Rudrayāmala, Uttaratantra

कुलकुण्डलीकवचम्

Kulakundali Kavacham (Rudrayamala) — The armour of Kuṇḍalī, also called the Kandavāsinī kavaca

A Kavach is armour made of words. This one is built on the body of the yogi: from the head down to the root, and then up the six wheels, each petal and letter given to a goddess to watch over, until the thousand-petalled lotus at the crown. Then it asks her to guard in the forest, on the mountain, in battle and at the cremation ground. It ends with how to meditate on Kuṇḍalī, what the armour brings, and how to wear it.

Verse 1

आनन्दभैरवी उवाच — आनन्दभैरवी बोलीं Ānandabhairavī spoke

अथ वक्ष्ये महादेव कुण्डलीकवचं शुभम् ।
परमानन्ददं सिद्धं सिद्धवृन्दनिषेवितम् ॥ १ ॥

atha vakṣye mahādeva kuṇḍalīkavacaṃ śubham
paramānandadaṃ siddhaṃ siddhavṛndaniṣevitam

Meaning open with adhikāra · अर्थ अधिकार से

Verse 2

यत्कृत्वा योगिनः सर्वे धर्माधर्मप्रदर्शकाः ।
ज्ञानिनो मानिनो धर्मा विचरन्ति यथामराः ॥ २ ॥

yatkṛtvā yoginaḥ sarve dharmādharmapradarśakāḥ
jñānino mānino dharmā vicaranti yathāmarāḥ

Meaning open with adhikāra · अर्थ अधिकार से

Verse 3

सिद्धयोऽप्यणिमाद्याश्च करस्थाः सर्वदेवताः ।
एतत् कवचपाठेन देवेन्द्रो योगिराड् भवेत् ॥ ३ ॥

siddhayo'pyaṇimādyāśca karasthāḥ sarvadevatāḥ
etat kavacapāṭhena devendro yogirāḍ bhavet

Meaning open with adhikāra · अर्थ अधिकार से

Verse 4

ऋषयो योगिनः सर्वे जटिलाः कुलभैरवाः ।
प्रातःकाले त्रिबारं च मध्याह्ने बारयुग्मकम् ॥ ४ ॥

ṛṣayo yoginaḥ sarve jaṭilāḥ kulabhairavāḥ
prātaḥkāle tribāraṃ ca madhyāhne bārayugmakam

Meaning open with adhikāra · अर्थ अधिकार से

Verse 5

सायाह्ने बारमेकन्तु पठेत् कवचमेव च ।
पठेदेवं महायोगी कुण्डलीदर्शनं भवेत् ॥ ५ ॥

sāyāhne bāramekantu paṭhet kavacameva ca
paṭhedevaṃ mahāyogī kuṇḍalīdarśanaṃ bhavet

Meaning open with adhikāra · अर्थ अधिकार से

कवचम्The armour

Verse 6

ॐ ईश्वरी जगतां धात्री ललिता सुन्दरी परा ।
कुण्डली कुलरूपा च पातु मां कुलचण्डिका ॥ ६ ॥

oṃ īśvarī jagatāṃ dhātrī lalitā sundarī parā
kuṇḍalī kularūpā ca pātu māṃ kulacaṇḍikā

Meaning open with adhikāra · अर्थ अधिकार से

Verse 7

शिरो मे ललिता देवी पातूग्राख्या कपोलकम् ।
ब्रह्ममन्त्रेण पुटिता भ्रूमध्यं पातु मे सदा ॥ ७ ॥

śiro me lalitā devī pātūgrākhyā kapolakam
brahmamantreṇa puṭitā bhrūmadhyaṃ pātu me sadā

Meaning open with adhikāra · अर्थ अधिकार से

ours: ब्रह्ममन्त्रेण; variant ब्रह्मरन्ध्रेण

Verse 8

नेत्रत्रयं महाकाली कालाग्निभक्षिका शिखाम् ।
दन्तावलीं विशालाक्षी ओष्ठमिष्टानुवासिनी ॥ ८ ॥

netratrayaṃ mahākālī kālāgnibhakṣikā śikhām
dantāvalīṃ viśālākṣī oṣṭhamiṣṭānuvāsinī

Meaning open with adhikāra · अर्थ अधिकार से

text uncertain

Verse 9

कामबीजात्मिका विद्या अधरं पातु मे सदा ।
लृयुगस्था गण्डयुग्मं माया विश्वा रसप्रिया ॥ ९ ॥

kāmabījātmikā vidyā adharaṃ pātu me sadā
lṛyugasthā gaṇḍayugmaṃ māyā viśvā rasapriyā

Meaning open with adhikāra · अर्थ अधिकार से

text uncertain

Verse 10

भुवनेशी कर्णयुग्मं चिबुकं क्रोधकालिका ।
कपिला मे गलं पातु सर्वंबीजस्वरूपिणी ॥ १० ॥

bhuvaneśī karṇayugmaṃ cibukaṃ krodhakālikā
kapilā me galaṃ pātu sarvaṃbījasvarūpiṇī

Meaning open with adhikāra · अर्थ अधिकार से

Verse 11

मातृकावर्णपुटिता कुण्डली कण्ठमेव च ।
हृदयं कालपृथ्वी च कङ्काली पातु मे मुखम् ॥ ११ ॥

mātṛkāvarṇapuṭitā kuṇḍalī kaṇṭhameva ca
hṛdayaṃ kālapṛthvī ca kaṅkālī pātu me mukham

Meaning open with adhikāra · अर्थ अधिकार से

ours: कालपृथ्वी; variant कौल

Verse 12

भुजयुग्मं चतुर्वर्गा चण्डदोर्द्दण्डखण्डिनी ।
स्कन्धयुग्मं स्कन्दमाता हालाहलगता मम ॥ १२ ॥

bhujayugmaṃ caturvargā caṇḍadorddaṇḍakhaṇḍinī
skandhayugmaṃ skandamātā hālāhalagatā mama

Meaning open with adhikāra · अर्थ अधिकार से

text uncertain

Verse 13

अङ्गुल्यग्रं कुलानन्दा श्रीविद्या नखमण्डलम् ।
कालिका भुवनेशानी पृष्ठदेशं सदावतु ॥ १३ ॥

aṅgulyagraṃ kulānandā śrīvidyā nakhamaṇḍalam
kālikā bhuvaneśānī pṛṣṭhadeśaṃ sadāvatu

Meaning open with adhikāra · अर्थ अधिकार से

Verse 14

पार्श्वंयुग्मं महावीरा वीरासनधराभया ।
पातु मां कुलदर्भस्था नाभिमुदरमम्बिका ॥ १४ ॥

pārśvaṃyugmaṃ mahāvīrā vīrāsanadharābhayā
pātu māṃ kuladarbhasthā nābhimudaramambikā

Meaning open with adhikāra · अर्थ अधिकार से

text uncertain

Verse 15

कटिदेशं पीठसंस्था महामहिषघातिनी ।
लिङ्गस्थानं महामुद्रा भगं मालामनुप्रिया ॥ १५ ॥

kaṭideśaṃ pīṭhasaṃsthā mahāmahiṣaghātinī
liṅgasthānaṃ mahāmudrā bhagaṃ mālāmanupriyā

Meaning open with adhikāra · अर्थ अधिकार से

text uncertain

Verse 16

भगीरथप्रिया धूम्रा मूलाधारं गणेश्वरी ।
चतुर्दलं कश्यपूज्या दलाग्रं मे वसुन्धरा ॥ १६ ॥

bhagīrathapriyā dhūmrā mūlādhāraṃ gaṇeśvarī
caturdalaṃ kaśyapūjyā dalāgraṃ me vasundharā

Meaning open with adhikāra · अर्थ अधिकार से

text uncertain

Verse 17

शीर्षं राधा रणाख्या च ब्रह्माणी पातु मे मुखम् ।
मेदिनी पातु कमला वाग्देवी पूर्वं दलम् ॥ १७ ॥

śīrṣaṃ rādhā raṇākhyā ca brahmāṇī pātu me mukham
medinī pātu kamalā vāgdevī pūrvaṃ dalam

Meaning open with adhikāra · अर्थ अधिकार से

text uncertain. ours: ब्रह्माणी पातु; variant ब्राह्मणं पातु मे सदा. ours: पूर्वम्; variant सर्वगम्

Verse 18

छेदिनी दक्षिणे पातु पातु चण्डा महातपा ।
चन्द्रघण्टा सदा पातु योगिनी वारुणं दलम् ॥ १८ ॥

chedinī dakṣiṇe pātu pātu caṇḍā mahātapā
candraghaṇṭā sadā pātu yoginī vāruṇaṃ dalam

Meaning open with adhikāra · अर्थ अधिकार से

text uncertain

Verse 19

उत्तरस्थं दलं पातु पृथिवीमिन्द्रपालिता ।
चतुष्कोणं कामविद्या ब्रह्मविद्याब्जकोणकम् ॥ १९ ॥

uttarasthaṃ dalaṃ pātu pṛthivīmindrapālitā
catuṣkoṇaṃ kāmavidyā brahmavidyābjakoṇakam

Meaning open with adhikāra · अर्थ अधिकार से

text uncertain

Verse 20

अष्टशूलं सदा पातु सर्ववाहनवाहना ।
चतुर्भुजा सदा पातु डाकिनी कुलचञ्चला ॥ २० ॥

aṣṭaśūlaṃ sadā pātu sarvavāhanavāhanā
caturbhujā sadā pātu ḍākinī kulacañcalā

Meaning open with adhikāra · अर्थ अधिकार से

text uncertain

Verse 21

मेढ्रस्था मदनाधारा पातु मे चारुपङ्कजम् ।
स्वयम्भूलिङ्गं चार्वाका कोटराक्षी ममासनम् ॥ २१ ॥

meḍhrasthā madanādhārā pātu me cārupaṅkajam
svayambhūliṅgaṃ cārvākā koṭarākṣī mamāsanam

Meaning open with adhikāra · अर्थ अधिकार से

text uncertain

Verse 22

कदम्बवनमापातु कदम्बवनवासिनी ।
वैष्णवी परमा माया पातु मे वैष्णवं पदम् ॥ २२ ॥

kadambavanamāpātu kadambavanavāsinī
vaiṣṇavī paramā māyā pātu me vaiṣṇavaṃ padam

Meaning open with adhikāra · अर्थ अधिकार से

text uncertain

Verse 23

षड्दलं राकिणी पातु राकिणी कामवासिनी ।
कामेश्वरी कामरूपा श्रीकृष्णं पीतवाससम् ॥ २३ ॥

ṣaḍdalaṃ rākiṇī pātu rākiṇī kāmavāsinī
kāmeśvarī kāmarūpā śrīkṛṣṇaṃ pītavāsasam

Meaning open with adhikāra · अर्थ अधिकार से

text uncertain. ours: षड्दलम्; variant षड्वर्गम्

Verse 24

वनमालां वनदुर्गा शंखं मे शङ्खिनी शिवा ।
चक्रं चक्रेश्वरी पातु कमलाक्षी गदां मम ॥ २४ ॥

vanamālāṃ vanadurgā śaṃkhaṃ me śaṅkhinī śivā
cakraṃ cakreśvarī pātu kamalākṣī gadāṃ mama

Meaning open with adhikāra · अर्थ अधिकार से

ours: शङ्खिनी; variant शक्तिक्षणी

Verse 25

पद्मं मे पद्मगन्धा च पद्ममाला मनोहरा ।
रादिलान्ताक्षरं पातु लाकिनी लोकपालिनी ॥ २५ ॥

padmaṃ me padmagandhā ca padmamālā manoharā
rādilāntākṣaraṃ pātu lākinī lokapālinī

Meaning open with adhikāra · अर्थ अधिकार से

text uncertain. ours: रादिलान्ताक्षरम्; variant वादि

Verse 26

षड्दले स्थितदेवांश्च पातु कैलासवासिनी ।
अग्निवर्णा सदा पातु गणं मे परमेश्वरी ॥ २६ ॥

ṣaḍdale sthitadevāṃśca pātu kailāsavāsinī
agnivarṇā sadā pātu gaṇaṃ me parameśvarī

Meaning open with adhikāra · अर्थ अधिकार से

text uncertain. ours: षड्दले स्थितदेवांश्च; variant षड्वर्गस्थितदेवीश्च. ours: गणम्; variant जलम्

Verse 27

मणिपूरं सदा पातु मणिमालाविभूषणा ।
दशपत्रं दशवर्णं डादिफान्तं त्रिविक्रमा ॥ २७ ॥

maṇipūraṃ sadā pātu maṇimālāvibhūṣaṇā
daśapatraṃ daśavarṇaṃ ḍādiphāntaṃ trivikramā

Meaning open with adhikāra · अर्थ अधिकार से

Verse 28

पातु नीला महाकाली भद्रा भीमा सरस्वती ।
अयोध्यावासिनी देवी महापीठनिवासिनी ॥ २८ ॥

pātu nīlā mahākālī bhadrā bhīmā sarasvatī
ayodhyāvāsinī devī mahāpīṭhanivāsinī

Meaning open with adhikāra · अर्थ अधिकार से

text uncertain

Verse 29

वाग्भवाद्या महाविद्या कुण्डली कालकुण्डली ।
दशच्छदगतं पातु रुद्रं रुद्रात्मकं मम ॥ २९ ॥

vāgbhavādyā mahāvidyā kuṇḍalī kālakuṇḍalī
daśacchadagataṃ pātu rudraṃ rudrātmakaṃ mama

Meaning open with adhikāra · अर्थ अधिकार से

text uncertain. ours: दशच्छदगतम्; variant शतम्

Verse 30

सूक्ष्मात् सूक्ष्मतरा पातु सूक्ष्मस्थाननिवासिनी ।
राकिणी लोकजननी पातु कूटाक्षरस्थिता ॥ ३० ॥

sūkṣmāt sūkṣmatarā pātu sūkṣmasthānanivāsinī
rākiṇī lokajananī pātu kūṭākṣarasthitā

Meaning open with adhikāra · अर्थ अधिकार से

text uncertain

Verse 31

तैजसं पातु नियतं रजकी राजपूजिता ।
विजया कुलबीजस्था तवर्गं तिमिरापहा ॥ ३१ ॥

taijasaṃ pātu niyataṃ rajakī rājapūjitā
vijayā kulabījasthā tavargaṃ timirāpahā

Meaning open with adhikāra · अर्थ अधिकार से

text uncertain

Verse 32

मन्त्रात्मिका मणिग्रन्थि भेदिनी पातु सर्वदा ।
गर्भदाता भृगुसुता पातु मां नाभिवासिनी ॥ ३२ ॥

mantrātmikā maṇigranthi bhedinī pātu sarvadā
garbhadātā bhṛgusutā pātu māṃ nābhivāsinī

Meaning open with adhikāra · अर्थ अधिकार से

text uncertain

Verse 33

नन्दिनी पातु सकलं कुण्डली कालकम्पिता ।
हृत्पद्मं पातु कालाख्या धूम्रवर्णा मनोहरा ॥ ३३ ॥

nandinī pātu sakalaṃ kuṇḍalī kālakampitā
hṛtpadmaṃ pātu kālākhyā dhūmravarṇā manoharā

Meaning open with adhikāra · अर्थ अधिकार से

text uncertain

Verse 34

दलद्वादशवर्णं च भास्करी भावसिद्धिदा ।
पातु मे परमा विद्या कवर्गं कामचारिणी ॥ ३४ ॥

daladvādaśavarṇaṃ ca bhāskarī bhāvasiddhidā
pātu me paramā vidyā kavargaṃ kāmacāriṇī

Meaning open with adhikāra · अर्थ अधिकार से

text uncertain

Verse 35

चवर्गं चारुवसना व्याघ्रास्या टंकधारिणी ।
चकारं पातु कृष्णाख्या काकिनीं पातु कालिका ॥ ३५ ॥

cavargaṃ cāruvasanā vyāghrāsyā ṭaṃkadhāriṇī
cakāraṃ pātu kṛṣṇākhyā kākinīṃ pātu kālikā

Meaning open with adhikāra · अर्थ अधिकार से

text uncertain

Verse 36

टकुराज्ञी टकारं मे जीवभावा महोदया ।
ईश्वरी पातु विमला मम हृत्पद्मवासिनी ॥ ३६ ॥

ṭakurājñī ṭakāraṃ me jīvabhāvā mahodayā
īśvarī pātu vimalā mama hṛtpadmavāsinī

Meaning open with adhikāra · अर्थ अधिकार से

text uncertain

Verse 37

कर्णिकां कालसन्दर्भा योगिनी योगमातरम् ।
इन्द्राणी वारुणी पातु कुलमाला कुलान्तरम् ॥ ३७ ॥

karṇikāṃ kālasandarbhā yoginī yogamātaram
indrāṇī vāruṇī pātu kulamālā kulāntaram

Meaning open with adhikāra · अर्थ अधिकार से

text uncertain

Verse 38

तारिणी शक्तिमाता च कण्ठवाक्यं सदावतु ।
विप्रचित्ता महोग्रोग्रा प्रभा दीक्षा घनासना ॥ ३८ ॥

tāriṇī śaktimātā ca kaṇṭhavākyaṃ sadāvatu
vipracittā mahogrogrā prabhā dīkṣā ghanāsanā

Meaning open with adhikāra · अर्थ अधिकार से

text uncertain

Verse 39

वाक्स्तम्भिनी वज्रदेहा वेदेही वृषवाहिनी ।
उन्मत्तानन्दचित्ता च क्षणोशीशा भगान्तरा ॥ ३९ ॥

vākstambhinī vajradehā vedehī vṛṣavāhinī
unmattānandacittā ca kṣaṇośīśā bhagāntarā

Meaning open with adhikāra · अर्थ अधिकार से

text uncertain

Verse 40

मम षोडशपत्राणि पातु मातृतनुस्थिता ।
सुरान् रक्षतु वेदज्ञा सर्वभाषा च कर्णिकाम् ॥ ४० ॥

mama ṣoḍaśapatrāṇi pātu mātṛtanusthitā
surān rakṣatu vedajñā sarvabhāṣā ca karṇikām

Meaning open with adhikāra · अर्थ अधिकार से

text uncertain. ours: मातृतनुस्थिता; variant मातुलसंस्थिता

Verse 41

ईश्वरार्द्धासनगता प्रपायान्मे सदाशिवम् ।
शाकम्भरी महामाया साकिनी पातु सर्वदा ॥ ४१ ॥

īśvarārddhāsanagatā prapāyānme sadāśivam
śākambharī mahāmāyā sākinī pātu sarvadā

Meaning open with adhikāra · अर्थ अधिकार से

text uncertain

Verse 42

भवानी भवमाता च पायाद् भ्रूमध्यपङ्कजम् ।
द्विदलं व्रतकामाख्या अष्टाङ्गसिद्धिदायिनी ॥ ४२ ॥

bhavānī bhavamātā ca pāyād bhrūmadhyapaṅkajam
dvidalaṃ vratakāmākhyā aṣṭāṅgasiddhidāyinī

Meaning open with adhikāra · अर्थ अधिकार से

text uncertain

Verse 43

पातु नासामखिलानन्दा मनोरूपा जगत्प्रिया ।
लकारं लक्षणाक्रान्ता सर्वलक्षणलक्षणा ॥ ४३ ॥

pātu nāsāmakhilānandā manorūpā jagatpriyā
lakāraṃ lakṣaṇākrāntā sarvalakṣaṇalakṣaṇā

Meaning open with adhikāra · अर्थ अधिकार से

text uncertain. ours: नासामखिलानन्दा; variant नासा सुनन्दा

Verse 44

कृष्णाजिनधरा देवी क्षकारं पातु सर्वदा ।
द्विदलस्थं सर्वदेवं सदा पातु वरानना ॥ ४४ ॥

kṛṣṇājinadharā devī kṣakāraṃ pātu sarvadā
dvidalasthaṃ sarvadevaṃ sadā pātu varānanā

Meaning open with adhikāra · अर्थ अधिकार से

Verse 45

बहुरूपा विश्वरूपा हाकिनी पातु संस्थिता ।
हरापरशिवं पातु मानसं पातु पञ्चमी ॥ ४५ ॥

bahurūpā viśvarūpā hākinī pātu saṃsthitā
harāparaśivaṃ pātu mānasaṃ pātu pañcamī

Meaning open with adhikāra · अर्थ अधिकार से

text uncertain

Verse 46

षट्चक्रस्था सदा पातु षट्चक्रकुलवासिनी ।
अकारादिक्षकारान्ता बिन्दुसर्गसमन्विता ॥ ४६ ॥

ṣaṭcakrasthā sadā pātu ṣaṭcakrakulavāsinī
akārādikṣakārāntā bindusargasamanvitā

Meaning open with adhikāra · अर्थ अधिकार से

Verse 47

मातृकार्णा सदा पातु कुण्डली ज्ञानकुण्डली ।
देवकाली गतिप्रेमा पूर्णा गिरितटं शिवा ॥ ४७ ॥

mātṛkārṇā sadā pātu kuṇḍalī jñānakuṇḍalī
devakālī gatipremā pūrṇā giritaṭaṃ śivā

Meaning open with adhikāra · अर्थ अधिकार से

text uncertain

Verse 48

उड्डीयानेश्वरी देवी सकलं पातु सर्वदा ।
कैलासपर्वतं पातु कैलासगिरिवासिनी ॥ ४८ ॥

uḍḍīyāneśvarī devī sakalaṃ pātu sarvadā
kailāsaparvataṃ pātu kailāsagirivāsinī

Meaning open with adhikāra · अर्थ अधिकार से

Verse 49

पातु मे डाकिनीशक्तिर्लाकिनी राकिणी कला ।
साकिनी हाकिनी देवी षट्चक्रादीन् प्रपातु मे ॥ ४९ ॥

pātu me ḍākinīśaktirlākinī rākiṇī kalā
sākinī hākinī devī ṣaṭcakrādīn prapātu me

Meaning open with adhikāra · अर्थ अधिकार से

text uncertain

Verse 50

कैलासाख्यं सदा पातु पञ्चाननतनूद्भवा ।
हिरण्यवर्णा रजनी चन्द्रसूर्याग्निभक्षिणी ॥ ५० ॥

kailāsākhyaṃ sadā pātu pañcānanatanūdbhavā
hiraṇyavarṇā rajanī candrasūryāgnibhakṣiṇī

Meaning open with adhikāra · अर्थ अधिकार से

text uncertain

Verse 51

सहस्रदलपद्मं मे सदा पातु कुलाकुला ।
सहस्रदलपद्मस्था दैवतं पातु खेचरी ॥ ५१ ॥

sahasradalapadmaṃ me sadā pātu kulākulā
sahasradalapadmasthā daivataṃ pātu khecarī

Meaning open with adhikāra · अर्थ अधिकार से

Verse 52

काली तारा षोडशाख्या मातङ्गी पद्मवासिनी ।
शशिकोटिगलद्रूपा पातु मे सकलं तमः ॥ ५२ ॥

kālī tārā ṣoḍaśākhyā mātaṅgī padmavāsinī
śaśikoṭigaladrūpā pātu me sakalaṃ tamaḥ

Meaning open with adhikāra · अर्थ अधिकार से

text uncertain

Verse 53

वने घोरे जले देशे युद्धे वादे श्मशानके ।
सर्वत्र गमने ज्ञाने सदा मां पातु शैलजा ॥ ५३ ॥

vane ghore jale deśe yuddhe vāde śmaśānake
sarvatra gamane jñāne sadā māṃ pātu śailajā

Meaning open with adhikāra · अर्थ अधिकार से

ours: वने; variant रणे. ours: युद्धे वादे श्मशानके; variant युद्धे वा देश शानेके

Verse 54

पर्वते विविधायासे विनाशे पातु कुण्डली ।
पादादिब्रह्मरन्ध्रान्तं सर्वाकाशं सुरेश्वरी ॥ ५४ ॥

parvate vividhāyāse vināśe pātu kuṇḍalī
pādādibrahmarandhrāntaṃ sarvākāśaṃ sureśvarī

Meaning open with adhikāra · अर्थ अधिकार से

Verse 55

सदा पातु सर्वविद्या सर्वज्ञानं सदा मम ।
नवलक्षमहाविद्या दशदिक्षु प्रपातु माम् ॥ ५५ ॥

sadā pātu sarvavidyā sarvajñānaṃ sadā mama
navalakṣamahāvidyā daśadikṣu prapātu mām

Meaning open with adhikāra · अर्थ अधिकार से

text uncertain

फलश्रुतिःThe fruit of reciting

Verse 56

इत्येतत् कवचं देवि कुण्डलिन्याः प्रसिद्धिदम् ।
ये पठन्ति ध्यानयोगे योगमार्गेव्यवस्थिताः ॥ ५६ ॥

ityetat kavacaṃ devi kuṇḍalinyāḥ prasiddhidam
ye paṭhanti dhyānayoge yogamārgevyavasthitāḥ

Meaning open with adhikāra · अर्थ अधिकार से

Verse 57

ते यान्ति मुक्तिपदवीमैहिके नात्र संशयः ।
मूलपद्मे मनोयोगं कृत्वा हृदासनस्थितः ॥ ५७ ॥

te yānti muktipadavīmaihike nātra saṃśayaḥ
mūlapadme manoyogaṃ kṛtvā hṛdāsanasthitaḥ

Meaning open with adhikāra · अर्थ अधिकार से

text uncertain

Verse 58

मन्त्रं ध्यायेत् कुण्डलिनीं मूलपद्मप्रकाशिनीम् ।
धर्योदयां दयारुढामाकाशस्थानवासिनीम् ॥ ५८ ॥

mantraṃ dhyāyet kuṇḍalinīṃ mūlapadmaprakāśinīm
dharyodayāṃ dayāruḍhāmākāśasthānavāsinīm

Meaning open with adhikāra · अर्थ अधिकार से

text uncertain. ours: वासिनीम्; variant वाहिनीम्

Verse 59

अमृतानन्दरसिकां विकलां सुकलां शिताम् ।
अजितां रक्तरहितां विशक्तां रक्तविग्रहाम् ॥ ५९ ॥

amṛtānandarasikāṃ vikalāṃ sukalāṃ śitām
ajitāṃ raktarahitāṃ viśaktāṃ raktavigrahām

Meaning open with adhikāra · अर्थ अधिकार से

text uncertain. ours: अजिताम्; variant असिताम्

Verse 60

रक्तनेत्रां कुलक्षिप्तां ज्ञानाञ्जनजयोज्ज्वलाम् ।
विश्वाकारां मनोरूपां मूले ध्यात्वा प्रपूजयेत् ॥ ६० ॥

raktanetrāṃ kulakṣiptāṃ jñānāñjanajayojjvalām
viśvākārāṃ manorūpāṃ mūle dhyātvā prapūjayet

Meaning open with adhikāra · अर्थ अधिकार से

text uncertain

Verse 61

यो योगी कुरुते एवं स सिद्धो नात्र संशयः ।
रोगी रोगात् प्रमुच्येत बद्धो मुच्येत बन्धनात् ॥ ६१ ॥

yo yogī kurute evaṃ sa siddho nātra saṃśayaḥ
rogī rogāt pramucyeta baddho mucyeta bandhanāt

Meaning open with adhikāra · अर्थ अधिकार से

Verse 62

राज्यं श्रियमवाप्नोति राज्यहीनः पठेद्यदि ।
पुत्रहीनो लभेत् पुत्रं योगहीनो भवेद्वशी ॥ ६२ ॥

rājyaṃ śriyamavāpnoti rājyahīnaḥ paṭhedyadi
putrahīno labhet putraṃ yogahīno bhavedvaśī

Meaning open with adhikāra · अर्थ अधिकार से

Verse 63

कवचं धारयेद्यस्तु शिखायां दक्षिणे भुजे ।
वामा वामकरे धृत्वा सर्वाभीष्टमवाप्नुयात् ॥ ६३ ॥

kavacaṃ dhārayedyastu śikhāyāṃ dakṣiṇe bhuje
vāmā vāmakare dhṛtvā sarvābhīṣṭamavāpnuyāt

Meaning open with adhikāra · अर्थ अधिकार से

ours: शिखायाम्; variant शिखाकाराम्

Verse 64

स्वर्णे रौप्ये तथा ताम्रे स्थापयित्वा प्रपूजयेत् ।
सर्वदेशे सर्वकाले पठित्वा सिद्धिमाप्नुयात् ॥ ६४ ॥

svarṇe raupye tathā tāmre sthāpayitvā prapūjayet
sarvadeśe sarvakāle paṭhitvā siddhimāpnuyāt

Meaning open with adhikāra · अर्थ अधिकार से

Verse 65

स भूयात् कुण्डलीपुत्रो नात्र कार्या विचारणा ॥ ६५ ॥

sa bhūyāt kuṇḍalīputro nātra kāryā vicāraṇā

Meaning open with adhikāra · अर्थ अधिकार से

इति श्रीरुद्रयामले उत्तरतन्त्रे महातन्त्रोद्दीपने सिद्धिविद्याप्रकरणे षट्चक्रप्रकाशे भैरवीभैरवसंवादे कन्दवासिनीकवचं अथवा कुलकुण्डलिनीकवचं सम्पूर्णम् ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras