कालीस्तवः

प्राग्देहस्थो यदाऽहं तव चरणयुगं नाश्रितो नार्चितोऽहं तेनाद्धा कीर्तिवैर्जठरजदहनैर्बध्यमानो बलिष्ठैः ।
क्षिप्ता जन्मांतरान्नः पुनरिह भविता क्वाश्रयं क्वापि सेवा क्षंतव्यो मेऽपराधः प्रकटितवदने कामरूपे कराले ॥ १ ॥

prāgdehastho yadā'haṃ tava caraṇayugaṃ nāśrito nārcito'haṃ tenāddhā kīrtivairjaṭharajadahanairbadhyamāno baliṣṭhaiḥ |
kṣiptā janmāṃtarānnaḥ punariha bhavitā kvāśrayaṃ kvāpi sevā kṣaṃtavyo me'parādhaḥ prakaṭitavadane kāmarūpe karāle

पंक्ति अंशतः uncertain

बाल्ये बालाभिलापैर्जडितजडमतिर्बाललीलाप्रसक्तो न त्वां जानामि मातः कलिकलुषहराम्भोगमोक्षप्रदात्रीम् ।
नाचारो नैव पूजा न च यजनकथा न स्मृतिर्नैव सेवा क्षंतव्यो मेऽपराधः प्रकटितवदने कामरूपे कराले ॥ २ ॥

bālye bālābhilāpairjaḍitajaḍamatirbālalīlāprasakto na tvāṃ jānāmi mātaḥ kalikaluṣaharāmbhogamokṣapradātrīm |
nācāro naiva pūjā na ca yajanakathā na smṛtirnaiva sevā kṣaṃtavyo me'parādhaḥ prakaṭitavadane kāmarūpe karāle

प्राप्तोऽहं यौवनं चेद्विषधरसदृशैरिंद्रियैर्नष्टगात्रो नष्टप्रज्ञः परस्त्रीधनहरणे सर्वदा साभिलाषः ।
त्वत्पादांभोजयुग्मं क्षणमपि मनसा न स्मृतं तत्कदापि क्षंतव्यो मेऽपराधः प्रकटितवदने कामरूपे कराले ॥ ३ ॥

prāpto'haṃ yauvanaṃ cedviṣadharasadṛśairiṃdriyairnaṣṭagātro naṣṭaprajñaḥ parastrīdhanaharaṇe sarvadā sābhilāṣaḥ |
tvatpādāṃbhojayugmaṃ kṣaṇamapi manasā na smṛtaṃ tatkadāpi kṣaṃtavyo me'parādhaḥ prakaṭitavadane kāmarūpe karāle

प्रौढे भिक्षाभिलाषी सुतदुहितृकलत्रार्थमन्नादिचेष्टः क्व प्राश्ये कुत्र यामीत्यनुदिनमनिशं चिंतया मग्नदेहः ।
नो ते ध्यानं न चास्था न च भजनविधिर्नामसंकीर्तनं वा क्षंतव्यो मेऽपराधः प्रकटितवदने कामरूपे कराले ॥ ४ ॥

prauḍhe bhikṣābhilāṣī sutaduhitṛkalatrārthamannādiceṣṭaḥ kva prāśye kutra yāmītyanudinamaniśaṃ ciṃtayā magnadehaḥ |
no te dhyānaṃ na cāsthā na ca bhajanavidhirnāmasaṃkīrtanaṃ vā kṣaṃtavyo me'parādhaḥ prakaṭitavadane kāmarūpe karāle

वृद्धत्वे बुद्धिहीनः कृशविवशतनुः श्वासकासातिसारैः कर्मानहोऽक्षिहीनः प्रगलितदशनः क्षुत्पिपासाभिभूतः ।
पश्चात्तापेन दग्धो मरणमनुदिनं ध्येयमात्रं न चान्यत् क्षंतव्यो मेऽपराधः प्रकटितवदने कामरूपे कराले ॥ ५ ॥

vṛddhatve buddhihīnaḥ kṛśavivaśatanuḥ śvāsakāsātisāraiḥ karmānaho'kṣihīnaḥ pragalitadaśanaḥ kṣutpipāsābhibhūtaḥ |
paścāttāpena dagdho maraṇamanudinaṃ dhyeyamātraṃ na cānyat kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

कृत्वा स्नानं दिनादौ क्वचिदपि सलिलं नार्पितं नैव पुष्पं ते नैवेद्यादिकं च क्वचिदपि न कृतं नापि भावो न भक्तिः ।
न न्यासो वै न चैव तव गुणकथनं नापि चर्चा कृता ते क्षंतव्यो मेऽपराधः प्रकटितवदने कामरूपे कराले ॥ ६ ॥

kṛtvā snānaṃ dinādau kvacidapi salilaṃ nārpitaṃ naiva puṣpaṃ te naivedyādikaṃ ca kvacidapi na kṛtaṃ nāpi bhāvo na bhaktiḥ |
na nyāso vai na caiva tava guṇakathanaṃ nāpi carcā kṛtā te kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

जानामि त्वां न चाहं भवभयहरणे सर्वसिद्धिप्रदात्रीं नित्यानंदोदयाद्यां त्रितयगुणमयीं नित्यशुद्धोदयाद्याम् ।
मिथ्याकर्माभिलाषैरनुदिनमभितः पीडितो दुःखसंघैः क्षंतव्यो मेऽपराधः प्रकटितवदने कामरूपे कराले ॥ ७ ॥

jānāmi tvāṃ na cāhaṃ bhavabhayaharaṇe sarvasiddhipradātrīṃ nityānaṃdodayādyāṃ tritayaguṇamayīṃ nityaśuddhodayādyām |
mithyākarmābhilāṣairanudinamabhitaḥ pīḍito duḥkhasaṃghaiḥ kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

कालाभ्रश्यामलांगीं विगलितचिकुरां खड्गमुंडाभिरामां त्रासत्राणेष्टदात्रीं कुणपगणशिरोमालिनीं दीर्घनेत्राम् ।
संसारस्यैकसारां भवजननहरां भावितो भावनाभिः क्षंतव्यो मेऽपराधः प्रकटितवदने कामरूपे कराले ॥ ८ ॥

kālābhraśyāmalāṃgīṃ vigalitacikurāṃ khaḍgamuṃḍābhirāmāṃ trāsatrāṇeṣṭadātrīṃ kuṇapagaṇaśiromālinīṃ dīrghanetrām |
saṃsārasyaikasārāṃ bhavajananaharāṃ bhāvito bhāvanābhiḥ kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

ब्रह्मा विष्णुस्तथेशः परिणमति सदा त्वत्पदांभोजयुग्मं भाग्याभावान्न चाहं भवजननि भवत्पादयुग्मं भजामि ।
नित्यं लोभप्रलोभैः कृतविवशमतिः कामुकस्त्वां प्रयाचे क्षंतव्यो मेऽपराधः प्रकटितवदने कामरूपे कराले ॥ ९ ॥

brahmā viṣṇustatheśaḥ pariṇamati sadā tvatpadāṃbhojayugmaṃ bhāgyābhāvānna cāhaṃ bhavajanani bhavatpādayugmaṃ bhajāmi |
nityaṃ lobhapralobhaiḥ kṛtavivaśamatiḥ kāmukastvāṃ prayāce kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

रागद्वेषैः प्रमत्तः कलुषयुततनुः कामनाभोगलुब्धः कार्याकार्याविचारी कुलमतिरहितः कौलसंघैर्विहीनः ।
क्व ध्यानं ते क्व चर्चा कवचमनुजपं नैव किंचित्कृतं हि क्षंतव्यो मेऽपराधः प्रकटितवदने कामरूपे कराले ॥ १० ॥

rāgadveṣaiḥ pramattaḥ kaluṣayutatanuḥ kāmanābhogalubdhaḥ kāryākāryāvicārī kulamatirahitaḥ kaulasaṃghairvihīnaḥ |
kva dhyānaṃ te kva carcā kavacamanujapaṃ naiva kiṃcitkṛtaṃ hi kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

रोगी दुःखी दरिद्रः परवशकृपणः पांशुलः पापचेताः निद्रालस्यप्रसक्तः सुजठरभरणे व्याकुलः कल्पितात्मा ।
किं ते पूजाविधानं त्वयि क्व च नु मतिः क्वानुरागः क्व चास्था क्षंतव्यो मेऽपराधः प्रकटितवदने कामरूपे कराले ॥ ११ ॥

rogī duḥkhī daridraḥ paravaśakṛpaṇaḥ pāṃśulaḥ pāpacetāḥ nidrālasyaprasaktaḥ sujaṭharabharaṇe vyākulaḥ kalpitātmā |
kiṃ te pūjāvidhānaṃ tvayi kva ca nu matiḥ kvānurāgaḥ kva cāsthā kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

मिथ्याव्यामोहरागैः परिवृतमनसः क्लेशसंघान्वितस्य क्षुत्तृड्रोगान्वितस्य स्मरसुविहरिणः पापकर्मप्रवृत्तेः ।
दारिद्र्यस्य क्व धर्मः क्व च जनरुचिः क्व स्थितिः साधुसंघैः क्षंतव्यो मेऽपराधः प्रकटितवदने कामरूपे कराले ॥ १२ ॥

mithyāvyāmoharāgaiḥ parivṛtamanasaḥ kleśasaṃghānvitasya kṣuttṛḍrogānvitasya smarasuvihariṇaḥ pāpakarmapravṛtteḥ |
dāridryasya kva dharmaḥ kva ca janaruciḥ kva sthitiḥ sādhusaṃghaiḥ kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

मातस्तातस्य देहाज्जननिजठरगः संस्थितस्त्वद्वशेन त्वं ह्रींकारविद्या करणगुणमयी कल्पितस्वस्वरूपा ।
त्वं बुद्धिश्चित्तसंस्था त्वमहमिति भवति सर्वमेतत्क्षमस्व क्षंतव्यो मेऽपराधः प्रकटितवदने कामरूपे कराले ॥ १३ ॥

mātastātasya dehājjananijaṭharagaḥ saṃsthitastvadvaśena tvaṃ hrīṃkāravidyā karaṇaguṇamayī kalpitasvasvarūpā |
tvaṃ buddhiścittasaṃsthā tvamahamiti bhavati sarvametatkṣamasva kṣaṃtavyo me'parādhaḥ prakaṭitavadane kāmarūpe karāle

Meaning open with adhikāra · अर्थ अधिकार से

त्वद्वशेन...कल्पितस्वस्वरूपा पंक्ति uncertain

त्वं भूमिस्त्वं जलं च त्वमसि हुतवहस्त्वं जगद्वायुरूपा त्वं चाकाशं मनश्च प्रकृतिरसि महत्पूर्विका पूर्वपूर्वा ।
आत्मा त्वं चासि मातः परमसि भवति त्वं परं नैव किंचित् क्षंतव्यो मेऽपराधः प्रकटितवदने कामरूपे कराले ॥ १४ ॥

tvaṃ bhūmistvaṃ jalaṃ ca tvamasi hutavahastvaṃ jagadvāyurūpā tvaṃ cākāśaṃ manaśca prakṛtirasi mahatpūrvikā pūrvapūrvā |
ātmā tvaṃ cāsi mātaḥ paramasi bhavati tvaṃ paraṃ naiva kiṃcit kṣaṃtavyo me'parādhaḥ prakaṭitavadane kāmarūpe karāle

त्वं काली त्वं च तारा त्वमसि गिरिसुता सुंदरी भैरवी त्वं त्वं दुर्गा छिन्नमस्ता त्वमसि च भुवना त्वं हि लक्ष्मीः शिवा त्वम् ।
धूमा मातंगिनी त्वं त्वमसि च बगला मंगलादिस्तवाख्या क्षंतव्यो मेऽपराधः प्रकटितवदने कामरूपे कराले ॥ १५ ॥

tvaṃ kālī tvaṃ ca tārā tvamasi girisutā suṃdarī bhairavī tvaṃ tvaṃ durgā chinnamastā tvamasi ca bhuvanā tvaṃ hi lakṣmīḥ śivā tvam |
dhūmā mātaṃginī tvaṃ tvamasi ca bagalā maṃgalādistavākhyā kṣaṃtavyo me'parādhaḥ prakaṭitavadane kāmarūpe karāle

स्तोत्रेणानेन देवीं परिणमति जनो यः सदा भक्तियुक्तो दुष्कृत्याद्दुर्गसंघं परितरति शतं विघ्नता नाशमेति ।
नाधिव्याधिः कदाचिद्भवति यदि पुनः सर्वदा सापराधः सर्वं तत्कामरूपे त्रिभुवनजननि क्षामये पुत्रबुद्ध्या ॥ १६ ॥

stotreṇānena devīṃ pariṇamati jano yaḥ sadā bhaktiyukto duṣkṛtyāddurgasaṃghaṃ paritarati śataṃ vighnatā nāśameti |
nādhivyādhiḥ kadācidbhavati yadi punaḥ sarvadā sāparādhaḥ sarvaṃ tatkāmarūpe tribhuvanajanani kṣāmaye putrabuddhyā

ज्ञाता वक्ता कवीशो भवति धनपतिर्दानशीलो दयात्मा निष्पापी निष्कलंकी कुलपतिकुशलः सत्यवाग्धार्मिकश्च ।
नित्यानंदो दयाढ्यः पशुगणविमुखः सत्पथाचारशीलः संसाराब्धिं सुखेन प्रतरति गिरिजापादयुग्मावलम्बात् ॥ १७ ॥

jñātā vaktā kavīśo bhavati dhanapatirdānaśīlo dayātmā niṣpāpī niṣkalaṃkī kulapatikuśalaḥ satyavāgdhārmikaśca |
nityānaṃdo dayāḍhyaḥ paśugaṇavimukhaḥ satpathācāraśīlaḥ saṃsārābdhiṃ sukhena pratarati girijāpādayugmāvalambāt