Nārada (Bṛhannāradīya) Purāṇa · Pūrva Bhāga, adhyāya 78

श्रीहनुमत्कवचम्

Hanuman Kavacham (Narada Purana) — The armour of Hanumān, as Sanatkumāra tells it to Nārada

A Kavach of Hanuman from the Nārada Purāṇa. The sage Sanatkumāra tells Nārada how he once visited Rāma and was given this armour. It asks the son of the wind, under name after name, to guard the quarters and each part of the body, in every place and every danger. Then each verse bows to him for what he did: crossing the sea, ending Sītā's grief, burning Laṅkā, building the bridge. The last verses say how to keep it, write it and wear it.

Verse 1

सनत्कुमार उवाच — सनत्कुमार ने कहा Sanatkumāra said

कार्तवीर्यस्य कवचं कथितं ते मुनीश्वर ।
मोहविध्वंसनं जैत्रं मारुतेः कवचं शृणु ॥ १ ॥

kārtavīryasya kavacaṃ kathitaṃ te munīśvara
mohavidhvaṃsanaṃ jaitraṃ māruteḥ kavacaṃ śṛṇu

Meaning open with adhikāra · अर्थ अधिकार से

Verse 2

यस्य संधारणात्सद्यः सर्वे नश्यन्त्युपद्रवाः ।
भूतप्रेतारिजं दुःखं नाशमेति न संशयः ॥ २ ॥

yasya saṃdhāraṇātsadyaḥ sarve naśyantyupadravāḥ
bhūtapretārijaṃ duḥkhaṃ nāśameti na saṃśayaḥ

Meaning open with adhikāra · अर्थ अधिकार से

Verse 3

एकदाहं गतो द्रष्टुं रामं रमयतां वरम् ।
आनन्दवनिकासंस्थं ध्यायन्तं स्वात्मनः पदम् ॥ ३ ॥

ekadāhaṃ gato draṣṭuṃ rāmaṃ ramayatāṃ varam
ānandavanikāsaṃsthaṃ dhyāyantaṃ svātmanaḥ padam

Meaning open with adhikāra · अर्थ अधिकार से

Verse 4

तत्र रामं रमानाथं पूजितं त्रिदशेश्वरैः ।
नमस्कृत्य तदादिष्टमासनं स्थितवान् पुरः ॥ ४ ॥

tatra rāmaṃ ramānāthaṃ pūjitaṃ tridaśeśvaraiḥ
namaskṛtya tadādiṣṭamāsanaṃ sthitavān puraḥ

Meaning open with adhikāra · अर्थ अधिकार से

Verse 5

तत्र सर्वं मया वृत्तं रावणस्य वधान्तकम् ।
पृष्टं प्रोवाच राजेन्द्रः श्रीरामः स्वयमादरात् ॥ ५ ॥

tatra sarvaṃ mayā vṛttaṃ rāvaṇasya vadhāntakam
pṛṣṭaṃ provāca rājendraḥ śrīrāmaḥ svayamādarāt

Meaning open with adhikāra · अर्थ अधिकार से

Verse 6

ततः कथान्ते भगवान्मारुतेः कवचं ददौ ।
मह्यं तत्ते प्रवक्ष्यामि न प्रकाश्यं हि कुत्रचित् ॥ ६ ॥

tataḥ kathānte bhagavānmāruteḥ kavacaṃ dadau
mahyaṃ tatte pravakṣyāmi na prakāśyaṃ hi kutracit

Meaning open with adhikāra · अर्थ अधिकार से

Verse 7

भविष्यदेतन्निर्दिष्टं बालभावेन नारद ।
श्रीरामेणाञ्जनासूनोर्भुक्तिमुक्तिप्रदायकम् ॥ ७ ॥

bhaviṣyadetannirdiṣṭaṃ bālabhāvena nārada
śrīrāmeṇāñjanāsūnorbhuktimuktipradāyakam

Meaning open with adhikāra · अर्थ अधिकार से

अथ कवचम्The armour

Verse 8

हनुमान् पूर्वतः पातु दक्षिणे पवनात्मजः ।
पातु प्रतीच्यामक्षघ्नः सौम्ये सागरतारकः ॥ ८ ॥

hanumān pūrvataḥ pātu dakṣiṇe pavanātmajaḥ
pātu pratīcyāmakṣaghnaḥ saumye sāgaratārakaḥ

Meaning open with adhikāra · अर्थ अधिकार से

Verse 9

ऊर्ध्वं पातु कपिश्रेष्ठः केसरिप्रियनन्दनः ।
अधस्ताद्विष्णुभक्तस्तु पातु मध्ये च पावनिः ॥ ९ ॥

ūrdhvaṃ pātu kapiśreṣṭhaḥ kesaripriyanandanaḥ
adhastādviṣṇubhaktastu pātu madhye ca pāvaniḥ

Meaning open with adhikāra · अर्थ अधिकार से

Verse 10

लङ्काविदाहकः पातु सर्वापद्भ्यो निरन्तरम् ।
सुग्रीवसचिवः पातु मस्तकं वायुनन्दनः ॥ १० ॥

laṅkāvidāhakaḥ pātu sarvāpadbhyo nirantaram
sugrīvasacivaḥ pātu mastakaṃ vāyunandanaḥ

Meaning open with adhikāra · अर्थ अधिकार से

Verse 11

भालं पातु महावीरो भ्रुवोर्मध्ये निरन्तरम् ।
नेत्रे छायापहारी च पातु नः प्लवगेश्वरः ॥ ११ ॥

bhālaṃ pātu mahāvīro bhruvormadhye nirantaram
netre chāyāpahārī ca pātu naḥ plavageśvaraḥ

Meaning open with adhikāra · अर्थ अधिकार से

Verse 12

कपोलौ कर्णमूले च पातु श्रीरामकिङ्करः ।
नासाग्रमञ्जनासूनुः पातु वक्त्रं हरीश्वरः ॥ १२ ॥

kapolau karṇamūle ca pātu śrīrāmakiṅkaraḥ
nāsāgramañjanāsūnuḥ pātu vaktraṃ harīśvaraḥ

Meaning open with adhikāra · अर्थ अधिकार से

Verse 13

पातु कण्ठे तु दैत्यारिः स्कन्धौ पातु सुरारिजित् ।
भुजौ पातु महातेजाः करौ च चरणायुधः ॥ १३ ॥

pātu kaṇṭhe tu daityāriḥ skandhau pātu surārijit
bhujau pātu mahātejāḥ karau ca caraṇāyudhaḥ

Meaning open with adhikāra · अर्थ अधिकार से

Verse 14

नखान्नखायुधः पातु कुक्षौ पातु कपीश्वरः ।
वक्षो मुद्रापहारी च पातु पार्श्वे भुजायुधः ॥ १४ ॥

nakhānnakhāyudhaḥ pātu kukṣau pātu kapīśvaraḥ
vakṣo mudrāpahārī ca pātu pārśve bhujāyudhaḥ

Meaning open with adhikāra · अर्थ अधिकार से

Verse 15

लङ्कानिभञ्जनः पातु पृष्ठदेशे निरन्तरम् ।
नाभिं श्रीरामभक्तस्तु कटिं पात्वनिलात्मजः ॥ १५ ॥

laṅkānibhañjanaḥ pātu pṛṣṭhadeśe nirantaram
nābhiṃ śrīrāmabhaktastu kaṭiṃ pātvanilātmajaḥ

Meaning open with adhikāra · अर्थ अधिकार से

Verse 16

गुह्यं पातु महाप्राज्ञः सक्थिनी अतिथिप्रियः ।
ऊरू च जानुनी पातु लङ्काप्रासादभञ्जनः ॥ १६ ॥

guhyaṃ pātu mahāprājñaḥ sakthinī atithipriyaḥ
ūrū ca jānunī pātu laṅkāprāsādabhañjanaḥ

Meaning open with adhikāra · अर्थ अधिकार से

Verse 17

जङ्घे पातु कपिश्रेष्ठो गुल्फौ पातु महाबलः ।
अचलोद्धारकः पातु पादौ भास्करसन्निभः ॥ १७ ॥

jaṅghe pātu kapiśreṣṭho gulphau pātu mahābalaḥ
acaloddhārakaḥ pātu pādau bhāskarasannibhaḥ

Meaning open with adhikāra · अर्थ अधिकार से

Verse 18

अङ्गानि पातु सत्त्वाढ्यः पातु पादाङ्गुलीः सदा ।
मुखाङ्गानि महाशूरः पातु रोमाणि चात्मवान् ॥ १८ ॥

aṅgāni pātu sattvāḍhyaḥ pātu pādāṅgulīḥ sadā
mukhāṅgāni mahāśūraḥ pātu romāṇi cātmavān

Meaning open with adhikāra · अर्थ अधिकार से

Verse 19

दिवारात्रौ त्रिलोकेषु सदागतिसुतो ऽवतु ।
स्थितं व्रजन्तमासीनं पिबन्तं जक्षतं कपिः ॥ १९ ॥

divārātrau trilokeṣu sadāgatisuto 'vatu
sthitaṃ vrajantamāsīnaṃ pibantaṃ jakṣataṃ kapiḥ

Meaning open with adhikāra · अर्थ अधिकार से

Verse 20

लोकोत्तरगुणः श्रीमान् पातु त्र्यम्बकसंभवः ।
प्रमत्तमप्रमत्तं वा शयानं गहने ऽम्बुनि ॥ २० ॥

lokottaraguṇaḥ śrīmān pātu tryambakasaṃbhavaḥ
pramattamapramattaṃ vā śayānaṃ gahane 'mbuni

Meaning open with adhikāra · अर्थ अधिकार से

Verse 21

स्थले ऽन्तरिक्षे ह्यग्नौ वा पर्वते सागरे द्रुमे ।
संग्रामे संकटे घोरे विराड्रूपधरो ऽवतु ॥ २१ ॥

sthale 'ntarikṣe hyagnau vā parvate sāgare drume
saṃgrāme saṃkaṭe ghore virāḍrūpadharo 'vatu

Meaning open with adhikāra · अर्थ अधिकार से

Verse 22

डाकिनीशाकिनीमारीकालरात्रिमरीचिकाः ।
शयानं मां विभुः पातु पिशाचोरगराक्षसीः ॥ २२ ॥

ḍākinīśākinīmārīkālarātrimarīcikāḥ
śayānaṃ māṃ vibhuḥ pātu piśācoragarākṣasīḥ

Meaning open with adhikāra · अर्थ अधिकार से

Verse 23

दिव्यदेहधरो धीमान्सर्वसत्त्वभयङ्करः ।
साधकेन्द्रावनः शश्वत्पातु सर्वत एव माम् ॥ २३ ॥

divyadehadharo dhīmānsarvasattvabhayaṅkaraḥ
sādhakendrāvanaḥ śaśvatpātu sarvata eva mām

Meaning open with adhikāra · अर्थ अधिकार से

Verse 24

यद्रूपं भीषणं दृष्ट्वा पलायन्ते भयानकाः ।
स सर्वरूपः सर्वज्ञः सृष्टिस्थितिकरो ऽवतु ॥ २४ ॥

yadrūpaṃ bhīṣaṇaṃ dṛṣṭvā palāyante bhayānakāḥ
sa sarvarūpaḥ sarvajñaḥ sṛṣṭisthitikaro 'vatu

Meaning open with adhikāra · अर्थ अधिकार से

Verse 25

स्वयं ब्रह्मा स्वयं विष्णुः साक्षाद्देवो महेश्वरः ।
सूर्यमण्डलगः श्रीदः पातु कालत्रये ऽपि माम् ॥ २५ ॥

svayaṃ brahmā svayaṃ viṣṇuḥ sākṣāddevo maheśvaraḥ
sūryamaṇḍalagaḥ śrīdaḥ pātu kālatraye 'pi mām

Meaning open with adhikāra · अर्थ अधिकार से

Verse 26

यस्य शब्दमुपाकर्ण्य दैत्यदानवराक्षसाः ।
देवा मनुष्यास्तिर्यञ्चः स्थावरा जङ्गमास्तथा ॥ २६ ॥

yasya śabdamupākarṇya daityadānavarākṣasāḥ
devā manuṣyāstiryañcaḥ sthāvarā jaṅgamāstathā

Meaning open with adhikāra · अर्थ अधिकार से

Verse 27

सभया भयनिर्मुक्ता भवन्ति स्वकृतानुगाः ।
यस्यानेककथाः पुण्याः श्रूयन्ते प्रतिकल्पके ॥ २७ ॥

sabhayā bhayanirmuktā bhavanti svakṛtānugāḥ
yasyānekakathāḥ puṇyāḥ śrūyante pratikalpake

Meaning open with adhikāra · अर्थ अधिकार से

Verse 28

सो ऽवतात्साधकश्रेष्ठं सदा रामपरायणम् ।
वैधात्रधातृप्रभृति यत्किञ्चिद्दृश्यते ऽत्यलम् ॥ २८ ॥

so 'vatātsādhakaśreṣṭhaṃ sadā rāmaparāyaṇam
vaidhātradhātṛprabhṛti yatkiñciddṛśyate 'tyalam

Meaning open with adhikāra · अर्थ अधिकार से

Verse 29

विद्धि व्याप्तं यथा कीशरूपेणानञ्जनेन तत् ।
यो विभुः सो ऽहमेषो ऽहं स्वीयः स्वयमणुर्बृहत् ॥ २९ ॥

viddhi vyāptaṃ yathā kīśarūpeṇānañjanena tat
yo vibhuḥ so 'hameṣo 'haṃ svīyaḥ svayamaṇurbṛhat

Meaning open with adhikāra · अर्थ अधिकार से

Verse 30

ऋग्यजुःसामरूपश्च प्रणवस्त्रिवृदध्वरः ।
तस्मै स्वस्मै च सर्वस्मै नतो ऽस्म्यात्मसमाधिना ॥ ३० ॥

ṛgyajuḥsāmarūpaśca praṇavastrivṛdadhvaraḥ
tasmai svasmai ca sarvasmai nato 'smyātmasamādhinā

Meaning open with adhikāra · अर्थ अधिकार से

Verse 31

अनेकानन्तब्रह्माण्डधृते ब्रह्मस्वरूपिणे ।
समीरणात्मने तस्मै नतो ऽस्म्यात्मस्वरूपिणे ॥ ३१ ॥

anekānantabrahmāṇḍadhṛte brahmasvarūpiṇe
samīraṇātmane tasmai nato 'smyātmasvarūpiṇe

Meaning open with adhikāra · अर्थ अधिकार से

Verse 32

नमो हनुमते तस्मै नमो मारुतसूनवे ।
नमः श्रीरामभक्ताय श्यामाय महते नमः ॥ ३२ ॥

namo hanumate tasmai namo mārutasūnave
namaḥ śrīrāmabhaktāya śyāmāya mahate namaḥ

Meaning open with adhikāra · अर्थ अधिकार से

Verse 33

नमो वानरवीराय सुग्रीवसख्यकारिणे ।
लङ्काविदहनायाथ महासागरतारिणे ॥ ३३ ॥

namo vānaravīrāya sugrīvasakhyakāriṇe
laṅkāvidahanāyātha mahāsāgaratāriṇe

Meaning open with adhikāra · अर्थ अधिकार से

Verse 34

सीताशोकविनाशाय राममुद्राधराय च ।
रावणान्तनिदानाय नमः सर्वोत्तरात्मने ॥ ३४ ॥

sītāśokavināśāya rāmamudrādharāya ca
rāvaṇāntanidānāya namaḥ sarvottarātmane

Meaning open with adhikāra · अर्थ अधिकार से

Verse 35

मेघनादमखध्वंसकारणाय नमोनमः ।
अशोकवनविध्वंसकारिणे जयदायिने ॥ ३५ ॥

meghanādamakhadhvaṃsakāraṇāya namonamaḥ
aśokavanavidhvaṃsakāriṇe jayadāyine

Meaning open with adhikāra · अर्थ अधिकार से

Verse 36

वायुपुत्राय वीराय आकाशोदरगामिने ।
वनपालशिरश्छेत्रे लङ्काप्रासादभञ्जिने ॥ ३६ ॥

vāyuputrāya vīrāya ākāśodaragāmine
vanapālaśiraśchetre laṅkāprāsādabhañjine

Meaning open with adhikāra · अर्थ अधिकार से

Verse 37

ज्वलत्काञ्चनवर्णाय दीर्घलाङ्गूलधारिणे ।
सौमित्रिजयदात्रे च रामदूताय ते नमः ॥ ३७ ॥

jvalatkāñcanavarṇāya dīrghalāṅgūladhāriṇe
saumitrijayadātre ca rāmadūtāya te namaḥ

Meaning open with adhikāra · अर्थ अधिकार से

Verse 38

अक्षस्य वधकर्त्रे च ब्रह्मशस्त्रनिवारिणे ।
लक्ष्मणाङ्गमहाशक्तिजातक्षतविनाशिने ॥ ३८ ॥

akṣasya vadhakartre ca brahmaśastranivāriṇe
lakṣmaṇāṅgamahāśaktijātakṣatavināśine

Meaning open with adhikāra · अर्थ अधिकार से

Verse 39

रक्षोघ्नाय रिपुघ्नाय भूतघ्नाय नमोनमः ।
ऋक्षवानरवीरौघप्रासादाय नमोनमः ॥ ३९ ॥

rakṣoghnāya ripughnāya bhūtaghnāya namonamaḥ
ṛkṣavānaravīraughaprāsādāya namonamaḥ

Meaning open with adhikāra · अर्थ अधिकार से

Verse 40

परसैन्यबलघ्नाय शस्त्रास्त्रघ्नाय ते नमः ।
विषघ्नाय द्विषघ्नाय भयघ्नाय नमोनमः ॥ ४० ॥

parasainyabalaghnāya śastrāstraghnāya te namaḥ
viṣaghnāya dviṣaghnāya bhayaghnāya namonamaḥ

Meaning open with adhikāra · अर्थ अधिकार से

Verse 41

महीरिपुभयघ्नाय भक्तत्राणैककारिणे ।
परप्रेरितमन्त्राणां मन्त्राणां स्तंभकारिणे ॥ ४१ ॥

mahīripubhayaghnāya bhaktatrāṇaikakāriṇe
parapreritamantrāṇāṃ mantrāṇāṃ staṃbhakāriṇe

Meaning open with adhikāra · अर्थ अधिकार से

Verse 42

पयःपाषाणतरणकारणाय नमोनमः ।
बालार्कमण्डलग्रासकारिणे दुःखहारिणे ॥ ४२ ॥

payaḥpāṣāṇataraṇakāraṇāya namonamaḥ
bālārkamaṇḍalagrāsakāriṇe duḥkhahāriṇe

Meaning open with adhikāra · अर्थ अधिकार से

Verse 43

नखायुधाय भीमाय दन्तायुधधराय च ।
विहङ्गमाय शर्वाय वज्रदेहाय ते नमः ॥ ४३ ॥

nakhāyudhāya bhīmāya dantāyudhadharāya ca
vihaṅgamāya śarvāya vajradehāya te namaḥ

Meaning open with adhikāra · अर्थ अधिकार से

Verse 44

प्रतिग्रामस्थितायाथ भूतप्रेतवधार्थिने ।
करस्थशैलशस्त्राय रामशस्त्राय ते नमः ॥ ४४ ॥

pratigrāmasthitāyātha bhūtapretavadhārthine
karasthaśailaśastrāya rāmaśastrāya te namaḥ

Meaning open with adhikāra · अर्थ अधिकार से

Verse 45

कौपीनवाससे तुभ्यं रामभक्तिरताय च ।
दक्षिणाशाभास्कराय सतां चन्द्रोदयात्मने ॥ ४५ ॥

kaupīnavāsase tubhyaṃ rāmabhaktiratāya ca
dakṣiṇāśābhāskarāya satāṃ candrodayātmane

Meaning open with adhikāra · अर्थ अधिकार से

Verse 46

कृत्याक्षतव्यथाघ्नाय सर्वक्लेशहराय च ।
स्वाम्याज्ञापार्थसंग्रामसख्यसंजयकारिणे ॥ ४६ ॥

kṛtyākṣatavyathāghnāya sarvakleśaharāya ca
svāmyājñāpārthasaṃgrāmasakhyasaṃjayakāriṇe

Meaning open with adhikāra · अर्थ अधिकार से

Verse 47

भक्तानां दिव्यवादेषु संग्रामे जयकारिणे ।
किल्किलाबुबुकाराय घोरशब्दकराय च ॥ ४७ ॥

bhaktānāṃ divyavādeṣu saṃgrāme jayakāriṇe
kilkilābubukārāya ghoraśabdakarāya ca

Meaning open with adhikāra · अर्थ अधिकार से

Verse 48

सर्वाग्निव्याधिसंस्तंभकारिणे भयहारिणे ।
सदा वनफलाहारसंतृप्ताय विशेषतः ॥ ४८ ॥

sarvāgnivyādhisaṃstaṃbhakāriṇe bhayahāriṇe
sadā vanaphalāhārasaṃtṛptāya viśeṣataḥ

Meaning open with adhikāra · अर्थ अधिकार से

फलश्रुतिःThe fruit of reciting it

Verse 49

महार्णवशिलाबद्धसेतुबन्धाय ते नमः ।
इत्येतत्कथितं विप्र मारुतेः कवचं शिवम् ॥ ४९ ॥

mahārṇavaśilābaddhasetubandhāya te namaḥ
ityetatkathitaṃ vipra māruteḥ kavacaṃ śivam

Meaning open with adhikāra · अर्थ अधिकार से

Verse 50

यस्मै कस्मै न दातव्यं रक्षणीयं प्रयत्नतः ।
अष्टगन्धैर्विलिख्याथ कवचं धारयेत्तु यः ॥ ५० ॥

yasmai kasmai na dātavyaṃ rakṣaṇīyaṃ prayatnataḥ
aṣṭagandhairvilikhyātha kavacaṃ dhārayettu yaḥ

Meaning open with adhikāra · अर्थ अधिकार से

Verse 51

कण्ठे वा दक्षिणे बाहौ जयस्तस्य पदे पदे ।
किं पुनर्बहुनोक्तेन साधितं लक्षमादरात् ॥ ५१ ॥

kaṇṭhe vā dakṣiṇe bāhau jayastasya pade pade
kiṃ punarbahunoktena sādhitaṃ lakṣamādarāt

Meaning open with adhikāra · अर्थ अधिकार से

Verse 52

प्रजप्तमेतत्कवचमसाध्यं चापि साधयेत् ॥ ५२ ॥

prajaptametatkavacamasādhyaṃ cāpi sādhayet

Meaning open with adhikāra · अर्थ अधिकार से

इति श्रीबृहन्नारदीयपुराणे पूर्वभागे बृहदुपाख्याने तृतीयपादे हनुमत्कवचनिरूपणं नामाष्टसप्ततितमोऽध्यायः ।

Terms on this page

Hanuman हनुमान The monkey-god devotee of Rama, widely worshipped for strength, courage, and protection from black magic and negative influences.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras