Kālikā Purāṇa · Chapter 72

कामाख्याकवचम्

Kamakhya Kavacham (Kalika Purana) — The armour of Kāmākhyā, spoken by Hari to the gods

A hymn of protection (Kavach) to Kamakhya that Hari speaks to the gods in the Kālikā Purāṇa. After the lines on its seer, deity and metre, the Goddess is called by many names to guard the head, eyes, ears, face, throat, heart, belly, limbs and every pore; single letters and the setu syllable are set in the inner body; the directions are guarded; and a meditation and a verse of homage close the armour. Its fruit is freedom from fear of illness, flesh-eaters, fire, water, enemies and kings, and release from any bond.

Verse 45

ॐ कामाख्याकवचस्य ऋषिर्बृहस्पतिः स्मृतः ।
देवी कामेश्वरी तस्य अनुष्टुप्छन्द इष्यते ॥ ४५ ॥

oṃ kāmākhyākavacasya ṛṣirbṛhaspatiḥ smṛtaḥ
devī kāmeśvarī tasya anuṣṭupchanda iṣyate

Meaning open with adhikāra · अर्थ अधिकार से

Verse 46

विनियोगः सर्वसिद्धौ तं च शृण्वन्तु देवताः ॥ ४६ ॥

viniyogaḥ sarvasiddhau taṃ ca śṛṇvantu devatāḥ

Meaning open with adhikāra · अर्थ अधिकार से

Printed as one line.

Verse 47

शिरः कामेश्वरी देवी कामाख्या चक्षुषी मम ।
शारदा कर्णयुगलं त्रिपुरावदनं तथा ॥ ४७ ॥

śiraḥ kāmeśvarī devī kāmākhyā cakṣuṣī mama
śāradā karṇayugalaṃ tripurāvadanaṃ tathā

Meaning open with adhikāra · अर्थ अधिकार से

Verse 48

कण्ठे पातु महामाया हृदि कामेश्वरी पुनः ।
कामाख्या जठरे पातु शारदा मां तु नाभितः ॥ ४८ ॥

kaṇṭhe pātu mahāmāyā hṛdi kāmeśvarī punaḥ
kāmākhyā jaṭhare pātu śāradā māṃ tu nābhitaḥ

Meaning open with adhikāra · अर्थ अधिकार से

Verse 49

त्रिपुरा पार्श्वयोः पातु महामाया तु मेहने ।
गुदे कामेश्वरी पातु कामाख्योरुद्वये तु माम् ॥ ४९ ॥

tripurā pārśvayoḥ pātu mahāmāyā tu mehane
gude kāmeśvarī pātu kāmākhyorudvaye tu mām

Meaning open with adhikāra · अर्थ अधिकार से

Verse 50

जानुनोः शारदा पातु त्रिपुरा पातु जङ्घयोः ।
महामाया पादयुगे नित्यं रक्षतु कामदा ॥ ५० ॥

jānunoḥ śāradā pātu tripurā pātu jaṅghayoḥ
mahāmāyā pādayuge nityaṃ rakṣatu kāmadā

Meaning open with adhikāra · अर्थ अधिकार से

Verse 51

केशे कोटेश्वरी पातु नासायां पातु दीर्घिका ।
भैरवी दन्तसङ्घाते मातङ्ग्यवतु चाङ्गयोः ॥ ५१ ॥

keśe koṭeśvarī pātu nāsāyāṃ pātu dīrghikā
bhairavī dantasaṅghāte mātaṅgyavatu cāṅgayoḥ

Meaning open with adhikāra · अर्थ अधिकार से

Verse 52

बाह्वोर्मां ललिता पातु पाण्योस्तु वनवासिनी ।
विन्ध्यवासिन्यङ्गुलिषु श्रीकामा नखकोटिषु ॥ ५२ ॥

bāhvormāṃ lalitā pātu pāṇyostu vanavāsinī
vindhyavāsinyaṅguliṣu śrīkāmā nakhakoṭiṣu

Meaning open with adhikāra · अर्थ अधिकार से

Verse 53

रोमकूपेषु सर्वेषु गुप्तकामा सदावतु ।
पादाङ्गुलिपार्ष्णिभागे पातु मां भुवनेश्वरी ॥ ५३ ॥

romakūpeṣu sarveṣu guptakāmā sadāvatu
pādāṅgulipārṣṇibhāge pātu māṃ bhuvaneśvarī

Meaning open with adhikāra · अर्थ अधिकार से

Verse 54

जिह्वायां पातु मां सेतुः कः कण्ठाभ्यन्तरेऽवतु ।
लः पातु चान्तरे वक्ष इः पातु जठरान्तरे ।
सामीन्दुः पातु मां वस्ताविन्दुबिन्द्वन्तरेऽवतु ॥ ५४ ॥

jihvāyāṃ pātu māṃ setuḥ kaḥ kaṇṭhābhyantare'vatu
laḥ pātu cāntare vakṣa iḥ pātu jaṭharāntare
sāmīnduḥ pātu māṃ vastāvindubindvantare'vatu

Meaning open with adhikāra · अर्थ अधिकार से

Verse 55

तकारस्त्वचि मां पातु रकारोऽस्थिषु सर्वदा ।
अकारः सर्वनाडीषु ईकारः सर्वसन्धिषु ॥ ५५ ॥

takārastvaci māṃ pātu rakāro'sthiṣu sarvadā
akāraḥ sarvanāḍīṣu īkāraḥ sarvasandhiṣu

Meaning open with adhikāra · अर्थ अधिकार से

Verse 56

चन्द्रः स्नायुषु मां पातु बिन्दुमज्जासु सन्ततम् ॥ ५६ ॥

candraḥ snāyuṣu māṃ pātu bindumajjāsu santatam

Meaning open with adhikāra · अर्थ अधिकार से

Printed as one line.

Verse 57

पूर्वस्यां दिशि चाग्नेय्यां दक्षिणे नैर्ऋते तथा ।
वारुणे चैव वायव्यां कौबेरे हरमन्दिरे ॥ ५७ ॥

pūrvasyāṃ diśi cāgneyyāṃ dakṣiṇe nairṛte tathā
vāruṇe caiva vāyavyāṃ kaubere haramandire

Meaning open with adhikāra · अर्थ अधिकार से

Verse 58

अकाराद्यास्तु वैष्णव्या अष्टौ वर्णास्तु मन्त्रगाः ।
पान्तु तिष्ठन्तु सततं समुद्भवविवृद्धये ।
ऊर्ध्वाधः पातु सततं मां तु सेतुद्वयं सदा ॥ ५८ ॥

akārādyāstu vaiṣṇavyā aṣṭau varṇāstu mantragāḥ
pāntu tiṣṭhantu satataṃ samudbhavavivṛddhaye
ūrdhvādhaḥ pātu satataṃ māṃ tu setudvayaṃ sadā

Meaning open with adhikāra · अर्थ अधिकार से

Verse 59

नवाक्षराणि मन्त्रेषु शारदामन्त्रगोचरे ।
नवस्वरं तु मां नित्यं नासादिषु समन्ततः ॥ ५९ ॥

navākṣarāṇi mantreṣu śāradāmantragocare
navasvaraṃ tu māṃ nityaṃ nāsādiṣu samantataḥ

Meaning open with adhikāra · अर्थ अधिकार से

Verse 60

वातपित्तकफेभ्यस्तु त्रिपुरायास्तु त्र्यक्षरम् ॥ ६० ॥

vātapittakaphebhyastu tripurāyāstu tryakṣaram

Meaning open with adhikāra · अर्थ अधिकार से

Printed as one line.

Verse 61

नित्यं रक्षतु भूतेभ्यः पिशाचेभ्यस्तथैव च ।
तत्सेतू सततं पाताम् क्रव्याद्भ्योमान्निवारकौ ॥ ६१ ॥

nityaṃ rakṣatu bhūtebhyaḥ piśācebhyastathaiva ca
tatsetū satataṃ pātām kravyādbhyomānnivārakau

Meaning open with adhikāra · अर्थ अधिकार से

Verse 62

नमः कामेश्वरीं देवीं महामायां जगन्मयीम् ।
या भूत्वा प्रकृतिर्नित्यं तनोति जगदाततम् ॥ ६२ ॥

namaḥ kāmeśvarīṃ devīṃ mahāmāyāṃ jaganmayīm
yā bhūtvā prakṛtirnityaṃ tanoti jagadātatam

Meaning open with adhikāra · अर्थ अधिकार से

Verse 63

कामाख्यामक्षमालाभयवरदकरां सिद्धसूत्रैकहस्तां
श्वेतप्रेतोपरिस्थां मणिकनकयुतां कुङ्कुमापीतवर्णाम् ।
ज्ञानध्यानप्रतिष्ठामतिशयविनयां ब्रह्मशक्रादिवन्द्यां
मग्नौ बिन्द्वन्तमन्त्रप्रियतमविषयां नौमि सिद्ध्यै रतिस्थाम् ॥ ६३ ॥

kāmākhyāmakṣamālābhayavaradakarāṃ siddhasūtraikahastāṃ
śvetapretoparisthāṃ maṇikanakayutāṃ kuṅkumāpītavarṇām
jñānadhyānapratiṣṭhāmatiśayavinayāṃ brahmaśakrādivandyāṃ
magnau bindvantamantrapriyatamaviṣayāṃ naumi siddhyai ratisthām

Meaning open with adhikāra · अर्थ अधिकार से

Verse 64

मध्ये मध्यस्थभागे सततविनमिताभावहावावलीया-
लीलालोकस्य कोष्ठे सकलगुणयुताव्यक्तरूपैकनम्रा ।
विद्याविद्यैकशान्ता शमनशमकरी क्षेमकर्त्री वरास्या
नित्यं पायात् पवित्रप्रणववरकरा कामपूर्वेश्वरी नः ॥ ६४ ॥

madhye madhyasthabhāge satatavinamitābhāvahāvāvalīyā
līlālokasya koṣṭhe sakalaguṇayutāvyaktarūpaikanamrā
vidyāvidyaikaśāntā śamanaśamakarī kṣemakartrī varāsyā
nityaṃ pāyāt pavitrapraṇavavarakarā kāmapūrveśvarī naḥ

Meaning open with adhikāra · अर्थ अधिकार से

Verse 65

इति हरकवचं तनुस्थितं शमयति वै शमनं तथा यदि ।
इह गृहाण यतस्व विमोक्षणे सहित एष विधिः सह चामरैः ॥ ६५ ॥

iti harakavacaṃ tanusthitaṃ śamayati vai śamanaṃ tathā yadi
iha gṛhāṇa yatasva vimokṣaṇe sahita eṣa vidhiḥ saha cāmaraiḥ

Meaning open with adhikāra · अर्थ अधिकार से

Verse 66

इत्ययं कवचं यस्तु कामाख्यायाः पठेद् बुधः ।
सकृत् तं तु महादेवी त्वनुव्रजति नित्यदा ॥ ६६ ॥

ityayaṃ kavacaṃ yastu kāmākhyāyāḥ paṭhed budhaḥ
sakṛt taṃ tu mahādevī tvanuvrajati nityadā

Meaning open with adhikāra · अर्थ अधिकार से

Verse 67

नाधिव्याधिभयं तस्य न क्रव्याद्भ्यो भयं तथा ।
नाग्नितो नापि तोयेभ्यो न रिपुभ्यो न राजतः ॥ ६७ ॥

nādhivyādhibhayaṃ tasya na kravyādbhyo bhayaṃ tathā
nāgnito nāpi toyebhyo na ripubhyo na rājataḥ

Meaning open with adhikāra · अर्थ अधिकार से

Verse 68

दीर्घायुर्बहुभोगी च पुत्रपौत्रसमन्वितः ।
आवर्तयच्छतं देवीं मन्दिरे मोदते परे ॥ ६८ ॥

dīrghāyurbahubhogī ca putrapautrasamanvitaḥ
āvartayacchataṃ devīṃ mandire modate pare

Meaning open with adhikāra · अर्थ अधिकार से

Verse 69

यथा तथा भवेद् बद्धः सङ्ग्रामेऽन्यत्र वा बुधः ।
तत् क्षणादेव मुक्तः स्यात् स्मरणात् कवचस्य तु ॥ ६९ ॥

yathā tathā bhaved baddhaḥ saṅgrāme'nyatra vā budhaḥ
tat kṣaṇādeva muktaḥ syāt smaraṇāt kavacasya tu

Meaning open with adhikāra · अर्थ अधिकार से

इति कालिकापुराणे द्विसप्ततितमाध्यायान्तर्गतं हरिप्रोक्तं कामाख्याकवचं सम्पूर्णम् ।

Terms on this page

Kamakhya कामाख्या The Devi presiding at this Shakti Peeth in Kamarupa; worshipped in aniconic (stone) form rather than an idol.
Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras