Nārada Pañcarātra, Jñānāmṛtasāra

श्रीजगन्मङ्गलकवचम्

Jaganmangala Kavacham (Narada Pancharatra) — The kavaca of Kṛṣṇa that Brahmā tells to Sanatkumāra

A short protective hymn (Kavach) of Krishna that Brahmā tells to Sanatkumāra. He says Kṛṣṇa himself gave it to him, and that it passed from Brahmā to Dharma, to the sage Nārāyaṇa and then to Subhadra. Each name of Kṛṣṇa guards one place: the head, the eyes, the limbs and the ten directions. Whoever reads it at the time of worship gains service to Hari and a high place in Goloka.

श्रीजगन्मङ्गलकवचम्The Jaganmaṅgala kavaca

Verse 1

सनत्कुमार उवाच — सनत्कुमार ने कहा Sanatkumāra said

ब्रूहि मे कवचं ब्रह्मन् जगन्मङ्गलमङ्गलम् ।
पूज्यं पुण्यस्वरूपं च कृष्णस्य परमात्मनः ॥ १ ॥

brūhi me kavacaṃ brahman jaganmaṅgalamaṅgalam
pūjyaṃ puṇyasvarūpaṃ ca kṛṣṇasya paramātmanaḥ

Meaning open with adhikāra · अर्थ अधिकार से

Verse 2

ब्रह्मोवाच — ब्रह्मा ने कहा Brahmā said

शृणु वक्ष्यामि विप्रेन्द्र कवचं परमाद्भुतम् ।
श्रीकृष्णेनैव कथितं मह्यं च कृपया पुरा ॥ २ ॥

śṛṇu vakṣyāmi viprendra kavacaṃ paramādbhutam
śrīkṛṣṇenaiva kathitaṃ mahyaṃ ca kṛpayā purā

Meaning open with adhikāra · अर्थ अधिकार से

Verse 3

मया दत्तं च धर्माय तेन नारायणर्षये ।
ऋषिणा तेन तद्दत्तं सुभद्राय महात्मने ॥ ३ ॥

mayā dattaṃ ca dharmāya tena nārāyaṇarṣaye
ṛṣiṇā tena taddattaṃ subhadrāya mahātmane

Meaning open with adhikāra · अर्थ अधिकार से

Verse 4

अतिगुह्यतमं शुद्धं परं स्नेहाद्वदाम्यहम् ।
यद्धृत्वा पठनात्सिद्धाः सिद्ध्यादि प्राप्नुवन्ति च ॥ ४ ॥

atiguhyatamaṃ śuddhaṃ paraṃ snehādvadāmyaham
yaddhṛtvā paṭhanātsiddhāḥ siddhyādi prāpnuvanti ca

Meaning open with adhikāra · अर्थ अधिकार से

Verse 5

एवमिन्द्रादयः सर्वे सर्वैश्वर्यमवाप्नुयुः ।
ऋषिश्छन्दश्च सावित्री देवो नारायणः स्वयम् ॥ ५ ॥

evamindrādayaḥ sarve sarvaiśvaryamavāpnuyuḥ
ṛṣiśchandaśca sāvitrī devo nārāyaṇaḥ svayam

Meaning open with adhikāra · अर्थ अधिकार से

कवचम्The kavaca

Verse 6

धर्मार्थकाममोक्षेषु विनियोगः प्रकीर्तितः ।
ओं राधेशो मे शिरः पातु कण्ठं राधेश्वरः स्वयम् ॥ ६ ॥

dharmārthakāmamokṣeṣu viniyogaḥ prakīrtitaḥ
oṃ rādheśo me śiraḥ pātu kaṇṭhaṃ rādheśvaraḥ svayam

Meaning open with adhikāra · अर्थ अधिकार से

Verse 7

गोपीशश्चक्षुषी पातु तालुं च भगवान्स्वयम् ।
गण्डयुग्मं च गोविन्दः कर्णयुग्मं च केशवः ॥ ७ ॥

gopīśaścakṣuṣī pātu tāluṃ ca bhagavānsvayam
gaṇḍayugmaṃ ca govindaḥ karṇayugmaṃ ca keśavaḥ

Meaning open with adhikāra · अर्थ अधिकार से

Verse 8

गलं गदाधरः पातु स्कन्धं कृष्णः स्वयम्प्रभुः ।
वक्षःस्थलं वासुदेवश्चोदरं चापि सोऽच्युतः ॥ ८ ॥

galaṃ gadādharaḥ pātu skandhaṃ kṛṣṇaḥ svayamprabhuḥ
vakṣaḥsthalaṃ vāsudevaścodaraṃ cāpi so'cyutaḥ

Meaning open with adhikāra · अर्थ अधिकार से

Verse 9

नाभिं पातु पद्मनाभः कङ्कालं कंससूदनः ।
पुरुषोत्तमः पातु पृष्ठं नित्यानन्दो नितम्बकम् ॥ ९ ॥

nābhiṃ pātu padmanābhaḥ kaṅkālaṃ kaṃsasūdanaḥ
puruṣottamaḥ pātu pṛṣṭhaṃ nityānando nitambakam

Meaning open with adhikāra · अर्थ अधिकार से

Verse 10

पुण्डरीकः पादयुग्मं हस्तयुग्मं हरिः स्वयम् ।
नासां च नखरं पातु नरसिंहः स्वयम्प्रभुः ॥ १० ॥

puṇḍarīkaḥ pādayugmaṃ hastayugmaṃ hariḥ svayam
nāsāṃ ca nakharaṃ pātu narasiṃhaḥ svayamprabhuḥ

Meaning open with adhikāra · अर्थ अधिकार से

Verse 11

सर्वेश्वरश्च सर्वाङ्गं सततं मधुसूदनः ।
प्राच्यां पातु च रामश्च वह्नौ वंशीधरः स्वयम् ॥ ११ ॥

sarveśvaraśca sarvāṅgaṃ satataṃ madhusūdanaḥ
prācyāṃ pātu ca rāmaśca vahnau vaṃśīdharaḥ svayam

Meaning open with adhikāra · अर्थ अधिकार से

Verse 12

पातु दामोदरो दक्षे नैरृत्ये च नरोत्तमः ।
पश्चिमे पुण्डरीकाक्षो वायव्यां वामनः स्वयम् ॥ १२ ॥

pātu dāmodaro dakṣe nairṛtye ca narottamaḥ
paścime puṇḍarīkākṣo vāyavyāṃ vāmanaḥ svayam

Meaning open with adhikāra · अर्थ अधिकार से

Verse 13

अनन्तश्चोत्तरे पातु ऐशान्यामीश्वरः स्वयम् ।
जले स्थले चान्तरिक्षे स्वप्ने जागरणे तथा ॥ १३ ॥

anantaścottare pātu aiśānyāmīśvaraḥ svayam
jale sthale cāntarikṣe svapne jāgaraṇe tathā

Meaning open with adhikāra · अर्थ अधिकार से

Verse 14

पातु वृन्दावनेशश्च मां भक्तं शरणागतम् ।
इति ते कथितं वत्स कवचं परमाद्भुतम् ॥ १४ ॥

pātu vṛndāvaneśaśca māṃ bhaktaṃ śaraṇāgatam
iti te kathitaṃ vatsa kavacaṃ paramādbhutam

Meaning open with adhikāra · अर्थ अधिकार से

फलश्रुतिःThe fruit of reciting

Verse 15

सुखदं मोक्षदं सारं सर्वसिद्धिप्रदं सताम् ।
इदं कवचमिष्टं च पूजाकाले च यः पठेत् ॥ १५ ॥

sukhadaṃ mokṣadaṃ sāraṃ sarvasiddhipradaṃ satām
idaṃ kavacamiṣṭaṃ ca pūjākāle ca yaḥ paṭhet

Meaning open with adhikāra · अर्थ अधिकार से

Verse 16

हरिदास्यमवाप्नोति गोलोके वासमुत्तमम् ।
इहैव हरिभक्तिं च जीवन्मुक्तो भवेन्नरः ॥ १६ ॥

haridāsyamavāpnoti goloke vāsamuttamam
ihaiva haribhaktiṃ ca jīvanmukto bhavennaraḥ

Meaning open with adhikāra · अर्थ अधिकार से

इति श्रीनारदपञ्चरात्रे ज्ञानामृतसारे प्रथमैकरात्रे ब्रह्मनारदसंवादे जगन्मङ्गलकवचं समाप्तम् ।

Terms on this page

Narada नारद A celestial sage and recurring listener/questioner figure across Puranic literature.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras