Rudrayāmala, Uttaratantra · Paṭala 76

काकिनीकवचम्

Kakini Kavacham (Rudrayamala) — The armour of Kākinī and Śākinī, with her hundred and eight letters of names

A hymn of protection (Kavach) in which Ānandabhairavī tells Bhairava the armour of Kākinī, the Shakini of the lower wheels. She first gives the names that make up the hundred and eight letters, then names the seer and metre, and sets the Goddess in her many forms to guard the head, eyes, ears, face, throat, heart, navel, waist and root. A Vedic mantra and a meditation follow, and the last verses give the fruit: success, long life, a body of strength, and, for a woman whose children die, freedom from that sorrow. It ends with how to write the armour with saffron and wear it.

Verse 1

आनन्दभैरवी उवाच — आनन्दभैरवी बोलीं Ānandabhairavī spoke

कथयामि महाकाल चात्यन्ताद्भुतसाधनम् ।
कवचं काकिनीदेव्या अष्टोत्तरशताक्षरम् ॥ १ ॥

kathayāmi mahākāla cātyantādbhutasādhanam
kavacaṃ kākinīdevyā aṣṭottaraśatākṣaram

Meaning open with adhikāra · अर्थ अधिकार से

Verse 2

यस्य गेहे करे शीर्षे कण्ठे च चित्तमध्यके ।
भुजमध्ये च कट्यां वा धारयित्वा महीतले ॥ २ ॥

yasya gehe kare śīrṣe kaṇṭhe ca cittamadhyake
bhujamadhye ca kaṭyāṃ vā dhārayitvā mahītale

Meaning open with adhikāra · अर्थ अधिकार से

Verse 3

किं न सिद्धिं करोत्येव साधको योगिनीपतिः ।
योगसिद्धिः क्रियासिद्धिः शिवासिद्धिस्तथा परा ॥ ३ ॥

kiṃ na siddhiṃ karotyeva sādhako yoginīpatiḥ
yogasiddhiḥ kriyāsiddhiḥ śivāsiddhistathā parā

Meaning open with adhikāra · अर्थ अधिकार से

Verse 4

महासिद्धिः खेचरी च सुषुम्नासिद्धिरेव च ।
फलसिद्धिः कालसिद्धिः क्रियासिद्धिः शिवाम्बिका ॥ ४ ॥

mahāsiddhiḥ khecarī ca suṣumnāsiddhireva ca
phalasiddhiḥ kālasiddhiḥ kriyāsiddhiḥ śivāmbikā

Meaning open with adhikāra · अर्थ अधिकार से

Verse 5

जङ्घासिद्धिः परासिद्धिः खड्गसिद्धिः सुसूक्ष्मगा ।
अणिमाद्यष्टसिद्धिश्च करे तस्य स्थिरा भवेत् ॥ ५ ॥

jaṅghāsiddhiḥ parāsiddhiḥ khaḍgasiddhiḥ susūkṣmagā
aṇimādyaṣṭasiddhiśca kare tasya sthirā bhavet

Meaning open with adhikāra · अर्थ अधिकार से

Verse 6

कवचं काकिनीदेव्याः सर्वसिद्धिप्रदायकम् ।
अकाले वा सुकाले वा पठनाद् धर्मसञ्चयम् ॥ ६ ॥

kavacaṃ kākinīdevyāḥ sarvasiddhipradāyakam
akāle vā sukāle vā paṭhanād dharmasañcayam

Meaning open with adhikāra · अर्थ अधिकार से

Verse 7

जयो धर्मसञ्चयेन जयो यत्र शिवस्ततः ।
यत्र शिवा तत्र शिवः कवचात्मा द्वयं प्रियौ ॥ ७ ॥

jayo dharmasañcayena jayo yatra śivastataḥ
yatra śivā tatra śivaḥ kavacātmā dvayaṃ priyau

Meaning open with adhikāra · अर्थ अधिकार से

Verse 8

कर्तारौ तौ सदा तारौ पार्वतीपरमेश्वरौ ।
कार्यकारणसन्धारौ उभौ तत्र पराट्परौ ॥ ८ ॥

kartārau tau sadā tārau pārvatīparameśvarau
kāryakāraṇasandhārau ubhau tatra parāṭparau

Meaning open with adhikāra · अर्थ अधिकार से

Verse 9

कवचात्मकमूर्त्तौ च स्थातारौ प्रभवात्मकौ ।
तस्य नामाक्षरं वक्ष्ये शृणुष्व भैरवेश्वर ॥ ९ ॥

kavacātmakamūrttau ca sthātārau prabhavātmakau
tasya nāmākṣaraṃ vakṣye śṛṇuṣva bhairaveśvara

Meaning open with adhikāra · अर्थ अधिकार से

Verse 10

भैरवी भीमरूपा च विरूपा रूपवर्जिता ।
सूक्ष्मातिसूक्ष्मरूपा च स्वप्रकाशा च शाकिनी ॥ १० ॥

bhairavī bhīmarūpā ca virūpā rūpavarjitā
sūkṣmātisūkṣmarūpā ca svaprakāśā ca śākinī

Meaning open with adhikāra · अर्थ अधिकार से

Verse 11

चपला चञ्चला भीमा चन्द्रदेवी परापरा ।
कमलाक्षी देवमाता खड्गकपालधारिणी ॥ ११ ॥

capalā cañcalā bhīmā candradevī parāparā
kamalākṣī devamātā khaḍgakapāladhāriṇī

Meaning open with adhikāra · अर्थ अधिकार से

Verse 12

गुर्वी गौरी घनच्छाया ॐकाराद्या चारुप्रिया ।
छाया जया चाञ्जना च ओङ्कारात्मा कलावती ॥ १२ ॥

gurvī gaurī ghanacchāyā oṃkārādyā cārupriyā
chāyā jayā cāñjanā ca oṅkārātmā kalāvatī

Meaning open with adhikāra · अर्थ अधिकार से

Verse 13

टङ्कारिणी डाकिनी च टक्कादेवी रणप्रिया ।
तारिणी स्थूलपुष्टा च दयाधर्मप्रिया नुतिः ॥ १३ ॥

ṭaṅkāriṇī ḍākinī ca ṭakkādevī raṇapriyā
tāriṇī sthūlapuṣṭā ca dayādharmapriyā nutiḥ

Meaning open with adhikāra · अर्थ अधिकार से

Verse 14

परमा बुद्धिशक्तिश्च फलदा फाल्गुनी कला ।
वसुधारा वासुकी च भद्रकाली भवाभवा ॥ १४ ॥

paramā buddhiśaktiśca phaladā phālgunī kalā
vasudhārā vāsukī ca bhadrakālī bhavābhavā

Meaning open with adhikāra · अर्थ अधिकार से

Verse 15

मनसा मोहिनी माता यशोदा याज्ञिका यशा ।
रूपेश्वरी रणप्राणा लक्ष्मीर्लक्षणशोभिता ॥ १५ ॥

manasā mohinī mātā yaśodā yājñikā yaśā
rūpeśvarī raṇaprāṇā lakṣmīrlakṣaṇaśobhitā

Meaning open with adhikāra · अर्थ अधिकार से

Verse 16

वसुप्रिया वसुरता बालरक्षा शशिप्रभा ।
षडक्षरी शारदा च हरिद्रा हारमालिनी ॥ १६ ॥

vasupriyā vasuratā bālarakṣā śaśiprabhā
ṣaḍakṣarī śāradā ca haridrā hāramālinī

Meaning open with adhikāra · अर्थ अधिकार से

Verse 17

लावण्यनिरता लङ्का क्षयरोगविनाशिनी ।
क्षेत्रपाला च क्षेत्री च क्षत्रिया क्षेमदा क्षमा ॥ १७ ॥

lāvaṇyaniratā laṅkā kṣayarogavināśinī
kṣetrapālā ca kṣetrī ca kṣatriyā kṣemadā kṣamā

Meaning open with adhikāra · अर्थ अधिकार से

Verse 18

क्षुन्निवृत्तिकरी क्षुब्धा क्षालनाख्या क्षराक्षरा ।
अनन्ताख्या उमा दुर्गा ऋषभा ईश्वरप्रिया ॥ १८ ॥

kṣunnivṛttikarī kṣubdhā kṣālanākhyā kṣarākṣarā
anantākhyā umā durgā ṛṣabhā īśvarapriyā

Meaning open with adhikāra · अर्थ अधिकार से

Verse 19

लुकारबीजकूटस्था लूकारदीर्घजीविका ।
एरण्डरणचामुण्डा ऐन्द्री डट्टप्रियान्तरा ॥ १९ ॥

lukārabījakūṭasthā lūkāradīrghajīvikā
eraṇḍaraṇacāmuṇḍā aindrī ḍaṭṭapriyāntarā

Meaning open with adhikāra · अर्थ अधिकार से

Verse 20

तुनुतुण्डा ओषधी च उत्तमाधममध्यमा ।
औद्वेषिणी औषधस्था अट्टहासात्मसङ्गता ॥ २० ॥

tunutuṇḍā oṣadhī ca uttamādhamamadhyamā
audveṣiṇī auṣadhasthā aṭṭahāsātmasaṅgatā

Meaning open with adhikāra · अर्थ अधिकार से

Verse 21

अर्थदा अष्टहस्ता च अर्कंकोटिमयूखगा ।
अर्धनारीश्वरा अर्च्चा अर्बुदास्त्रधरा समा ॥ २१ ॥

arthadā aṣṭahastā ca arkaṃkoṭimayūkhagā
ardhanārīśvarā arccā arbudāstradharā samā

Meaning open with adhikāra · अर्थ अधिकार से

Verse 22

अष्टैश्वर्यप्रदा अर्घा अम्भस्था चाप्यरुन्धती ।
अर्पणाख्या अर्कमुनी अर्पणा अस्खलस्थिता ॥ २२ ॥

aṣṭaiśvaryapradā arghā ambhasthā cāpyarundhatī
arpaṇākhyā arkamunī arpaṇā askhalasthitā

Meaning open with adhikāra · अर्थ अधिकार से

Verse 23

अर्चनाढ्या अर्चनास्था अराती अरुणाधरा ।
अष्टोत्तराख्यममृतं पठित्वा कवचं पठेत् ॥ २३ ॥

arcanāḍhyā arcanāsthā arātī aruṇādharā
aṣṭottarākhyamamṛtaṃ paṭhitvā kavacaṃ paṭhet

Meaning open with adhikāra · अर्थ अधिकार से

Verse 24

तदा फलसमृद्धिः स्यादायुरारोग्यसाधनम् ।
शाकिनीकवचस्यास्य सदाशिव ऋषिः स्मृतः ॥ २४ ॥

tadā phalasamṛddhiḥ syādāyurārogyasādhanam
śākinīkavacasyāsya sadāśiva ṛṣiḥ smṛtaḥ

Meaning open with adhikāra · अर्थ अधिकार से

Verse 25

गायत्रीच्छन्द एवापि शाकिनी देहदेवता ।
ॐ श्रीं क्लीं मे शिरः पातु ब्लूँ ह्लूँ मे ललाटकम् ॥ २५ ॥

gāyatrīcchanda evāpi śākinī dehadevatā
oṃ śrīṃ klīṃ me śiraḥ pātu blūm̐ hlūm̐ me lalāṭakam

Meaning open with adhikāra · अर्थ अधिकार से

Verse 26

चक्षुषी खेचरी पातु कर्णौ मे शिवशाकिनी ।
गण्डयुग्मं सदा पातु देवशाकम्भरी रमा ॥ २६ ॥

cakṣuṣī khecarī pātu karṇau me śivaśākinī
gaṇḍayugmaṃ sadā pātu devaśākambharī ramā

Meaning open with adhikāra · अर्थ अधिकार से

Verse 27

स्वाहा पातु युग्मनासां ओष्ठाधरं शिरोऽवतु ।
ड्रीं ह्रीं श्रीं मे दन्तपङ्क्ति जिह्वाग्रं देहदेवता ॥ २७ ॥

svāhā pātu yugmanāsāṃ oṣṭhādharaṃ śiro'vatu
ḍrīṃ hrīṃ śrīṃ me dantapaṅkti jihvāgraṃ dehadevatā

Meaning open with adhikāra · अर्थ अधिकार से

Verse 28

चिबुकं कमला देवी वाग्दात्री मे कपालकम् ।
वदनं कालिका पातु शब्दबीजात्मिका गलम् ॥ २८ ॥

cibukaṃ kamalā devī vāgdātrī me kapālakam
vadanaṃ kālikā pātu śabdabījātmikā galam

Meaning open with adhikāra · अर्थ अधिकार से

Verse 29

कण्ठदेवी शाकिनी च पातु मे कण्ठपङ्कजम् ।
सुरादेवी सदा पातु हृत्पद्मं कामरूपिणी ॥ २९ ॥

kaṇṭhadevī śākinī ca pātu me kaṇṭhapaṅkajam
surādevī sadā pātu hṛtpadmaṃ kāmarūpiṇī

Meaning open with adhikāra · अर्थ अधिकार से

Verse 30

कलावती कामकामा काममाला विशुद्धकम् ।
सदाशिवपथं पातु लक्ष्मीर्मे नाभिपङ्कजम् ॥ ३० ॥

kalāvatī kāmakāmā kāmamālā viśuddhakam
sadāśivapathaṃ pātu lakṣmīrme nābhipaṅkajam

Meaning open with adhikāra · अर्थ अधिकार से

Verse 31

उल्कामुखी सदा पातु देवमाता षडक्षरम् ।
सदा पातु विष्णुपद्मं राकिणी पातु मे दलम् ॥ ३१ ॥

ulkāmukhī sadā pātu devamātā ṣaḍakṣaram
sadā pātu viṣṇupadmaṃ rākiṇī pātu me dalam

Meaning open with adhikāra · अर्थ अधिकार से

Verse 32

कटिदेशं सदा पातु भोगदा ज्ञानमोक्षदा ।
मूलाधारं सदा पातु काकिनी परमेश्वरी ॥ ३२ ॥

kaṭideśaṃ sadā pātu bhogadā jñānamokṣadā
mūlādhāraṃ sadā pātu kākinī parameśvarī

Meaning open with adhikāra · अर्थ अधिकार से

Verse 33

एकरूपा सदा पातु लिङ्गाधारं विरूपिणी ।
मार्कण्डपूजिता देवी मृकुण्डा मूलवासिनी ॥ ३३ ॥

ekarūpā sadā pātu liṅgādhāraṃ virūpiṇī
mārkaṇḍapūjitā devī mṛkuṇḍā mūlavāsinī

Meaning open with adhikāra · अर्थ अधिकार से

Verse 34

सदा मे पातु देवेशि अभया चारुदेशकम् ।
दर्शनाख्या महादेवी लिङ्गाधारं पदान्तरम् ॥ ३४ ॥

sadā me pātu deveśi abhayā cārudeśakam
darśanākhyā mahādevī liṅgādhāraṃ padāntaram

Meaning open with adhikāra · अर्थ अधिकार से

text uncertain

Verse 35

पातु देवी हिरण्याक्षी सर्वाङ्गं सर्वदेवता ।
विधात्री सूक्ष्मरूपस्था स्थूलाङ्गी च कृशोदरी ॥ ३५ ॥

pātu devī hiraṇyākṣī sarvāṅgaṃ sarvadevatā
vidhātrī sūkṣmarūpasthā sthūlāṅgī ca kṛśodarī

Meaning open with adhikāra · अर्थ अधिकार से

Verse 36

सर्वत्र सर्वदा पातु देवी शाकम्भरी मम ।
हृत्कालिका सदा पातु सर्वाङ्गं सर्वदेशके ॥ ३६ ॥

sarvatra sarvadā pātu devī śākambharī mama
hṛtkālikā sadā pātu sarvāṅgaṃ sarvadeśake

Meaning open with adhikāra · अर्थ अधिकार से

Verse 37

इति ते कथितं नाथ कवचं देवदुर्लभम् ।
पठित्वा सिद्धिमाप्नोति राजत्वं लभते नरः ॥ ३७ ॥

iti te kathitaṃ nātha kavacaṃ devadurlabham
paṭhitvā siddhimāpnoti rājatvaṃ labhate naraḥ

Meaning open with adhikāra · अर्थ अधिकार से

Verse 38

अकस्मात् सूर्यतुल्यः स्यात् कामजेता स्वयं भवेत् ।
धारणाद् देहवृद्धिः स्यादायुरारोग्यसम्पदम् ॥ ३८ ॥

akasmāt sūryatulyaḥ syāt kāmajetā svayaṃ bhavet
dhāraṇād dehavṛddhiḥ syādāyurārogyasampadam

Meaning open with adhikāra · अर्थ अधिकार से

Verse 39

वायुसिद्धिकरं साक्षादमृतानन्दविग्रहम् ।
अग्निस्तम्भं जलस्तम्भं वायुस्तम्भं करोति हि ॥ ३९ ॥

vāyusiddhikaraṃ sākṣādamṛtānandavigraham
agnistambhaṃ jalastambhaṃ vāyustambhaṃ karoti hi

Meaning open with adhikāra · अर्थ अधिकार से

Verse 40

खेचरो योगजेता स्यादाशाक्षयकरो भवेत् ।
ततः पठेत् काममन्त्रं तदन्ते ध्यानमाचरेत् ॥ ४० ॥

khecaro yogajetā syādāśākṣayakaro bhavet
tataḥ paṭhet kāmamantraṃ tadante dhyānamācaret

Meaning open with adhikāra · अर्थ अधिकार से

Verse 41

ॐ श्रीश्च ते लक्ष्मीश्च पत्न्यावहोरात्रे पार्श्वे नक्षत्राणि रूपमश्विनौ व्यात्तम् । इष्णन्निषाणामुम्म इषाण सर्वलोकम्म इषाण ॥ ४१ ॥

oṃ śrīśca te lakṣmīśca patnyāvahorātre pārśve nakṣatrāṇi rūpamaśvinau vyāttam iṣṇanniṣāṇāmumma iṣāṇa sarvalokamma iṣāṇa

Meaning open with adhikāra · अर्थ अधिकार से

text uncertain

Verse 42

जपित्वा काममन्त्रं हि सर्वकामफलं लभेत् ।
ततो ध्यात्वा च कवचं ध्यायेद्यः शाकिनीशिवम् ॥ ४२ ॥

japitvā kāmamantraṃ hi sarvakāmaphalaṃ labhet
tato dhyātvā ca kavacaṃ dhyāyedyaḥ śākinīśivam

Meaning open with adhikāra · अर्थ अधिकार से

text uncertain

Verse 43

स वेदपारमायाति शाकिनीध्यानयोगतः ॥ ४३ ॥

sa vedapāramāyāti śākinīdhyānayogataḥ

Meaning open with adhikāra · अर्थ अधिकार से

Verse 44

प्राणाख्यां शुक्लपद्मे निरवधिनिलयां शाकिनीं पीतवस्त्रां
सूक्ष्मां भूषातिरुद्रोद्भवतनुचपलां चञ्चलां सिद्धिलोलाम् ।
हस्तैः पद्मैश्चतुर्भिः सुनयनकमलैर्भासमानां शिवाढ्यां
पद्माभीतिप्रचण्डासिचयसहितां शाकमातां भजामि ॥ ४४ ॥

prāṇākhyāṃ śuklapadme niravadhinilayāṃ śākinīṃ pītavastrāṃ
sūkṣmāṃ bhūṣātirudrodbhavatanucapalāṃ cañcalāṃ siddhilolām
hastaiḥ padmaiścaturbhiḥ sunayanakamalairbhāsamānāṃ śivāḍhyāṃ
padmābhītipracaṇḍāsicayasahitāṃ śākamātāṃ bhajāmi

Meaning open with adhikāra · अर्थ अधिकार से

text uncertain

Verse 45

ध्यात्वा योगी श्मशाने गिरिवरकुहरे डाकिनीदेशमध्ये
शून्ये गर्ते वने वा गगनगृहतले शून्यगेहे सुप्रवासे ।
ज्ञानात्मा यो वशी वा पठति च सततं शाकिनीदेहयोगं
गङ्गायां स्वीयगर्भे कवचमभयदं सर्वदं याति सिद्धिम् ॥ ४५ ॥

dhyātvā yogī śmaśāne girivarakuhare ḍākinīdeśamadhye
śūnye garte vane vā gaganagṛhatale śūnyagehe supravāse
jñānātmā yo vaśī vā paṭhati ca satataṃ śākinīdehayogaṃ
gaṅgāyāṃ svīyagarbhe kavacamabhayadaṃ sarvadaṃ yāti siddhim

Meaning open with adhikāra · अर्थ अधिकार से

text uncertain

Verse 46

कवचं कारणेदेवीं पूजयित्वा यथाविधि ।
अकस्मात् कायसिद्धिः स्यादष्टैश्वर्यसमन्वितः ॥ ४६ ॥

kavacaṃ kāraṇedevīṃ pūjayitvā yathāvidhi
akasmāt kāyasiddhiḥ syādaṣṭaiśvaryasamanvitaḥ

Meaning open with adhikāra · अर्थ अधिकार से

text uncertain

Verse 47

मोक्षमाप्नोति भावेन सुखं तस्य पदे पदे ।
म्रियन्तु बालका यस्याः काकवन्ध्या च या भवेत् ॥ ४७ ॥

mokṣamāpnoti bhāvena sukhaṃ tasya pade pade
mriyantu bālakā yasyāḥ kākavandhyā ca yā bhavet

Meaning open with adhikāra · अर्थ अधिकार से

text uncertain

Verse 48

धारयित्वा त्विमां विद्यामेतैर्दोषैर्न लिप्यते ।
कण्ठे यो धारयेदेतां समरे काण्डधारिणीम् ॥ ४८ ॥

dhārayitvā tvimāṃ vidyāmetairdoṣairna lipyate
kaṇṭhe yo dhārayedetāṃ samare kāṇḍadhāriṇīm

Meaning open with adhikāra · अर्थ अधिकार से

text uncertain

Verse 49

अक्षयत्वमवाप्नोति जीवमात्रः सदाशिवः ।
गोरोचनाकुङ्कुमेन कालागुरुहरिद्रया ॥ ४९ ॥

akṣayatvamavāpnoti jīvamātraḥ sadāśivaḥ
gorocanākuṅkumena kālāguruharidrayā

Meaning open with adhikāra · अर्थ अधिकार से

Verse 50

लाक्षारसैर्लेखयित्वा धारयित्वाऽमृतं लभेत् ॥ ५० ॥

lākṣārasairlekhayitvā dhārayitvā'mṛtaṃ labhet

Meaning open with adhikāra · अर्थ अधिकार से

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणे षट्चक्रप्रकाशे भैरवभैरवीसंवादे शाकिनीकवचं नाम षट्सप्ततितमः पटलः ॥ ७६ ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Yogini योगिनी A class of female Tantric deities/attendants, often grouped in a set of sixty-four (Chausath Yogini).
Shakini शाकिनी A class of fierce Tantric female spirit-beings, often invoked or guarded against in advanced practice.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras