श्रीलक्ष्मीसहस्रनामस्तोत्रम्

ॐ तामाह्वयामि सुभगां लक्ष्मीं त्रैलोक्यपूजितां ।
एहेहि देवि पद्माक्षि पद्माकरकृतालये ॥ १ ॥

oṃ tāmāhvayāmi subhagāṃ lakṣmīṃ trailokyapūjitāṃ
ehehi devi padmākṣi padmākarakṛtālaye

आगच्छागच्छ वरदे पश्य मां स्वेन चक्षुषा ।
आयाह्यायाहि धर्मार्थकाममोक्षमये शुभे ॥ २ ॥

āgacchāgaccha varade paśya māṃ svena cakṣuṣā
āyāhyāyāhi dharmārthakāmamokṣamaye śubhe

एवंविधैः स्तुतिपदैः सत्यैः सत्यार्थसंस्तुता ।
कनीयसी महाभागा चन्द्रेण परमात्मना ॥ ३ ॥

evaṃvidhaiḥ stutipadaiḥ satyaiḥ satyārthasaṃstutā
kanīyasī mahābhāgā candreṇa paramātmanā

निशाकरश्च सा देवी भ्रातरौ द्वौ पयोनिधेः ।
उत्पन्नमात्रौ तावास्तां शिवकेशवसंश्रितौ ॥ ४ ॥

niśākaraśca sā devī bhrātarau dvau payonidheḥ
utpannamātrau tāvāstāṃ śivakeśavasaṃśritau

सनत्कुमारस्तमृषिं समाभाष्य पुरातनम् ।
प्रोक्तवानितिहासं तु लक्ष्म्याः स्तोत्रमनुत्तमम् ॥ ५ ॥

sanatkumārastamṛṣiṃ samābhāṣya purātanam
proktavānitihāsaṃ tu lakṣmyāḥ stotramanuttamam

Meaning open with adhikāra · अर्थ अधिकार से

अथेदृशान्महाघोराद्दारिद्र्यान्नरकात्कथम् ।
मुक्तिर्भवति लोकेऽस्मिन् दारिद्र्यं याति भस्मताम् ॥ ६ ॥

athedṛśānmahāghorāddāridryānnarakātkatham
muktirbhavati loke'smin dāridryaṃ yāti bhasmatām

Meaning open with adhikāra · अर्थ अधिकार से

सनत्कुमार उवाच — सनत्कुमार ने कहा Sanatkumāra said

पूर्वं कृतयुगे ब्रह्मा भगवान् सर्वलोककृत् ।
सृष्टिं नानाविधां कृत्वा पश्चाच्चिन्तामुपेयिवान् ॥ ७ ॥

pūrvaṃ kṛtayuge brahmā bhagavān sarvalokakṛt
sṛṣṭiṃ nānāvidhāṃ kṛtvā paścāccintāmupeyivān

Meaning open with adhikāra · अर्थ अधिकार से

किमाहाराः प्रजास्त्वेताः सम्भविष्यन्ति भूतले ।
तथैव चासां दारिद्र्यात्कथमुत्तरणं भवेत् ॥ ८ ॥

kimāhārāḥ prajāstvetāḥ sambhaviṣyanti bhūtale
tathaiva cāsāṃ dāridryātkathamuttaraṇaṃ bhavet

Meaning open with adhikāra · अर्थ अधिकार से

दारिद्र्यान्मरणं श्रेयस्त्विति संचिन्त्य चेतसि ।
क्षीरोदस्योत्तरे कूले जगाम कमलोद्भवः ॥ ९ ॥

dāridryānmaraṇaṃ śreyastviti saṃcintya cetasi
kṣīrodasyottare kūle jagāma kamalodbhavaḥ

Meaning open with adhikāra · अर्थ अधिकार से

तत्र तीव्रं तपस्तप्त्वा कदाचित्परमेश्वरम् ।
ददर्श पुण्डरीकाक्षं वासुदेवं जगद्गुरुम् ॥ १० ॥

tatra tīvraṃ tapastaptvā kadācitparameśvaram
dadarśa puṇḍarīkākṣaṃ vāsudevaṃ jagadgurum

Meaning open with adhikāra · अर्थ अधिकार से

सर्वज्ञं सर्वशक्तीनां सर्वावासं सनातनम् ।
सर्वेश्वरं वासुदेवं विष्णुं लक्ष्मीपतिं प्रभुम् ॥ ११ ॥

sarvajñaṃ sarvaśaktīnāṃ sarvāvāsaṃ sanātanam
sarveśvaraṃ vāsudevaṃ viṣṇuṃ lakṣmīpatiṃ prabhum

Meaning open with adhikāra · अर्थ अधिकार से

सोमकोटिप्रतीकाशं क्षीरोदविमले जले ।
अनंतभोगशयनं विश्रांतं श्रीनिकेतनम् ॥ १२ ॥

somakoṭipratīkāśaṃ kṣīrodavimale jale
anaṃtabhogaśayanaṃ viśrāṃtaṃ śrīniketanam

Meaning open with adhikāra · अर्थ अधिकार से

कोटिसूर्यप्रतीकाशं महायोगेश्वरेश्वरम् ।
योगनिद्रारतं श्रीशं सर्वावासं सुरेश्वरम् ॥ १३ ॥

koṭisūryapratīkāśaṃ mahāyogeśvareśvaram
yoganidrārataṃ śrīśaṃ sarvāvāsaṃ sureśvaram

Meaning open with adhikāra · अर्थ अधिकार से

जगदुत्पत्तिसंहारस्थितिकारणकारणम् ।
लक्ष्म्यादिशक्तिकरणं जातमण्डलमंडितम् ॥ १४ ॥

jagadutpattisaṃhārasthitikāraṇakāraṇam
lakṣmyādiśaktikaraṇaṃ jātamaṇḍalamaṃḍitam

Meaning open with adhikāra · अर्थ अधिकार से

आयुधैर्देहवृद्धिश्च चक्राद्यैः परिवारितम् ।
दुर्निरीक्ष्यं सुरैः सिद्धैर्महायोनिशतैरपि ॥ १५ ॥

āyudhairdehavṛddhiśca cakrādyaiḥ parivāritam
durnirīkṣyaṃ suraiḥ siddhairmahāyoniśatairapi

Meaning open with adhikāra · अर्थ अधिकार से

आधारं सर्वशक्तीनां परं तेजः सुदुस्सहम् ।
प्रबुद्धं देवमीशानं दृष्ट्वा कमलसम्भवः ॥ १६ ॥

ādhāraṃ sarvaśaktīnāṃ paraṃ tejaḥ sudussaham
prabuddhaṃ devamīśānaṃ dṛṣṭvā kamalasambhavaḥ

Meaning open with adhikāra · अर्थ अधिकार से

शिरस्यंजलिमाधाय स्तोत्रं पूर्वमुवाच ह ।
मनोवांछितसिद्धिं त्वं पूरयस्व महेश्वर ॥ १७ ॥

śirasyaṃjalimādhāya stotraṃ pūrvamuvāca ha
manovāṃchitasiddhiṃ tvaṃ pūrayasva maheśvara

Meaning open with adhikāra · अर्थ अधिकार से

जितं ते पुण्डरीकाक्ष नमस्ते विश्वभावन ।
नमस्तेऽस्तु हृषीकेश महापुरुषपूर्वज ॥ १८ ॥

jitaṃ te puṇḍarīkākṣa namaste viśvabhāvana
namaste'stu hṛṣīkeśa mahāpuruṣapūrvaja

Meaning open with adhikāra · अर्थ अधिकार से

सर्वेश्वर जयानन्द सर्वावास परात्पर ।
प्रसीद मम भक्तस्य छिन्धि सन्देहजं तमः ॥ १९ ॥

sarveśvara jayānanda sarvāvāsa parātpara
prasīda mama bhaktasya chindhi sandehajaṃ tamaḥ

Meaning open with adhikāra · अर्थ अधिकार से

एवं स्तुतः स भगवान् ब्रह्मणाव्यक्तजन्मना ।
प्रसादाभिमुखः प्राह हरिर्विश्रांतलोचनः ॥ २० ॥

evaṃ stutaḥ sa bhagavān brahmaṇāvyaktajanmanā
prasādābhimukhaḥ prāha harirviśrāṃtalocanaḥ

Meaning open with adhikāra · अर्थ अधिकार से

श्रीभगवानुवाच — श्रीभगवान् ने कहा The Blessed Lord said

हिरण्यगर्भ तुष्टोऽस्मि ब्रूहि यत्तेऽभिवांछितम् ।
तद्दास्यामि न सन्देहो भक्तोऽसि मम सुव्रत ॥ २१ ॥

hiraṇyagarbha tuṣṭo'smi brūhi yatte'bhivāṃchitam
taddāsyāmi na sandeho bhakto'si mama suvrata

Meaning open with adhikāra · अर्थ अधिकार से

केशवाद्वचनं श्रुत्वा करुणाविष्टचेतनः ।
प्रत्युवाच महाबुद्धिर्भगवंतं जनार्दनम् ॥ २२ ॥

keśavādvacanaṃ śrutvā karuṇāviṣṭacetanaḥ
pratyuvāca mahābuddhirbhagavaṃtaṃ janārdanam

Meaning open with adhikāra · अर्थ अधिकार से

चतुर्विधं भवस्यास्य भूतसर्गस्य केशव ।
परित्राणाय मे ब्रूहि रहस्यं परमाद्भुतम् ॥ २३ ॥

caturvidhaṃ bhavasyāsya bhūtasargasya keśava
paritrāṇāya me brūhi rahasyaṃ paramādbhutam

Meaning open with adhikāra · अर्थ अधिकार से

दारिद्र्यशमनं धन्यं मनोज्ञं पावनं परम् ।
सर्वेश्वर महाबुद्धे स्वरूपं भैरवं महत् ॥ २४ ॥

dāridryaśamanaṃ dhanyaṃ manojñaṃ pāvanaṃ param
sarveśvara mahābuddhe svarūpaṃ bhairavaṃ mahat

Meaning open with adhikāra · अर्थ अधिकार से

श्रियः सर्वातिशायिन्यास्तथा ज्ञानं च शाश्वतम् ।
नामानि चैव मुख्यानि यानि गौणानि चाच्युत ॥ २५ ॥

śriyaḥ sarvātiśāyinyāstathā jñānaṃ ca śāśvatam
nāmāni caiva mukhyāni yāni gauṇāni cācyuta

Meaning open with adhikāra · अर्थ अधिकार से

त्वद्भक्तकमलोत्थानि श्रोतुमिच्छामि तत्त्वतः ।
इति तस्य वचः श्रुत्वा प्रतिवाक्यमुवाच सः ॥ २६ ॥

tvadbhaktakamalotthāni śrotumicchāmi tattvataḥ
iti tasya vacaḥ śrutvā prativākyamuvāca saḥ

Meaning open with adhikāra · अर्थ अधिकार से

श्रीभगवानुवाच — श्रीभगवान् ने कहा The Blessed Lord said

महाविभूतिसंयुक्ता षाड्गुण्यवपुषः प्रभोः ।
भगवद्वासुदेवस्य नित्यं चैवानपायिनी ॥ २७ ॥

mahāvibhūtisaṃyuktā ṣāḍguṇyavapuṣaḥ prabhoḥ
bhagavadvāsudevasya nityaṃ caivānapāyinī

Meaning open with adhikāra · अर्थ अधिकार से

एकैव वर्तते तेऽभिन्ना ज्योत्स्नेव हिमदीधितेः ।
सर्वशक्त्यात्मिका चैव विश्वं व्याप्य व्यवस्थिता ॥ २८ ॥

ekaiva vartate te'bhinnā jyotsneva himadīdhiteḥ
sarvaśaktyātmikā caiva viśvaṃ vyāpya vyavasthitā

Meaning open with adhikāra · अर्थ अधिकार से

सर्वैश्वर्यगुणोपेता नित्यशुद्धस्वरूपिणी ।
प्राणशक्तिः परा ह्येषा सर्वेषां प्राणिनां भुवि ॥ २९ ॥

sarvaiśvaryaguṇopetā nityaśuddhasvarūpiṇī
prāṇaśaktiḥ parā hyeṣā sarveṣāṃ prāṇināṃ bhuvi

Meaning open with adhikāra · अर्थ अधिकार से

शक्तीनां चैव सर्वासां योनिभूता परा कला ।
अहं तस्याः परं नाम्नां सहस्रमिदमुत्तमम् ॥ ३० ॥

śaktīnāṃ caiva sarvāsāṃ yonibhūtā parā kalā
ahaṃ tasyāḥ paraṃ nāmnāṃ sahasramidamuttamam

Meaning open with adhikāra · अर्थ अधिकार से

शृणुष्वावहितो भूत्वा परमैश्वर्यभूतिदम् ।
देव्याख्यास्मृतिमात्रेण दारिद्र्यं याति भस्मताम् ॥ ३१ ॥

śṛṇuṣvāvahito bhūtvā paramaiśvaryabhūtidam
devyākhyāsmṛtimātreṇa dāridryaṃ yāti bhasmatām

Meaning open with adhikāra · अर्थ अधिकार से

श्रीः पद्मा प्रकृतिः सत्त्वा शांता चिच्छक्तिरव्यया ।
केवला निष्कला शुद्धा व्यापिनी व्योमविग्रहा ॥ ३२ ॥

śrīḥ padmā prakṛtiḥ sattvā śāṃtā cicchaktiravyayā
kevalā niṣkalā śuddhā vyāpinī vyomavigrahā

Meaning open with adhikāra · अर्थ अधिकार से

व्योमपद्मकृताधारा परा व्योमा मतोद्भवा ।
निर्व्योमा व्योममध्यस्था पंचव्योमपदाश्रिता ॥ ३३ ॥

vyomapadmakṛtādhārā parā vyomā matodbhavā
nirvyomā vyomamadhyasthā paṃcavyomapadāśritā

Meaning open with adhikāra · अर्थ अधिकार से

अच्युता व्योमनिलया परमानन्दरूपिणी ।
नित्यशुद्धा नित्यतृप्ता निर्विकारा निरीक्षणा ॥ ३४ ॥

acyutā vyomanilayā paramānandarūpiṇī
nityaśuddhā nityatṛptā nirvikārā nirīkṣaṇā

Meaning open with adhikāra · अर्थ अधिकार से

ज्ञानशक्तिः क्रियाशक्तिरिच्छाशक्तिः शिखावहा ।
लोहाभासा निरानन्दा विभूतिर्विमला चला ॥ ३५ ॥

jñānaśaktiḥ kriyāśaktiricchāśaktiḥ śikhāvahā
lohābhāsā nirānandā vibhūtirvimalā calā

Meaning open with adhikāra · अर्थ अधिकार से

अनंता वैष्णवी व्यक्ता विश्वानन्दा विकाशिनी ।
शक्तिर्विभिन्नसर्वार्तिः समुद्रपरितोषिणी ॥ ३६ ॥

anaṃtā vaiṣṇavī vyaktā viśvānandā vikāśinī
śaktirvibhinnasarvārtiḥ samudraparitoṣiṇī

Meaning open with adhikāra · अर्थ अधिकार से

मूर्तिः सनातनी हार्दी निस्तरङ्गा निरामया ।
ज्ञानज्ञेया ज्ञानगम्या ज्ञानज्ञेयविकासिनी ॥ ३७ ॥

mūrtiḥ sanātanī hārdī nistaraṅgā nirāmayā
jñānajñeyā jñānagamyā jñānajñeyavikāsinī

Meaning open with adhikāra · अर्थ अधिकार से

स्वच्छन्दशक्तिर्गहना निष्कम्पार्चिः सुनिर्मला ।
स्वरूपा सर्वगापारा वृंहिणी सुगुणोर्जिता ॥ ३८ ॥

svacchandaśaktirgahanā niṣkampārciḥ sunirmalā
svarūpā sarvagāpārā vṛṃhiṇī suguṇorjitā

Meaning open with adhikāra · अर्थ अधिकार से

अकलङ्का निराधारा निस्संकल्पा निराश्रया ।
असङ्कीर्णा सुशांता च शाश्वती भासुरी स्थिरा ॥ ३९ ॥

akalaṅkā nirādhārā nissaṃkalpā nirāśrayā
asaṅkīrṇā suśāṃtā ca śāśvatī bhāsurī sthirā

Meaning open with adhikāra · अर्थ अधिकार से

अनौपम्या निर्विकल्पा नियंत्रा यंत्रवाहिनी ।
अभेद्या भेदिनी भिन्ना भारती वैखरी खगा ॥ ४० ॥

anaupamyā nirvikalpā niyaṃtrā yaṃtravāhinī
abhedyā bhedinī bhinnā bhāratī vaikharī khagā

Meaning open with adhikāra · अर्थ अधिकार से

अग्राह्या ग्राहिका गूढा गम्भीरा विश्वगोपिनी ।
अनिर्देश्याप्रतिहता निर्बीजा पावनी परा ॥ ४१ ॥

agrāhyā grāhikā gūḍhā gambhīrā viśvagopinī
anirdeśyāpratihatā nirbījā pāvanī parā

Meaning open with adhikāra · अर्थ अधिकार से

अप्रतर्क्याप्रमिता भवभ्रान्तिविनाशिनी ।
एका द्विरूपा त्रिविधा असंख्याता सुरेश्वरी ॥ ४२ ॥

apratarkyāpramitā bhavabhrāntivināśinī
ekā dvirūpā trividhā asaṃkhyātā sureśvarī

Meaning open with adhikāra · अर्थ अधिकार से

सुप्रतिष्ठा महाधात्री स्थितिवृद्धिध्रुवा गतिः ।
ईश्वरी महिमा ऋद्धिः प्रमोदा उज्ज्वलोज्ज्वला ॥ ४३ ॥

supratiṣṭhā mahādhātrī sthitivṛddhidhruvā gatiḥ
īśvarī mahimā ṛddhiḥ pramodā ujjvalojjvalā

