्याध्यार्तिषु ग्लौंगगौं
नित्यं यक्षपिशाचभूतफणिषु ग्लौंगं गणेशोऽवतु ॥ १७ ॥

sarvatra sarvadā pātu śaṅkhayugmaṃ ca madvapuḥ
oṃoṃ rājakule hahauṃ raṇabhaye hrīṃhrīṃ kudyūte'vatāt
śrīṃśrīṃ śatrugṛhe śaśauṃ jalabhaye krīṃkrīṃ vanānte'vatu
glauṃglūṃglaiṃglaṃgluṃ sattvabhītiṣu mahāvyādhyārtiṣu glauṃgagauṃ
nityaṃ yakṣapiśācabhūtaphaṇiṣu glauṃgaṃ gaṇeśo'vatu

Meaning open with adhikāra · अर्थ अधिकार से

ग्लौंगगौं uncertain

Verse 18

इतीदं कवचं गुह्यं सर्वतन्त्रेषु गोपितम् ।
वज्रपञ्जरनामानं गणेशस्य महात्मनः ॥ १८ ॥

itīdaṃ kavacaṃ guhyaṃ sarvatantreṣu gopitam
vajrapañjaranāmānaṃ gaṇeśasya mahātmanaḥ

Meaning open with adhikāra · अर्थ अधिकार से

Verse 19

अङ्गभूतं मनुमयं सर्वाचारैकसाधनम् ।
विनानेन न सिद्धिः स्यात् पूजनस्य जपस्य च ॥ १९ ॥

aṅgabhūtaṃ manumayaṃ sarvācāraikasādhanam
vinānena na siddhiḥ syāt pūjanasya japasya ca

Meaning open with adhikāra · अर्थ अधिकार से

Verse 20

तस्मात् तु कवचं पुण्यं पठेद्वा धारयेत् सदा ।
तस्य सिद्धिर्महादेवि करस्था पारलौकिकी ॥ २० ॥

tasmāt tu kavacaṃ puṇyaṃ paṭhedvā dhārayet sadā
tasya siddhirmahādevi karasthā pāralaukikī

Meaning open with adhikāra · अर्थ अधिकार से

Verse 21

यं यं कामयते कामं तं तं प्राप्नोति पाठतः ।
अर्धरात्रे पठेन्नित्यं सर्वाभीष्टफलं लभेत् ॥ २१ ॥

yaṃ yaṃ kāmayate kāmaṃ taṃ taṃ prāpnoti pāṭhataḥ
ardharātre paṭhennityaṃ sarvābhīṣṭaphalaṃ labhet

Meaning open with adhikāra · अर्थ अधिकार से

Verse 22

इति गुह्यं सुकवचं महागणपतेः प्रियम् ।
सर्वसिद्धिमयं दिव्यं गोपयेत् परमेश्वरि ॥ २२ ॥

iti guhyaṃ sukavacaṃ mahāgaṇapateḥ priyam
sarvasiddhimayaṃ divyaṃ gopayet parameśvari

Meaning open with adhikāra · अर्थ अधिकार से

इति श्रीरुद्रयामले तन्त्रे श्रीदेवीरहस्ये महागणपतिकवचं समाप्तम् ॥

Terms on this page

Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Ganesha गणेश The elephant-headed deity of auspicious beginnings, son of Shiva and Parvati.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras