श्रीलक्ष्मणकवचम्

अगस्त्य उवाच — अगस्त्य ने कहा Agastya said

सौमित्रिं रघुनायकस्य चरणद्वंद्वेक्षणं श्यामलं विभ्रंतं स्वकरेण रामशिरसि च्छत्रं विचित्रांबरम् ॥
विभ्रंतं रघुनायकस्य सुमहत्कोदंडबाणासने तं वंदे कमलेक्षणं जनकजावाक्ये सदा तत्परम् ॥ १ ॥

saumitriṃ raghunāyakasya caraṇadvaṃdvekṣaṇaṃ śyāmalaṃ vibhraṃtaṃ svakareṇa rāmaśirasi cchatraṃ vicitrāṃbaram
vibhraṃtaṃ raghunāyakasya sumahatkodaṃḍabāṇāsane taṃ vaṃde kamalekṣaṇaṃ janakajāvākye sadā tatparam

रामपृष्ठस्थितं रम्यं रत्नकुंडलधारिणम् ॥
नीलोत्पलदलश्यामं रत्नकंकणमंडितम् ॥ १ ॥

rāmapṛṣṭhasthitaṃ ramyaṃ ratnakuṃḍaladhāriṇam
nīlotpaladalaśyāmaṃ ratnakaṃkaṇamaṃḍitam

रामस्य मस्तके दिव्यं विभ्रंतं छत्रमुत्तमम् ॥
वरपीतांबरधरं मुकुटे नातिशोभितम् ॥ २ ॥

rāmasya mastake divyaṃ vibhraṃtaṃ chatramuttamam
varapītāṃbaradharaṃ mukuṭe nātiśobhitam

तूणीरं कार्मुकं चापि विभ्रंतं च स्मिताननम् ॥
रत्नमालाधरं दिव्यं पुष्पमालाविराजितम् ॥ ३ ॥

tūṇīraṃ kārmukaṃ cāpi vibhraṃtaṃ ca smitānanam
ratnamālādharaṃ divyaṃ puṣpamālāvirājitam

एवं ध्यात्वा लक्ष्मणं च राघवन्यस्तलोचनम् ॥
कवचं जपनीयं हि ततो भक्त्यात्र मानवैः ॥ ४ ॥

evaṃ dhyātvā lakṣmaṇaṃ ca rāghavanyastalocanam
kavacaṃ japanīyaṃ hi tato bhaktyātra mānavaiḥ

Meaning open with adhikāra · अर्थ अधिकार से

लक्ष्मणः पातु मे पूर्वे दक्षिणे राघवानुजः ॥
प्रतीच्यां पातु सौमित्रिः पातूदीच्यां रघूत्तमः ॥ ५ ॥

lakṣmaṇaḥ pātu me pūrve dakṣiṇe rāghavānujaḥ
pratīcyāṃ pātu saumitriḥ pātūdīcyāṃ raghūttamaḥ

Meaning open with adhikāra · अर्थ अधिकार से

अधः पातु महावीरश्चोर्ध्वं पातु नृपात्मजः ॥
मध्ये पातु रामदासः सर्वतः सत्यपालकः ॥ ६ ॥

adhaḥ pātu mahāvīraścordhvaṃ pātu nṛpātmajaḥ
madhye pātu rāmadāsaḥ sarvataḥ satyapālakaḥ

Meaning open with adhikāra · अर्थ अधिकार से

स्मिताननः शिरः पातु भालं पातूर्मिलाधवः ॥
भ्रुवोर्मध्ये धनुर्धारी सुमित्रानंदनोऽक्षिणी ॥ ७ ॥

smitānanaḥ śiraḥ pātu bhālaṃ pātūrmilādhavaḥ
bhruvormadhye dhanurdhārī sumitrānaṃdano'kṣiṇī

Meaning open with adhikāra · अर्थ अधिकार से

कपोले राममंत्री च सर्वदा पातु वै मम ॥
कर्णमूले सदा पातु कबंधभुजखण्डनः ॥ ८ ॥

kapole rāmamaṃtrī ca sarvadā pātu vai mama
karṇamūle sadā pātu kabaṃdhabhujakhaṇḍanaḥ

Meaning open with adhikāra · अर्थ अधिकार से

नासाग्रं मे सदा पातु सुमित्रानंदवर्धनः ॥
रामन्यस्तेक्षणः पातु सदा मेऽत्र मुखं भुवि ॥ ९ ॥

nāsāgraṃ me sadā pātu sumitrānaṃdavardhanaḥ
rāmanyastekṣaṇaḥ pātu sadā me'tra mukhaṃ bhuvi

Meaning open with adhikāra · अर्थ अधिकार से

सीतावाक्यकरः पातु मम वाणीं सदाऽत्र हि ॥
सौम्यरूपः पातु जिह्वामनंतः पातु मे द्विजान् ॥ १० ॥

sītāvākyakaraḥ pātu mama vāṇīṃ sadā'tra hi
saumyarūpaḥ pātu jihvāmanaṃtaḥ pātu me dvijān

Meaning open with adhikāra · अर्थ अधिकार से

चिबुकं पातु रक्षोघ्नः कंठं पात्वसुरार्दनः ॥
स्कंधौ पातु जितारातिर्भुजौ पंकजलोचनः ॥ ११ ॥

cibukaṃ pātu rakṣoghnaḥ kaṃṭhaṃ pātvasurārdanaḥ
skaṃdhau pātu jitārātirbhujau paṃkajalocanaḥ

Meaning open with adhikāra · अर्थ अधिकार से

करौ कंकणधारी च नखान् रक्तनखोऽवतु ॥
कुक्षिं पातु विनिद्रो मे वक्षः पातु जितेन्द्रियः ॥ १२ ॥

karau kaṃkaṇadhārī ca nakhān raktanakho'vatu
kukṣiṃ pātu vinidro me vakṣaḥ pātu jitendriyaḥ

Meaning open with adhikāra · अर्थ अधिकार से

पार्श्वे राघवपृष्ठस्थः पृष्ठदेशं मनोरमः ॥
नाभिं गंभीरनाभिस्तु कटिं च रुक्ममेखलः ॥ १३ ॥

pārśve rāghavapṛṣṭhasthaḥ pṛṣṭhadeśaṃ manoramaḥ
nābhiṃ gaṃbhīranābhistu kaṭiṃ ca rukmamekhalaḥ

Meaning open with adhikāra · अर्थ अधिकार से

गुह्यं पातु सहस्रास्यः पातु लिंगं हरिप्रियः ॥
ऊरू पातु विष्णुतुल्यः सुमुखोऽवतु जानुनी ॥ १४ ॥

guhyaṃ pātu sahasrāsyaḥ pātu liṃgaṃ haripriyaḥ
ūrū pātu viṣṇutulyaḥ sumukho'vatu jānunī

Meaning open with adhikāra · अर्थ अधिकार से

नागेन्द्रः पातु मे जंघे गुल्फौ नूपुरवान्मम ॥
पादावंगदतातोऽव्यात्पात्वंगानि सुलोचनः ॥ १५ ॥

nāgendraḥ pātu me jaṃghe gulphau nūpuravānmama
pādāvaṃgadatāto'vyātpātvaṃgāni sulocanaḥ

Meaning open with adhikāra · अर्थ अधिकार से

चित्रकेतुपिता पातु मम पादांगुलीः सदा ॥
रोमाणि मे सदा पातु रविवंशसमुद्भवः ॥ १६ ॥

citraketupitā pātu mama pādāṃgulīḥ sadā
romāṇi me sadā pātu ravivaṃśasamudbhavaḥ

Meaning open with adhikāra · अर्थ अधिकार से

दशरथसुतः पातु निशायां मम सादरम् ॥
भूगोलधारी मां पातु दिवसे दिवसे सदा ॥ १७ ॥

daśarathasutaḥ pātu niśāyāṃ mama sādaram
bhūgoladhārī māṃ pātu divase divase sadā

Meaning open with adhikāra · अर्थ अधिकार से

सर्वकालेषु मामिंद्रजिद्धंताऽवतु सर्वदा ॥
एवं सौमित्रिकवचं सुतीक्ष्ण कथितं मया ॥ १८ ॥

sarvakāleṣu māmiṃdrajiddhaṃtā'vatu sarvadā
evaṃ saumitrikavacaṃ sutīkṣṇa kathitaṃ mayā

Meaning open with adhikāra · अर्थ अधिकार से

इदं प्रातः समुत्थाय ये पठंत्यत्र मानवाः ॥
ते धन्या मानवा लोके तेषां च सफलो भवः ॥ १९ ॥

idaṃ prātaḥ samutthāya ye paṭhaṃtyatra mānavāḥ
te dhanyā mānavā loke teṣāṃ ca saphalo bhavaḥ

Meaning open with adhikāra · अर्थ अधिकार से

सौमित्रेः कवचस्यास्य पठनान्निश्चयेन हि ॥
पुत्रार्थी लभते पुत्रान्धनार्थी धनमाप्नुयात् ॥ २० ॥

saumitreḥ kavacasyāsya paṭhanānniścayena hi
putrārthī labhate putrāndhanārthī dhanamāpnuyāt

Meaning open with adhikāra · अर्थ अधिकार से

पत्नीकामो लभेत्पत्नीं गोधनार्थी तु गोधनम् ॥
धान्यार्थी प्राप्नुयाद्धान्यं राज्यार्थी राज्यमाप्नुयात् ॥ २१ ॥

patnīkāmo labhetpatnīṃ godhanārthī tu godhanam
dhānyārthī prāpnuyāddhānyaṃ rājyārthī rājyamāpnuyāt

पठितं रामकवचं सौमित्रिकवचं विना ॥
घृतेन हीनं नैवेद्यं तेन दत्तं न संशयः ॥ २२ ॥

paṭhitaṃ rāmakavacaṃ saumitrikavacaṃ vinā
ghṛtena hīnaṃ naivedyaṃ tena dattaṃ na saṃśayaḥ

केवलं रामकवचं पठितं मानवैर्यदि ॥
तत्पाठेन तु संतुष्टो न भवेद्रघुनन्दनः ॥ २३ ॥

kevalaṃ rāmakavacaṃ paṭhitaṃ mānavairyadi
tatpāṭhena tu saṃtuṣṭo na bhavedraghunandanaḥ

अतः प्रयत्नतश्चेदं सौमित्रिकवचं नरैः ॥
पठनीयं सर्वदैव सर्ववांछितदायकम् ॥ २४ ॥

ataḥ prayatnataścedaṃ saumitrikavacaṃ naraiḥ
paṭhanīyaṃ sarvadaiva sarvavāṃchitadāyakam