Meaning open with adhikāra · अर्थ अधिकार से

अक्षया वर्द्धमाना च सुप्रकाशा विहग्गमा ।
नीरजा जननी नित्या जया रोचिष्मती शुभा ॥ ४४ ॥

akṣayā vardhamānā ca suprakāśā vihaggamā
nīrajā jananī nityā jayā rociṣmatī śubhā

Meaning open with adhikāra · अर्थ अधिकार से

तपोनुदा च ज्वाला च सुदीप्तिश्चांशुमालिनी ।
अप्रमेया त्रिधा सूक्ष्मा परा निर्माणदायिनी ॥ ४५ ॥

taponudā ca jvālā ca sudīptiścāṃśumālinī
aprameyā tridhā sūkṣmā parā nirmāṇadāyinī

Meaning open with adhikāra · अर्थ अधिकार से

अवदाता सुशुद्धा च अमोघाख्या परंपरा ।
संधानकी शुद्धविद्या सर्वभूतमहेश्वरी ॥ ४६ ॥

avadātā suśuddhā ca amoghākhyā paraṃparā
saṃdhānakī śuddhavidyā sarvabhūtamaheśvarī

Meaning open with adhikāra · अर्थ अधिकार से

लक्ष्मीस्तुष्टिर्महाधीरा शांतिरापूरणेन वा ।
अनुग्रहाशक्तिराद्या जगज्ज्येष्ठा जगद्विधिः ॥ ४७ ॥

lakṣmīstuṣṭirmahādhīrā śāṃtirāpūraṇena vā
anugrahāśaktirādyā jagajjyeṣṭhā jagadvidhiḥ

Meaning open with adhikāra · अर्थ अधिकार से

सत्या प्रज्ञा क्रियायोग्या ह्यर्पणाह्लादिनी शिवा ।
सम्पूर्णाह्लादिनी शुद्धा ज्योतिष्मत्यमृतावहा ॥ ४८ ॥

satyā prajñā kriyāyogyā hyarpaṇāhlādinī śivā
sampūrṇāhlādinī śuddhā jyotiṣmatyamṛtāvahā

Meaning open with adhikāra · अर्थ अधिकार से

रजोवत्यर्कप्रतिभाकर्षिणी कर्षिणी रसा ।
परा वसुमती देवी कांतिः शांतिः स्मृतिः कला ॥ ४९ ॥

rajovatyarkapratibhākarṣiṇī karṣiṇī rasā
parā vasumatī devī kāṃtiḥ śāṃtiḥ smṛtiḥ kalā

Meaning open with adhikāra · अर्थ अधिकार से

कला कलंकरहिता विशालोद्दीपनी रतिः ।
संबोधिनी हारिणी च प्रभावा भवभूतिदा ॥ ५० ॥

kalā kalaṃkarahitā viśāloddīpanī ratiḥ
saṃbodhinī hāriṇī ca prabhāvā bhavabhūtidā

Meaning open with adhikāra · अर्थ अधिकार से

अमृतस्यंदिनी जीवा जननी खण्डिका स्थिरा ।
धूमा कलावती पूर्णा भासुरा सुमती रसा ॥ ५१ ॥

amṛtasyaṃdinī jīvā jananī khaṇḍikā sthirā
dhūmā kalāvatī pūrṇā bhāsurā sumatī rasā

Meaning open with adhikāra · अर्थ अधिकार से

शुद्धा ध्वनिः सृतिः सृष्टिविकृतिः कृष्टिरेव च ।
प्रापणी प्राणदा प्रज्ञा विश्वा पाण्डुरवासिनी ॥ ५२ ॥

śuddhā dhvaniḥ sṛtiḥ sṛṣṭivikṛtiḥ kṛṣṭireva ca
prāpaṇī prāṇadā prajñā viśvā pāṇḍuravāsinī

Meaning open with adhikāra · अर्थ अधिकार से

अवनिर्वज्रनलिका चित्रा ब्रह्माण्डवासिनी ।
अनंतरूपाऽनंतात्माऽनंतस्थाऽनंतसम्भवा ॥ ५३ ॥

avanirvajranalikā citrā brahmāṇḍavāsinī
anaṃtarūpā'naṃtātmā'naṃtasthā'naṃtasambhavā

Meaning open with adhikāra · अर्थ अधिकार से

महाशक्तिः प्राणशक्तिः प्राणदात्री ऋतम्भरा ।
महासमूहा निखिला इच्छाधारा सुखावहा ॥ ५४ ॥

mahāśaktiḥ prāṇaśaktiḥ prāṇadātrī ṛtambharā
mahāsamūhā nikhilā icchādhārā sukhāvahā

Meaning open with adhikāra · अर्थ अधिकार से

प्रत्यक्षलक्ष्मीर्निष्कम्पा प्ररोहाबुद्धिगोचरा ।
नानादेहा महावर्ता बहुदेहविकासिनी ॥ ५५ ॥

pratyakṣalakṣmīrniṣkampā prarohābuddhigocarā
nānādehā mahāvartā bahudehavikāsinī

Meaning open with adhikāra · अर्थ अधिकार से

सहस्राणी प्रधाना च न्यायवस्तुप्रकाशिका ।
सर्वाभिलापपूर्णेच्छा सर्वा सर्वार्थभाषिणी ॥ ५६ ॥

sahasrāṇī pradhānā ca nyāyavastuprakāśikā
sarvābhilāpapūrṇecchā sarvā sarvārthabhāṣiṇī

Meaning open with adhikāra · अर्थ अधिकार से

नानास्वरूपचिद्धात्री शब्दपूर्वा पुरातना ।
व्यक्ताऽव्यक्ता जीवकेशा सर्वेच्छापरिपूरिता ॥ ५७ ॥

nānāsvarūpaciddhātrī śabdapūrvā purātanā
vyaktā'vyaktā jīvakeśā sarvecchāparipūritā

Meaning open with adhikāra · अर्थ अधिकार से

सहजकल्पसिद्धा सांख्येया तत्त्वगर्भा धरावहा ।
भूतरूपा चित्स्वरूपा त्रिगुणा गुणगर्विता ॥ ५८ ॥

sahajakalpasiddhā sāṃkhyeyā tattvagarbhā dharāvahā
bhūtarūpā citsvarūpā triguṇā guṇagarvitā

Meaning open with adhikāra · अर्थ अधिकार से

प्रजापतीश्वरी रौद्री सर्वाधारा सुखावहा ।
कल्याणवाहिका कल्या कलिकल्मषनाशिनी ॥ ५९ ॥

prajāpatīśvarī raudrī sarvādhārā sukhāvahā
kalyāṇavāhikā kalyā kalikalmaṣanāśinī

Meaning open with adhikāra · अर्थ अधिकार से

निरूपोद्भिन्नसंताना सुयंत्रा त्रिगुणालया ।
महामाया योगमाया महायोगेश्वरी प्रिया ॥ ६० ॥

nirūpodbhinnasaṃtānā suyaṃtrā triguṇālayā
mahāmāyā yogamāyā mahāyogeśvarī priyā

Meaning open with adhikāra · अर्थ अधिकार से

महाश्री विमला कीर्तिर्जया लक्ष्मीर्निरंजना ।
प्रकृतिर्भगवन्माया शक्तिर्निद्रा यशस्करी ॥ ६१ ॥

mahāśrī vimalā kīrtirjayā lakṣmīrniraṃjanā
prakṛtirbhagavanmāyā śaktirnidrā yaśaskarī

Meaning open with adhikāra · अर्थ अधिकार से

चिंता बुद्धिर्यशः प्रज्ञा शांतिराप्तातिवर्द्धिनी ।
प्रद्युम्नमाता साध्वी च सुखसौभाग्यसिद्धिदा ॥ ६२ ॥

ciṃtā buddhiryaśaḥ prajñā śāṃtirāptātivardhinī
pradyumnamātā sādhvī ca sukhasaubhāgyasiddhidā

Meaning open with adhikāra · अर्थ अधिकार से

काष्ठा निष्ठा प्रतिष्ठा च ज्येष्ठा श्रेष्ठा जयावहा ।
सर्वातिशायिनी प्रीतिर्विश्वशक्तिर्महाबला ॥ ६३ ॥

kāṣṭhā niṣṭhā pratiṣṭhā ca jyeṣṭhā śreṣṭhā jayāvahā
sarvātiśāyinī prītirviśvaśaktirmahābalā

Meaning open with adhikāra · अर्थ अधिकार से

वरिष्ठा विजया वीरा जयंती विजयप्रदा ।
हृद्गृहा गोपिनी गुह्या गणगंधर्वसेविता ॥ ६४ ॥

variṣṭhā vijayā vīrā jayaṃtī vijayapradā
hṛdgṛhā gopinī guhyā gaṇagaṃdharvasevitā

Meaning open with adhikāra · अर्थ अधिकार से

योगीश्वरी योगमाया योगिनी योगसिद्धिदा ।
महायोगेश्वरवृता योगा योगेश्वरप्रिया ॥ ६५ ॥

yogīśvarī yogamāyā yoginī yogasiddhidā
mahāyogeśvaravṛtā yogā yogeśvarapriyā

Meaning open with adhikāra · अर्थ अधिकार से

ब्रह्मेन्द्ररुद्रनमिता सुरासुरवरप्रदा ।
त्रिवर्त्मगा त्रिलोकस्था त्रिविक्रमपदोद्भवा ॥ ६६ ॥

brahmendrarudranamitā surāsuravarapradā
trivartmagā trilokasthā trivikramapadodbhavā

Meaning open with adhikāra · अर्थ अधिकार से

सुतारा तारिणी तारा दुर्गा संतारिणी परा ।
सुतारिणी तारयंती भूरितारेश्वरप्रभा ॥ ६७ ॥

sutārā tāriṇī tārā durgā saṃtāriṇī parā
sutāriṇī tārayaṃtī bhūritāreśvaraprabhā

Meaning open with adhikāra · अर्थ अधिकार से

गुह्यविद्या यज्ञविद्या महाविद्या सुशोभिता ।
अध्यात्मविद्या विघ्नेशी पद्मस्था परमेष्ठिनी ॥ ६८ ॥

guhyavidyā yajñavidyā mahāvidyā suśobhitā
adhyātmavidyā vighneśī padmasthā parameṣṭhinī

Meaning open with adhikāra · अर्थ अधिकार से

आन्वीक्षिकी त्रयी वार्त्ता दण्डनीतिर्नयात्मिका ।
गौरी वागीश्वरी गोप्त्री गायत्री कमलोद्भवा ॥ ६९ ॥

ānvīkṣikī trayī vārttā daṇḍanītirnayātmikā
gaurī vāgīśvarī goptrī gāyatrī kamalodbhavā

Meaning open with adhikāra · अर्थ अधिकार से

विश्वंभरा विश्वरूपा विश्वमाता वसुप्रदा ।
सिद्धिः स्वाहा स्वधा स्वस्ति सुधा सर्वार्थसाधिनी ॥ ७० ॥

viśvaṃbharā viśvarūpā viśvamātā vasupradā
siddhiḥ svāhā svadhā svasti sudhā sarvārthasādhinī

Meaning open with adhikāra · अर्थ अधिकार से

इच्छा सृष्टिद्युतिर्भूतिः कीर्तिः श्रद्धा दया मतिः ।
श्रुतिर्मेधा धृतिर्ह्रीः श्रीर्विद्या विबुधवंदिता ॥ ७१ ॥

icchā sṛṣṭidyutirbhūtiḥ kīrtiḥ śraddhā dayā matiḥ
śrutirmedhā dhṛtirhrīḥ śrīrvidyā vibudhavaṃditā

Meaning open with adhikāra · अर्थ अधिकार से

अनसूया घृणा नीतिर्निर्वृतिः कामधुक्करा ।
प्रतिज्ञा संततिर्भूतिर्द्यौः प्रज्ञा विश्वमानिनी ॥ ७२ ॥

anasūyā ghṛṇā nītirnirvṛtiḥ kāmadhukkarā
pratijñā saṃtatirbhūtirdyauḥ prajñā viśvamāninī

Meaning open with adhikāra · अर्थ अधिकार से

स्मृतिर्वाग्विश्वजननी पश्यंती मध्यमा समा ।
संध्या मेधा प्रभा भीमा सर्वाकारा सरस्वती ॥ ७३ ॥

smṛtirvāgviśvajananī paśyaṃtī madhyamā samā
saṃdhyā medhā prabhā bhīmā sarvākārā sarasvatī

Meaning open with adhikāra · अर्थ अधिकार से

कांक्षा माया महामाया मोहिनी माधवप्रिया ।
सौम्याभोगा महाभोगा भोगिनी भोगदायिनी ॥ ७४ ॥

kāṃkṣā māyā mahāmāyā mohinī mādhavapriyā
saumyābhogā mahābhogā bhoginī bhogadāyinī

Meaning open with adhikāra · अर्थ अधिकार से

सुधौतकनकप्रख्या सुवर्णकमलासना ।
हिरण्यगर्भा सुश्रोणी हारिणी रमणी रमा ॥ ७५ ॥

sudhautakanakaprakhyā suvarṇakamalāsanā
hiraṇyagarbhā suśroṇī hāriṇī ramaṇī ramā

Meaning open with adhikāra · अर्थ अधिकार से

चन्द्रा हिरण्मयी ज्योत्स्ना रम्या शोभा शुभावहा ।
त्रैलोक्यमण्डना नारी नरेश्वरवरार्चिता ॥ ७६ ॥

candrā hiraṇmayī jyotsnā ramyā śobhā śubhāvahā
trailokyamaṇḍanā nārī nareśvaravarārcitā

Meaning open with adhikāra · अर्थ अधिकार से

त्रैलोक्यसुंदरी रामा महाविभववाहिनी ।
पद्मस्था पद्मनिलया पद्ममालाविभूषिता ॥ ७७ ॥

trailokyasuṃdarī rāmā mahāvibhavavāhinī
padmasthā padmanilayā padmamālāvibhūṣitā

Meaning open with adhikāra · अर्थ अधिकार से

पद्मयुग्मधरा कांता दिव्याभरणभूषिता ।
विचित्ररत्नमुकुटा विचित्राम्बरभूषणा ॥ ७८ ॥

padmayugmadharā kāṃtā divyābharaṇabhūṣitā
vicitraratnamukuṭā vicitrāmbarabhūṣaṇā

Meaning open with adhikāra · अर्थ अधिकार से

विचित्रमाल्यगंधाढ्या विचित्रायुधवाहना ।
महानारायणी देवी वैष्णवी वीरवंदिता ॥ ७९ ॥

vicitramālyagaṃdhāḍhyā vicitrāyudhavāhanā
mahānārāyaṇī devī vaiṣṇavī vīravaṃditā

Meaning open with adhikāra · अर्थ अधिकार से

कालसंकर्षिणी घोरा तत्त्वसंकर्षिणी कला ।
जगत्सम्पूरणी विश्वा महाविभवभूषणा ॥ ८० ॥

kālasaṃkarṣiṇī ghorā tattvasaṃkarṣiṇī kalā
jagatsampūraṇī viśvā mahāvibhavabhūṣaṇā

Meaning open with adhikāra · अर्थ अधिकार से

वारुणी वरदा व्याख्या घण्टाकर्णविराजिता ।
नृसिंही भैरवी ब्राह्मी भास्करी व्योमचारिणी ॥ ८१ ॥

vāruṇī varadā vyākhyā ghaṇṭākarṇavirājitā
nṛsiṃhī bhairavī brāhmī bhāskarī vyomacāriṇī

Meaning open with adhikāra · अर्थ अधिकार से

ऐन्द्री कामधनुः सृष्टिः कामयोनिर्महाप्रभा ।
दृष्टा काम्या विश्वशक्तिर्जगत्यात्मदर्शना ॥ ८२ ॥

aindrī kāmadhanuḥ sṛṣṭiḥ kāmayonirmahāprabhā
dṛṣṭā kāmyā viśvaśaktirjagatyātmadarśanā

Meaning open with adhikāra · अर्थ अधिकार से

गरुडारूढहृदया चांद्री श्रीर्मधुराऽनना ।
महोग्ररूपा वाराही नारसिंही हतासुरा ॥ ८३ ॥

garuḍārūḍhahṛdayā cāṃdrī śrīrmadhurā'nanā
mahograrūpā vārāhī nārasiṃhī hatāsurā

Meaning open with adhikāra · अर्थ अधिकार से

युगांतहुतभुग्ज्वाला कराला पिंगला कला ।
त्रैलोक्यभूषणा भीमा श्यामा त्रैलोक्यमोहिनी ॥ ८४ ॥

yugāṃtahutabhugjvālā karālā piṃgalā kalā
trailokyabhūṣaṇā bhīmā śyāmā trailokyamohinī

Meaning open with adhikāra · अर्थ अधिकार से

महोत्कटा महारक्ता महाचण्डा महासना ।
शंखिनी लेखिनी स्वस्था लिखिता खेचरेश्वरी ॥ ८५ ॥

mahotkaṭā mahāraktā mahācaṇḍā mahāsanā
śaṃkhinī lekhinī svasthā likhitā khecareśvarī

Meaning open with adhikāra · अर्थ अधिकार से

भद्रकाली चैकवीरा कौमारी भवमालिनी ।
कल्याणी कामधुग्ज्वालासुखी चोत्पलमालिका ॥ ८६ ॥

bhadrakālī caikavīrā kaumārī bhavamālinī
kalyāṇī kāmadhugjvālāsukhī cotpalamālikā

Meaning open with adhikāra · अर्थ अधिकार से

वालिका धनदा सूर्या हृदयोत्पलमालिका ।
अजिता वर्षिणी रीतिर्भरुण्डा गरुडासना ॥ ८७ ॥

vālikā dhanadā sūryā hṛdayotpalamālikā
ajitā varṣiṇī rītirbharuṇḍā garuḍāsanā

Meaning open with adhikāra · अर्थ अधिकार से

वैश्वानरी महामाया महाकाली विभीषणा ।
महामंदारविभवा शिवानन्दा रतिप्रिया ॥ ८८ ॥

vaiśvānarī mahāmāyā mahākālī vibhīṣaṇā
mahāmaṃdāravibhavā śivānandā ratipriyā

Meaning open with adhikāra · अर्थ अधिकार से

उद्गीतिः पद्ममाला च धर्मवेगा विभावनी ।
सत्क्रिया देवसेना च हिरण्यरजताश्रया ॥ ८९ ॥

udgītiḥ padmamālā ca dharmavegā vibhāvanī
satkriyā devasenā ca hiraṇyarajatāśrayā

Meaning open with adhikāra · अर्थ अधिकार से

सहस्रावर्तमाना च हस्तिनादप्रबोधिनी ।
हिरण्यपद्मवर्णा च हरिभद्रा सुदुर्द्धरा ॥ ९० ॥

sahasrāvartamānā ca hastinādaprabodhinī
hiraṇyapadmavarṇā ca haribhadrā sudurdharā

Meaning open with adhikāra · अर्थ अधिकार से

सूर्या हिरण्यप्रकटसदृशी हेममालिनी ।
पद्मानना नित्यपुष्टा देवमाताऽमृतोद्भवा ॥ ९१ ॥

sūryā hiraṇyaprakaṭasadṛśī hemamālinī
padmānanā nityapuṣṭā devamātā'mṛtodbhavā

Meaning open with adhikāra · अर्थ अधिकार से

महाधना च या शृंगी काद्रवी कम्बुकंधरा ।
आदित्यवर्णा चन्द्राभा गंधद्वारा दुरासदा ॥ ९२ ॥

mahādhanā ca yā śṛṃgī kādravī kambukaṃdharā
ādityavarṇā candrābhā gaṃdhadvārā durāsadā

Meaning open with adhikāra · अर्थ अधिकार से

वरार्चिता वरारोहा वरेण्या विष्णुवल्लभा ।
कल्याणी वरदा वामा वामेशी विंध्यवासिनी ॥ ९३ ॥

varārcitā varārohā vareṇyā viṣṇuvallabhā
kalyāṇī varadā vāmā vāmeśī viṃdhyavāsinī

Meaning open with adhikāra · अर्थ अधिकार से

योगनिद्रा योगरता देवकी कामरूपिणी ।
कंसविद्राविणी दुर्गा कौमारी कौशिकी क्षमा ॥ ९४ ॥

yoganidrā yogaratā devakī kāmarūpiṇī
kaṃsavidrāviṇī durgā kaumārī kauśikī kṣamā

Meaning open with adhikāra · अर्थ अधिकार से

कात्यायनी कालरात्रिर्निशितृप्ता सुदुर्जया ।
विरूपाक्षी विशालाक्षी भक्तानां परिरक्षिणी ॥ ९५ ॥

kātyāyanī kālarātrirniśitṛptā sudurjayā
virūpākṣī viśālākṣī bhaktānāṃ parirakṣiṇī

Meaning open with adhikāra · अर्थ अधिकार से

बहुरूपा स्वरूपा च विरूपा रूपवर्जिता ।
घण्टानिनादबहुला जीमूतध्वनिनिःस्वना ॥ ९६ ॥

bahurūpā svarūpā ca virūpā rūpavarjitā
ghaṇṭāninādabahulā jīmūtadhvaniniḥsvanā

Meaning open with adhikāra · अर्थ अधिकार से

महादेवेन्द्रमथिनी भ्रुकुटीकुटिलानना ।
सत्योपयाचिता चैका कौबेरी ब्रह्मचारिणी ॥ ९७ ॥

mahādevendramathinī bhrukuṭīkuṭilānanā
satyopayācitā caikā kauberī brahmacāriṇī

Meaning open with adhikāra · अर्थ अधिकार से

आर्या यशोदासुतदा धर्मकामार्थमोक्षदा ।
दारिद्र्यदुःखशमनी घोरदुर्गार्तिनाशिनी ॥ ९८ ॥

āryā yaśodāsutadā dharmakāmārthamokṣadā
dāridryaduḥkhaśamanī ghoradurgārtināśinī

Meaning open with adhikāra · अर्थ अधिकार से

भक्तार्तिशमनी भव्या भवभर्गापहारिणी ।
क्षीराब्धितनया पद्मा कमला धरणीधरा ॥ ९९ ॥

bhaktārtiśamanī bhavyā bhavabhargāpahāriṇī
kṣīrābdhitanayā padmā kamalā dharaṇīdharā

Meaning open with adhikāra · अर्थ अधिकार से

रुक्मिणी रोहिणी सीता सत्यभामा यशस्विनी ।
प्रज्ञाधाराऽमितप्रज्ञा वेदमाता यशोवती ॥ १०० ॥

rukmiṇī rohiṇī sītā satyabhāmā yaśasvinī
prajñādhārā'mitaprajñā vedamātā yaśovatī

Meaning open with adhikāra · अर्थ अधिकार से

समाधिर्भावना मैत्री करुणा भक्तवत्सला ।
अंतर्वेदी दक्षिणा च ब्रह्मचर्यपरा गतिः ॥ १०१ ॥

samādhirbhāvanā maitrī karuṇā bhaktavatsalā
aṃtarvedī dakṣiṇā ca brahmacaryaparā gatiḥ

Meaning open with adhikāra · अर्थ अधिकार से

दीक्षा वीक्षा परीक्षा च समीक्षा वीरवत्सला ।
अंबिका सुरभिः सिद्धा सिद्धविद्याधरार्चिता ॥ १०२ ॥

dīkṣā vīkṣā parīkṣā ca samīkṣā vīravatsalā
aṃbikā surabhiḥ siddhā siddhavidyādharārcitā

Meaning open with adhikāra · अर्थ अधिकार से

सुदीप्ता लेलिहाना च कराला विश्वपूरका ।
विश्वसंहारिणी दीप्तिस्तापनी ताण्डवप्रिया ॥ १०३ ॥

sudīptā lelihānā ca karālā viśvapūrakā
viśvasaṃhāriṇī dīptistāpanī tāṇḍavapriyā

Meaning open with adhikāra · अर्थ अधिकार से

उद्भवा विरजा राज्ञी तापनी बिन्दुमालिनी ।
क्षीरधारासुप्रभावा लोकमाता सुवर्चसा ॥ १०४ ॥

udbhavā virajā rājñī tāpanī bindumālinī
kṣīradhārāsuprabhāvā lokamātā suvarcasā

Meaning open with adhikāra · अर्थ अधिकार से

हव्यगर्भा चाज्यगर्भा जुह्वो यज्ञसम्भवा ।
आप्यायनी पावनी च दहनी दहनाश्रया ॥ १०५ ॥

havyagarbhā cājyagarbhā juhvo yajñasambhavā
āpyāyanī pāvanī ca dahanī dahanāśrayā

Meaning open with adhikāra · अर्थ अधिकार से

मातृका माधवी मुख्या मोक्षलक्ष्मीर्महर्द्धिदा ।
सर्वकामप्रदा भद्रा सुभद्रा सर्वमंगला ॥ १०६ ॥

mātṛkā mādhavī mukhyā mokṣalakṣmīrmahardhidā
sarvakāmapradā bhadrā subhadrā sarvamaṃgalā

Meaning open with adhikāra · अर्थ अधिकार से

श्वेता सुशुक्लवसना शुक्लमाल्यानुलेपना ।
हंसा हीनकरी हंसी हृद्या हृत्कमलालया ॥ १०७ ॥

śvetā suśuklavasanā śuklamālyānulepanā
haṃsā hīnakarī haṃsī hṛdyā hṛtkamalālayā

Meaning open with adhikāra · अर्थ अधिकार से

सितातपत्रा सुश्रोणी पद्मपत्रायतेक्षणा ।
सावित्री सत्यसंकल्पा कामदा कामकामिनी ॥ १०८ ॥

sitātapatrā suśroṇī padmapatrāyatekṣaṇā
sāvitrī satyasaṃkalpā kāmadā kāmakāminī

Meaning open with adhikāra · अर्थ अधिकार से

दर्शनीया दृशा दृश्या स्पृश्या सेव्या वराङ्गना ।
भोगप्रिया भोगवती भोगीन्द्रशयनासना ॥ १०९ ॥

darśanīyā dṛśā dṛśyā spṛśyā sevyā varāṅganā
bhogapriyā bhogavatī bhogīndraśayanāsanā

Meaning open with adhikāra · अर्थ अधिकार से

आर्द्रा पुष्करिणी पुण्या पावनी पापसूदनी ।
श्रीमती च शुभाकारा परमैश्वर्यभूतिदा ॥ ११० ॥

ārdrā puṣkariṇī puṇyā pāvanī pāpasūdanī
śrīmatī ca śubhākārā paramaiśvaryabhūtidā

Meaning open with adhikāra · अर्थ अधिकार से

अचिन्त्यानन्तविभवा भवभावविभावनी ।
निःश्रेणिः सर्वदेहस्था सर्वभूतनमस्कृता ॥ १११ ॥

acintyānantavibhavā bhavabhāvavibhāvanī
niḥśreṇiḥ sarvadehasthā sarvabhūtanamaskṛtā

Meaning open with adhikāra · अर्थ अधिकार से

बला बलाधिका देवी गौतमी गोकुलालया ।
तोषिणी पूर्णचन्द्राभा एकानन्दा शतानना ॥ ११२ ॥

balā balādhikā devī gautamī gokulālayā
toṣiṇī pūrṇacandrābhā ekānandā śatānanā

Meaning open with adhikāra · अर्थ अधिकार से

उद्याननगरद्वारहर्म्योपवनवासिनी ।
कूष्माण्डी दारुणा चण्डा किराती नन्दनालया ॥ ११३ ॥

udyānanagaradvāraharmyopavanavāsinī
kūṣmāṇḍī dāruṇā caṇḍā kirātī nandanālayā

Meaning open with adhikāra · अर्थ अधिकार से

कालायना कालगम्या भयदा भयनाशिनी ।
सौदामिनी मेघरवा दैत्यदानवमर्दिनी ॥ ११४ ॥

kālāyanā kālagamyā bhayadā bhayanāśinī
saudāminī megharavā daityadānavamardinī

Meaning open with adhikāra · अर्थ अधिकार से

जगन्माता भयकरी भूतधात्री सुदुर्लभा ।
काश्यपी शुभदाना च वनमाला शुभा वरा ॥ ११५ ॥

jaganmātā bhayakarī bhūtadhātrī sudurlabhā
kāśyapī śubhadānā ca vanamālā śubhā varā

Meaning open with adhikāra · अर्थ अधिकार से

धन्या धन्येश्वरी धन्या रत्नदा वसुवर्द्धिनी ।
गान्धर्वी रेवती गंगा शकुनी विमलानना ॥ ११६ ॥

dhanyā dhanyeśvarī dhanyā ratnadā vasuvardhinī
gāndharvī revatī gaṃgā śakunī vimalānanā

Meaning open with adhikāra · अर्थ अधिकार से

इडा शांतिकरी चैव तामसी कमलालया ।
आज्यपा वज्रकौमारी सोमपा कुसुमाश्रया ॥ ११७ ॥

iḍā śāṃtikarī caiva tāmasī kamalālayā
ājyapā vajrakaumārī somapā kusumāśrayā

Meaning open with adhikāra · अर्थ अधिकार से

जगत्प्रिया च सरथा दुर्जया खगवाहना ।
मनोभवा कामचारा सिद्धचारणसेविता ॥ ११८ ॥

jagatpriyā ca sarathā durjayā khagavāhanā
manobhavā kāmacārā siddhacāraṇasevitā

Meaning open with adhikāra · अर्थ अधिकार से

व्योमलक्ष्मीर्महालक्ष्मीस्तेजोलक्ष्मीः सुजाज्वला ।
रसलक्ष्मीर्जगद्योनिर्गन्धलक्ष्मीर्वनाश्रया ॥ ११९ ॥

vyomalakṣmīrmahālakṣmīstejolakṣmīḥ sujājvalā
rasalakṣmīrjagadyonirgandhalakṣmīrvanāśrayā

Meaning open with adhikāra · अर्थ अधिकार से

श्रवणा श्रावणा नेत्रा रसनाप्राणचारिणी ।
विरिञ्चिमाता विभवा वरवारिजवाहना ॥ १२० ॥

śravaṇā śrāvaṇā netrā rasanāprāṇacāriṇī
viriñcimātā vibhavā varavārijavāhanā

Meaning open with adhikāra · अर्थ अधिकार से

वीर्या वीरेश्वरी वन्द्या विशोका वसुवर्द्धिनी ।
अनाहता कुण्डलिनी नलिनी वनवासिनी ॥ १२१ ॥

vīryā vīreśvarī vandyā viśokā vasuvardhinī
anāhatā kuṇḍalinī nalinī vanavāsinī

Meaning open with adhikāra · अर्थ अधिकार से

गान्धारिणीन्द्रनमिता सुरेन्द्रनमिता सती ।
सर्वमंगलमांगल्या सर्वकामसमृद्धिदा ॥ १२२ ॥

gāndhāriṇīndranamitā surendranamitā satī
sarvamaṃgalamāṃgalyā sarvakāmasamṛddhidā

Meaning open with adhikāra · अर्थ अधिकार से

सर्वानन्दा महानन्दा सत्कीर्तिः सिद्धसेविता ।
सिनीवाली कुहू राका अमा चानुमतिर्द्युतिः ॥ १२३ ॥

sarvānandā mahānandā satkīrtiḥ siddhasevitā
sinīvālī kuhū rākā amā cānumatirdyutiḥ

Meaning open with adhikāra · अर्थ अधिकार से

अरुंधती वसुमती भार्गवी वास्तुदेवता ।
मयूरी वज्रवेताली वज्रहस्ता वरानना ॥ १२४ ॥

aruṃdhatī vasumatī bhārgavī vāstudevatā
mayūrī vajravetālī vajrahastā varānanā

Meaning open with adhikāra · अर्थ अधिकार से

अनघा धरणिर्धीरा धमनी मणिभूषणा ।
राजश्रीरूपसंहिता ब्रह्मश्रीब्रह्मवंदिता ॥ १२५ ॥

anaghā dharaṇirdhīrā dhamanī maṇibhūṣaṇā
rājaśrīrūpasaṃhitā brahmaśrībrahmavaṃditā

Meaning open with adhikāra · अर्थ अधिकार से

जयश्रीर्जयदा ज्ञेया सर्गश्रीः स्वर्गतिः सताम् ।
सुपुष्पा पुष्पनिलया फलश्रीर्निष्कलप्रिया ॥ १२६ ॥

jayaśrīrjayadā jñeyā sargaśrīḥ svargatiḥ satām
supuṣpā puṣpanilayā phalaśrīrniṣkalapriyā

Meaning open with adhikāra · अर्थ अधिकार से

धनुर्लक्ष्मीस्त्वमिलिता परक्रोधनिवारिणी ।
कद्रूर्धेनायुः कपिला सुरसा सुरमोहिनी ॥ १२७ ॥

dhanurlakṣmīstvamilitā parakrodhanivāriṇī
kadrūrdhenāyuḥ kapilā surasā suramohinī

Meaning open with adhikāra · अर्थ अधिकार से

महाश्वेता महानीला महामूर्तिर्विषापहा ।
सुप्रभा ज्वालिनी दीप्तिस्तृप्तिर्व्याप्तिः प्रभाकरी ॥ १२८ ॥

mahāśvetā mahānīlā mahāmūrtirviṣāpahā
suprabhā jvālinī dīptistṛptirvyāptiḥ prabhākarī

Meaning open with adhikāra · अर्थ अधिकार से

तेजोवती पद्मबोधा मदलेखारुणावती ।
रत्ना रत्नावली भूता शतधामा शतापहा ॥ १२९ ॥

tejovatī padmabodhā madalekhāruṇāvatī
ratnā ratnāvalī bhūtā śatadhāmā śatāpahā

Meaning open with adhikāra · अर्थ अधिकार से

त्रिगुणा घोषिणी रक्ष्या नन्दिनी घोषवर्जिता ।
साध्याऽदितिर्दितिर्देवी मृगवाहा मृगांकगा ॥ १३० ॥

triguṇā ghoṣiṇī rakṣyā nandinī ghoṣavarjitā
sādhyā'ditirditirdevī mṛgavāhā mṛgāṃkagā

Meaning open with adhikāra · अर्थ अधिकार से

चित्रनीलोत्पलगता वृषरत्नाकराश्रया ।
हिरण्यरजतद्वन्द्वा शंखभद्रासनस्थिता ॥ १३१ ॥

citranīlotpalagatā vṛṣaratnākarāśrayā
hiraṇyarajatadvandvā śaṃkhabhadrāsanasthitā

Meaning open with adhikāra · अर्थ अधिकार से

गोमूत्रगोमयक्षीरदधिसर्पिर्जलाश्रया ।
मरीचिश्वीरवसाना पूर्णा चन्द्रार्कविष्टरा ॥ १३२ ॥

gomūtragomayakṣīradadhisarpirjalāśrayā
marīciśvīravasānā pūrṇā candrārkaviṣṭarā

Meaning open with adhikāra · अर्थ अधिकार से

सुसूक्ष्मा निर्वृतिस्थूला निवृत्तारातिरेव च ।
मरीचिज्वालिनी धूम्रा हव्यवाहा हिरण्यदा ॥ १३३ ॥

susūkṣmā nirvṛtisthūlā nivṛttārātireva ca
marīcijvālinī dhūmrā havyavāhā hiraṇyadā

Meaning open with adhikāra · अर्थ अधिकार से

दायिनी कालिनी सिद्धिः शोषिणी सम्प्रबोधिनी ।
भास्वरा संहतिस्तीक्ष्णा प्रचण्डज्वलनोज्ज्वला ॥ १३४ ॥

dāyinī kālinī siddhiḥ śoṣiṇī samprabodhinī
bhāsvarā saṃhatistīkṣṇā pracaṇḍajvalanojjvalā

Meaning open with adhikāra · अर्थ अधिकार से

सांगा प्रचण्डा दीप्ता च वैद्युतिः सुमहाद्युतिः ।
कपिला नीररक्ता च सुषुम्ना विस्फुलिङ्गिनी ॥ १३५ ॥

sāṃgā pracaṇḍā dīptā ca vaidyutiḥ sumahādyutiḥ
kapilā nīraraktā ca suṣumnā visphuliṅginī

Meaning open with adhikāra · अर्थ अधिकार से

अर्चिष्मती रिपुहरा दीर्घा धूमावली जरा ।
सम्पूर्णमण्डला पूषा संसिनी सुमनोहरा ॥ १३६ ॥

arciṣmatī ripuharā dīrghā dhūmāvalī jarā
sampūrṇamaṇḍalā pūṣā saṃsinī sumanoharā

Meaning open with adhikāra · अर्थ अधिकार से

जया पुष्टिकरी च्छाया मानसा हृदयोज्ज्वला ।
सुवर्णकारिणी श्रेष्ठा मृतसंजीवनी रणे ॥ १३७ ॥

jayā puṣṭikarī cchāyā mānasā hṛdayojjvalā
suvarṇakāriṇī śreṣṭhā mṛtasaṃjīvanī raṇe

Meaning open with adhikāra · अर्थ अधिकार से

विशल्यकरणी शुभ्रा संधिनी परमौषधिः ।
ब्रह्मिष्ठा ब्रह्मसहिता ऐन्द्रवी रत्नसम्भवा ॥ १३८ ॥

viśalyakaraṇī śubhrā saṃdhinī paramauṣadhiḥ
brahmiṣṭhā brahmasahitā aindravī ratnasambhavā

Meaning open with adhikāra · अर्थ अधिकार से

विद्युत्प्रभा बिन्दुमती त्रिस्वभावगुणाम्बिका ।
नित्योदिता नित्यदृष्टा नित्यकामकरीषिणी ॥ १३९ ॥

vidyutprabhā bindumatī trisvabhāvaguṇāmbikā
nityoditā nityadṛṣṭā nityakāmakarīṣiṇī

Meaning open with adhikāra · अर्थ अधिकार से

पद्मांका वज्रचिह्ना च वक्रदण्डा विभासिनी ।
विदेहपूजिता कन्या माया विजयवाहिनी ॥ १४० ॥

padmāṃkā vajracihnā ca vakradaṇḍā vibhāsinī
videhapūjitā kanyā māyā vijayavāhinī

Meaning open with adhikāra · अर्थ अधिकार से

मानिनी मंगला मान्या मानिनी मानदायिनी ।
विश्वेश्वरी गणवती मण्डला मण्डलेश्वरी ॥ १४१ ॥

māninī maṃgalā mānyā māninī mānadāyinī
viśveśvarī gaṇavatī maṇḍalā maṇḍaleśvarī

Meaning open with adhikāra · अर्थ अधिकार से

हरिप्रिया भौमसुता मनोज्ञा मतिदायिनी ।
प्रत्यंगिरा सोमगुप्ता मनोभिज्ञा वदन्मतिः ॥ १४२ ॥

haripriyā bhaumasutā manojñā matidāyinī
pratyaṃgirā somaguptā manobhijñā vadanmatiḥ

Meaning open with adhikāra · अर्थ अधिकार से

यशोधरा रत्नमाला कृष्णा त्रैलोक्यबंधिनी ।
अमृताधारिणी हर्षा विनता वल्लकी शची ॥ १४३ ॥

yaśodharā ratnamālā kṛṣṇā trailokyabaṃdhinī
amṛtādhāriṇī harṣā vinatā vallakī śacī

Meaning open with adhikāra · अर्थ अधिकार से

संकल्पा भामिनी मिश्रा कादंबर्यमृता प्रभा ।
आगता निर्गता वज्रा सुहिता सहिताक्षता ॥ १४४ ॥

saṃkalpā bhāminī miśrā kādaṃbaryamṛtā prabhā
āgatā nirgatā vajrā suhitā sahitākṣatā

Meaning open with adhikāra · अर्थ अधिकार से

सर्वार्थसाधनकरी धातुर्द्धारणिकामला ।
करुणाधारसम्भूता कमलाक्षी शशिप्रिया ॥ १४५ ॥

sarvārthasādhanakarī dhāturddhāraṇikāmalā
karuṇādhārasambhūtā kamalākṣī śaśipriyā

Meaning open with adhikāra · अर्थ अधिकार से

सौम्यरूपा महादीप्ता महाज्वाला विकासिनी ।
माला कांचनमाला च सद्भुजा कनकप्रभा ॥ १४६ ॥

saumyarūpā mahādīptā mahājvālā vikāsinī
mālā kāṃcanamālā ca sadbhujā kanakaprabhā

Meaning open with adhikāra · अर्थ अधिकार से

प्रक्रियापरमा योक्त्री क्षोभिका च सुखोदया ।
विजृम्भणा च वज्राख्या शृंखला कमलेक्षणा ॥ १४७ ॥

prakriyāparamā yoktrī kṣobhikā ca sukhodayā
vijṛmbhaṇā ca vajrākhyā śṛṃkhalā kamalekṣaṇā

Meaning open with adhikāra · अर्थ अधिकार से

जयंकरी मधुमती हरिता शशिनी शिवा ।
मूलप्रकृतिरीशानी योगमाता मनोजवा ॥ १४८ ॥

jayaṃkarī madhumatī haritā śaśinī śivā
mūlaprakṛtirīśānī yogamātā manojavā

Meaning open with adhikāra · अर्थ अधिकार से

धर्मोदया भानुमती सर्वाभासा सुखावहा ।
धुरंधरा च वाला च धर्मसेव्या तथागता ॥ १४९ ॥

dharmodayā bhānumatī sarvābhāsā sukhāvahā
dhuraṃdharā ca vālā ca dharmasevyā tathāgatā

Meaning open with adhikāra · अर्थ अधिकार से

सुकुमारा सौम्यमुखी सौम्यसंबोधनोत्तमा ।
सुमुखी सर्वतोभद्रा गुह्यशक्तिगुहालया ॥ १५० ॥

sukumārā saumyamukhī saumyasaṃbodhanottamā
sumukhī sarvatobhadrā guhyaśaktiguhālayā

Meaning open with adhikāra · अर्थ अधिकार से

हलायुधा च कावीरा सर्वशास्त्रसुधारिणी ।
व्योमशक्तिर्महादेहा व्योमगा मधुमन्मयी ॥ १५१ ॥

halāyudhā ca kāvīrā sarvaśāstrasudhāriṇī
vyomaśaktirmahādehā vyomagā madhumanmayī

Meaning open with adhikāra · अर्थ अधिकार से

गंगा वितस्ता यमुना चन्द्रभागा सरस्वती ।
तिलोत्तमोर्वशी रम्भा स्वामिनी सुरसुन्दरी ॥ १५२ ॥

gaṃgā vitastā yamunā candrabhāgā sarasvatī
tilottamorvaśī rambhā svāminī surasundarī

Meaning open with adhikāra · अर्थ अधिकार से

वाणप्रहरणा वाला विम्बोष्ठी चारुहासिनी ।
ककुद्मिनी चारुपृष्ठा दृष्टाऽदृष्टफलप्रदा ॥ १५३ ॥

vāṇapraharaṇā vālā vimboṣṭhī cāruhāsinī
kakudminī cārupṛṣṭhā dṛṣṭā'dṛṣṭaphalapradā

Meaning open with adhikāra · अर्थ अधिकार से

काम्याचरी च काम्या च कामाचारविहारिणी ।
हिमशैलेन्द्रसंकाशा गजेन्द्रवरवाहना ॥ १५४ ॥

kāmyācarī ca kāmyā ca kāmācāravihāriṇī
himaśailendrasaṃkāśā gajendravaravāhanā

Meaning open with adhikāra · अर्थ अधिकार से

अशेषसुखसौभाग्यसंपदां योनिरुत्तमा ।
सर्वोत्कृष्टा सर्वमयी सर्वा सर्वेश्वरप्रिया ॥ १५५ ॥

aśeṣasukhasaubhāgyasaṃpadāṃ yoniruttamā
sarvotkṛṣṭā sarvamayī sarvā sarveśvarapriyā

Meaning open with adhikāra · अर्थ अधिकार से

सर्वांगयोनिः साऽव्यक्ता सम्प्रधानेश्वरेश्वरी ।
विष्णुवक्षःस्थलगता किमतः परमुच्यते ॥ १५६ ॥

sarvāṃgayoniḥ sā'vyaktā sampradhāneśvareśvarī
viṣṇuvakṣaḥsthalagatā kimataḥ paramucyate

Meaning open with adhikāra · अर्थ अधिकार से

परा निर्महिमा देवी हरिवक्षःस्थलाश्रया ।
सा देवी पापहंत्री च सांनिध्यं कुरुतान्मम ॥ १५७ ॥

parā nirmahimā devī harivakṣaḥsthalāśrayā
sā devī pāpahaṃtrī ca sāṃnidhyaṃ kurutānmama

Meaning open with adhikāra · अर्थ अधिकार से

इति नाम्नां सहस्रं तु लक्ष्म्याः प्रोक्तं शुभावहम् ।
परावरेण भेदेन मुख्यगौणेन भागतः ॥ १५८ ॥

iti nāmnāṃ sahasraṃ tu lakṣmyāḥ proktaṃ śubhāvaham
parāvareṇa bhedena mukhyagauṇena bhāgataḥ

Meaning open with adhikāra · अर्थ अधिकार से

यश्चैतत्कीर्तयेन्नित्यं शृणुयाद्वापि पद्मज ।
शुचिः समाहितो भूत्वा भक्तिश्रद्धासमन्वितः ॥ १५९ ॥

yaścaitatkīrtayennityaṃ śṛṇuyādvāpi padmaja
śuciḥ samāhito bhūtvā bhaktiśraddhāsamanvitaḥ

Meaning open with adhikāra · अर्थ अधिकार से

श्रीनिवासं समभ्यर्च्य पुष्पधूपानुलेपनैः ।
भोगैश्च मधुपर्कैर्यथाशक्ति जगद्गुरुम् ॥ १६० ॥

śrīnivāsaṃ samabhyarcya puṣpadhūpānulepanaiḥ
bhogaiśca madhupakairyathāśakti jagadgurum

Meaning open with adhikāra · अर्थ अधिकार से

तत्पार्श्वस्थां श्रियं देवीं सम्पूज्य श्रीधरप्रियाम् ।
ततो नामसहस्रेण तोषयेत्परमेश्वरीम् ॥ १६१ ॥

tatpārśvasthāṃ śriyaṃ devīṃ sampūjya śrīdharapriyām
tato nāmasahasreṇa toṣayetparameśvarīm

Meaning open with adhikāra · अर्थ अधिकार से

नानारत्नावलीस्तोत्रमिदं यः सततं पठेत् ।
प्रसादाभिमुखी लक्ष्मीः सर्वं तस्मै प्रयच्छति ॥ १६२ ॥

nānāratnāvalīstotramidaṃ yaḥ satataṃ paṭhet
prasādābhimukhī lakṣmīḥ sarvaṃ tasmai prayacchati

Meaning open with adhikāra · अर्थ अधिकार से

यस्या लक्ष्म्याश्च सम्भूताः शक्तयो विश्वगाः सदा ।
कारणत्वं न तिष्ठंति जगत्यस्मिंश्चराचरे ॥ १६३ ॥

yasyā lakṣmyāśca sambhūtāḥ śaktayo viśvagāḥ sadā
kāraṇatvaṃ na tiṣṭhaṃti jagatyasmiṃścarācare

Meaning open with adhikāra · अर्थ अधिकार से

तस्मात्प्रीता जगन्माता श्रीर्यस्याच्युतवल्लभा ।
सुप्रीताः शक्तयस्तस्य सिद्धिमिष्टां दिशंति हि ॥ १६४ ॥

tasmātprītā jaganmātā śrīryasyācyutavallabhā
suprītāḥ śaktayastasya siddhimiṣṭāṃ diśaṃti hi

Meaning open with adhikāra · अर्थ अधिकार से

एक एव जगत्स्वामी शक्तिमानच्युतः प्रभुः ।
तदंशशक्तिमंतोऽन्ये ब्रह्मेशानादयो यथा ॥ १६५ ॥

eka eva jagatsvāmī śaktimānacyutaḥ prabhuḥ
tadaṃśaśaktimaṃto'nye brahmeśānādayo yathā

Meaning open with adhikāra · अर्थ अधिकार से

तथैवैका परा शक्तिः श्रीस्तस्य करुणाश्रया ।
ज्ञानादिषाड्गुण्यमयी या प्रोक्ता प्रकृतिः परा ॥ १६६ ॥

tathaivaikā parā śaktiḥ śrīstasya karuṇāśrayā
jñānādiṣāḍguṇyamayī yā proktā prakṛtiḥ parā

Meaning open with adhikāra · अर्थ अधिकार से

एकैकशक्तिः श्रीस्तस्या द्वितीयात्मनि वर्त्तते ।
परा परेशी सर्वेशी सर्वाकारा सनातनी ॥ १६७ ॥

ekaikaśaktiḥ śrīstasyā dvitīyātmani varttate
parā pareśī sarveśī sarvākārā sanātanī

Meaning open with adhikāra · अर्थ अधिकार से

अनंतनामधेया च शक्तिचक्रस्य नायिका ।
जगच्चराचरमिदं सर्वं व्याप्य व्यवस्थिता ॥ १६८ ॥

anaṃtanāmadheyā ca śakticakrasya nāyikā
jagaccarācaramidaṃ sarvaṃ vyāpya vyavasthitā

Meaning open with adhikāra · अर्थ अधिकार से

तस्मादेकैव परमा श्रीर्ज्ञेया विश्वरूपिणी ।
सौम्या सौम्येन रूपेण संस्थिता नटजीववत् ॥ १६९ ॥

tasmādekaiva paramā śrīrjñeyā viśvarūpiṇī
saumyā saumyena rūpeṇa saṃsthitā naṭajīvavat

Meaning open with adhikāra · अर्थ अधिकार से

यो यो जगति पुंभावः स विष्णुरिति निश्चयः ।
या या तु नारीभावस्था तत्र लक्ष्मीर्व्यवस्थिता ॥ १७० ॥

yo yo jagati puṃbhāvaḥ sa viṣṇuriti niścayaḥ
yā yā tu nārībhāvasthā tatra lakṣmīrvyavasthitā

Meaning open with adhikāra · अर्थ अधिकार से

प्रकृतेः पुरुषाच्चान्यस्तृतीयो नैव विद्यते ।
अथ किं बहुनोक्तेन नरनारीमयो हरिः ॥ १७१ ॥

prakṛteḥ puruṣāccānyastṛtīyo naiva vidyate
atha kiṃ bahunoktena naranārīmayo hariḥ

Meaning open with adhikāra · अर्थ अधिकार से

अनेकभेदभिन्नस्तु क्रियते परमेश्वरः ।
महाविभूतिं दयितां ये स्तुवंत्यच्युतप्रियाम् ॥ १७२ ॥

anekabhedabhinnastu kriyate parameśvaraḥ
mahāvibhūtiṃ dayitāṃ ye stuvaṃtyacyutapriyām

Meaning open with adhikāra · अर्थ अधिकार से

ते प्राप्नुवंति परमां लक्ष्मीं संशुद्धचेतसः ।
पद्मयोनिरिदं प्राप्य पठंस्तोत्रमिदं क्रमात् ॥ १७३ ॥

te prāpnuvaṃti paramāṃ lakṣmīṃ saṃśuddhacetasaḥ
padmayoniridaṃ prāpya paṭhaṃstotramidaṃ kramāt

दिव्यमष्टगुणैश्वर्यं तत्प्रसादाच्च लब्धवान् ।
सकामानांच फलदामकामानांच मोक्षदाम् ॥ १७४ ॥

divyamaṣṭaguṇaiśvaryaṃ tatprasādācca labdhavān
sakāmānāṃca phaladāmakāmānāṃca mokṣadām

पुस्तकाख्यां भयत्रात्रीं सितवस्त्रां त्रिलोचनाम् ।
महापद्मनिषण्णां तां लक्ष्मीमजरतां नमः ॥ १७५ ॥

pustakākhyāṃ bhayatrātrīṃ sitavastrāṃ trilocanām
mahāpadmaniṣaṇṇāṃ tāṃ lakṣmīmajaratāṃ namaḥ

करयुगलगृहीतं पूर्णकुंभं दधाना क्वचिदमलगतस्था शंखपद्माक्षपाणिः ।
क्वचिदपि दयिताङ्गे चामरव्यग्रहस्ता क्वचिदपि सृणिपाशं विभ्रती हेमकांतिः ॥ १७६ ॥

karayugalagṛhītaṃ pūrṇakuṃbhaṃ dadhānā kvacidamalagatasthā śaṃkhapadmākṣapāṇiḥ
kvacidapi dayitāṃge cāmaravyagrahastā kvacidapi sṛṇipāśaṃ vibhratī hemakāṃtiḥ