Brahmavaivarta Purāṇa, Gaṇapati Khaṇḍa

श्रीलक्ष्मीकवचम्

Lakshmi Kavacham (Brahmavaivarta Purana) — The armour of Padmā, told by Nārāyaṇa to Nārada

A hymn of protection (Kavach) of Lakshmi as Padmā. Nārāyaṇa says it passed from Padmanābha to Brahmā and on through Sanatkumāra and many others, and lists the rulers who became rich and powerful by wearing it. The armour itself places seed-syllables (Bija Mantra) and her many names on the head, eyes, ears, nose, teeth, throat, shoulders, navel, chest, back, hands and feet, and asks her to guard the eight directions, above and below. The last verses say who may be given it.

अथ श्रीलक्ष्मीकवचम्The armour of Lakṣmī

Verse 52

नारायण उवाच — नारायण ने कहा Nārāyaṇa said

शृणु विप्रेन्द्र पद्मायाः कवचं परमं शुभम् ।
पद्मनाभेन यद्दत्तं ब्रह्मणे नाभिपद्मके ॥ ५२ ॥

śṛṇu viprendra padmāyāḥ kavacaṃ paramaṃ śubham
padmanābhena yaddattaṃ brahmaṇe nābhipadmake

Meaning open with adhikāra · अर्थ अधिकार से

Verse 53

सम्प्राप्य कवचं ब्रह्मा तत्पद्मे ससृजे जगत् ।
पद्मालयाप्रसादेन सलक्ष्मीको बभूव सः ॥ ५३ ॥

samprāpya kavacaṃ brahmā tatpadme sasṛje jagat
padmālayāprasādena salakṣmīko babhūva saḥ

Meaning open with adhikāra · अर्थ अधिकार से

Verse 54

पद्मालयावरं प्राप्य पाद्मश्च जगतां प्रभुः ।
पाद्मेन पद्मकल्पे च कवचं परमाद्भुतम् ॥ ५४ ॥

padmālayāvaraṃ prāpya pādmaśca jagatāṃ prabhuḥ
pādmena padmakalpe ca kavacaṃ paramādbhutam

Meaning open with adhikāra · अर्थ अधिकार से

Verse 55

दत्तं सनत्कुमाराय प्रियपुत्राय धीमते ।
कुमारेण च यद्दत्तं पुष्कराय च नारद ॥ ५५ ॥

dattaṃ sanatkumārāya priyaputrāya dhīmate
kumāreṇa ca yaddattaṃ puṣkarāya ca nārada

Meaning open with adhikāra · अर्थ अधिकार से

Verse 56

यद्धृत्वा पाठनाद्ब्रह्मा सर्वसिद्धेश्वरो महान् ।
परमैश्वर्यसंयुक्तः सर्वसम्पत्समन्वितः ॥ ५६ ॥

yaddhṛtvā pāṭhanādbrahmā sarvasiddheśvaro mahān
paramaiśvaryasaṃyuktaḥ sarvasampatsamanvitaḥ

Meaning open with adhikāra · अर्थ अधिकार से

Verse 57

यद्धृत्वा च धनाध्यक्षः कुबेरश्च धनाधिपः ।
स्वायम्भुवो मनुः श्रीमान्पठनाद्धारणाद्यतः ॥ ५७ ॥

yaddhṛtvā ca dhanādhyakṣaḥ kuberaśca dhanādhipaḥ
svāyambhuvo manuḥ śrīmānpaṭhanāddhāraṇādyataḥ

Meaning open with adhikāra · अर्थ अधिकार से

Verse 58

प्रियव्रतोत्तानपादौ लक्ष्मीवन्तौ यतो मुने ।
पृथुः पृथ्वीपतिः सद्यो ह्यभवद्धारणाद्यतः ॥ ५८ ॥

priyavratottānapādau lakṣmīvantau yato mune
pṛthuḥ pṛthvīpatiḥ sadyo hyabhavaddhāraṇādyataḥ

Meaning open with adhikāra · अर्थ अधिकार से

Verse 59

कवचस्य प्रसादेन स्वयं दक्षः प्रजापतिः ।
धर्मश्च कर्मणां साक्षी पाता यस्य प्रसादतः ॥ ५९ ॥

kavacasya prasādena svayaṃ dakṣaḥ prajāpatiḥ
dharmaśca karmaṇāṃ sākṣī pātā yasya prasādataḥ

Meaning open with adhikāra · अर्थ अधिकार से

Verse 60

यद्धृत्वा दक्षिणे बाहौ विष्णुः क्षीरोदशायितः ।
भक्त्या विधत्ते कण्ठे च शेषो नारायणांशकः ॥ ६० ॥

yaddhṛtvā dakṣiṇe bāhau viṣṇuḥ kṣīrodaśāyitaḥ
bhaktyā vidhatte kaṇṭhe ca śeṣo nārāyaṇāṃśakaḥ

Meaning open with adhikāra · अर्थ अधिकार से

Verse 61

यद्धृत्वा वामनं लेभे कश्यपश्च प्रजापतिः ।
सर्वदेवाधिपः श्रीमान्महेन्द्रो धारणाद्यतः ॥ ६१ ॥

yaddhṛtvā vāmanaṃ lebhe kaśyapaśca prajāpatiḥ
sarvadevādhipaḥ śrīmānmahendro dhāraṇādyataḥ

Meaning open with adhikāra · अर्थ अधिकार से

Verse 62

राजा मरुत्तो भगवानभवद्धारणाद्यतः ।
त्रैलोक्याधिपतिः श्रीमान्नहुषो यस्य धारणात् ॥ ६२ ॥

rājā marutto bhagavānabhavaddhāraṇādyataḥ
trailokyādhipatiḥ śrīmānnahuṣo yasya dhāraṇāt

Meaning open with adhikāra · अर्थ अधिकार से

Verse 63

विश्वं विजिग्ये खट्वाङ्गः पठनाद्धारणाद्यतः ।
मुचुकुन्दो यतः श्रीमान्मान्धातृतनयो महान् ॥ ६३ ॥

viśvaṃ vijigye khaṭvāṅgaḥ paṭhanāddhāraṇādyataḥ
mucukundo yataḥ śrīmānmāndhātṛtanayo mahān

Meaning open with adhikāra · अर्थ अधिकार से

Verse 64

सर्वसम्पत्पदस्यास्य कवचस्य प्रजापतिः ।
ऋषिश्छन्दश्च बृहती देवी पद्मालया स्वयम् ॥ ६४ ॥

sarvasampatpadasyāsya kavacasya prajāpatiḥ
ṛṣiśchandaśca bṛhatī devī padmālayā svayam

Meaning open with adhikāra · अर्थ अधिकार से

Verse 65

धर्मार्थकाममोक्षेषु विनियोगः प्रकीर्तितः ।
पुण्यबीजं च महतां कवचं परमाद्भुतम् ॥ ६५ ॥

dharmārthakāmamokṣeṣu viniyogaḥ prakīrtitaḥ
puṇyabījaṃ ca mahatāṃ kavacaṃ paramādbhutam

Meaning open with adhikāra · अर्थ अधिकार से

Verse 66

ॐ ह्रीं कमलवासिन्यै स्वाहा मे पातु मस्तकम् ।
श्रीं मे पातु कपालं च लोचने श्रीं श्रियै नमः ॥ ६६ ॥

oṃ hrīṃ kamalavāsinyai svāhā me pātu mastakam
śrīṃ me pātu kapālaṃ ca locane śrīṃ śriyai namaḥ

Meaning open with adhikāra · अर्थ अधिकार से

Verse 67

ॐ श्रीं श्रियै स्वाहेति च कर्णयुग्मं सदाऽवतु ।
ॐ श्रीं क्लीं महालक्ष्म्यै स्वाहा मे पातु नासिकाम् ॥ ६७ ॥

oṃ śrīṃ śriyai svāheti ca karṇayugmaṃ sadā'vatu
oṃ śrīṃ klīṃ mahālakṣmyai svāhā me pātu nāsikām

Meaning open with adhikāra · अर्थ अधिकार से

Verse 68

ॐ श्रीं पद्मालयायै च स्वाहा दन्तान्सदाऽवतु ।
ॐ श्रीं कृष्णप्रियायै च दन्तरन्ध्रं सदाऽवतु ॥ ६८ ॥

oṃ śrīṃ padmālayāyai ca svāhā dantānsadā'vatu
oṃ śrīṃ kṛṣṇapriyāyai ca dantarandhraṃ sadā'vatu

Meaning open with adhikāra · अर्थ अधिकार से

Verse 69

ॐ श्रीं नारायणेशायै मम कण्ठं सदाऽवतु ।
ॐ श्रीं केशवकान्तायै मम स्कन्धं सदाऽवतु ॥ ६९ ॥

oṃ śrīṃ nārāyaṇeśāyai mama kaṇṭhaṃ sadā'vatu
oṃ śrīṃ keśavakāntāyai mama skandhaṃ sadā'vatu

Meaning open with adhikāra · अर्थ अधिकार से

Verse 70

ॐ श्रीं पद्मनिवासिन्यै स्वाहा नाभिं सदाऽवतु ।
ॐ ह्रीं श्रीं संसारमात्रे मम वक्षः सदाऽवतु ॥ ७० ॥

oṃ śrīṃ padmanivāsinyai svāhā nābhiṃ sadā'vatu
oṃ hrīṃ śrīṃ saṃsāramātre mama vakṣaḥ sadā'vatu

Meaning open with adhikāra · अर्थ अधिकार से

Verse 71

ओं श्रीं मों कृष्णकान्तायै स्वाहा पृष्ठं सदाऽवतु ।
ओं ह्रीं श्रीं श्रियै स्वाहा च मम हस्तौ सदाऽवतु ॥ ७१ ॥

oṃ śrīṃ moṃ kṛṣṇakāntāyai svāhā pṛṣṭhaṃ sadā'vatu
oṃ hrīṃ śrīṃ śriyai svāhā ca mama hastau sadā'vatu

Meaning open with adhikāra · अर्थ अधिकार से

Verse 72

ॐ श्रीनिवासकान्तायै मम पदौ सदाऽवतु ।
ॐ ह्रीं श्रीं क्लीं श्रियै स्वाहा सर्वाङ्गं मे सदाऽवतु ॥ ७२ ॥

oṃ śrīnivāsakāntāyai mama padau sadā'vatu
oṃ hrīṃ śrīṃ klīṃ śriyai svāhā sarvāṅgaṃ me sadā'vatu

Meaning open with adhikāra · अर्थ अधिकार से

Verse 73

प्राच्यां पातु महालक्ष्मीराग्नेय्यां कमलालया ।
पद्मा मां दक्षिणे पातु नैर्ऋत्यां श्रीर्हरिप्रिया ॥ ७३ ॥

prācyāṃ pātu mahālakṣmīrāgneyyāṃ kamalālayā
padmā māṃ dakṣiṇe pātu nairṛtyāṃ śrīrharipriyā

Meaning open with adhikāra · अर्थ अधिकार से

Verse 74

पद्मालया पश्चिमे मां वायव्यां पातु सा स्वयम् ।
उत्तरे कमला पातु चैशान्यां सिन्धुकन्यका ॥ ७४ ॥

padmālayā paścime māṃ vāyavyāṃ pātu sā svayam
uttare kamalā pātu caiśānyāṃ sindhukanyakā

Meaning open with adhikāra · अर्थ अधिकार से

Verse 75

नारायणी च पातूर्ध्वमधो विष्णुप्रियाऽवतु ।
सन्ततं सर्वतः पातु विष्णुप्राणाधिका मम ॥ ७५ ॥

nārāyaṇī ca pātūrdhvamadho viṣṇupriyā'vatu
santataṃ sarvataḥ pātu viṣṇuprāṇādhikā mama

Meaning open with adhikāra · अर्थ अधिकार से

Verse 76

इति ते कथितं वत्स सर्वमन्त्रौघविग्रहम् ।
सर्वैश्वर्यप्रदं नाम कवचं परमाद्भुतम् ॥ ७६ ॥

iti te kathitaṃ vatsa sarvamantraughavigraham
sarvaiśvaryapradaṃ nāma kavacaṃ paramādbhutam

Meaning open with adhikāra · अर्थ अधिकार से

Verse 77

सुवर्णपर्वतं दत्त्वा मेरुतुल्यं द्विजातये ।
यत्फलं लभते धर्मी कवचेन ततोऽधिकम् ॥ ७७ ॥

suvarṇaparvataṃ dattvā merutulyaṃ dvijātaye
yatphalaṃ labhate dharmī kavacena tato'dhikam

Meaning open with adhikāra · अर्थ अधिकार से

Verse 78

गुरुमभ्यर्च्य विधिवत्कवचं धारयेत्तु यः ।
कण्ठे वा दक्षिणे बाहौ स श्रीमान्प्रतिजन्मनि ॥ ७८ ॥

gurumabhyarcya vidhivatkavacaṃ dhārayettu yaḥ
kaṇṭhe vā dakṣiṇe bāhau sa śrīmānpratijanmani

Meaning open with adhikāra · अर्थ अधिकार से

Verse 79

अस्ति लक्ष्मीर्गृहे तस्य निश्चला शतपूरुषम् ।
देवेन्द्रैश्चासुरेन्द्रैश्च सोऽवध्यो निश्चितं भवेत् ॥ ७९ ॥

asti lakṣmīrgṛhe tasya niścalā śatapūruṣam
devendraiścāsurendraiśca so'vadhyo niścitaṃ bhavet

Meaning open with adhikāra · अर्थ अधिकार से

Verse 80

स सर्वपुण्यवान्धीमान्सर्वयज्ञेषु दीक्षितः ।
स स्नातः सर्वतीर्थेषु यस्येदं कवचं गले ॥ ८० ॥

sa sarvapuṇyavāndhīmānsarvayajñeṣu dīkṣitaḥ
sa snātaḥ sarvatīrtheṣu yasyedaṃ kavacaṃ gale

Meaning open with adhikāra · अर्थ अधिकार से

Verse 81

यस्मै कस्मै न दातव्यं लोभमोहभयैरपि ।
गुरुभक्ताय शिष्याय शरण्याय प्रकाशयेत् ॥ ८१ ॥

yasmai kasmai na dātavyaṃ lobhamohabhayairapi
gurubhaktāya śiṣyāya śaraṇyāya prakāśayet

Meaning open with adhikāra · अर्थ अधिकार से

Verse 82

इदं कवचमज्ञात्वा जपेल्लक्ष्मीं जगत्प्रभुम् ।
कोटिसंख्यं प्रजप्तोऽपि न मन्त्रः सिद्धिदायकः ॥ ८२ ॥

idaṃ kavacamajñātvā japellakṣmīṃ jagatprabhum
koṭisaṃkhyaṃ prajapto'pi na mantraḥ siddhidāyakaḥ

Meaning open with adhikāra · अर्थ अधिकार से

इति श्रीब्रह्मवैवर्ते महापुराणे तृतीये गणपतिखण्डे नारदनारायणसम्वादे श्रीलक्ष्मीकवचवर्णनं नामाष्टात्रिंशत्तमोऽध्यायः ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Lakshmi लक्ष्मी The Goddess of wealth and prosperity; for home worship a seated form is preferred, since a standing posture is understood to symbolize the instability of wealth.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras