Mahānirvāṇa Tantra

आद्याकालिकाकवचम्

Kali Kavacham (Mahanirvana Tantra) — The armour called Trailokyavijaya, spoken by Sadāśiva to Pārvatī

After the hundred-name hymn of Ādyā Kali, Śiva gives Pārvatī her kavaca, the armour named Trailokyavijaya. It is short and plain: after the seer, metre and deity, the head, face, heart, throat, eyes, ears, nose, tongue, teeth, arms, back, waist, navel and feet are each given to a name of the Goddess, and whatever place has been missed is left in her care as well.

अथ आद्याकालिकाकवचम्The armour of Ādyā Kālikā

Verse 1

श्रीसदाशिव उवाच — श्रीसदाशिव बोले Śrī Sadāśiva said

कथितं परमं ब्रह्मप्रकृतेः स्तवनं महत् ।
आद्यायाः श्रीकालिकायाः कवचं शृणु साम्प्रतम् ॥ १ ॥

kathitaṃ paramaṃ brahmaprakṛteḥ stavanaṃ mahat
ādyāyāḥ śrīkālikāyāḥ kavacaṃ śṛṇu sāmpratam

Meaning open with adhikāra · अर्थ अधिकार से

Verse 2

त्रैलोक्यविजयस्यास्य कवचस्य ऋषिः शिवः ।
छन्दोऽनुष्टुब्देवता च आद्या काली प्रकीर्तिता ॥ २ ॥

trailokyavijayasyāsya kavacasya ṛṣiḥ śivaḥ
chando'nuṣṭubdevatā ca ādyā kālī prakīrtitā

Meaning open with adhikāra · अर्थ अधिकार से

Verse 3

मायाबीजं बीजमिति रमा शक्तिरुदाहृता ।
क्रीँ कीलकं काम्यसिद्धौ विनियोगः प्रकीर्तितः ॥ ३ ॥

māyābījaṃ bījamiti ramā śaktirudāhṛtā
krīm̐ kīlakaṃ kāmyasiddhau viniyogaḥ prakīrtitaḥ

Meaning open with adhikāra · अर्थ अधिकार से

Verse 4

ह्रीमाया मे शिरः पातु श्रीँ काली वदनं मम ।
हृदयं क्रीँ परा शक्तिः पायात् कण्ठं परात्परा ॥ ४ ॥

hrīmāyā me śiraḥ pātu śrīm̐ kālī vadanaṃ mama
hṛdayaṃ krīm̐ parā śaktiḥ pāyāt kaṇṭhaṃ parātparā

Meaning open with adhikāra · अर्थ अधिकार से

Verse 5

नेत्रे पातु जगद्धात्री कर्णौ रक्षतु शङ्करी ।
घ्राणं पातु महामाया रसनां सर्वमङ्गला ॥ ५ ॥

netre pātu jagaddhātrī karṇau rakṣatu śaṅkarī
ghrāṇaṃ pātu mahāmāyā rasanāṃ sarvamaṅgalā

Meaning open with adhikāra · अर्थ अधिकार से

Verse 6

दन्तान् रक्षतु कौमारी कपोलौ कमलालया ।
ओष्ठाधरौ क्षमा रक्षेत् चिबुकं चारुहासिनी ॥ ६ ॥

dantān rakṣatu kaumārī kapolau kamalālayā
oṣṭhādharau kṣamā rakṣet cibukaṃ cāruhāsinī

Meaning open with adhikāra · अर्थ अधिकार से

Verse 7

ग्रीवां पायात् कुलेशानी ककुत् पातु कृपामयी ।
द्वौ बाहू बाहुदा रक्षेत् करौ कैवल्यदायिनी ॥ ७ ॥

grīvāṃ pāyāt kuleśānī kakut pātu kṛpāmayī
dvau bāhū bāhudā rakṣet karau kaivalyadāyinī

Meaning open with adhikāra · अर्थ अधिकार से

Verse 8

स्कन्धौ कपर्दिनी पातु पृष्ठं त्रैलोक्यतारिणी ।
पार्श्वे पायादपर्णा मे कटिं मे कमठासना ॥ ८ ॥

skandhau kapardinī pātu pṛṣṭhaṃ trailokyatāriṇī
pārśve pāyādaparṇā me kaṭiṃ me kamaṭhāsanā

Meaning open with adhikāra · अर्थ अधिकार से

Verse 9

नाभौ पातु विशालाक्षी प्रजास्थानं प्रभावती ।
ऊरू रक्षतु कल्याणी पादौ मे पातु पार्वती ॥ ९ ॥

nābhau pātu viśālākṣī prajāsthānaṃ prabhāvatī
ūrū rakṣatu kalyāṇī pādau me pātu pārvatī

Meaning open with adhikāra · अर्थ अधिकार से

Verse 10

जयदुर्गाऽवतु प्राणान् सर्वाङ्गं सर्वसिद्धिदा ।
रक्षाहीनन्तु यत् स्थानं वर्जितं कवचेन च ॥ १० ॥

jayadurgā'vatu prāṇān sarvāṅgaṃ sarvasiddhidā
rakṣāhīnantu yat sthānaṃ varjitaṃ kavacena ca

Meaning open with adhikāra · अर्थ अधिकार से

Verse 11

तत् सर्वं मे सदा रक्षेदाद्या काली सनातनी ।
इति ते कथितं दिव्यं त्रैलोक्यविजयाभिधम् ॥ ११ ॥

tat sarvaṃ me sadā rakṣedādyā kālī sanātanī
iti te kathitaṃ divyaṃ trailokyavijayābhidham

Meaning open with adhikāra · अर्थ अधिकार से

फलश्रुतिःThe fruit

Verse 12

कवचं कालिकादेव्या आद्यायाः परमाद्भुतम् ॥ १२ ॥

kavacaṃ kālikādevyā ādyāyāḥ paramādbhutam

Meaning open with adhikāra · अर्थ अधिकार से

Verse 13

पूजाकाले पठेद्यस्तु आद्याधिकृतमानसः ।
सर्वान् कामानवाप्नोति तस्याद्या सुप्रसीदति ।
मन्त्रसिद्धिर्भवेदाशु किङ्कराः क्षुद्रसिद्धयः ॥ १३ ॥

pūjākāle paṭhedyastu ādyādhikṛtamānasaḥ
sarvān kāmānavāpnoti tasyādyā suprasīdati
mantrasiddhirbhavedāśu kiṅkarāḥ kṣudrasiddhayaḥ

Meaning open with adhikāra · अर्थ अधिकार से

Terms on this page

Kalika कालिका The deity Kali; foremost of the Mahavidyas.
Kali काली The fierce Goddess; for home worship the gentle Dakshina Kali form, granting boons and fearlessness, is recommended over her destructive postures.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras