लक्ष्मी चालीसा

मातु लक्ष्मी करि कृपा करो हृदय में वास ।
मनोकामना सिद्ध करि पुरवहु मेरी आस ॥

mātu lakṣmī kari kṛpā karo hṛdaya meṃ vāsa
manokāmanā siddha kari puravahu merī āsa

सिंधु सुता विष्णुप्रिये नत शिर बारंबार ।
ऋद्धि सिद्धि मंगलप्रदे नत शिर बारंबार ॥

siṃdhu sutā viṣṇupriye nata śira bāraṃbāra
ṛddhi siddhi maṃgalaprade nata śira bāraṃbāra

verse doubtful

यही मोर अरदास हाथ जोड़ विनती करूं ।
सब विधि करौ सुवास जय जननि जगदम्बिका ॥

yahī mora aradāsa hātha joṛa vinatī karūṃ
saba vidhi karau suvāsa jaya janani jagadambikā

सिन्धु सुता मैं सुमिरौं तोही ।
ज्ञान बुद्धि विद्या दो मोही ॥ १ ॥

sindhu sutā maiṃ sumirauṃ tohī
jñāna buddhi vidyā do mohī

तुम समान नहिं कोई उपकारी ।
सब विधि पुरवहु आस हमारी ॥ २ ॥

tuma samāna nahiṃ koī upakārī
saba vidhi puravahu āsa hamārī

जय जय जगत जननि जगदम्बा ।
सबकी तुम ही हो अवलम्बा ॥ ३ ॥

jaya jaya jagata janani jagadambā
sabakī tuma hī ho avalambā

तुम ही हो सब घट घट वासी ।
विनती यही हमारी खासी ॥ ४ ॥

tuma hī ho saba ghaṭa ghaṭa vāsī
vinatī yahī hamārī khāsī

जगजननी जय सिन्धु कुमारी ।
दीनन की तुम हो हितकारी ॥ ५ ॥

jagajananī jaya sindhu kumārī
dīnana kī tuma ho hitakārī

विनवौं नित्य तुमहिं महारानी ।
कृपा करौ जग जननि भवानी ॥ ६ ॥

vinavauṃ nitya tumahiṃ mahārānī
kṛpā karau jaga janani bhavānī

केहि विधि स्तुति करौं तिहारी ।
सुधि लीजै अपराध बिसारी ॥ ७ ॥

kehi vidhi stuti karauṃ tihārī
sudhi lījai aparādha bisārī

कृपा दृष्टि चितववो मम ओरी ।
जगजननी विनती सुन मोरी ॥ ८ ॥

kṛpā dṛṣṭi citavavo mama orī
jagajananī vinatī suna morī

ज्ञान बुद्धि जय सुख की दाता ।
संकट हरो हमारी माता ॥ ९ ॥

jñāna buddhi jaya sukha kī dātā
saṃkaṭa haro hamārī mātā

क्षीरसिन्धु जब विष्णु मथायो ।
चौदह रत्न सिन्धु में पायो ॥ १० ॥

kṣīrasindhu jaba viṣṇu mathāyo
caudaha ratna sindhu meṃ pāyo

चौदह रत्न में तुम सुखरासी ।
सेवा कियो प्रभु बनि दासी ॥ ११ ॥

caudaha ratna meṃ tuma sukharāsī
sevā kiyo prabhu bani dāsī

जब जब जन्म जहां प्रभु लीन्हा ।
रूप बदल तहं सेवा कीन्हा ॥ १२ ॥

jaba jaba janma jahāṃ prabhu līnhā
rūpa badala tahaṃ sevā kīnhā

स्वयं विष्णु जब नर तनु धारा ।
लीन्हेउ अवधपुरी अवतारा ॥ १३ ॥

svayaṃ viṣṇu jaba nara tanu dhārā
līnheu avadhapurī avatārā

तब तुम प्रगट जनकपुर माहीं ।
सेवा कियो हृदय पुलकाहीं ॥ १४ ॥

taba tuma pragaṭa janakapura māhīṃ
sevā kiyo hṛdaya pulakāhīṃ

अपनायो तोहि अन्तर्यामी ।
विश्व विदित त्रिभुवन की स्वामी ॥ १५ ॥

apanāyo tohi antaryāmī
viśva vidita tribhuvana kī svāmī

तुम सम प्रबल शक्ति नहिं आनी ।
कहं लौ महिमा कहौं बखानी ॥ १६ ॥

tuma sama prabala śakti nahiṃ ānī
kahaṃ lau mahimā kahauṃ bakhānī

मन क्रम वचन करै सेवकाई ।
मन इच्छित वाञ्छित फल पाई ॥ १७ ॥

mana krama vacana karai sevakāī
mana icchita vāñchita phala pāī

तजि छल कपट और चतुराई ।
पूजहिं विविध भांति मन लाई ॥ १८ ॥

taji chala kapaṭa aura caturāī
pūjahiṃ vividha bhāṃti mana lāī

और हाल मैं कहौं बुझाई ।
जो यह पाठ करै मन लाई ॥ १९ ॥

aura hāla maiṃ kahauṃ bujhāī
jo yaha pāṭha karai mana lāī

ताको कोई कष्ट न होई ।
मन इच्छित पावै फल सोई ॥ २० ॥

tāko koī kaṣṭa na hoī
mana icchita pāvai phala soī

त्राहि त्राहि जय दुःख निवारिणी ।
त्रिविध ताप भव बन्धन हारिणी ॥ २१ ॥

trāhi trāhi jaya duḥkha nivāriṇī
trividha tāpa bhava bandhana hāriṇī

जो यह चालीसा पढ़ै पढ़ावै ।
ध्यान लगाकर सुनै सुनावै ॥ २२ ॥

jo yaha cālīsā paṛhai paṛhāvai
dhyāna lagākara sunai sunāvai

ताको कोई न रोग सतावै ।
पुत्र आदि धन सम्पत्ति पावै ॥ २३ ॥

tāko koī na roga satāvai
putra ādi dhana sampatti pāvai

पुत्रहीन अरु सम्पत्ति हीना ।
अन्ध बधिर कोढ़ी अति दीना ॥ २४ ॥

putrahīna aru sampatti hīnā
andha badhira koṛhī ati dīnā

विप्र बोलाय कै पाठ करावै ।
शंका दिल में कभी न लावै ॥ २५ ॥

vipra bolāya kai pāṭha karāvai
śaṃkā dila meṃ kabhī na lāvai

पाठ करावै दिन चालीसा ।
ता पर कृपा करैं गौरीसा ॥ २६ ॥

pāṭha karāvai dina cālīsā
tā para kṛpā karaiṃ gaurīsā

सुख सम्पत्ति बहुत सी पावै ।
कमी नहीं काहू की आवै ॥ २७ ॥

sukha sampatti bahuta sī pāvai
kamī nahīṃ kāhū kī āvai

बारह मास करै जो पूजा ।
तेहि सम धन्य और नहिं दूजा ॥ २८ ॥

bāraha māsa karai jo pūjā
tehi sama dhanya aura nahiṃ dūjā

प्रतिदिन पाठ करै मन माहीं ।
उन सम कोइ जग कहुं नाहीं ॥ २९ ॥

pratidina pāṭha karai mana māhīṃ
una sama koi jaga kahuṃ nāhīṃ

बहु विधि क्या मैं करौं बड़ाई ।
लेय परीक्षा ध्यान लगाई ॥ ३० ॥

bahu vidhi kyā maiṃ karauṃ baṛāī
leya parīkṣā dhyāna lagāī

करि विश्वास करै व्रत नेमा ।
होय सिद्ध उपजै उर प्रेमा ॥ ३१ ॥

kari viśvāsa karai vrata nemā
hoya siddha upajai ura premā

जय जय जय लक्ष्मी भवानी ।
सब में व्यापित हो गुण खानी ॥ ३२ ॥

jaya jaya jaya lakṣmī bhavānī
saba meṃ vyāpita ho guṇa khānī

तुम्हरो तेज प्रबल जग माहीं ।
तुम सम कोउ दयालु कहुं नाहिं ॥ ३३ ॥

tumharo teja prabala jaga māhīṃ
tuma sama kou dayālu kahuṃ nāhiṃ

मोहि अनाथ की सुधि अब लीजै ।
संकट काटि भक्ति मोहि दीजै ॥ ३४ ॥

mohi anātha kī sudhi aba lījai
saṃkaṭa kāṭi bhakti mohi dījai

भूल चूक करि क्षमा हमारी ।
दर्शन दीजै दशा निहारी ॥ ३५ ॥

bhūla cūka kari kṣamā hamārī
darśana dījai daśā nihārī

बिन दर्शन व्याकुल अधिकारी ।
तुमहि अछत दुःख सहते भारी ॥ ३६ ॥

bina darśana vyākula adhikārī
tumahi achata duḥkha sahate bhārī

नहिं मोहिं ज्ञान बुद्धि है तन में ।
सब जानत हो अपने मन में ॥ ३७ ॥

nahiṃ mohiṃ jñāna buddhi hai tana meṃ
saba jānata ho apane mana meṃ

रूप चतुर्भुज करके धारण ।
कष्ट मोर अब करहु निवारण ॥ ३८ ॥

rūpa caturbhuja karake dhāraṇa
kaṣṭa mora aba karahu nivāraṇa

केहि प्रकार मैं करौं बड़ाई ।
ज्ञान बुद्धि मोहि नहिं अधिकाई ॥ ३९ ॥

kehi prakāra maiṃ karauṃ baṛāī
jñāna buddhi mohi nahiṃ adhikāī

रामदास अब कहाई पुकारी ।
करो दूर तुम विपति हमारी ॥ ४० ॥

rāmadāsa aba kahāī pukārī
karo dūra tuma vipati hamārī

त्राहि त्राहि दुःख हारिणी हरो बेगि सब त्रास ।
जयति जयति जय लक्ष्मी करो शत्रु को नाश ॥

trāhi trāhi duḥkha hāriṇī haro begi saba trāsa
jayati jayati jaya lakṣmī karo śatru ko nāśa

रामदास धरि ध्यान नित विनय करत कर जोर ।
मातु लक्ष्मी दास पर करहु दया की कोर ॥

rāmadāsa dhari dhyāna nita vinaya karata kara jora
mātu lakṣmī dāsa para karahu dayā kī kora